Singer Na Bumirit Sa Burol Ni Mike Enriquez, Pinuna Ng Netizens! Julie Anne at Rita, Hindi Natuwa?!

 Umani ng samu't-saring reaksyon mula sa mga netizens at maging celebrities ang ginawa ng singer na si Jessica Villarubin sa burol ni Mike Enriquez.

Si Jessica Villarubin ang itinanghal bilang grand winner ng The Clash season 3, isang reality talent search show ng GMA Network.

Kasama sa pag-awit ni Jessica Villarubin sa burol ni Mike Enriquez ang iba pang Kapuso singers na sina Julie Anne San Jose, Rita Daniela, Mariane Osabel at iba pang singers na kabilang sa Queendom.

Marami ang nakapansin na tila laban na laban si Jessica sa pagkanta tila ginawa umano niya itong sariling concert o di kaya ay nasa singing competition sa halip na magluksa dahil sa pagpanaw ni Mike Enriquez.

Isa pa sa napansin ng mga netizen ay ang pagside eye nina Rita Daniela at Julie Anne San Jose kay Jessica habang kumakanta ito.

Marami sa mga netizens ang hindi natuwa sa paraan ng pagkanta ni Jessica dahil hindi na umano ito akma sa okasyon. Dapat umano'y kalmado lamang ang pagkanta niya dahil burol naman ito.

May mga nagsasabi pang tila nawala na umano ang solemnity sa burol ni Mike Enriquez dahil sa sobrang pagbirit ni Jessica Villarubin.

Dahil sa isyung ito, naungkat maging ang nauna pang mga isyu ni Jessica Villarubin kabilang na ang pagduet nila noon ni Jessica Sanchez kung saan sinapawan rin niya ang pagbirit nito.

Reaksyon Ni James Reid Sa Pag-Aresto Sa Kanyang Business Partner Na Si Jeffrey Oh

 Sa wakas ay nagbigay na ng pahayag ang co-founder ng talent management ng Careless Management hinggil sa pagkakaaresto ng kanilang CEO at kanyang business partner na si Jeffrey Oh.

Nagbigay na ng saloobin ang aktor na si James Reid hinggil sa kontrobersiya sa likod ng pagkakaaresto ni Jeffrey Oh.

Matatandaan na lumabas ang mga balita noon na kaya naaresto si Jeffrey ay dahil sa paglabag nito sa Work Permit Regulations.

Sa isang panayam kay MJ Felipe, inamin ni James Reid ang impact sa pagkakaaresto ni Jeffrey Oh sa kanilang negosyo.

"This year has been one of the biggest challenges so far. But we are learning a lot and honestly we just keep getting stronger."

Matatandaan na kinumpirma ng Bureau of Immigration spokesperson Dana Sandoval noong August 8, 2023 na inaresto nila ang American businessman na si Jeffrey Oh at maaring madeport.

May mga naglabasang mga haka-haka na umano'y mismong ama ni James Reid ang nagreklamo at nagsumbong sa illegal na pagnenegosyo ni Jeffrey sa bansa na naging dahilan ng pagkadeport nito.

Kaya naman sa nasabing panayam, pinabulaanan din James Reid ang usaping ito at ipinagdiinan na walang kinalaman ang kanyang ama sa pagkakaaresto kay Jeffrey.

"I was shocked. Me, my family, especially my dad. We were shocked of the rumors that were coming out. When it came out, he said, 'James, what did I do?' So yeah he was shocked."

"The most simplest way to say it is that he had nothing to do with it."

Dagdag pa ni James Reid, "It was surprising and we can joke about it but he was upset at everything that was happening and this misunderstanding. He was upset on my behalf."

Reaksyon Ni Vic Sotto Ng Iguhit Ni Luna Agoncillo Ang Mga Host Ng Eat Bulaga

  Napangiti si Bossing Vic Sotto matapos niyang makatanggap ng isang regalo mula sa anak nina Juday at Ryan Agoncillo na si Luna Agoncillo.

Sa isang bondpaper, iginuhit ng bata ang ilang mga dating hosts ng Eat Bulaga kabilang na ang kanyang ama at ang TVJ.

Makikita naman na talagang maayos ang pagkakaguhit ni Luna. Sa simpleng guhit ni Luna talagang makikita ang kanyang paghanga para kay Vic Sotto.

Isa itong pagkakataon para iparamdam kay Vioc Sotto kung gaano siya hinahangaan ng mga tao.

Samantala, hindi naman maitago ni Vic Sotto ang kanyang pagkagiliw kay Luna at sa cute na drawing nito.

Maging ang ilang mga netizens ay napahanga rin sa art ni Luna kaya naman sinasabi nilang tiyak umanong may future ang bata sa larangan ng sining.

Bernadette Sembrano at Karen Davila Interview Sa First Night Ng Burol Ni Mike Enriquez

 Dumalaw ang ilang mga news anchor sa unang gabi ng burol ng yumaong broadcast journalist na si Mike Enriquez.

Ilan sa mga ito ay sina Bernadette Sembrano at Karen Davila. Sa isang panayam, binalikan nila ang kanilng fondest memory na hinding-hindi nila malilimutan kay Mike Enriquez.

Hindi naman nila maitatago sa kanilang mga mata ang lungkot na nadarama dahil sa tuluyan nitong paglisan.

Ayon kay Bernadette Sembrano, hinding-hindi niya malilimutan ang ingay ni Mike Enriquez dahil sa kanyang mga jokes.

