Xander Ford, Isinugod Sa Ospital Matapos Ma-Knock Out

 Hanggang ngayon ay tila hindi pa rin nalilimutan ng ilang mga netizens ang epic fight ng dalawang social media personalities na sina Xander Ford at Christian Merck Grey.

Matatandaan na buong pagmamayabang na ipinahayag pa noon ni Xander Ford na papatumbahin niya sa labanan si Christian Merck Grey na labis niyang kinaiinisan.

Subalit, sa naganap na labanan, parang suntok lang ng bata ang binibitawan ni Xander Ford laban kay Merck Grey at talaga pang hinimatay ito sa isang combo punch ni Merck na tila hindi naman din kalakasan.

Pa-slowmo pa itong bumagsak at hindi na nakatayo pa hanggang ideklarang si Merck ang nanalo sa kanilang tagisan ng pambatang lakas.

Dahil dito, pinagtatawanan ngayon sina Xander Ford at Merck dahil sa scripted nilang labanan.

Binalikan pa ng mga netizens ang pagmamayabang ni Xander kay Merck na tatalunin niya ito gayung tila hindi naman nasaktan ni katiting si Merck sa kanyang mga suntok.

Samantala, ayon sa mga kumakalat ngayon na mga haka-haka, nagpunta umano si Xander Ford ngayon sa hospital dahil tila nabali ang pinaretoke nitong ilong.

Kaya naman ayon sa ilan mga netizens na karma na si Xander sa labis na kayabangan niya at pagkabilib sa kanyang sarili na wala na sa lugar.

May mga lalo pang nainis kay Xander dahil una na itong pinayuhan na huwag sumabak sa labanan upang maiwasan na masira ang pinaretoke niyang mukha.

Pokwang Kinoronahan Sa Mrs. Universe Philippines 2023

 Naging beauty queen na ang komedyanteng si Pokwang sa edad na 52 years old matapos siyang ma-appoint bilang Mrs. Universe Queen Celebrity Icon Ambassadress 2023 ng Mrs. Universe Philippines Organization na pinamumunuan ng national director na si Charo Calalo sa kabila ng pagiging single.

Agad namang ipinaliwanag ng organization kung bakit si Pokwang ang kanilang napili gayung hindi pa naman ito ikinasal at hindi pa maaring tawaging Mrs.

Ayon sa organization, kwalipikado pa rin si Pokwang sa nasabing title dahil isa naman itong ina kahit pa hindi ikinasal.

Hindi lamang si Pokwang ang kinilala dahil kinoronahan din si Andrea del Rosario bilang Mrs. Universe Philippines Tourism 2023, at si Jean Saburit bilang Mrs. Universe Philippines Classic 2023.

Samantala, labis naman ang tuwang naramdaman ni Pokwang sa pagkakaroon niya ng Beauty queen title. Ayon sa kay Pokwang medyo nabawasan ang bigat na kanyang dinadala ngayong ongoing ang deportation case niya laban sa dating kinakasama na si Lee O'Brian.

“Masaya ako na kahit papaano, nabawasan ang bigat na nararamdaman ko dahil sa dami ng blessings sa buhay na dumarating, at isa na nga ang pagkakaroon ko ng beauty title," saad ni Pokwang.

“O ano? Sa mga pangit na pangit sa akin diyan? It’s a tie!” dagdag pa ni Pokwang na sinundan ng matunog na halakhakhak.

Aminado rin si Pokwang na nagulat siya dahil siya ang napili ng organization na bigyan ng nasabing title.

“Na-surprise po ako nang sobra dahil ako ang napili nila sa kabila ng hindi naman ako kasal. Nakita at sinusuportahan nila siguro ang aking adbokasiya na tumindig para sa mga single mom na pareho ng pinagdadaanan ko pero takot na lumantad dahil mahuhusgahan lamang sila,” pahayag ni Pokwang.

Tunay Na Dahilan Ng Di Pagsama Ni Alden Richards Kina Tito Vic at Joey Sa TV5

 Isiniwalat na ni Tito Sotto ang dahilan kung bakit hindi nila kasamang lumipat sa TV5 ang Pambansang Bae na si Alden Richards.

Matatandaan na maraming naglabasan na mga haka-haka at spekulasyon tungkol sa dahilan kung bakit hindi nakasama ng TVJ sa TV5 si Alden Richards gayung isa rin siya sa mga orig Dabarkads.

Ipinunto ni Tito Sotto na kung wala lamang existing contract si Alden Richards sa GMA7 ay tiyak umanong sasama ito sa kanila dahil narinig umano niya mismong gusto naman ni Alden na sumama sa kanila.

Lubos naman ang pasasalamat ni Tito Sen kat Alden Richards sa pagsuporta sa kanila. Aminado din si Tito Sotto na malungkot siyang hindi nila makasama si Alden sa muling pagkakataon.

Matatandaan na nauna nang nagbigay ng respeto si Alden Richards sa kanyang mga naging kasamahan noon sa Eat Bulaga. Ipinahayag din niya ang kanyang pasasalamat sa TVJ at sa iba pa nilang kasamahan dahil ang mga ito umano ang naging dahilan sa kanyang pagsikat.

Samantala, una nang ipinahayag ni Alden na hindi niya tatanggapin kung sakaling alukin siya ng TAPE Inc. na palitan ang TVJ sa Eat Bulaga.

Gayunpaman, kahit saan naman umano mapunta ang TVJ at kanyang dating mga kasamahan, buo naman umano ang kanyang pagsuporta sa mga ito.

Ang pagsuporta na lamang umano sa kanila ang tanging magagawa niya sa ngayon dahil nakatali siya sa iba pang mga commitments.

Asawa Ni Patrick Guzman Nagsalita Na Hinggil Sa Pagpan@w Ng Dating Aktor!

 Nagbigay na ng pahayag ang asawa ni Patrick De Guzman hinggil sa biglaang pagpanaw ng dating aktor.

