Buong Detalye Sa Balitang Nagtalo Sina Vic Sotto at Joey De Leon Dahil Sa Pagkalugi Ng Eat Bulaga

 

Hindi napigilan ng dating senador na si Tito Sotto na maglabas ng pahayag laban sa mga taong ipinapalabas na nalulugi na ang kanilang show na Eat Bulaga at malapit na ring matigil sa pag-ere sa telebisyon.

Sa segment ng Eat Bulaga na Gimme 5 nitong martes April 16, 2024, gigil na binanatan ni Tito Sotto ang mga nagpapakalat ng mga bali-balitang nalulugi na sila at magwawakas na rin ang kanilang noontime show.

Matatandaan na na nag-ugat ang bali-balitang nalulugi na ang Eat Bulaga matapos lumabas sa isang entertainment news sites ang balitang nagkaroon ng mainit na pagtatalo sina Vic Sotto at Joey De Leon dahil sa problema sa pera.

Ayon sa kanila, hindi maiiwasan na magkaroon ng hindi pagkakaintindihan patungkol sa finances dahil nag-aadjust pa umano ang TVJ bilang panibagong producer ng Eat Bulaga lalo na sa pamamahala ng mga finances ng show.

Ayon pa sa naglabasang mga ulat, nagiging mainitin umano ng ulo ngayon si Joey De Leon dahil mas nasasanay umano ito na tumanggap ng pera kaysa sa maglabas ng pera mula sa sariling kaban.

Bagama't hindi naman maitatanggi na mayroong maraming commercial load ang Eat Bulaga tila hindi umano ito ramdam ng production dahil sa dami rin ng kanilang mga gastusin.

Kasunod nito, kumalat naman ang mga balitang nagpatawag ng isang emergency meeting ang TVJ at media quest para tugunan ang negative earning ng show ilang buwan na ang nakakalipas.

Dahil sa mga usap-usapang ito, hindi na napigilan ni Tito Sotto na magbigay ng pahayag upang tugunan na ang isyu.

Para patunayan na hindi sila nalulugi, handa umano si Tito Sotto na ipakita ang kanilang file income tax sa media mula sa BIR.

Sa huli ay pinayuhan ni Tito Sotto ang mga netizens na maging mapagmatyag at paniwalaan lamang ang mga balitang may katotohanan.

Sumabat naman si Joey De Leon at binanatan ang kanilang katapat na noontime show na It's Showtime. Ipinapalabas ni Joey De Leon na ang mga host ng kanilang katapat na show ang nagpapakalat ng mga fake news patungkol sa kanilang show.

Sinabi pa ni Joey De Leon na wala pang napapatunayan ang It's Showtime hindi katulad nila na napasama na sa top 5 longest running show sa buong mundo.

Hinamon pa niya ang mga ito na handa siyang lumuhod kung sakaling makaabot ang show ng kabila ng fifteen years.

Sa kabilang banda, marami ang nakapansin sa pananahimik ni Vic Sotto sa isang dami sa kabila ng panggagalaiti nina Joey De Leon at Tito Sotto.

@felysalvador420 TVJ sinagot na ang mga nagsasabing nalulugi at magsasara na daw ang Eat Bulaga #madiskartengnayfely #tiktokviral #tiktoktrending #tiktok #fyp #foryoupage #goodvibesonly ♬ original sound - Fely420

Sen. Bong Revilla Isinugod Sa Ospital Lani Mercado Humihingi Ng Panalangin

 Humihingi ng panalangin ang actor at Senador na si Ramong 'Bong' Revilla Jr. sa kanyang mga tagahanga matapos isugod sa hospital dahil sa injury sa paa.

Marami sa mga tagasuporta ni Sen. Bong Revilla ang nag-alala matapos kumalat sa social media ang video na ibinahagi ng senador na kinunan sa loob ng St. Lukes Medical Center nitong April 16, 2024.

Ang dahilan ng kanyang pagkaka-confine sa hospital ay ang dati pa niyang injury sa paa na tinatawag na Achilles Tendon.

