Miles Ocampo, Itinapon Ang Cellphone Matapos Mag Message Si Andrea Brillantes

 Naging mainit na usapin sa social media ang panibagong tsika na isiniwalat ni Ogie Diaz sa kamakailang episode ng kanilang showbiz oriented vlog na Showbiz Update.

Ayon kay Ogie Diaz ang pangyayaring ito ay kumpirmado at totoong nangyari sa pagitan nina Andrea Brillantes at Miles Ocampo.

Isiniwalat ni Ogie Diaz ang nakarating sa kanyang balita patungkol sa pagkakalink ni Andrea Brillantes sa kanyang co-star sa teleseryeng Senior High na si Elijah Canlas.

Matatandaan na nauna nang inamin ni Elijah Canlas ang naging hiwalayan nila ng kanyang girlfriend na si Mile Ocampo, kasunod nito isiniwalat naman ni Ogie Diaz ang balitang tila nagkakamabutihan na sina Andrea Brillantes at Elijah Canlas. 

Bagama't nagmula umano ang balitang ito sa kanilang source, hindi ito kinukumpirma ni Ogie Diaz subalit nitong December 10, 2023, muling naglabas ng panibagong pahayag si Ogie Diaz patungkol sa nasabing isyu.

Mula pa rin umano ito sa kanilang reliable source subalit sa pagkakataong ito ay naninindigan na sina Ogie Diaz na may katotohanan ang chika.

Ayon sa pagsisiwalat ni Ogie Diaz, may nakarating umanong video kay Miles Ocampo kung saan makikitang nagsusubuan ng spaghetti sina Elijah Canlas at Andrea Brillantes.

Dagdag pang pagbabahagi ni Ogie Diaz, nalaman umano ni Andrea Brillantes na nakarating kay Miles Ocampo ang video nila ni Elijah Canlas kaya naman kaagad itong nagpadala ng mensahe kay Miles Ocampo at humingi ng tawad. 

Ipinahayag pa umano ni Andrea Brillantes sa kanyang mensahe kung gaano siya nahihiya kay Miles Ocampo dahil sa ganoong paraan nito nalaman ang tungkol sa relasyon nila ni Elijah. Hiniling pa umano ni Andrea Brillantes kay Miles Ocampo na mag-usap naman sila.

Isinalaysay naman ni Ogie Diaz na matapos mabasa ni Miles Ocampo ang text message sa kanya ni Andrea Brillantes ay naibato nito ang kanyang cellphone dahil sa labis na pagkainis kay Andrea.

Samantala, nang tanungin naman si Ogie Diaz kung magjowa na nga ba ngayon sina Andrea Brillantes at Elijah Canlas, sinabi ng showbiz insider na wala siya sa posisyon na magkumpirma nito dahil ang nararapat na umamin ay sina Andrea Brillantes at Elijah Canlas.

Sa kabilang banda, isiniwalat din ni Ogie Diaz na bukod kay Andrea Brillantes, nalilink rin ngayon si Elijah Canlas sa isa pa nilang co-star sa Senior High na si Daniela Stranner. Ito rin umano ang dahilan kung bakit nagkaroon ng kanya-kanyang grupo sa set ng teleseryeng Senior High.

Ayon pa umano sa source ni Ogie Diaz, marami ang naiinis kay Andrea Brillantes sa set ng Senior High. Sinabi naman ni Ogie Diaz na hindi pa naman kumpirmado ang isyu na maraming naiinis kay Andrea Brillantes sa set ng Senior High pero iyong video nila ni Elijah Canlas ay kumpirmado na.

Sagutan Nila Anabelle at Sarah Lahbati Pati Si Ruffa Gutierrez Nagparinig Na Kay Sarah

Tila lalong gumugulo ang sitwasyon ngayon sa pagitan ng pamilya Gutierez laban kay Sarah Lahbati matapos panindigan ng huli na kaya niyang tumayo sa sarili niyang mga paa kahit na walang tulong mula sa kanyang asawang si Richard Gutierrez at ng pamilya nito.

Makikita sa mga larawang ibinabahagi ngayon ni Sarah Lahbati sa kanyang social media accounts ang mga achievements niya at mga endorsements na nagpapakita lamang na hindi siya umaasa sa pera ng kanyang asawa na si Richard Gutierrez.

Samantala, nilinaw ni Sarah Lahbati ang mga statements na kumakalat ngayon sa social media patungkol sa naging pahayag umano niya sa isyung kinakaharap nila ng kanyang asawa na si Richard Gutierrez.

Pinabulaanan ni Sarah Lahbati ang kumakalat na pahayag umano kung saan sinabi niyang na-brainwashed ni Annabelle Rama si Richard Gutierrez kaya bigla na lamang itong nagbago. Nagpayo pa siya sa mga mag-aasawa pa lamang na kilalaning mabuti ang mga in-laws upang hindi matulad sa kanya.

Ayon sa paglilinaw ni Sarah Lahbati, hindi niya sinabi ang mga katagang ito.

Samantala, sa kamakailang social media post ni Annabelle Rama, lalo niyang idiniin si Sarah Lahbati at iginiit na isa itong masamang babae, manipulative at sinungaling. Tinawag rin niya ito na isa devil woman dahil sa pagpapa-victim umano nito upang makuha ang simpatya ng mga netizens.

