Vice Ganda Awang-Awa Sa Sinapit Ni Awra Briguela Matapos Makulong?

 Trending ngayon sa ilang mga social media platforms at ilang entertainment sites ang video clips ng pakikipagrambulan ni Awra Briguela sa ilang mga kalalakihan sa labas ng isang bar sa Poblacion, Makati.

Agad namang rumesponde ang mga pulis upang maawat sila na nagrarambulan at isinakay sa patrol.

Ayon sa aming nakalap na impormasyon sa pinag-ugatan ng kanilang diskusyon, hinupuan at binastos umano ng ilang kalalakihan ang mga kaibigan ni Awra Briguela.

Agad umano niya itong kinausap subalit hindi nauwi sa maayos ang lahat na naging dahilan ng kanilang rambulan.

Sa kabilang banda, kumakalat naman ngayon sa social media ang mugshot ni Awra Briguela, patunay na sinampahan ito ng kaso at may posibilidad na tuluyang makukulong.

Naglabas naman ng pahayag ang ilang mga kaibigan ni Awra at ipinagtatanggol ito laban sa bumabatikos sa kanya.

Ayon pa sa kaibigan ni Awra, napakabuting tao ni Awra Briguela at palagi umano itong dumidepensa at nagtatanggol sa kanyang mga kaibigan. 'Yun nga lang naka-tsamba ngayon si Awra at mali ang kanyang ipinagtanggol dahil bigla na lamang umanong naglaho ang mga ito nang magkagulo na.

Iniwan umano ng mga kasama si Awra lalo na noong dumating na ang mga pulis. Kaya naman wala nang kasama si Awra nang dalhin ito ng mga pulis sa estasyon.

Samantala, inaabangan naman ngayon ng ilang mga netizens ang magiging pahayag ni Vice Ganda na kilalang malapit kay Awra Briguela.

Awra Briguela nasali sa rambulan sa Poblacion kaya ayun — pinosasan?!

📹: @limetedryuu on IG

Follow thread for Part 2. pic.twitter.com/TTqGysJMXq

— supernegatrona AKA pink 5 (@supernegatrona) June 29, 2023

Awra Briguela, Nakipagrambulan Sa Club! Pinusasan!

 Usap-usapan ngayon sa ilang mga social media platforms at ilang mga entertainments sites ang mga video clips na kuha umano mula sa pagrarambulan ng dalawang grupo sa Poblacion, Makati kung saan kasama sa dalawang grupo ang social media personality na si Awra Briguela.

Sa sunod-sunod na video clip na ibinahagi ng isang Twitter user ang nangyaring rambulan ng dalawang grupo sa labas ng The Bothole Bar sa Poblacion, Makati City.

Agad naman rumesponde ang mga otoridad upang maawat ang dalawang grupo. Kitang-kita naman sa ilang parte ng video ang tila pagpupumiglas ni Awra sa hawak ng mga pulis habang isinasakay sa mobile car.

Nakunan pa sa video ang paglalagay ng posas sa mga kamay ni Awra.

Ayon sa mga komento ng mga netizens, hinaharass umano ng mga kalalakihan ang mga kaibigan ni Awra kaya ito nakipag-away.

"AWRA’S FRIENDS WERE HARASSED, HINUPUAN YUNG MGA KAIBIGAN NIYANG BABAE AND ALAM NI AWRA NA HINIPUAN NG GUY YUNG MGA FRIENDS NI AWRA SO KINAUSAP NI AWRA YUNG GUY PERO NAGKAINITAN SILA TAPOS BIGLA RAW SINUNTOK NUNG GUY SI AWRA AND DOON NA RAW NAGSIMULA YUNG GULO..."

Samantala, wala pang inilalabas na statement si Awra Briguela hinggil sa usaping ito. Hindi pa rin malinaw kung ano ang pinagmulan ng kanilang kaguluhan.

Awra Briguela nasali sa rambulan sa Poblacion kaya ayun — pinosasan?!

📹: @limetedryuu on IG

Follow thread for Part 2. pic.twitter.com/TTqGysJMXq

— supernegatrona AKA pink 5 (@supernegatrona) June 29, 2023

Herlene Budol Gusto Nang Sumuko Sa Miss Grand International Dahil Sa Natatanggap Na Bashing

 Inamin ng actress-beauty queen na si Herlene Budol sa kanyang guesting sa Fast Talk with Boy Abunda na muntik na sumuko sa Miss Grand International pageant dahil sa matinding pambabatikos na natanggap niya matapos ang palpak na sagot niya sa Miss Grand International sashing ceremony.

Bagama't pinagbabawalan, hindi pa rin napigil ni Herlene ang kanyang sarili at nagbabasa pa rin ng komento sa social media. Dahil sa mga matitinding pambabash, hindi na umano naiwasan ni Herlene na isiping sumuko na lang sa kompetisyon, sa kawalan ng kumpyansa sa kanyang sarili.

“Umabot sa punto na hindi ako nakakatulog, hindi ako nakakapag-cellphone, dinelete ko lahat ng apps ko sa cellphone ko at hindi na ako kumakain din ng two days. First time po kasi na ganu’n kadami,” pagsisiwalat ni Herlene Budol.

Hindi na umano naipagtatanggol ni Herlene ang kanyang sarili sa mga natatanggap na bashing ngayon dahil may katotohanan ang mga isyung binabato sa kanya.

Hindi na umano ito katulad noong na isyu siyang nabuntis ni Willie Revillame na naipagtatanggol niya ang kanyang sarili dahil hindi naman ito totoo.

“Pero dito kasi, hindi ko maipagtanggol ‘yung sarili ko kasi alam kong mali lahat ng sagot ko nga raw po.

“Nababasa ko lahat ng comments, sabi ko nga sa kanila, ‘Ang galing niyong mam-bash. Naapektuhan ako.’ ‘Yung mental health ko, zero talaga,’” pahayag ni Herlene.

Dagdag pa niya, “Naisip ko rin ho, kung mag-back out ho ako rito, parang sinabi ko ho sa kanila na ‘yung inspirasyon na sinasabi ko, mawawala, magiging back to zero ‘yung inspirasyon nila.”