Ayon naman kay Karen Davila, hinding-hindi umano niya malilimutan si Mike Enriquez dahil sa ito umano ang unang naka partner niya bilang news anchor at nagkasama umano sila ng limang taon sa programang Saksi.

"Hindi lang siya co-anchor sa akin, si Mike is always a friend, napakadali niyang kasama. Wala siyang yabang, palagi siyang nagpapatawa."

Nagbigay rin siya ng mensahe para kay Mike Enriquez.

"Mike, all I can tell you right now is we fell the lost in the industry. You made so many friends, we love you. And I know you're in heaven right now. You're just so valued."

Andrea Brillantes Sinupalpal Si Rendon Labador Dahil Sa Pangingialam Nito!

 Mainit na pinag-uusapan ngayon sa social media ang tila pagsagot ni Andrea Brillantes sa mga pambabanat sa kanya ng self-proclaimed motivational speaker na si Rendon Labador.

Matatandaan na inamin ng dating nobyo ni Andrea Brillantes ang nangyaring hiwalayan nila ng actress. Dahil dito, binanatan ni Rendon Labador si Andrea Brillantes na umano'y inuuna lamang ng aktres ang paglalandi kaysa sa trabaho.

Hindi naman nangimi si Andrea Brillantes at kaagad na sinagot si Rendon Labador na talaga namang ikinatuwa ng kanyang mga fans.

Ayon sa kay Andrea, "Pinagsasabi mong career muna bago eh mas mayaman pa ako sayo??? Focus ka sa motivational rice mo."

Hindi pa rito nagtatapos ang pambabanat ni Rendon Labador kay Andrea Brillantes. Kamakailan lamang ay muling binanatan ni Rendon Labador si Andrea Brillantes nang maglabas ang young star ng vlog kung sino ang gusto niyang i-date na mga basketball players at anak ng celebrities.

Muli itong binanatan ni Rendon dahil naglalandi na naman umano ito gayung natatalo na umano ang team Pilipinas sa basketball games.

Subalit, tila muling nakarma si Rendon Labador dahil na ban ang kanyang Tiktok account at nakatanggap rin siya ng warning mula sa Facebook.

MTRCB Maglalabas Na Ng Desisyon Sa Kaso Laban Sa Eat at It'S Showtime

Inaasahang maglalabas na ng desisyon ang MTRCB hinggil sa mga violations na nilabag umano ng mga noontime shows na It's Showtime at E.A.T.

Ayon sa aming nakalap na impormasyon, maari na umanong ilabas ng MTRCB ang kanilang desisyon hinggil sa mga ipinatawag nilang noontime shows.

Matatandaan na nauna nilang ipinatawag ang production ng It'sShowtime matapos ang indecent na pagkain nina Vice Ganda at Ion Perez sa cake icing.

Bukod rito, ayon kay MTRCB Chairperson Lala Sotto, hindi lamang ang violation nina Vice Ganda at Ion Perez ang kanilang p[ag-uusapan kundi maging ang mga nauna na ring violation ng It's Showtime.

Sa sumunod na linggo ipinatawag naman ng MTRCB ang production ng E.A.T dahil sa pagmumura ni Wally Bayola. Ito'y sa kabila ng paghingi ng paumanhin ni Wally.

Samantala, may mga kumakalat ngayong mga usap-usapan na umano'y kakasuhan ng MTRCB ang It's Showtime. Subalit, hindi pa ito kinumpirma ng MTRCB at wala pa rin silang inilalabas na official statement.

Ayon naman sa ilang mga mapagkakatiwalaang source, may magaganap muna umanong general meeting sa MTRCB kung saan tatalakayin nila kung karapat-dapat bang bigyan ng parusa ang E.A.T at It's Showtime.

Pag-uusapan umano nila itong mabuti at ayon pa sa aming nakalap na impormasyon, hindi kasama sa mga magbibigay ng desisyon ang MTRCB Chairperson na si Lala Sotto.

Ito'y tila sa hinaharap nitong isyu ng unfair judgement dahil kamag-anak ito ng main host ng E.A.T.

Sa ngayon ay tila nag-iingat na naman ang mga hosts ng mga shows na nagla-live telecast upang maiwasan ang pagpapatawag sa kanila ng MTRCB.

Marvin Agustin Umamin Na Sa Kaniyang Relasyon, Kamusta Na Sila Ni Markki?

 Muli na namang nabuhay ang intriga noon sa actor businessman na si Marvin Agustin nang sagutin niya ang katanungan ni Tito Boy patungkol sa estado ng kanyang puso ngayon.

Inamin ni Marvin Agustin sa panayam sa kanya ni Boy Abunda na hindi na siya single ngayon. Ayon kay Marvin Agustin, may nagpapasaya na sa kanyang puso.

Kaya naman, kaagad itong umani ng samu't-saring reaksyon mula sa mga netizens ang pag-amin na ito ni Marvin Agustin lalo pa't tila pinagpawisan ito habang sinasagot si Tito Boy.

May mga naghinalang 'lalaki' ang nagpapasaya kay Marvin ngayon. Marami ang nagsasabi na pwede nang umamin ang aktor dahil 2023 na naman.

May mga nagsasabi pang baka sila pa rin umano ni Markki Stroem, matatandaan na naging item noon sina Marvin at Markki dahil sa pagkalat ng kanilang larawan sa hindi kaaya-ayang posiyon sa itaas ng kama.