Bukod pa rito, ipinahayag rin ni Annabelle Rama na noon pa man ay nakikita na umano niya na hindi na maganda si Sarah Lahbati kay Richard kaya naman noon pa man ay tutol na siya sa relasyon ng dalawa. Masyado din umanong maluho si Sarah Lahbati at gustong lagi silang nagtatravel ni Richard Gutierrez.

Sa ngayon ay binura na ni Annabelle Rama ang kanyang mga social media post na bumabatikos kay Sarah Lahbati subalit marami na ang mga nakakuha ng scrreenshots nito dahilan para patuloy pa rin itong kumalat sa social media.

Samantala, tila hindi naman magpapahuli ang panganay na anak ni Annabelle Rama na si Ruffa Gutierrez, kamakailan lamang ay naglabas din ito ng tila cryptic post sa kanyang social media account na hinala ng mga netizens na patama rin kay Sarah Lahbati.

Ayon sa naging cryptic post ni Sarah Lahbati, hindi naman kailangan na perpekto ang pag-ibig, dapat lamang maging totoo ito.

Napansin rin ng mga netizens na maging sina Sarah Lahbati at Ruffa Gutierrez ay hindi na rin namamataang magkasama sa ngayon gayung hindi naman lingid sa kaalaman ng lahat na malapit naman sila sa isa't-isa noon.

Sa katunayan, naging malapit na rin si Sarah Lahbati sa dalawang anak ni Ruffa na sina Lorin at Venice Bektas.

Bagama't patuloy na pinagdidiinan ni Annabelle Rama na pera at ang ugali ni Sarah Lahbati ang dahilan ng hiwalayan nina Sarah at Richard, may mga naniniwalang ang totoong dahilan nito ay ang pananawsaw umano ni Annabelle.

View this post on Instagram

A post shared by SLG (@sarahlahbati)

Eat Bulaga Ng GMA Papalitan Na Ng Pamagat Suko Na Ang Tape

 Nagbigay ng saloobin ang talent manager ni Paolo Contis na si Lolit Solis hinggil sa isyung kinakaharap ngayon ng noontime show na kinabibilangan ng kanyang alaga.

Ayon kay Lolit Solis, hindi na umano magiging malaking problema kung sakaling baguhin ng TAPE Incorporated ang pamagat ng kanilang noontime show sa GMA7.

Dagdag pa ni Lolit Solis, nakakuha na rin naman ng maraming tagasubaybay ang show nina Paolo. Kaya nama hindi na umano sila maapektuhan sakaling baguhin na lamang ang pamagat ng kanilang show.

Bukod pa rito, ipinunto rin ni Lolit Solis na kahit sino pa ang papalit bilang host ng Eat Bulaga, palaging sina Tito Sotto, Vic Sotto at Joey De Leon pa rin ang iisiping totoong host nito.

Kaya naman mas maigi na rin umano na baguhin na lamang ng TAPE Inc. ang pamagat ng kanilang show para maihiwalay na rin sa pangalan ng TVJ.

Natutuwa rin si Lolit Solis dahil may mataas na following na rin ang show nina Paolo Contis ngayon sa kabila ng pag-alis ng TVJ. Sakaling mabibigyan umano ito ng panibagong pangalan ngayon tiyak pa rin na may manonood sa kanilang show.

Hiniling din ni Lolit Solis na huwag nang gawing malaking isyu ang pagpapalit ng titulo ng show nina Paolo Contis dahil naging healthy naman umano para sa mga manonood na may pagpipilian na silang tatlong noontime show.

Matatandaan na naglabas na kamakailan ng desisyon ang Intellectual Property Office hinggil sa inilalabang trademark case ng TVJ sa TAPE Inc. Mas pinaburan ng IPO ang TVJ dahil sa pagbibigay umano nila ng konkretong  paliwanag sa kung paano nila nabuo ang pamagat ng Eat Bulaga.

Kaagad namang naghain ng appeal ang TAPE Inc., subalit kaagad lamang itong binasura ng Intellectual Property Office ng bansa.

Sa ngayon, usap-usapan na hanggang December 30, na lamang maaring gamitin ng TAPE Incorporated ang pamagat na Eat Bulaga sa kanilang show dahil kung magmamatigas pa sila ay maari na silang kasuhang ng TVJ ng Copyright Infringement.

Samantala, narito naman ang ilang pananaw ng mga netizens hinggil sa nasabing isyu.

"Isa lang ang sigurado bagsak ang show nila once pinalitan na ng title kc karamihan lalu na sa visayas at mindanao nanonood sila ng tapebulaga kc nga eatbulaga ang title, kaya pgpinalitan ang title sigurado mauubos ang mga natitira nilang viewers. ngayon about sa bagong host kahit sino pa ilagay jan ganun at ganun parin ang resulta walang mgbabago bagsak prin. prang show ni lucky manzano nung nawala ang showtime since bago ang show anong nangyre walay diba."

