Kilalanin Ang Mga Artistang May Gusto Kay Paulo Avelino!

 Kilala ang aktor na si Paulo Avelino sa kanyang galing sa pag-arte mapabida man o kontrabida ang papel na kanyang ginagampanan. Bukod pa rito, kilala rin si Paulo Avelino bilang isang misteryoso, mabait, tahimik, mapagbigay at higit sa lahat gwapo.

Dahil dito, hindi na kataka-taka na maraming mga kababaihan mapa showbiz o non-showbiz man ang nahuhumaling sa kanya gusto siyang makatrabaho at aminadong may crush sa kanya.

Narito ang ilang mga kababaihan sa showbiz industry na aminadong may crush kay Paulo Avelino at nangangarap na makasama ang aktor sa iisang project.

Sanya Lopez

Isa si Sanya Lopez sa sikat na mga artista sa Kapuso Network Si Sanya Lopez ay maganda, morena, sexy at isang magaling na artista. Sa isang panayam, inamin ni Sanya Lopez na na starstruck siya kay Paulo Avelino dahil sa taglay nitong kagwapuhan.

Ayon kay Sanya Lopez, hindi lamang gwapo si Paulo Avelino, tahimik rin ito, napakabait at napakamapagbigay sa kanyang mga naging katrabaho.

Jane De Leon

Si Jane De Leon ay isang Kapamilya actress na gumanap bilang Darna noong 2022. Hindi naman lingid sa kaalaman ng lahat na talagang nakakabighani ang angking kagandahan ni Jane De Leon. Samantala, sa isang panayam inamin ni Jane De Leon na kung may isang aktor siya na gustong makasama sa trabaho ito ay walang iba kundi si Paulo Avelino.

Ivana Alawi

Ang sexy actress na si Ivana Alawi ay unang nakikilala bilang isang sikat na YouTuber. Sumikat si Ivana Alawi sa kasagsagan ng pandemya. Marami ang huminga kay Ivana Alawi dahil sa angkin nitong kagandahan at kaseksihan. Bukod pa rito, kilala rin si Ivana Alawa dahil sa kanyang kabaitan.

Sa isa sa naging vlog nila noon ng kanyang kapatid, naitanong nito kay Ivana Alawi kung sino ang kanyang local celebrity crush, inihayag ni Ivana na si Paulo Avelino ito. Inamin rin niya sa kaparehong vlog na gusto niya ang mga lalaking mabango at malinis sa katawan.

Barbie Imperial

Kilala si Barbie Imperial sa angkin niyang kagandahan at kaseksihan. Isa rin siya sa mga maituturi na hot celebrity ngayon at complete package na rin umano ito, maganda, sexy at magaling umarte.

Sa isang panayam noon, inamin ni Barbie Imperial na isa sa mga gusto niyang makatrabaho ay si Paulo Avelino.

Lovi Poe

Kilala si Lovi Poe bilang isang magaling na artista sa larangan ng showbiz. Matagal na rin ito sa showbiz industry at naging leading lady na ng mga sikat at gwapong artista.

Subalit, sa isang panayam inamin ni Lovi Poe na gusto niyang makatrabaho ang aktor na si Paulo Avelino.

Rhen Escano

Si Rhen Escano ay isang artista sa Kapuso network, sa isang panayam inamin niya na gusto niyang makasama sa iisang project si Paulo Avelino dahil ang mga katulad nitong magaling ang gusto niyang makasama at maging ka-loveteam.

Kapuso Stars, Pinagpipilian Na Maging Host Ng It's Showtime Sa Paglipat Sa GMA7

 Sa tuluyang paglipat ng Kapamilya noontime show na It's Showtime sa GMA7 matapos mabakante ang noontime timeslot ng nasabing network dahil sa biglaang pagkakahinto ng noontime show ng TAPE Incorporated na Tahanang Pinakamasaya.

Sa nangyayaring collaboration ng GMA7 at ABS-CBN sa paglipat ng It's Showtime, usap-usapan ngayon ang balita patungkol sa isang Kapuso artist na magiging kabilang sa mga host ng It's Showtime.

May mga nagsasabi na isa sa mga pinagpipiliang Kapuso artist ay si Julie Anne San Jose. Kabilang din umano sa mga pinagpipilian ngayon ay ang Kapuso actress na si Barbie Forteza.