May mga nagpapatunay pa noon sa relasyon ng dalawa na pilit lamang umanong tinatago sa takot na mabash ng mga netizens lalo na't pareho silang nagtatrabaho sa showbiz industry.

Sa kabilang banda, iginiit naman noon ni Marvin Agustin na talagang magkaibigan lamang sila ni Markki at hindi umano makatotohanan ang mga larawan na kumakalat patungkol sa kanilang dalawa. Wala umano silang relasyong dalawa.

Vice Ganda Pinatatanggal Na Ng Shopee Users Bilang Endorser Dahil Sa Ringtone Nito!

Umaani ng samu't-saring reaksyon mula sa mga Shopee users ang ringtone ng Unkabogable Star bilang panibagong ringtone ng Shopee tuwing may natanggap na notification.

Naglabasan ngayon ang ilang mga reaction videos mula sa mga netizens na hindi nagustuhan ang bagong notification ringtone ng Shopee dahil nakakatakot umano.

May mga nagsasabi pang nagugulat umano sila sa tuwing magnonotify sa kanila ang Shopee. May mga napilitan pang i-silent na lamang ang kanilang mga cellphone dahil naiinis sila sa tunog ng natatanggap na notifications mula sa Shopee.

May mga hayagan pang nag-call out sa Shopee na tanggalin at ibalik na lamang umano nila ang dating notification ringtone dahil talagang hindi maganda ang boses ni Vice Ganda.

Kinukwestyon pa ng iba kung bakit naisipan ng Shopee na palitan ang dating ringtone nila sa 'Shop ganern' ni Vice Ganda na may kasama pang horse sound.

Sa kabilang banda, may ilang mga tagahanga naman si Vice Ganda na dumipensa sa kanya kung saan sinasabi nilang tolerable naman ang notif kung saan talagang matitingnan mo ang iyong cellphone sa pagtunog nito.

 

Andrea Brillantes, Naging Emosyonal Sa Mensahe Sa Kanya Ni Sylvia Sanchez

 Hindi napigil ng young actres na si Andrea Brillantes ang kanyang emosyon dahil sa pagbibigay ng sweet message sa kanya ni Sylvia Sanchez.

Sa naganap na press conference para sa kanilang panibagong teleserye na pinamagatang Senior High, nagbigay ng heartfelt message si Sylvia Sanchez para kay Andrea Brillantes.

Bukod sa pagpuri niya sa angking galing ni Andrea Brillantes sa pag-arte, pinagdiinan din ni Sylvia na mas maganda umano si Andrea kaysa sa ibang kabataan na kasabayan niya na nakatrabaho din niya noon.

Bagama't wala namang ibinigay na pangalan si Sylvia Sanchez kung sinong batang artista ang kanyang tinutukoy, hinala ng marami na si Francine Diaz ito.

Samantala, pinayuhan din ni Sylvia si Andrea na palaging maging mapagpakumbaba sa lahat ng oras at magtiwala lamang sa Diyos at sa sarili.

Habang sinasabi itong lahat ni Sylvia Sanchez, hindi naman mapigil ni Andrea Brillantes ang kanyang emosyun at napapaluha siya dahil ramdam na ramdam niya ang pahayag ni Sylvia.

Lalo na sa pangako ni Sylvia na nasa sa likod lamang ni Andrea ang Atayde Family.

Pagiging Agresibo Ni Awra Briguela Sa Lalaki Kuhang-Kuha Sa CCTV Footage

 Kitang-kita ngayon sa mga kumakalat na video at CCTV footages ang tila pagiging agresibo ni Awra Briguela sa mga lalaki sa loob ng isang bar.

Ang mga CCTV footages din umanong ito ang ibinigay ng complainant sa mga pulis bilang ebidensya sa pagsasampa ng kaso.

Pinabulaanan naman ito ng mga kaibigan ni Awra at may nagsabi pang siya umano ang ipinagtanggol ni Awra dahil hinipuan at binastos umano siya.

Subalit sa mga kumakalat na video, kapansin-pansin na si Awra talaga ang tila naging agresibo at pilit pang pinaghuhubad ang lalaki.

Kahit inaawat na ng mga bouncer ng bar at ng mga kaibigan niya ay hindi pa rin nagpapigil si Awra, sinundan at kinompronta sa labas ng bar ang complainant na si Mark Christian Ravana.

Doon na nangyari ang pagrarambulan nila hanggang sa madala na nga sa estasyon ng mga pulis si Awra at tuluyan nang masampahan ng kaso at makulong.

Tila pinatunayan naman ng nasabing video ang naging pahayag ng naging pahayag ng complainant na si Awra ang naunang nagwala dahil hindi nila pinagbigyan ang kahilingan nito na maghubad sila.

Samantala, sinegundahan naman ng mga video at CCTV footages na ibinahagi ng isa pang social media personality at businessman na si Xian Gaza.

Hindi naman namataan ang sinasabing babae na ipinagtanggol ni Awra bagkus, ang tanging makikita sa video ang tila pamimilit nito na makita ang katawan ng lalaki.

Xian Gaza Nagbigay Ng Pahayag Sa Mga Nanawagan Na Palayain Si Awra

 Tila pinalagan ng social media personality at businessman na si Xian Gaza ang mga panawagan ng ilang mga netizens na palayain na umano ang naarestong si Awra Briguela.

Sa ngayon ay kinakaharap ni Awra Briguela ang patong-patong na kaso na isinampa sa kanya matapos ang naganap na rambulan sa labas ng isang bar sa Poblacion, Makati.