"tapusiN na yan peke tape Tama lang yan tapusis tape kawa kawa si lang"

View this post on Instagram

A post shared by Lolit Solis Official (@akosilolitsolis)

KathNiel May Two Upcoming Projects Kahit Hiwalay Na

 Muling naging laman ng mga usap-usapan sa social media ang KathNiel loveteam nang kumalat ang mga larawan na umanong magkakasama at magkakatambal pa rin sina Daniel Padilla at Kathryn Bernardo sa mga pelikula at teleserye.

Kumakalat ngayon sa social media ang umanong mga upcoming projects ng aktor na si Daniel Padilla sa susunod na taon.

Kabilang na rito ang pagsasamahan nila ni Zanjoe Marudo na pinamagatang Nang Mapagod si Kamatayan, The Guest na pagsasamahan naman nila ni John Arcilla, After Forever na muling pagtatambalan nila ni Kathryn Bernardo, 2gether Un4ever na makakasama naman niya sina Piolo Pascual at Claudine Barretto, at ang Praybet Bejamin 3 na pagsasamahan nilang muli ni Kathryn Bernardo at Vice Ganda.

Gayunpaman, wala pa ring kumpirmasyon kung matutuloy pa ba ang mga projects na ito matapos ang hiwalayan ng dalawa na kamakailan lamang ay inamin nila sa publiko.

May ilang mga KathNiels fans naman na umaasa na magkakasama muli ang dalawa kahit sa teleserye o sa pelikula na lamang.

May mga nagsasabi naman na malabo na itong matuloy dahil makakaramdam na umano ng pagka-awkward ang dalawa dahil sa nagtapos nilang relasyon.

Sina Kathryn Bernardo at Daniel Padilla ay naging magkaloveteam sa loob ng 12 years habang naging real couple naman sila sa loob ng 11 years. Ginulat nila ang publiko nang aminin nitong November 30, 2023 ang kanilang paghihiwalay.

Hindi naman nilinaw ng dalawa ang pinag-ugatan ng kanilang gulo subalit ayon sa mga hinala ng netizens na third party ang dahilan sa katauhan ni Andrea Brillantes.

Sa ngayon ay hindi pa malinaw kung ang kanilang romantic relationship lamang ba ang nagtapos o maging ang kanilang pagiging magka-on screen partner ay nagtapos na rin.

The Voice Philippines Mapapanuod Sa Kapuso Network!

 Usap-usapan ngayon sa ilang mga online news platforms ang bali-balitang sa GMA Network na mapapanood ang The Voice Philippines.

May mga naglabasang ulat kamakailan lamang na ang isa sa mga regular na singging competition na The Voice dito sa Pilipinas ay mapapanood na sa panibagong tahanan.

Ayon sa mga nakapanood sa finale sa spin of ng The Voice, na The Voice Generation, inanunsyo umano ng isa sa mga hosts nito at leading man ng pelikulang Rewind na si Dingdong Dantes sa huling bahagi ng palabas.

Gayunpaman, hindi pa rin kumpirmado ang nasabing ulat, hindi pa naglalabas ng pahayag ang GMA hinggil rito.

Ang The Voice Philippines ay maituturing na isa sa mga top singing programs noon ng ABS-CBN para ito mawalan ng prangkisa. Naging daan ang nasabing singing competition para sa ilang mga aspiring singers na ipakita sa buong bansa ang kaniang talento.

Ang itinanghal bilang grand winner ng The Voice ay sina Mitoy Yonting at Jason Dy. Bukod sa kanilang may ilan pang singers na produkto ng The Voice na hanggang ngayon ay sumisikat parin at namamayagpag sa singing scene kabilang na sina Klarisse De Guzman, Darryl Ong, Morissette at marami pang iba.

Bukod sa mga singers, tumatak rin ang mga mentors at coaches ng The Voice na kilalang magagaling na singer sa bansa na sina Lea Salonga, Sarah Geronimo, Bamboo at Apl. de ap.

Xian Gaza Tinawag Na Biyanang Pakialamera si Annabelle Rama

 Hindi na napigilan ng social media personality na si Christian Albert Gaza mas kilala bilang Xian Gaza na tawagin ang talent manager na si Annabelle Rama na ‘biyenang pakialamera’ matapos niyang pag-usapan ang diumano’y paghihiwalay ng kanyang anak na si Richard Gutierrez at Sarah Lahbati.

Matatandaan na tila inamin na rin ni Annabelle Rama sa publiko ang hiwalayan nina Sarah Lahbati at Richard Gutierrez ng ipahayag niya sa isang panayam na wala na siyang oras para kausapin pa si Sarah Lahbati.

Bukod pa rito, isiniwalat din ni Annabelle Rama ang pagiging magastos ni Sarah Lahbati habang nakasubsob sa trabaho ang kanyang anak na si Richard Gutierrez.

Samantala, nitong December 8, ibinahagi ni Xian Gaza kung paano naging dahilan ng paghihiwalay ng ilang mag-asawa ang ilang in-laws.

Sa isang social media post, binati ni Xian Gaza ang lahat ng mga mother in-law maliban kay Annabelle Rama dahil sa pagiging pakialamera nito. Dagdag pang banat ni Xian Gaza na ang mga ganitong in-laws ang nagiging bwe-sit sa pagsasama ng mag-asawa.

