Kilalang Aktres, Mag Babalik O Lilipat Sa GMA Network?!

 Muling nagkasama ang Hollywood actress na si Liza Soberano kay Direk Antoinette Jadaone sa online show na 'Ang Walang Kwentang Podcast' kasama ang field director na si JP Habac.

Matatandaan na si Antoinette Jadone ang direktor ng pelikulang Alone Together na pinagbibidahan noon nina Liza Soberano at Enrique Gil noong 2009.

Ang pelikulang 'Alone Together' ang huling pelikula na pinagtambalan ng dating loveteam na LizQuen.

Kinumusta ng host-director na si Antoinette Jadaone si Liza Soberano kung ano ang pinagkakaabalahan nito ngayong tapos na ang pagpapalabas ng kauna-unahang Hollywood movie na kanyang kinabibilangan na pinamagatang Lisa Franskenstein.

Ayon kay Liza Soberano, patuloy siyang nag-auaudition niya sa mga Hollywood movie at series para abutin ang kanyang pangarap.

Naitanong din kay Liza Soberano kung may balak ba siyang gumaya kay Nancy McDonie na pumirma ng kontrata sa GMA Talent Agency na Sparkle Artist o kung bukas pa rin ba ito sa pagbabalik sa ABS-CBN.

Kaagad naman itong sinagot ni Liza Soberano na since, wala pa naman siyang sinoshoot na movie ay handa umano siyang pumirma ng kontrata. Subalit, mas nakatuon umano ang kanyang attention sa ngayon sa paglipat ng panibagong apartment.

Sa ngayon ay may pinaghahandaan din umano siyang Hollywood movie na nakatakda ng i-shoot. Ipinahayag pa ni Liza Soberano ang kanyang kasiyahan dahil sa unti-unting pagkakatupad ng kanyang Hollywood dream.

Si Liza Soberano ay unang sumikat sa ABS-CBN lalo na noong makatambal niya ang Kapamilya actor na si Enrique Gil.

Noong 2022, nagpasya si Liza Soberano na iwan ang ABS-CBN upang tuparin ang kanyang pangarap na makapasok sa Hollywood.

Kontrata Ng It's Showtime Sa GMA Extended Na, Serye Ng ABS-CBN Mapapanuod Sa GMA Telebabad!

 Sa gitna ng mga usap-usapan patungkol sa kung hanggang kailan lamang eere ang noontime show na It's Showtime sa GMA7, may mga naglabasan kasing mga ulat na umano'y hanggang anim na buwan lamang ang pinirmahang kontrata ng ABS-CBN at GMA7 para sa show.

Sa kabila nito, maari naman umanong makapagrenew ang It's Showtime sakaling tumaas ang kanilang ratings at malampasan ang Eat Bulaga ng TVJ na umiiere naman ngayon sa TV5 at RPTV.

Samantala, dahil naging maganda na rin naman ngayon ang nakukuhang ratings ng It's Showtime sa GMA7 ay pinag-uusapan na umano ng dalawang kampo ang pagkaka-extend sa kontrata ng It's Showtime sa GMA7.

Bukod sa It's Showtime, pinag-uusapan na rin umano ng ABS-CBN at GMA7 ang paglipat ng iba pang Kapamilya show sa nasabing network. Kabilang na sa pinag-iisipang ipalabas sa GMA7 ay ang reality show na Pinoy Big Brother.

Maging ang ilang teleserye ng ABS-CBN ay maaring ipalabas na rin umano sa GMA7.

Ayon pa sa aming nakalap na impormasyon ay hinihingi na umano ng ABS-CBN ang third slot ng GMA telebabad. Ito ang dating timeslot ng collaboration series ng ABS-CBN at GMA7 na Unbreak My Heart na kasalukuyang timeslot naman ng Asawa ng Asawa ko.

Subalit, pinag-iisipan pa umano ito ng GMA7 dahil napakarami pang nakaline up na mga teleserye mula sa GMA Entertainment TV at GMA News and Public Affairs.

Samantala, sa paglipat ng It's Showtime sa GMA7 kapansin-pansin na maging ang ibang mga afternoon program ng GMA ay nagsitaasan na rin ang ratings.

Tanong naman ngayon ng marami apektado kaya ang ratings ng mga ito sa pagdating ng It's Showtime sa network?

Gayunpaman, hindi pa rin maiiwasan na may kokontrang supporters ng Kapuso network sa hiling ng ABS-CBN na maging ang GMA Telebabad ay pasukin na rin.

Ayon sa kanila, dapat ay mas pagtuunan ng pansin ng GMA Network ang kanilang mga homegrown talents at gumawa na lamang ng mga panibagong teleserye.

Ipinunto pa ng ilan na napakaraming mga nakatambay na mga artista ngayon sa mga collaboration na naganap.

Dahil kung hindi kinupkop ng GMA ang It's Showtime ay mabibigyan sana umano ng pagkakataon at trabaho ng GMA ang mga hosts ng kanilang network.

Shervey Torno Nagsalita Na Sa Sa Condo Incident Nila Ni Cianne Dominguez!

 Nagbigay na ng pahayag ang lalaking nagtangka sa It's Showtime host na si Cianne Dominguez na kinilala na si Shervy Torno.

Isiniwalat ng tinuturong salarin na si Shervy Torno ang kanyang side of story sa nangyaring insidente sa labas ng condo unit ni Cianne Dominguez, kung saan sinasabing binalak niyang tangkaing pumasok sa loob ng tinitirhan ng It's Showtime host.

Ang kwento ay taliwas sa mga naunang impormasyon na isiniwalat ng pamilya ng TV-host. Ayon kay Shervy Torno, nakatira din siya sa mismong building at nasa ibabang palapag lamang ang kanyang unit.

Wala rin umanong katotohanan ang ibinibintang sa kanya na balak niyang pasukin ang condo unit ni Cianne Dominguez. Nagandahan lamang umano siya rito, kaya naman hiningi niya ang pangalan nito. Inamin rin niya na totoong nanghingi siya ng kiss kay Cianne subalit hindi naman umano niya hinawakan ang bewang nito at pinilit  na pumasok sa loob ng unit nito.

Buong pahayag ni Shervy Torno, "Sinundan ko siya, hiningi ko yung pangalan. Sinabi ko na ano, pakiss ako. Bandang huli sinabi niya dito sa mga pulis hinawakan ko daw yung balakang niya na hindi naman totoo.

"Tsaka pinasok ko daw siya sa unit niya.. sa condo, hindi naman totoo yun. Kaya ko tinulak konti yung pinto kasi inipit niya yung paa ko. Manghihingi nalang ako ng pasensya."

