Carlo Aquino Naglabas Ng Hugot Sa Social Media

 Naglabas ng isang cryptic post sa social media ang aktor na si Carlo Aquino patungkol sa mga umano'y maling paratang sa kanya.

Binalikan ng aktor kung paano niya ipinagtatanggol ang sarili laban sa mga maling paratang ng ibang tao lalong-lalo na mula sa ma netizens.

"I used to rush to defend myself against false accusations, but now I watch to see who believes it," saad ni Carla.

Dagdag pa niya, "So I know who to cut off first."

Hindi naman nilinaw ni Carlo kung sino ang kanyang pinatutungkulan sa kanyang post. Wala ring larawan ang kanyang ibinahaging post.

Gayunpaman, marami sa mga netizens na naghinalang ang mga kontrobersiyang kinahaharap noon ni Carlo ang kanyang tinutukoy.

Matatandaan na dumaan sa matinding kontrobersiya si Carlo Aquino nang aminin niyang matagal na silang nagdidate ng aktres na si Charlie Dizon.

Maraming netizens ang naghinalang si Charlie ang dahilan kung bakit naghiwalay sina Carlo Aquino at Trina Candaza na dating kinakasama noon ni Carlo Aquino.

Subalit agad naman itong pinabulaanan ni Carlo at sinabing hindi si Charlie ang naging mitsa sa relasyon nila ni Trina noon.

Vanessa Raval, Inilabas Ang Kanyang Hinanakit Sa Ibang Mga Kapatid

 Muling naglabas ng hinanakit ang social media personality na si Vanessa Raval, sa pagkakataong ito ang kanyang mga kapatid ang kanyang pinupuntirya.

Ayon kay Vanessa Raval, tanging dalawang kapatid lamang niya at ang nanay niya ang nagmahal sa kanya at iniwanan siya sa ere ng iba pang mga kapatid.

Ito'y sa kabila umano ng pakikisama niya sa iba pa niyang mga kapatid at pakikiramay sa mga ito sakaling may mga pinagdadaanan ang mga ito.

Gayunpaman, palagi na lamang umano siyang iniiwan ng mga ito sa ere sa tuwing siya naman ang nangangailangan sa mga ito.

"SA GITNA NG LABAN KO DALAWANG KAPATID KO LANG NAG MAHAL SAKIN AT NANAY KO. GANYAN KASI IWANAN SA ERE. PERO PAG KAYO LAGI AKONG ANDYAN PARA SAINYO. 

"ANO BA MERON SA RAVAL? BAT PINAG DADAMOT? MAGANDA BA IMAGE NG MGA RAVAL? WALA AKONG GINAWA NOON PA KUNDI MAHALIN KAYO. GINAWA KO BEST KO BANDANG HULI TALO NANAMAN AKO."

Nauna na rito, naglabas rin ng pahayag si Vanessa Raval hinggil sa pagtanggi umano sa kanya ng kanyang sariling ama sa kanya.

Agad naman itong umani ng samu't-saring reaksyon mula sa mga netizens.

"Mahirap ipilit ang sarili natin sa mga taong ayaw talaga sa atin. Dun na lang tayo sa mga taong lubos tayong kilala at never kang iiwan kahit anong mangyari"

"ganyan talaga masakit man idol...wala tayo magagawa ang importante maraming tao ang nag mamahal satin minsan hindi pa natin kadugo ang tuturing sating tunay na pamilya...problema na nila un kung di nila un di ka tanggap....basta c l0rd ang nakakaalam ng totoo"

"Ganyan talaga palagi kang andyan para sa kanila pero walang sukli , that's the big dissapointment para sa nagmamalasakit ng totoo"

Matatandaang nasangkot sa isang kontrobersiya si Vanessa Raval nang ginawa ng mga kwento si Skusta Clee patungkol sa panliligaw umano sa kanya.

Dahil dito nakatanggap si Vanessa ng kaliwa't kanang pambabatikos maging ang pagtanggi umano ni Jeric Raval sa kanya bilang isa sa mga anak nito.

Boobay Sinabing Panghabangbuhay Na Ang Kanyang Seizures

 Nagbigay na ng mga karagdagang detalye ang komedyanteng si Boobay patungkol sa kanyang pinagdadaanang seizures.

Matatandaan na bigla na lamang inatake ng seizures si  Boobay sa kamakailang guesting niya sa programa ni Boy Abunda na siyang kinabahala ng kanyang mga kaibigan sa showbiz industry.

Isa sa mga naikuwento ni Boobay sa panayam sa kanya ni Ogie Diaz ay ang tungkol sa kanyang kondisyon na absence seizure.

Ang absence seizure na sinasabi ni Boobay ay ang katulad nang nangyari sa kanya noon sa programang Fast Talk With Boy Abunda kung saan ay bigla na lamang siyang nablangko at nawalan ng ulirat sa gitna ng pag-uusap nila ni Tito Boy.