Subalit ayon kay Herlene, napagtanto niyang ituloy ang laban para sa mga taong patuloy na naniniwala sa kanya.

“Kung lumaban po ako ngayon, win or lose Tito Boy, kahit lumaban ako ngayon, matalo o manalo ako, at least ‘yung tinatawag nilang inspirasyon, lumalaban lang hanggang dulo.”

“Para sa akin naman po seryoso naman po ako roon sa ginagawa kong ito. Pero hindi ko ho talaga maintindihan ‘yung tanong. Hindi ko ho alam kung bakit kahit sanay naman akong tanungin nang tanungin ng maraming tao.

“Siguro ho noong time na ‘yun wala akong tulog, wala akong kain. Pero hindi ‘yun reason para hindi ako makasagot. Siguro nga ho dahil tinawag na nila akong ‘bobo,’ ‘tanga,’ okay lang po,” pagbibigay paliwanag pa ni Herlene.

Muli ring ipinahayag ni Herlene na pagbubutihan pa niya ang pagsagot sa susunod at sisikapin na gagawin ang kanyang best.

Cristy Fermin, Nagbigay Ng Komento Sa Interview Ni Ricci Rivero

 Usap-usapan pa rin ngayon sa iba't-ibang social media platforms ang nangyaring interview ni Ricci Rivero sa Fast Talk with Boy Abunda.

Maging ang veteran showbiz columnist na si Manay Cristy Fermin ay nagbigay na rin ng kanyang saloobin at komento sa mga isiniwalat ni Ricci Rivero.

Matatandaan na sa guesting ni Ricci sa Fast Talk With Boy Abunda sinagot at inilabas niya nag kanyang side sa nangyaring hiwalayan nila ng aktres na si Andrea Brillantes.

Ayon kay Ricci Rivero, magsasalita na siya dahil hindi na niya nakayanan ang mga pambabatikos sa kanya at sa kanyang pamilya na dinadamay na umano ng mga fans ni Andrea.

Muli din niyang pinabulaanan ang pagkakadawit sa pangalan ni Leren Mae Bautista sa naging break up nila ni Andrea. Maging ang sinasabing babaeng nadatnan ni Andrea sa condo ay nilinaw din ni Ricci Rivero.

Ayon kay Ricci Rivero, totoong may babae na nadatnan si Andrea sa loob ng kanyang pamamahay pero hindi umano sa kanya ang babae kundi sa kanyang kaibigan.

Isiniwalat din ni Ricci ang ilang pribadong detalye sa relasyon nila ng aktres kagaya na lamang sa pagsasama nilang pagtulog sa kanilang bahay at sa bahay nila ni Andrea.

Samantala, nagbigay naman ng komento si Manay Cristy Fermin sa ginawang interview ni Ricci at mga detalyeng isiniwalat niya rito.

"Gustong mag-showbiz kaya nagpapakontrobersiyal si Ricci Rivero,” pagbabasa ni Manay Cristy Fermin sa komento ng mga netizens sa naging interview ni Ricci kay Boy Abunda.

Agad naman niya itong sinigundahan dahil lumalabas umanong ito talaga ang totoong pakay ni Ricci Rivero sa kanyang interview.

“Eksakto ‘to. Mahilig humarap sa kamera. Para sa kanya siguro, mas malaking mileage kapag siya ang nauna,” paglalahad pa ni Cristy Fermin.

Herlene Budol, Tinuruan Si Boy Abunda Na Mag Lato-Lato

 Viral ngayon sa social media ang kuhang video mula sa guesting ni Herlene Budol sa programang Fast Talk with Boy Abunda.

Habang nasa commercial break, ang nasabing show ay inaliw muna ni Herlene Budol si Boy Abunda sa pamamagitan ng pagtuturo rito kung paano maglaro ng lato-lato.

Makikita naman sa nasabing video, na talagang seryoso naman si Tito Boy sa pakikinig kay Herlene Budol.

“Lato Lato tayo Tito,” caption ni Herlene Budol sa kanyang post.

Agad naman itong umani ng samu't-saring komento mula sa mga netizens.

"Bakit tatlo yung ulo ng lato lato na hawak ni tito boy?"

"Mahirap din laroin lato lato na yan"

"Sabayan mo Ng kaldag Herlene Hipon Budol "

"Basta kay Ms Herlene walang dull moment! Enjoy lang!"

Samantala, sa nasabing guesting ni Herlene Budol sa programa ni Tito Boy sinagot ng actress beauty queen ang ilang mga isyu kabilang na ang umano'y pang dodogshow niya sa press conference ng Miss Grand International.

Matatandaan na nakatanggap ng matinding bashing si Herlene Budol matapos ang pagkakamali niya sa Q and A portion sa Miss Grand International Sashing Ceremony.

Nauna nang humingi ng tawad si Herlene sa lahat ng kanyang mga followers at ipinangakong gagalingan pa niya sa susunod upang makabawi naman sa kanyang mga fans.

Netizens Nalula Sa Pasabit at Regalo Ni Rosmar Tan!

 Marami ang nalula at napapasana-all sa ginawang pasabit ng TikToker at CEO na si Rosmar Tan.

Kamakailan lamang ay naganap ang kasal ng kapatid ni Rosmar na si Razzel Penamora Tan at isa sa mga inaabangan sa nasabing okasyon ay ang ibibigay niyang regalo sa bagong kasal.

Hindi naman lingid sa kaalaman ng lahat na sa bawat kasalang dinadaluhan ni Rosmar Tan ay palaging pasabog at engrande ang kanyang ibinibigay na mga regalo.

Kagaya na lamang noong kasal ng social media personality na si Siliqueen. Si Rosmar at ang kanyang mister na si Nathan ang isa sa mga naging sponsor sa kasal nito. Kung saan nagbigay lang naman ito ng 200,000 cash bilang pasabit sa bagong kasal.

Samantala, noong kasal naman ng kanyang personal assistant na si Sairah Ilustre ay nagsabit naman siya ng tumatagingting na 500,000 cash. Bukod rito, binigyan din niya ng free honeymoon ang bagong kasal sa ibang bansa.

