Xian Gaza Tinawag Na Biyanang Pakialamera si Annabelle Rama

 Hindi na napigilan ng social media personality na si Christian Albert Gaza mas kilala bilang Xian Gaza na tawagin ang talent manager na si Annabelle Rama na ‘biyenang pakialamera’ matapos niyang pag-usapan ang diumano’y paghihiwalay ng kanyang anak na si Richard Gutierrez at Sarah Lahbati.

Matatandaan na tila inamin na rin ni Annabelle Rama sa publiko ang hiwalayan nina Sarah Lahbati at Richard Gutierrez ng ipahayag niya sa isang panayam na wala na siyang oras para kausapin pa si Sarah Lahbati.

Bukod pa rito, isiniwalat din ni Annabelle Rama ang pagiging magastos ni Sarah Lahbati habang nakasubsob sa trabaho ang kanyang anak na si Richard Gutierrez.

Samantala, nitong December 8, ibinahagi ni Xian Gaza kung paano naging dahilan ng paghihiwalay ng ilang mag-asawa ang ilang in-laws.

Sa isang social media post, binati ni Xian Gaza ang lahat ng mga mother in-law maliban kay Annabelle Rama dahil sa pagiging pakialamera nito. Dagdag pang banat ni Xian Gaza na ang mga ganitong in-laws ang nagiging bwe-sit sa pagsasama ng mag-asawa.

Ipinunto rin ni Xian Gaza na hindi na dapat pinapakialaman pa ni Annabelle ang buhay ng kanyang anak dahil may sarili na itong pamilya.

Sinang-ayunan naman ng mga netizens ang pahayag na ito ni Xian Gaza, marami ang nagsasabi na noon pa man ay nakikialam na umano itong si Annabelle Rama sa mga buhay may-asawa ng kanyang mga anak.

May mga bumatikos naman kay Richard Gutierrez dahil pinapabayaan lamang umano nito ang kanyang ina na harap-harapang pagsalitaan si Sarah Lahbati ng masasakit na salita tulad na lamang ng ipinapalabas umano nito ngayon na mukhang pera ang aktres.

Hindi rin nagustuhan ng ilang mga netizens ang pahayahag ni Annabelle Rama kung saan sinabi pa nitong hindi pa siya maaring magsalita pero sa huli ay may pasaring ito kay Sarah Lahbati.

Hindi pa rito nagtatapos ang ngitngit ni Annabelle dahil sa kanyang Facebook post ipinahayag pa niya na isang devil woman, sinungaling at manipulative na babae si Sarah Lahbati.

Sarah Lahbati Mawaldas Sa Pera Kaya Iniwan Ni Richard

 May inilabas na malaking pasabog si Annabelle Rama patungkol sa napapabalitang hiwalayan nina Richard Gutierrez at Sarah Lahbati.

Tila kinumpirma na rin nito ang nangyaring hiwalayan ng dalawa kahit pa hindi pa umano siya maaring magbigay ng anumang detalye patungkol sa nasabing isyu.

Niri-respeto pa rin niya ang desisyon ng kanyang anak at asawa nitong si Sarah Lahbati sa kung kailan nila balak na ipaalam sa publiko ang nangyari sa kanilang pagsasama.

Gayunpaman, hindi pa rin napigilan ni Annabelle Rama na magbigay ng tila clue sa kung saan nagsimula ang hindi pagkakaunawaan ng dalawa.

Tila hindi na napigilan ni Annabelle Rama na magkomento pa lalo na't kumalat noon ang mga larawan ni Richard Gutierrez kasama ang isang aktres na si Kazel Kinouchi.

Bagama't pinabulaanan na ni Kazel ang kanyang pagkaka-link kay Richard Gutierrez tila paraan na rin ito ni Annabelle para linisin ang pangalan ng kanyang anak.

Isiniwalat ni Annabelle Rama na nasa kanyang puder ngayon si Richard Gutierrez at mag-iisang buwan na umano itong nasa kanya. Naroon din umano ang mga anak nito na sina Zion at Kai.

Naitanong din kay Annabelle Rama kung ano ang dahilan ng hiwalayan nina Richard at Sarah Lahbati. Kaagad namang nagbigay ng pahayag si Annabelle kung saan may kinalaman sa pera ang naging sanhi ng hindi pagkakaunawaan ng mag-asawa.

Ayon kay Annabelle, trabaho umano ng trabaho ang kanyang anak habang nagwawaldas naman ng pera ang isa.

Hindi naman makapaniwala rito ang ilang mga netizens dahil may kita rin naman si Sarah Lahbati dahil kahit wala na itong mga pelikula at teleserye ay hindi naman nahinto ang mga endorsement nito.

Sa ngayon ay unti-unting naglilipat umano ng gamit si Richard para sa bahay nito sa Alabang. Matatandaan na sa Ayala, Alabang namataan na magkasama sina Richard Gutierrez at Kazel Kinouchi na ayon sa paglilinaw ni Kazel ay magkapitbahay sila roon.

Dahil sa mga sinabi ni Annabelle Rama, lalong lumakas ang kutob ng mga netizens na totoong nagtapos na ang relasyon nina Sarah Lahbati at Richard Gutierrez.