Sa kabila ng pahayag na ito ni Shervy Torno, marami pa rin sa mga netizens ang hindi naniniwala sa kanya dahil napakarami ng lapses ng kanyang kwento na halatang nagpapalusot na lamang umano ito.

Iginiit pa ng maraming mga netizens, na hindi maaring i-normalize ang panghihingi ng halik sa mga artista o sa mga taong iniidolo mo lamang.

May mga nagsasabi na kung wala siyang balak na pumasok bakit maiipit ni Cianne ang kanyang paa.

Samantala, nagbigay naman ng pahayag ang boyfriend ni Cianne Dominguez kung saan inilahad niya na handa niyang ipaghigante ang nangyari sa kanyang girlfriend, mata sa mata umano ang mangyayari. Gagawin umano niya ang lahat para sa maprotektahan lamang ang kanyang mga minamahal.

Vice Ganda Sinupalpal Ang Sumita Sa Pananabunot Niya Kay Anne Curtis Sa Showtime!

 Hindi na nakapagtimpi ang It's Showtime host at Unkabogable Star na si Vice Ganda sa mga bumabatikos sa kanya dahil sa kanyang pananakit jokes sa mga kasamahan niyang hosts sa noontime show na It's Showtime lalong-lalo na kay Anne Curtis.

Ang tinutukoy ng mga netizens ay ang pananabunot noon ni Vice Ganda kay Anne Curtis sa segment na Tawag ng Tanghalan.

Ayon sa ilang mga netizens, ok lang naman ang mga banatan at mga okrayan nila verbally pero iba na umano kung nanakit na physically si Vice Ganda lalo na sa kanyang mga co-host na babae dahil bali-baliktarin man ang mundo, lalaki pa rin si Vice Ganda.

Panawagan ng netizen kay Vice Ganda, "Ok lang yung mga bwisitan at asaran pero wag mong pisikalin si Anne Meme, respect mo parin pagiging babae niya. I have watched one time sa Tawag ng Tanghalan biniro ka ni Jhong may nilagay sa buhok mo tapos bigla mong sinabunutan si Anne napagbintangan mo siya. Respect mo pa rin siya."

Kaagad naman itong sinagot ni Vice Ganda kung saan iginiit nito na huwag silang alalahananin at pakialaman dahil sila naman ni Anne ang sangkot, isa pa matalik silang magkaibigan ni Anne Curtis at napatunayan na ito ng panahon.

Iginiit din niya na ganito lamang sila magbiruan at maglambingan ni Anne Curtis.

Ayon kay Vice Ganda, "Wag nyo po kaming alalahanin. Kami  po ang may relasyon kaya kami po ang magdedecide kung paano kami maghaharutan. Iba-iba po ang dynamics ng mga magkakaibigan."

Hindi naman ito ang unang pagkakataon na tila nagkakapisikalan sina Vice Ganda at Anne Curtis habang nasa kalagitnaan sila ng kanilang show na It's Showtime. Sa katunayan, may pagkakataon pang sinakal ni Vice Ganda si Anne Curtis subalit ang lahat ng ito ay biruan lamang nila ni Anne Curtis.

TVJ Nagreact Sa Mataas Na Ratings Ng It's Showtime Sa GMA Network

 Unbothered at patuloy na dinidedma ng TVJ noontime show na Eat Bulaga ang matataas na ratings na nakuha ng katapat nilang noontime show na It's Showtime ngayong umiiere na ito sa GMA Network.

Sa episode ng programa ng kilalang showbiz columnist na si Cristy Fermin nitong nakaraang byernes April 12, 2024, pinasinungalingan niya ang isyung nagpatawag ng emergency meeting ang Eat Bulaga dahil sa patuloy na pagbaba ng kanilang earnings.

Ayon kay Cristy Fermin, walang katotoran ang mga kumakalat na balita patungkol sa pagpapameeting ng TVJ at Media Quest dahil wala naman umanong dahilan para sa meeting na ito dahil mga maling impormasyon lamang ang mga kumakalat para masira ang pangalan ng TVJ at ng TV5.

Ipinunto pa ni Cristy Fermin, na hindi naman mapapatunayan ng It's Showtime na nanalo na sila sa GMA7 dahil sa pagtaas ng kanilang rating noong opening ng kanilang show.

Sa katunayan, habang pressure na pressure ang It's Showtime na panatilihing mataas ang kanilang ratings ay taped episode lamang ang inilabas ng Eat Bulaga, pahiwatig na hindi sila bothered sa mataas na ratings ng show noong April 6, 2024.

Ngayong umiere na rin ang It's Showtime sa GMA7 inaasahan lalo pang iinit sa mga darating na araw ang tapatan ng dalawang show na pareho na ring may napatunayan.

Gayunpaman, naniniwala pa rin si Cristy Fermin na walang dapat na ipangamba ang TVJ dahil mayroon na silang napatunayan sa larangan dahil sila ang tinaguriang longest running TV show ng Asia.

Cristy Fermin Hindi Naniniwala Na Tatagal Ang It"s Showtime Sa GMA7 Dahil Malulugi Din Daw Ito!

 Hindi naniniwala ang kilalang showbiz columnist na si Cristy Fermin at ang co-host nito na si Wendell Alvarez na magtatagal sa main channel ng Kapuso Network ang noontime show na pinangungunahan nina Vice Ganda.

Isiniwalat nina Cristy Fermin at co-host na si Wendell Alvarez ang mga nakarating sa kanilang balita patungkol sa pagkakaroon ng short contract ng GMA Network sa It's Showtime.

Sa isang episode ng 'Showbiz Now Na!' inihayag ng co-host ni Cristy Fermin na si Wendell na tatagal lamang ng 3 hanggang 6 na buwan ang kontrata sa pagitan ng It’s Showtime at GMA dahil gustong makita ng Kapuso Network kung magiging consistent ang performance ng Kapamilya show base sa kanilang satisfactory.

Bukod pa rito, naniniwala rin si Wendell Alvarez na mismong si Vice Ganda ang susuko at hindi ito magtatagal sa GMA Network dahil sa iba't-ibang rason at kadahilanan.

Naniniwala rin umano si Wendell Alvarez na sinadya lamang ng GMA Network na pabayaan sa ngayon ang It's Showtime dahil ginusto naman umano ng mga ito na makalipat sa kanilang network, subalit kung hindi na sila masisiyahan ay tatanggalin rin nila ito.

Sa isa pang ulat na isinulat ng Entertainment writer na si Salve Asis, ibinunyag niya na may kapangyarihan umano ang GMA Network na tapusin ang kontrata sa pagitan nila at ng It’s Showtime anumang oras kung sakaling may mga nalabag na patakaran ang show.