Kaya naman sa kasal ng kanyang kapatid, inaabangan ng kanyang mga followers kung ano ang kanyang ibibigay at kung gaano itong kabongga.

Kaya naman ng ibinahagi ni Rosmar sa kanyang Facebook page ang kanyang ibinigay na pasabit para sa kanyang kapatid na tinatayang umaabot sa isang milyon, ay napa sana all na lamang ang lahat.

Subalit, hindi pa natatapos ang pasabog ni Rosmar dahil binigyan pa niya ito ng isang brand new car.

Studio Ng TVJ Sa TV5 Handang-Handa Na Buong Cast Nagpamisa

 Handang-handa na ang studio ng TVJ sa TV5 sa kanilang pagbabalik sa ere sa darating na July 1, 2023. Base sa ibinahaging larawan ng mga legit dabarkads sa kanilang Facebook page nitong June 29, makikitang na halos kumpleto na ang preparation sa kanilang studio.

Marami na rin ang nag-aabang sa pag-uumpisa ang show ng mga legit dabarkads lalo pa't nauna nang ipinahayag ng mga ito na may maraming surpresa at papremyo ang ibibigay sa kanila.

Samantala, base sa ibinahaging update ng mga legit dabarkads makikitang naisagawa na rin ang unang mesa sa kanilang studio bilang pasasalamat at paghiling ng gabay sa kanilang panibagong journey sa pagbabalik nila sa telebisyon.

Kumpleto naman sa nasabing event ang mga legit dabarkads kasama ang kani-kanilang pamilya upang ipakita ang pagsuporta sa kanila.

"TVJ and the Legit Dabarkads during the mass and blessing of our new home!" caption ng TVJ sa kanilang post.

Agad namang nagbigay ng pagsuporta ang mga netizens at ipinahayag ang kanilang pagbati para sa mga ito.

"ang galing talaga mag market ng mga staff ng eat bulaga/tvj. di kagaya nung iba gayagaya lang. sinasakyan ang ingay ng tvj. kaya masasabi talaga na sila tagala ang liget/og dabarkads sa noontime show kahit anu, sino itapat walang tatalo."

"Hopefully bago mag44th Anniversary ay makalipat kayo sa bigger studio para mas madaming Dabarkads ang makisaya sa bawat tanghalian."

"Kapanapanabik at kaabang-abang ang pagbabalik ninyo ORIGINAL EAT BULAGA Dabarkads☺️❤️ Legit EB Dabarkads kami. God Bless and Goodluck"

Sa kabilang banda, naganap naman nitong June 28, 2023 ang contract signing sa pagitan ng ABS-CBN at GMA para sa pagpapalabas n It's Showtime sa GTV, isang subsidiary channel ng GMA7.

Matatandaan na nauna nang naiulat na ibinigay ng TV5 ang timeslot ng It's Showtime sa show ng mga legit dabarkads sa pamumuno ng TVJ, na naging dahilan kung bakit umalis na lamang sa TV5 ang It's Showtime at lumipat sa GTV.

Vice Ganda Gustong Maging Guest Sa Programa Ni Jessica Soho Sa GMA

 Sa pagtatrabaho ngayon ng Unkabogable Star na si Vice Ganda under GMA7 dahil sa pagpapalabas ng It's Showtime sa GTV, hindi napigil ng ilang netizens na ma-curious kung magkakatagpo ba sila ng journalist na si Jessica Soho.

Hindi naman lingid sa kaalaman ng lahat na naging mainit ang isyu nang pang-ookray ni Vice Ganda noon kay Jessica Soho kung saan ikinumpara nito si Jessica sa isang lechon.

Agad namang humingi ng paumanhin si Vice Ganda kay Jessica Soho at ipinuntong nagbibiro lamang siya. Inamin din ni Vice na tila sumubra nga ang kanyang biro.

Agad naman itong sinagot ni Jessica Soho sa pamamagitan ng isang statement.

“I acknowledge the public apology given by Vice Ganda, by way of his TV program. I sincerely hope and pray that this was done with the purest intentions and determination to put this issue behind us.”

Samantala nitong June 28, 2023, naganap na ang contract signing sa pagitan ng dalawang malaking networks na ABS-CBN at GMA sa pagpapalabas ng It's Showtime sa isang subsidiary channel ng GMA7, sa GTV.

Sa naganap na contract signing, ipinahayag ni Vice Ganda na makikita siya sa ilang mga GMA shows para sa promotion ng kanilang show.

Ipinahayag din ni Vice Ganda, na may isang partikular siyang programa na nais niyang mapuntahan.

“Napag-usapan namin ni Tita Cory, kasi siyempre magpu-promote. Sabi ko, meron lang akong request, since maggi-guest tayo sa ibang GMA shows, puwede ko bang i-request na mag-guest ako sa programang ito. Gusto ko lang lumabas sa programang ito, kung uubra lang,” saad ni Vice Ganda.

Bagama't hindi naman tinukoy ni Vice Ganda ang partikular na programa na nais niyang mapuntahan, hinuha ng mga netizens na ito'y walang iba kundi ang programa ni Jessica Soho.

Xyriel Manabat Nagparetoke Ng Ilong! Ang Ganda Niya!

 Usap-usapan ngayon sa social media ang kumakalat na larawan ng Dirty Linen actress na si Xyriel Manabat.

Kapansin-pansin umano ang tila malaking pagbabago sa mukha ni Xyriel Manabat. Bukod sa pagiging fresh looking ay nagmukha nang mas mature si Xyriel kumpara sa dating niyang itsura na mas mukhang bata at mala-teenager ang pa ang dating.

Agad namang umani ng samu't-saring komento mula sa mga netizens ang larawang ito ng aktres. Marami ang nagsasabing nagpagawa ito ng ilong upang mas maenhance pa ang ganda nito.

Gayunpaman, hindi pa rin maiwasan na may mga taong nambabash rito, ayon sa kanila bakit kailangan pang magparetoke ni Xyriel gayung hindi naman umano ito kailangan dahil dati na siyang maganda.