Marami naman ang hindi naniniwala na envolve ang pera sa kanilang paghihiwalay dahil tila hindi naman umano ito kapani-paniwala dahil hindi naman naghihirap sina Sarah Lahbati at Richard.]

May ilang netizens na naghinala na may kinalaman si Annabelle Rama sa hiwalayan ng dalawa lalo na't hindi naman lingid sa kaalaman ng lahat na may hindi pagkakaunawaan sa pagitan nito at sa mga magulang ni Sarah Lahbati.

Sa ngayon, hinihintay ng mga netizens ang mga opisyal na pahayag nina Sarah Lahbati at Richard Gutierrez patungkol sa kanilang hiwalayan.

@mjfelipe28 Lumipat na ng bahay si Richard Gutierrez. Magjajapan ang buong pamilya at hindi kasama si Sarah #annabellerama #richardsarah #gutierrez #hiwalayan #marites #chismis #tiktokph #fyp #fypage ♬ original sound - MJ Felipe

Annabelle Rama Kinumpirma Na Ang Hiwalayan Ng Anak Na Si Richard Kay Sarah Lahbati

 Tila nagbigay ng panibagong pahiwatig si Annabelle Rama patungkol sa kasalukuyang estado ng pagsasama nina Richard Gutierrez at asawa nitong si Sarah Lahbati.

Naging mapangahas ang mga sinabi ni Annabelle Rama sa naging interview ng batikang reporter na si MJ Felipe sa ABS-CBN. Matapang na tinanong ni MJ Felipe si Annabelle Rama patungkol kung nag-uusap pa ba sila ng asawa ni Richard Gutierrez na si Sarah Lahbati.

Kaagad naman itong sinagot ni Annabelle Rama at ipinahayag na wala siyang oras para kausapin si Sarah Lahbati.

Dahil sa pahayag na ito ni Annabelle Rama, lalong lumakas ang hinala ng mga netizens na naghiwalay na rin ang mag-asawang Sarah Lahbati at Richard Gutierrez.

Bukod sa hindi pagkakaunawaan ng mga magulang nina Sarah Lahbati at Richard Gutierrez, pinaghihinalaan din ngayon ng mga netizens na ang hindi magandang tungo ni Annabelle Rama kay Sarah Lahbati ang dahilan kaya nagwakas ang relasyon ng mag-asawa.

May mga naglabasan pang mga spekulasyon na umano'y si Annabelle mismo ang nagsabi sa anak na si Richard na iwanan na lamang si Sarah Lahbati at magpokus na lamang ito sa kanyang career sa showbiz.

Matatandaan na naging maayos ang pagtanggap ng tao sa teleseryeng pinagbibidahan ni Richard Gutierrez at muling naging matunog sa showbiz ang pangalan nito.

Ipinahayag din ni Annabelle Rama na nasa kanya ngayon ang kanyang anak na si Richard Gutierrez ng mahigit isang buwan na.

Hindi pa umano maaring magsalita ngayon si Annabelle basta ang masasabi lamang niya ay nasa kanya si Richard at mga anak nito ngayon.

Naitanong din ni MJ Felipe kung saan magsi-celebrate ng pasko ang pamilya Gutierrez, agad naman itong sinagot ni Annabelle Rama na pupunta silang Japan hanggang January 3 sila roon. Makakasama umano ang lahat ng kanyang pamilya, minus one lamang.

Hindi naman ipinahayag ni Annabelle Rama kung si Sarah Lahbati nga ba ang kanyang tinutukoy na hindi makakasama sa kanila. Gayunpaman, hinala ng mga netizens na ang aktres talaga ang tinutukoy ni Annabelle dahil hindi na rin ito kasama sa mga naunang events at gathering ng kanilang pamilya.

Matatandaan na pumutok ang balitang naghiwalay sina Sarah Lahbati at Richard Gutierrez ng mapansin ng mga netizens na hindi na sila nagbabahagi ng mga videos at photos na magkasama sa social media.

Napansin rin ng ilang mga netizens na magkahiwalay na nilang sini-celebrate ang mga okasyon na dati naman nilang sini-celebrate ng kanilang pamilya.

Bukod pa rito, kapansin-pansin ang pagtanggal ni Sarah Lahbati sa apelyedong Gutierrez sa kanyang Instagram account.

Sa ngayon ay hindi pa kinukumpirma nina Sarah Lahbati at Richard Gutierrez ang kanilang paghihiwalay at kung ano nga ba ang totoong dahilan nito kung sakaling hiwalay na nga sila.

Samantala, narito naman ang ilang mga komento ng mga netizens na may iba't-ibang pananaw sa naging isyu ng paghihiwalay nina Sarah Lahbati at Richard Gutierrez.

"Masyado din kasi si Sarah Lahbati nakisabay sa paglipad nila Ruffa Gutierrez. Masyado niyang binago bigla iyong pagkatao niya namg dahil nakahanap siya ng Gutierez. Simple language naman siya dati, pari mga blogs niya, singtaas na ng tore pagkampay niya."