Gayunpaman, kahit anim na buwan lamang ang kontrata ng It's Showtime sa GMA Network ay renewable naman ito kaya maari pa rin silang mag-extend sakaling magkasundo muli ang dalawang panig.

Samantala, hindi naman matatanggi na itinuring na napakalaking tagumpay ang pilot episode ng It’s Showtime sa GMA Network dahil nalampasan nito ang ratings ng Eat Bulaga sa TV5 pagdating sa social media viewership at advertisement.

Naniniwala rin ang mga eksperto na hindi aalisin ng GMA Network ang It’s Showtime dahil ito lang ang tamang katapat ng Eat Bulaga lalo na ngayong nagdesisyon din ang television host na si Willie Revillame na sumali sa TV5.

Vice Ganda Bumanat Sa TVJ Dahil Sa Panggagaya Sa Kanilang Segments Na Expecially for You!

 Hindi napigilan ng ilang mga netizens ang pagkadismaya sa Eat Bulaga na pinangungunahan nina Tito Sotto, Vic Sotto at Joey De Leon dahil sa tila panggagaya umano ng mga ito sa isang segment ng It's Showtime na Expecially For You.

Lalo pang uminit ang pagbabangayan ngayon ng mga tagasuporta ng dalawang magkatapat na noontime shows ang It's Showtime na pinangungunahan ni Vice Ganda at ng Eat Bulaga na pinangungunahan naman ng TVJ.

Bagama't nanahimik naman sa ngayon ang hosts ng dalawang noontime show, ang kani-kanilang mga tagahanga naman ang nagbabangayan sa social media.

Marami sa mga tagahanga ng It's Showtime ang nadismaya sa Eat Bulaga sa inilabas nilang panibagong segment na That's My Boyfriend dahil nakitaan ito ng similarities sa pinag-uusapang segment ng It's Showtime na Expecially For You.

Kaagad na napataas ang kilay ng maraming mga netizens nang mapansin nila sa unang araw ng pag-ere ng That's My Boyfriend dahil sa hindi maitatangging pagkakatulad nito sa Expecially For You ng It's Showtime.

Ang Expecially For You ng It's Showtime ay ang segment kung saan pagtatagpuin ang mga dating magkarelasyon para tulungan ang isa sa kanila na makatagpo muli ng panibagong pag-ibig.

Samantala, ang segment naman ng Eat Bulaga na That's My Boyfriend naman ay isang segment kung saan kilalanin ng mga legit dabarkads kung 'in a relationship' ba ang kanilang contestant at aalamin ang kanilang kwento at talento.

Bwelta pa ng maraming mga Eat Bulaga fans na kung panonoorin ang segment na That's My Boyfriend ng Eat Bulaga at malayong-malayo naman umano ito sa Expecially For You ng It's Showtime.

Iginiit pa nila na kailanman ay hindi nanggaya ang Eat Bulaga dahil hindi na nila kailanagan pangmanggaya dahil may napatunayan na rin sa larangan ang kanilang show bilang longest running TV show.

Samantala, marami ang naghinala na may ibang pakahulugan si Vice Ganda sa kanyang buradong tweet patungkol sa mga walang originality na hinala ng marami na parinig nito sa Eat Bulaga kahit pa wala naman siyang pangalan na binanggit.

Xian Lim Palihim Na Tinatawagan Si Kim Chiu Para Makipagbalikan

 Mainit na pinag-uusapan ngayon sa social media at sa ilang mga entertainment news sites ang balitang palihim na tinatawagan ng Kapuso actor na si Xian Lim ang dating kasintahan na ang Kapamilya actress-TV host na si Kim Chiu para makipagbalikan.

Bukod pa rito, may mga haka-haka rin na umano'y naghiwalay kaagad sina Xian Lim at Iris Lee matapos ang palihim nilang pagpapakasal sa New York.

Kumakalat ngayon sa ilang mga social media platforms ang panibagong chika na isiniwalat ng kilalang showbiz insider patungkol sa pangungulit ngayon ni Xian Lim sa kanyang ex-girlfriend para balikan siya matapos ang kanyang pang-iiwan rito.

Isiniwalat din ng nasabing showbiz insider na nakarating sa kanila mula sa mga sources na umano'y labis na ang pagsisisi ngayon ni Xian Lim sa agarang pagpapakasal kay Iris Lee sa New York.

Labis umanong nagsisisi ngayon ang aktor sa kanyang pang-iiwan kay Kim Chiu dahil ngayon lamang umano napagtanto kung gaano niya ito kamahal.

Samantala, marami naman sa mga fans ng aktres ang hindi naniniwala na pagmamahal ang dahilan ni Xian Lim kung bakit gusto niyang balikan ngayon si Kim Chiu. Paniniwala ng ilang mga fans ng aktres na may kinalaman na naman ang showbiz career ngayon ni Kim Chiu kung saan nasa tuktok ito ng kasikatan dahil sunod-sunod ang mga projects nito ngayon.

Tila gagamitin na naman umanong muli ni Xian Lim ang katanyagan ni Kim Chiu upang isalba ang kanyang papalubog na showbiz career.

Sa kabilang banda, hindi pa naman naglalabas ng pahayag ang aktres na si Kim Chiu kung may katotohanan nga ba ang bali-balita ngayon na sinusuyo na naman siya ni Xian Lim.

Gayunpaman, naniniwala ngayon ang maraming mga tagasuporta ng aktres na hindi na babalikan pa ni Kim Chiu si Xian Lim dahil malinaw nitong sinabi noon sa isang episode ng It's Showtime na hinding-hindi na niya babalikan ang mga taong nanloko sa kanya dahil tiyak umanong gagawin nitong muli ang mga kasalanan sa nakaraan at magiging paulit-ulit na lamang ang sitwasyon.

Bea Alonzo Nakipagbreak Ulit Kay Dominic Roque Dahil Sa Viral Wallpaper Ng Aktor Sa Kanyang Phone!

 Tila tinuldukan na ng aktres na si Bea Alonzo ang mga haka-hakang nagkabalikan sila ng dating fiancee na si Dominic Roque matapos ang kanilang paghihiwalay nitong January 2024.

Kaagad na napansin ng maraming mga netizens na pinagbubura na ang aktres na si Bea Alonzo ang mga sweet photos nila ni Dominic Roque na magkasama sa kanyang Instagram account.

Ilang linggo matapos ang pagkumpirma nina Dominic Roque at Bea Alonzo sa kanilang paghihiwalay, may mga naglabasang mga haka-haka na umano'y  palihim na nagkabalikan ang dalawa dahil sa walang tigil na panunuyo ni Dominic Roque sa aktres.