Naglabasan rin maging ang iba't-ibang kwento sa naging pinag-ugatan ng rambulan. Ayon sa mga lalaking nakaaway ni Awra, nilapitan sila ng Kapamilya actress at pinaghubad.

Hindi umano sila pumayag kaya ito na ang pinag-ugatan ng lahat.

Samantala, ayon naman sa mga kaibigan ni Awra, binastos umano sila ng mga lalaki at pinagtanggol lamang sila ni Awra ang mga lalaki rin umano ang unang nanuntok.

Marami naman sa mga netizens at mga kaibigan ni Awra ang dumipensa sa kanya at humiling ng kalayaan. Subalit, iba naman ang pananaw ni Xian Gaza rito.

Pinaalalahan ni Xian Gaza ang publiko na respetuhin ang batas ng bansa.

“Inaresto at ikinulong si Awra because that’s how the system works at wala kayong magagawa doon. Na-caught in the act siya sa kaguluhan eh. Nasa tamang due process ang mga pulis na damputin siya,” pagpupunto ni Xian Gaza.

Kinwestiyun din ni Xian ang mga kaibigan ni Awra kung bakit nawala na lamang ang mga ito sa eksena at hindi nagfile ng complaint sa mga nambastos na lalaki.

“Justice for Awra? Guys, the justice system is working properly on him. Sadyang nagkamali lang siya at nabutasan ng batas. Hindi porke trending sa social media eh maaari na siyang palayain. Kahit gaano pa kalinis ang intensyon niya para sa kanyang mga kaibigan,” muling paglalahad ni Xian.

Samantala, naglabas na ng mga CCTV footages si Xian Gaza na aniya'y kuha mula sa bar na pinangyarihan sa nasabing rambulan.

Bimby Aquino, Susundan Ang Yapak Ng Ina Sa Showbiz Industry

 Usap-usapan ngayon ng mga netizens ang pagpirma ni Bimby Aquino ng kontrata talent management firm na Cornerstone Entertainment.

Inilabas mismo ito ng official page ng Cornerstone Entertainment kalakip ang mga larawan na kasama sina Boy Abunda at Bimby Aquino.

“The Cornerstone fam with Bimb 👀📸. Exciting days are truly ahead for the young star,” caption ng Cornerstone.

Ayon pa sa post ng Cornerstone, si Tito Boy Abunda muna ang tumatayong guardian ni Bimby habang nagpapagamot pa si Kris Aquino sa Amerika.

Samantala, marami naman ang natuwa at nag-aabang sa magiging proyekto ni Bimby.

Marami rin ang nagsasabing tiyak na magiging magaling na artista si Bimby dahil napakagaling ng kanyang ina sa larangan ng pag-arte.

"I am looking forward to your show Bimby if ever…"

"I think Bimb is also a good host like his mom."

"wow artista na c bimby!!!! i know tito boy will take care of you"

"this will be a great help to Kris and his future! Good luck, Bimby!"

Sa ngayon ay kasalukuyang nasa Amerika si Kris Aquino upang magpagamot sa kanyang limang autoimmune diseases. Napagdesisyunan umano ni Kris na pauwiin sa bansa si Bimby upang makaranas naman ito ng normal teenage life.

View this post on Instagram

A post shared by Cornerstone Entertainment Inc (@cornerstone)

Valentine Rosales Natak0t Makasuhan? Nag Sorry Kay Awra Briguela

 Agad na binawi ng social media personality na si Valentine Rosales ang nauna niyang komento sa pagkakadampot kay Awra Briguela ng mga pulis matapos masangkot sa isang rambulan sa labas ng isang bar sa Poblacion, Makati.

Ayon sa komento ni Valentine, ito ang nangyari kay Awra dahil nagmamalinis ito sa social media.

“Ayan masyado kasing matapang at nagmamalinis sa socmed pero makalat sa totoong buhay. Kaya mas ok yung madami galit sayo sa socmed pero pag nakita ka sa personal sasabihin ang bait mo pala,” komento ni Valentine Rosales.

Agad naman itong umani ng samu't-saring pambabatikos mula sa mga netizens na nagsasabing sumusobra na sa pakikisawsaw ni Valentine Rosales. Ipinunto rin ng mga netizens na hindi nararapat na gawing katuwaan ang nangyari kay Awra.

Samantala, nang mapansin ni Valentine na puro negatibong sagot ang nakukuha ng kanyang post. Agad niya itong binura at nagsorry kay Awra.

“First of all, I want to apologize to Awra. I’m really sorry, masyado akong nagsalita nang hindi ko pa alam ‘yung buong story. Dinelete ko ‘yung comment ko and hindi na ako sasawsaw, magbabagong buhay na ako,” saad ni Valentine.

Hiling pa niya, “I hope you find the best lawyers to help you na makaalis sa kulungan. Nalaman ko ‘yung reason behind that.”

Pinuri pa ni Valentine si Awra sa pagiging 'true friend' nito sa kanyang mga kaibigan.

Ellen Adarna Ibinuking Kung Magkano Ang Ibinibigay Na Sustento Ni John Lloyd Sa Kanilang Anak

 Marami ang nagulat at mas lalong humanga sa aktor na si John Lloyd Cruz nang ibulgar ni Ellen Adarna kung magkano ang ibinibigay nitong sustento buwan-buwan para sa anak nilang si Elias.

Marami ang napahanga dahil sa pagiging galante at pagiging responsableng ama nito na hindi katulad sa ibang mga ama na basta-basta na lamang iniiwan ang kanilang mga anak.