Matatandaan na naging trending ang pagiging guest host noon ni Barbie Forteza sa It's Showtime noong wini-welcome nila ito sa GTV matapos lumipat mula sa TV5.

Marami pa ang nagsasabi noon na ipinapakita ni Barbie Forteza ang energy ng isang It's Showtime host sa pagbati sa mga madlang pipol.

Ipinakita rin ni Barbie Forteza ang kanyang galing sa paghohost sa It's Showtime kaya naman hindi napigilan ng ilang mga netizens na hilingin na sana ay maging kabahagi ng It's Showtime si Barbie Forteza.

Isa pa sa mga Kapuso na maaring maging host ng It's Showtime ay ang actress na si Sanya Lopez, matatandaan na labis na nag-enjoy ang mga madlang pipol sa mainit na dance performance ni Tanya Lopez noong naging guest siya sa It's Showtime.

Marami rin ang napahanga sa magandang pagkanta ni Sanya Lopez sa theme song ng It's Showtime, hayagan pang hiniling noon ni Sanya Lopez na sana ay muli siyang makatungtong sa It's Showtime stage.

Samantala, umani naman ng papuri mula kay Vice Ganda ang Kapuso actress na si Bianca Umali dahil sa angking kagandahan nito at sa galing sa pagsayaw.

Sa kabilang banda, umaasa naman ang mga fans ni Michael V sa kabila ng naging pahayag nito noon sa kanyang contract signing sa GMA na hindi pa siya handang maging host ng isang TV show, hinihiling pa rin ng marami na maging kabilang siya sa mga host ng It's Showtime ngayong nasa bakuran na sila ng GMA Network.

Mga Celebrities Na Nakuha Ang Pinangarap Nilang Maka-Relasyon at Mga Crushes Nila!

 Kilalanin ang mga celebrities na nakuha ang mga pinapangarap nilang makakarelasyon na naging ultimate crushes nila noon.

Maris Racal

Nagsimula ang lahat sa isang song collaboration, hindi naman akalain ng actress-singer na si Maris Racal na matupad ang kanyang pinapangarap na maging boyfriend si Rico Blanco ng Rivermaya. Subalit, bago malaman ng publiko ang totoong estado ng kanilang relasyon, pinili muna ng dalawa na gawing pribado ang kanilang relasyon.

Aminado naman si Maris Racal na matagal na niyang crush si Rico Blanco kaya naman para sa kanyang dream come true ang kanilang relasyon, hindi rin alintana ni Maris ang malaking age gap nila ni Rico Blanco.

Andrea Brillantes

Maliit na bata pa lamang noon si Andrea Brillantes ay aminado na siyang malaki ang pagkakagusto niya sa Kapamilya actor na si Daniel Padilla. Sa katunayan, sa kanyang mga panayam noon ay sinasabi niyang nais niyang magkaroon ng nobyo na katulad ng katangian ni Daniel Padilla.

Hayagan ding inamin noon ni Andrea Brillantes, na nais niyang makatrabaho noon si Daniel Padilla at hindi rin umano siya natatakot sa girlfriend nito noon na si Kathryn Bernardo.

Hindi naman lubos akalain ng mga netizens na totoong magkakaroon ng ugnayan ang dalawa, subalit nito lamang huling bahagi ng taong 2023 nadawit ang pangalan ng aktres sa nangyaring hiwalayan nina Kathryn Bernardo at Daniel Padilla.

Si Andrea Brillantes kasi ang tinuturong dahilan ng nasabing hiwalayan dahil palihim umano itong nakikipagkita kay Daniel Padilla at nakikipag-sleep over sa bahay nito.

Maine Mendoza

Hanggang ngayon ay maraming naiinggit sa love story nina Maine Mendoza at Cong. Arjo Atayde hanggang ngayon. Nag-umpisa lamang ang kanilang story sa isang tweet ni Maine ng cutiey.

Hindi naman halos makapaniwala si Maine Mendoza na maging mister na niya ngayon ang matagal na niyang crush noon. Nagkasama sa iisang proyekto sina Maine Mendoza at Arjo Atayde sa pelikulang Jak en Popoy, kung saan ginampanan ni Arjo ang papel ng isang kontrabida.

Doon na nagsimula na magkalapit ang kanilang mga loob hanggang sa magkaroon na ng relasyon.