Kaagad rin nag-viral ang wallpaper ni Dominic Roque kung saan makikita si Bea Alonzo na naging dahilan upang lalong lumakas ang mga bulong-bulungan na totoong nagkabalikan na silang dalawa.

Subalit, tila hindi natuwa si Bea Alonzo sa ginawang ito ni Dominic Roque kaya naman ngayon ay pinagbubura na ng aktres ang mga larawan nilang pinagsamahan na naka-upload sa Instagram account nito.

Kaagad namang napansin ng maraming mga netizens ang ginawa ni Bea Alonzo sa mga larawan nila ni Dominic Roque, lalong-lalo na ang kanilang mga tagahanga na umaasang nagkabalikan na ang dalawa at matutuloy na ang naudlot nilang kasal.

Sa kabilang ng pagbubura na Bea Alonzo sa mga sweet photos nila ni Dominic Roque at mga travel videos na kanilang pinagsamahan, nananatili pa rin namang nakafollow sina Dominic at Bea sa isa't-isa sa kanilang Instagram account.

Hinala naman ng mga netizens na kaya binura ni Bea Alonzo ang mga photos na magkasama sila ni Dominic Roque para bigyang linaw ang kanilang totoong relasyon ngayon. Hindi naman lingid sa kaalaman ng lahat na ilang beses nang naiuulat ang pagbabalikan ng dalawa na tila wala palang katotohanan.

Hindi rin umano nagustuhan ni Bea Alonzo ang ginawa ni Dominic Roque na tila pagpapakita sa cellphone wallpaper nito kung saan makikita ang kanyang larawan.

Katotohanan Sa Panliligaw Ni Alden Richards Kay Kathryn Bernardo

 Marami sa mga tagahanga nina Alden Richards at Kathryn Bernardo ang kinilig ng kumpirhin ng isang tao na malapit sa kanilang dalawa ang totoong estado ng kanilang relasyon.

Ayon sa nasabing source, totoong nanliligaw na ngayon si Alden Richards at Kathryn Bernardo kaya palagi itong present sa mga kaganapan sa buhay ng aktres.

Ikinagulat ng maraming mga netizens ang pagsabog na balita na isiniwalat ng kilalang showbiz insider at talent manager na si Ogie Diaz patungkol sa totoong estado ng relasyon nina Alden Richards at Kathryn Bernardo.

Nitong lingo April 14, 2024, hayagang kinumpirma ng showbiz insider na si Ogie Diaz ang panliligaw ni Alden Richards kay Kathryn Bernardo.

Ang balitang ito ay nagmula umano mismo sa kampo ng aktres, tila may katotohanan naman umano ang balitang ito dahil makikita naman sa body language ni Alden Richards na nanliligaw na siya kay Kathryn Bernardo.

Matatandaan na parehong nakadalo si Alden Richards sa birthday party ni Kathryn Bernardo sa El Nido, Palawan at sa surprise birthday party ni Kathryn Bernardo na inorganize ng kanyang glam team.

Maging sa house blessing ng multi million dream house ni Kathryn Bernardo ay naroon rin si Alden Richards.

Tila pinapatunayan naman umano ni Alden Richards na talagang seryoso siya kay Kathryn Bernardo dahil mas pinili nitong magpunta sa house blessing ng aktres kaysa sa awarding show kung saan mayroon siyang tatlong nominations.

Ayon kay Ogie Diaz, isang source na malapit kina Kathryn Bernardo at Alden Richards ang nagkumpirma na totoong nililigawan na ngayon ni Alden Richards si Kathryn Bernardo.

Naniniwala pa si Ogie Diaz na wala naman umanong masama kung sakaling nanliligaw na ngayon si Alden Richards kay Kathryn Bernardo dahil pareho naman silang single.

Financially stable na rin umano ang aktor at botong-boto rin ang mga pamilya ni Kathryn Bernardo rito, kuhang-kuha rin umano ni Alden ang suporta ng ina ng aktres na si Mommy Min.

Bukod kay Alden Richards, isiniwalat din ni Ogie Diaz na nanliligaw rin ngayon kay Kathryn Bernardo ang lalaking unang na-link sa aktres matapos ang hiwalayan nila ni Daniel Padilla na si Jericho Rosales.

Gayunpaman, sa pagitan ng dalawang nanliligaw ngayon kay Kathryn Bernardo, mas lamang ng points si Alden Richards kaysa kay Jericho Rosales sa pamilya ng aktres.

Mga "Red Flag" Video Ni Daniel Kay Kathryn Noon, Kumakalat Online! Fans Ni Daniel, Pumalag!!

 

Ilang buwan matapos maghiwalay, nag-uumpisa nang magkaroon ng hindi pagkakasundo sa social media ang mga tagasuporta nina Kathryn Bernardo at Daniel Padilla tungkol sa mga naging isyu nila sa isa't isa. 

Kamakailan, umusbong sa internet ang iba't ibang video mula sa ilang tagahanga ni Kathryn na nagpapakita umano sa hindi kanais-nais na asal ni Daniel noong sila ay magkasintahan pa. Ang pagkalat ng mga videong ito ay nagbibigay linaw sa ilan kung ano ang pag-uugali ng aktor bago pa man natapos ang relasyon ng Kathniel.

Sa kabilang banda, may mga tagasuporta rin si Daniel na tinatanong kung bakit ngayon lamang lumabas ang mga videong ito, at bakit walang reaksyon mula sa iba noong sila ay magkasama pa. Hindi rin nila maiwasang punahin ang patuloy na paglaki ng isyu ng kanilang paghihiwalay, na ayon sa kanila ay nakakapagod na. 

Ngayon na may pagtatalo na sa pagitan ng mga tagasuporta nina Kathryn at Daniel, nagiging kumplikado ang tanong kung sino nga ba ang dapat paniwalaan. Ano ang iyong opinyon dito?

Reaksiyon Ng Tvj Sa Paglipat Nang Its Showtime Sa Gma!

 

Nagkaroon ng kaguluhan sa pagitan ng mga tagasuporta ng "It's Showtime" at "Eat Bulaga" matapos magkaroon ng palitan ng mga pahayag ang mga host ng dalawang sikat na noontime show. 

Maraming netizens ang nagpahayag ng kanilang reaksyon sa paglipat ng "It's Showtime" sa GMA channel, at marami rin ang natuwa dahil patuloy ang pagho-host ng mga regional host ng "Eat Bulaga." Naging kapansin-pansin ang surpresang inihanda ng "It's Showtime" para sa mga manonood, na magdadagdag saya sa kanilang mga pagtatanghal. 