Lalo umano itong lumalala dahil sa pagtakbo niya ng mabilis habang kinukunan nila ang kanyang comeback film na Alyas Pogi.

Buong pahayag ni Sen. Bong Revilla, "Hello, good evening. Guess where I am right now? I’m at the hospital. It’s a bit sad news but I am okay. Had an injury, my achilles tendon had a partial tear that's why I need to undergo an operation. We will know by tomorrow, so please pray for me." 

"First day ko ng 'Alyas Pogi' yesterday kasama ko pa si Ara Mina and Epy Quizon but you know may mga pangyayaring minsan hindi maiiwasan, mangyayari talaga 'yon. Basta importante ipagdasal niyo na hindi po grabe. Pero na-MRI na po ako kanina at sinabi nga ng doktor na bale 50% ng aking achilles ay na-tear 'yun po dahil sa pagtakbo, dahil sa sobrang bilis ko raw tumakbo," dagdag pa niya.

Kailangan na umano nitong operahan kung saan umaabot sa tatlo hanggang limang buwan ang pagpapagaling nito matapos ang operasyon.

Ayon naman sa anak nito na si Jolo Revilla na kasama niya sa hospital ay titingnan pa ng mga doktor ang resulta ng mga test na isinagawa sa kanyang ama kung handa na ba itong sumailalim sa operasyon.

Hiniling naman nito na isama sa mga pagdarasal ang tuluyang paggaling ng kanyang ama na si Sen. Bong Revilla.

Jayda Avanzado Isiniwalat Ang Pagtataray Ni Francine Diaz Sakanya Dahil Kay Andrea Brillantes!

 Isiniwalat ng singer na si Jayda Avanzado na nagkaroon sila ng hindi pagkakaunawaan noon ni Francine Diaz, kaugnay sa naging isyu noon na tinarayan siya ni Francince Diaz dahil kay Andrea Brillantes.

Ang ginawang pagtataray ni Francine Diaz sa kanyang kaibigang si Jayda Avanzado ay may kaugnayan naman sa hindi nila pagkakaunawaan noon ng kapya young star na si Andrea Brillantes.

Sa kamakailang interview kay Jayda Avanzado ni Cristy Fermin, ay prangka niyang isiniwalat ang nangyari sa pagkakaibigan nila ni Francine Diaz. Ayon kay Jayda Avanzado, nagsimula ang hindi nila pagkakaunawaan ni Francine Diaz noong nagpapicture siya kasama si Andrea Brillantes nang magkasama sila sa iisang event.

Tila hindi umano nagustuhan ni Francine Diaz na nagpapicture siya kay Andrea Brillantes. Hindi naman lingid sa kaalaman ng lahat na matagal nang nagtapos ang pagkakaibigan nina Andrea Brillantes at Francine Diaz.

Sa kabilang banda ay nanindigan naman si Jayda na wala siyang nakikitang mali sa pagpapapicture niya kasama si Andrea Brillantes dahil wala naman umano silang issue na dalawa, dahil sina Francine at Andrea ang may issue at ayaw na rin umano niyang makisalo sa kung ano mang hindi pagkakaintindihan ng dalawa.

Buong pahayag ni Jayda Avanzado,"Well totoo naman po na nagkasama kami ni Blythe sa isang party. Tsaka parang nagkataon lang din po talaga kasi host po siya ng party na yon. And nag-picture naman po talaga kami kasi maliit lang naman po yung mundo ng showbiz."

Dagdag pa ni Jayda Avanzado, "Pero ito naman po nay, siguro in respect to the events na nangyari po, sa ngayon po hindi ko na po e-elaborate lahat ng mga detalye. Pero ito na lang po sasabihin ko, yung picture namin ni Blythe, I would really just say na importante po sakin na nakikisama po ako sa lahat ng tao sa industriya."

Hindi naman lingid sa kaalaman ng lahat na bukod kay Francine Diaz ay hindi rin nagustuhan ng tagahanga ng aktres ang picture nina Jayda at Andrea Brillantes.

