Ogie Diaz, Kinumpirma Ang Hiwalayan Nina Xian Lim at Kim Chiu, Isiniwalat ang Totoong Dahilan

 Ibinunyag ng showbiz insider at talent manager na si Ogie Diaz ang nakarating sa kanya na dahilan ng hiwalayan nina Xian Lim at Kim Chiu matapos ang 12 years nilang relasyon.

Sa kamakailang episode ng showbiz oriented vlog nina Ogie Diaz, isiniwalat nito ang kumpirmasyon sa bali-balitang naghiwalay na ang celebrity couple  na sina Xian Lim at Kim Chiu.

Ayon sa pagsisiwalat ni Ogie Diaz, isang kaibigan niya ang nagsabi sa kanya sa sitwasyon nina Kim Chiu. Hindi pa lamang umano ito maamin ng Kapamilya actress-host dahil hanggang ngayon ay pinoproseso pa umano ng aktres ang sarili dahil sa biglaang break up nila.

Hindi pa umano ito maamin ni Kim Chiu dahil pinoproseso pa niya ang lahat lalo na't inamin naman ni Kim Chiu noon na kapag siya ang nagmahal ay ibinubuhos niya ang lahat. Dahil ayaw umano niya na dumating ang araw na kukwestyunin siya ng lalaki o ninuman na may itotodo pa pala ang kanyang pagmamahal bakit hindi pa nito ibinigay ang lahat.

Ibinahagi ni Ogie Diaz na wala naman umanong third party sa hiwalayan nila ang naging problema lamang ay ang kawalan ng plano ni Xian Lim sa relasyon nila ni Kim. Lumalabas na wala umano sa mga priority ni Xian Lim si Kim Chiu.

Naitanong naman ni Mama Loi kung kailan pa naghiwalay ang dalawa, na kaagad namang sinagot ni Ogie Diaz na nauna lamang ng kaunti sina Kathryn Bernardo at Daniel Padilla sa mga ito dahil magdadalawang buwan pa lamang na hiwalay sina Kim Chiu at Xian Lim.

Dagdag pang pahayag ni Ogie Diaz, tila naghihintay na lamang si Kim Chiu ng proposal mula kay Xian Lim dahil 12 years na rin naman ang kanilang relasyon at nasa tamang edad na sila para magpakasal.

Ipinahayag rin ni Ogie Diaz na nagsilabasan lamang ang mga isyu ng mga babaeng nalilink kay Xian Lim nang matapos na ang hiwalayan nila ni Kim Chiu kaya naman hindi ito maituturing na third party.

Sa kabilang banda, naging malaking tulong umano para sa mga pinagdadaanan ngayon ni Kim Chiu sa hiwalayan nila ni Xian Lim ang kanyang It's Showtime family dahil sa mga pagdamay ng kanyang mga co-host. Nakakangiti rin umano sa studio si Kim dahil kabilang sa kanilang trabaho roon ang pagbibigay ng saya.

Ito rin marahil ang dahilan kung bakit naging laman ng pagbibiro ni Vice Ganda si Kim Chiu lalo na kapag napapansin ng Unkabogable Star na nagsisimula na itong maging emosyunal.

Samantala, makikita ngayon sa YouTube channel ni Xian Lim na binura na nito ang mga vlogs nila ni Kim Chiu na magkasama, isang video na lamang ang natira sa kanyang channel at dalawang shorts na hindi naman niya kasama si Kim Chiu.

Kung pagbabasehan naman ang mga nalilink ngayong babae kay Xian Lim, mahihinuhang nag-uumpisa na itong magmove on habang ang actress-host ay pinoproseso pa ang nangyari sa kanilang dalawa.

Bumuhos naman ngayon ang mga mensahe ng pagsuporta kay Kim Chiu mula sa kanyang mga fans. Naniniwala sila na malalampasan rin ni Kim Chiu ang lahat at makakatagpo rin ito ng lalaking handa siyang pakasalan at siya ang magiging una sa mga priority nito.

Gerald Anderson, Barbie Imperial Spotted Magkasama Sa Isang Event! Paano Na Si Julia Barretto?

 Trending ngayon sa ilang mga social media platforms sina Barbie Imperial at Gerald Anderson matapos kumalat ang ilang video clips kung saan makikita silang magkasama sa isang event.

Kaagad na napansin ng mga netizens ang malagkit umanong tingin ni Gerald Anderson kay Barbie Imperial dahil dito marami ang nagtag sa nobya ni Gerald Anderson na si Julia Barretto at tinanong kung hindi pa siya kinakabahan sa galawan ngayon ni Gerald.

Spotted na magkasama sina Gerald Anderson at Julia Barretto sa isang event sa Dubai kamakailan lamang. Sa video makikitang magkatabing nakaupo sina Gerald Anderson at Barbie Imperial habang nanonood ng isang sports event.

Kaagad naman itong umani ng samu't-saring komento sa mga netizens lalo pa't nakalagay sa caption kung kailangan na bang kabahan ni Julia Barretto. Marami ang nagsasabi na dapat na ngang kabahan ni Julia Barretto dahil hindi naman umano lingid sa kanyang kaalaman na sa ganitong galawan nagsisimula ang mga kababalaghan.

Nagsimula ang isyu kina Gerald Anderson at Barbie Imperial nang kumalat ang larawan nilang magkasama sa isang studio, nakadagdag pa rito ang pagsasama nilang dalawa sa Dubai para sa Shukran Festival 2023.

Marami rin ang nakapansin sa kakaibang gestures ngayon ni Gerald Anderson kay Barbie Imperial sa kanilang pagsasama ngayon lalo na sa kanilang mga live performances.

Tila malalagkit umano ang titig ngayon ni Gerald Anderson kay Barbie Imperial kaya naman marami sa mga netizens ang nagpapayo kay Julia Barretto na bantayan na nito si Gerald Anderson dahil hindi naman umano lingid sa kanyang kaalaman ang katauhan ni Gerald.

May mga nagsasabi na kung mapapabaya si Julia Barretto ay baka sila naman ni Gerald Anderson ang celebrity couple na susunod na maghihiwalay bago matapos ang kasalukuyang taon.

Matatandaan na naging sunod-sunod ang balitang paghihiwalay ng mga celebrity couple ngayong huling bahagi ng 2023 katulad na lamang nina Kathryn Bernardo at Daniel Padilla, Kim Chiu at Xian Lim, Sarah Lahbati at Richard Gutierrez, Kyline Alcantara at Mavy Legaspi, Miles Ocampo at Elijah Canlas.