"Lifetime na raw po kuya 'yung seizure ko sabi ng doctor. 'Yun yata yung hindi ko pa matanggap sa sarili ko na may ganito na palang nangyayari talaga sa akin. In denial ako na meron akong ganito," pag-amin Boobay. 

Dahil dito, buong buhay siya umanong may iinumin na gamot upang hindi dumalas ang pagsumpong ng naturang kondisyon. 

Isa umano sa mga sanhi ng sakit na ito at kung bakit ito nangyayari sa kanya ay ang kakulangan niya sa pahinga na aminado siyang nagagawa minsan.

Sa kabila nito, ipinunto ni Boobay na makakapagtrabaho pa rin siya ng maayos. Malaki rin ang pasasalamat niya dahil patuloy pa rin siyang nabibigyan ng projects sa kabila ng kanyang karamdaman.

"Despite 'yung nangyayari nga na may ganu'ng absence seizure ako, because of my mild stroke before, na na-experience a mas siguro du'n sa mga magtitiwala pa rin, sisisguraduhin ko naman na hindi nila sasayangin ' yung tiwalang ibibigay nila sa akin" 

Lolit Solis Naaawa Kay Joey De Leon Sa Nangyaring Pagtalikod Nila Sa TAPE Inc.

 Hindi na napigil ng veteran showbiz columnist at talent manager na si Manay Lolit Solis ang kanyang sarili at ipinahayag na sa social media ang kanyang pagkaawa sa dating Eat Bulaga host na si Joey De Leon.

Ayon kay Manay Lolit Solis, hindi niya mapigilan ang sarili sa kanyang nadaramang awa para kay Joey De Leon sa pagiging emosyunal nito sa tuwing napag-uusapan ang Eat Bulaga.

Makikita umano sa emosyon nito na talagang nasasaktan ito sa pag-iwan nila sa Eat Bulaga.

"Naawa naman ako Salve kay Joey de Leon dahil talagang na sad siya sa mga nangyayari ngayon. Very sentimental si Joey de Leon kaya mababa ang luha niya. Teary eyed siya pag kausap ng mga showbiz writers kaya naman feel ng lahat ang sadness niya."

Ibinulgar din ni Lolit Solis na maging si Vic Sotto ay tulala sa tuwing sasapit ang tanghalian dahil sa pagkamiss sa Eat Bulaga.

"Kahit nga si Vic Sotto sabi ni Pauleen Luna talagang naging tahimik ng matagal tuwing sasapit ang oras ng tanghali. Buti na lang at nandiyan si Talitha na pinasasaya siya lagi."

Naiintindihan naman umano ito ni Manay Lolit Solis dahil sa mahigit 40 years na kasama nila ang Eat Bulaga sa tuwing tanghalian at ngayon pa umano itong nangyari.

"Naku pag naman inabot ka ng 40 years na lagi kayo magkasama imposible naman talaga makalimot ka. Siyempre nanduon parin iyon feeling mo na magkasama kayong lahat together. Naku matatagalan talaga maka recover dito sa nangyari sa Eat Bulaga."

Dagdag pa ni Lolit, "Tutoo nga, mabu Bulaga ka sa mga magaganap na eksena. Hindi mo akalain ha, pagdating pa ng 40 years mangyayari ang ganito. Ayaw ni Talitha niyan, hindi bongga"

Matatandaan na inamin mismo ni Joey De Leon na naging emosyunal siya at umiyak ng umiyak matapos ang kanilang desisyon na tuluyan nang talikuran ang TAPE Inc. ang production company ng Eat Bulaga.

Sa ngayon ay hindi pa rin malinaw kung sino ang mas may karapatan na dalhin ang pamagat ng show na sinasabing naisip ni Joey De Leon.

View this post on Instagram

A post shared by Lolit Solis Official (@akosilolitsolis)

Rhian Ramos Umaming 2 Years Nang Kasama Sa Bahay Si Michelle Dee!

 Usap-usapan ngayon sa social media at maging sa ilang mga entertainment sites ang isyung matagal nang may romantic relationship sina Miss Universe Philippines 2023 Michelle Dee at actress na si Rhian Ramos.

Wifey at Honey kasi ang tawagan ng mga ito at ayon sa aming nakalap na impormasyon ay nakatira sa iisang bubong sa loob ng mahigit dalawang taon na.

Samantala, sa naganap na presscon ng pinakabagong primetime series ng GMA 7 na “Royal Blood” kung saan isa si Rhian sa mga cast members, isa sa mga naitanong sa dalaga ay tungkol sa tsismis na magdyowa sila ni Michelle Dee.

Tinawanan lamang ito ni Rhina Ramos at kaagad na nilinaw ang kanilang relasyon.

Ipinunto pa ni Rhian na walang katotohanan ang mga naglabasang chismis sa pagitan nila ni Michelle.

“Actually even before pa naman, starting two years ago, marami na kaming shippers, marami nang nagta-tag sa aming dalawa, nae-edit ‘yung mga videos namin with very romantic music and everything. 

