Mahusay Na Aktor May Major Comeback Sa ABS-CBN

 Pinag-uusapan ngayon sa social media ang balitang magbabalik na sa showbiz ang Kapamilya actor na si Enrique Gil, matapos ang ilang taon nitong pananahimik sa showbiz.

Ayon sa mga naglabasang ulat, malapit na umanong ipalabas ang pelikulang muling magbubukas sa showbiz career ni Enrique Gil, matapos ang apat na taon nitong pamamahinga sa showbiz.

Ang comeback movie ng actor ay pinamagatang I am Not Big Bird, umiikot naman ang kwento nito sa karakter na ginampanan ni Enrique Gil bilang si Luis.

Umiikot ang kwento ng nasabing pelikula sa buhay ni Luis na nagpunta sa Thailand kasama ang kanyang mga kaibigan para magbakasyon subalit napagkamalan bilang isang sikat na pornstar sa nasabing bansa dahil sa kanilang pagkakahawig.

Ang pelikulang I Am Not Big Bird ay isinulat ni Lilit Reyes na hango umano sa totoong nangyari sa buhay ng kanyang kaibigan.

Makakasama naman ni  Enrique Gil sa kanyang upcoming movie sina Pepe Herrera, Red Ollera at Nikko Natividad.

Matatandaan na magmula noong itinigil nina Enrique Gil at ng dating ka-loveteam niyang si Liza Soberano ang taping ng pinagsamahan nilang teleserye sa ABS-CBN na Make It With You noong kasagsagan ng pandemic, namahinga na muna sa kanyang showbiz career si Enrique Gil.

May mga ulat na magbabalik ito sa showbiz para gawin ang Philippine adaptation ng Korean series na It's Okay Not To Be Okay kasama ang kanyang ka-loveteam noon na si Liza Soberano. Subalit, muli naman itong naudlot nang magpasya si Liza na umalis sa ABS-CBN upang i-pursue ang kanyang Hollywood dream.

Kylie Padilla Isinapubliko Na Ang Kanyang Bagong Boyfriend!

 Naging laman ng mga usap-usapan ngayon sa ilang mga social media platforms ang Kapuso actress na si Kylie Padilla matapos itong mamataan ng mga netizens sa isang mall na may kasamang lalaki na pinaghihinalaang boyfriend nito.

Matatandaan na naunang namataan si Kylie Padilla kasama ang isang lalaki noong nagdaang taon, ibinahagi pa ni Kylie ang ilang mga kuhang larawan nilang dalawa na magkasama subalit hindi kailanman ipinakita ng aktres ang buong mukha ng lalaki, tanging braso lamang nito na puno ng tattoo.

Samantala, muling napag-uusapan ngayon ng mga netizens ang lovelife ng aktres matapos kumalat online ang mga larawan at videos ng aktres kasama ang isang lalaki na puno ng tattoo. Sa pagkakataong ito ay nakikita na ang kabuuan ng mukha nito.

Martes ng gabi, January 9, 2024 ibinahagi ng isang netizen sa social media platform na TikTok ang video kung saan makikita ang paglabas ni Kylie Padilla sa isang establishment kasama ang isang lalaki na may mahabang buhok at puno ng tattoo sa braso.

Marami naman ang nagkomento, na ang lalaking ito ay nagmamay-ari umano ng isang tattoo shop. Marami rin ang naghinala na ang lalaking ito ay siya rin ang nakasama noon ni Kylie Padilla na hindi ipinakita ang mukha.

May ilang mga fans naman ang aktres na nasisiyahan dahil nakakapagmove on na talaga si Kylie Padilla sa nangyari sa marriage life nila ni Aljur Abrenica.

Sa ngayon ay hindi pa rin naglalas ng pahayag si Kylie Padilla at hindi pa rin niya ipinapakilala sa publiko ang lalaking pinaghihinalaang ipinalit niya kay Aljur Abrenica.

@voicetrendz Kylie Padilla at kaniyang Jowa?? 😍 #KyliePadilla #kyliepadillaboyfriend ♬ original sound - Voice Trendz

Paulo Avelino May Patama Kay Xian Lim

 Naging laman ng mga usap-usapan sa social media ang post ng Kapamilya actor na si Paulo Avelino.

Ayon sa naging post ng aktor, hindi umano sa porma o sa ayos ng pananamit makikita ang pagiging gwapo ng isang lalaki kundi sa kanyang maayos na pagtrato sa babae.

Hindi naman lingid sa kaalaman ng lahat na kahit hindi nag-work ang relasyon nina Paulo Avelino at LJ Reyes noon at napanatili naman ng aktor ang pagkakaibigan nilang.

Katunayan ay naging maayos ang co-parenting nila sa kanilang anak na si Aki. Matatandaan na nagtrending din kamakailan lamang ang video ni Aki na kinunan ni LJ Reyes habang binubuksan nito ang ipinadalang regalo ni Paulo Avelino.

Naroon din si Paulo Avelino sa lahat ng mahahalagang pangyayari sa buhay ng kanyang anak. Ayon naman kay LJ Reyes ay wala siyang maipipintas sa pagiging ama ni Paulo Avelino sa kanilang anak dahil hindi naman ito nakakalimot sa mga obligasyon niya.

Samantala, marami naman sa mga fans nina Paulo Avelino at Kim Chiu ang kinilig sa kamakailang pahayag na ibinahagi ng aktor sa kanyang social media account dahil nasa tamang pangangalaga na umano ngayon si Kim Chiu matapos ang paghihiwalay nila ni Xian Lim.