Matatandaan na marami-rami na ring mga kontrobersiyang pinagdaanan si Gerald Anderson noon kabilang na ang alleged cheating niya kay Bea Alonzo. Palihim umanong nagkikita noon sina Julia Barretto at Gerald Anderson kahit hindi pa sila hiwalay ni Bea Alonzo.

Nag-umpisa ang lahat ng maging leading lady ni Gerald Anderson si Julia Barretto sa palabas na Between Maybes. Kaya naman, hindi rin masisisi nina Julia Barretto at Gerald Anderson na mag-isip ng masama sa mga kumakalat na larawan ngayon ng aktor dahil sa naging history ni Gerald Anderson sa kanyang mga co-artist.

Samantala, hindi rin maitatanggi ng maraming kababayan natin na naroon sa Dubai na nakaramdam din sila ng kilig sa mga galawan nina Barbie Imperial roon. Marami pa ang humihiling na sana ay magkaroon ng palabas ang dalawa na magkasama dahil sa hindi maitatangging chemistry nila.

Vic Sotto, Binanatan Si Paolo Contis Dahil Pakikisawsaw Sa Eat Bulaga Trademark

 Naglabas na ng banat si Vic Sotto laban sa actor-host na si Paolo Contis dahil sa umano'y pakikialam nito sa isyu sa pagitan nila at ng TAPE Inc. sa kung sino ang karapa't dapat na magmamay-ari ng titulong Eat Bulaga.

Hanggang ngayon ay tila hindi pa rin nakakamove on ang actor-host na si Paolo Contis sa pagkampi ng Intellectual Property Office sa TVJ para makuha ang trademark registration ng Eat Bulaga.

Matatandaan na kinansela ng Intellectual Property Office ang trademark registration ng TAPE Inc. sa Eat Bulaga dahil hindi sila nakapagbigay ng detalyadong paliwanag kung paano nila nabuo ang pamagat.

Kaagad namang naghain ng apela ang TAPE Incorporated para baguhin ng IPO ang nauna nilang desisyon subalit binasura naman ito kaagad. Gayunpaman, hindi pa rin tumitigil si Paolo Contis sa kanyang pambabanat sa TVJ at tila hindi pa rin nito matanggap na kailangan na nilang baguhin ang pamagat ng kanilang show.

Ilang beses na nanindigan si Paolo Contis na hindi pa umano tapos ang laban at mahaba pa ang laban sa pagitan nila at ng TVJ sa kung sino ang totoong may karapatan sa titulong Eat Bulaga. Idiniin din ni Paolo Contis na hindi pa nararapat na magsaya ang mga netizens at mga fans ng TVJ dahil maari pa rin umanong mabago ang desisyon ng Intellectual Property Office.

Sa paraan ng pagpapahayag ni Paolo Contis, mahihinuha na hindi basta-basta na susuko ang TAPE Incorporated at hanggang sa huli ay papanindigan pa rin nila na sila ang mas may karapatan sa Eat Bulaga hindi sina Tito Sotto, Vic Sotto at Joey De Leon.

Ayon pa sa ilang mga netizens sa panggagalaiti ngayon ni Paolo Contis, kung makapagreak ito ngayon ay parang may ambag naman siya sa pagbuo ng Eat Bulaga gayung ilang buwan pa lamang siyang naging host nito. Kung magsalita umano ito ay parang kasabayan siya ng TVJ sa pagiging host ng Eat Bulaga sa loob ng maraming taon.

Samantala, tila nauubos na rin ngayon ang pasensya ni Vic Sotto kaya naman nagbigay ng ito ng pahayag kung saan tila binanatan niya si Paolo Contis sa panghihimasok nito sa show.

Ayon kay Bossing Vic Sotto, may mga tao umanong maraming sinasabi na para bang may naiambag sa pinaghirapan nila para mabuo ang Eat Bulaga. Ang dami umanong sinasabi ng taong ito subalit hindi naman nakakapagbigay ng sustento sa kanyang mga anak.

Dagdag pang pasaring ni Vic Sotto kay Paolo Contis na dapat ay sustentuhan muna ni Paolo Contis ang kanyang mga anak bago sumatsat sa isyu ng Eat Bulaga trademark.

Maging ang veteran showbiz columnist na si Manay Cristy Fermin ay pumuna rin sa mga statements na binibitawan ni Paolo Contis laban sa TVJ at ang pagkuntra ni Paolo Contis sa desisyon ng Intellectual Property Office of the Philippines.

Paalala ni Cristy Fermin kay Paolo Contis na huwag na umano itong magbigay ng pahayag patungkol sa batas lalo na't nilalabag naman umano ng actor-host ang batas na nagsasabi na dapat niyang bigyan ng sustento ang kanyang mga anak.

Ayon pa kay Cristy Fermin si Paolo Contis na mismo ang nagbibigay ng mga dahilan para makatanggap siya ng mga pambabatikos mula sa mga netizens. Marami umano ang mga nagsasabi ngayon na bago makisali sa ibang isyu ay dapat unahin muna ni Paolo Contis na ayusin ang sarili niyang isyu hinggil sa pagsusustento sa kanyang mga anak.

Kim Chiu Nagulat Sa Ginawa Ni Paulo Avelino Sa Showtime

 Kumakalat ngayon sa ilang mga social media platforms ang mga larawan kung saan makikita ang aktor na si Paolo Avelino sa studio ng It's Showtime. Tila dinalaw at sinupresa umano nito ang kanyang leading lady sa Philippine adaptation ng Korean rom-com series na What's Wrong With Secretary Kim!?

Ibinahagi ang mga larawan na ito ng ilang mga madlang pipol na nakakita umano sa dalawa sa nasabing studio. Kinilig naman ang kanilang mga tagahanga dahil tila binabakuran umano nito ang kanyang leading lady.

Matatandaan na nauna nang kumalat ang isyu na tila nagkakamabutihan na umano sina Kim Chiu at Paulo Avelino mula noong nagkasama sa digital series na Linlang. May ilang mga media platforms naman na hayagan kung magtanong sa aktres kung nililigawan na ba siya ng aktor.

Ang tanging sinasagot lamang ni Kim Chiu ay si Paulo Avelino na lamang umano ang tanungin ng mga ito.

Hindi naman umano ito masama sakaling totoong nanliligaw ngayon si Paulo Avelino kay Kim Chiu dahil single naman umano ito at tila naghiwalay na rin sina Kim Chiu at Xian Lim.

Subalit may ilan naman na naniniwala na hindi makakabuti kung magiging sila kaagad ni Paulo Avelino dahil maituturing umano na totoo ang isyung si Paulo Avelino ang dahilan ng pagkakalabuan nina Kim Chiu at Xian Lim.