"HAHAHAHAHAH oo nga gustong gusto ko kapag annabelle ang nagsasalita straight to points kong magsalita walang siyang paki kahit cino pa jan diba parang ako lang kong magsalita diba pero tama naman siya opinion niya yon tarayyy yon pagkakasabi niya ng WALA DAWW siyang time haa na makipagusap ky labahti odiba tarayyy hahahahaha galing anabelle diba"

"Wow totoo ang anay ng tahanan. Para sabihan iwanan mo na asawa mo kung hindi ba naman salbahe."

View this post on Instagram

A post shared by SLG (@sarahlahbati)

Vice Ganda Nanggigil Sa Galit, Nadamay Sa Isyu Ni Andrea Brillantes

 Tila napantig ang tenga ng Unkabogable Star sa isang tweet ng netizen patungkol sa kanyang ina na umano'y umaasa lamang sa kanya.

Hindi matanggap at kaagad na sinagot ni Vice Ganda ang isang tweet ng netizen kung saan pinahayag niyang mali ang paniniwala nito na umaasa lamang sa kanya kita ang kanyang ina.

Tila nadamay lang naman si Vice Ganda sa naganap na pagdedebati sa pagitan ng mga tagahanga ni Andrea Brillantes at mga bashers nito patungkol sa kung tama ba ang ina ng actress sa pagpi-flex sa mga nagawa ni Andrea Brillantes sa pagiging breadwinner nito sa kanilang pamilya.

Matatandaan na ipinagtanggol ni Belle Brillantes, ina ni Andrea Brillantes, ang kanyang anak laban sa mga bashers nito, kung saan ipinunto nito kung ano ang naging ambag ni Andrea Brillantes sa kanilang buhay.

May isang fan naman na sumagot sa ina ni Andrea Brillantes, kung saan ipinunto nito na kung ganito ang paniniwala ng ina ni Andrea Brillantes ay isama na rin niya ang mga ina ng iba pang mga artista na umaasa lamang sa kanilang mga anak.

Kagaya na lamang umano sa ina ni Vice Ganda, Francine Diaz, Kathryn Bernardo, Bea Alonzo at ng iba pang mga artista na naging breadwinner din sa kani-kanilang mga pamilya.

Kaagad naman itong sinagot ni Vice Ganda kung saan ipinahayag niyang never na umasa sa kanyang pinaghirapan ang kanyang ina. Ipinahayag din ni Vice Ganda na nagtrabaho sa ibang bansa ang kanyang ina para lamang itaguyod ang kanilang pangangailangan.

Dagdag pa ni Vice Ganda na may ipon naman ang kanyang ina bago ito tumigil sa pangingibang bansa. Hiniling din ni Vice Ganda na huwag nang idamay pa ng mga bashers ang kanyang ina sa pakikipagbardagulan nito sa mag-inang Brillantes.

Sinigundahan naman ito ng iba pang mga netizens na alam din umano ang pagiging OFW ng ina ni Vice Ganda sa loob ng maraming taon.

Min Bernardo Binasag Ang Isyung Buntis Si Kathryn Bernardo

 Kaagad na sinagot ng ina ni Kathryn Bernardo na si Min Bernardo ang mga balitang kumakalat ngayon sa mundo ng showbiz na umano'y nagbubuntis ang Kapamilya actress na si Kathryn Bernardo kaya umalis ito sa bansa.

Kasunod ng balitang nagpunta sa Canada ang aktres na si Kathryn Bernardo, naglabasan naman ang mga bali-balitang nagbubuntis ito kaya naman, pinaalis na muna nila ito sa bansa para magpalipas ng panahon hanggang sa manganak na ito.

Alam din umano ito ni Daniel Padilla kaya naman naghiwalay na muna ang dalawa. May mga haka-haka na kumakalat ngayon sa ilang social media platform na umano'y hindi totoong naghiwalay sina Kathryn Bernardo at Daniel Padilla.

Ipinalabas lamang umano nila ito para makaalis si Kath sa bansa at magpanggap na magmomove on kahit ang totoo ay nagbubuntis lamang ito.

May mga naghinala pa na tiyak umanong palihim na susunod ang aktor na si Daniel Padilla sa Canada para alagaan si Kath.

Samantala, kaagad namang pinabulaanan ng mismong ina ni Kathryn Bernardo na si Min Bernardo ang bali-balitang ito. Ipinagdidiinan din niya na hindi nagpunta sa Canada si Kathryn Bernardo para doon magpalipas ng pagkakataon hanggang sa manganak na.

Ayon kay Mn Bernardo, may project umano itong si Kathryn Bernardo sa Canada. Kinailangan umanong magpunta na  roon ang aktres upang masimulan na ito dahil marami rin siyang gagawing project sa Pilipinas.

Mananatili sa Canada ang aktres hanggang sa matapos ang kanyang proyektong gagawin roon at hindi hanggang sa manganak na ito.

Nakiusap naman ang ina ni Kathryn Bernardo sa mga netizens na huwag kaagad maniwala sa mga nababasa at naririnig na isyu bagkus ay hanapin muna ang katotohanan nito.

Hiniling rin niya sa mga fans na huwag kaagad na maniwala sa mga balitang nagbubuntis ang kanyang anak dahil wala naman umano itong katotohanan.

Sakali din man umano na totoong nagbubuntis ang kanyang anak ay titiyakin din naman umano niya na mananagot ang ama ng kanyang apo.