Marami sa mga fans ni Francine Diaz ay bumabatikos kay Jayda. Subalit, sinabi ni Jayda na kahit nakatanggap siyang ng backlash dahil sa post na iyo ay hindi na mahalaga sa kanya dahil pinalaki siya ng kanyang mga magulang na dapat i-respeto ang lahat ng tao na nakilala niya sa industriya ng showbiz.

Hindi rin naman umano tama na dededmahin niya si Andrea Brillantes gayung maayos naman umano ang trato nito sa kanya.

Iginiit pa ni Jayda na kung anuman ang isyu sa pagitan nina Francine Diaz at Andrea Brillantes ay labas na siya roon at wala rin siya karapatan na magbigay ng pahayag rito.

Sa kabilang banda, kaagad naman na naglabas ng mga komento ang mga fans ni Francine Diaz kung saan pinabulaanan nila ang isyung tinarayan ni Francine Diaz si Jayda, dahil hindi umano ito magagawa ng aktres dahil sa kabaitan nito.

Pinaghihinalaan din nila ngayon si Jayda Avanzado na for-clout lamang ang kanyang mga isiniwalat dahil may panibago itong single, kaya gumagawa ito ng isyu para mapag-usapan.

Marami Nag-Alala at Nagulat Sa Itsura Ngayon Ni Paolo Contis

Laman ng mga usap-usapan ngayon sa ilang mga social media platforms ang mga screenshots ng larawan ni Paolo Contis na kuha sa kanyang live kung saan inanyayahan niya ang mga netizens na panoodin ang kanilang pelikula, nagpasalamat din si Paolo Contis sa lahat ng mga sumusuporta sa kanilang pelikula dahilan para manguna umano sila sa Netflix Philippines.

Subalit, ang nakakuha sa attention ng mga netizens ay ang pagbabago sa hitsura ngayon ni Paolo Contis na malayong-malayo noong napabilang ito sa noontime show ng TAPE Incorporated na Eat Bulaga, kalaunan ay naging Tahananang Pinakamasaya.

Marami sa mga netizens ang tila nababahala ngayon sa hitsura ni Paolo Contis dahil tila tumanda umao ang aktor ng ilang taon gayung higit isang buwan pa lamang nang mapatigil sa pag-ere ang pinangungunahan nitong noontime show ng TAPE Inc. sa GMA7.

Komento pa ng ilang mga netizens na tila natuyot na umano ngayon si Paolo Contis at biglang nangayayat.

Sa kabila ng nakakabahalang kalagayan ngayon ng pangangatawan ni Paolo Contis may ilang mga netizens parin ang nambabatikos rito.

Tinawag nilang senior citizen si Paolo Contis at naghahanda na umanong magpasustento sa kanyang mga anak. Hinala pa ng marami na may ginawang kalokohan si Paolo Contis ngayon dahilan para bumagsak ang kanyang timbang at manuyot ang kanyang mga balat.

Samantala, hinala ng marami na may pinagdadaanan ngayon si Paolo Contis katulad na lamang ng pagkaramdam umano nito ng guilt o may iniisip umano ngayon ang aktor.

Sa kabila naman ng mga natatanggap na pambabatikos sa aktor, marami naman ang humanga sa ipinakita nitong acting skills sa pelikulang A Journey kung saan kasama niya sina Kaye Abad at Patrick Garcia. Karapat-dapat lamang talaga na manguna umano ang kanilang pelikula sa Netflix dahil sa ipinakita nilang talento.

Bea Alonzo Ginalingan Sumayaw Ng Dancing Queen Kinavouge Nga Ba Si Julia Barretto

 Ikinabigla ng maraming audience sa isang event nang biglang ipinakita ng award-winning actress na si Bea Alonzo ang kanyang galing sa pagsasayaw.

Hindi lamang basta sayaw ang ginawa ni Bea Alonzo dahil naging mapang-akit ang kanyang istilo ng pagsasayaw sa awiting Dancing Queen ng Abba.

Dahil sa pagsayaw na ito ni Bea Alonzo, hindi napigilan ng mga netizens na ikumpara ang kanyang ginawa sa pagsasayaw noon ni Julia Barretto sa parehong tugtugin.