Bukod pa rito, hindi pa rin nililinaw ni Paulo Avelino kung ano ang estado ng relasyon nila ni Janine Gutierrez na naunang nalilink sa kanya.

Sa ngayon ay hati pa rin ang mga opinyon ng mga netizens dahil sa patuloy na pananahimik ni Kim Chiu hinggil sa estado ng relasyon nila ni Xian Lim. Ilang linggo na ring napag-uusapan sa social media ang umano'y hiwalayan nila.

Lalong umingay ang isyu ngayon ng dalawa nang pinagbubura ni Xian Lim ang mga vlogs nila ni Kim Chiu na uploaded sa kanyang YouTube Channel.

Hanggang ngayon ay hinihintay pa rin ng mga netizens ang mga opisyal na pahayag nila.

Daniel Padilla Pabagsak Na Ang Career Dahil Sa Paghihiwalay Nila Ni Kathryn Bernardo

 Marami ang natutuwa sa ibinabahaging life update ng Kapamilya actress na si Kathryn Bernardo ngayon matapos ang pagsisiwalat nila ni Daniel Padilla sa kanilang hiwalayan.

Sa ngayon ay sunod-sunod ang mga endorsements ni Kathryn Bernardo na naging daan na rin umano para madali itong makakagmove on sa hiwalayan nila ni Daniel Padilla dahil nababaling ang atensyon ng aktres sa kanyang mga photoshoot at hindi na nito naiisip pa ang mga pinagdaanan nila noon ni Daniel Padilla na tila nasayang lang dahil sa paghihiwalay nila.

Sa kabila naman ng matagumpay na showbiz career ni Kathryn Bernardo, tila tahimik naman ngayon ang kampo ni Daniel Padilla kaya naman marami sa mga netizens kung ano ang mga pinagkakaabalahan nito ngayon.

May mga nagsasabi rin ngayon na hindi na napag-uusapan ngayon ang pangalan ni Daniel Padilla bukod sa mga usapin patungkol sa hiwalayan nila ni Kathryn Bernardo.

Mula nang kumpirmahin nina Kathryn Bernardo at Daniel Padilla ang kanilang paghihiwalay, at naglabasan ang mga isyu patungkol sa pambababae ni Daniel Padilla, tila nanabang na ang mga dating tagasuporta nito.

Inakala kasi umano ng marami na napakatinong lalaki ni Daniel Padilla dahil ipinapakita niyang conservative siya, selos at loyal na boyfriend ni Kathryn Bernardo subalit kabaliktaran pala itong lahat dahil tinatago lamang nito ang kanyang mga baho sa likod ng maimpluwensyang pamilya.

Naging usap-usapan din sa social media ang pag-atras umano ng mga brand na sana ay i-endorse ni Daniel Padilla dahil sa hiwalayan nila ni Kathryn Bernardo.

Samantala, marami naman ang nagsasabi na baka ito na umano ang magiging simula ng pagbagsak ng career ni Daniel Padilla dahil sa pagkakabuwag na rin ng tambalan nila ni Kathryn Bernardo.

Sa kabilang banda, may mga nagtatanggol naman kay Daniel Padilla kung saan ipinunto nila na magaling at talented rin naman ang aktor kaya naman makakaya rin nitong pabanguhin ang kanyang pangalan kahit hindi na niya makakasama sa proyekto si Kathryn Bernardo.

Toni at Paul, Sinasabihang Pabida Dahil Sa Pamimigay Ng Pamasko

Tumaas ang kilay ng ilang mga netizens at pinagtatawanan pa ang pa Christmas giveaway ng celebrity couple na sina Paul Soriano at Toni Gonzaga para sa ilang myembro ng media.

Sa isang Twitter nag-flex ang  isang user ng larawan ng paper bag ng giveaways at ang laman nitong grocery items tulad ng mga canned goods, pasta, pasta sauce, cookies at ilang ingredients para sa fruit salad.

Sa caption pinagtawanan ng user ang ipinamigay ni Toni Gonzaga sa press people. Bagama't hindi naman pinangalanan at ipinalabas pa na isang blind item, kapansin-pansin naman ang pangalan na nakalagay sa paper bag na Toni Talks.

Dahil dito, pinukol ng kung ano-anong panlalait sina Paul Soriano at Toni Gonzaga, tinawag silang pabida at ang style umano ng kanilang pa giveaways ay iyong parang bigay ng mga kandidato.

Sa kabilang banda may mga nagtatanggol naman kina Toni Gonzaga at Paul Soriano kung saan ipinunto nila na hindi naman makatarungan na ibash ang mag-asawa dahil nagmamagandang loob lang naman ang mga ito na mamimigay dahil panahon naman ngayon ng kapaskuhan.

Hanggang ngayon ay marami pa rin ang galit kay Toni Gonzaga dahil sa pagsuporta nilang mag-asawa sa partido ng kanilang ninong sa kasal na si President Bongbong Marcos noong 2022 National Elections.

Marami sa mga solid fans ng Kapamilya network ang tumatawag na traydor kay Toni Gonzaga dahil karamihan ng mga senatorial line up ni President Bongbing Marcos noon ay mga mambabatas na tumangging bigyan ng prangkisa ang ABS-CBN.

 

Andrea Brillantes Natakot Kay Kathryn Bernardo?

 Kaagad na ipinagtanggol ng mga netizens ang Kapamilya actress na si Gillian Vicencio matapos lumabas ang balitang sangkot siya sa hiwalayan nina Kathryn Bernardo at Daniel Padilla.

Naniniwala ang mga netizens na walang kinalaman si Gillian Vicencio sa hiwalayan ng KathNiel dahil naging maayos naman umano ang bonding ng mga ito noong nagkasama sila sa pelikulang A Very Good Girl. Maging noong pinopromote nila ang kanilang pelikula ay makikita paring nag-uusap a nagbobinding ang dalawa.

Wala ring napansing na awkwardness sa pagitan ng dalawa na sa panahong iyon ay hiwalay na pala sina Kathryn Bernardo at Daniel Padilla.

Samantala, kaagad din namang nilinaw ni Gillian Vicencio ang isyu ng pagkakalink  niya sa aktor na si Daniel Padilla kung saan iginiit niya na walang katotohanan na nagkaroon sila ng relasyon ni Daniel Padilla.

Sa kabilang banda, pilit namang kinokonek ng ilang mga netizens ang paglilinaw na ito ni Gillian Vicencio kay Andrea Brillantes na nauna nang nalilink kay Daniel Padilla.

Hanggang ngayon ay patuloy pa ring binabash ang aktres na si Andrea Brillantes dahil sa isyu ng pagiging third party sa relasyon ng KathNiel na tumagal rin sa loob ng 11 years.