Ipinunto rin ni Xian Gaza na hindi na dapat pinapakialaman pa ni Annabelle ang buhay ng kanyang anak dahil may sarili na itong pamilya.

Sinang-ayunan naman ng mga netizens ang pahayag na ito ni Xian Gaza, marami ang nagsasabi na noon pa man ay nakikialam na umano itong si Annabelle Rama sa mga buhay may-asawa ng kanyang mga anak.

May mga bumatikos naman kay Richard Gutierrez dahil pinapabayaan lamang umano nito ang kanyang ina na harap-harapang pagsalitaan si Sarah Lahbati ng masasakit na salita tulad na lamang ng ipinapalabas umano nito ngayon na mukhang pera ang aktres.

Hindi rin nagustuhan ng ilang mga netizens ang pahayahag ni Annabelle Rama kung saan sinabi pa nitong hindi pa siya maaring magsalita pero sa huli ay may pasaring ito kay Sarah Lahbati.

Hindi pa rito nagtatapos ang ngitngit ni Annabelle dahil sa kanyang Facebook post ipinahayag pa niya na isang devil woman, sinungaling at manipulative na babae si Sarah Lahbati.

Pahayag ni Vice Ganda Patungkol Sa Mga Ina May Pinaparinggan

 May banat ang Unkabogable Star na si Vice Ganda sa mga inang inaasa ang lahat ng kanilang responsibilidad sa mga anak na nagtatrabaho lalo na sa showbiz industry matapos madawit sa isyu ang kanyang ina.

Bagama't wala namang binanggit na pangalan si Vice Ganda, hinala ng maraming netizens na ang kanyang tinutukoy ay ang ina ni Andrea Brillantes na naging proud pa umano sa pagpapasa sa kanyang responsibilidad sa kanyang anak.

Matatandaan na may ilang mga fans ni Andrea Brillantes ang nagtanggol sa ina ng Kapamilya actress nang makatanggap ito ng pambabatikos dahil inaasa na lamang umano nito ang lahat ng responsibilidad sa kanyang anak na namamayagpag sa mundo ng showbiz.

Ayon sa pagtatanggol ng mga fans ni Andrea Brillantes sa kanilang mag-ina, hindi lamang si Belle Brillantes ang dapat batikusin dahil umaasa ito sa kanyang anak sa pagtataguyod ng kanilang pamilya. 

Ayon sa fan, dapat ring batikusin ang ina nina Vice Ganda, Judy Anne Santos, Kathryn Bernardo at iba pang mga artista dahil umaasa rin naman ito sa kanilang mga anak na nagtatrabaho rin sa showbiz.

Kaagad naman itong inalmahan ni Vice Ganda sa kanyang Twitter post, iginiit ni Vice Ganda na kailanman ay hindi umasa sa kanya at sa kanyang kinikita ang kanyang ina.

Ayon pa kay Vice Ganda, nagkanda-kuba ang kanyang ina sa pagtatrabaho sa Amerika bilang OFW para lamang itaguyod sila ng kanyang pamilya at kahit nakapagtrabaho na umano siya sa showbiz ay hindi pa rin ito tumitigil sa pagtatrabaho.

Proud din na ipinahayag ni Vice Ganda na hindi iresponsable ang kanyang ina at higit sa lahat hindi umano ito kumukha sa kanyang sweldo.

Ipinunto pa ni Vice Ganda na hindi karapa't dapat na ikumpara ng mga netizens ang kanyang ina sa iba pang mga ina na umaasa sa kanilang anak dahil hindi umano ganoon ang kanyang ina.

Samantala, ipinahayag naman ng ilang mga netizens na talagang nasapul sa naging pahayag ni Vice Ganda ang ina ng controversial actress ngayon na si Andrea Brillantes dahil sa pagiging proud nito na binubuhay na sila at umaasa sila sa kita ni Andrea sa showbiz at sa mga negosyo nito.

Nag-ugat ang usaping ito ng ipagtanggol ni Belle Brillantes ang kanyang anak laban sa mga bumabatikos ritong  KathNiel fans dahil sa pagkakadawit ni Andrea sa hiwalayan ng long time celebrity couple.

May mga nagtanong sa ina ni Andrea kung paano nito pinalaki ang kanyang anak na naiisyung mang-aagaw ng lalaki.

Kaagad naman itong sinagot ng ina ni Andrea Brillantes kung saan tila ipinagyabang nito ang ginawa ni Andrea sa kanilang pamilya, kabilang na ang pagpapaaral sa kanyang mga kapatid, pagpapatayo ng bahay para sa kanila at pagpupundar ng sariling negosyo.

Imbes na hangaan, napasama pa ang ina ni Andrea Brillantes sa mga fans ng KathNiel dahil binabatikos siya nito sa pagiging irresponsableng magulang dahil sa pagpasa niya sa kanyang mga responsibilidad sa kanyang anak.

Ipinunto pa ng mga fans na ang pagpapaaral, pagpapatayo ng bahay ay hindi naman responsibilidad ni Andrea Brillantes kundi nilang mga magulang nito.