Sa pamamagitan ng paglalabas ng official statement, ipinahayag ni Liezle Guzman ang kumpirmasyon na tuluyan na ngang pumanaw ang dating actor na si Patrick Guzman.

"It is with great sadness that we announce the sudden and unexpected passing of Patrick Guzman, on June 15, 2023 in his 56th year.

"Deeply missed by his devoted wife, Liezle, and his loving children Aiden, Aerielle and JAM. Patrick is survived by his mother Jesusa, siblings Theresa (Dave), Buena, Christine (Scott), and Michael. Predeceased by his father Carlos Guzman (1999).

"Patrick will be dearly missed by his many nieces and nephews; Carlos (Jackie), Aj (Emma), Matthew, Taryn, and Lauren; and will be missed by his in-laws, cousins, extended family and Friends."

Napakasakit para kay Liezle ang pagpanaw na ito ng kanyang asawa dahil hindi man lamang siya kasama nito noong atakehin sa puso at nang pumanaw ito.

Kasalukuyang nagbabakasyon si Liezle nang mangyari ang insidente kaya naman masakit para sa kanya na bangkay na lamang ng asawa ang kanyang uuwian.

Pagbabahagi pa ni Liezle, na masakit para sa kanya ang nangyari dahil marami pa umano silang planong gawin ng magkasama, kabilang na ang plano nilang house warming party para sa katatapos lamang na pagpaparenovate sa kanilang bahay.

Samantala sa nasabing statement ng asawa ni Patrick, binanggit niya ang mga naulilang pamilya ng kanyang asawa kabilang na ang kanilang tatlo anak, ang kanyang ina, mga kapatid, mga pamangkin, sister in-laws at mga extended family and friends.

Sa ngayon ay nakaburol pa ang mga labi ni Patrick hanggang sa darating na June 24 at iki-cremate na ito. May dalawang araw naman ang mga nalalapit na kaibigan ng aktor at mga fans na masilip man lang sa huling pagkakataon ang dating aktor sa darating na June 22 hanggang June 23.

Si Patrick Guzman ang binansagang Englisherong Matinee Idol noong 1990's. Napabilang din siya sa mga sikat na pelikula noon at nakasama ang iba pang magagaling na mga artista sa kanilang kapanahunan.

Halos Walong Porsyento Bitbit Ng Tvj Sa Tv5!Mga Jalosjos at Gma Nganga Sa Ads Ngayon!

 

Usap-usapan pa rin ngayon sa mundo ng showbiz ang pag-alis ng TVJ sa Tape Inc. ng mga Jalosjos.

Ayon pa sa mga naglabasang mga bali-balita ngayon agad na sumunod sa TVJ ang halos 80 percent ng mga main advertisers ng Eat Bulaga advertisers kahit pa nakapag-advance na umano ang mga ito sa TAPE Inc.

Agad umanong sumunod sa TVJ sa TV5 ang mga advertisers upang suportahan ang ilulunsad ng mga itong panibagong show na tatapat sa dati nilang pinag-hohostan na Eat Bulaga.

Kaya naman, labis umano ngayong nasisiyahan si Manny Pangilinan sa mga advertisers na sumunod sa TVJ kaya nito binibigyan ng malaking pabor ang mga ito.

Matatandaan na nauna nang naiulat na sadyang pinarenovate ng TV5 ang dalawa nilang studio upang magkaroon ng mas malaking studio ang show ng TVJ.

Ibinigay din sa mga ito ang noon timeslot ng TV5 na kasalukuyan pang hawak ng Kapamilya show na It's Showtime.

Matatandaan na nauna na ring ibinahagi ni Joey De Leon ang ibinigay na suporta ng Puregold chairman na si Susan Go sa TVJ kahit pa may advance pa rin sila sa TAPE Inc. ng mga Jalosjos para sa Ads ng Eat Bulaga.

Samantala, naging regular naman ang pagdalaw ng mga original Dabarkads sa bago nilang studio sa TV5 upang maisagawa ang rehearsal para sa kanilang show na magsisimulang ipalabas sa ere sa darating na July 1 o sa July 3.

Sa ngayon ay hindi pa rin tiyak kung ano ang magiging pamagat ng kanilang show dahil pinag-iisipan pa umano itog mabuti ng iconic trio.

Anne Curtis Nagulat Sa Ginawa Ng Anak Niyang Si Dahlia

 Kinatutuwaan ngayon sa social media ang videong ibinahagi ni Erwan Heusaff kung saan makikita ang Father's Day bonding nila ng kanyang anak na si Dahlia.

Marami sa mga netizens ang napakomentong talagang nagmana si Dahlia sa kanyang ama sa pagkakahilig sa pagluluto.

Makikita pa sa nasabing video na talagang tuwang-tuwa ang bata habang tinuturuan ito ng kanyang ama na magluto.

"Let's chop chop chop the kiwis. Making crispy dumplings with Dahlia. Thanks for being the coolest daughter," caption ni Erwan sa kanyang video.

Agad naman itong kinagiliwan ng mga netizens, marami ang humahanga sa ginawa ni Erwan na pagtuturo sa kanyang anak. Marami rin ang nasiyahan sa kakaibang bonding ng mag-ama.

"Best father daughter duo."

"More cooking with dahlia pls"

"Dahlia looking at you while taking a bite is so @annecurtissmith "

"cutiee.. she looks like her dada but she acts like her mama.. cutie kaayu"

"tell me how many times you play this video!? the cutest thing in the internet today"

Herlene Budol, Sakit Sa Ulo Sa Taping Ng Magandang Dilag!

 Pinabulaanan ng Kapuso actress at beauty queen na si Herlene Budol ang isyung siya ang dahilan kung bakit naantala at natagalan ang taping sa kanyang debut series sa GMA7 na Magandang Dilag.

Matatandaan na naging usap-usapan noon na marami sa mga katrabaho ni Herlene Budol sa nasabing teleserye ang nagrereklamo dahil sa pagiging sakit umano sa ulo ng actress.