Maging ang kanyang ina na si Belle Brillantes ay binabatikos na rin ngayon dahil sa pangungunsinti at sa pagpasa umano ng responsibilidad ng magulang kay Andrea Brillantes.

Subalit, sa kabila ng mga pambabatikos ay nanatiling tahimik at tikom ang bibig ni Andrea Brillantes.

Marami naman ang nagsasabi na dapat nang magsalita ngayon ni Andrea Brillantes at linawin na ang isyu dahil ang image niya lamang ang napapasama habang pinapatagal pa niya ito lalo na't may iba pang isyu na binabato sa kanya bukod sa isyung may kinalaman sa KathNiel.

Samantala, may mga nagsilabasan rin ngayong isyu na maging ang negosyo ni Andrea Brillantes ay naapektuhan na rin dahil sa kanyang mga isyu ngayon lalo na ang pagiging dahilan ng hiwalayan ng mga sikat na celebrity couple.

Alden Richards, Kathryn Bernardo Bagong Loveteam

 Tila ingat na ingat ang tinaguriang Asia's Multimedia Star na si Aldn Richards sa kanyang pagbibigay ng mga sagot sa mga katanungan patungkol sa pinag-uusapang hiwalayan sa buong mundo ng showbiz, ang hiwalayan nina Kathryn Bernardo at Daniel Padilla.

Kabilang sa mga naitanong kay Alden Richards ay kung ano ang kanyang naging initial reaction ng kumpirmahin ng sikat na celebrity couple ang kanilang paghihiwalay.

Ayon kay Alden Richards, mainit ang topic patungkol sa hiwalayan nina Daniel Padilla at Kathryn Bernardo kaya naman ayaw umano niyang maipit sa mga tagahanga ng dalawa. Ayaw rin umano ni Alden Richards na makatanggap ng pambabatikos muli.

"Medyo mainit po yung topic, baka masali po ako ulit, baka ako ulit ang mabash," saad ni Alden Richards.

Ayaw umano ni Alden Richards na makatanggap ng pambabatikos kaya naman mas mabuting manahimik na lamang umano siya at hindi na makikisali pa sa isyu.

Naitanong rin kay Alden Richards ang kanyang opinyon hinggil sa mga naglabasang request ng ilang mga tagahanga nila ni Kathryn Bernardo na sana sila nalang ang maging magkaloveteam at magkatuluyan sa huli. Hiling din ng ilang mga tagahanga nila na sana ay magkaroon pa sila muli ng maraming mga palabas at teleserye na magkasama.

Ayon naman kay Alden Richard, nirerespeto niya ang dalawa kaya naman hindi na siya magbibigay ng anumang komento ukol rito. Subalit, aabangan na lamang umano in the future kung ano ang magiging kalalabasan nito. Sa ngayon ay dapat muna umanong bigyan ng space ang dalawa.

Hindi naman maitatanggi na talagang tumatak sa mga tao ang ginawang pelikula noon nina Alden Richards at Kathryn Bernardo na Hello, Love, Goodbye noong 2019. Ang pelikula ring ito ang may hawak sa bilang highest grossing Filipino movie of all time.

Samantala, marami naman ngayon ang naku-curious kung ano ang nararamdaman ngayon ni Daniel Padilla na mismong ang mga tagahanga na nila ni Kathryn Bernardo ang humihiling na sana ay ituloy na ang dating naudlot na Hello, Love Goodbye part 2 na noon ay hinarangan umano niya.

Sa katunayan ay may pag-uusap na umano sa magkabilang kampo hinggil sa nasabing part two ng pelikula. 

Samantala, dahil sa usaping ito muling nabuhay ang matagal nang isyu noon na umano'y nai-insecure si Daniel Padilla kay Alden Richards dahil tinangkilik ng maraming manonood ang pelikula nito kasama ang kanyang girlfriend noon na si Kathryn Bernardo. Dahil dito ay hindi na umano gusto ni Daniel na magkakatrabaho muli ang dalawa.

Gayunpaman, ngayong tuluyan nang nakawala sa kanya si Kathryn Bernardo at nawalan na siya ng karapatan para kontrolin ito iniisip ng mga netizens na sa wakas ay maaring nang matuloy ang hinihiling na part 2 noon.

Vice Ganda Ipinagtanggol Si Kim Chiu Kay Xian Lim Matapos Nito Burahin Ang Vlogs Nila

 Naging makahulugan ang mensahe ng Unkabogable Star na si Vice Ganda kay Chinita Princess Kim Chiu sa kamakailang episode ng It's Showtime sa segment na Expecially For You, kung saan tila pina-realize nito sa aktres na hindi nito deserved ang mga pinagdadaanan nito ngayon dahil may mabuting puso ang aktres.

Lalong lumakas ang hinala ng mga netizens na totoong naghiwalay na rin sina Kim Chiu at Xian Lim matapos mapansin ng mga mapanuring mata ng mga netizens na binura na ni Xian Lim ang mga videos at vlog nila ni Kim Chiu na magkasama sa kanyang YouTube channel.

Tatlong video na lamang ang iniwan ng aktor sa kanyang YouTube channel at kapansin-pansin na wala ni-isa sa mga ito ay kasama niya si Kim Chiu. Nag-iwan ito ng malaking katanungan para sa mga netizens lalong-lalo na ng mga fans nilang dalawa dahil hindi naman lingid sa kaalaman ng lahat na kadalasan sa mga travel vlogs ni Xian Lim ay kasama niya si Kim Chiu.

Samantala, sa latest episode ng It's Showtime, tila pinagtanggol naman ni Vice Ganda ang kanyang malapit na kaibigan at co-host na si Kim Chiu laban sa nararamdaman nitong sakit at lungkot dahil sa ginawa ni Xian Lim na pambabalewala sa mga pinagsamahan nila noon.

Ipinahayag at tila pinayuhan ni Vice Ganda si Kim Chiu at ipinunto kung gaano kaganda ng mukha at kung gaano kabuti ng puso ni Kim Chiu kaya naman hindi ito karapa't-dapat na masaktan. 

Iginiit pa ni Vice Ganda na deserved ni Kim Chiu ang mahalin at ang lahat ng best sa mundo. Niyakap din ni Vice Ganda si Kim Chiu upang iparating sa aktres ang kanyang taos pusong pagsuporta.

Sa kabilang banda, nagtrending rin sa Twitter ang hashtag 'mahal ka namin Kim Chiu' upang ipaalam sa aktres ang pagsuporta at pagmamahal.