May mga fans pa na naghinala na ang post na ito ni Paulo ay patama kay Xian Lim dahil sa pagiging duwag umano nito sa pag-iiwas sa mga katanungan na may kinalaman sa hiwalayan nila ni Kim Chiu.

Sa kabilang banda, marami naman sa mga tagahanga ngayon ni Kim Chiu ang umaasa na sana ay mahanap din ni Kim Chiu ang para sa kanya na magbibigay ng tunay na saya at papahalagahan siya.

TAPE Inc. May Panibagong Kaso Na Naman Dahil Sa Panggagaya Ng Noontime Show Nila Sa Logo Ng Byahelen!

 Mukhang mahaharap naman sa panibagong legal battle ang TAPE Incorporated matapos ang kanilang pagkatalo sa labanan ng copyright sa TVJ, dahil sa alegasyon na ginaya umano nila ang kanilang logo sa isang local Facebook page ng Quezon Province.

Matapos talunin ng legendary trio na sina Tito Sotto, Vic Sotto at Joey De Leon ang TAPE Inc. sa Eat Bulaga copyright case, tila may panibagong isyu naman na kakaharapin ang nasabing production company matapos mapag-alaman na tila ginaya lamang nila ang kanilang panibagong logo sa Byahelen ng Quezon Province.

Bagama't may pagkakaiba ng kaunti ang dalawang logo, kapansin-pansin naman ang pagkakapareho ng larawan ng niyog na siyang naging trademark ng Tahanang Pinakamasaya. 

Samantala, naunang nabuo ang Byahelen noong March 2023, kaysa sa Tahanang Pinakamasaya na nag-umpisa lamang noong January 6, 2024.

Bagama't wala pang pahayag ang Byahelen patungkol sa isyung ito maari pa rin itong mag-ugat sa isang malaking isyu sa hinaharap.

Marami naman sa mga netizens ang lalong nadismaya sa TAPE Inc. at sa kanilang editor dahil hindi na umano nakakaisip ang mga ito ng original concepts at lahat na lamang ay ginagaya nila sa iba.

Marami rin kasi ang nakapansin na maging ang kulay ng font na ginamit ay magkapareha rin ang konsepto ng mundo na nasa gitna.

May mga nagsasabi pa na may pera naman ang TAPE Inc. kaya naman sana ay naghire sila ng magagaling na editor at kahit paano ay pinag-isipan naman nilang maigi ang pagbuo ng logo para makaiwas sa mga problema sa hinaharap.

Kim Chiu-Paulo Avelino, Xian Lim-Jennylyn Mercado Magtutos Sa Primetime Bida

 Usap-usapan ngayon sa social media ang inilabas na trailer ng teleserye version ng Linlang na pinagbibidahan nina Paulo Avelino at Kim Chiu.

Marami naman sa mga netizens ang nakapansin na inilipat sa bagong timeslot ng Linlang at tila sinadya pa umanong itapat ang teleseryeng ito sa teleseryeng pinagbibidahan ni Xian Lim na ipinapalabas sa katapat na network.

Hindi naman lingid sa kaalaman ng lahat na kamakailan lamang ay kinumpirma na nina Kim Chiu at Xian Lim ang kanilang paghihiwalay sa publiko matapos ang ilang buwan na naging usap-usapan ang kanilang hiwalayan.

May mga netizens naman ang nagsasabi na tama lamang ang ginawang ito ng dalawang network na ipagtapat ang Linlang nina Kim Chiu at Paulo Avelino, at ang Love. Die. Repeat nina Xian Lim at Jenylyn Mercado. Magkakaalaman na umano kung anong programa ang mas tatangkilikin ng publiko matapos ang hiwalayan ng dalawa.

Matatandaan na may mga naglabasang mga haka-haka patungkol sa totoong  dahilan ng hiwalayan nina Xian Lim at Kim Chiu, kung saan inaakusahan ng marami na si Xian ang dahilan ng hiwalayan nilang dalawa.

Ayon sa mga naging pahayag mula sa ilang mga entertainment sites, na ang dahilan ng pakikipaghiwalay ni Kim Chiu kay Xian Lim ay ang kawalan ng plano ng huli na pakasalan ang aktres.

May mga dumagdag pa na baka may iba naman itong minamahal at ginagamit lamang ang pagiging boyfriend ni Kim Chiu para sa kanyang showbiz career, may mga naglabasan rin kasing mga larawan na may ibang babae na kasama si Xian Lim na pinaghihinalaang naging third party sa relasyon nila ni Kim Chiu na nagwakas makalipas ang 12 years.

Samantala, ayon sa ilang mga netizens na dapat ay kabahan na umano ang dapat kabahan sa kung sino ang panonoorin ng mga televiewers.

Sarah Lahbati Lumipat Na Ng Bahay at Sobrang Laki Ng Kanyang Bagong Tahanan!

 Tila wala nang maasahang balikan sa pagitan ng estranged celebrity couple na sina Sarah Lahbati at Richard Gutierrez dahil kamakailan lamang ay hayagan na nilang ipinapakita sa publiko ang kanilang hindi pagkakaunawaan sa pamamagitan ng pag-unfollow nila sa isa't-isa sa kani-kanilang Instagram accounts.

Naunang in-unfollow ni Sarah Lahbati si Richard kasama ang ilang myembro ng Gutierrez family, ilang oras makalipas nito ay ang mga Gutierrez naman ang nag-unfollow sa aktres.