Inanunsyo na mapapanood na ang "It's Showtime" sa GTV GMA channel. Kamakailan, nag-post ang official Facebook page ng GTV ng larawan ng "It's Showtime" kasama ang mga host na sina Vice Ganda, Kim Chiu, Anne Curtis, Vhong Navarro, Karylle, Jhong Hilario, Jugs and Teddy, Ryan Bang, at iba pa, na may caption na "G na G Abangan nyo yan". 

Sumunod dito, naglabas ng official statement ang ABS-CBN na ang kanilang programa ay mapapanood na sa GTV simula Hulyo 1. Dahil sa pagdating ng bagong noontime show nina dating Sen. Tito Sotto, Vic Sotto, at Joey De Leon sa TV5, ang "It's Showtime" ng ABS-CBN ay magpapaalam na sa TV5 at lilipat sa GMA. 

Ang slot ng "It's Showtime" na pangtanghali ay mababago sa pagpasok ng trio nina Tito, Vic, at Joey. Ang Kapamilya noontime program ay inalok na mapanood tuwing hapon sa 4:30 ngunit hindi pumayag ang "It's Showtime" at sa halip ay masaya silang nakahanap ng bagong tahanan sa GTV kung saan magpapatuloy ang kanilang show.

Pokwang, Hihingi Pa Rin Ng Sustento Mula Kay Lee: 'Karapatan ng Anak ko yan'

 Ibinahagi ng komedyante-TV host na si Pokwang ang kanyang reaksyon sa pagkakadeport ng kanyang dating partner na si Lee O’Brian.

Noong April 11, ipina-deport si Lee O'Brian ng Bureau of Immigration (BI) matapos tanggihan ang kanyang motion for reconsideration sa reklamong inihain ni Pokwang.

Matatandaan na noong nakaraang taon, hiniling ni Pokwang sa gobyerno na i-deport si Lee O'Brian dahil ito ay nagtatrabaho sa bansa nang walang kaukulang dokumento.

Sa panayam ng 24 Oras, nagpahayag ng kaginhawaan si Pokwang matapos tuluyang umalis ng Pilipinas si Lee – na diumano’y nakikipag-date sa ibang babae.

“Meron tayong batas na sinusunod, syempre nagkaroon tayo ng paglabag sa batas so kailangan nating sundin kung ano yung mga parusa. Kasi tayo nga sa ibang bansa ‘yung mga OFW natin sumunod,” pahayag ni Pokwang.

Naninindigan din si Pokwang at sinabing sa kabila ng utos ng deportation, hihilingin pa rin niya kay Lee O'Brian na bigyan ng sustento ang kanilang anak na si Malia.

Iginiit din ni Pokwang na karapatan ng kanyang anak ang kanyang ipinaglalaban dito dahil obligasyon naman ng isang magulang sa suportahan ang kanyang anak.

“Kailangan ‘yon, bilang magulang kailangan nating suportahan… Hindi naman ginusto ng bata na isilang siya, so may responsibilidad po tayo sa mga anak natin lalo na sa ganyang edad. Bilang ama, responsibilidad niya rin ‘yon. Karapatan ng bata ‘yon,” pagdidiin ni Pokwang.

Nilinaw naman ni Pokwang na pumapayag pa rin siyang makita ni Lee O'Brian si Malia kung tatanungin siya ng kanyang anak, sa kabila ng pagbabawal sa American actor na bumisita sa Pilipinas dahil sa pagkakasama nito sa immigration blacklist.

Sa ngayon ay hindi pa nagbibigay ng pahayag si Lee O'Brian patungkol sa pagkakadeport sa kanya.

Katotohanan Sa Pag-Amin Ni Annabelle Rama sa Relasyon Nina Barbie Imperial at Richard Gutierrez

 Binalaan ni Ruffa Gutierrez ang kanyang mga fans tungkol sa pekeng quote na kumakalat sa social media na kinasangkutan ng kanyang ina na si Annabelle Rama.

Ang post ay in-upload ng isang Facebook page na kilala sa pag-post ng mga pekeng pahayag mula sa mga celebrity.

Sa nasabing mga post, pinalabas ng gumawa ng page na si Annabelle Rama ay umamin na magkasama ang anak na si Richard Gutierrez at aktres na si Barbie Imperial noong Holy Week.

Ang isa pang post ay patungkol naman sa isang pekeng quote tungkol sa pagpuna ni Annabelle Rama sa pagkain ni Sarah Lahbati kasama ang kanyang kaibigan sa Hong Kong.

Sa kanyang pahayag, sinabi ni Ruffa na may 'peace' sa pagitan ng dalawang pamilya sa ngayon at hiniling sa mga netizen na itigil na ang pagpapakalat ng mga pekeng pahayag sa social media.

Marami naman sa mga fans ni Ruffa Gutierrez ang humiling na dapat nitong panagutin ang mga taong nagpapakalat ng mga maling impormasyon patungkol sa kanilang pamilya.

Matatandaang nagkaroon ng parinigan sa social media, sa pagitan nina Annabelle Rama at Sarah Lahbati, ngunit hindi direktang binanggit ng dalawa ang isa't isa.

Ang nasabing mga post ay parehong deleted na ngayon sa Facebook page ni Annabelle Rama.

Maging ang pamilya ni Sarah Lahbati ay nagbabahagi rin ng mga misteryosong post na ispekulasyon ng ilang netizens bilang mensahe ng pamilya Lahbati laban kay Annabelle Rama.

Sa ngayon ay patuloy naman nananahimik si Richard Gutierrez sa mga kinasasangkutang isyu ng kanyang pamilya at sa hiwalayan nila ni Sarah Lahbati.

Detalye Sa Nangyari Sa It'S Showtime Host Cianne Dominguez, Ipinakilala na Ang May Kagagawan

 Nakatanggap ng pagsuporta mula sa kanyang mga tagahanga ang host ng It’s Showtime na si Cianne Dominguez matapos umanong sundan siya ng isang lalaki at tangkaing pasukin sa kanyang condominium unit.

Sa isang Facebook post, ibinahagi ni Lance Escober ang larawan ng suspek, na kinilalang si Shervey Torno, na kilala rin bilang Ronnie Gray.

Ayon kay Lance Escober, sinundan ni Shervy Torno si Cianne Dominguez sa kanyang condo unit at naging touchy ang lalaki sa television host.

Sa ngayon ay nasa kustodiya na umano ng mga awtoridad si Shervy Torno.

Gayunman, sinabi ni Lance Escober na hindi nagpakita ng pagsisisi ang suspek matapos niyang gawin ang nasabing aksyon laban sa It’s Showtime host.

Umani ng samu’t saring reaksyon mula sa netizens ang post, at sinabi ng ilan sa kanila na hihintayin muna nila ang resulta ng imbestigasyon bago magbigay ng kanilang komento.