Sa kabilang banda, marami naman sa mga fans ni Xyriel ang lalo pang nagandahan sa kanya ngayon. Pinayuhan din nila ang aktres na huwag na lamang pansinin ang mga bashers.

Ipinunto pa ng kanyang mga fans na walang masama sa kanyang desisyon dahil nakakatulong naman umano ito sa kanyang trabaho. As long as wala siyang tinatapakang tao sa kanyang pagpapaganda.

Samantala, hindi pa nagbibigay ng official statement si Xyriel Manabat patungkol sa kanyang pagpaparetoke.

GMA7 Nilaglag Ang Jalosjos! Naisahan Sa Plano! Tape Inc. Labis Ang Pagsisisi!

 Tila naisahan umano ang TAPE Inc. ng GMA7 ng pinatuloy nila sa kanilang subsidiary channel ang dating katapat ng Eat Bulaga sa TV5 na It's Showtime.

Ito rin ang paniniwala ng veteran showbiz columnist na si Manay Cristy Fermin. Tila hindi umano inakala ng mga Jalosjos na siyang namumuno ngayon sa TAPE Inc. na ang dating number one competitor nila ay magiging kabakuran na nila.

Pakiramdam umano ngayon ng TAPE na nilalaglag sila ng GMA7.

Sa kamakailan episode ng kanilang YouTube vlog, ipinahayag ni Manay Cristy Fermin na talagang maaapektuhan ang Eat Bulaga ng mga Jalosjos sa desisyong ito ng GMA7 lalo pa't magkatulad pa rin sila ng timeslot ng It's Showtime.

“Hindi mo aakalain na ‘yung naganap na rigodon may inside job. Hindi akalain ng mga Jalosjos na eh hindi naman pala Tito, Vic and Joey and kalaban natin eh, dito pala sa loob mismo ng bakuran eh, ipinangsabong sa atin. Parang naisahan kami!” prangkang pahayag ni Manay Cristy Fermin.

Maging ang ilang mga Kapuso fans ay hindi rin makapaniwala sa ginawang desisyon ng GMA7 hinggil sa pagkuha sa It's Showtime. Marami rin ang naniniwalang maari ngang palitan ng It's Showtime ang Eat Bulaga sa GMA7.

“Hindi po namin maintindihan sa totoo lang kahit mga kapwa Pilipino na nakakausap namin hindi nila makuha-kuha ang punto kung bakit tinanggap ng GMA-7 sa kanilang GTV ang ‘It’s Showtime’ para makalaban sa umuupa sa kanilang bahay.”

“Parang sila mismo ang naglagay ng makakalaban,” dagdag pa ni Cristy Fermin.

Ricci Rivero Ibinulgar Na Nagli-Live in Na Sila Noon Ni Andrea Brillantes, Mga Fans Disappointed

 Ikinagulat ng mga netizens at fans ni Andrea Brillantes ang mga isiniwalat ni Ricci Rivero sa kamakailan episode ng Fast Talk With Boy Abunda.

Kung saan isiniwalat niyang minsan ay nagli-live in na sila ng aktres. Minsan lamang umano silang natutulog na magkasama dahil pinagbabawalan sila ng ina ni Andrea Brillantes.

Sinabi din ni Ricci na may mga gabi na doon siya natutulog sa bahay nila ni Andrea at minsan naman ay si Andrea ay pumupunta sa kanya at magkasama nga silang matutulog.

Lalo namang nadisappoint ang ilang mga netizens at fans kay Ricci Rivero dahil sa pagsisiwalat nito ng mga pribadong pangyayari gayung maari itong makasira sa image ng aktres lalo pa't hindi naman lingid sa kaalaman ng lahat na marami itong mga bashers.

Ayon sa mga netizens, talagang hindi mapagkakatiwalaan itong si Ricci dahil isisiwalat niya ito sa lahat sakaling magkagipitan na.

Maging si Andrea Brillantes ay tila nagalit din kay Ricci Rivero dahil in-unfollow na nito ang dating nobyo sa Instagram.

Tingin din ng ilang mga netizens na talagang ginagamit lamang ni Ricci Rivero si Andrea para maging matunog din ang kanyang pangalan, tila wala rin umano itong pagmamahal sa aktres dahil hindi man lang nito inisip ang reputasyon ni Andria Brillantes at ang pinangangalagaan nitong pangalan sa industriya.

Eat Bulaga ng TAPE Inc. Pinatalbog ng Pagkain ng Tanghalian Nina Allan K at Carren Eistrup

 Hindi pa man nag-uumpisa ang show ng TVJ sa TV5, tinalbugan na ng live streaming ng ilang legit dabarkads ang live stream ng revamped Eat Bulaga ng TAPE Inc.

Noong June 27, naglive sina Allan K at Carren Eistrup para makipag-usap sa mga fans habang nananghalian.

Nagbigay rin sila ng update sa mga pinagkakaabalahan nila ngayon habang hindi pa nagsisimula ang kanilang show. Ayon kay Allan K busy sila ngayon sa pagrerecord ng mga kanta na gagamitin nila sa kanilang upcoming show.

“Excited na excited na kami, ang aga naming gumising sa call time na 9AM para sa recording,” pahayag ni Allan K.

Makikita rin sa kanilang stream si Wally Bayola na bumati rin sa kanilang mga fans.

Agad na tumabo sa mahigit 600,000 views ang kanilang live.

Samantala sa parehong oras, naglive stream din ang Eat Bulaga ng TAPE Inc. sa mga account nina Isko Moreno at Paolo Contis.

Nakuha naman ng 47K views ang live sa account ni Paolo Contis na may mahigit 1.6 million followers, habang 78K views naman sa account ni Isko Moreno na may mahigit 5 million followers.

Naniniwala naman ang mga netizens na lalo pang bababa ang rating ng Eat Bulaga sakaling babalik na sa pag-ere ang legit dabarkads kasama ang iconic trio na TVJ.

Rebelasyon! Mga Hosts Ng It's Showtime Ibinunyag Sa Publiko Kung Anong Klaseng Mga Host Ang TVJ!

 May kanya-kanyang reaction ang mga host ng It's Showtime sa kanilang pagkakalipat sa GTV dahil ibinigay ng TV5 ang kanilang timeslot sa kakalipat lamang na TVJ.