Sa isang TikTok video, isiniwalat ni Ellen Adarna na buwan-buwan kung magbigay ng sustento si John Lloyd para sa kanilang anak sa halagang 20,000 pesos.

Ayon pa kay Ellen Adarna, si John Lloyd ang unang nagtanong sa kanya kung magkano ang dapat niyang ibigay na sustento para kay Elias.

Agad naman umano itong sinagot ni Ellen na 10 000 ang kailangan na pangbasic needs ni Elias. Dinoble naman umano ito ng aktor at nagbibigay ng 20 000 kada buwan.

Alam naman umano niyang kaya pang dagdagan ni John Lloyd ang sustento subalit hindi na umano pumapayag si Ellen dahil kailangan pa rin umano niyang magbigay para kay Elias dahil nasa co-parenting set-up sila.

“I know he’s more than capable of giving more than that but I told him I cannot accept anything more than P20,000 and that’s it,” saad ni Ellen.

“Because we’re co-parenting. I have my obligations and responsibilities for Elias so it’s just fair,” dagdag pa ni Ellen.

Agad namang umani ng samu't-saring komento mula sa mga netizens ang nasabing video ni Ellen. Marami ang humanga kay John Lloyd Cruz dahil hindi umano ito naging pabaya sa kanyang anak.

Hinangaan rin nila si Ellen dahil hindi umano ito naging makasarili.

Nadawit din sa usaping ito ang aktor na si Paolo Contis dahil sa pagiging irresponsable nito sa kanyang mga anak sa iba't-ibang babae.

“Salute to Ellen and John Lloyd.”

“Shes not greedy.”

“Hindi talaga sya greedy. Mabait daw talaga si Miss Ellen Adarna. Basta swerte si Derek Ramsey.”

“Hindi marunong mag effort yan c contis tamad cguro sa iba lng masipag.”

“Paolo contis left d group.”

“Paolo contis jump to the universe.”

“Hindi marunong mag effort yan c contis tamad cguro sa iba lng masipag.”

@mjmarfori #fyp #JohnLloydCruz #entertainmentph #ellenadarna #derekramsay #showbiznews ♬ original sound - Mj Romualdez Marfori - Mj Marfori

Sen. Raffy Tulfo Tutulungan Si Awra Briguela, Matapos Ikulong

Maging ang programa ni Sen. Raffy Tulfo, na Raffy Tulfo in Action ay nakatutok rin ngayon sa mainit na usapin patungkol sa nangyari sa actor at social media personality na si Awra Briguela.

Hinimok pa ni Sen. Raffy Tulfo ang mga kapulisan na huwag maging bias dahil lamang sa kasarian ni Awra Briguela. Hiling din ni Sen. Raffy Tulfo na sanay alamin din ng kapulisan ang panig ni Awra Briguela sa nangyari.

Inalmahan din ni Sen. Raffy Tulfo ang naging pahayag ng Chief ng PNP sa Makati na naging agresibo umano si Awra dahil isa itong gay. Ito umano ang naging dahilan kung bakit ninanais ni Awra Briguela na makita ang katawan ng lalaking nagrereklamo.

"Ay hindi Sir, mali ka diyan Sir. Wag ganun. Palibhasa'y gay, gustong makita agad ang katawan ng isang lalaki? Siguro po, merong pinagmulan yung kaguluhan," pahayag ni Sen. Raffy Tulfo.

Kamakailan lamang ay kumakalat sa social media ang video clips ng isang rambulan sa labas ng isang bar sa Poblacion,     Makati.

Kabilang sa mga nagrarambulan ay si Awra Briguela agad silang dinampot ng mga pulis. Subalit si Awra lamang ang nakasuhan at nakulong.

Agad namang, dumepensa ang mga kaibigan ni Awra at sinabing ipinagtanggol lamang nito ang kanyang mga kaibigan na nauna umanong binastos ng mga lalaki.

Talaga ba P/ Col. Edward Cutiyog ??? Ang papanget na nga ng mga nanghipo tapos sasabhin mo gusto pa makita yung katawan. Grabehan na to!!! #JusticeForAwra #IStandWithAwra #Tulfo pic.twitter.com/whWYgkzXee

— 𝓙𝓪𝓷𝓮 ♡ (@missjhaneyu12) June 30, 2023

Jessica Soho Tumangging Maging Guest Niya Si Vice Ganda Sa KMJS

 Naging mainit na usapin sa ilang mga social media platforms at ilang mga entertainment sites ang pahayag ni Vice Ganda kung saan tila nagbigay siya ng pahiwatig na nais niyang maging guest sa programa ni Jessica Soho sa KMJS.

Inilabas ito ni Vice Ganda noong June 28, 2023 habang nagaganap ang contract signing sa pagitan ng ABS-CBN at GMA7 para sa pagpapalabas ng It's Showtime sa GTV, isang subsidiary channel ng GMA7.

“Napag-usapan namin ni Tita Cory, kasi siyempre magpu-promote. Sabi ko, meron lang akong request, since maggi-guest tayo sa ibang GMA shows, puwede ko bang i-request na mag-guest ako sa programang ito. Gusto ko lang lumabas sa programang ito, kung uubra lang,” saad ni Vice Ganda.

Subalit, ayon sa mga usap-usapang nakarating kina Manay Cristy Fermin, tumanggi umano si Jessica Soho na maging guest si Vice Ganda.