“We’ve always found it funny and cute, because ayun nga dahil sa totoong buhay, because we live together, it’s like ‘Oh my God, parang mag-asawa na tayo,’ parang ganu’n.

“That’s why wifey nga and honey ang aming tawagan. But yeah, I’m sorry to disappoint everyone, hanggang ship na lang talaga ‘yan. But she’s a wonderful girl and I’m just happy that everyone is tagging us and supporting her,” pagpapaliwanag ni Rhian.

Hindi rin umano siya natatakot na maaring maapektuhan ng chismis ang kanilang image ni Michelle Dee.

“Hindi naman ako nag-worry. Siguro sanay na rin ako that people have misconceptions all the time and it doesn’t really bother me.

“I think it’s just as long as the people that I’m very close to know who I am then I don’t really worry.

“Parang normal naman sa showbiz to have misconceptions and besides I already did a show where mag-partner kami ni Glaiza (de Castro) sa ‘Rich Man’s Daughter’ so even if I never met Michelle, pinaghihinalaan na ako so I’m okay.”

Kyline Alcantara Dinepensahan Ang Kanyang Rumored Boyfriend Sa Mga Bashing

Tila hindi na nakapagtimpi ang aktres na si Kyline Alcantara, rumored girlfriend ng isa sa mga panibagong Eat Bulaga host na si Mavy Legaspi, sa mga paninira at bashing ng ilang mga netizens.

Tila hindi pa rin humuhupa ang inis ng mga netizens sa mga Jalosjos sa pagpapaalis umano ng mga ito sa mga original Eat Bulaga host sa pangunguna ng TVJ.

Kaya naman maging ang pumalit sa mga ito bilang Eat Bulaga hosts ay binabatikos na rin ng mga netizens. Kinukumpara pa sila sa mga naunang Eat Bulaga hosts at pilit na hinahanapan ng maipipintas.

Samantala, tila hindi na nakapagtiis ang rumored girlfriend ni Mavy Legaspi at Kapuso actress na si Kyline Alcantara. Naglabas na siya ng pahayag at dinepensahan ang mga bagong host ng Eat Bulaga.

Ipinunto niyang naroon lamang ang mga ito para magtrabaho kaya naman, napaka-unfair na binabatikos din ang mga ito.

“Work is work. They are just all there to work. They have so much respect for the TVJ and the original hosts. ’Cause malaki po silang parte ng mga buhay ng bawat Pilipino dahil nakatulong sila, nagpapasaya sila and now mako-continue pa po iyon, e.

“So, I’m really happy kasi I’m a fan of Eat Bulaga!”

Iginiit pa ni Kyline Alcantara na wala namang masamang intensyon masama sina Mavy at maging ang mga kasamahan nito sa show na sina  Cassy Legaspi, Paolo Contis, Betong Sumaya, Buboy Villar, at Alexa Miro.

“Alam ko naman po yung isa sa mga rason niya kung bakit niya tinanggap ito kasi gusto niya pong mag-improve sa isa sa mga talents niya, which is hosting.

“And I’m just so proud of him and I know Mav. Grabe talaga respect niya, of course, sa original hosts, and same with me dahil nakasama ko po sila.”

Nagbigay rin ng mensahe si Kyline Alcantara para kay Mavy Legaspi sa gitna ng natatanggap nitong bashing sa pagiging host ng rebranded Eat Bulaga.

“As long as you know your intention, as long as you know your purpose doon sa show na yon, just keep going.

“As long as alam mong wala kang inaapakang tao, and alam mo naman sa sarili mo na you have respect and wala kang papalitan. Kasi hindi mo sila mapapalitan, e. They’re icons already."

Samantala, nauna nang naiulat na suportado nina Carmina Villaroel at Zoren Legaspi ang desisyon ng kanilang kambal na tanggapin ang offer ng TAPE Inc. at maging host ng rebranded Eat Bulaga.

 

View this post on Instagram

A post shared by Kyline Alcantara (@itskylinealcantara)

Andrea Brillantes Umayaw Na Sa Bola

 Viral at mainit na pinag-uusapan ngayon sa social media ang usapan nina Vice Ganda at Andrea Brillantes sa naging guesting ng huli sa It's Showtime.

Nitong independence day, naging guest si Andrea Brillantes sa show nina Vice Ganda upang ipromote ang kanyang series na pinamagatang Drag You and Me.

Sa segment na "Rampanalo" ng noontime show, tinanong ni Vice Ganda si Andrea ng ilang katanungan tungkol sa bola. 

“Blythe, kung ikaw magpapasa ng bola, kanino mo ipapasa ang bola?” pagtatanong ni Vice Ganda kay Andrea Brillantes.

“Bola? What’s that?” pamaang-maangan pa ni Andrea.

 “Ayoko na po,” dagdag pa niyang sagot.

Samantala, muling kinulit ni Vice Ganda nang mapansin niyang nag-eenjoy ang aktres sa pagpapasahan ng bola ng kanilang mga contestants sa isang segment ng show.