May mga nagsasabi rin na dapat munang malaman ang buong katotohanan sa pangyayari bago magbigay ng mga komento na maaaring ikasira ng buhay ng isang tao.

Subalit kaagad itong sinagot ni Lance Escober ang mga taong nagdududa sa kanyang kwento, aniya, “tf u mean conclusions? my friend experienced everything firsthand. that mf wouldn’t escape like a marathoner if he wasn’t guilty of anything. you think everything’s made up? that’s exactly why some victims are afraid to speak up. bec of u who invalidate victim’s experiences.”

Kinumpirma naman ng pamilya ni Cianne Dominguez ang buong pangyayari sa pamamagitan ng isang Facebook post ng ama nito, kung saan isiniwalat ang buong detalye sa nangyari kay Cianne.

Jackie Gonzaga Sinugod Si Shervey Torno Sa Kulungan Matapos Makarating Ang Ginawa Kay Cianne Dominguez!

 Kaagad na sumugod sa presinto ng mga police ang It's Showtime host na si Jackie Gonzaga nang mapag-alam niya ang nangyari sa kanyang kasamahan na si Cianne Dominguez.

Kinumpronta ng It's Showtime host na si Jackie Gonzaga, ang lalaking may balak na pagsamantalahan si Cianne Dominguez na nakilala sa pangalan na si Shervy Torno.

Mismong ang kapatid ni Cianne Dominguez ang nagbahagi ng recorded audio kung saan maririnig ang komprontasyon sa pagitan ng salarin at ng magkaibigang sina Jackie Gonzaga at Cianne Dominguez sa Police station matapos madakip si Shervey Torno.

Maririnig sa nasabing audio na tinanong ni Jackie si Shervy kung ano ang ginawa nito kay Cianne. Itinanggi naman ni Shervy na may balak siyang masama sa host dahil bukas naman umano ang pinto at hindi niya ito tinulak. Inilahad pa ng lalaki na isa lamang siyang fan ni Cianne.

Samantala, nagbigay ng detalyadong kwento ang kapatid ni Cianne Dominguez patungkol sa nasabing insidente.

Taliwas sa unang kwento ng ama ni Cianne, hindi nakapasok sa unit ng dalaga ang salarin dahil nailock na si Cianne ang claw guard ng pinto, hindi rin umano nito nahalikan ang dalaga subalit totoong nahawakan ng lalaki ang beywang nito.

Ayon sa kwento ng kapatid ng It's Showtime host, pagpasok ni Cianne sa unit niya, may kumatok. Sinilip naman umano ito ng dalaga. Doon na nakita nito ang lalaki na nagtanong kung ano ang name niya.

Bilang isang noontime artist, maayos naman umanong sinagot ni Cianne ang lalaki dahil nasasanay na ito na may nagtatanong sa kanyang pangalan. Para umano sa kay Cianne ay normal na lamang na may mga taong magtatanong ng kanyang pangalan dahil nasa showbiz industry naman siya.

Matapos umanong sumagot ni Cianne ay nilock na ni Cianne ang pinto, ginamit na umano ng kanyang kapatid ang triple lock ng unit. Kalaunan ay may kumatok na naman, muli din umano itong pinagbuksan ni Cianne subalit nanatiling nakalock ang claw guard.

Muling nakita ni Cianne ang lalaki. Sa pagkakataong ito ay hiningi na ng lalaki ang Facebook account ng dalaga, subalit tumanggi na si Cianne dahil may nararamdaman na siyang kakaiba sa lalaki.

Kinumpronta pa umano nito ang lalaki dahil nakita ni Cianne na ang wallpaper sa cp nito ay isang babae na pinaghihinalaan niyang karelasyon nito.

Subalit, hindi umano nagpatinag ang lalaki ay nag-ask na hahalikan na si Cianne.

Dagdag pa nito, dahil hindi naman basta-basta na mabubuksan ang pinto dahil secure ito ng claw guard, hinarang ng lalaki ang kanyang paa para hindi tuluyang maisara ang pinto.

Dito na umano hinila ng lalaki sa bewang si Cianne at nagtangka nang halikan ang dalaga.

Tila naalerto naman ang lalaki sa pagsigaw ni Cianne kaya napatakbo na ito.

Reaksyon Ni Pokwang Sa Pagkaka Deport Kay Lee O'Brian

 Nagbigay na ng pahayag ang comedian-host na si Pokwang patungkol sa matagumpay na pagkakadeport ni Lee O'Brian nitong Lunes April 8, 2024.

Si Lee O'Brian, 49 years old ay isang U.S citizend na dating kinakasama ni Pokwang at ama ng bunsong anak ng aktres na si Malia O'Brian.

Matatandaan na naghain ng deportation case si Pokwang laban kay Lee O'Brian dahil sa ilegal umano nitong pagtatrabaho sa bansa.

Nagtagumpay naman si Pokwang sa kanyang kagustuhan na masipa paalis sa Pilipinas si Lee O'Brian dahil nitong hwebes April 11, 2024 ay inilabas na mismo ng Bureau of Immigration ang mga larawan ni Lee O'Brian na paalis na sa bansa kalakip ang official statement ng Bureau of Immigration na black listed sa Pilipinas si Lee.

Samantala, sa isang exclusive interview kay Pokwang nitong hwebes sa programa ni Boy Abunda sa GMA7 na Fast Talk, tila lumambot kunti ang puso ni Pokwang para sa kinahinatnan ng lalaking dating pinag-alayan niya ng kanyang puso.

Ayon kay Pokwang, naniniwala siya na para sa ikabubuti nila pareho at ng kanilang anak ang ginawa niyang pagpapadeport kay Lee. Makakapagtrabaho pa naman umano ito ng maayos roon sa Amerika at ganoon din siya dito sa Pilipinas.

Alam naman umano ni Pokwang na hindi makakapaghanapbuhay dito sa bansa si Lee O'Brian kaya paano ito makakapag-provide sa kanilang anak, mas mabuti umano sa US dahil makakapagtrabaho ito roon.

Sa kabila ng masalimoot na kinahihinatnan ng kanilang relasyon, iginiit naman ni Pokwang na hindi niya ipagdadamot si Malia kay Lee dahil bali-baliktarin man ang mundo ito pa rin ang ama ng bata.

Sa katunayan, kung gusto umano ni Malia na pumunta sa Amerika para makita ang ama ay papayag naman umano siya, ihahatid pa niya ito mismo basta ibabalik rin ito ni Lee sa kanya.