"’I’m sure ‘Nay, Ms. Jessica Soho will decline. Pinsan ko ang make-up artist ni Ma’am Jessica, ayaw niya,’" pagbabasa ni Manay Cristy Fermin sa mensahe mula sa kanyang source.

Matatandaan na nagkaroon ng isyu sa pagitan ng dalawa noong magbiro si Vice Ganda at kinumpara si Jessica Soho sa 'lechon'.

Agad namang humingi ng paumanhin si Vice Ganda kay Jessica nang umani ng pambabatikos ang kanyang naunang pahayag. Tinanggap naman ito ni Jessica Soho na nag-iwan ng mensaheng sana ay sincere si Vice at mula sa puso talaga ang paghingi ng tawad sa kanya.

“I sincerely hope and pray that this was done with the purest intentions and determination to put this issue behind us.” 

Joey De Leon, Binanatan at Pinatulan Ang Mga Bashers Na Pinagreretire Na Sila

 Hindi napigil ni Joey De Leon na sagutin ang mga bumabatikos sa kanya at kina Tito Sotto at Vic Sotto patungkol sa kanilang edad.

Hindi naman maipagkakaila na talagang may edad na ang iconic trio na sina Tito Sotto, Vic Sotto at Joey De Leon. Si Tito Sotto ay nasa 74 years old na, si Vic Sotto naman ay 69 years old na habang si Joey De Leon naman ay 76 years old.

Kaya naman, may mga netizens na nagsasabing mas mabuti ngang magretire na lamang ang tatlo at i-enjoy na lamang ang kanilang nalalabing oras kasama ng kanilang pamilya.

Nag-ugat ang usaping ito nang pumutok ang balitang may hindi pagkakaunawaan sa pagitan ng TVJ at TAPE Inc., na siyang producing company ng 'Eat Bulaga'.

Tila hindi naman ito nagustuhan ni Joey De Leon at tinawag na mga "buwisit”, “inggitero,” at “pakialamero.”

Pinangaralan din niya ang mga bashers at ipinuntong walang masama kung magtatrabaho man sila sa kanilang edad ngayon dahil kaya pa naman nila.

Sinabi rin ni Joey De Leon, na ang pagtatrabaho nila ngayon ay para rin naman sa kani-kanilang pamilya.

“Kaya yung mga nagsasalita na mga buwisit. Didiretsuhin ko na, may ilan lang yan, e. Yung, ‘Uy, ang tatanda niyo na, pagbigyan niyo na yung mga bata.'

"Well, ito para sa yo to... A, ikaw puwede ka na palang ilibing. Yung ganun.

“Tumahimik ka na. Kasi, ito may galit na ako, e, kasi pakialamera o inggitera kayo, inggitero kayo o pakialamero. 

“Ang tao, hanggang gustong gumalaw, pabayaan mong gumalaw. Kung gustong magtrabaho, pabayaan mong magtrabaho.

"Kaya ka nagtatrabaho, pag tanda mo, hindi na para sa sarili mo, para na yan sa pamilya mo. Ito, lecture na to, para na yan sa ibang tao. Para na yan sa pamilya mo, sa mag-anak mo,” prangkang pahayag ni Joey De Leon.

It's Showtime Hosts Naging Emosyunal Sa Huling Araw Nila Sa TV5

 Hindi napigil ng It's Showtime hosts na maging emosyunal sa huling araw ng pag-ere nila sa TV5.

Nauna nang naiulat ang paglipat ng It's Showtime sa GTV dahil nagtapos na ang kanilang kontrata sa TV5. 

Nag-alok naman umano ang TV5 na ililipat sila sa ibang timeslot dahil ang kasalukuyan nilang timeslot ngayon ay ibibigay na sa TVJ, subalit mas pinili ng It's Showtime na umalis na lamang.

Sa huling araw ng kanilang pag-ere sa TV5, nagbigay ng heartfelt message si Vice Ganda sa Kapatid network kung saan ipinahayag niya ang kanyang pasasalamat.

“Sa araw po na ito ay isang kabanata ng 'It's Showtime' ang nagwawakas. Alam niyo naman ang 'Showtime' ay parang isang mahabang kwento. Para siyang isang libro na araw-araw, tuwing umeere kami ay saka pa lang namin isinusulat ang laman ng libro na 'yan,” pahayag ni Vice Ganda.

Dagdag pa niya, “So oras po na ito, sa araw na ito ay isang kabanata ng libro na 'yon ang nagtatapos. 'Yung kabanata ng pagiging bahagi namin ng Kapatid network, TV5. 

"Ito na po ang huling pagkakataon na mapapanood niyo kami sa TV5 kaya naman po gusto naming magpasalamat sa pamunuan ng TV5, sa inyong tahanan, sa pagbibigay po sa amin ng pagkakataon, ng oportunidad na makagamit po ng inyong bahay. 

"Sa pagkupkop sa amin kahit hindi naman masyadong matagal, panandalian ay napakalaking tulong po nu'n sa amin.”

Pinasalamatan din ni Vice Ganda ang Madlang Pipol sa walang tigil na pagsuporta sa kanilang show.

“Maraming maraming salamat, Madlang Pipol, dahil kahit saan man kami mapunta, anuman ang pangyayari sa Showtime, anuman ang kinahihinatnan ng Showtime, anuman ang pinagdadaanan at kinakaharap ng Showtime, ilang beses niyong pinatunayan sa amin na kayo ang bumubuhay sa amin sa ilang beses naming paghihingalo.”