Pinagsabihan na rin umano si Herlene ng kanyang mga kasamahan dahil sa labis na pagtanggap ng mga proyekto kasabay ng taping nila para sa Magandang Dilag.

Gayunpaman, sa naganap na media conference para sa Magandang Dilag, ipinagdidiinan ni Herlene na hindi siya ang dahilan kaya naantala ang taping at hindi rin umano maiiwasan ang mga ganitong bagay.

"Hindi naman po maiiwasan yung mga ganung bagay. Give and take naman po kami sa mga taping schedules sa ibang mga lakad ba. Yung mga outside world naman na schedules, obligasyon naman din kasi yun," pagdidipensa ni Herlene.

Paglilinaw pa ni Herlene na walang isyu sa cause of delay sa kanilang magkatrabaho. Hindi rin umano niya alam kung saan nanggaling ang mga isyu patungkol sa siya ang naging dahilan ng pagkakadelay.

Gayunpaman, nagpapasalamat pa rin siya sa mga bumabatikos sa kanya dahil naniniwala siyang good or bad parehong publicity pa rin iyon.

Tinanong naman ang mga kasamahan ni Herlene Budol sa teleserye at pinatunayan naman nilang professional ito pagdating sa trabaho.

"The first day I reported to the set and I met Herlene sa tent, right away alam kung hindi ako mahihirapan sa kanya," pahayag ng isa sa mga kasamahan ni Herlene.

"And I was hoping na hindi lamang ito pang first day. True enough hanggang last day ay ganun pa rin ka dedicated si Herlene kahit wala siyang tulog," dagdag pa nito.

Nagustuhan din umano nila ang pagiging respectful ni Herlene sa lahat ng kanyang mga kasamahan sa teleserye.

Isiniwalat pa ng mga kasamahan ni Herlene na nalulungkot ang dalaga sa tuwing hindi kaagad nakukuha ang scene dahil takot itong makaabala sa iba.

Xander Ford, Knockout Agad Sa Boxing Match Nila Ni MakaGwapo!

 Naganap na sa wakas ang hinihintay na boxing match ng dalawang social media personality na sina Xander Ford at Christian Merck Grey.

Matatandaan na hinamon ni Christian Merck Grey si Xander Ford ng isang boxing match upang doon nila i-settle ang kanilang hindi pagkakaunawaan.

Nag-ugat ang hindi pagkakaunawaan ng dalawa nang madismaya si Xander Ford dahil hindi kaagad naibigay ni Christian Merck Grey ang umano'y ipinangako nito sa kanyang anak sa pagpapabinyag.

Mariin namang iginiit ni Christian Merck Grey na kailanman ay hindi siya nangako kay Xander Ford na magbibigay ng malaking halaga. Gayunpaman, upang matigil na ang pagrarant at paniningil ni Xander sa social media.

Subalit, ilang araw lamang ay muli na naman itong nag-iingay sa social media dahil sa pagpopost ng video ni Merck sa pagbibigay niya rito ng pera.

Muli na namang pinagbibintangan ng kung ano-ano ni Xander Ford si Merck Grey. Ipinahayag pa ni Xander na si Merck ang dahilan ng pag-aaway nila ng kanyang partner.

Kaya naman nagpasya na ang dalawa na maghaharap sa boxing ring sa Battle of the Youtubers upang mailabas ang inis sa isa't-isa.

"Ready na ako sa Sunday. Gusto ko lang sabihin sa'yo Merck na hindi ko na kailangan pang mag-training nang sobra. Ito lang sapat na sakin," pahayag noon ni Xander Ford.

"Sana kumasa ka Merck, hindi ako natatakot sa mga pinapakita mo sa social media. Kahit ilang rounds papalagan kita," dagdag pa ni Xander.

Agad namang pinayuhan ng mga netizens si Marlou aka Xander Ford na huwag nang ituloy ang laban nila ni Merck dahil nag-aalala ang mga ito sa kanya.

Hindi naman lingid sa kaalaman ng lahat na sumailalim noon si Marlou sa plastic surgery.

Samantala nitong June 18, linggo naganap na nga ang paghaharap ng dalawa. Subalit hindi man lang tumagal ang kanilang match dahil kaagad na na knock-out o hinimatay si Xander Ford sa round 2 pa lamang.

Agad naman itong umani ng samu't-saring reaksyon ng mga netizens. Marami ang natatawa kay Xander dahil sa maagang pagbagsak nito sa kabila ng kanyang kayabangan.

Marami naman ang nakapansin na tila scripted lamang ang ginawa ng dalawa kahit pa sa kanilang boxing match.

May pa slow motion pa umano ang pagbagsak ni Marlou na halatang pinagpraktisan.

Zeinab Harake Binati Si Ray Parks Nitong Father's Day, Nagpaka Ama Sa Kanya!

 Binati rin ni Zeinab Harake ang kanyang partner na  si Ray Parks nitong Father's Day dahil sa pagpapakatatay umano sa  kanya.

"Happy Father's Day din sa partner kong nagpapakatatay para sa akin.. thank you @ray parks," caption ni Zeinab sa kanyang Instagram stories kalakip ang larawan nilang magkayakap.

“Sa mundong meron ako sa dami ng dinadala ko hindi pwedeng hindi ako baby minsan at salamat sa dyos kasi binigyan nya ko ng partner na hindi na papa-sakitin yung ulo ko pagdating sa mga walang kwentang bagay at mag papaunawa sakin ng dapat kong gawin.

"Best father ka sa dog mo kay (rj) at sakin. Alam ko soon sa future kids mo [rin] kasi mabuti kang lalaki at may paninindigan ka sa buhay,” dagdag pa ni Zeinab.

Agad naman itong sinagot ni Ray Parks at pinasalamatan si Zeinab Harake. Inamin din nito na talagang kinilig siya sa ginawa ni Zeinab.

