Pinag-uusapan ngayon ng ilang mga netizens sa iba't-ibang social media platforms ang tila pandidedma umano ni Vice Ganda sa aktres na si Andrea Brillantes sa isang event.
Kumakalat ngayon sa iba't-ibang social media platforms ang mga video at larawan ng pagtatangka ni Andrea Brillantes na lapitan at batiin si Vice Ganda. Subalit, tila sinadya umano ng Unkabogable Star na dedmahin at balewalain ito.
Kaagad namang umani ng samu't-saring reaksyon mula sa mga netizens ang nasabing larawan at videos, marami ang iniuugnay ang nangyari sa naging hiwalayan nina Kathryn Bernardo at Daniel Padilla kung saan si Andrea ang itinuturong dahilan.
Matatandaan na nauna nang ipinahayag noon ni Vice Ganda sa isang panayam ng ABS-CBN na maging siya ay nalulungkot din sa paghihiwalay ng dalawa na matagal ring magkasintahan.
Inamin din ni Vice Ganda, na bukod sa pagiging malapit kina Daniel Padilla at Kathryn Bernardo, naging fan na rin umano siya sa tambalan ng dalawa. Kaya naman labis rin siyang nalulungkot sa nangyari sa dalawa.
Samantala, may ilang mga fans naman ni Andrea Brillantes ang nagsasabi na tila hindi naman sinadya ni Vice Ganda na dedmahin si Andrea Brillantes dahil naging malapit na rin naman sila.
Ayon sa mga fans ni Andrea sa dami ng lumapit kay Vice Ganda ay hindi na umano nito napansin ang paglapit at ang pagbati ni Andrea Brillantes.
Walang komento
Mag-post ng isang Komento
Share your opinion now!