Samantala, viral at usap-usapan naman ngayon sa social media ang ibinahaging update ni Sarah Lahbati patungkol sa paglipat niya sa bagong tirahan. Naghahanap pa ang aktres ng interior designer para magpaganda sa loob ng kanyang lilipatang malaking bahay.

Marami naman sa mga tagahanga at kaibigan ni Sarah Lahbati ang nagpahayag ng pagsuporta at pagkaproud sa ginawang paglipat ni Sarah at sa desisyon nitong mag move on na sa hiwalayan nila ni Richard Gutierrez.

Sa ngayon ay tila lumalakas ang loob ni Sarah Lahbati na malalampasan ang pagsubok na ito sa kanyang buhay dahil marami namang nakasuporta at nakaalalay sa kanya.

Naroon ang kanyang pamilya at mga kaibigan sa loob at labas ng showbiz industry.

Hanggang ngayon ay hati pa rin ang mga opinyon ng mga netizens patungkol sa totoong dahilan ng paghihiwalay nina Sarah Lahbati at Richard Gutierrez may ilang mga netizens na naniniwala sa mga paratang rito ni Annabelle Rama, patungkol sa pagwawaldas ni Sarah Lahbati ng pera na pinaghihirapan ng kanyang anak sa mga vacation trips nito.

Makikita naman umano talaga sa social media posts ni Sarah Lahbati kung paano ito mamili at magbakasyon sa iba't-ibang lugar.

Gayunpaman, may mga nagsasabi naman na responsibilidad naman talaga ni Richard na magtrabaho para sa kanilang pamilya at karapatan rin umano ni Sarah na magamit ang pera nito.

Sa kabilang banda, may mga nagsasabi naman na kahit hindi makakatumbas si Sarah Lahbati sa yaman ng mga Gutierrez, hindi naman umano maaring sabihin na walang ambag si Sarah dahil may income naman umano ito mula sa mga endorsements.

View this post on Instagram

A post shared by Sarah Lahbati (@sarahlahbati)

Biglaang Pag-Unfollow Ni Kathryn Bernardo Kay Daniel Damay Sina Julia Barretto, Liza Soberano at Gillian Vicencio

 Inilahad na ng Kapamilya actress na si Kathryn Bernardo na walang balikang magaganap sa pagitan sa kanila ng kanyang ex-boyfriend na si Daniel Padilla matapos niyang i-unfollow ang aktor sa kanyang social media account.

Matatandaan na marami sa kanilang mga tagahanga ang umasa na magkakabalikan pa rin ang dalawa matapos ang hiwalayan nila na inamin nila sa publiko noong November 30, 2023. Bagama't hindi naman nila isiniwalat ang totoong dahilan ng kanilang paghihiwalay naging usap-usapan sa showbiz na ang pambababae umano ni Daniel Padilla ang dahilan.

Ikinagulat ng maraming mga KathNiel fans at netizens ang tuluyang pag-unfollow ni Kathryn Bernardo kay Daniel Padilla sa kanyang Instagram account nitong gabi ng January 10, 2024.

Marami ang nagsasabi na ang ginawa ng aktres ay isa lamang indikasyon na wala na itong interes sa aktor at ayaw na niyang makita ang life updates nito.

Ang mas ipinagtataka ng mga netizens kung bakit bukod kay Daniel Padilla ay inunfollow rin ni Katres ang iba pang mga artista na sina Liza Soberano, Gillian Vicencio, at Julia Barretto.

Marami ang napapatanong kung bakit kabilang sa inunfollow ni Kathryn sina Liza at Julia, maiintindihan pa umano ang pag-unfollow ni Kathryn kay Gillian dahil sa naglabasan noong mga ulat patungkol sa naging relasyon nina Gillian at Daniel Padilla, na agad namang itinanggi ni Gillian.

Samantala, marami naman sa mga netizens ang binalikan ang pasimpleng sulyap umano ni Daniel Padilla kay Julia Barretto noong nakaraang ABS-CBN Ball.

Naging palaisipan naman sa marami kung bakit nadamay si Liza Soberano sa mga inunfollow ni Kathryn Bernardo gayung wala naman ito sa bansa ngayon at hindi rin nalilink kay Daniel Padilla noon.

Matatandaan na marami sa mga netizens ang bumilib kina Kathryn Bernardo at Daniel Padilla noon dahil sa pagiging malapit pa rin nila sa isa

't-isa matapos ang kanilang hiwalayan.

Marami pa ang nakapansin noon na tila hindi man lang naghiwalay ang dalawa dahil sa pagiging maalaga at sweet ni Daniel Padilla kay Kathryn Bernardo sa mga okasyon na kanilang dinaluhan matapos ang pag-amin nila sa kanilang paghihiwalay.

Gayunpaman, marami sa mga nakasaksi ang nagsasabi na naaasiwa na si Kathryn Bernardo sa pangungulit ni Daniel Padilla at umiiwas na ito sa aktor.

Sa magkakasunod na pag-unfollow ni Kathryn Bernardo kina Daniel Padilla, Liza Soberano, Gillian Vicencio at Julia Barretto, marami ang napapatanong kung may kinalaman pa ang mga nasabing actress sa paghihiwalay nilang dalawa.

Marami naman sa mga tagahanga ng aktres ang pabor sa kanyang desisyon na i-unfollow na si Daniel Padilla upang maprotektahan naman ang kanyang inner peace at para maging malinaw na rin sa lahat na wala na siyang balak pa na makipagbalikan rito.