“Grabe Bel, sobrang na-touch ako at kinilig ng slight.” 

"I love you," sagot ni Ray Parks at ni-repost ang Instagram stories ni Zeinab.

Matatandaan na kamakailan lamang ay inamin nina Zeinab Harake at Ray Parks ang totoong estado ng kanilang relationship. Kasunod nito ang pagtawag kay Zeinab ng kabit ng isang babae na na-link noon kay Ray Parks.

Iza Calzado Humalakhak Sa Ginawa Ng Asawa Sa Kaniyang Harapan!

 Hindi nagpahuli ang actress na si Iza Calzado sa pagbabahagi ng video at mensahe para sa kanyang mister ngayong Father's Day.

Marami naman ang natuwa sa ibinahaging video ni Iza Calzado kung saan sinasayawan niya ang kanilang anak ni Iza na makikita namang tuwang-tuwa sa ginagawa ng ama.

Bukod sa pagsayaw, kinakantahan din niya ito ng Pilipino song na Tungtong Tong Pakitong-kitong. Subalit, dahil hindi naman kabisado nito ang nasabing awitin kaya tanging tono na lamang ang ipinapalabas nito.

Hindi naman napigil ni Iza Calzado ang mapahalakhak sa tuwa sa ginagawa ng kanyang mister.

Sa pagbabahagi ni Iza sa nasabing video, ipinapahayag niya ang kanyang pagmamahal at pasasalamat sa kanyang asawa. Makikita pa sa video kung gaano kasaya ang kanilang munting pamilya.

"A true testament to the lengths you’d go just to make your family happy. You saw how much this song made Deia happy whenever I would sing it to her so you learned it for us. 🦀

"Thank you for working hard to give us the future you believe we deserve. It’s an honor to witness you become a better father, husband and man everyday. We love you and your singing and dancing skills! 🥰😝❤️

"Happy Father’s Day, @benmwintle"

Ang paghagikhik ni Iza Calzado ay nagpapahiwatig lamang na talagang masaya siya sa piling ng asawa.

Samantala, marami naman ang nagsasabing naiinspire sila sa tinginan nina Iza Calzado at ng kanyang asawa at kung gaano sila kasaya sa piling ng isa't-isa.

"Nakakahappy!!!!!! pwede mag request kay Ben? Pwede po Chuva choo choo!"

"Bahay Kubo next!!! Happy Fathers Day @benmwintle!!!"

"So glad ben still dances the same"

Gigi de Lana, Inokray ng Bashers sa Pagpapa Auction ng Dalawang Croptops na Gamit sa Viral Video

 Tumataas ngayon ang kilay ng mga bashers ng actress-singer na si Gigi de Lana dahil sa pagpapa-auction niya sa kanyang mga damit na sinuot niya sa mga importanteng events sa kanyang career.

Sa pamamagitan sa kanyang Facebook post, ibinahagi ni Gigi ang pagpapa-auction niya sa ilang mga damit na sinuot niya sa ilan sa kanyang mga viral photos, kabilang na noong nag-viral ang kanyang pagkanta ng Bakit Nga Ba Mahal Kita at Through The Fire.

"Own a Piece of OPM and YouTube PH History! Gigi Vibes Auction 02

LATEST BID: 68 K Php !!! 

Up for grabs is the iconic crop top worn by Gigi De Lana in the viral sensation "Bakit Nga Ba Mahal Kita" music video. This one-of-a-kind item will be framed and personally signed , plus a chance to meet ang Gigi De Lana and The Gigi Vibes !  Serious bidders only. Invalid bids will be deleted. For private bids, please email us at ggvibesband@gmail.com or message Rose Ann Bobis  sa FB.  The winner will be contacted and confirmed by our team.

Tara, bid tayo!"

Agad naman itong umani ng samu't-saring reaksyon mula sa mga netizens. May mga nagsasabing ano ba ang tatak ng damit ni Gigi de Lana dahil napanahal naman ng pagkakabenta nito na talagang umabot pa sa 68 thousand pesos.

Samantala, hindi naman ito alintana ng ilang mga fans ni Gigi lalo na't alam nila kung bakit niya ito ginagawa ngayon. Matatandaan na kamakailan lamang ay ibinalita ni Gigi na nadiagnose ang kanyang ina ng stage 4 breast cancer.

"I don’t seem to understand why people are making fun at this post. If kayo din naman asa situation nya you’ll do EVERYTHING para lang mapagaling nyo ang mga mahal nyo sa buhay and cleary this is for a GOOD CAUSE. Be nice people. You wouldn’t know the struggle until you experienced it. Be kind."

"Bid for a cause. Prayer for you Ms. Idol Gigi De Lana and your mother's recovery. Keep safe always "

"HIGH RESPECT FOR THIS POST. This is to support her mom who has cancer... So share some love and prayers"

"Anong tatak ng croptop?"

"Nilabhan na po ba ung croptop madam Gigi De Lana ?"

Reaksyon Ni Sharon Cuneta Na Ireremake Ni Barbie at David Ang Maging Sino Ka Man Movie!

 

Nagbubunyi ngayon ang mga fans nina Barbie Forteza at David Licauco dahil sa napapabalitang gagawin nila ang remake ng pelikulang Maging Sino Ka Man na unang pinasikat nina Mega Star Sharon Cuneta at Robin Padilla.

Ang pelikulang Maging Sino Ka Man noon nina Sharon Cuneta at Robin Padilla ay tumabo sa takilya noon at naging blockbuster hit. Kaya naman marami sa mga fans nina Barbie at David ang talaga namang naexcite ng todo sa darating nilang remake movie adaptation.

Samantala, umani naman ng samu't-saring reaksyon ang naging pagbati ni Barbie Forteza sa kaarawan ni David Licauco.

"Happy birthday! 