Mavy Legaspi, Pinagtanggol ang Kanyang Ina Sa Mga Pambabatikos Sa Pakikialam Sa Buhay nila ni Cassy

 Nagbigay na ng pahayag ang aktor-host na si Mavy Legaspi patungkol sa mga inilabas na cryptic post ng kanya at ng kanyang kambal na si Cassy Legaspi na pinaghihinalaang resbak ng mga ito sa pagtanggi ni Darren Espanto sa nakaraan nila ni Cassy.

Sa kamakailang panayam kay Mvy Legaspi, nilinaw niya ang kanyang pananahimik sa gitna ng mga isyung kinasasangkutan kamakailan, kabilang na ang hiwalayan nila ni Kylien Alcantara at ang pagkakadawit ng kanyang co-host sa napasarang show na Tahanang Pinakamasaya na si Dasuri Choi.

Hindi naman lingid sa kaalaman ng lahat na nadawit na rin maging ang kanyang ina sa hiwalayan nila ni Kyline Alcantara dahil sa mga umano'y cryptic posts ng ina na hinalang patama kay Kyline.

Bagama't wala namang binaggit na pangalan si Mavy Legaspi, iniuugnay ng maraming mga netizens ang sagot ni Mavy kay Kyline Alcantara.

Ayon kay Mavy Legaspi, mas pinili niyang manahimik noon dahil naniniwala siyang hindi na ito kailangan pangpag-usapan kung ano man ang nangyari sa nakaraan.

Buong pahayag ni Mavy Legaspi, “I mean, kung hindi naman kailangan, it’s not needed kasi.

"Kaya ayun, it’s not just I decided to stay quiet. It’s just there’s nothing to talk about.

"Kaya, you just don’t feed anything. You don’t feed any information na hindi naman kailangan.

“Basta kami, peaceful kami, and behind closed doors, we have great relationships with a lot of people. Kaya, okay lang.”

Bagama't nariyan umano palagi ang kanilang ina na si Carmina Villaroel para ipagtanggol sila ni Cassy Legaspi laban sa kanilang mga bashers, naniniwala pa rin si Mavy na kaya nila ni Cassy ang kanilang mga sarili at kaya nilang harapin ang mga ibinabatong pambabatikos sa kanila.

Iginiit naman ni Mavy Legaspi na lahat ng mga naging desisyon nila sa buhay ni Cassy Legaspi nitong mga nagdaang taon ay hindi idinikta sa kanila ng kanilang ina dahil sila umano ang pumili nito.

Nilinaw din niya na mali ang mga hinala ng maraming mga netizens sa kanila ni Cassy kung saan sinasabing, protected sila ng kanilang mga magulang dahil hindi naman umano ito totoo.

Kaya na rin umano nila ni Cassy na magdesisyon ngayong nasa 23 years old na sila at hindi na masyadong mga bata.

Dagdag pa ni Mavy Legaspi na hindi lahat ng mga ipinopost ng kanilang ina sa social media ay patungkol na sa pinagdadaanan nila ni Cassy dahil kadalasan ay nag-aasume lamang umano ang mga tao.

Ipinunto pa ni Mavy na mayroon namang sariling buhay ang kanyang ina na hindi lamang sa kanilang dalawa ni Cassy umiikot ang buhay nito at may sarili din umano itong kinakaharap na mga problema.

Daniel Padilla Hindi Nagustuhan Ang Pakikipagrekasyon Ni Kathryn Bernardo Kay Alden Richards!

 Hindi nagustuhan ng dating kaloveteam at boyfriend ni Kathryn Bernardo na si Kapamilya actor Daniel Padilla ang pagkakalapit nina Kathryn Bernardo at Alden Richards ngayon, ilang buwan matapos aminin ang kanilang paghihiwalay.

Usap-usapan ngayon sa ilang mga social media platforms ang tila pasaring ni Daniel Padilla para kay Alden Richards ngayong naglabasan sa ilang mga pahayagan ang patungkol sa pagkakalapit nito sa kanyang ex-girlfriend na si Kathryn Bernardo.

Hindi naman lingid sa kaalaman ng lahat na noon pa man ay tila naasiwa na si Daniel Padilla kay Alden Richards na ang nagsimula noong naging matagumpay ang pelikula na pinagbibidahan noon ng kanyang nobya na si Kathryn Bernardo at Alden Richards na Hello, Love, Goodbye.

Hinala ng maraming mga netizens na hindi nagustuhan ng Daniel Padilla ang pagsuporta ng mga fans sa tambalan nina Kathryn Bernardo at Alden Richards dahilan para malamangan nito ang kita sa kanilang pelikula ni Kathryn Bernardo.

May mga naglabasan pang mga ulat na umano'y pinagbabawalan ni Daniel Padilla si Kathryn Bernardo na makipag-ugnayan noon kay Alden Richards lalo na nang lumabas ang balitang pinag-iisipan ng mga producers ang pagpapalabas ng Hello Love Goodbye part two na pagbibidahan pa rin nina Kathryn Bernardo at ALden Richards.

Naniniwala din ang maraming mga fans ng KathDen na si Daniel Padilla ang dahilan kung bakit nagdalawang isip noon si Kathryn Bernardo na gawin ang Hello Love Goodbye 2 dahil pinagbabawalan na siya nito at kahit masama sa kanyang loob ay sinunod na lamang niya ang aktor para wala nang gulo.

Napansin pa ng ilang mga fans na magmula ng gawin ni Kathryn Bernardo ang Hello, Love, Goodbye ay tila nag-iba na umano ang ugali ni Daniel Padilla at palaging inaaway nito si Kathryn lalo na kung mapag-uusapan ang pekikula nila noon ni Alden Richards.

May mga naglabasan ring ulat na noong binibisita ni Daniel Padilla ang kanyang girlfriend na si Kathryn Bernardo sa taping noon ng Hello, Love, Goodbye ay hindi kailanman binati ni Daniel Padilla si Alden Richards bagkus ay tila inaangasan pa.

No. 1 Na! It's Showtime Patuloy Ang Pagtaas Ng Ratings!

 Nakapagtala ang Family Feud ng Kapuso Primetime King na si Dingdong Dantes ng pinakamataas na ratings sa afternoon slot nitong Lunes, April 8, 2024.

Sa araw na iyon, ipinalabas  ng Family Feud ang paglalaro ng It's Showtime hosts dito minarkahan ng Family Feud ang mataas nilang ratings na umabot sa 10.7% habang ang katapat nito ay nakakuha lamang ng 0.3% ratings.

Ang teleserye naman na pinagbibidahan ng Kapuso actress na si Jillian na Abot Kamay na Pangarap na dating nangunguna sa rating sa afternoon slot ng GMA ay nakakuha naman ng 10.6% ratings na kadikit lamang sa Family Feud.