Sa ngayon ay hindi pa naman nagbibigay ng opisyal na pahayag si Kathryn Bernardo patungkol sa mga kapwa celebrity na kanyang inalis sa kanyang following list sa Instagram.

Pahayag Ni Sarah Lahbati Matapos Nilang Mag-Unfollow Sa Isat-Isa Ni Richard Gutirrez

 Matapos ang pag-unfollow ni Sarah Lahbati sa kanyang estranged husband na si Richard Gutierrez at iba pang myembro ng pamilya nito, tila gumanti naman ngayon si Richard Gutierrez sa pamamagitan ng pag-unfollow naman kay Sarah Lahbati.

Kahapon lamang, January 9, 2024, napansin ng mga netizens na hindi na nakafollow si Sarah Lahbati kay Richard Gutierrez, subalit naka-follow pa rin sa kanya ang aktor.

Subalit, makalipas ang ilang mga oras ay napansin na rin ng mga netizens na naka-unfollow na ito kay Sarah Lahbati. Kasunod nito, kapansin-pansin rin na magkasunod na nag-unfollow kay Sarah Lahbati ang mga kapatid ni Richard Gutierrez na naunang pinag-uunfollow ng actress.

Kabilang na sina Annabelle Rama, Raymond Gutierrez at Ruffa Gutierrez.

Samantala, ang ginawang pag-unfollow nila sa social media ay lalo lamang umanong nagpapatibay sa mga haka-hakang matagal nang naghiwalay sina Sarah Lahbati at Richard Gutierrez.

Hindi pa naman naglalabas ng official statement si Sarah Lahbati at Richard Gutierrez patungkol sa hinala ng marami na hiwalay na sila noon pang nagdaang taon at kasalukuyan nang pinoproseso ang kanilang annullment.

Nagbigay naman si Sarah Lahbati ng mensahe sa kanyang mga followers kung saan sinabi niyang binabasa niya ang lahat ng mga mensaheng natatanggap niya at ipinahayag pa niya ang kanyang pagmamahal sa mga ito.

Matatandaan na tila naging last straw ni Sarah Lahbati ang paglabas ng video nina Richard Gutierrez at Barbie Imperial na magkasama sa isang restobar at very close umano sa isa't-isa.

Bagama't viral na ngayon ang nasabing video ay hindi pa rin naglalabas ng opisyal na pahayag sina Barbie Imperial at Richard Gutierrez.

Sharon Cuneta Dinelete Ang Mga Post with Gabby Concepcion Sa Kanyang Instagram

 Maraming mga netizens ang nakapansin na pinagbubura ng Mega Star na si Sharon Cuneta ang kanyang mga Instagram post, sa ngayon ang makikitang huling post ni Sharon Cuneta sa kanyang Instagram account ay noon pang August 2023.

Kabilang sa mga binura ni Sharon Cuneta ay ang mga post niya kasama si Gabby Cincepcion sa pagpopromote ng kanilang nagdaang concert noong October 2023.

Maging ang mga kamakailang hugot ni Sharon Cuneta sa kanyang Instagram account ay nawala na rin.

Samantala, napapatanong naman ngayon ang ilang mga netizens sa dahilan kung bakit pinagbubura naman ngayon ni Sharon ang kanyang mga social media posts.

Marami naman ang nagsasabi na baka pahiwatig umano ito ng aktres ngayon na magsisimula siya ng panibago ngayong 2024 kung saan iiwasan na niya ang pagbabahagi ng mga cryptic posts sa kanyang social media accounts.

Tila natuto na umano ang Mega Star dda mga pinagdaanan niyang pambabatikos mula sa mga netizens dahil sa mga ibinabahagi niyang cryptic posts sa kanyang social media accounts kung saan nagdulot pa ng confusion sa kanyang mga tagahanga.

Matatandaan na nauna nang ipinaliwanag ni Sharon Cuneta na ang ibang mga cryptic posts niya ay para sa kanyang mga kaibigan na nakakarelate umano nito. Minsan naman ay nagustuhan niya lamang magpost ng kung ano-ano.

Gayunpamn, inamin niya na may pagkakataon talaga na ibinabahagi niya sa social media ang kanyang nararamdaman dahil ayaw naman umano niya na kimkimin na lamang sa loob ang bigat nito.

Hiling naman ni Sharon Cuneta noon na sana naman ay maintindihan siya ng kanyang mga tagahanga at mga tagasuporta.

DonBelle, Papalitan Ng KathDon?

 Tila magkakaroon ng malaking pagbabago sa mga loveteam ng ABS-CBN sa pagitan ng mga tambalan ng DonBelle at KathNiel.

Trending ngayon sa social media ang video ng interaction nina Kathryn Bernardo at Donny Pangilinan. Parehong dumalo ang dalawa sa star-studded wedding nina Robi Domingo at Maiqui Pineda.

Ilang beses ding nag-interact ang dalawa na kinakitaan naman ng ilang mga netizens ng chemistry. May nakaramdam pa ng kilig dahil sa paglabit ni Donny Pangilinan kay Kathryn Bernardo sa after party ng wedding para yayain ito sa isang slow dance.

May mga nakakita pa umano sa pag-offer ni Donny Pangilinan kay Kathryn Bernardo ng soda para kahit papaano ay mahimasmasan naman ang aktres na halatang nakainom na rin umano sa mga oras na iyon.