Maging masaya palagi at wag pababayaan ang sarili. Congrats sa lahat! Enjoy your special day, Ginoo 

@davidlicauco"

Marami naman ang agad na kinilig sa pagbating ito ni Barbie, talagang hindi nila napipigilan ang maramdaman ito kahit pa hindi naman lingid sa kaalaman ng lahat na may nobyo si Barbie Forteza na walang iba kundi si Jak Roberto.

Samantala, ayon sa aming nakalap na impormasyon, maging ang dating star ng Maging Sino Ka Man na si Sharon Cuneta ay masaya rin na magkakaroon ng remake ang isa sa kanilang hit movie noon.

Excited din umano si Mega Star sa magiging kalalabasan ng pelikula nina Barbie Forteza at David Licauco.

Show ng TVJ Magsisimula Na, Titulo Ng Show Hindi Na Magiging Eat Bulaga

 Isiniwalat na ng TVJ ang magiging pamagat ng kanilang show na noon pa man ay naging laman na sa mga usap-usapan sa social media.

Malinaw na rin nilang ipinahayag na hindi na umano Eat Bulaga ang magiging title ng show nila sa TV5. Ipinahayag pa nilang may ilang mga title umano silang pinag-iispan gamitin sa ngayon pero hindi pa sila nakakapili ng iisa at panay pa ang kanilang pag-uusap.

Samantala, isa sa mga narinig ng ilang mga malapit sa TVJ ay ang katagang "This Is Eat" kung saan, naroon pa rin sa kanilang panibagong title ang salitang 'eat' mula sa binuo ni Joey De Leon na orihinal na title ng Eat Bulaga.

Subalit, ayon kay Tito Sotto, isa lamang ang 'This Is Eat' sa mga pinagpipilian nilang titulo, dahil meron pang ibang mga suggestions. Pero ang sigurado, hindi pa nila pwedeng gamitin ang Eat Bulaga para sa programa dahil hindi pa naaaprove ang ownership na kanilang inaplly sa Intellectual Property Office of the Philippines. 

Kung pipilitin kasi nilang gamitin ito, maari silang idemeanda ng mga Jalosjos. Kaya naman para makaiwas sa malaking gulo na kanilang susuungin kung itutuloy nila ang laban na makuha ang titlong Eat Bulaga dahil kasalukuyan pa itong nakaregister sa mga Jalosjos.

Ayon pa kay Tito Sotto, kasado na rin ang pagsisimula nila sa TV5 sa darating na July. Pinag-iispipan pa umano nila na mismong July 1 sila mag uumpisa sa pag-ere, mismong araw ng sabado o kung sa lunes ng July 3, subalit nasa dalawang araw na ito ang sigurado  magiging first day nila sa pag ere kung saan papalitan na nila ang timeslot ng I'ts Showtime. 

Kaya naman magiging magkatapat ang Eat Bulaga ng GMA7 at ang show ng TVJ sa TV5. 

Samantala, nalulungkot naman ang mga fans ng iconic trio kung hindi mapapasakanila ang titulong Eat Bulaga dahil ang ibig sabihin nito hindi nila maipagdiriwang ang kanilang ika-44 years bilang dabarkads on national TV. Ibig sabihin ang magdiriwang nito ay ang mga bagong dabarkads sa GMA7 na hindi umano katanggap-tanggap.

Yorme Isko Moreno Nakausap Na Sina Tito Sotto, Vic Sotto at Joey De Leon, Nagpaalam Nagpasintabi

 Isko Moreno nagsalita na sa isyung hindi siya naging loyal sa TVJ ng Eat Bulaga.

Nagsalita na si Dating Manila Mayor na si Yorme Isko Moreno, ipinunto niyang nagpasintabi siya kina Tito Sotto, Vic Sotto at Joey De Leon, bago niya tinanggap ang offer ng TAPE Inc. na pumasok bilang host ng rebranded Eat Bulaga.

Matatandaan na isa si Yorme Isko Moreno sa mga bagong hosts ng Eat Bulaga ng TAPE Inc. na pinangungunahan ng mga Jalosjos. Kinukumpara din si Isko Moreno at sinasabing si Isko ang naging counter part ni Vic Sotto sa show.

Subalit ayon kay Isko, hindi siya nararapat na tinuturing bilang counterpart ni Bossing Vic Sotto sa show dahil hindi niya pwedeng pantayan o palitan ang nagawa ng Trio sa show. 

Ayon sa kanya, hindi naman niya kailangang magpaalam kina Tito, Vic at Joey bago tanggapin ang offer ng TAPE Inc. Subalit, dahil may respeto siya sa Trio, nagpaabot siya ng mensahe sa pamamagitan ng kanilang common friend.

Bagama't hindi umano sila nagkita ng personal, naipabatid niya sa TVJ na may paggalang siya sa mga ito kahit pa tinanggap niya ang trabaho bilang host ng Eat Bulaga. Ayon naman umano sa kaibigan ni Yorme na naging tagapamagitan kina Isko at TVJ, nag okay naman daw ang Trio at sinabing walang problema sa pagpasok ni Isko sa programa dahil ito ay trabaho lamang.

Tila may katotohanan naman ito dahil mismong si Joey De Leon ang nagpahayag sa isang panayam na nasilip niya mismo ang panibagong Eat Bulaga. Ayon kay Joey De Leon, walang problema sa kanyang ang mga panibagong Eat Bulaga hosts na siyang pumalit sa kanila dahil tinanggap nila ito dahil sa trabaho.

Tila ganito  din malamang ang pag-iisip nina Tito at Vic Sotto dahil pareho naman silang professional. Kaya naman matapos malaman ni Isko ang sagot ng Trio, tila gumaan naman umano ang kanyang dibdib dahil alam niyang hindi siya nakasagasa ng tao.

Ayon pa kay Isko, masaya siya sa ginagawa niya, sa pagreretire niya sa pulitika at ang pagpasok niya ngayon sa Eat Bulaga bilang host ay parang comeback niya sa showbiz.