Hindi rin naiwasan ng mga netizens na pagkumparahin ang style nina Julia Barretto at Bea Alonzo sa pagsasayaw  ng Dancing Queen.

Noong linggo, April 14, 2024 isang star-studded event ang dinaluhan ng mga sikat at controversial celebrities na sina Bea Alonzo, Sarah Lahbati, Kyline Alcantara at Heart Evangelista.

Makikita sa mga kumakalat na video clips na masayang nakiparty ang mga nasabing celebrities, kaya naman nang dumating ang pagkakataon na naging energetic ang tugtog ay maririnig sa crowd ang pang-uudyok nila kina Bea Alonzo, Sarah Lahbati at sa iba pa nilang kasamahan na sumayaw sa awiting Dancing Queen.

Kaagad naman itong pinagbigyan ni Sarah Lahbati at confident siyang sumayaw sa harap ng madla. Sinundan naman ito ni Kyline Alcantara na all-out rin sa pagsasayaw para mapasaya ang kanilang audience.

Tila nahihiya namang sumayaw si Heart Evangelista dahil kilala ito bilang elegante at poised, ay tumanggi sa hamon ng kanilang mga audience.

Subalit, kapansin-pansin ang paghataw ng aktres na si Bea Alonzo sa kantang Dancing Queen na labis na ikinatuwa ng kanyang mga audience.

Sa kabilang banda, hindi naman napigilan ng ilang mga netizens na pagkumparahin ang paraan ng pagsayaw nina Julia Barretto at Bea Alonzo.

Matatandaan, na nagviral din noon ang mga video ni Bea Alonzo habang sumasayaw siya ng Dancing Queen, mula noon ay palagi ng pinapasayaw ng Dancing Queen si Julia Barretto ng kanyang mga fans.

Bagama't tila nagkaayos na ang dalawa matapos ang ilang taon nang magkaroon sila ng isyu dahil kay Gerald Anderson, marami pa rin ang pilit na nagbibigay motibo sa bawat galaw ng isa't-isa, gayung tila pareho naman na silang nakapag-move on sa nangyari noon.

@yeyeh_ Iba talaga ang “ Bea Alonzo “ #beaalonzo #dancingqueen #fypシ ♬ original sound - Ms.larga

Kontrata Ng It's Showtime Sa GMA Extended Na, Serye Ng ABS-CBN Mapapanuod Sa GMA Telebabad!

 Sa gitna ng mga usap-usapan patungkol sa kung hanggang kailan lamang eere ang noontime show na It's Showtime sa GMA7, may mga naglabasan kasing mga ulat na umano'y hanggang anim na buwan lamang ang pinirmahang kontrata ng ABS-CBN at GMA7 para sa show.

Sa kabila nito, maari naman umanong makapagrenew ang It's Showtime sakaling tumaas ang kanilang ratings at malampasan ang Eat Bulaga ng TVJ na umiiere naman ngayon sa TV5 at RPTV.

Samantala, dahil naging maganda na rin naman ngayon ang nakukuhang ratings ng It's Showtime sa GMA7 ay pinag-uusapan na umano ng dalawang kampo ang pagkaka-extend sa kontrata ng It's Showtime sa GMA7.

Bukod sa It's Showtime, pinag-uusapan na rin umano ng ABS-CBN at GMA7 ang paglipat ng iba pang Kapamilya show sa nasabing network. Kabilang na sa pinag-iisipang ipalabas sa GMA7 ay ang reality show na Pinoy Big Brother.

Maging ang ilang teleserye ng ABS-CBN ay maaring ipalabas na rin umano sa GMA7.

Ayon pa sa aming nakalap na impormasyon ay hinihingi na umano ng ABS-CBN ang third slot ng GMA telebabad. Ito ang dating timeslot ng collaboration series ng ABS-CBN at GMA7 na Unbreak My Heart na kasalukuyang timeslot naman ng Asawa ng Asawa ko.

Subalit, pinag-iisipan pa umano ito ng GMA7 dahil napakarami pang nakaline up na mga teleserye mula sa GMA Entertainment TV at GMA News and Public Affairs.