“Nag-enjoy siya kanina nung pinapasa-pasa 'yung mga bola. Gusto mo bang sumali sa pasahan ng bola?” pangungulit ng Unkabogable Phenomenal Star. 

Agad naman itong sinagot ni Andrea at pinagdidiinan, “Ayoko na.”

Matatandaan na kamakailan lamang ay naging malaking usapin sa social media ang isyung hiwalay na ang celebrity couple na sina Andrea Brillantes at Ricci Rivero.

Kasunod ito nang mapansin ng kanilang mga tagahanga na hindi na sila nagpopost ng mga larawan at videos na magkasama.

Naglabas na rin ng pahayag si Ricci Rivero kung saan tahasan niyang inamin na hiwalay na nga sila ng aktres.

“Gusto mo ba sumali sa passhan ng bola?” HAHAHAHAHAHA nilaro si Andrea 🤣 pic.twitter.com/wHTa4vwpDP

— Madam Butterfly (@lezzgoNationalU) June 12, 2023

Leren Mae Bautista Nilinaw Na Ang Totoong Relasyon Nila Ni Ricci Rivero

 Nilinaw na ng beauty queen-politician na si Leren Mae Bautista ang isyung may romantic relationship sila ng basketball player na si Ricci Rivero.

Naging mainit na usapin sa social media ang biglaang paglalabas ng official statement ni Ricci Rivero sa social media kung saan tahasan niyang inamin ang hiwalayan nila inprivate ng kanyang jowa na si Andrea Brillantes.

Kasunod nito naglabasan ang mga haka-haka na ang dahilan ng hiwalayan ng dalawa ay ang pagkakaroon ng relasyon nina Ricci at Leren Mae.

Kumakalat rin ang mga larawan na kuha sa mismong kaarawan ni Ricci Rivero kung saan si Leren Mae Bautista ang kanyang kasa-kasama. May isang video clip pang ibinahagi si Leren Mae kung saan binabati niya si Ricci. Subalit, agad din niya itong binura kalaunan.

Marami rin sa mga netizens ang nakapansin na palaging nila-like ni Ricci ang mga post nito.

Kaya naman si Leren Mae Bautista ang sinisisi at itinuturong third party sa hiwalayan nina Ricci Rivero at Andrea Brillantes.

Gayunpaman, naglabas na ng opisyal na pahayag ang kampo ni Leren Mae at nilinaw nilang walang namamagitan sa dalawa. 

Nilinaw din nila na ang dahilan kung bakit binura ni Leren Mae ang ibinahagi niyang video clip noong kaarawan ni Ricci ay upang makaiwas sa mga malisyosong mata ng mga bashers at netizens.

Hiling din nila na maging  mapanuri ang lahat sa mga naglabasang balita hinggil sa relasyon nina Ricci Rivero at Andrea Brillantes.

"Official statement of Office of Councilor Leren Mae Bautista regarding her alleged romantic involvement with basketball player Ricci Rivero. The Office Of Councilor Leren Mae Bautista wants to make it clear that these claims are entirely false and have no basis in reality.

"We call on everyone to do the importance of fact-checking information shared across various internet platforms."

Narito naman ang ilang mga komento ng mga netizens.

"naku pagsasawaan ka lang naman din ni ricci rivero siguro patago ung relasyon nila"

"Ayaw na siguro Ng maraming drama sa Buhay ni guy😁, gusto kasi ni girl laging may eksena na gagawin ung guy, para pag usapan Sila"

"AS LONG AS YOU'RE HAPPY, WHO CARES?

- by: Naturingang public servant akala mo mauubusan ng lalake now denies."

Christian Merck Grey Pumayag Nang Magbigay ng 500 Thousand at Kotse Kay Marlou

Sinagot na ng content creator at social media personality na si Christian Merck Grey, na kilala rin bilang si MakaGwapo ang mga banat at kondisyunis ni Xander Ford Arizala sa kanyang pagpaparehab.

Ayon kay MakaGwapo, papayag siya na bibigyan niya ng 500 thousand at kotse si Xander Ford kung matatalo siya nito sa Battle of the Youtubers.

Kapag natalo naman daw si Xander ay hahatiin nila ang talent fee ni Xander na P200K para ipamigay daw ni Merck sa kanyang mga subscribers.

Samantala, ipinahayag ni Christian Merck Grey na may tumawag umano sa kanya at sinabing nagpositibo si Xander Ford sa paggamit ng pinagbabawalan na droga.

Nauna rito, ipinahayag ni Christian Merck Grey na mismong mga magulang ni Xander Ford ang tumawag sa kanya upang matulungan umano niya si Xander Ford at maiparehab dahil bumalik na naman umano sa dating bisyo nito.

Samantala, narito naman ang komento ng ilang mga netizens.

"Priceless talaga reaction mo Merck 😂😂 mas natatawa ako sa reaction mo kesa kaysa kay marlou . Ikaw nga talaga c Makagwapa"

"Nakaka awa nalang talaga ang pamilyang binuo nya ..hndi na tlaga aayos ang buhay niyan idol merck nako wag muna entertainin yan ...niloloko ka lang yan"

"Yan ang nagagawa ng pera!!! Kng hnd nasisira ang pamilya , nasisira ang buhay… hayssss nku nakakaawa ka marlou🥴🤧😪 rehab na kailangan mo hindi pera!!!!"