Habang sinasabi ni Vice ang kanyang mensahe, hindi naman napigil ng iba pang It's Showtime hosts ang mapaluha dahil ramdam nila ang emosyon ni Vice Ganda na nakapaloob sa kanyang mensahe.

Lee O'Brian Naniningil Ng 2.4 Million Kay Pokwang Dahil Sa Kanilang Channel

 Kamakailan lamang ay natalakay sa YouTube vlog ng talent manager at showbiz insider na si Ogie Diaz ang isyu sa pagitan ng dating magpartner na sina Lee O'Brian at Pokwang.

Tila nagkaroon umanong muli ng isyu sa pagitan ng dalawa dahil sa pag-aagawan nila sa tunay na nagmamay-ari sa kanilang YouTube channel na 'Poklee'.

Ayon kay Ogie Diaz, may nakapagsabi umano sa kanya na humihingi ngayon si Lee O'Brian ng mahigit 2.4 million pesos kay Pokwang para masolo na umano ng aktres ang kanilang YouTube channel.

“Kasi nga ang nakarating din sa atin, na para ibigay ni Papang ‘yung 'Poklee' channel nila sa YouTube kay Mareng Pokwang, na may 531,000 na followers, e 2.4 million ang sinisingil ni Papang. Totoo ba yun papang?” pagsisiwalat ni Ogie Diaz.

Matatandaang nauna nang ipinahayag ni Pokwang na nais niyang makuha ang kanilang YouTube channel mula kay Lee O'Brian na kasalukuyang may hawak nito ngayon. Para makatulong naman kahit papano sa kanila ni Malia.

Subalit, hindi umano pumayag si Lee O'Brian kaya naman nagpatulong na si Pokwang sa kanyang abogado para mabawi niya ang nasabing YouTube channel.

“Hi Mare. Thank you so much sa tulong. Sensya na maga ang mata ko, maghapon akong iyak nang iyak. nanghihinayang kasi ako sa PokLee Youtube namin. E ayaw naman i-surrender nung isa. Ayaw nmang ibigay sa amin ng anak niya. So we decided na mag-start na naman ako from the top.”

"Mag-iipon na naman ako ng followers na pinagpaguran ko doon sa ming Youtube channel na PokLee. So papa-shut down ko nalang kaysa naman pakinabangan ng kung sino-sino,” pahayag noon ni Pokwang.

Nakarambulan Ni Awra Briguela Nagsalita Na, Desididong Ipakulong si Awra?

 Tuluyan nang sinampahan ng kaso ang social media personality na si Awra Briguela matapos ang pagkakasangkot niya sa isang rambulan.

Nauna nang naiulat ang nangyaring rambulan sa labas ng isang bar sa Poblacion, Makati. Agad naman rumesponde ang mga kapulisan at nakita pa sa video ang pagpupumiglas ni Awra habang sinasakay sa patrol.

Tuluyan na ngang sinampahan si Awra ng kasong physical injuries base na rin sa inilabas na mugshot ng PNP.

Bukod sa kasong ito kinakaharap rin ni Awra ang patong-patong na kaso kabilang na ang Direct Assault, Alert Scandal and Resistance and Disobedience To Person in Authority.

Samantala, marami naman sa mga kaibigan ni Awra ang dumipensa sa kanya at sinabing pinagtanggol lamang sila ni Awra.

May mga lalaking nanghipo umano sa kanila kaya naman kinausap umano ito ni Awra subalit nauwi sa rambulan ang lahat.

Bigla na lamang umanong sinuntok si Awra ng mga lalaki at gumanti naman kaagad ito. Nawala naman sa eksena ang sinasabing kaibigan ni Awra kaya wala na itong nakasama nang dalhin siya ng mga pulis sa station.

Kaya naman nagsampahan siya ng reklamo ng mga sinasabing lalaki, walang makakapagpatunay na walang kasalanan si Awra.

Samantala, maging ang social media personality at businessman na si Xian Gaza ay  nagbigay rin ng offer kay Awra na tulungan siyang makapagpyansa at bibigyan pa ng abogado.

Naglabas din ng paliwanag si Xian hinggil sa pagpapakulong ngayon ni Awra.

"Inaresto at ikinulong si Awra because that's how the system works at wala kayong magagawa doon. Na-caught in the act siya sa kaguluhan eh. Nasa tamang due process ang mga pulis na damputin siya.

"Hindi porke ipinagtanggol niya yung mga kaibigan niyang hinipuan eh maaabswelto na siya sa kaso. Maaaring bayani siya sa paningin nating lahat pero sa mata ng batas ay wala siyang laban.

"Bakit hindi inaresto yung mga lalaking manyak?

"Tanong ko sa inyo, nagreklamo ba sa pulisya yung mga babaeng hinipuan? Hindi naman. So paano dadamputin?

"Justice for Awra? Guys, the justice system is working properly on him. Sadyang nagkamali lang siya at nabutasan ng batas. Hindi porke trending sa social media eh maaari na siyang palayain.

"Yung isang kakilala ko nga, palaging trending na scammer scammer scammer pero hindi naman masampahan ng kaso kaya ang sarap ng buhay sa iba't-ibang bansa. Ni isang estafa case ay walang nanalo. Scammer siya sa mata ng lahat pero sa mata ng batas ay wala siyang sala maliban sa 11 checks na tumalbog dahil hindi napondohan.

"The same way with Awra, maaaring hero siya for all of us but the law of the land has a different perspective.

"Kahit gaano pa kalinis ang intensyon niya para sa kanyang mga kaibigan, Awra committed a crime.