Samantala, sa paglipat ng It's Showtime sa GMA7 kapansin-pansin na maging ang ibang mga afternoon program ng GMA ay nagsitaasan na rin ang ratings.

Tanong naman ngayon ng marami apektado kaya ang ratings ng mga ito sa pagdating ng It's Showtime sa network?

Gayunpaman, hindi pa rin maiiwasan na may kokontrang supporters ng Kapuso network sa hiling ng ABS-CBN na maging ang GMA Telebabad ay pasukin na rin.

Ayon sa kanila, dapat ay mas pagtuunan ng pansin ng GMA Network ang kanilang mga homegrown talents at gumawa na lamang ng mga panibagong teleserye.

Ipinunto pa ng ilan na napakaraming mga nakatambay na mga artista ngayon sa mga collaboration na naganap.

Dahil kung hindi kinupkop ng GMA ang It's Showtime ay mabibigyan sana umano ng pagkakataon at trabaho ng GMA ang mga hosts ng kanilang network.

Cristy Fermin Hindi Naniniwala Na Tatagal Ang It"s Showtime Sa GMA7 Dahil Malulugi Din Daw Ito!

 Hindi naniniwala ang kilalang showbiz columnist na si Cristy Fermin at ang co-host nito na si Wendell Alvarez na magtatagal sa main channel ng Kapuso Network ang noontime show na pinangungunahan nina Vice Ganda.

Isiniwalat nina Cristy Fermin at co-host na si Wendell Alvarez ang mga nakarating sa kanilang balita patungkol sa pagkakaroon ng short contract ng GMA Network sa It's Showtime.

Sa isang episode ng 'Showbiz Now Na!' inihayag ng co-host ni Cristy Fermin na si Wendell na tatagal lamang ng 3 hanggang 6 na buwan ang kontrata sa pagitan ng It’s Showtime at GMA dahil gustong makita ng Kapuso Network kung magiging consistent ang performance ng Kapamilya show base sa kanilang satisfactory.

Bukod pa rito, naniniwala rin si Wendell Alvarez na mismong si Vice Ganda ang susuko at hindi ito magtatagal sa GMA Network dahil sa iba't-ibang rason at kadahilanan.

Naniniwala rin umano si Wendell Alvarez na sinadya lamang ng GMA Network na pabayaan sa ngayon ang It's Showtime dahil ginusto naman umano ng mga ito na makalipat sa kanilang network, subalit kung hindi na sila masisiyahan ay tatanggalin rin nila ito.

Sa isa pang ulat na isinulat ng Entertainment writer na si Salve Asis, ibinunyag niya na may kapangyarihan umano ang GMA Network na tapusin ang kontrata sa pagitan nila at ng It’s Showtime anumang oras kung sakaling may mga nalabag na patakaran ang show.

Gayunpaman, kahit anim na buwan lamang ang kontrata ng It's Showtime sa GMA Network ay renewable naman ito kaya maari pa rin silang mag-extend sakaling magkasundo muli ang dalawang panig.

Samantala, hindi naman matatanggi na itinuring na napakalaking tagumpay ang pilot episode ng It’s Showtime sa GMA Network dahil nalampasan nito ang ratings ng Eat Bulaga sa TV5 pagdating sa social media viewership at advertisement.

Naniniwala rin ang mga eksperto na hindi aalisin ng GMA Network ang It’s Showtime dahil ito lang ang tamang katapat ng Eat Bulaga lalo na ngayong nagdesisyon din ang television host na si Willie Revillame na sumali sa TV5.

Vice Ganda Bumanat Sa TVJ Dahil Sa Panggagaya Sa Kanilang Segments Na Expecially for You!

 Hindi napigilan ng ilang mga netizens ang pagkadismaya sa Eat Bulaga na pinangungunahan nina Tito Sotto, Vic Sotto at Joey De Leon dahil sa tila panggagaya umano ng mga ito sa isang segment ng It's Showtime na Expecially For You.