Sa ngayon ay patuloy namang tikom ang mga bibig nina Kathryn Bernardo at Daniel Padilla sa mga naglabasang isyu sa kanilang paghihiwalay.

View this post on Instagram

A post shared by Kathryn Bernardo 🐘 (@bernardokath)

Kinunsinte! Ina Ni Andrea Brillantes Nagsalita Na Sa Relasyon Ni Andrea at Daniel Padilla

 Umaani ngayon ng samu't-saring komento mula sa mga netizens ang reaksyon ng ina ni Andrea Brillantes na si Belle Brillantes sa mga natatanggap na pambabatikos ng kanyang anak mula sa mga fans ng KathNiel.

Tila hindi na nakapagpigil si Belle Brillantes sa mga netizens na patuloy na binabatikos ang kanyang anak dahil sa pagkakadawit nito sa hiwalayan ng KathNiel.

Matatandaan si Andrea Brillantes ang itinuturong dahilan ng hiwalayan nina Kathryn Bernardo at Daniel Padilla dahil palihim siyang nakikipagkita sa aktor kahit pareho silang may karelasyon.

Matapos aminin ng KathNiel sa publiko ang tuluyan nilang paghihiwalay, kaagad na bumuhos ang mga pambabatikos at mga paninisi kay Andrea Brillantes.

Bukod pa rito, nakatanggap na rin ng mga threat si Andrea Brillantes, kung saan may mga nagbabanta na ilalabas nila ang mga dating scandal ng aktres sakaling mapatunayan na ito ang kabit ni Daniel Padilla.

Samantala, hindi na natiis ni Belle Brillantes ang mga pambabatikos na ito para sa kanyang anak na aniya pa ay nakakaramdam na ng depression.

Sinagot ni Belle ang isang komento ng netizens sa kung paano niya pinalaki si Andrea Brillantes. Tahasan namang ipinahayag ni Belle kung gaano siya ka-proud kay Andrea Brillantes dahil sa pagtulong nito sa kanya.

Napaaral umano nito ang kanyang mga kapatid at napagawan sila ng bahay. Ipinahayag din ni Belle na walang ambag ang bashers sa buhay ni Andrea Brillantes kaya walang karapatan ang mga ito na husgahan ang kanyang anak.

Ipinunto rin ni Belle Brillantes na wala namang ebedensya na makakapagturo sa ginawa ng kanyang anak, kaya naman bakit ito ang sinisisi ngayon?

Nanay Ni Andrea Brillantes, Hindi Nakapagtimpi Na Sagutin Ang Isang Basher

 Hindi na nakapagtimpi si Belle Brillantes, ina ng aktres na si Andrea Brillantes, sa mga pambabatikos na natatanggap ngayon ng kanyang anak dahil sa pagkakadawit nito sa hiwalayan ng sikat na tambalan ng KathNiel.

Nakakatanggap ngayon ng kaliwa't-kanang pambabatikos ang aktres na si Andrea Brillantes dahil sa pagkakadawit ng kanyang pangalan sa hiwalayan nina Daniel Padilla at Kathryn Bernardo.

Inaakusahan siya ngayon ng maraming fans ng KathNiel na siya umano ang dahilan kung bakit nasira ang relasyon ngayon nina Daniel Padilla at Kathryn Bernardo.

Marami ang tumatawag sa kanya ngayon na malanding babae at mahilig umanong magpalit-palit ng mga lalaki.

Nakadagdag pa sa inis ng mga netizens at fans ng KathNiel ang patuloy na pananahimik ni Andrea Brillantes. Hanggang ngayon ay hindi pa inilalabas ng aktres ang kanyang side sa storya at hindi pa rin niya nililinis ang kanyang pangalan.

Dahil dito, iniisip tuloy ng mga netizens na kaya nananahimik si Andrea Brillantes dahil totoo ang lahat ng mga ibinintang sa kanya bilang babae na sumira ng relasyon nina Daniel Padilla at Kathryn.

Samantala, tila hindi na nakapagtimpi ang ina ni Andrea Brillates at naglabas na ito ng pahayag para ipagtanggol ang kanyang anak laban sa mga tao nagsasalita ng masasakit para rito.

Kaagad naman itong umani ng samu't-saring komento mula sa mga netizens at mga fans ng KathNiel, may mga nainis sa panghihimasok nito at hayagang tinanong si Belle kung paano niya pinalaki si Andrea Brillantes.

Kaagad din naman niya ito sinagot kung saan ipinunto niya at ipinagmalaki ang lahat ng nagawa ni Andrea Brillantes sa kanilang pamilya, kabilang na ang pagpapaaral nito sa kanyang mga kapatid at ang pagpapagawa nito sa kanilang balay.

Tinanong din niya ang basher kung ano ang naging ambag nito sa buhay ng kanyang anak para pagsalitaan ito ng mga masasakit na salita kahit pa wala namang ebedensiya na kumabit si Andrea Brillantes kay Daniel Padilla.

Hindi naman tumigil ang ilang mga bashers ni Andrea Brillantes at dinadamay na rin ngayon ang kanyang mga magulang at kapatid. May mga netizens na nagsasabi na kaya masama ang ugali ni Andrea Brillantes dahil masama rin naman umano ang ugali ng ina nito.