Sa kabilang banda, excited naman ang mga hosts ng It's Showtime na mapapanood na rin sila sa GTV isang subsidiary channel ng GMA7.

Ayon kina Ogie Alcasid at Vhong Navarro, bagama't nakakagulat umano ang nangyari, malaki pa rin ang kanilang pasasalamat dahil tinanggap sila ng GTV matapos ang pagtatapos ng kanilang kontrata sa TV5.

"Syempre masaya pa rin dahil meron ulit nagpatuloy sa amin na bagong tahanan para maipagpatuloy natin ang anumang nasimulan natin 13 years ago," pahayag ni Vhong Navarro.

Dagdag naman ni Ogie Alcasid, "Ang bottomline 'jan ang madlang pipol ang dapat nating pasayahin. So ang mga panahon na nag-aalinlangan tayo, di natin alam kung saan tayo pupunta. Nakakatuwa na mayroon na kaming bagong bahay."

Inamin din nila na noong June 20 nang malaman na lilipat na sila sa GTV ay totoong nagulat sila. Amindado rin si Vhong Navarro na talagang kinabahan siya nang magmeeting sila at isiniwalat ng management na may magaganap na pagbabago sa kanilang show.

Gayunpaman, malaki pa rin ang kanilang pasasalamat sa TV5 dahil sa pagtanggap umano sa kanila noong wala rin silang tahanan na matutuluyan.

Maging si Karylle ay naglabas rin ng kanyang saloobin sa nangyaring pagkakalipat nila sa GTV. Nakakabuti rin umano ito upang makita ang kanilang show sa mas malawak pang audience.

Reaction Ni Andrea Brillantes Sa Interview Ni Ricci Rivero

 May napansin ang ilang mga netizens sa social media account ng aktres na si Andrea Brillantes matapos lumalabas ang kamakailang panayam kay Ricci Rivero sa isang episode ng Fast Talk with Boy Abunda.

Sa nasabing panayam, tinapos ng basketball player na si Ricci Rivero ang kanyang pananahimik sa nangyaring hiwalayan nila ng aktres na si Andrea Brillantes.

Ayon kay Ricci kung siya lamang ang naapektuhan ay kaya pa niyang tiisin ang lahat, subalit nadadamay na rin umano maging ang kanyang pamilya.

Kalakip ng pag-amin ni Ricci ng hiwalayan nila ni Andrea Brillantes ay ang samu't-saring isyu at intriga sa naging totoong dahilan ng lahat.

May mga nagsasabing nahuli umano si Ricci na may kasamang babae sa kanyang condo na tila may kakaibang ginawa. May nagsasabi ring ipinagpalit ni Ricci Rivero si Andrea Brillantes sa isang bading.

Nadawit rin ang pangalan ng beauty queen-politician na si Leren Mae Bautista sa hiwalayan ng dalawa kasunod ng pagkalat sa kanilang larawan na magkasama sa isang outreach event sa mismong kaarawan ni Ricci Rivero.

Kaya naman sa kamakailang episodes ng Fast Talk with Boy Abunda sinagot lahat ni Ricci ang mga nasabing isyu.

Aminado naman si Ricci na may nadatnan ngang babae si Andrea sa kanyang unit ang babae umanong ito ay hindi sa kanya at sa kanyang kaibigan.

Nilinaw din ni Ricci na wala silang relasyon ni Leren Mae Bautista, lalong-lalo na sa isang bading.

Samantala, matapos ang interview napansin ng mga netizens na hindi na naka-follow si Andrea sa Instagram account ni Ricci Rivero.

Ilang saglit lamang ay naka-unfollow na rin si Ricci sa IG account ni Andrea Brillantes.

Dahil dito naghinala ang mga netizens na baka nagalit si Andrea sa mga pagsisiwalat ni Ricci lalo na sa impormasyong nagli-live in na silang dalawa.

ABS-CBN It's Showtime at GMA Executives Nagpirmahan Ng Kontrata, Network W@rs Nagtapos Na

Naganap na ngayong araw ng myerkules June 28, 2023 ang contract signing sa pagitan ng ABS-CBN at GMA Executives  para sa pagpapalabas ng Kapamilya show na It's Showtime sa GTV isang subsidiary channel ng GMA7 sa darating na July 1, 2023.

Naroroon din sa nasabing contract signing ang mga It's Showtime hosts upang magbigay ng kani-kanilang mga mensahe.

Samantala, ayon kina Iya Villania at Robi Domingo na nagsilbing host sa nasabing event, magtatapos na ang matagal ng network wars sa pagitan ng ABS-CBN at GMA7 na nagsisilbing malalaking TV network sa bansa.

Sa kabilang banda, inilabas na ni Vice Ganda ang kanyang saloobin sa pagkakalipat ng kanilang show sa GTV matapos ang mahigit isang taon nitong pananatili sa TV5.

Gayunpaman, nilinaw ni Vice Ganda na wala siya sama ng loob sa TV5 sa pagbibigay sa kanilang timeslot sa TVJ dahil naiintindihan naman umano niya ang sitwasyon.

Sa kabilang banda, positibo ngayon ang ilang mga netizens na sa nagaganap na collaboration ng dalawang malaking networks sa bansa ay tuluyan nang matitigil ang nagaganap na network wars.

Toni Fowler, Binalikan Ang Pagiging Dancer Noon Sa It's Showtime

 Hindi napigil ni Toni Fowler ang kanyang emosyon nang muling makabalik sa It's Showtime stage kamakailan.

Ayon lay Toni Fowler, labis siyang nasisiyahan dahil nabigyan siyang muli ng pagkakataon na makapagperform sa It's Showtime. Labis din ang kanyang pasasalamat sa Madlang Pipol sa walang tigil na pagsuporta sa kanya.

Hindi rin napigil ni Toni Fowler ang kanyang emosyon ng maalala niya ang kanyang pagiging back up dancer noon sa It's Showtime sa loob ng tatlong taon.