"Nawa'y maging leksyon ito sa lahat ng Millennials and Generation Z out there. Kahit ano pa ang kasangkutan niyong gulo, huwag na huwag kayong magpapabutas sa batas upang hindi mangyari sa inyo ang nangyari kay Awra."

Samantala, nagsalita na rin ang lalaking nakaalitan ni Awra sa labas ng bar. Ayon sa kanya, bigla na lamang silang nilapitan ni Awra at pinaghubad ng t-shirt.

Ayon pa kay Mark, mga kaibigan ni Awra ang unang nanuntok sa kanya.

Xyriel Manabat Sinagot Ang Basher Na Nagtatanong Sa Kanyang Pagpaparetoke

 Masayang ibinandera ng Kapamilya actress na si Xyriel Manabat ang malaking pagbabago sa kanyang mukha matapos ang matagumpay na nose job.

Sa kanyang Instagram post, masaya siyang nag-flex ng kanyang larawan kung saan ipinahayag niya sa caption ang kanyang pasasalamat sa clinic na gumawa sa kanyang nose.

Agad namang nagpaabot ng kani-kanilang pagbati ang ilang mga kasamahan at kaibigan niya sa trabaho. Maging ang kanyang fans ay nagpahayag din ng paghanga na sa lalong pagganda ng aktres.

Subalit may isang netizen na nag-usisa at hayagang tinanong ang akres sa eksaktong procedures ng kanyang mga pinagawa.

“Eyelids, rhino?, lip fillers. Jaw reduction? Ang ganda ng gawa,” komento ng netizen.

Agad naman itong sinagot ni Xyriel at itinama ang komento nito.

Ayon sa aktres tanging ilong lamang ang kanyang pinagawa. Subalit, tila hindi nakumbinsi ang nasabing basher at muling sinagot si Xyriel at ipinunto ang pagkakaiba ng kanyang mukha ngayon.

“HAHA anong nose lang eh buong face mo nag-iba. Wala naman masamang umamin, cyst. Lol,” muling saad ng basher.

Hindi naman ito pinalagpas ni Xyriel at kaagad na ipinunto sa basher na wala naman siyang itinatago.

“Hi, what’s the point of denying po? It’s something to be proud of… I’m being honest and transparent. Of course whole po magbabago kasi nasa center po ng face ang nose and may madadamay at maapektuhan po talaga na part ng face kaya magbabago po talaga whole face… common sense come on,” tila pagtataray ni Xyriel.

Ibinahagi pa mismo ng aktres ang screenshot ng naturang conversation thread at kinomentuhan.

“Bakit ko idedeny eh ang galing-galing ng doctor ko,” muling saad ni Xyriel.

Paolo Contis, Ipinagtanggol Si Buboy Villar Sa Mga Bashers Sa Inamin Tungkol Sa Kakilalang Contestant

 Agad na dinepensahan ng isa sa mga mainhost ng revamped Eat Bulaga na si Paolo Contis ang kanyang kasamahan na si Buboy Villar matapos nitong aminin na totoong kakilala niya ang contestant para sa 'Pinaka Segment' na nakuha ni Mavy Legaspi.

Sa isang panayam, tuluyang inamin ni Buboy Villar ang ilang isyung kakilala at tauhan niya sa kanyang negosyo ang nasabing contestant.

Ayon kay Paolo Contis ang tanging pagkakamali lamang ni Buboy ay ang pagpanggap na hindi niya kakilala ang contestant.

Hindi naman umano alam nito na pupunta at manonood ang kanyang tauhan sa araw na iyon ng kanilang show. Paglilinaw pa ni Buboy na hindi nakasaad sa kanilang script na ito ang matatawag  sa harapan para makilahok sa kanilang 'Pinaka Segment'.

“Naawa rin po ako sa part ng contestant kasi fan ko po ‘yon, fan ko po ‘yon na sobrang sumuporta sa akin dahil sa kabila ng mga taong nagsasabi ng masasakit na salita sa akin although okay lang naman po sa akin ‘yon, tumatanggap naman po ako kasi opinyon ‘yon, eh sumuporta itong kaibigan ko na ‘yon at sobrang saya ko dahil nandoon siya, nakita ko siya, at napili siya ng mga co-hosts ko rin so the show must go on, pinaglaro siya.”

“Lahat naman po puwedeng manalo eh, sabi nga po namin sharing is caring and caring is winning,” saad ni Buboy.

“Hindi ko alam na manonood siya ng Eat Bulaga. Hindi ko talaga expected kasi ang una kong gustong nandoon sa stage ay ‘yong nanay ko, siya ‘yong ininvite ko, gusto ko saksi ‘yong nanay ko doon kasi unang-una po sa lahat, Eat Bulaga po ito part po ito ng history, tapos tutuntong po kami sa stage ng Eat Bulaga,” dagdag pa ni Buboy.

Agad naman itong ipinagtanggol ni Paolo Contis at sinabing, “It was a very honest mistake, una sa lahat, the only mistake I guess was that Buboy did not mention it on-air na kilala niya ‘yong tao. Pero ‘yung taong ‘yon hindi niya kasama sa likod, pumila ‘yon ng 6:00 ng umaga tapos pinili siya ni Mavy ‘di ba?”

“Pero ang tao naman kasi hahanap at hahanap ng paraan para sabihing… lalo ngayon na para kang nasa microscope ‘di ba lahat ng kaunting mali mo eh, pupunahin.”