Dahil sa napansin nilang chemistry ng dalawa, marami ang nagsasabi na sana ay bigyan naman ng ABS-CBN ng proyekt ang dalawa kung saan sila ang magiging magkapareha.

Subalit, kaagad namang umangal ang mga DonBelle Fans iginiit nila na disrespect naman umano kay Belle Mariano na kasalukyang ka loveteam ng aktor sakaling bigla na lamang pagtambalin sina Kathryn Bernardo at Donny Pangilinan.

May mga nagsasabi pa na sana ay ibang aktor na lamang ang itambal kay Kathryn Bernardo.

Samantala, may mga nagsasabi naman na sana ay itigil na ng ABS-CBN ang kanilang loveteam culture at maging open sa mga collabs kagaya sa mga nangyayari sa ibang mga networks sa ibang banda kagaya na lamang sa Korea.

@rach_el92 Donny and Kathryn!!!! 🤭🤭🤭 Something is fishyy, bat alagang alaga ni Donny si Kath and may pag bigay pa ng water!! WOAAHh!! Support! #donnypangilinan #kathrynbernardo #donkath #donny #ggthemovie #kathryn #bellemariano #bellemarianohitsdifferent #donbelle #donbellempire #donbelleendgame #cantbuymeloveonnetflix #donnypangilinanedits #fyp #fypシ゚viral ♬ original sound - Rachel

Noontime Show Bumagsak Ang Ratings?! Sino Ang Mas Pinapanuod

 Pare-parehong nakakaranas ng mababang TV-ratings ang magkakatapat na noontime shows na Eat Bulaga, It's Showtime at Tahanang Pinakamasaya sa pagpasok ng bagong taon at nitong huling bahagi ng 2023.

Normal lamang naman umano ito dahil karamihan sa mga Pilipino ay nasa labas upang gumala kasama ang pamilya dahil sa holiday seasons, may mga nasa labas para mag-shopping ang iba naman ay nanonood ng mga palabas sa sinehan.

Samantala naging mababa naman ang nakuhang rating ng mga magkakatapat na noontime show. Kahit may panibagong laro ang EAT Bulaga ay hindi pa rin ito pumalo sa mga manonood, sa ngayon ay ginagamit na ng TVJ ang titulong Eat Bulaga matapos ang inilabas na desisyon ng Marikina Trial Court.

Marami naman ang nakapansin na naging mababa na ang nakukuhang TV rating ng noontime ng TAPE Inc. na ngayon ay may panibagong pamagat na Tahanang Pinakamasaya.

Sa ngayon ay ang kanilang show ang may pinakamababang TV rating sa tatlong magkakatapat na noontime show sa telebisyon, habang patuloy pa ring nangunguna ang show ng TVJ sa TV5.

Samantala, marami naman sa mga fans ng TVJ ang natutuwa ngayon na nasa kanila na ang pamagat ng show na kanilang pinaghirapan sa loob ng ilang taon. 

Sa patuloy na paglalaban ng mga noontime show para makakuha ng mataaas na ratings, marami ang nag-aabang sa iba't-ibang mga pakulo nila upang ang kanilang show ang tangkilikin ng mga manonood.

Daniel Padilla, Magkakaroon Ng Bagong Ka-Loveteam Para Sa Upcoming Project, Si Andrea Brillantes?

 Sa kabila ng kabi-kabilang pambabatikos na natatanggap ngayon ng aktor na si Daniel Padilla mula sa mga netizens at mga fans ni Kathryn Bernardo matapos ang kanilang break-up ng aktres ay tila tuloy-tuloy pa rin ang kanyang showbiz career sa Kapamilya network.

Sa ngayon ay nakapila na umano ang mga projects ng aktor na si Daniel Padilla sa Kapamilya network na nakatakdang gagawin niya ngayong taon sa nasabing network.

Samantala, sa kamakailang Instagram post ng aktor makikita ang mga larawan na tila kuha mula sa Japan dahil sa isang larawan kung saan makikita ang Mt. Fuji.

Marami naman ang naghinala na baka naroon ngayon ang aktor sa bansang Japan subalit ayon sa isang kakilala ni Daniel Padilla ay wala pa roon ngayon ang aktor pero pupunta ito roon soon.

Ayon pa sa mga haka-haka na may nakatakda umanong project si Daniel Padilla na kukunan sa bansang Japan. Sa ngayon ay hindi pa inilahad kung isa ba itong movie o series.

Hindi rin naman isiniwalat kung sino ang kanyang makakasama sa nasabing proyekto subalit marami ang naghinala na magkakaroon na umano ng panibagong ka-love team si Daniel Padilla sa nasabing proyekto dahil hiwalay na sila ni Kathryn at susubok naman ng panibagong leading lady si Daniel Padilla.

Samantala, nauna nang inamin ni Karla Estrada na ang bagong hairstyle at look ni Daniel Padilla ngayon ay para sa kanyang upcoming projects na hindi pa isiniwalat sa ngayon.

May mga nagsasabi pa na baka ang ipapareha naman ngayon kay Daniel Padilla ay isang solo actress ng ABS-CBN o di kaya naman ay ang controversial actress na si Andrea Brillantes ay makakasama niya rito.

View this post on Instagram

A post shared by Daniel Ford (@supremo_dp)

Paolo Contis Aminado Na Kinain Ang Mga Sinabi Sa TVJ Matapos Matalo Ng Tape Incorporated Sa Kaso

 Ikinagulat umano ng Tahanang Pinakamasaya host na si Paolo Contis ang pag-igsi ng laban sa pagitan ng TVJ at TAPE Incorporated para sa totoong may karapatan sa trademark ng Eat Bulaga.