Sa kabilang banda, may mga nagtatanggol naman kay Andrea Brillantes at ina nito, ayon naman sa kanila na ang  dapat maglabas ng pahayag ay hindi si Andrea Brillantes kundi si Daniel Padilla.

Dapat umano na si Daniel Padilla ang magbibigay linaw sa kung ano ang totoong dahilan sa hiwalayan nila ni Kathryn at kung sino ang totoong involved.

Ipinunto rin ng iba na wala namang ebedensiyang totoong magkarelasyon sina Andrea Brillantes at Daniel Padilla tanging mga diehard fans lang naman ang nag-iisip ng hindi maganda.

"Go mommy. I always support and love your daughter Andrea no what happened my ears and eyes don't mind the issues.loveyou"

"Sana po malampasan po ni Andrea lahat ng mga issue about sa kanya at hindi sana totoo ung mga paratang about sa hiwalayan ng kathiel.godblessed always."

View this post on Instagram

A post shared by Belle Brillantes (@belle_brillantes)

Ina Ni Kathryn Bernardo, Naglabas Ng Mensahe Pinaasa Ang KathNiel Fans

 Nagbigay ng pahayag ang ina ni Kathryn Bernardo na si Min Bernardo para sa kanyang anak at para sa lahat ng mga tagahanga ng kanyang anak at para sa lahat na sumusuporta sa KathNiel.

Sa gitna ng mainit na usapin hinggil sa pagkumpirma nina Kathryn Bernardo at Daniel Padilla sa kanilang hiwalayan, kaagad na nagbigay ng mensahe ang ina ni Kathryn Bernardo kung saan ipinahayag niyang hindi pa rito magtatapos ang kanilang pagsasama ng KathNiel fans.

Bagama't nagtapos na umano ngayon ang relasyon ng kanyang anak at ni Daniel Padilla, hindi ibig sabihin nito ay magtatapos na rin ang samahan ng mga fans ng KathNiel. Maari pa rin namang suportahan ng mga ito ang dalawa bilang mga artista.

“KathNiels, Kathcakes, Solid DJ maraming maraming salamat sa inyo, hindi dito nagtatapos ang ating pagsasama,” Instagram post ni Min Bernardo kalakip ang nakatalikod na larawan nina Daniel Padilla at Kathryn Bernardo.

Samantala, marami naman sa mga tagahanga ng KathNiel ang umaasa na sana ay darating din ang pagkakataon na magkakabalikan ang dalawa.

"Yakap na mahigpit sa Bernardo family. Thank you for everything you've done for Kath and Deej. Baka hindi rin aabot ng 12 years kung wala ang inyong paggabay."

"PANG HAHAWAKAN PO NAMIN YAN TITA MIN ALAM PO NAMIN NAG MAG BABALIKAN SILA NANDITO LANG PO KAMI LAGING NAKA SUPPORT"

"Sending a virtual hugs for kath and to you tita min. Hope this is not the end."

Samantala, bagama't hiniling ni Kathryn Bernardo sa mga tagahanga nila ni Daniel Padilla to not take sides. Marami pa rin sa mga fans nilang dalawa ni Daniel Padilla ang kumampi sa kanya at binitawan na si Daniel Padilla dahil sa isyu ng panloloko nito sa kanilang relasyon.

Marami sa mga KathNiel fans ang sinisisi si Daniel sa hiwalayan nila dahil hindi umano ito nakuntento sa kayang ibigay ni Kathryn. Naghanap pa umano ito ng kalinga mula sa ibang mga babae.

Sa katunayan, may ilang mga fans pa na nagpapasalamat na hiniwalayan na ni Kathryn Bernardo si Daniel Padilla dahil ilang beses na umano nitong niloloko si Kathryn.

Ayon pa sa ilang mga fans na buti na lang ay hindi pa kasal ang dalawa nang malaman ni Kathryn ang totoong kulay at kung gaano kababaero itong si Daniel Padilla dahil mas mahirap na umano kung naikasal na sila bago nalaman ng aktres dahil dadaan pa sila sa annulment.

May mga humanga rin sa aktres dahil sa pagiging matapang nito sa pakikipaghiwalay kay Daniel na nakarelasyon na niya sa loob ng 11 years. Marami kasi ang nagsasabi na ang ibang babae ay nagpapalabulag at bingi na lamang dahil nasasayangan sa mga taong pinagsamahan nila.

"Payakap kay @bernardokath tita min ❤️❤️❤️ napaka-strong at npakatapang."

Sa ngayon patuloy na lumalabas sa iba't-ibang social media platforms ang mga baho ni Daniel Padilla. Naglabasan na rin ang mga resibo ng pambababae nito sa likod ni Kathryn Bernardo.

Samantala, ayon sa aming nakalap na impormasyon noon pa man ay nalalaman na ni Kathryn Bernardo ang pambababae ni Daniel Padilla. Ilang beses na pinatawad umano ni Kathryn si Daniel dahil sa pagmamahal niya rito. Pinanghahawakan rin umano ni Kath ang mga pangako ni Daniel na hindi na ito uulit na ilang beses ding napako. 