Lalo pang uminit ang pagbabangayan ngayon ng mga tagasuporta ng dalawang magkatapat na noontime shows ang It's Showtime na pinangungunahan ni Vice Ganda at ng Eat Bulaga na pinangungunahan naman ng TVJ.

Bagama't nanahimik naman sa ngayon ang hosts ng dalawang noontime show, ang kani-kanilang mga tagahanga naman ang nagbabangayan sa social media.

Marami sa mga tagahanga ng It's Showtime ang nadismaya sa Eat Bulaga sa inilabas nilang panibagong segment na That's My Boyfriend dahil nakitaan ito ng similarities sa pinag-uusapang segment ng It's Showtime na Expecially For You.

Kaagad na napataas ang kilay ng maraming mga netizens nang mapansin nila sa unang araw ng pag-ere ng That's My Boyfriend dahil sa hindi maitatangging pagkakatulad nito sa Expecially For You ng It's Showtime.

Ang Expecially For You ng It's Showtime ay ang segment kung saan pagtatagpuin ang mga dating magkarelasyon para tulungan ang isa sa kanila na makatagpo muli ng panibagong pag-ibig.

Samantala, ang segment naman ng Eat Bulaga na That's My Boyfriend naman ay isang segment kung saan kilalanin ng mga legit dabarkads kung 'in a relationship' ba ang kanilang contestant at aalamin ang kanilang kwento at talento.

Bwelta pa ng maraming mga Eat Bulaga fans na kung panonoorin ang segment na That's My Boyfriend ng Eat Bulaga at malayong-malayo naman umano ito sa Expecially For You ng It's Showtime.

Iginiit pa nila na kailanman ay hindi nanggaya ang Eat Bulaga dahil hindi na nila kailanagan pangmanggaya dahil may napatunayan na rin sa larangan ang kanilang show bilang longest running TV show.

Samantala, marami ang naghinala na may ibang pakahulugan si Vice Ganda sa kanyang buradong tweet patungkol sa mga walang originality na hinala ng marami na parinig nito sa Eat Bulaga kahit pa wala naman siyang pangalan na binanggit.

Pokwang, Hihingi Pa Rin Ng Sustento Mula Kay Lee: 'Karapatan ng Anak ko yan'

 Ibinahagi ng komedyante-TV host na si Pokwang ang kanyang reaksyon sa pagkakadeport ng kanyang dating partner na si Lee O’Brian.

Noong April 11, ipina-deport si Lee O'Brian ng Bureau of Immigration (BI) matapos tanggihan ang kanyang motion for reconsideration sa reklamong inihain ni Pokwang.

Matatandaan na noong nakaraang taon, hiniling ni Pokwang sa gobyerno na i-deport si Lee O'Brian dahil ito ay nagtatrabaho sa bansa nang walang kaukulang dokumento.

Sa panayam ng 24 Oras, nagpahayag ng kaginhawaan si Pokwang matapos tuluyang umalis ng Pilipinas si Lee – na diumano’y nakikipag-date sa ibang babae.

“Meron tayong batas na sinusunod, syempre nagkaroon tayo ng paglabag sa batas so kailangan nating sundin kung ano yung mga parusa. Kasi tayo nga sa ibang bansa ‘yung mga OFW natin sumunod,” pahayag ni Pokwang.

Naninindigan din si Pokwang at sinabing sa kabila ng utos ng deportation, hihilingin pa rin niya kay Lee O'Brian na bigyan ng sustento ang kanilang anak na si Malia.

Iginiit din ni Pokwang na karapatan ng kanyang anak ang kanyang ipinaglalaban dito dahil obligasyon naman ng isang magulang sa suportahan ang kanyang anak.

“Kailangan ‘yon, bilang magulang kailangan nating suportahan… Hindi naman ginusto ng bata na isilang siya, so may responsibilidad po tayo sa mga anak natin lalo na sa ganyang edad. Bilang ama, responsibilidad niya rin ‘yon. Karapatan ng bata ‘yon,” pagdidiin ni Pokwang.