Ahhhhhhhh excuse me! Never umasa sakin ang Nanay ko. Nagpakabayani sya sa ibang bansa para magkapagpadala sa amin sa Pinas at makaraos kami. May ipon ang Nanay ko. Wag mo syang isali sa kung anumang diskusyon nyo! https://t.co/CtoiuiN9ze

— jose marie viceral (@vicegandako) December 7, 2023

Eat Bulaga Hanggang Disyembre 30 Nalang

 Usap-usapan ngayon sa social media ang actor host na si Paolo Contis at ang kanyang mensahe sa kamakailang episode ng noontime show na Eat Bulaga.

Kaagad na napansin ng mga netizens na tila nag-iba umano ang ihip ng hangin ngayon kay Paolo Contis dahil tila nawala na umano ang angas nito sa pambabastos sa TVJ.

Matatandaan na isiniwalat na ng TVJ na ibinasura ang Intellectual Property Office ang inihaing appeal ng TAPE Incorporated sa desisyon na inilabas kung saan pinaburan nito ang TVJ sa kanilang desisyon kung kanino ibibigay ang trademark ng Eat Bulaga.

Base sa naunang desisyon ng IPO, kinansela nila ang trademark registration na hawak ng TAPE Inc. sa titulo ng Eat Bulaga dahil hindi nakapagbigay ng konkretong eksplenasyon kung paano nila nabuo ang titulo ng Eat Bulaga.

Pinaburan naman ng IPO ang TVJ dahil nakapagbigay sila ng paliwanag at napatunayan na si Joey De Leon talaga ang nakapag-isip ng titulo ng nasabing show.

Sa kabilang banda, tila nagbago naman ang ihip ng hangin kay Paolo Contis dahil kung anong yabang nito noon ay tila naging maamo na umano ito ngayon dahil sa hindi pagpabor sa kanila ng desisyon ng IPO.

Ayon pa sa aming nakalap na impormasyon, gagamitin na ng TVJ ang titulong Eat Bulaga sa susunod na taon kaya naman maaring magtatapos na ang Eat Bulaga sa December 30.

Samantala, hindi pa naman naglalabas ng anumang pahayag ang TAPE Inc. hinggil sa pagbasura ng IPO sa kanilang apela. Wala pa ring katiyakan sa ngayon kung rerespetuhin na ba ng TAPE Inc. ang pagbabasura sa kanilang apela hinggil sa trademark registration ng Eat Bulaga.

Kathryn Bernardo, Kinalimutan na Kaagad Si Daniel Padilla

 Nagkaroon ng idea ang mga solid fans ng aktres na si Kathryn Bernardo kung nasaan ito ngayon base sa mga larawan na ibinahagi nito sa kanyang social media accounts.

Kaagad itong nirepost ng kanyang mga fans kalakip ang kanilang pagbati para sa buong pamilya ni Kathryn Bernardo. Bagama't walang ibinunyag na lokasyon ang aktres, positibo at naniniwala ang kanyang mga fans na naroon na sa kanilang dream house ang aktres.

Makikita pa sa mga larawan ng aktres na nag-aayos sila ng mga damit na tila indikasyon umano na lumipat na ang mga ito sa kanilang panibagong tahanan.

Kabilang din sa mga ibinahaging larawan ni Kathryn Bernardo ang pagsi-celebrate nila kasama ang pamilya at mga malalapit niyang kaibigan.

Bukod pa rito, ipinasilip din ni Kathryn Bernardo sa kanyang mga fans ang hagdanan ng kanilang bagong tahanan kasamang muli ang kanyang mga kaibigan at pamilya.

Hinala ng mga fans ni Kathryn Bernardo na natapos na ang construction ng ipinapagawa niyang dream house nila ng kanyang pamilya at kakalipat pa lamang nila ngayon upang doon na isi-celebrate ang pasko at salubungin ang bagong taon.

Matatandaan na noong February 2023, pa ang huling pagbabahagi ni Kathryn ng update sa nasabing pinapagawa niyang dream house sa Rizal.

Binati pa noon ni Kathryn Bernardo ang kanyang ina dahil after 3 years of planning at after another three years of construction ay malapit na silang lumipat sa kanilang pinapangarap noon na bahay.

Samantala, kapansin-pansin rin ngayon ang tila patuloy na pagpapasilip ng aktres na si Kathryn Bernardo sa kanyang alindog sa kanyang mga social media accounts.

Malayong-malayo sa mga nakasanayan ng mga fans na balot na balot na Kathryn gayunpaman, marami pa rin ang natutuwa ngayon para sa aktres dahil tila nagiging mas malaya na ito sa paggawa ng kanyang gusto dahil wala nang pumipigil pa rito.

Marami rin ang nakapansin na nakakangiti na ngayon si Kathryn na tila ba ay unti-unti nang nakakamove on sa nangyaring hiwalayan nila ng kanyang longtime boyfriend na si Daniel Padilla.

Samantala, hanggang ngayon ay nananatiling palaisipan pa rin para sa mga netizens ang totoong dahilan ng hiwlayan nila ni Daniel Padilla. Hanggang ngayon ay hindi pa rin nila nililinaw ang isyu at kung totoo nga bang may kinalaman si Andrea Brillantes.