View this post on Instagram

A post shared by Min Bernardo (@bernardomin)

Maegan Aguilar, Ikinuwento Kung Paano Sinuyo Ang Kanyang Ama

 Ibinahagi ni Maegan Aguilar sa isang panayam kung paano niya muling nakasama ang kanyang ama, ang legendary OPM artist na si Freddie Aguilar, matapos ang ilang taon na hindi pag-uusap sa isa't isa.

Sa isang panayam kay Julius Babao, sinabi ni Maegan na gumawa siya ng ilang paraan upang makipag-ugnayan muli sa kanyang ama, kabilang sa mga ito ang pakikipag-usap sa isa sa kanyang mga anak na babae, na nakatira kay sa kanyang ama na si Freddie Aguilar.

“My daughter na nakatira sa kanya. Since naka-block ako, syempre naka-block ako kay tatay ‘di ba? Dinaan ko sa anak ko. Anak, tanong mo naman kay lolo, kung pwede kaming pumunta diyan,” pahayag ni Maegan.

Hindi umano alam ni Maegan kung gaano siya kasaya nang biglang pumayag ang kanyang ama sa kanyang kahilingan.

“Mommy pwede daw pero overnight lang daw…”

Nang magpunta na sila sa bahay ng kanyang ama, biniro umano niya ito na mas nagmukha na itong mas bata kaysa sa kanya.

“‘Tay ang daya mo. Ang bata-bata ng itsura mo, ako mukhang lola.” 

Samantala, ibinahagi rin ni Maegan ang kanyang saloobin tungkol sa buhay sa nasabing panayam.

“‘Yung deeds mo na magaganda sa ibang tao hindi yun ‘yung magdadalo sa’yo sa langit. Ang magdadali sa’yo sa langit is yung “You are humbled in his feet” na alam mo na wala ka, you are nothing without HIM so now that’s what I believe na “Lord, hindi ko ‘to kaya if I’m alone kasi wala ako eh if wala ka.”

Matatandaang nahiwalay si Maegan sa kanyang ama noong 2019, dahil umano sa kanyang mga bisyo.

Nag-viral pa si Maegan sa social media matapos niyang ilabas ang mga isyu nila sa kanyang ama sa Wanted Sa Radyo.

Gayunpaman, iginiit ni Freddie na siya lang ang magdedesisyon kung nagbago na si Maegan.

“Kasi si Maegan, sinasabi niya sa akin na, ‘Tay, nagbago na po ako.’ Sabi ko, ‘Anak, hindi mo kailangan sabihin na nagbago ka sa akin, e. Ako, malalaman ko yun anak kapag nagbago ka. 

"Ako mismo magsasabi sa yo anak, anak, halika, nagbago ka na, e.’ Pero kako, hindi mo puwedeng sabihin lang, may kasamang action yan kako. With what you’re doing now, hindi ka pa rin nagbabago.”

Karla Estrada, Naglabas ng Mensahe Sa Gitna Ng Isyung Kinakaharap Ngayon Ng KathNiel

 Naglabas ng isang cryptic post ang celebrity mom na si Karla Estrada sa gitna ng kumakalat na tsismis na ang kanyang anak na si Daniel Padilla ay nakipaghiwalay na sa kanyang matagal nang girlfriend na si Kathryn Bernardo.

Inilabas ni Karla ang kanyang mensahe ilang araw matapos ang kanyang kaarawan kung saan hindi sumipot si Kathryn Bernardo at hindi rin naglabas ng online greetings para sa kanya.

Sa kanyang mga post, binanggit ni Karla ang tungkol sa mga ‘sins’ at utang na loob.

“He who is without sin among you, let him be the first to throw a stone,” pagbabahagi ni Karla ng isang quote mula sa Bible.

Lalong naintriga ang mga netizens nang himukin ni Karla ang mga indibidwal na huwag umasa sa isang tao.

“Hindi mo utang sa iba ang buhay mo. Wag mong gawing props lang ang pagkatao mo para mapasaya mo lang ang iba,” said Karla. “Pasayahin mo ang iyong sarili, deserve mo yun! At kung ang iba ay hindi natutuwa, bahala sila. Kalungkutan nila ‘yon.”

Matatandaan kumalat ang ilang tsismis sa social media na nagsisiwalat na hiwalay na sina Daniel at Kathryn dahil sa umano'y third party.

Nali-link ngayon ang Kapamilya actress na si Andrea Brillantes kay Daniel, at usap-usapan na ilang beses na silang palihim na nagkita simula pa noong nagdaang taon habang si Seth Fedelin pa ang karelasyon ni Andrea.

Ang isyu ay nagbunsod ng conflict sa pagitan ni Andrea at KathNiel fans. Mapapansin din ngayon na tila ina-unfollow na ng malalapit na kaibigan ni Kathryn Bernardo sina Andrea Brillantes at Daniel Padilla.

As of writing, hindi pa naglalabas ng sagot sina Daniel at Kathryn sa mga kumakalat na tsismis.

Dalawang Anak Nina Coco Martin, Julia Montes Pinangalanan Ni Cristy Fermin

 Kinumpirma ng veteran showbiz columnist na si Manay Cristy Fermin ang isyung may anak na ang Kapamilya actress na si Julia Montes at ang ama ay ang Kapamilya actor-director na si Coco Martin.