Matapos ang kanyang performance, nagbahagi ng isang throwback photo si Toni Fowler kung saan makikita ang group picture nila ng kanyang mga dating kasamahang back up dancers ng nasabing show.

Halos hindi rin umano niya akalain na dati ay back up dancer lamang siya sa It's Showtime at babalik siya sa It's Showtime bilang artista.

"Walang paglagyan yung saya ng puso ko na makapag sayaw ulit ako sa Showtime. Naalala ko noon 300 pesos lang per day ang sahod ko Nagtyaga ako ng tatlong taon dahil mahal ko ang trabaho ko at masaya akong magpasikat noon pa man"

James Yap Masayang Ibinahagi Ang Unang Pag-uusap Nila Ni Bimby Matapos Ang Ilang Taon

 Masayang ibinahagi ng basketball player na si James Yap ang unang conversation nila ng anak niya kay Kris Aquino na si Bimby Aquino matapos ang ilang taon na wala silang komunikasyon sa isa't-isa.

Matatandaan na ibinahagi noon ng Queen Of All Media na si Kris Aquino na nag first move na ang kanyang anak na si Bimby para makausap ang ama noong Father's Day.

“Yesterday Father’s Day, my bunso made me proud – he’s had the number to contact for almost a week, and the reluctance was so real, yet he took the 1st step towards rebuilding a relationship that i know will require some time to repair PERO ang mahalaga ay nagsimula na…” pagbabahagi pa noon ni Kris Aquino.

Samantala sa isang panayam kay James Yap, ipinahayag niya na walong pagsidlan ang kanyang tuwa dahil nakausap na muli niya ang anak matapos ang ilang taon nilang nag-uusap at nagkikita sa personal.

“I’ve been praying for this day to come. Na-miss ko sobra si Bimb! It’s the best Father’s Day gift ever. He said that he is looking forward to seeing his brother MJ again and meet his sister Francine soon. He wished me luck in my new career as a public servant,” pagbabahagi pa ni James.

Labis ang tuwa ngayon ni James lalo na't si Bimby mismo ang nagfirst move para makuntak siya. Matatandaan na noong 2021 hayagang ipinahayag ni Bimby na hindi siya nababahalang hindi niya nakakausap ang ama dahil sapat na umano sa kanya ang kanyang ina.

Inamin din ni Bimby na may tampo siya sa kanyang ama dahil hindi umano siya nito tinatawagan kahit alam naman umano nito ang kanyang number.

O di kaya ay hindi naman mahirap para sa kanyang ama na makakuha ang kanyang contact information.

“I have a phone, and it just takes like 10 digits s keypad to call me, e, hindi niya ginawa in ilang years,” saad ni Bimby.

Samantala, pinabulaanan naman ni Kris Aquino na siya ang dahilan ng hindi pag-uusap ng ama dahil pinagbabawalan niya ang kanyang anak.

Ogie Diaz Pinangaralan Si Luis Hontiveros Sa Naging Jopay Performance Nito Sa Pagadian City

 Viral at umaani ng samu't-saring pambabatikos ang naging performance ng actor-model na si Luis Hontiveros sa Ms. Pagadian City 2023 noong nagdaang June 19, 2023 sa kanyang pagkanta sa hit song na Jopay.

Marami ang nagsasabi na tila hindi naman pinaghandaan ni Luis ang kanyan performance dahil wala sa tono ang kanyang pagkanta at napaka-unprofessional umano nito dahil hindi niya pinaghandaan ang nasabing event.

Nakadagdag pa sa isyu ang kanyang mainit na bwelta sa kanyang mga bashers at tila iginiit niyang maganda at naging maayos ang kanyang performance taliwas sa mga komento ng kanyang mga bashers.

“Si Mayor Sammy Co and his family mismo ang nag-cheer niyan. maka-react kayo, akala nyo kasali kyo sa live event namin hahaha. Inggit pikit,” pahayag ni Luis.

Dagdag pa niya, “Di naman kayo pinilit na manood pero honestly guys, to all my bashers, thank you so much for this! You guys are the best!”

Samantala, maging ang talent manager at showbiz insider na si Ogie Diaz ay nagbigay na rin ng kanyang saloobin sa isyung kinakaharap ngayon ni Luis.

Ipinunto pa ni Ogie Diaz ang responsibilidad ng mga performer na paghandaan ang kanilang performances mapa-concert man ito mga out of town gig.

Pinayuhan din ni Ogie Diaz ang lahat ng mga performer na dapat nilang ayusin ang kanilang mga performance sa mga raket-raket upang makaulit pa o ma-hire naman ng iba na nakapanood sa kanya.

“Next time ha. ‘Yung mga performers na tumatanggap ng out of town shows. Alam niyo, raket ‘yan. Masakit na nga ngayon sa tenga ‘pag sinabi mong raket e. Pero dapat pinaghahandaan din ‘yun para makaulit.”

“Kasi may mga bisita ng mayor ng ibang bayan, malay niyo ay, gusto ko to. Kukunin ko ‘to next time. ‘Di yung ganyan na takbo ka ng takbo tapos papakanta mo pala sa audience ‘yun.”

Larry Gadon Tuluyan Nang Na Disbarred Dahil Sa Profane Remarks, Tinanggalan Na Ng Pagka Abogado

 Matapos ang ilang buwan na pagiging suspended, naglabas na ng desisyon ang Supreme Court kung saan tuluyan na nilang tinanggalan ng pagka-abogad si Larry Gadon.

Ayon sa inilabas na statement ng Supreme Court, tuluyan nilang dini-disbarred si Larry Gadon dahil sa kanyang mga ipinahayag na mga negatibong komento laban sa journalist na si Raissa Robles na kinumpara pa niya sa isang aso.

Tila nalimutan na umano nito na ang isang lawyer ay dapat umiwas sa anumang mga scandalous behavior.

"By a unanimous vote of 15-0, the Supreme Court, resolved to disbar Atty. Lorenzon 'Larry' Gadon for the viral video clip where he repeatedly cursed and uttered profane remarks against Raissa Robles.

"The Court had motu proprio taken cognizance of vthe video clip and issued an earlier order of preventive suspension from practice of law against Gadon pending a judgement in the case."