Si Xander Ford ay kilala noon bilang si Marlou Arizala, pinalitan niya ang kanyang pangalan matapos ang kanyang pagpaparetoke.

Subalit, nang bumagsak ang kanyang showbiz career at muli na naman niyang pinalitan ang kanyang screen name bilang si Xander Arizala.

Ana Jalandoni Handa Pa Ring Makatrabaho Ang Ex Na Si Kit Thompson

 Ibinunyag ng aktres at film producer na si Ana Jalandoni na willing siyang isama ang kanyang ex-boyfriend na si Kit Thompson sa pelikulang kanyang ipo-produce.

Si Ana Jalandoni ay isang film producer at actress. Sa katunayan, kumpleto na ang dalawang pelikulang iprinoduce niya ang ‘Manipula’ sa direksyon ni Neal Tan, at ‘The Morning After’ sa direksyon ni Xian Lim.

Samantala, sa isang panayam naitanong kay Ana Jalandoni kung handa ba siyang isama sa kanyang ipo-produce na pelikula ang kanyang dating karelasyon na si Kit Thompson.

 “Oo naman, maybe in the future, di ba? Depende sa istorya, magaling na aktor si Kit. Hanga ako sa kanya,” sagot ni Ana.

Ayon sa aming nakalap na mga impormasyon, hindi na sila nag-uusap ni Kit, at ongoing pa rin ang kanilang kaso. 

Matatandaan na noong 2022, lumabas ang balitang nakulong si Kit Thompson dahil sa pisikal na pang-aabuso sa kanyang girlfriend noon na si Ana Jalandoni. 

Kinumpirma naman ito mismo ni Ana Jalandoni at nagbigay pa ng mga panayam kung saan idinetalye niya ang nangyaring pananakit sa kanya ni Kit.

Kinailangan pa noong sumailalim ni Ana sa ilang mga surgeries para tuluyang gumaling ang ginawa sa kanya ng aktor.

Samantala, nauna nang inamin ni Ana Jalandoni sa ilang panayam na napatawad na niya si Kit, subalit, tuloy pa rin ang kanilang laban sa korte.

Muling mapapanood si Ana Jalandoni sa pelikulang 'The Revelation' kung saan gagampanan niya ang papel bilang Gwen na isang bartender.

Si Gwen ay ibubugaw ng sariling kapatid upang maging babaeng tagabigay ng aliw. Dahil dito, magiging target si Gwen ng isang serial killer na galit sa mga ganitong uri ng babae.

Mayor Bullet Jalosjos Nakiki-usap Sa Mga Netizens Na Bigyan Ng Pagkakataon Ang Panibago Nilang EB Hosts

Sinagot na ng chief finance officer ng Television and Production Exponent Inc. (TAPE Inc.) na si Dapitan Mayor Bullet Jalosjos ang mga batikos na natatanggap ng mga bagong host ng Eat Bulaga.

Sa isang panayam nanawagan si Mayor Bullet sa lahat ng mga televiewers na bigyan din ng pagkakataon na makapagbigay saya ang kanilang mga panibagong hosts na sina  Paolo Contis, Betong Sumaya, Buboy Villar, Cassy at Mavy Legaspi, at Alexa Miro.

Matatandaan na pinupuno ngayon ng pambabatikos ng mga netizens maging ng mga televiewers ang mga nabanggit na panibagong Eat Bulaga hosts na siyang pumalit sa dating papel ng TVJ at iba pang hosts na umalis noong May 31.

Ipinunto rin ni Bullet Jalosjos na walang masamang intensyon ang mga ito bagkus ay nais lamang nilang punan ang papel ng TVJ sa pagbibigay ng saya sa mga manonood.

“For all the bashers, sana naman po bigyan n’yo naman po ng pagkakataon ang mga talents namin na ipakita naman po, mapasaya ang mga taong-bayan during this time,” saad ni Bullet Jalosjos.

“Wala po kaming hangarin kung hindi magbigay saya sa ating mga taong-bayan at manunuod.”

Gayunpaman, tila hindi pa rin matanggap ng mga manonood na agarang pinalitan ng mga Jalosjos ang dating mga hosts ng Eat Bulaga.

May mga nagsasabi pang sana ay palitan na lamang ng mga Jalosjos o ng TAPE Inc. ang pamagat ng kanilang show upang hindi na ito mabatikos pa.

Sakaling mapalitan na umano nila ang pamagat ay tiyak na kusa ring titigil ang pambabatikos na natatanggap ng kanilang staffs at bagong mga hosts.

Matatandaan na unang episode pa lamang ng show ay binatikos na ng ilang mga netizens dahil sa pagiging pangit umano nito at tanging pamagat na lamang ang nanatiling Eat Bulaga.