Usap-usapan ngayon sa social media ang mga isiniwalat ng veteran showbiz columnist na si Manay Cristy Fermin sa kanyang programa kung saan kinumpirma niya at pinangalanan ang umano'y dalawang anak nina Julia Montes at Coco Martin.

Naging usap-usapan ang totoong relasyon nina Julia Montes at Coco Martin nang lantaran na nilang ibinahagi ang kanilang mga larawan na magkasama sa social media.

Ibinahagi ng rumored couple ang kanilang mga sweet photos na magkasama sa kanilang pagbabakasyon sa Switzerland.

Samantala, muling napansin ng mapagmatyag na mga netizens ang madalas na pagtakip ni Julia Montes sa kanyang tiyan gamit ang jacket o ang kanyang bag.

Kaya naman, muling naghinala ang mga ito na nagdadalang tao ang aktres.

Sa kabilang banda, naging laman ng talakayan nina Manay Cristy Fermin, Romel Chika at Wendell Alvarez sina Julia Montes at Coco Martin.

Ipinahayag ng tatlo ang kanilang kasiyahan sa pagiging bukas nina Coco Martin at Julia Montes sa kanilang relasyon sa publiko.

Ipinahayag din nila ang kanilang kasiyahan kung sakaling muling nagbubuntis si Julia Montes. Isiniwalat pa ni Manay Cristy Fermin na ikatlong anak na ito ng dalawa kung sakali mang nakabuo na muli ang mga ito.

Pagbubunyag ni Cristy Fermin, "Totoo po na meron na silang anak. Apat na taong gulang na po ang batang babae na panganay nila.

"Bakit ko po sinabing panganay? May kasunod na po ang bata, nagdadalawang taon naman po at lalaki."

Bukod dito, ipinahayag din ni Cristy Fermin ang mga pangalan ng mga anak nina Julia Montes at Coco Martin.

"Ang pangalan ng panganay nila ay Matilda. Ang bata pong ito, ang pangalan ay isinunod sa nagpalaking lola kay Coco at kamakailan lang po ay bininyagan naman ang batang lalaki.

"Siguro po, naramdaman niyo rin po yun nung may nagpost sa party na meron pong cake sa likod na may nakasulat na Popoy. Yun po ang ikalawang anak nina Coco at Julia, si Popoy.

"Kaya dalawa po ang kanilang anak, isang babae, isang lalaki."

Samantala, inilarawan din ni Cristy Fermin ang hitsura ng dalawang bata. Ang bunso umano ay kuhang-kuha ang mga mata ni Coco Martin samantalang kamukhang-kamukha naman umano ni Julia ang panganay na babae.

Sa kabila nito, ipinahayag naman ni Cristy Fermin na naiintindihan umano niya sina Coco Martin at Julia Montes kung bakit iniiwas nilang mapag-usapan sa showbiz ang kanilang mga anak bilang magulang.

"Kung hindi man po magsalita si Coco Martin at Julia sa pagkakataong ito, naiintindihan pa rin po natin. Ang gusto lamang po nila ay tahimik na buhay at pribadong buhay."

Samantala, narito naman ang ilang mga komento ng mga netizens hinggil sa isiniwalat ni Cristy Fermin patungkol kina Coco Martin at Julia Montes.

"As a cocojul fan since day 1, basta in love parin ang cocojul masaya na ako. Ang mga anak at kasal ay bonus na para sa aming mga fans. At tama po kayo, hindi nakakasira ng career ng cocojul ang balitang may anak sila kasi pareho silang mabait. Bilang mga artista sila, si julia walang negative issue. Si coco may issue here and there, pero yung core values ni coco intact."

"I love your comments about coco and julia...sila lang ang nakilala kong loveteam na tahimik at masaya ang lovelife... Mabait talaga si coco at julia kaya di impossible na maraming nagmamahal sa pagmmahalan nila."

"Coco Martin and Julia Montes are not obligated to tell everything in their lives. Yes we idolize them but let's give them even a little piece of privacy."

Kaila Estrada, Naglabas Ng Mensahe Para Sa Kanyang Ama

 Hindi napigilan ng Kapamilya actress na si Kaila Estrada na maging emosyunal sa isang panayam ni Bernadette Sembrano lalo na nang magbigay siya ng mensahe para sa kanyang ama na si John Estrada.

Noon pa man ay hinahangad na umano nila ang pagkakataon na maging maayos ang kanilang relasyon kaya naman labis siyang nagpapasalamat ngayon.

"Siguro kay dad, thank you kasi... ito 'yung time na, Parang 'yung relationship namin kasi, ito 'yung hinahanap namin noon pa. So I'm glad na we're at this point in our lives already na okay talaga kaming lahat. And it really, truly is a blessing."

 Hindi naman lingid sa kaalaman ng publiko na mula sa isang broken family si Kaila Estrada. Bata pa lamang siya nang magpasyang maghiwalay ang kanyang mga magulang. Hindi rin naging maganda ang hiwalayan ng mga ito kaya naman hindi sinasadyang nadadamay silang magkakapatid.

Gayunpaman. malaki pa rin ang pasasalamat ni Kaila sa kanyang ina na si Janice De Belen sa pagtataguyod sa kanilang magkakapatid.