Samantala, napanatili naman ng It's Showtime ang kanilang ratings bilang nangungunang noontime show dahil nitong April 8, ay nakakuha ng 8.6% aggregated ratings ang  It's Showtime kasama na ang nakuha nilang ratings sa GTV at A2Z.

Ang nakuhang ratings ng It's Showtime sa GMA7 palamang ay 5.9% na samantalang, ang Eat Bulaga sa TVJ ay nakakuha naman ng 4.3% combined ratings ang Eat Bulaga mula sa dalawang channel na TV5 at RPTV.

Inaasahan naman ng maraming mga madlang pipol na magtuloy-tuloy na ang mataas na ratings ng It's Showtime sa Eat Bulaga lalo na ngayong nakalipat na sila sa panibagong tahanan na mayroong malawak na reach at malakas na signal.

Sa kabilang banda, marami naman sa mga Eat Bulaga fans ang naniniwala na tumaas lamang ang ratings ngayon ng It's Showtime dahil naku-curious pa ang mga tao sa kanilang show at sa mga Kapuso artists na magiging guest rito.

Ayon pa sa ilang mga fans na katulad lamang ito sa nangyari noon sa Eat Bulaga ng TAPE Inc. na naging Tahanang Pinakamasaya kalaunan dahil nakuha ng TVJ ang pamagat na Eat Bulaga kalaunan.

Alden Richards Dumalo Sa Multi Million House Blessing Ni Kathryn Bernardo!

Naganap na kagabi ang inaabangang house blessings para sa multi million na dream house ng Kapamilya actress na si Kathryn Bernardo para sa kanyang pamilya sa Antipolo Rizal.

Kabilang sa mga dumalo sa blessing ng bagong bahay ng Kapamilya star na si Kathryn Bernardo ay ang Kapuso star na si Alden Richards.

Samantala, kumakalat ngayon sa mga social media account ang mga larawan at video clips na nagmula sa isang Instagram account na dedicated kina Kathryn Bernardo at Alden Richards na siyang unang nag-post sa IG story nito ng ilang mga kuha ng snaps ng mga dumalo sa event.

Bukod kay Alden Richards, present sa event ang iba pang mga celebrity tulad nina Chie Filomeno, Dimples Romana at Gelli de Belen.

Makikita naman na talagang nag-enjoy si Kathryn Bernardo sa naganap na party dahil makikita itong masaya na nakikipagsayaw at inuman sa kanyang mga bisita.

Hindi naman lingid sa kaalaman ng lahat na marami sa mga fans nina Kathryn Bernardo at Alden Richards ang umaasa na magkakamabutihan na ang dalawa dahil sa pagiging sweet ng mga ito sa nakaraang 2nd birthday celebration ni Kathryn Bernardo.

Maging sa nakaraang birthday party ni Kathryn Bernardo sa El Nido, Palawan ay naroon din si Alden Richards para makisaya kasama ang iba pang mga kaibigan ng aktres.

Samantala, marami naman ang kinilig sa naging sagot ni Alden Richards sa kamakailang panayam sa kanya kung ano ang totoong estado ng relasyon ni Kathryn Bernardo.

Ayon kay Alden Richards, kung ano man ang nakikita ngayon ng mga netizens sa kanila ay iyon na ang totoong namamagitan sa kanila.

Naniniwala din si Alden Richards na hindi nararapat na ipamalita ang kung anong relasyon nila dahil personal na nilang buhay iyon.

Buong pahayag ni Alden Richards, "What you see is what you get. Hindi lang din talaga kailangan lagi ipamalita sa social media 'yung mga ganiyan. You know, sometimes 'yung mga personal things that's happening, better be personal na lang."

Isiniwalat din ni Alden Richards na magmula noong naging magkatambal sila ni Kathryn Bernardo sa matagumpay nilang pelikula na Hello Love Goodbye ay hindi na nawala ang kanilang pagkakaibigan.

Eat Bulaga Ng TVJ Lilipat Na Sa Mas Malaking Stadium Sa Kabila Ng Issue Na Nalulugi

 Sa gitna ng mga usap-usapan patungkol sa pagkakalugi umano ng TVJ Productions dahil ilang buwan na rin umanong negative ang earnings ng Eat Bulaga, may mga naglabasang ulat patungkol sa paglilipat umano ng kanilang show sa mas malaking studio.

Sa kabila ng mga naglabasang mga spekulasyon ng ilang mga netizens patungkol sa pagkakalugi umano ng Eat Bulaga dahil sa negative earnings nito sa mga nakaraaan buwan at sa paglipat na rin ng It's Showtime sa main  channel ng Kapuso Network, patuloy pa ring naninindigan ang mga Dabarkads na hindi sila apektado.

Sa katunayan ay malapit na umano silang lumipat sa kanilang panibagong studio na mas malaki at mas maaliwalas.

Nag-ugat ang mga usapin ito bago paman lumipat ang It's Showtime sa GMA7 at lalo pa itong umingay nang lumabas ang datos kung saan nakakuha ng mas mataas na ratings ang It's Showtime kaysa sa Eat Bulaga sa araw ng paglipat ng It's Showtime sa GMA.

Ayon sa ilang mga naglabasang mga balita kung patuloy na matatalo ng It's Showtime ang Eat Bulaga pagdating ratings ay tiyak na ipapatigil umano ni Manny Pangilinan ang pag-ere ng show na pinangungunahan ng TVJ na Eat Bulaga.

Sa ngayon ay hindi pa naman naglalabas ng opisyal na pahayag ang legendary trio na sina Tito Sotto, Vic Sotto at Joey De Leon, maging ang chairman ng TV5 na Manny Pangilinan patungkol sa isyung ito.

Dahil dito, naniniwala ang mga solid fans ng TVJ na pawang paninira lamang sa kanilang mga idolo ang pinapakalat ng mga fans ng kabila.

Ipinunto rin nila na hindi naman nangangahulugan na natalo na ng It's Showtime ang Eat Bulaga sa ratings noong nakakuha ang It's Showtime ng mas mataas kaysa sa show ng TVJ noong unang araw nila sa GMA7 dahil sa unang araw pa naman umano iyon at hindi pa sigurado kung ,mapanatili ng It's Showtime na makakakuha ng mas mataas na ratings kaysa sa Eat Bulaga.

Samantala, usap-usapan naman ngayon ng ilang mga Eat Bulaga fans na hinahanda na umano ni Manny Pangilinan ang Meralco Theater para maging panibagong studio ng Eat Bulaga para ma-accommodate ang mas marami pang audience dahil nagsisiksikan na umano sa dati nilang studio.