Kung titingnan umano ay tila naging Sunday Pinasaya na ito o di kaya'y Tropang LOL version 2.

 

Paolo Contis, Nanawagan Na Huwag I-bash Ang Mga Naiwang Crews at Staff Ng Dating Eat Bulaga!

Nanawagan ang actor at Eat Bulaga host na si Paolo Contis sa mga netizens na itigil na ang pambabatikos sa kanyang mga kasamahan at staff ng noontime show na nagpasya na manatili sa ilalim ng Television and Production Exponent Inc.

Sa closing spiel ng Eat Bulaga sa pagtatapos ng kanilang unang linggo, nagbigay ng speech si Paolo Contis para sagutin ang mga pambabatikos na natanggap nila sa social media mula sa mga tagahanga ng orihinal na Dabarkads na binubuo nina Tito Sotto, Vic Sotto, at Joey de Leon.

Unang binati ni Paolo Contis ang buong staff ng Eat Bulaga sa matagumpay na unang linggo at binanggit ang ginawa nilang pagsisikap upang magkapagbigay ng kasiyahan sa lahat ng mga televiewers sa gitna ng kontrobersiya at pambabatikos na kinakaharap nila.

“Mga Dabarkads, unang Sabado po namin ngayon, and, guys, congratulations to us. Naka-isang linggo tayo,” saad Paolo. 

“Lahat ng pagod, lahat ng efforts na araw-araw makasama namin kayo, lahat ng pang-aalipusta, lahat ng pamba-bash, lahat ng pagpupuna sa amin ng mga tao, lahat po iyan, inspirasyon namin iyan to do better. Binabasa po namin lahat iyan.”

“Pero siyempre, yung mga magagandang comments, nababasa rin po namin iyan kaya maraming-maraming salamat po sa inyo,” dagdag pa niya.

Ipinunto rin ni Paolo na may kani-kanilang pamilya silang dapat na suportahan at pakainin kaya hindi nararapat na silang batikusin at tawagin ng mga kung ano-anong masakit na salita.

“Umaga hanggang gabi, nagtatrabaho po sila. Umaga hanggang gabi, nagtatrabaho iyan para pagdating namin dito sa studio, masaya kayo, at alam na namin ang gagawin namin. Sila ang dahilan kaya alam namin ang ginagawa namin,” pahayag ni Paolo Contis.

Pagpupunto pa ni Paolo Contis, “Ngayon, gaya po ng programang Eat Bulaga!, itong mga staff and crew po namin, pinili po nila na hindi rin mang-iwan dahil may mga pamilya sila na nangangailangan. Sila po ang nagpapakain sa mga pamilya nila.”

Hiling pa ni Paolo Contis na siya na lamang ang batikusin at ibash nang ibash huwag lamang ang kanyang mga kasamahan lalong-lalo na ang mga staff.

“Kasi po, we will do our best para maging masaya po kayo, pero sana lang po, huwag niyo na pong idamay yung staff at yung crew. They don’t deserve it. Maybe I do, maybe I do, but they don’t!”

“So kami na lang, sanay na kami diyan. Sila po, ang staff, ang crew, sila po ang tunay na Eat Bulaga!”

Goodnews Para Sa TVJ| Magagamit Nila Ang Eat Bulaga Sa Tv5 | Jalosjos Mapipilitan Magpalit Ng Pamagat

 Mainit pa ring pinag-uusapan ngayon sa ilang mga social media platforms at mga entertainment sites ang agawan ng mga Jalosjos at TVJ sa kung sino ang mas may karapatan na dalhin ang pamagat ng longest running television show na Eat Bulaga.

Samantala, nagbigay na ng pahayag ang isang abogado at sinabing mas may karapatang dalhin ng TVJ ang pamagat ng Eat Bulaga kaysa sa mga Jalosjos.

Magandang balita ito para sa TVJ, dahil hindi pa rin mahihiwalay sa kanila ang Eat Bulaga sa kabila ng kanilang pakikipagkalas sa kanilang production company na TAPE Inc.

Ayon sa isang intellectual lawyer, maaring gamitin ng TVJ ang pamagat na Eat Bulaga sa kanilang magiging show sa TV5. Maari umano nila itong gamitin ng malaya na walang poproblemahing legal.

Ipinahayag din nito na walang karapatan ang TAPE Inc. na pigilan ang TVJ sa paggamit ng pamagat ng Eat Bulaga. Hindi rin umano maaring kasuhan ng TAPE ang TVJ dahil dito.

Wala umanong karapatan ang mga Jalosjos na pigilan sina Tito Sotto, Vic Sotto at Joey De Leon na pangalanan ang kanilang show sa TV5 ng Eat Bulaga dahil kung pagbabasehan ang inirehistrong trademark ng TAPE Inc. sa Eat Bulaga ay para lamang umano ito sa mga goods at merchandising at hindi sa entertainment.

Kung sakaling, pumabor naman kay Joey De Leon at mapapatunayang siya talaga ang nakaisip ng pamagat na Eat Bulaga, mapipilitan ang mga Jalosjos na palitan ang pamagat kanilang show sa GMA7.