Nagulat umano si Paolo Contis nang inilabas ng Marikina Trial Court ang desisyon nila kung saan ipinag-uutos na kinailangan na ng TAPE Inc. na magpalit ng pamagat at huwag nang gamitin ang mga may kaugnayan sa Eat Bulaga.

Matatandaan na tila naging spokesperson ng TAPE Inc. noon si Paolo Contis sa kasagsagan ng laban nila ng TVJ sa labanan para sa titulo ng Eat Bulaga. Ayon sa naging pahayag noon ni Paolo Contis na mahaba pa ang laban nila at ng TVJ para sa kung sino ang tunay na may karapatan sa Eat Bulaga.

Samantala, sa isang panayam kay Paolo Contis matapos ilabas ng Marikina Trial Court ang desisyon hinggil sa desisyon patungkol sa copyright ng Eat Bulaga.

Ayon kay Paolo Contis, ikinagulat nilang lahat ang naging desisyon ng korte at naging tensyunado pa sila dahil kinailangan kaagad nilang magpalit ng pangalan. Gayunpaman, kinailangan umano nilang sumunod sa desisyon ng korte sa maikling panahon na ibinigay sa kanila.

Inilahad din umano ni Paolo Contis na layun nila ngayon na maging household name naman ng mga manonood ang kanilang show sa pagpapatuloy nila sa kanilang pagbibigay ng saya, papremyo at tulong sa mga ito.

Ogie Diaz Hindi Mapigilan Ang Matawa Sa Bagong Title Ng Noontime Show Ng TAPE Inc.

 Hindi napkigilan ng showbiz insider at talent manager na si Ogie Diaz ang sarili na makapagbigay ng saloobin patungkol sa noontime show ng TAPE Inc. na nagkaroon ng panibagong pamagat na Tahanang Pinakamasaya.

Hanggang ngayon ay marami pa rin sa mga netizens ang hindi mapigilang magbigay ng reaksyon sa ipinalit na pamagat ng TAPE Inc. sa kanilang noontime show na dati ay Eat Bulaga.

Nitong sabado, January 6, 2024, sinunod na ng TAPE Inc. ang iniuutos sa kanila ng korte na huwag nang gamitin ang titulo, theme song at logo ng Eat Bulaga dahil kinikilala na nila na ang totoong may karapatan rito ay walang iba kundi sina Tito Sotto, Vic Sotto at Joey De Leon.

Ang ipinalit nilang pamagat ay mula sa kanilang jinggle, Tahanang Pinakamasaya. Para sa kanila ay angkop naman umano ito dahil layun nilang makapagbigay ng saya.

Ayon naman sa ilang mga netizens na maganda rin naman ang kanilang napiling panibagong titulo at tatak pinoy din naman ito, pero sana ay matagal na nila umano itong ginawa para hindi na nagkaroon pa ng laban.

May mga nagsasabi naman na sana ay mas pinag-isipan pa ng TAPE Inc. ang kanilang titulo dahil lumalabas na wala umano ito'y kadating-dating sa mga netizens.

May mga umuokray pa rito dahil tila Sunday Pinasaya lamang umano ang dating at tila ginaya lamang nila ito sa ibang show.

Maging ang sikat na talent manager at showbiz insider na si Ogie Diaz ay hindi riin umano napigil ang sarili na matawa sa ipinalit na pamagat ng TAPE Inc. sa kanilang show.

Ipinahayag pa ni Ogie Diaz na kahit positibo naman ang naging panibagong titulo ng kanilang show ay nakukulangan pa rin siya sa dating nito.

Gayunpaman, maari ding matagal ring pinag-isipan ng TAPE Inc. ang kanilang titulo na gagamitin at pumili naman umano sila ng pamagat na hindi kaagad malilimutan ng publiko.

Ogie Diaz, Isiniwalat Ang Totoong Ugnayan Ni Barbie Imperial at Richard Gutierrez

 Inilabas ng showbiz insider at talent manager na si Ogie Diaz ang impormasyong nakalap niya patungkol sa viral video nina Richard Gutierrez at Barbie Imperial na kuha sa isang bar sa Alabang.

Matatandaan na nitong mga nagdaang araw naging laman ng mga usap-usapan sa social media ang patungkol sa video nina Richard Gutierrez at Barbie Imperial. Bukod pa rito may mga nagsasabi pa na labis na magkadikit ang dalawa at bantay sarado pa ni Richard Gutierrez ang aktres.

Marami kaagad ang naghinala na si Barbie Imperial na ang ipinalit ng aktor na si Richard Gutierrez sa kanyang estranged wife na si Sarah Lahbati. Alam din umano ito ng kanilang mga kaibigan na naroroon dahil tila tinatago ng mga ito ang dalawa at iniiwas sa maraming tao.

Samantala, isiniwalat naman ni Ogie Diaz ang umano'y totoong kwento sa likod ng kumalat na video na mula sa isang pinagkakatiwalaan niyang source. 

Ayon sa pagsisiwalat ni Ogie Diaz, isa umano si Barbie Imperial sa mga nagmamay-ari ng bar na iyon, kaya naman natural lamang na naroon ang aktres sa lugar.