Dingdong Dantes at Marian Rivera

Nagsimula ang love story nilang dalawa sa set ng hit Kapuso teleserye na Marimar noong 2005. Sa kabila ng mga naglabasang mga kontrobersiya noon patungkol sa kanilang relasyon hindi ito naging hadlang para lalo silang maging magkalapit sa isat'isa.

Nasundan pa ang kanilang proyekto nang magsama naman sila sa teleseryeng Dyesebel kung saan kinilala sila bilang Brightest Star on TV. Makalipas ang ilang taon, nagpakasal ang dalawa at nabiyayaan naman ng dalawang anak na sina Zia at Sixto.

Sa kanilang pagbabalik sa big screen, pinatunayan nina Marian Rivera at Dingdong Dantes na sila pa rin ang ultimate loveteam dahil napalitan na nila ang long time Highest Grossing Film ng Pilipinas na dating hawak ng pelikula nina Kathryn Bernardo at Alden Richards.

Enrique Gil

Noon pa man ay naging bukas na si Enrique Gil sa publiko sa pagkakaroon niya ng crush kay Liza Soberano bago pa man sila maging magka-loveteam. Naging crush na umano ni Enrique Gil si Liza Soberano noong nagkasama sila sa iisang pelikula kasama sina Bea Alonzo at Dingdong Dantes.

Kaagad rin umanong napagbigyan ang kahilingan ni Enrique Gil na magkasama sila sa iisang project ni Liza Soberano, sa seryeng Forevermore. Kamakailan lamang ay ipinahayag ni Enrique Gil na maayos pa rin ang relasyon nila ni Liza Soberano sa kabila ng pagiging malayo nila sa isa't-isa.

Ryan Agoncillo

Taong 2001 nang magkakilala sina Ryan Agoncillo at Judy Ann Santos, hindi nila lubos akalain na sa kasalan mapupunta ang simpleng hi nila noon. Nagkasama sina Ryan Agoncillo at Judy Ann Santos sa teleseryeng  Kristala kung saan naging mas matatag ang kanilang relasyon.

Sa ngayon ay happily married na ang mag-asawa kasama ang kanilang mga anak na sina Luna, Lucho, at Yuhan.

Matteo Guidicelli

Noon pa man ay hayagan nang inaamin ni Matteo Guidicelli na matindi ang kanyang paghanga sa singer-actress na si Sarah Geronimo. Matagal nilang itinago sa publiko ang kanilang relasyon dahil sa pagtutol ng mga magulang ni Sarah Geronimo.

Ang kanilang kasal noong February 2020 ay naging kontrobersyal rin dahil inilihim nila ito sa mga magulang ng singer. Hanggang ngayon ay hindi pa rin malinaw kung nagkaayos na ba sina Sarah Geronimo at kanyang mga magulang.

Ang Sweet! Kim Chiu Handa Ng Magmahal Muli

 Tila handa na ang Kapamilya actress-TV host na si Kim Chiu na magmahal ulit matapos ang kanyang failed relationship kay Xian Lim.

Matatandaan na December nitong nagdaang taon ay kinumpirma nina Kim Chiu at Xian Lim ang ilang buwan nang haka-haka patungkol sa kanilang paghihiwalay.

Ikinagulat pa ito ng maraming mga netizens dahil inakala nilang matatag ang relasyon ng dalawa at ang mga kumakalat na balita noon patungkol sa pagtatapos ng kanilang relasyon ay walang katotohanan.

Subalit, ang mga ito ay inamin ni Kim Chiu at ni Xian Lim noong December 23, 2023 sa kabila ng kanilang pag-amin patuloy naman sila nanahimik sa kung ano ang totoong dahilan kung bakit pinili nilang tapusin ang kanilang pagmamahalan na inalagaan nila sa loob ng maraming taon.

Gayunpaman, kahit labis na nasaktan noon si Kim Chiu dahil sa mga failed relationship niya sa nakaraan ay patuloy pa ring naniniwala ang aktres sa true love kaya naman hindi umano niya isinasara ang kanyang puso na magmahal muli.

Matapos ang ilang buwang pagpapahilom sa kanyang nasaktang puso tila handa na ngayon na magmahal muli si Kim Chiu. Sa kamakailang episode ng It's Showtime nagpakuha ng larawan si Kim Chiu sa harap ng malaking heart design para sa segment nila na Expecially For You habang hawak niya ang isang bungkos ng bulaklak.