Tila ang pagbubura ni Xian Lim sa mga vlogs na pinagsamahan nila ni Kim Chiu ay isa na umano sa indikasyon at paraan ng pagkukumpirma ni Xian Lim sa hiwalayan nila ng aktres. Bagama't hindi nito hayagan inamin ang hiwalayan nilang dalawa ni Kim Chiu ang pagbubura ng aktor sa mga memories nila together ni Kim Chiu ay sapat na para isiping hindi na niya ito pinapahalagahan at wala na itong halaga sa kanya.

Sa ngayon ay hindi pa rin nagbibigay ng pahayag ang aktres na si Kim Chiu hinggil sa isyu ng paghihiwalay nila ni Xian Lim. Hindi rin nagbigay ng pahayag ang aktres kung nagpaalam muna si Xian Lim sa kanya bago nito binura ang kanilang mga memories together na naka-store sa YouTube channel nito.

Maging si Xian Lim ay hindi rin nagbibigay ng pahayag hinggil sa isyu at hindi rin siya nagbigay ng anumang dahilan sa kung bakit binura niya ang mga vlogs nila ni Kim Chiu.

Katulad ng sa KathNiel, sina Xian Lim at Kim Chiu ay nagsimula rin bilang mag-onscreen partner hanggang magkadevelopan at nagkaroong ng romantic relationship. Umabot rin sa labin-dalawang taon ang kanilang pagiging magjowa kung saan inakala ng lahat na mauuwi na sila sa kasalan.

Xian Lim, Kinumpirma Na Ang Hiwalayan Nila Ni Kim Chui

 Hanggang ngayon ay naghihintay pa rin ang maraming mga netizens ng kumpirmasyyon mula kina Kim Chiu at Xian Lim hinggil sa napapabalitang paghihiwalay nilang dalawa.

Ilang linggo na ring naging laman ng mga balita at usap-usapan online ang mga pagbibiro ni Vice Ganda kay Kim Chiu hinggil sa paghihiwalay at sa pagiging malungkot nito.

Bukod pa rito may mga kumakalat ring mga larawan kung saan makikitang may ibang babae na kasama si Xian Lim na kaagad namang kinilala bilang si Irish Lee isang non-showbiz girl na nagtatrabaho bilang writer ng Viva.

Makikita pa sa mga nasabing larawan na napakalapit nilang dalawa na kung titingnan ay totoong magkarelasyon.

Samantala, lalong kinakabahan ngayon ang mga KimXi fans na nagtapos na rin ang relasyon ng dalawa dahil sa kaparehong mga indikasyon sa paghihiwalay rin ng KathNiel na kamakailan lamang ay kinumpirma ng mga ito sa kanilang mga tagahanga.

Matatandaan na ilang linggo rin nauulat noon na naghiwalay na ang KathNiel dahil napansin ng mga mapanuring mata ng mga netizens na hindi na nagkakasama ang mga ito, ganundin ngayon ang KimXi, matagal na rin nang huli sila nagkasama at maging sa mga pagbabakasyon na dating magkasama sila noon ay nag-iba na ngayon.

Nakadagdag pa sa isipin ng mga fans nina Kim Chiu at Xian ang ginawa ng aktor sa kanyang Youtube vlog, kung saan pinagbubura nito ang kanyang mga naging content noon kasama ang mga naging content nila ni Kim Chiu.

Hinala ngayon ng marami na isa na itong indikasyon ng aktor sa paghihiwalay nila ni Kim Chiu. Naibahagi rin ito ng isang showbiz reporter na si MJ Felipe kung saan kapansin-pansin umano ang biglaang pagbubura ni Xian Lim sa kanyang mga Youtube vlog at maging ang mga vlog na kasama niya si Kim Chiu ay binura rin ng Kapuso Actor.

Sa ngayon ay tatlong videos na lamang ang makikita sa YouTube channel ni Xian Lim, sa tatlong ito wala ni isa ang kasama si Kim Chiu.

"LOOK: Xian Lim has deleted/removed all his videos on his YouTube channel including his vlogs with Kim Chiu. Only three videos, 2 shorts were retained. None of these retained videos had Kim Chiu in it."

Binalikan rin nito ang isyu ng hiwalayan ng dalawa na tila pilit na iniiwasan ni Kim Chiu na sagutin sa mga panayam at presscon sa mga teleseryeng kanyang pinagbibidahan.

"For the past month and weeks, Kim and Xian has been in the news rumored to have broken up. Kim has been evading these rumors and questions from the press."

"Kayo, what do you think this means?" dagdag pang tanong ni MJ Felipe.

Kalakip na post ni MJ Felipe ay ang mga screenshot kung saan makikita ngang burado na ang mga vlogs sa channel ni Xian Lim.

Narito naman ang komento ng ilang mga KimXi fans hinggil sa ginawang ito ni Xian Lim.

"O baka sasabihin na naman ng mga Bashers jan na si Kim na naman may kasalanan..Kim deserve better di niya deserve ang ganyang klaseng lalaki..At di deserve ni Kim ang saktan lang wala siyang karapatan.At kahit sinong lalaki wala kayong karapatan na saktan kaming mga babae."

"it is what it is. . .Xian (34) & Kim (33). . .i hope each can find the right person 💗, a new chapter in their lives."

"don't lose hope idol kim everything happen for a reason,life like a book,some chapters sad,some are happy,some are exciting.But if you never turn the page,you'll never know what the chapters hold.that's the cycle of life.

"kung poro masaya at walang pighati.Hindi mo ma apreciate ang buhay.kaya laban lang idol!may darating din na tao na para sayo at mamahalin ka di ka iiwan at sasaktan pa!"

Miles Ocampo, Itinapon Ang Cellphone Matapos Mag Message Si Andrea Brillantes

 Naging mainit na usapin sa social media ang panibagong tsika na isiniwalat ni Ogie Diaz sa kamakailang episode ng kanilang showbiz oriented vlog na Showbiz Update.

Ayon kay Ogie Diaz ang pangyayaring ito ay kumpirmado at totoong nangyari sa pagitan nina Andrea Brillantes at Miles Ocampo.

Isiniwalat ni Ogie Diaz ang nakarating sa kanyang balita patungkol sa pagkakalink ni Andrea Brillantes sa kanyang co-star sa teleseryeng Senior High na si Elijah Canlas.

Matatandaan na nauna nang inamin ni Elijah Canlas ang naging hiwalayan nila ng kanyang girlfriend na si Mile Ocampo, kasunod nito isiniwalat naman ni Ogie Diaz ang balitang tila nagkakamabutihan na sina Andrea Brillantes at Elijah Canlas. 