Gayunpaman, ang mas pinagtutuunan ngayon ng pansin ng mga netizens ay ang pagbangong muli ni Kathryn na mas matatag at mas maganda.

View this post on Instagram

A post shared by Kathryn Bernardo 🐘 (@bernardokath)

Sarah Lahbati Naglabas Ng Resibo Na Hindi Siya Umaasa Kay Richard Gutierrez Sa Pera

 Hindi na nakatiis ang batikang aktres at talent manager na si Annabelle Rama nagbigay na siya ng pahayag hinggil sa isyu ng hiwalayan ng kanyang anak na si Richard Gutierrez at asawa nitong si Sarah Lahbati.

Bagama't hindi pa nililinaw ng dalawa ang kanilang estado at kung totoo nga bang naghiwalay na sila, tila si Annabelle na mismo ang nagpahiwatig na matagal na ring hindi nagsasama ang dalawa.

Ayon sa naging pahayag ni Annabelle Rama sa isang panayam sa kanya, mahigit isang buwan na umanong nasa kanya si Richard Gutierrez. Subalit naglilipat na umano ito ng gamit sa kanyang bahay sa Alabang dahil lilipat na umano ito roon after Christmas.

Ipinahayag naman ni Annabelle Rama na hindi pa siya maaaring magbigay ng kabuuang detalye subalit ang masasabi lamang niya ay nasa kanya si Richard at wala siyang oras para kausapin si Sarah Lahbati.

Naging mainit din ang sagot ni Annabelle Rama sa isyung pagwawaldas ng pera. Ayon pa rito, habang abala sa pagtatrabaho ang kanyang anak at nagwawaldas naman ng pera ang isa.

Samantala, marami naman sa mga netizens ang hindi naniniwalang isyu sa pera ang dahilan ng paghihiwalay ng dalawa dahil hindi naman umano mahirap ang pamilya ni Sarah Lahbati.

Bukod pa rito, hindi naman nawawalan ng mga endorsements si Sarah Lahbati kaya naman may pera naman umano ito para panggastos sa kanyang mga luho.

Dahil dito, marami sa mga netizens ang naniniwalang may iba pang dahilan kung bakit naghiwalay ang mag-asawa. Hinala ng marami na ang pakikialam ni Annabelle ang dahilan kung bakit lumaki ang hindi pagkakaunawaan ng dalawa.

Kaagad naman din itong pinabulaanan ni Annabelle Rama at sinabing hindi niya gusto na maghiwalay ang dalawa dahil mahal na mahal niya ang kanyang mga apo. Ipinahayag pa niya na ang pinagmulan ng malaking gulo ay ang pagdating sa bansa ng mga magulang ni Sarah Lahbati.

Sa ngayon ay patuloy naman nananahimik si Richard Gutierrez hinggil sa isyu, hindi ito nagbibigay ng anumang reaksyon sa mga isiniwalat ng kanyang ina.

Sa kabilang banda, tila malapit na ring maubos ang pasensya ni Sarah Lahbati sa mga pasaring ni Annabelle Rama. Makikita sa kanyang mga social media post ang sunod-sunod na pagpi-flex niya sa kanyang mga achievement s a tila ba  ipinamumukha nito kay Annabelle Rama na hindi naman siya umaasa sa pera ni Richard Gutierrez.

Sa kamakailang panayam kay Sarah Lahbati, tila kinontra niya ang pahayag ni Annabelle tungkol sa pagwawaldas ng pera at ang sinabi nitong nasa puder nito ang mga anak nila ni Richard Gutierrez.

Ipinahayag ni Sarah Lahbati na noon pa man ay hands-on na siya sa pag-aalaga sa kanyang mga anak at kahit ngayong nagbalik na siya sa showbiz ay hindi naman niya pinapabayaan ang mga ito.

Maging ang mga magulang ni Sarah Lahbati ay nagpapahayag na rin ng banat kay Annabelle Rama dahil sa hayagan na nitong pambabatikos at pambabanat sa kanila.

View this post on Instagram

A post shared by SLG (@sarahlahbati)

Sarah Lahbati Tinawag Na Devil Woman ni Annabelle Rama

 Tila may nakawalang dragon na natutulog sa kweba sa bahay nina Annabelle Rama. Naging sunod-sunod na ang kanyang mga pasaring at mga banat kina Sarah Lahbati at sa pamilya nito.

Matatandaan na tila bumwelta ang mga magulang ni Sarah Lahbati kay Annabelle Rama kung saan ipinahayag ng mga ito sa kanilang social media post na tila isang aso si Annabelle na tahol ng tahol sa pagbabahagi sa pinagdadaanang isyu ng mag-asawa.

Hindi naman nagpapigil si Annabelle at kaagad ring bumwelta kung saan tinawag pa niyang devil woman si Sarah Lahbati dahil sa pagiging pa-victim nito. Tinawag rin itong sinungaling ni Annabelle Rama at makamandag.

Sa kanyang Facebook post naging tahasan na ang pagpapasaring ni Annabelle Rama kay Sarah Lahbati at sa mga magulang nito.

Sa ngayon mahihinuhang lumalaki na ang gulo sa pagitan nina Annabelle Rama, Sarah Lahbati at mga magulang nito. Lumalala na rin ang kanilang mga sagutan sa social media.