May isang larawan pa si Kim Chiu kung saan mayroon siyang tinuturo, dahil dito napatanong ang kanyang mga kasamahan kung sino ang kanyang tinuturo o kung may minamahal na ba siya ngayon.

Kaagad namang dumipensa si Kim Chiu at sinabing minamanifest na lamang niya ngayon ang love, alam din umano niya na in God's perfect timing ay darating rin ang lalaki na para sa kanya.

Pagbibiro pa ni Kim Chiu na baka naroon pa sa ibang bansa ang lalaking para sa kanya at kasalukuyan pa itong nag-iimpake para puntahan siya.

Marami naman sa mga fans ng aktres ang labis na nasisiyahan dahil makikitang nakapag-move on na umano ito sa kanyang failed relationship kay Xian Lim. May mga netizens naman na naghinalang baka nagkakamabutihan na sila ngayon ng kanyang leading man na si Paulo Avelino lalo na't madalas silang nagkakasama ngayon sa mga tapings.

@abscbn Hindi ba hint ‘yung mga sinabi ni Kim? Eme! #ABSCBN #Kapamilya #ItsShowtime ♬ original sound - ABS-CBN

Mga Lalaking na Link kay Barbie Imperial

 Hindi na bago sa publiko ang pagkakasangkot sa isang kontrobersiya ng 25 year old actress na si Barbie Imperial patungkol sa mga lalaking nauugnay sa kanya.

Kamakailan lamang ay muling naging laman ng mga usap-usapan online ang aktres ng masangkot naman ang kanyang pangalan sa hiwalayan ng celebrity couple na sina Richard Gutierrez at Sarah Lahbati.

Kaya naman ngayon ating balikan ang mga lalaking naugnay kay Barbie Imperial.

Ryle Santiago

Hindi naman lingid sa kaalaman ng publiko ang pagkakaroon ng romantic relationship noon nina Ryle Santiago at Barbie Imperial. Inamin ng aktor na si Ryle Santiago noong May 2018 ang rason sa paghihiwalay nila ni Barbie Imperial. Kabilang na rito ang hindi nila pagkakasundo sa maraming bagay. Ipinahayag naman ni Ryle noon na kahit nagkahiwalay na sila ay nananatili pa rin silang magkaibigan.

Paul Salas

Hindi naman lingid sa kaalaman ng lahat na hindi naging maganda ang paghihiwalay noon ni Paul Salas at Barbie Imperial. Nagumpisa ang kontrobersiyang ito ng magbahagi si Barbie Imperial ng mga cryptic post patungkol sa pananakit ng partner kalakip ang mga larawan ng kanyang mga pasa sa katawan.

Samantala sa isang panayam inilahad naman ni Paul Salas ang kanyang takot at trauma sa kanyang naging past relationships. Kahit wala naman siyang binaggit ay marami ang naniniwala na tinutukoy ni Paul ay ang past relationship nila ni Barbie Imperial.

JM De Guzman

Nagkalapit sina JM De Guzman at Barbie Imperial nang magkasama sila sa iisang teleserye, subalit naging maikli lamang ang kanilang relasyon. Ayon kay Barbie Imperial, nagkaroon sila ng special na pagtitinginan sa loob ng ilang buwan taliwas naman ito sa sinabi ni JM na wala pa umanong isang buwan ang kanilang pagkakaunawaan.

Ayon pa kay JM De Guzman na kaya hindi nagwork out ang relasyon nilang dalawa dahil pareho silang pressured sa kani-kanilang showbiz career.

Diego Loyzaga

Sa isang panayam noong February 2020, ibinahagi nina Barbie Imperial at Diego Loyzaga kung paano nagsimula ang kanilang relasyon. Ayon kay Barbie nagsimula sila bilang magkaibigan, subalit aminado naman ang aktres na noon pa ay crush na niya ang aktor.

Naging seryoso naman ang kanilang relasyon na umabot pa sa mahigit isang taon, naging maayos naman ang kanilang paghihiwalay at hanggang ngayon ay sinusuportahan pa rin nila ang isa't-isa.

Tony Labrusca

Noong kasagsagan ng hiwalayan nina Barbie Imperial at Diego Loyzaga, nadawit naman ang pangalan ni Tony Labrusca. Kumalat noon ang larawan nilang dalawa na sabay na kumakain sa isang restaurant. Bukod sa pagsasamang kumain, naglabasan rin ang mga larawan nila na magkasamang naglalaro ng tennis.