Dagdag pa nito, maaring kasuhan ni Joey De Leon ang TAPE Inc. sa illegal na paggamit nito sa pamagat ng Eat Bulaga kapag naaprubahan na at napatunayan na sa kanya talaga ang right ng 'Eat Bulaga' title.

Samantala, marami naman sa mga fans ang nasiyahan sa balitang ito dahil ang pamagat lamang naman umano na Eat Bulaga ang nagdadala sa show kaya nakakakuha pa rin ito ng ratings.

Tiyak din umanong babagsak ang show ng mga Jalosjos kung papalitan na nila ito ng pangalan dahil wala na ang Eat Bulaga na nakakabit sa mga ito.

 

View this post on Instagram

A post shared by Joey de Leon (@angpoetnyo)

Dahilan Ng Hiwalayang Andrea at Ricci, Ibinulgar Na

 Hanggang ngayon ay mainit pa ring pinag-uusapan ang pagkukumpirma ng basketball star na si Ricci Rivero sa hiwalayan nila ng aktres na si Andrea Brillantes.

Marami ang nagulat sa balitang ito dahil hindi naman lingid sa kaalaman ng lahat ang paging sweet ng dalawa at ang pagiging bukas ng kanilang relasyon sa social media.

Bagama't ipinahayag na ni Ricci Rivero ang kumpirmasyon ng kanilang hiwalayan ni Andrea Brillantes hindi naman niya nilinaw ang totoong dahilan nito.

Samantala, isang kaibigan ni Andrea ang naglabas ng mga cryptic post na tila ba sinasabi nitong nagloko si Ricci Rivero.

Kumakalat rin ngayon ang mga larawang kuha kung saan si Leren Mae Bautista ang kasa-kasama ni Ricci noong kaarawan niya.

Napansin din ng mga netizens na palaging nagrereact si Ricci Rivero sa mga social media post ng nasabing babae. Dahil dito, tila pinatunayan lamang ni Ricci ang sinasabi ng kaibigan ni Andrea Brillantes na siya ang nagloko at hindi nakuntento.

Samantala sa inilabas na tweet ni Ricci Rivero bilang kumpirmasyon sa kanilang paghihiwalay ni Andrea humingi siya ng paumanhin at inako ang lahat ng faults sa kanilang paghihiwalay ng landas.

“I own up to the mistake of not making my relationship status public because I felt there’s no need to add up to what were going through. Please respect our decision to keep it to ourselves so that we can preserve what's left of our friendship,” tweet ni Ricci Rivero.

“I hope let’s stop creating your own version and dragging other characters into these false accusations. I am sorry for whatever disappointments it may have caused you – for everyone’s peace of mind, please allow ourselves to heal and move on peacefully,” pahayag ni Ricci Rivero.

Sa ngayon ay hindi pa naglalabas ng anumang statement ang aktres na si Andrea Brillantes sa naging hiwalayan nila ng kanyang nobyo na si Ricci Rivero.

Matatandaang nagkasama pa noon sina Ricci Rivero at Andrea Brillantes sa naganap na Star Magic Prom at nag trending pa ang ginawang promposal ni Andrea para kay Ricci.

Rendon Labador Muling Kinoll-Out Si Paolo Contis Sobrang Tigas Na Ng Mukha

 Muli na namang naglabas ng panibagong video ang motivational speaker na si Rendon Labador kung saan muli niyang binatikos ang bagong Eat Bulaga host na si Paolo Contis.

Muling binatikos ni Rendon Labador si Paolo Contis sa pagiging irresponsableng ama nito sa kanyang mga anak sa dating karelasyon nito na sina LJ Reyes at Lian Paz.

Ayon pa kay Rendon, maiintindihan sana niya si Paolo Contis sa hindi pagbibigay ng sustento sa mga anak kung isa itong jobless man, subalit dahil may trabaho naman ito ay hindi na umano niya mawari ang katigasan ng mukha nito.

Nilinaw din ni Rendon Labador ang kanyang pahayag noon patungkol sa pag-iwan ng pamilya.

“Sinabi kong iwan ang pamilya, pero hindi ko sinabi na iwan ang sustento. Hindi ka na nakuntento, hindi ka nag-iwan ng sustento. Mahirap sayo puro ka comedy, pati tuloy buhay mo comedy.”

“Tayong mga lalake dapat hindi natin iniiwan ‘yung mga responsibilidad natin. Sa lahat ng mga lalake diyan, ang kakapal ng mga mukha niyo, sustentuhan niyo ang mga anak niyo,” pagpapayo ni Rendon Labador sa lahat ng mga kalalakihan.

Ipinahayag rin ni Rendon ang kanyang damdamin sa mga anak ni Paolo Contis na aniya'y inabandona nito dahil sa katigasan ng pagmumukha.

Pagpupunto pa ni Rendon, maaring iwan ang isang relasyon kapag sobrang toxic na nito, subalit dapat gawin muna ang lahat ng efforts sa pagsasalba nito.