May mga bumabatikos rin kay Richard Gutierrez dahil hinahayaan lamang umano nito ang kanyang ina na batikosin at paringgan ang kanyang asawa. Tila wala na rin umanong pakialam ang aktor na nagkakagulo na dahil patuloy lamang ito sa kanyang pananahimik.

Matatandaan na naunang nagbigay ng pahiwatig si Annabelle Rama na may hindi magandang nangyayari sa pamilya ng kanyang anak na si Richard Gutierrez nang ipahayag niya na wala na siyang oras na makipag-usap pa kay Sarah Lahbati.

Bukod pa rito, isiniwalat din ni Annabelle na habang subsub sa trabaho ang kanyang anak ang isa naman umano ay walang ibang ginagawa kundi ang magwaldas ng pera.

Sa kabilang banda, marami naman sa mga netizens ang humihiling na sana ay pag-ayusin na lamang ni Annabelle Rama ang mag-asawa a huwag nang sumawsaw pa para lalong magkagulo ang mga ito.

Marami rin ang nagsasabi na dapat sina Richard Gutierrez at Sarah Lahbati ang mag-usap para magkaayos sila hindi iyong nagiging sunod-sunuran sila sa kani-kanilang mga magulang.

Sa ngayon ay hindi pa rin nagbibigay ng pahayag si Richard Gutierrez hinggil sa isyu nila ni Sarah Lahbati. Maging si Sarah Lahbati ay tumatanggi rin sa mga panayam, hindi rin nito sinasagot ang mga personal na katanungan sa kanya lalo na ang relasyon nila ni Richard Gutierrez.

Hiling naman ngayon ng kanilang mga tagahanga na sana ay magkaayos na sila dahil ang mas maapektuhan nito ay walang iba kundi ang kanilang mga anak.

Sarah Lahbati Pinagtawanan Ang Mga Patutsada Ng Byenan Na Si Annabelle Rama

 

Sa kauna-unahang pagkakataon, tila nagbigay na ng reaksyon ang aktres na si Sarah Lahbati hinggil sa isyung hiwalayan nila ng kanyang mister na si Richard Gutierrez. Ito'y matapos ang pagsisiwalat ni Annabelle Rama na isa sa mga dahilan ng hindi pagkakaunawaan ng mag-asawa ay ang pagwawaldas ng pera ni Sarah.

Maging ang mga magulang ng aktres ay tila hindi na rin nakatiis sa mga pambabatikos at mga masasakit na salitang naririnig nila sa ina ni Richard Gutierrez.

Bukod sa napag-uusapang hiwalayan nina Kathryn Bernardo at Daniel Padilla, na kamakailan lamang ay kinumpirma  nila sa publiko, ilang linggo na ring pinag-uusapan ngayon sa social media ang hiwalayan ng mag-asawang sina Richard Gutierrez at Sarah Lahbati.

Bagama't hindi pa nagsasalita sina Richard Gutierrez at Sarah Lahbati, tila kinumpirma naman na ito ng ina ng aktor na si Annabelle Rama sa kamakailang interview niya sa ABS-CBN.

Sa nasabing panayam kay MJ Felipe hayagang inamin ni Annabelle Rama na sa kanya nakatira ngayon si Richard Gutierrez kasama ng mga anak nitong sina Zian at Kai.

Unti-unting naglilipat si Richard ng mga gamit ngayon sa bagong bahay nito sa Alabang. Ipinahayag din ni Annabelle Rama na hindi sila nagkaka-usap ngayon ni Sarah Lahbati dahil wala siyang panahon para kausapin nito.

Nagpatutsada pa si Annabelle Rama na habang subsub sa trabaho ang kanyang anak na si Richard Gutierrez ay winawaladas naman umano ni Sarah Lahbati ang perang kinikita ni Richard Gutierrez.

Samantala sa Instagram account ng aktres, makikita ang mga pinagkakaabalahan nito ngayon at ang kanyang mga solo achievement.

Ayon sa caption ni Sarah Lahbati sa kanyang Instagram post kalakip ang kanyang larawan, masaya siya ngayon sa piling ng kanyang sasakyan at sa paglalaro ng tennis.

Samantala, matapos ang naging panayam ni Annabelle Rama sa ABS-CBN marami ang nag-aakusa ngayon na kaya hindi nagiging successful ang buhay may-asawa ng kanyang mga anak ay dahil sa kanyang pakikialam.

Kaagad namang dinipenshan ni Annabelle Rama ang kanyang sarili laban sa mga pambabartikos sa kanya ng mga netizens at mga akusasyon na siya ang dahilan sa hiwalayan ng mag-asawa.

Ayon sa naging pahayag ni Annabelle Rama, na inilabas niya sa kanyang social media account, ang mga magulang umano ni Sarah Lahbati ang totoong dahilan ng hindi pagkakaunawaan nina Sarah Lahbati at kanyang anak ay ang mga magulang ni Sarah Lahbati.

Ayon kay Annabelle Rama, nagulat na lamang sila nang dumating sa bansa ang nanay at tatay. Doon na umano naganap ang malaking gulo.