Noong nakaraang ABS-CBN Ball umusbong ang isyu na may relasyon silang dalawa ng sabay silang rumampa sa red carpet.

Xian Lim

Nadawit sa isyu noon sina Xian Lim at Barbie Imperial nang kumalat ang kanilang larawan na kuha sa isang hotel. Kaagad na pinutakti ng samu't-saring komento ang comment section ng larawan nilang dalawa subalit kaagad namang dumipinsa ang mga fans nilang dalawa dahil naroon lamang umano ang dalawa  dahil pareho silang guest sa isang pagtitipon.

Richard Gutierrez

Kamakailan lamang ay naging laman ng usap-usapan sina Barbie Imperial at Richard Gutierrez nang kumalat sa social media ang video na kuha sa isang bar kung saan magkadikit na magkadikit silang dalawa.

Bukod pa rito, inaalalayan at binabantayan pa nito ang aktres sa tuwing gumagamit ito ng banyo. Sa ngayon ay hindi pa naman naglalabas ng pahayag sina Barbie Imperial at Richard Gutierrez patungkol sa kanilang relasyon.

Mga Tinawag Na Mama'S Boy Na Ipinagtanggol Ng Kanilang Mga Ina Sa Showbiz

 Kilalanin ang mga male celebrities na aminado at naiisyu bilang mga Mama's boys.

Gerald Anderson

Noon pa mang nagsisimula pa lamang si Gerald Anderson sa larangan ng showbiz ay inamin na niya na isa siyang mama's boy at proud umano siya rito. Noong naging artista na umano siya ay pinagresign na niya ang kanya ina sa trabaho, binilhan din niya ito ng isang pick up truck na matagal na nitong pinapangarap.

Andrei Yllana

Hindi  rin ikinakahiya ng nag-iisang anak nina Aiko Melendez at Anjo Yllana na tawagin ang sarili bilang mama's boy. Balewala rin kay Andrei ang pagiging overprotective ng kanyang ina sa kanya. Kung ikinakahiya man umano ng iba ang pagkakaroon ng ganitong uri ng ina ay hindi siya ganoon, bagkus ay masaya umano siya at naiintindihan na sinusuportahan lamang siya ng kanyang ina.

Mavy Legaspi

Very proud ding ipinapahayag ng actor-host na si Mavy Legaspi ang pagiging isang mama's boy. Ipinahayag din niya na panghabangbuhay siyang magiging mama's boy. Marami namang mga ina ang napasana all nang regaluhan ni Mavy ng isang Hermes bag ang ina noon kaarawan nito.

Luis Manzano

Hindi rin itinatago ng Kapamilya host na si Luis Manzano ang kanyang pagiging mama's boy. Noong kabataan ni Luis Manzano ipinapakita na niya ang kanyang closeness sa mga magulang sa kabila ng pagiging hiwalay ng mga ito. Sinagot din ni Luis Manzano ang mga nambatikos sa kanya noon bilang isang mama's boy, ayon kay Luis masarap magmahal ang mga ina.

Daniel Padilla

Hindi man inaamin ni Daniel Padilla ang pagiging mama's boy, makikita naman ito sa kanyang mga ginagawa para sa kanyang ina na si Karla Estrada. Lahat kasi ng mga bagay na hinihiling ni Karla ay palaging ibinibigay ni Daniel.

Richard Gutierrez

Nabansagan bilang mama's boy ang aktor na si Richard Gutierrez dahil sa kinakaharap nitong isyu ngayon patungkol sa hiwalayan nila ng kanyang asawa na si Sarah Lahbati. Tanging ang ina lamang kasi ng aktor ang nagbibigay ngayon ng pahayag laban sa mga ibinabatong isyu sa kanya, dahil dito marami ang nag-iisip na isang mama's boy si Richard Gutierrez.

David Licauco

Hindi naman ikinakahiya ng Kapuso actor na si David Licauco ang pagiging isang mama's boy. Sa kanyang mga social media post, very proud si David sa pagpi-flex sa kanyang ina sa kanyang mga social media post.

LA Santos

Hindi naman ikinahiya ng baguhang Kapamilya singer na si LA Santos na isa siyang mama's boy. Para kay LA, nakakapogi para sa kanya ang matawag na isang mama's boy. Masarap din umanong magmahal ang mga ina. Hiling din niya na makatagpo ng isang babae na mamahalin na katulad ng kanyang ina.