“The Court pointed out that Gadon, unfortunately, failed to realize that lawyers are expected to avoid scandalous behavior, whether in their public of private life.”

Binanggit din ng Supreme Court sa kanilang statement ang iba pang ginawa ni Larry Gadon na nagresulta sa kanyang pagkakasuspinde ng ilang buwan, kabilang ang anim na administrative cases na isinampa laban sa kanya sa Office of the Bar Confidant at 4 sa Commission on Bar Discipline of the Integrated Bar of the Philippines.

Sa kabilang banda, bago inilabas ng Supreme Court ang desisyon na i-disbar si Larry Gadon ay na-appoint na ito ni Pang. Ferdinand 'Bongbong' Marcos sa Presidential Adviser for Poverty Alleviation.

Matatandaan na bagama't hindi pa inilalabas ng Supreme Court ang hatol kay Gadon marami na ang nag-oppose sa pag-appoint ng Pangulo rito.

Samantala, hinihintay pa rin kung ano ang magiging tugon ni Larry Gadon sa desisyon ng Supreme Court na i-disbar siya dahil sa kanyang mga binitiwang pahayag laban kay Raissa Robles.

Vice Ganda Nagsalita sa Pagkaperwisyo Ng It's Showtime Dahil Sa Isyu ng TVJ at TAPE Inc.

 Naglabas na ng kanyang saloobin ang Unkabogable Star na si Vice Ganda hinggil sa tila pagkakadamay ng kanilang show na It's Showtime sa isyu ng TVJ at ng TAPE Inc. ang production company ng Eat Bulaga.

Sa kanyang vlog, sinabi ni Vice Ganda na maging ang kanilang show na It's Shotime ay labis ring naapektuhan sa nangyaring conflict sa pagitan nina Tito Sotto, Vic Sotto at Joey De Leon laban sa mga executives ng TAPE Inc.

“Tayo ‘yung casualty nung naging problema ng TVJ at saka nung Eat Bulaga. Sabi ko, ‘Parang tayo ‘yung tinamaan ng mga kanyon na ibinala nila.’ ‘Yun ang unang naging damdamin namin,” pahayag ni Vice Ganda.

Paglilinaw pa ni Vice Ganda, “Kasi nung una, ‘di ba, okay naman sila do’n, okay din naman kami, ‘di ba? Parang, ‘Okay na tayo dito.’ Kasi kung hindi naman sila nag-away, e ‘di buo pa rin sana sila. May kontrata pa naman sila sa GMA hanggang next year, ‘di ba? Pero dahil hindi sila nagkasundo, nagkahiwalay.” 

Gayunpaman, hindi naman umano masisisi ni Vice Ganda ang TVJ sa kanilang desisyon dahil alam naman umano niya na kailangan din nilang magtrabaho.

Hindi rin naman umano nila hawak ang desisyon ng TV5 sa kanila kaya naman mas pinili na lamang nilang umalis sa show.

”Yung mga naging desisyon nila, malaking-malaki ang naging epekto sa amin na nananahimik, ‘di ba? Pero hindi rin namin pwedeng sisihin ang TVJ dahil lahat naman kami, gusto lang magtrabaho. Lahat naman kami, may ipinaglalabang bahay. Lahat kami, may ipinaglalabang programa. Lahat kami, may ipinaglalabang audience na gustong pagsilbihan.”

“Wala tayong magagawa. Tatanggapin natin ‘yon. Hindi man masyadong pabor sa atin [na palitan ng TVJ sa 12:00 slot, but] again, hindi natin pwede ‘yung i-take against them kasi nagtatrabaho lang din naman sila,” pagpupunto ni Vice Ganda.

Matatandaan na noong May 31, 2023 tuluyang iniwan ng TVJ ang pamunuan ng TAPE Inc. matapos ang ilang buwang hindi nila pagkakasundo.

Agad naman silang tinanggap ng TV5 at ibinigay pa sa kanila ang 12 noon timeslot na dating hawak ng It's Showtime.

Awra Briguela Muling Binanatan Si Ricci Rivero, 'Tigas Ng Fes'

 Naging usap-usapan ng mga netizens ang ibinahaging tweet kamakailan ni Awra Briguela kung saan ayon sa ilang mga netizens na patama ito sa ex-boyfriend ng kanyang kaibigan na si Andrea Brillantes.

Kamakailan lamang ay nagpahayag si Awra ng patama sa aniya'y isang tao na kasing tigas ng bato ang kakapalan ng mukha.

Isa sa mga naging dahilan kung bakit lumabas ang spekulasyon na patama ito kay Ricci Rivero dahil lumabas ang tweet ni Awra matapos ang pag-ere sa part 2 ng panayam ni Ricci sa programang Fast Talk with Boy Abunda.

"grabe tigas ng pes parang rock," tweet ni Awra Briguela.

Matatandaan na naglabas rin ng cryptic post si Awra Briguela ilang minuto matapos aminin ni Ricci Rivero na naghiwalay na sila ni Andrea Brillantes.

Pinatamaan ni Awra ang mga taong mahilig umanong mang-gaslight at cheater.

"Amackana gaslighter, manipulative. fcking cheater. lol"

Sinundan pa ito ni Awra ng isa pang post tungkol naman sa taong nagmamalinis.

"tang inang toh, kala mo talaga ang linis."

Tila naiintindihan naman ng ilang mga netizens ang pinanghuhugutan ni Awra Briguela at ang pagtatanggol nito kay Andrea dahil kilala na sila noon pa man na malapit sa isa't-isa.

Sa kabilang banda, patuloy pa ring nananahimik si Andrea Brillantes at hindi sinasagot ang mga isiniwalat ni Ricci Rivero sa panayam nito kay Boy Abunda.

Tila mas inuuna ngayon ng aktres ang kanyang sarili at nagpopokus muna sa kanyang trabaho.

Xander Ford Umamin Na Ginawang Content Ang Pamemera Kay Christian Merck Grey

 Sa wakas ay inamin na ni Xander Ford na gawa-gawa lamang niya ang kanyang mga ginagawang pambabanat kay Christian Merck Grey upang makakuha ng views.