Bagama't walang ipinahayag na pangalan, kaagad namang nalaman ng mga netizens na ang tinutukoy ni Annabelle ay ang mga magulang ni Sarah Lahbati.

Ipinunto pa ni Annabelle Rama sa lahat na huwag sa kanya ibagsak ang lahat ng sisi. Iginiit din ni Annabelle na walang katotohanan ang mga haka-haka na siya ang may gusto na maghiwalay ang dalawa dahil ayaw niyang mangyari ito alang-alang sa kanyang mga apo.

Samantala, nakuha naman ng showbiz reporter na si MJ Malfori na makuha ang panig ni Sarah Lahbati sa mga isyung ito sa presscon ng kanyang panibagong teleseryeng Lumuhod Ka Sa Lupa. Nang maitanong kay Sarah ang estado ng relasyon nila ng kanyang mister na si Richard Gutierrez, na kamakailan lamang nababalitang nagkahiwalay na rin.

Ipinahayag ni Sarah ang kanyang pag-iwas at tumangging sumagot sa mga personal questions na ibinabato sa kanya lalo na ang isyu nila ng kanyang asawa.

Tinawanan lang rin ni Sarah Lahbati ang katanungan patungkol sa tila pasaring sa kanya ng ina ni Richard Gutierrez.

Ayon kay Sarah Lahbati, hindi na lamang umano niya papatulan ang mga pambabanat sa kanya ng kanyang biyanan. Magpopokus na lamang umano siya ngayon sa pagmamahal sa sarili.

Bagama't nagbalik na siya sa paggawa ng mga teleserye, sinisiguro pa rin umano niya na hindi niya napapabayaan ang kanyang mga anak.

View this post on Instagram

A post shared by SLG (@sarahlahbati)

Nanay Ni Sarah Lahbati Nagsalita Na Sa Akusasyon Ni Annabelle Rama

 

Hindi na pinalagpas ng kampo ng aktres na si Sarah Lahbati ang mga pasaring ni Annabelle Rama, ina ng asawang si Richard Gutierrez.

Tila napagod na umano itong si Sarah Lahbati sa mga masasakit na salitang binibitawan ni Annabelle Rama sa kanya at sa kanyang mga magulang.

Dahil sa isyu ng paghihiwalay ngayon nina Sarah Lahbati at Richard Gutierrez nagsipaglabasan na rin ang mga isyu kung saan matagal na umanong pinagsasalitaan ng hindi maganda ni Annabelle Rama si Sarah Lahbati.

May mga usap-usapan pa na hindi naman umano tinatawag na 'Mama' ni Sarah Lahbati si Annabelle dahil ayaw ng huli.

Ayon naman sa ina ni Sarah Lahbati, naawa na siya sa kanyang anak dahil sa mga masasakit na salita at mga akusasyon na ibinabato rito ni Annabelle na wala naman umanong katotohanan.

Bukod pa rito, naghain din umano ng apela si Annabelle Rama sa korte para makuha niya ang full custody ng mga anak nina Richard Gutierrez at Sarah Lahbati. Nais umano itong makuha ni Annabelle dahil nais niya nasa kanya ang mga paborito niyang apo.

Bagama't tila dinidedma lamang ni Sarah Lahbati ang mga akusasyon sa kanya ni Annabelle Rama na may kinalaman sa pera, hindi naman nakapagtimpi ang ama ng aktres at binweltahan na rin niya ang byenan ng kanyang anak.

Tinawag ng ama ni Sarah Lahbati si Annabelle na isang asong na tahol ng tahol dahil sa patuloy na pakikialam nito sa buhay ng kanyang mga anak.

Samantala, ayon sa aming nakalap na mga impormasyon, nagsimulang magkalamat ang relasyon nina Sarah Lahbati at Annabelle Rama nang umuwi sa bansa ang mga magulang ng aktres para dito na manirahan.

Nauna namang pinaglaban ng dalawa ang kanilang pagmamahalan at pamilya subalit tila nagkalamat na rin kalaunan ang kanilang relasyon dahil sa hindi pagkakaintindihan ng kani-kanilang mga magulang.

Kaagad namang umani ng samu't-saring reaksyon mula sa mga netizens ang pakikialam ng mga magulang nina Sarah Lahbati at Richard Gutierrez sa kanilang pagsasama.

May mga netizens na nagsasabi na walang karapatan si Annabelle sa mga anak nina Sarah Lahbati at Richard Gutierrez dahil lola lamang siya at ang custody ng mga bata ay dapat nasa ina lalo pa kung below seven years old pa lamang ang mga ito.

"Lola lang siya! Si Annabel, talagang may diprensia sa isip si Annabel File ka na Sarah ng annulment para makawala ka sa gapos, hingan mo ng alimony panalo ka sa batas"

"Dapat mga magulang magayos ang pagsasama ng mga anak...mas may karapatan ang ina sa mga anak...sustento ng mga anak ang kailangan sa ama...hindi naman ikaw ang ina para kunin mo mga anak nya..."

Samantala, may mga naghinala pa na talagang si Annabelle ang gustong maghiwalay na ang mag-asawa para sumikat muli ang karera ng kanyang anak.