Subalit ngayon, walang pagsidlan ang kasiyahan ni Kaila dahil sa pagiging present na umano ni John sa kanilang magkakapatid. 

"Thank you kasi, You really made an effort din to become close to us," pahayag ni Kaila.

Mag Amang Maegan, Freddie Aguilar, Nagkaayos Na

 Hindi maitago ni Maegan Aguilar ang kanyang kasiyahan matapos niyang makitang muli ang kanyang ama na si Freddie Aguilar at ang kanyang mga anak.

Sa kanyang social media post, ibinahagi ni Maegan Aguilar ang ilang larawang kuha sa pakikipagkita nila kay Freddie na hindi na niya nakita mula noong 2019.

“Sa wakas nayakap ko na ulit ang tatay ko. I love you tay, salamat po sa pag tanggap ninyo sa amin at sa akin. I missed you so much tay & looking forward spending more quality time withyou and the kids and the rest of our family,” pahayag ni Maegan Aguilar.

Ipinahayag din niya ang kanyang kasiyahan na pagkatapos ng ilang taon, sa wakas ay nakita na rin niya ang kanyang mga anak.

“Finally with my daughters again! After being away from each other for a while.. God is truly good all the time,” dagdag pa ni Maegan.

Matatandaang nag-viral sa social media noon si Maegan, who’s known for her rocky relationship with her father, nang pumunta siya sa pamunuan ng Raffy Tulfo’s Wanted sa Radyo para humingi ng tulong at makiusap sa kanyang ama.

Gayunpaman, hindi nakatanggap si Maegan ng anumang tulong mula kay Freddie o kahit kay Raffy dahil sa kanyang mga bisyo.

Sinabi ni Freddie na tutulungan lamang niya si Maegan kung nakita na niya ang kalooban nitong magbago para sa ikabubuti ng kanyang sarili at para sa kanyang mga anak.

“Kasi si Maegan, sinasabi niya sa akin na, ‘Tay, nagbago na po ako.’ Sabi ko, ‘Anak, hindi mo kailangan sabihin na nagbago ka sa akin, e.

" Ako, malalaman ko yun anak kapag nagbago ka. Ako mismo magsasabi sa yo anak, anak, halika, nagbago ka na, e.’ Pero kako, hindi mo puwedeng sabihin lang, may kasamang action yan kako. 

"With what you’re doing now, hindi ka pa rin nagbabago,” pahayag ni Freddie Aguilar sa isang panayam.

Jennica Garcia, Ikwento Ang Malaking Epekto Sa Kanya Ng Unang Hiwalayan

 Ibinahagi na ng aktres na si Jennica Garcia ang totoong dahilan ng pagtatapos ng kanilang relasyon ng kanyang estranged husband na si Alwyn Unytingco sa pangalawang pagkakataon.

Ibinahagi rin niya ang isang bagay na kinatatakutan niya na magiging epekto sa buhay ng kanilang mga anak dahil sa hiwalayan nilang mag-asawa.

Hinahangaan ng maraming mga netizens ang closeness ng mag-inang Jean Garcia at Jennica Garcia. Marami ring ang natuwa sa pagiging proud nila sa isa't-isa.

Kamakailan lamang, naging guest sina Jean Garcia at Jennica Garcia sa YouTube vlog ni Karen Davila, kung saan sinagot nila ang ibinabatong tanong ng host.

Sinabi ni Jean Garcia na hindi niya nakitaan ng masamang pag-uugali si Jennica Garcia sa kabila ng kakulangan niya bilang ina at sa hindi nito pagbibigay ng buong pamilya.

Hindi umano reklamador ang kanyang anak at ito pa ang nag-aadjust sa mga taong nakakasalamuha nito.

Hinangaan din umano niya ang kanyang anak sa pagiging working mom nito at sa pagbangong muli mula sa hiwalayan sa asawang si Alwyn.

Ipinagmamalaki ni Jean Garcia kung paano pinanindigan ni Jennica ang kanyang anak.

Samantala, hindi naman napigilan ni Jennica na maging emosyunal nang masali sa kanilang usapan ang kanyang mga anak.

Inamin ni Jennica na na may kinatatakutan siyang bagay na mangyari sa kanyang mga anak ngayong tuluyan na silang naghiwalay ng kanyang asawa.

Mula rin siya sa isang broken family kaya alam umano niya ang pakiramdam na hindi nakakasama ang tunay na ama, bagya na maari ring maramdaman ng kanyang mga anak ngayon.

Dahil dito, sa tuwing may lalaking nagpaparamdam sa kanya ng pagmamahal ay kaagad niya itong pinaniniwalaan, bagay na ayaw niyang tularan ng kanyang mga anak lalo na't puro babae ang mga ito.

“Isa po kasi sa nakita ko na naging effect sa akin, dahil lumaki po ako na wala yung papa ko yung parang kapag ka may lalaki po na nagsabi sakin, mahal niya ako. Di niya ako iiwan naniniwala po ako kaagad. 

“Parang yung pinaka-kinatatakutan ko lang po yung baka dahil lumaki ang mga anak ko na hindi kasama ang tatay nila, baka po pag may nagsabi sa kanila ng ganun din baka maniwala po sila kaagad.”