Tila wala nang ibang naisip si Xander Ford na maging content sa kanyang vlog kaya naman si Christian Merck Grey ang kanyang napagtripan.

Sa vlog ng isa pang YuoTube content creator na si Khifer Brosse, sinagot ni Xander Ford ang ilang mga pambabash ng mga netizens hinggil sa umano'y scripted na awayan nila ni Christian Merck Grey.

Dito, tahasang inamin ni Xander Ford na scripted lamang talaga ang lahat maging ang pang-aaway niya kay Christian Merck Grey.

“Lahat naman ng bidyo ko, scripted. ‘Pag sinabing script, ‘yun yung mga … ‘yun ‘yung may mga ‘lights, camera, action’ ‘yun, script ‘yun. Pero ‘pag nakakita ka na ng bidyo na tuloy-tuloy, ang tawag dun, ‘di script, skit video ‘yun, dere-derecho,” patawa-tawa pang paliwanag ni Xander Ford.

Isiniwalat pa ni Xander Ford na for the show lamang ang palagay-lagay niya ng bandage at nilagyan lamang niya ng food coloring ang kanyang mukha para kapani-paniwala talaga ang kanyang mga pasa sa mukha.

Ginawa  umano itong lahat ni Xander Ford para magkaroon ng mataas na views para makakuha ng malaking sahod mula sa Youtube at sa Facebook.

Samantala, ayon sa ilang mga netizens, tila natatakot umano itong si Xander Ford sa pagbabanta ni Christian Merck Grey na magpapadala na siya ng demand letter para kay Xander at madadamay pa ang kanyang kinakasama na si Gena Mago dahil sa pagkukunsinti sa kanya.

Marami naman ang nagsasabi na dapat nang magbago ni Xander Ford at baka totohanin talaga ni Merck ang kaso na ibinanta nito.

Samantala, hindi pa sumagot si Christian Merck Grey sa ginawang pag-amin ni Xander Ford.

Matatandaan na nag-umpisa ang lahat ng maningil si Xander ng 349 thousand na umano'y pangako ni Merck sa kanyang anak sa binyag.

Lolit Solis, Nagreact Sa Sinabing Natatakot Si Vice Ganda Na Malaos

 Agad na napareact ang talent manager at kolumnistang si Manay Lolit Solis sa usap-usapang natatakot umano si Vice Ganda na malaos.

Ayon kay Manay Lolit Solis, hindi dapat ikatakot ni Vice Ganda ang pagkalaos niya balang araw. Ipinunto pa ni Lolit Solis na matagal nang nasa peak ng kanyang kasikatan si Vice Ganda na nakapagdala umano ng yaman sa kanya.

“Sabi ni Vice Ganda takot daw siya malaos. Lahat naman ng nasa itaas kinatatakutan ang araw ng pagbagsak. Pero malaking bagay na para sa isang star ang matikman ang buhay sa itaas.

“Masuwerte nga si Vice Ganda dahil matagal din siyang nasa itaas at talagang nabago ang buong buhay niya at ng kanyang pamilya,” pahayag ni Lolit Solis

Samantala, labis naman ang papuri ni Lolit sa money management ni Vice Ganda. Naniniwala din umano si Manay Lolit Solis na kahit malaos si Vice Ganda ay hindi pa rin mauubos ang kanyang pera.

“Mahusay din ang naging paghawak niya ng kanyang kita kaya naging maayos ang takbo ng buhay niya. Hindi bale ng malaos, basta natikman mo maging sikat. Saka masarap narin buhay niya kahit pa nga wala na sa itaas.”

Marami naman ang sumang-ayon sa naging pahayag na ito ni Lolit Solis patungkol sa Unkabogable Star na si Vice Ganda.

Babaeng Naabutan Ni Andrea Brillantes Sa Bahay Ni Ricci Rivero, Ito Ang Hitsura!

 Kamakailan lamang ay umamin na ang basketball player na talagang nahuli siya ni Andrea Brillantes na mas kasamang babae sa loob ng kanyang tinitirhang condominium.

Tila hindi naging maganda ang nadatnan ng aktres dahil kahit ilang beses na niyang sinasabi at ipinapaliwanag rito ang sitwasyon nila ng nasabing babae.

Nauna na rito, kumakalat sa social media ang mga larawan ng mga babaeng nakatuwalya lamang at nakasuot ng malaking tshirt na panlalaki na kuha umano mismo ni Andrea sa loob ng condo ni Ricci nang madatnan niya ang babae.

Marami ang naghinalang ang beauty queen-politician na si Leren Mae Bautista ang nasabing babae sa viral photo lalo pa't nalilimk ang dalawa sa kasagsagan ng isyu ng hiwalayan nina Ricci Rivero at Andrea Brillantes.

Gayunpaman, nauna nang pinabulaanan ni Leren Mae Bautista ang nasabing isyu at ngayon, sinigundahan naman ito ni Ricci Rivero sa naging panayam sa kanya ni Boy Abunda sa Fast Talk with Boy Abunda.

“Hindi po akin ‘yung girl. May papuntang friend ako nu’ng midnight or madaling araw, tapos ‘di ko naman alam na may kasama siya, ‘yun ang inabutan niya that time,” paghayag ni Ricci Rivero.

Hindi naman isiniwalat ni Ricci ang pagkakakilanlan ng nasabing babae. Mahigpit din niyang sinabi na hindi si Leren Mae Bautista ang babae.

“Wala pong kinalaman si Councilor Leren. We met kasi nung outreach na, ‘yun ‘yung May 26, birthday ko po ‘yun na parang outreach kasi ginagawa ko siya every year, ever since naman nung first year college ako ginagawa ko na siya,” saad ni Ricci.

“Galing po kasi ako ng province, doon po ako nag-celebrate ng birthday ta’s nung papaluwas po ako rito, may mga common friends kami na ‘yung mga madalas ko pong kasama lately for the past year na sabi ko baka pwedeng makapag-feeding program tayo kasi ginagawa ko ‘to palagi and wala akong magawa ngayon dahil nasa biyahe po ako sa Isabela,” pagpapaliwanag pa ni Ricci.