Hindi naman umano naging mahirap ang hosting para kay Isko Moreno dahil nahasa na siya noon sa That's Entertainment at GMA Supershow ni Kuya Germs. Kaya naman, mapapansin na talagang sanay siya sa hosting at mabilis siyang makapagreact ng tama.

Matatandaan na kaagad na nakapag-adlib si Isko Moreno nang may lalaking nagkamali at nagkapagpasalamat sa TVJ para sa premyong nakuha mula sa kanila ni Buboy Villar.

Felipe Gozon of GMA7 Natakot Sa Pagpasok Ng TVJ Sa TV5 Kukunin Ang It's Showtime

 Usap-usapan ngayon sa mundo ng showbiz ang umano'y pagkatakot ni Felipe Gozon sa TV5 ngayong nasa network na nito ang TVJ.

Ito'y matapos na mapabalitang may negosasyon na umanong nagaganap ngayon sa pagitan ng GMA at ABS-CBN. Ayon sa mga usap-usapan, balak daw na kunin ng GMA7 ang noontime show ng Kapamilya network na It's Showtime. 

Hindi naman lingid sa kaalaman ng marami na sa darating na buwan ng July ay opisyal nang eere sa TV5 ang show ng TVJ. Ang show umano ng original Eat Bulaga hosts ang ilalagay ng TV5 sa noontime timeslot, kaya naman ang ibig sabihin lang nito mawawala na sa dating timeslot ang It's Showtime. 

Mas pinili umano ng TV5 ang TVJ kaysa sa It's Showtime para sa noontime slot, kaya naman lumalabas na mas pinahalagan ng naturang network ang mga Dabarkads at tila mas may tiwala sila sa kakayahan ng TVJ na mapalawig ang kanilang supporters.  Nauna nang naibalita na ililipat lamang ng timeslot ang It's Showtime.

Gayunpaman, marami na ang nag-aabang sa pagbabalik television ng iconic trio at mukhang ito na rin ang simula ng pagboost sa mga iba pang palabas ng TV5. Alam din umano ito ng CEO ng GMA7 na si Felipe Gozon.

Sa ngayon ay may nagaganap na umanong negosasyon sa pagitan ng GMA7 at ng ABS-CBN, dahil binabalak umano ng huli na ilipat ang It's Showtime sa GTV na isang ring network na pag-aari ng GMA. 

Sakaling man na magaganap ang partnership na ito, tatlong programa na ang magtatapatan sa tanghali ang  TVJ sa TV5, Eat Bulaga sa GMA7 at It's Showtime naman sa GTV.

Talagang hindi nagustuhan ng ABS-CBN ang ginawa ng TV5 na balewalain na lamang basta-basta ng mga ito ang It's Showtime na hindi naman lingid sa kaalaman ng lahat na tinatangkilik ng marami Pilipino sa loob at labas ng bansa.

Detalye Sa Agawan at Away Sa Titulo Nila Jolina Magdangal at Julie Anne San Jose

 Pinag-uusapan ngayon ng mga netizens ang agawan ng titulong Pop Icon sa pagitan nina Julie Anne San Jose at Jolina Magdangal.

Nag-ugat ang lahat nang nagparinigan ang mga fans ng dalawang artist na parehong tinaguriang Pop Icon. Matatandaan na inanunsyo na GMA7 ang mga coaches na makakasama ng mga contestant sa The Voice Generations.

Bago ang lahat, naglabas ng teaser ang GMA7 sa magiging coaches ng nasabing singing competition kung saan ginamit nila ang mga titulo ng mga artists na kasama, kabilang dito ang Pop Icon coach.

Agad itong umani ng samu't-saring spekulasyon mula sa mga netizens may mga itinuturong si Sarah Geronimo ang tinukoy ng GMA, may mga nagsasabi naman na si Jolina Magdangal ito dahil hawak umano nito ang nasabing titulo mula pa noong 1990's.

Subalit, nito lamang ay isiniwalat nang ang tinutukoy pala ng GMA bilang Pop Icon Coach ay walang iba kundi si Julie Anne San Jose.

Agad namang umalma ang mga fans ni Jolina Magdangal sa paggamit ng GMA sa Pop Icon title para kay Julie Anne San Jose gayung hawak na umano noon pa man ni Jolina Magdangal ang nasabing title.

May mga nagsasabi pang hindi pa umano nararapat na tawaging Pop Icon si Julie Anne dahil wala pa siyang nailalabas na kanta na nanguna sa charts o maaring ituring na memorable at iconic.

Sa kabilang banda naman ay marami naman umano ang mga naibahaging iconic songs si Jolina Magdangal noong kapanahonan niya.

Dahil sa pag-alma at mga usap-usapan agad na binago ng GMA7 ang pagpapakilala kay Julie Anne mula sa Pop Icon Coach sa Limitless Star Coach.

Sa kabila nito, hindi pa rin natatapos ang mga parinigan ng mga fans nina Julie Anne San Jose at Jolina Magdangal. Ipinunto ng mga fans ni Jolina na hindi nararapat na gamitin ng ibang mga artists ang titulo na dating pinanghahawakan ni Jolina.

Samantala sa isang episode ng Magandang Buhay, tila naglabas ng patama ang co-host ni Jolina Magdangal na si Melai Cantiveros sa mga fans ni Julie Anne na nagsasabing hindi na nararapat si Jolina na tawaging Pop Icon.

Hayagang ipinagsigawan ni Melai na si Jolina lamang ang natatangi at nag-iisang Pop Icon. Makikita naman na tuwang-tuwa rito ang isa pa nilang co-host na si Regine Velasquez. Maging si Jolina ay hindi maitatago ang ngiti.

Kaya naman lalong nainis ang mga fans ni Julie Anne San Jose, sinasabi nilang hindi lamang si Jolina ang may karapatan na matawag bilang Pop Icon.