Si Richard Gutierrez naman ay kaibigan ng lahat ng mga kasosyo ni Barbie Imperial sa Tipsy Pig. May obligasyon umano si Barbie Imperial na magpunta roon bilang isang may-ari para mag-entertain ng mga bisita.

Inokupa umano nila ang apat na tables, at dahil kaibigan ni Richard ang lahat ay palipat-lipat ang aktor ng table. Kaya naman napaupo umano ito katabbi ni Barbie.

Dito na umano nakunan ng video at picture ang dalawa. Pero ang totoo aniya, ay nagkatabi lamang ang dalawa sa loob ng ilang minuto.

Inilahad pa ni Ogie Diaz na hindi umano totoo ang akusasyon ng mga netizens na magkasamang umalis sina Barbie Imperial at Richard Gutierrez sa pagtitipon dahil matapos ang party nila sa bar ay nagpunta pa si Barbie sa ibang party sa Poblacion.

Hindi na umano nito kasama roon si Richard dahil umuwi na ito sakay sa kanyang motor.

Iginiit pa ni Ogie Diaz na kahit na sinong babae ang madikit ngayon sa aktor ay tiyak na magagawan ng isyulalo na't hindi naman lingid sa kaalaman ng lahat na kagagaling pa lamang nito sa isang hiwalayan.

Ipinagdidiinan naman umano ng kanyang source na hanggang ngayon ay nangungulila pa rin umano si Richard na hindi na niya palaging nakakasama ang kanyang mga anak kaya naman ay inaaliw na lamang niya ang kanyang sarili sa pagpupunta sa mga bars.

Cristy Fermin, Ni-Realtalk Si Daniel Padilla| Hindi Ka Sisikat Kung Hindi Dahil Kay Kathryn!?

 Naglabas ng pahayag ang veteran showbiz columnist na si Manay Cristy Fermin patungkol sa mga hanash ng mga fans ng Kapamilya actor na si Daniel Padilla patungkol sa diumano'y paghihirap ni Kathryn Bernardo na makakuha ng mga projects ngayong naghiwalay na sila ng aktor.

Ayon kay Manay Cristy Fermin na dapat hindi magsalita ng tapos ang mga netizens patungkol dito dahil kung titingnan naman ay mas naging matunog ang pangalan ngayon ng aktres matapos ang pag-amin nito ng hiwalayan nila ni Daniel Padilla.

Hindi naniniwala at pinabulaaanan ng veteran showbiz columnist na si Manay Cristy Fermin ang mga paratang ng ilang mga fans ng Kapamilya actror Daniel Padilla sa Kapamilya A-Lister na si Kathryn Bernardo.

Ayon kasi sa ilang mga fans ng aktor na ang anak umano ni Karla Estrada na si Daniel Padilla ang bumuhat sa showbiz career ng young actress noon sa Kapamilya na si Kathryn Bernardo.

Hindi naman ito matanggap ni Manay Cristy Fermin at pumintig umano ang kanyang tenga sa nakakarating sa kanyang chika na ito. Sa kamakailang episode ng kanyang programa, ipinagdidiinan ni Manay Cristy Fermin na baka baliktad pa umano ang nangyari.

Dahil ang buong katotohanan umano ay si Kathryn Bernardo naman talaga ang bumuhat sa showbiz career ng dating karelasyon na si Daniel Padilla.

Napag-usapan din nina Manay Cristy Fermin at Romel Chika sa kanilang programa ang nagviral na tagpo sa pagitan nina Kathryn Bernardo at Daniel Padilla sa kasal ni Robi Domingo.

Ayon sa isang source nina Cristy Fermin, dapat ay magkapartner sina Kathryn Bernardo at Daniel Padilla sa entourage subalit hiniling umano ng aktres na huwag na lang.

Ipinahayag din ni Romel Chika ang nakarating sa kanya na umano'y hindi na napapansin ngayon si Daniel Padilla dahil hindi na siya palaging nakadikit kay Kathryn Bernado.

Iginiit pa rito ni Cristy Fermin na walang katotohan ang mga hanash ng mga fans ni Daniel Padilla na umano'y dapat magpasalamat ni Kathryn at dapat at tumanaw ito ng malaking utang na loob kay Daniel Padilla dahil sa pagpapasikat nito sa kanya sa showbiz.

Ayon kay Cristy Fermin, naging baliktad ang lahat dahil ang totoo ay si Kathryn Bernardo naman talaga ang bumuhat sa relasyon at maging sa loveteam nila  ni Daniel Padilla. Sa katunayan ay hindi naman umano napag-uusapan ang pangalan ni Daniel Padilla kapag hindi nadidikit ang aktor sa pangalan ng aktres.

Mga Lalaking na Link kay Barbie Imperial

 Hindi na bago sa publiko ang pagkakasangkot sa isang kontrobersiya ng 25 year old actress na si Barbie Imperial patungkol sa mga lalaking nauugnay sa kanya.

Kamakailan lamang ay muling naging laman ng mga usap-usapan online ang aktres ng masangkot naman ang kanyang pangalan sa hiwalayan ng celebrity couple na sina Richard Gutierrez at Sarah Lahbati.

Kaya naman ngayon ating balikan ang mga lalaking naugnay kay Barbie Imperial.

Ryle Santiago

Hindi naman lingid sa kaalaman ng publiko ang pagkakaroon ng romantic relationship noon nina Ryle Santiago at Barbie Imperial. Inamin ng aktor na si Ryle Santiago noong May 2018 ang rason sa paghihiwalay nila ni Barbie Imperial. Kabilang na rito ang hindi nila pagkakasundo sa maraming bagay. Ipinahayag naman ni Ryle noon na kahit nagkahiwalay na sila ay nananatili pa rin silang magkaibigan.