Enrique Gil

Naging certified mama's boy naman si Enrique Gil dahil na rin ang kanyang ina na ang tumayo bilang ama at ina sa kanya at sa kanyang mga kapatid. Tinupad rin ni Enrique Gil ang pangarap ng kanyang ina na magkaroon ng sariling restaurant.

Mga Artistang Nag Live in, Kilalanin!

 Dito sa bansang Pilipinas, marami pa rin sa mga netizens ang tumataas ang kilay sa tuwing napag-aalaman na ang ilang mga artista sa showbiz ay nakikipag-live in na sa kanilang mga nobyo lalo na kung nasa 20s pa lamang ang mga edad nito.

Samantala, hindi na rin naman bago ang set-up na ito lalo na sa mga GenZ, kaya naman ating kilalanin ang mga artistang nasangkot sa ganitong set up na nakikipaglive in na sa kanilang mga partners.

Leila Alcasid- Curtismith

Unang tumutol ang ama ni Leila Alcasid na si Ogie Alcasid sa pakikipag live in ng kanyang anak sa nobyo nitong si Curtismith subalit, ipinagpatuloy pa rin ng kanyang anak ang pakikipagrelasyon rito. Kalaunan ay tinanggap na lamang umano ni Ogie Alcasid ang pakikipag live in ng kanyang anak dahil wala na umano siyang magagawa sa nangyari.

Sa ngayon ay walang pang balak na magpakasal sina Leila Alcasid at Curtismith dahil nag-iipon pa umano ang huli para sa kanilang pag-iisang dibdib.

Nadine Lustre- James Reid

Sa ngayon ay naghiwalay na sina James Reid at Nadine Lustre, may kanya-kanya na rin silang mga partners subalit hindi naman maitatanggi na naglive in na rin noon ang dalawa sa murang mga edad. Naging bukas rin naman sila sa kanilang mga tagahanga noon sa kanilang pagli-live in dahil naniniwala silang normal na sa mga panahong ito ang pagsasama out of wedlock.

Loisa Andalio- Ronnie Alonte

Among the young couples ngayon sa showbiz masasabi na ring matatag ang anim na taong relasyon nilang dalawa. Matatandaan na noong 2020, napansin ng mga netizens na parating nagkakasama sina Loisa Andalio at Ronnie Alonte kahit na noong mga panahon na iyon ay ipinagbabawal ang papunta sa ibang lugar.

Dahil dito, umusbong ang balitang nagsasama na sila sa iisang bubong. Unang pinabulaanan ng dalawa ang isyu at sinabing magkalapit lamang ang kanilang bahay kaya naman ay nagkakasama pa rin silang dalawa.

Kylie Versoza- Jake Cuenca

Umabot rin sa mahigit tatlong taon ang relasyon nila bago magpasyang maghiwalay noong April 2022. Diretsahan namang inamin noon ng beauty queen na nagli-live in na sila noon ni Jake Cuenca, bagama't alam naman umano niyang may mga taong hindi matatanggap ang kanilang desisyon ay wala na umano siyang pakialam rito ang importante ay ang kasiyahan nilang dalawa noon ni Jake Cuenca.

Andrea Brillantes- Ricci Rivero

Sa ngayon ay hiwalay na rin sina Andrea Brillantes at si Ricci Rivero. Sa katunayan ay mayroon ng panibagong dini-date ang basketball player. Sa isang panayam, hayagang inamin ni Ricci Rivero na paminsan-minsan ay umuuwi siya sa bahay ni Andrea. Minsan rin ay sa kanyang condo umuuwi si Andrea Brillantes

Celebrity Couples na Ikakasal sa 2024

 Sa gitna na mainit na usapin patungkol sa mga celebrity couples na naghiwalay ngayong taon, ating alamin at kilalanin ang mga celebrity couples na naghahanda ng kanilang pagpapakasal sa darating na taong 2024.

Bea Alonzo- Dominic Roque

Sa ngayon ay abala pa ang dalawa sa kani-kanilang mga trabaho kaya naman hindi pa nila napapaplano ng maayos ang petsa ng kanilang kasal. Hindi pa rin umano nila napa-finalize ang ilang mga detalye ng kanilang pagpapakasal. Ayon naman sa mga naging panayam noon ni Bea na nais niyang isang intimate wedding ang maganap sa kanilang dalawa na dadaluhan lamang ng mga malalapit na kaibigan at pamilya nilang dalawa ni Dominic.