Hindi rin nagustuhan ng mga fans ni Julie Anne ang patuloy na pagpaparinig nina Melai at Jolina sa pagkakamali ng GMA7 gayung inayos at pinalitan naman na nila ang title na ginamit para kay Julie Anne.

Skusta Clee Sinabihang Walang Kwen-Tang Tatay Zeinab Harake Galit Parin!

 Usap-usapan ngayon sa social ang ibinahaging post ng OPM Rapper na si Skusta Clee kung saan binati niya ang kanyang sarili ng Happy Father's Day.

Kalakip ng kanyang pagbati sa kanyang sarili ay isang art kung saan makikita ang mukha nila ng kanyang anak kay Zeinab Harake na si Baby Bia. Sa itaas na bahagi ng kanilang mukha ay ang larawan naman ng isang sanggol na anghel.

Ayon sa mga netizens ang batang anghel na nasa larawan nina Skusta Clee ay walang iba kundi ang nalaglag na anak nila ni Zeinab Harake.

Marami naman sa mga netizens ang bumating pabalik kay Skusta Clee. Subalit, may mga nagsasabi rin at ipinuntong wala siyang kwentang ama dahil sa mga pinagdaanan nilang kontrobersiya ni Zeinab Harake.

"Dami-dami mong pwedeng lokohin, sarili mo pa talaga yung napili mo."

"Nung Kasama mo sila Hindi mo pinahalagahan Ngayong Hindi mo Kasama paawa Ka."

"AMACCANNNAAA SKUSTA CLEE"

Samantala, sa isang post sinagot ni Skusta Clee ang mga batikos sa kanya. Ayon kay Skusta Clee kaya rin niyang maging mabuting ama kung bibigyan lamang siya ng pagkakataon ni Zeinab Harake.

"“Wala kang kwentang tatay” 

Try nyo ibigay. Hindi ako perfect na ka relasyon I know matagal na! Pero 100% na kayang kaya kong maging tatay sa anak ko. Ayaw lang kasi alam ko pano maging tatay. Pero ays lang naniniwala ako sa oras."

Agad din itong umani ng samu't-saring komento mula sa mga netizens may mga sumuporta kay Skusta Clee subalit mas marami pa rin ang bumabatikos rito.

Toni Fowler Sinabing Si Rendon Labador Ang Pinakaplastik Na Tao

 Binanatan ng social media personality at content creator na si Toni Fowler ang businessman at motivational speaker na si Rendon Labador.

Sa naging guesting ni Toni Fowler sa Youtube vlog ni Isko Moreno na Iskovery Night naglabas ng saloobin at reaksyon si Toni Fowler sa mga inaasal ni Rendon Labador at pambabanat nito sa ilang mga celebrities.

Ayon kay Toni Fowler, ginagawa lamang ni Rendon Labador ang kanyang pambabanat sa social media upang magkaroon ng content at pag-usapan siya ng mga tao. Ginagawa lamang umano ito ni Rendon Labador upang makakuha ng pera.

Dagdag pa ni Toni Fowler, hindi niya nakilala so Rendon Labador na ganito kaya naman masasabi niyang si Rendon Labador na ang pinakaplastik na tao sa buong mundo.

"Siguro sa ngayon masasabi ko na pinakaplastik na influencer ngayon sa social media, si Rendon Labador. "

"So para sa akin, hindi ikaw yan, yung ipinapakita mong pangit na ikaw. Naniniwala pa rin ako sa nakikita kong goodness in you, na ikaw yun," saad ni Toni.

Dagdag pa niya, "So plastik ka, ipinapakita mo yan para lang kumita ka."

Samantala, hindi pa naglalabas ng pahayag si Rendon Labador hinggil sa sinabi ni Rendon Labador sa kanya.

Reaksyon Ni Marjorie Sa Yakap at Halik Ni Claudine Barretto Kay Dennis Padilla

 Hindi nakaligtas sa mga intriga at pambabatikos ang dating actress na si Marjorie Barretto nang makita ng mga netizens ang madamdaming pagtatagpo ng kanyang kapatid na si Claudine Barretto at ng kanyang dating asawa na si Dennis Padilla.

Sa pagdiriwang ng Father's Day ngayong araw, hindi naiwasan ng ilang mga netizens na maungkat muli ang pandededma ng mga anak ni Marjorie sa kanilang ama na si Dennis Padilla.

Samantala, sa mismong araw ng Father's day ibinahagi ni Marjorie sa kanyang mga tagahanga na nagluluto siya ng kanyang specialty para ipagdiwang nila ang Father's Day.

Kinumpirma din nito mismo na wala sa kanilang salo-salo ang dati niyang asawa na si Dennis at hanggang ngayon ay aminado siyang may isyu pa rin sa pagitan nila at ng kanyang mga anak.

Samantala, sa pagkalat ng video nina Claudine Barretto at Dennis Padilla kung saan makikitang naging emosyunal pa si Claudine hindi maiwasan ng mga netizens na kumparahin ang magkapatid.

May ilang mga netizens na nagsasabing noon pa man ay talagang close na sina Claudine at Dennis Padilla. Tinuring umano noon pa man ni Claudine na totoong kuya niya si Dennis.

Hindi din umano si Dennis nanghihimasok noon sa hindi pagkakaintindihan ng magkakapatid.

Subalit, nagkaroon ng lamat ang kanilang relasyon nang magkahiwalay noon sina Marjorie at Dennis. 

Sa ngayon, usap-usapan na magkakaroon nanaman ng lamat ang relasyon nina Marjorie at Claudine Barretto dahil sa kumakalat na video na naging dahilan kung bakit nababash ngayon si Marjorie.

Sa ngayon ay parang chill lamang si Marjorie sa gitna ng mga intriga sa kanya. Ninanais lamang umano ni Marjorie na i-maintain ang kanyang peace at sa kanyang mga anak.

Matatandaan na nagkaroon ng lamat ang relasyon ng mag-ama ng sumawsaw umano si Dennis sa isyu noon nina Julia Barretto at Gerald Anderson.