Bagama't nagmula umano ang balitang ito sa kanilang source, hindi ito kinukumpirma ni Ogie Diaz subalit nitong December 10, 2023, muling naglabas ng panibagong pahayag si Ogie Diaz patungkol sa nasabing isyu.

Mula pa rin umano ito sa kanilang reliable source subalit sa pagkakataong ito ay naninindigan na sina Ogie Diaz na may katotohanan ang chika.

Ayon sa pagsisiwalat ni Ogie Diaz, may nakarating umanong video kay Miles Ocampo kung saan makikitang nagsusubuan ng spaghetti sina Elijah Canlas at Andrea Brillantes.

Dagdag pang pagbabahagi ni Ogie Diaz, nalaman umano ni Andrea Brillantes na nakarating kay Miles Ocampo ang video nila ni Elijah Canlas kaya naman kaagad itong nagpadala ng mensahe kay Miles Ocampo at humingi ng tawad. 

Ipinahayag pa umano ni Andrea Brillantes sa kanyang mensahe kung gaano siya nahihiya kay Miles Ocampo dahil sa ganoong paraan nito nalaman ang tungkol sa relasyon nila ni Elijah. Hiniling pa umano ni Andrea Brillantes kay Miles Ocampo na mag-usap naman sila.

Isinalaysay naman ni Ogie Diaz na matapos mabasa ni Miles Ocampo ang text message sa kanya ni Andrea Brillantes ay naibato nito ang kanyang cellphone dahil sa labis na pagkainis kay Andrea.

Samantala, nang tanungin naman si Ogie Diaz kung magjowa na nga ba ngayon sina Andrea Brillantes at Elijah Canlas, sinabi ng showbiz insider na wala siya sa posisyon na magkumpirma nito dahil ang nararapat na umamin ay sina Andrea Brillantes at Elijah Canlas.

Sa kabilang banda, isiniwalat din ni Ogie Diaz na bukod kay Andrea Brillantes, nalilink rin ngayon si Elijah Canlas sa isa pa nilang co-star sa Senior High na si Daniela Stranner. Ito rin umano ang dahilan kung bakit nagkaroon ng kanya-kanyang grupo sa set ng teleseryeng Senior High.

Ayon pa umano sa source ni Ogie Diaz, marami ang naiinis kay Andrea Brillantes sa set ng Senior High. Sinabi naman ni Ogie Diaz na hindi pa naman kumpirmado ang isyu na maraming naiinis kay Andrea Brillantes sa set ng Senior High pero iyong video nila ni Elijah Canlas ay kumpirmado na.

Sagutan Nila Anabelle at Sarah Lahbati Pati Si Ruffa Gutierrez Nagparinig Na Kay Sarah

Tila lalong gumugulo ang sitwasyon ngayon sa pagitan ng pamilya Gutierez laban kay Sarah Lahbati matapos panindigan ng huli na kaya niyang tumayo sa sarili niyang mga paa kahit na walang tulong mula sa kanyang asawang si Richard Gutierrez at ng pamilya nito.

Makikita sa mga larawang ibinabahagi ngayon ni Sarah Lahbati sa kanyang social media accounts ang mga achievements niya at mga endorsements na nagpapakita lamang na hindi siya umaasa sa pera ng kanyang asawa na si Richard Gutierrez.

Samantala, nilinaw ni Sarah Lahbati ang mga statements na kumakalat ngayon sa social media patungkol sa naging pahayag umano niya sa isyung kinakaharap nila ng kanyang asawa na si Richard Gutierrez.

Pinabulaanan ni Sarah Lahbati ang kumakalat na pahayag umano kung saan sinabi niyang na-brainwashed ni Annabelle Rama si Richard Gutierrez kaya bigla na lamang itong nagbago. Nagpayo pa siya sa mga mag-aasawa pa lamang na kilalaning mabuti ang mga in-laws upang hindi matulad sa kanya.

Ayon sa paglilinaw ni Sarah Lahbati, hindi niya sinabi ang mga katagang ito.

Samantala, sa kamakailang social media post ni Annabelle Rama, lalo niyang idiniin si Sarah Lahbati at iginiit na isa itong masamang babae, manipulative at sinungaling. Tinawag rin niya ito na isa devil woman dahil sa pagpapa-victim umano nito upang makuha ang simpatya ng mga netizens.

Bukod pa rito, ipinahayag rin ni Annabelle Rama na noon pa man ay nakikita na umano niya na hindi na maganda si Sarah Lahbati kay Richard kaya naman noon pa man ay tutol na siya sa relasyon ng dalawa. Masyado din umanong maluho si Sarah Lahbati at gustong lagi silang nagtatravel ni Richard Gutierrez.

Sa ngayon ay binura na ni Annabelle Rama ang kanyang mga social media post na bumabatikos kay Sarah Lahbati subalit marami na ang mga nakakuha ng scrreenshots nito dahilan para patuloy pa rin itong kumalat sa social media.

Samantala, tila hindi naman magpapahuli ang panganay na anak ni Annabelle Rama na si Ruffa Gutierrez, kamakailan lamang ay naglabas din ito ng tila cryptic post sa kanyang social media account na hinala ng mga netizens na patama rin kay Sarah Lahbati.

Ayon sa naging cryptic post ni Sarah Lahbati, hindi naman kailangan na perpekto ang pag-ibig, dapat lamang maging totoo ito.

Napansin rin ng mga netizens na maging sina Sarah Lahbati at Ruffa Gutierrez ay hindi na rin namamataang magkasama sa ngayon gayung hindi naman lingid sa kaalaman ng lahat na malapit naman sila sa isa't-isa noon.

Sa katunayan, naging malapit na rin si Sarah Lahbati sa dalawang anak ni Ruffa na sina Lorin at Venice Bektas.

Bagama't patuloy na pinagdidiinan ni Annabelle Rama na pera at ang ugali ni Sarah Lahbati ang dahilan ng hiwalayan nina Sarah at Richard, may mga naniniwalang ang totoong dahilan nito ay ang pananawsaw umano ni Annabelle.

View this post on Instagram

A post shared by SLG (@sarahlahbati)

Eat Bulaga Ng GMA Papalitan Na Ng Pamagat Suko Na Ang Tape

 Nagbigay ng saloobin ang talent manager ni Paolo Contis na si Lolit Solis hinggil sa isyung kinakaharap ngayon ng noontime show na kinabibilangan ng kanyang alaga.

Ayon kay Lolit Solis, hindi na umano magiging malaking problema kung sakaling baguhin ng TAPE Incorporated ang pamagat ng kanilang noontime show sa GMA7.