Paul Salas

Hindi naman lingid sa kaalaman ng lahat na hindi naging maganda ang paghihiwalay noon ni Paul Salas at Barbie Imperial. Nagumpisa ang kontrobersiyang ito ng magbahagi si Barbie Imperial ng mga cryptic post patungkol sa pananakit ng partner kalakip ang mga larawan ng kanyang mga pasa sa katawan.

Samantala sa isang panayam inilahad naman ni Paul Salas ang kanyang takot at trauma sa kanyang naging past relationships. Kahit wala naman siyang binaggit ay marami ang naniniwala na tinutukoy ni Paul ay ang past relationship nila ni Barbie Imperial.

JM De Guzman

Nagkalapit sina JM De Guzman at Barbie Imperial nang magkasama sila sa iisang teleserye, subalit naging maikli lamang ang kanilang relasyon. Ayon kay Barbie Imperial, nagkaroon sila ng special na pagtitinginan sa loob ng ilang buwan taliwas naman ito sa sinabi ni JM na wala pa umanong isang buwan ang kanilang pagkakaunawaan.

Ayon pa kay JM De Guzman na kaya hindi nagwork out ang relasyon nilang dalawa dahil pareho silang pressured sa kani-kanilang showbiz career.

Diego Loyzaga

Sa isang panayam noong February 2020, ibinahagi nina Barbie Imperial at Diego Loyzaga kung paano nagsimula ang kanilang relasyon. Ayon kay Barbie nagsimula sila bilang magkaibigan, subalit aminado naman ang aktres na noon pa ay crush na niya ang aktor.

Naging seryoso naman ang kanilang relasyon na umabot pa sa mahigit isang taon, naging maayos naman ang kanilang paghihiwalay at hanggang ngayon ay sinusuportahan pa rin nila ang isa't-isa.

Tony Labrusca

Noong kasagsagan ng hiwalayan nina Barbie Imperial at Diego Loyzaga, nadawit naman ang pangalan ni Tony Labrusca. Kumalat noon ang larawan nilang dalawa na sabay na kumakain sa isang restaurant. Bukod sa pagsasamang kumain, naglabasan rin ang mga larawan nila na magkasamang naglalaro ng tennis.

Noong nakaraang ABS-CBN Ball umusbong ang isyu na may relasyon silang dalawa ng sabay silang rumampa sa red carpet.

Xian Lim

Nadawit sa isyu noon sina Xian Lim at Barbie Imperial nang kumalat ang kanilang larawan na kuha sa isang hotel. Kaagad na pinutakti ng samu't-saring komento ang comment section ng larawan nilang dalawa subalit kaagad namang dumipinsa ang mga fans nilang dalawa dahil naroon lamang umano ang dalawa  dahil pareho silang guest sa isang pagtitipon.

Richard Gutierrez

Kamakailan lamang ay naging laman ng usap-usapan sina Barbie Imperial at Richard Gutierrez nang kumalat sa social media ang video na kuha sa isang bar kung saan magkadikit na magkadikit silang dalawa.

Bukod pa rito, inaalalayan at binabantayan pa nito ang aktres sa tuwing gumagamit ito ng banyo. Sa ngayon ay hindi pa naman naglalabas ng pahayag sina Barbie Imperial at Richard Gutierrez patungkol sa kanilang relasyon.

Nangyari Sa Lola Ni Robi Domingo Sa Araw Ng Kasal Niya Kay Maiqui Pineda

 Malungkot na ibinalita ng actor-host na si Robi Domingo na namaalam na ng tuluyan ang kanyang lola sa araw mismo ng kasal nila ni Maiqui Pineda.

Ayon sa ma naging ulat, napag-alaman umano ni Robi Domingo ang malungkot na balita matapos lamang ang ceremony ng kasal nila ni Maiqui Pineda. Hinayaan na muna umano ng kanyang pamilya na i-enjoy ni Robi Domingo ang kanilang kasal ni Maiqui bago nila sabihin ang malungkot na balita.

Ayon sa naging pagbabahagi ni Robi, masayang-masaya umano siya  noong January 6 mula sa paghahanda sa kanilang pag-iisahang dibdib ni Maiqui. Masayang-masaya umano siya mula umaga, hanggang sa seremonya at maging sa reception ng kanilang kasal.

Nang paalis na umano siya sa venue ay doon na inamin ng kanyang ina ang nangyari sa kanyang lola noong umaga pa lamang ng January 6. Hindi umano pinaalam ng mga ito sa kanya ang balita dahil ayaw nilang masira ang dapat masaya nilang moment ni Maiqui.

Binalikan pa ni Robi sa kanyang post ang hindi niya malilimutang moment kasama ang kanyang 'ina', kabilang na ang ube halaya nito ang leche flan.

Hiling na lamang niya na maging guardian angel nilang magpamilya ang kanyang 'ina' from above. Nagpasalamat din siya sa pag-aalaga nito sa kanya noon.

Bittersweet.

January 6 was the happiest day of my life. My heart was filled with immense gratitude -from preps in the morning, to the ceremony, to the reception which lasted until dawn.

As I was about to leave the place, my mom was sobbing as she tried to tell me that my Lola… pic.twitter.com/V9t7iuBPJk

— Robi Domingo (@robertmarion) January 8, 2024