“Hindi ko maisip kung ano ang rason ni Paolo Contis sa mga ginagawa niyang aksyon, ang tigas talaga ng mukha niya.”

Matatandaan na nauna nang inamin ni Paolo Contis sa isang panayam ang hindi niya pagbibigay ng sustento sa kanyang mga anak.

Xander Ford, Pumalag Sa Paninirang Puri Umano ni Merck Sa Kanya

 Muli na namang sumagot ang social media personality na si Xander Ford sa aniya'y paninirang puri ni Christian Merck Grey sa kanya.

Matatandaan na pinayuhan ni Christian Merck Grey si Xander Ford na magparehab kasunod ng mga pagbibintang nito sa kanya na naging sanhi umano sa hiwalayan nila ng kinakasamang si Gena Mago.

Ayon kay Xander Ford, paninirang puri ang ginagawa ngayon ni Merck sa kanya dahil ipinalalabas umano nitong isa siyang adik. Kaya naman tinatanggap niya na ang hamon nitong magpa drugtest siya.

Tiyak umanong mapapahiya lamang si Merck Grey sa magiging resulta ng test. Kaya naman, panawagan ni Xander Ford na ipadala na sa kanya ang 100, 000 at padalhan rin siya nito ng kotse para sa kanyang pagpapadrugtest.

"Akin na yung P100,000. Tapos padalhan mo ako ng kotse mo kasi alam ko naman marami meron kang driver. Pupunta ako mismo," pahayag ni Xander.

Dagdag pa ni Xander Ford, "Hindi ko alam kung anong meron sa'yo ba't ganyan ka. Hindi mo alam na paninirang-puri na yang ginagawa mo sa akin. O sige, bukas. Hihintayin kita Christian Merck Grey, Ipadala mo yan Christian Merck Grey dahil sobra na yan hindi na tama yang mga ginagawa mo."

Nag-ugat ang isyu sa pagitan nina Xander Ford at Christian Merck Grey nasunod-sunod na nagrant sa social media itong si Xander Ford dahil sa hindi umano pagtupad ni Christian Merck Grey sa pangako nitong magbibigay sa kanilang ng 349 thousand para sa pagpapabinyag niya sa kanyang anak.

Nang ibinigay na ni Christian Merck ang pera kay Xander, inamin mismo ni Xander na wala naman pala talagang ipinangakong pera si Merck sa kanya na siyang naging dahilan ng pagrarant na naman niya ngayon kung bakit nagpost pa ng video si Merck.

Samantala, patuloy na binabatikos ngayon si Xander Ford dahil sa kakapalan ng mukha nito at sa patuloy na panghuhuthot umano kay Merck Grey.

Herlene Budol Pandagdag Na Host Ng Bagong Eat Bulaga Kasama Si Isko Moreno

 Isa sa mga naging paksa ng talakayan nina Manay Cristy Fermin sa isang episode ng Cristy Ferminute nitong June 9, 2023 ang panibagong host ng Eat Bulaga.

Ayon sa pagsisiwalat ni Manay Cristy Fermin, nakarating sa kanya mula sa kanyang mga spource na may dalawa pang host na madadagdag sa kasalukuyang host ngayon ng rebranded Eat Bulaga.

Ang dalawang ito ay tinuturong sina Isko Moreno at Herlene Budol na kilala rin bilang si Hipon Girl.

"Pangdagdag ng host ng Eat Bulaga ng TAPE Inc. si dating Mayor Isko Moreno at si Hipon Girl, si Herlene Budol," saad ni Manay Cristy Fermin.

Agad namang nagreact si Romel Chika at sinabing tiyak na madadagdagan naman ang mga ibabash ng mga netizens na hindi matanggap na nagbago na ang Eat Bulaga.

Ipinunto rin ni Manay Cristy Fermin na mababash na namang muli si Isko Moreno gayung hindi pa gaanong humuhupa ang pambabatikos sa kanya dala ng pagkabigo noong 2022 elections.

"Hindi pa man halos nakababawi si dating mayor isko moreno sa pagpapaligo sa kanya ng kanegahan nung nakaraang eleksyon, nung natalo siya, eto na naman mabubuhay na naman ang bashing," ani Cristy Fermin.

"Panigurado iyan, iba-bash si dating Mayor Isko Moreno at itong si Herlene. Naku maniwala ka, kakain sila ng agahan, tanghalian, hapunan, pati midnight snack, puro bashing iyan," pahayag pa ni Cristy Fermin.

Bagama't hindi naman nila nagugustuhan na may nababash, nilinaw nina Manay Cristy na hindi nila hawak ang mga isip ng bawat isa.

Sa kabilang banda, tila nagpahiwatig na si Dating Mayor Isko Moreno na magiging regular host siya ng Eat Bulaga matapos ang pagiging guest host niya rito noon June 10, 2023.

Sa kabilang banda, hindi pa tiyak kung totoo nga bang magiging host si Herlene Budol sa nasabing show.