Dagdag pa ni Lolit Solis, nakakuha na rin naman ng maraming tagasubaybay ang show nina Paolo. Kaya nama hindi na umano sila maapektuhan sakaling baguhin na lamang ang pamagat ng kanilang show.

Bukod pa rito, ipinunto rin ni Lolit Solis na kahit sino pa ang papalit bilang host ng Eat Bulaga, palaging sina Tito Sotto, Vic Sotto at Joey De Leon pa rin ang iisiping totoong host nito.

Kaya naman mas maigi na rin umano na baguhin na lamang ng TAPE Inc. ang pamagat ng kanilang show para maihiwalay na rin sa pangalan ng TVJ.

Natutuwa rin si Lolit Solis dahil may mataas na following na rin ang show nina Paolo Contis ngayon sa kabila ng pag-alis ng TVJ. Sakaling mabibigyan umano ito ng panibagong pangalan ngayon tiyak pa rin na may manonood sa kanilang show.

Hiniling din ni Lolit Solis na huwag nang gawing malaking isyu ang pagpapalit ng titulo ng show nina Paolo Contis dahil naging healthy naman umano para sa mga manonood na may pagpipilian na silang tatlong noontime show.

Matatandaan na naglabas na kamakailan ng desisyon ang Intellectual Property Office hinggil sa inilalabang trademark case ng TVJ sa TAPE Inc. Mas pinaburan ng IPO ang TVJ dahil sa pagbibigay umano nila ng konkretong  paliwanag sa kung paano nila nabuo ang pamagat ng Eat Bulaga.

Kaagad namang naghain ng appeal ang TAPE Inc., subalit kaagad lamang itong binasura ng Intellectual Property Office ng bansa.

Sa ngayon, usap-usapan na hanggang December 30, na lamang maaring gamitin ng TAPE Incorporated ang pamagat na Eat Bulaga sa kanilang show dahil kung magmamatigas pa sila ay maari na silang kasuhang ng TVJ ng Copyright Infringement.

Samantala, narito naman ang ilang pananaw ng mga netizens hinggil sa nasabing isyu.

"Isa lang ang sigurado bagsak ang show nila once pinalitan na ng title kc karamihan lalu na sa visayas at mindanao nanonood sila ng tapebulaga kc nga eatbulaga ang title, kaya pgpinalitan ang title sigurado mauubos ang mga natitira nilang viewers. ngayon about sa bagong host kahit sino pa ilagay jan ganun at ganun parin ang resulta walang mgbabago bagsak prin. prang show ni lucky manzano nung nawala ang showtime since bago ang show anong nangyre walay diba."

"tapusiN na yan peke tape Tama lang yan tapusis tape kawa kawa si lang"

View this post on Instagram

A post shared by Lolit Solis Official (@akosilolitsolis)

KathNiel May Two Upcoming Projects Kahit Hiwalay Na

 Muling naging laman ng mga usap-usapan sa social media ang KathNiel loveteam nang kumalat ang mga larawan na umanong magkakasama at magkakatambal pa rin sina Daniel Padilla at Kathryn Bernardo sa mga pelikula at teleserye.

Kumakalat ngayon sa social media ang umanong mga upcoming projects ng aktor na si Daniel Padilla sa susunod na taon.

Kabilang na rito ang pagsasamahan nila ni Zanjoe Marudo na pinamagatang Nang Mapagod si Kamatayan, The Guest na pagsasamahan naman nila ni John Arcilla, After Forever na muling pagtatambalan nila ni Kathryn Bernardo, 2gether Un4ever na makakasama naman niya sina Piolo Pascual at Claudine Barretto, at ang Praybet Bejamin 3 na pagsasamahan nilang muli ni Kathryn Bernardo at Vice Ganda.

Gayunpaman, wala pa ring kumpirmasyon kung matutuloy pa ba ang mga projects na ito matapos ang hiwalayan ng dalawa na kamakailan lamang ay inamin nila sa publiko.

May ilang mga KathNiels fans naman na umaasa na magkakasama muli ang dalawa kahit sa teleserye o sa pelikula na lamang.

May mga nagsasabi naman na malabo na itong matuloy dahil makakaramdam na umano ng pagka-awkward ang dalawa dahil sa nagtapos nilang relasyon.

Sina Kathryn Bernardo at Daniel Padilla ay naging magkaloveteam sa loob ng 12 years habang naging real couple naman sila sa loob ng 11 years. Ginulat nila ang publiko nang aminin nitong November 30, 2023 ang kanilang paghihiwalay.

Hindi naman nilinaw ng dalawa ang pinag-ugatan ng kanilang gulo subalit ayon sa mga hinala ng netizens na third party ang dahilan sa katauhan ni Andrea Brillantes.

Sa ngayon ay hindi pa malinaw kung ang kanilang romantic relationship lamang ba ang nagtapos o maging ang kanilang pagiging magka-on screen partner ay nagtapos na rin.

The Voice Philippines Mapapanuod Sa Kapuso Network!

 Usap-usapan ngayon sa ilang mga online news platforms ang bali-balitang sa GMA Network na mapapanood ang The Voice Philippines.

May mga naglabasang ulat kamakailan lamang na ang isa sa mga regular na singging competition na The Voice dito sa Pilipinas ay mapapanood na sa panibagong tahanan.

Ayon sa mga nakapanood sa finale sa spin of ng The Voice, na The Voice Generation, inanunsyo umano ng isa sa mga hosts nito at leading man ng pelikulang Rewind na si Dingdong Dantes sa huling bahagi ng palabas.

Gayunpaman, hindi pa rin kumpirmado ang nasabing ulat, hindi pa naglalabas ng pahayag ang GMA hinggil rito.

Ang The Voice Philippines ay maituturing na isa sa mga top singing programs noon ng ABS-CBN para ito mawalan ng prangkisa. Naging daan ang nasabing singing competition para sa ilang mga aspiring singers na ipakita sa buong bansa ang kaniang talento.

Ang itinanghal bilang grand winner ng The Voice ay sina Mitoy Yonting at Jason Dy. Bukod sa kanilang may ilan pang singers na produkto ng The Voice na hanggang ngayon ay sumisikat parin at namamayagpag sa singing scene kabilang na sina Klarisse De Guzman, Darryl Ong, Morissette at marami pang iba.

Bukod sa mga singers, tumatak rin ang mga mentors at coaches ng The Voice na kilalang magagaling na singer sa bansa na sina Lea Salonga, Sarah Geronimo, Bamboo at Apl. de ap.