Benjamin Alves- Chelsea

Noong November 2023, ibinahagi ng aktor na si Benjamin Alves ang kanilang prenup shoot na kuha sa isang beach resort sa El Nedo Palawan. Matatandaan na noong July 2023, nang ibahagi rin ng dalawa ang kanilang pagdidiriwang sa kanilang 3rd anniversary bilang magkarelasyon.

Gaganapin naman ang kasal nilang dalawa sa darating na January 28, 2024. Si Benjamin Alves ay isang Kapuso actor habang si Chelsea naman ay isang digital creator at isa ring business woman.

Gregg Homan- Angelica Panganiban

Ibinahagi na nina Angelica Panganiban at Gregg Homan sa kanilang Youtube channel ang ilang detalye sa kanilang nalalapit na pagpapakasal sa darating na taon. Matatandaan na noong October 2022, kinumpirma ng dalawa sa kanilang vlog ang naganap na engagement sa pagitan nilang dalawa.

Ayon kay Gregg naghahanap pa umano sila ng venue dito sa bansa kung saan gaganapin ang kanilang kasal. Ayon naman kay Angelica na nais niyang matuloy na ngayong darating na taon ang kanilang kasal matapos ang dalawang ulit na pagpapaliban nito.

Sam Milby- Catriona Gray

Magiging masaya ang darating na taon para sa celebrity couple na sina Catriona Gray at Sam Milby dahil naghahanda na sila sa kanilang pagpapakasal. Sa isang panayam kay Sam Milby, kinumpirma niya na gaganapin na sa susunod na taon ang kasal nila ni Catriona Gray.

Isa umanong intimate wedding ang magaganap sa pagitan nilang dalawa. Hands-on naman umano si Catriona Gray sa mga detalye ng kanilang kasal ni Sam Milby subalit bukas naman siya sa mga komento ng aktor.

Valeen Montenegro- Riel Manuel

Naghahanda na ang actress na si Valeen Montenegro sa kanyang pagpapakasal sa kanyang non-showbiz boyfriend na si Riel Manuel sa darating na 2024. Isang taon na ring engage ang dalawa, sa isang panayam, ibinahagi ni Valeen ang ilang detalye ng kanilang pagpapakasal.

Ayon pa kay Valeen, simple lamang at isang intimate wedding ang magaganap sa pagitan nilang dalawa.na dadaluhan lamang ng malalapit nilang kapamilya at kaibigan sa showbiz.

Sef Cadayona- Nelan Vivero

Noong August ibinahagi ni Sef sa kanyang Instagram account ang ginawa niyang simple marriage proposal sa kanyang girlfriend na si Nelan Vivero. Hanggang ngayon ay hindi pa rin nagbabahagi si Sef Cadayona ng mga detalye ng kanilang kasal subalit inaasahan na magaganap ang pag-iisang dibdib nila sa susunod na taon.

Andrei Felix- Pauline Versoza

Sina Andrei at Pauline ay parehong nagtatrabaho sa CNN Philippines, ibinahagi ni Andrei ang isinagawa niyang proposal na naganap sa Paris, France noong October 2023. Bagama't abala pa sila sa kanilang trabaho sa ngayon, inaasahan na magaganap ang kanilang kasal sa darating na taon.

Samantha Bernardo- Scott Moore

Si Miss Grand International 2020,first runner up na si Samantha Moore ay nagbahagi sa kanyang Instagram noong May 2023 ay nagbahagi ng mga larawan mula sa kanilang engagement shoot kasama ang fiancee na si Scott Moore. Bagama't hindi pa inaanunsyo ng dalawa ang petsa ng kanilang pagpapakasal, marami ang naghinala na dahil matagal na silang engage ay magaganap na ang kanilang wedding sa darating na taon.

Viy Cortez- Cong TV

Inaabangan ngayon ng Team Payaman fans ang kasalan nina Cong TV at Viy Cortez matapos ang proposal ni Cong TV kay Viy noong October noong nakaraang taon. Matapos ang mahigit isang taon ng proposal, naging malimit pa rin ang pagbabahagi ng dalawa sa ilang detalye ng kanilang kasal. Gayunpaman, base sa mga live ni Viy, mahihinuha na magaganap na ang kanilang pagpapakasal sa susunod na taon.