Nadagdagan pa ito ng magrant si Dennis Padilla nang hindi siya binati ng kanyang mga anak sa mahahalagang okasyon ng kanyang buhay.

Claudine Barretto Sinampal Ng Katotohanan Si Marjorie Barretto Sa Harap Mismo Ni Dennis Padilla!

 Tila sampal umano sa mukha ni Marjorie Barretto ang ginawa ng kapatid niyang si Claudine Barretto sa kanyang dating asawa na si Dennis Padilla.

Talagang pinakunan pa ng video ni Claudine Barretto ang pagkikita nila ni Dennis Padilla kung saan emosyunal niya itong niyakap at hinalikan sa pisngi.

Niyakap din ito ng kanyang mga anak na sina Noah at Sabina. Paulit-ulit ding sinasabi ni Claudine na namiss niya ang kanyang Kuya Dennis.

Bagay na kailanman ay hindi naramdaman ni Dennis sa kanyang mga anak kay Marjorie Barretto.

Matatandaan na ilang ulit nang nagpahayag si Dennis na nais niyang makasamang muli at kahit makausap man lang ang kanyang mga anak kay Marjorie Barretto na sina Claudia, Leon at Julia Barretto subalit palagi na lamang nilang dinededma ang ama.

Hindi rin nakakalimutan ni Dennis na batiin ang kanyang mga anak sa mga mahahalagang okasyon at sa mga kaarawan nito. Gayunpaman, hindi nakakatanggap si Dennis ng tugon mula sa mga ito.

Kaya naman sa pagkalat ng nasabing video nina Claudine Barretto, mga anak niya at Dennis Padilla, tila sampal umano ito sa mukha ni Marjorie ayon sa ilang mga netizens.

Hindi man lamang umano gumawa ng paraan si Marjorie Barretto na maging maayos ang relasyon ng kanyang mga anak sa ama ng mga ito.

Mabuti pa umano si Claudine ay binibigyan ng appreciation si Dennis at inuudyukan ang mga anak na respetuhin ang kanilang tiyuhin na si Dennis Padilla.

"Super bait Claudine dati super silay sya tumotulong Kay Dennis pero si Marjorie wala talagang utang na loob pati paelyodo asawa niya gusto ipatanggal samga anak niya .dnaman mabuo Kung wlaang ama.grabe Naman.."

"Proud of you claud little by little lahat naayos sa buhay broken relationships will be all healed soon. It's better to have a peaceful heart and genuine happiness.

"Nakikita kung bumabalik ka na sa dating Claudine nag reflect sya sa situation at aura mo. Genuine kindness forgiveness , happiness lang tlga. Minsan nadadapa tlga tayo naliligaw pero imprtante alam natin bumangon at magbago."

"Buti pa si claudin kahit ex na ng sister nya may respect pa din kay Dennis. Pero tung mga anak nyang mga ewan walang ka resperespeto. Wala sila sa Mundo kung de dahil sa tatay nila. Naawa ako sa mga magulang na ginaganyan ng mga anak. 

"Pero mas naawa ako sa mga anak kasi baka pag dating ng panahon babalik sa kanila pinag gagawa nila sa ama nila. Umiikot ang mundo kung anong ge nawa mo sa kapwa mo ay syang babalik sayo."

Kylie Padilla Nagsalita Na Sa Pagbubuntis Niya Kay Aljur Abrenica at Aj Raval Nanggigil?

 Kumakalat ngayon sa ilang mga social media sites at ilang mga entertainment platforms ang umano'y muling pagbubuntis ni Kylie Padilla sa anak nila ng estranged husband na si Aljur Abrenica.

May mga haka-haka pang kinumpirma umano ang balitang ito ng isang malapit na personalidad sa dalawa.

Ayon umano kay Kylie Padilla, tila nagbalik umano ang pagtitinginan nila nang maging regular ang pagbibisita ni Aljur sa kanilang mga anak na sina Alas at Axl.

Minsan umano ay hindi na nakakauwi si Aljur dahil ayaw itong payagan ng mga bata. Kaya naman doon na nagpapalipas ng gabi si Aljur.

Ayon pa rito, laking tuwa ng ama ni Kylie na si Sen. Robin Padilla dahil sa posibilidad na magkakabalikan na ang dalawa. Tila sinunod umano nang dalawa ang kanyang payo na ayusin nila ang kanilang relasyon.

Nagbunga na rin umano ang palagian niyang pagsasabi kay Kylie na makipag-ayos na sa kanyang asawa. Ayaw umano ng senador na maranasan ng kanyang mga apo ang naranasan ni Kylie na lumaki sa isang broken family.

Pagpupunto pa ni Sen. Robin Padilla kay Kylie na huwag nang iparanas sa mga anak ang naranasan niya na lumaki sa isang hindi buong pamilya.

Kaya naman tila napagtanto ni Kylie na hindi nakakabuti para sa kanyang mga anak na lumaking hindi buo ang pamilya at minsan lamang nakakasama ang ama.

Sa kabilang banda, may mga naglabasang haka-haka naman na hindi umano matanggap ng kasalukuyang girlfriend ni Aljur Abrenica na si AJ Raval ang muling pagkakabalikan ng dalawa.

Hindi rin umano ito papayag na basta-basta na lamang siyang iiwan ni Aljur. Gayunpaman, kinausap na umano ito ni Aljur hinggil sa napapabalitang pag-bubuntis ni Kylie.

Wala na umano itong iba pang dapat gawin kundi tanggapin na lamang ang desisyon nila ni Kylie at magmove on na lamang.

Humihingi umano si Aljur ng pasensya at pag-intindi kay AJ Raval sa kasalukuyang sitwasyon nila.

Samantala, nanatiling tahimik pa rin sina Kylie Padilla. Aljur Abrenica at AJ Raval hinggil sa isyung ito. Hindi pa rin nila kinukumpirma o pinabubulaanan ang isyu.