Xian Gaza Tinawag Na Biyanang Pakialamera si Annabelle Rama

 Hindi na napigilan ng social media personality na si Christian Albert Gaza mas kilala bilang Xian Gaza na tawagin ang talent manager na si Annabelle Rama na ‘biyenang pakialamera’ matapos niyang pag-usapan ang diumano’y paghihiwalay ng kanyang anak na si Richard Gutierrez at Sarah Lahbati.

Matatandaan na tila inamin na rin ni Annabelle Rama sa publiko ang hiwalayan nina Sarah Lahbati at Richard Gutierrez ng ipahayag niya sa isang panayam na wala na siyang oras para kausapin pa si Sarah Lahbati.

Bukod pa rito, isiniwalat din ni Annabelle Rama ang pagiging magastos ni Sarah Lahbati habang nakasubsob sa trabaho ang kanyang anak na si Richard Gutierrez.

Samantala, nitong December 8, ibinahagi ni Xian Gaza kung paano naging dahilan ng paghihiwalay ng ilang mag-asawa ang ilang in-laws.

Sa isang social media post, binati ni Xian Gaza ang lahat ng mga mother in-law maliban kay Annabelle Rama dahil sa pagiging pakialamera nito. Dagdag pang banat ni Xian Gaza na ang mga ganitong in-laws ang nagiging bwe-sit sa pagsasama ng mag-asawa.

Ipinunto rin ni Xian Gaza na hindi na dapat pinapakialaman pa ni Annabelle ang buhay ng kanyang anak dahil may sarili na itong pamilya.

Sinang-ayunan naman ng mga netizens ang pahayag na ito ni Xian Gaza, marami ang nagsasabi na noon pa man ay nakikialam na umano itong si Annabelle Rama sa mga buhay may-asawa ng kanyang mga anak.

May mga bumatikos naman kay Richard Gutierrez dahil pinapabayaan lamang umano nito ang kanyang ina na harap-harapang pagsalitaan si Sarah Lahbati ng masasakit na salita tulad na lamang ng ipinapalabas umano nito ngayon na mukhang pera ang aktres.

Hindi rin nagustuhan ng ilang mga netizens ang pahayahag ni Annabelle Rama kung saan sinabi pa nitong hindi pa siya maaring magsalita pero sa huli ay may pasaring ito kay Sarah Lahbati.

Hindi pa rito nagtatapos ang ngitngit ni Annabelle dahil sa kanyang Facebook post ipinahayag pa niya na isang devil woman, sinungaling at manipulative na babae si Sarah Lahbati.

Pahayag ni Vice Ganda Patungkol Sa Mga Ina May Pinaparinggan

 May banat ang Unkabogable Star na si Vice Ganda sa mga inang inaasa ang lahat ng kanilang responsibilidad sa mga anak na nagtatrabaho lalo na sa showbiz industry matapos madawit sa isyu ang kanyang ina.

Bagama't wala namang binanggit na pangalan si Vice Ganda, hinala ng maraming netizens na ang kanyang tinutukoy ay ang ina ni Andrea Brillantes na naging proud pa umano sa pagpapasa sa kanyang responsibilidad sa kanyang anak.

Matatandaan na may ilang mga fans ni Andrea Brillantes ang nagtanggol sa ina ng Kapamilya actress nang makatanggap ito ng pambabatikos dahil inaasa na lamang umano nito ang lahat ng responsibilidad sa kanyang anak na namamayagpag sa mundo ng showbiz.

Ayon sa pagtatanggol ng mga fans ni Andrea Brillantes sa kanilang mag-ina, hindi lamang si Belle Brillantes ang dapat batikusin dahil umaasa ito sa kanyang anak sa pagtataguyod ng kanilang pamilya. 

Ayon sa fan, dapat ring batikusin ang ina nina Vice Ganda, Judy Anne Santos, Kathryn Bernardo at iba pang mga artista dahil umaasa rin naman ito sa kanilang mga anak na nagtatrabaho rin sa showbiz.

Kaagad naman itong inalmahan ni Vice Ganda sa kanyang Twitter post, iginiit ni Vice Ganda na kailanman ay hindi umasa sa kanya at sa kanyang kinikita ang kanyang ina.

Ayon pa kay Vice Ganda, nagkanda-kuba ang kanyang ina sa pagtatrabaho sa Amerika bilang OFW para lamang itaguyod sila ng kanyang pamilya at kahit nakapagtrabaho na umano siya sa showbiz ay hindi pa rin ito tumitigil sa pagtatrabaho.

Proud din na ipinahayag ni Vice Ganda na hindi iresponsable ang kanyang ina at higit sa lahat hindi umano ito kumukha sa kanyang sweldo.

Ipinunto pa ni Vice Ganda na hindi karapa't dapat na ikumpara ng mga netizens ang kanyang ina sa iba pang mga ina na umaasa sa kanilang anak dahil hindi umano ganoon ang kanyang ina.

Samantala, ipinahayag naman ng ilang mga netizens na talagang nasapul sa naging pahayag ni Vice Ganda ang ina ng controversial actress ngayon na si Andrea Brillantes dahil sa pagiging proud nito na binubuhay na sila at umaasa sila sa kita ni Andrea sa showbiz at sa mga negosyo nito.

Nag-ugat ang usaping ito ng ipagtanggol ni Belle Brillantes ang kanyang anak laban sa mga bumabatikos ritong  KathNiel fans dahil sa pagkakadawit ni Andrea sa hiwalayan ng long time celebrity couple.

May mga nagtanong sa ina ni Andrea kung paano nito pinalaki ang kanyang anak na naiisyung mang-aagaw ng lalaki.

Kaagad naman itong sinagot ng ina ni Andrea Brillantes kung saan tila ipinagyabang nito ang ginawa ni Andrea sa kanilang pamilya, kabilang na ang pagpapaaral sa kanyang mga kapatid, pagpapatayo ng bahay para sa kanila at pagpupundar ng sariling negosyo.

Imbes na hangaan, napasama pa ang ina ni Andrea Brillantes sa mga fans ng KathNiel dahil binabatikos siya nito sa pagiging irresponsableng magulang dahil sa pagpasa niya sa kanyang mga responsibilidad sa kanyang anak.

Ipinunto pa ng mga fans na ang pagpapaaral, pagpapatayo ng bahay ay hindi naman responsibilidad ni Andrea Brillantes kundi nilang mga magulang nito.

Ahhhhhhhh excuse me! Never umasa sakin ang Nanay ko. Nagpakabayani sya sa ibang bansa para magkapagpadala sa amin sa Pinas at makaraos kami. May ipon ang Nanay ko. Wag mo syang isali sa kung anumang diskusyon nyo! https://t.co/CtoiuiN9ze

— jose marie viceral (@vicegandako) December 7, 2023