Nilinaw naman ni Pokwang na pumapayag pa rin siyang makita ni Lee O'Brian si Malia kung tatanungin siya ng kanyang anak, sa kabila ng pagbabawal sa American actor na bumisita sa Pilipinas dahil sa pagkakasama nito sa immigration blacklist.

Sa ngayon ay hindi pa nagbibigay ng pahayag si Lee O'Brian patungkol sa pagkakadeport sa kanya.

Katotohanan Sa Pag-Amin Ni Annabelle Rama sa Relasyon Nina Barbie Imperial at Richard Gutierrez

 Binalaan ni Ruffa Gutierrez ang kanyang mga fans tungkol sa pekeng quote na kumakalat sa social media na kinasangkutan ng kanyang ina na si Annabelle Rama.

Ang post ay in-upload ng isang Facebook page na kilala sa pag-post ng mga pekeng pahayag mula sa mga celebrity.

Sa nasabing mga post, pinalabas ng gumawa ng page na si Annabelle Rama ay umamin na magkasama ang anak na si Richard Gutierrez at aktres na si Barbie Imperial noong Holy Week.

Ang isa pang post ay patungkol naman sa isang pekeng quote tungkol sa pagpuna ni Annabelle Rama sa pagkain ni Sarah Lahbati kasama ang kanyang kaibigan sa Hong Kong.

Sa kanyang pahayag, sinabi ni Ruffa na may 'peace' sa pagitan ng dalawang pamilya sa ngayon at hiniling sa mga netizen na itigil na ang pagpapakalat ng mga pekeng pahayag sa social media.

Marami naman sa mga fans ni Ruffa Gutierrez ang humiling na dapat nitong panagutin ang mga taong nagpapakalat ng mga maling impormasyon patungkol sa kanilang pamilya.

Matatandaang nagkaroon ng parinigan sa social media, sa pagitan nina Annabelle Rama at Sarah Lahbati, ngunit hindi direktang binanggit ng dalawa ang isa't isa.

Ang nasabing mga post ay parehong deleted na ngayon sa Facebook page ni Annabelle Rama.

Maging ang pamilya ni Sarah Lahbati ay nagbabahagi rin ng mga misteryosong post na ispekulasyon ng ilang netizens bilang mensahe ng pamilya Lahbati laban kay Annabelle Rama.

Sa ngayon ay patuloy naman nananahimik si Richard Gutierrez sa mga kinasasangkutang isyu ng kanyang pamilya at sa hiwalayan nila ni Sarah Lahbati.

No. 1 Na! It's Showtime Patuloy Ang Pagtaas Ng Ratings!

 Nakapagtala ang Family Feud ng Kapuso Primetime King na si Dingdong Dantes ng pinakamataas na ratings sa afternoon slot nitong Lunes, April 8, 2024.

Sa araw na iyon, ipinalabas  ng Family Feud ang paglalaro ng It's Showtime hosts dito minarkahan ng Family Feud ang mataas nilang ratings na umabot sa 10.7% habang ang katapat nito ay nakakuha lamang ng 0.3% ratings.

Ang teleserye naman na pinagbibidahan ng Kapuso actress na si Jillian na Abot Kamay na Pangarap na dating nangunguna sa rating sa afternoon slot ng GMA ay nakakuha naman ng 10.6% ratings na kadikit lamang sa Family Feud.

Samantala, napanatili naman ng It's Showtime ang kanilang ratings bilang nangungunang noontime show dahil nitong April 8, ay nakakuha ng 8.6% aggregated ratings ang  It's Showtime kasama na ang nakuha nilang ratings sa GTV at A2Z.

Ang nakuhang ratings ng It's Showtime sa GMA7 palamang ay 5.9% na samantalang, ang Eat Bulaga sa TVJ ay nakakuha naman ng 4.3% combined ratings ang Eat Bulaga mula sa dalawang channel na TV5 at RPTV.

Inaasahan naman ng maraming mga madlang pipol na magtuloy-tuloy na ang mataas na ratings ng It's Showtime sa Eat Bulaga lalo na ngayong nakalipat na sila sa panibagong tahanan na mayroong malawak na reach at malakas na signal.

Sa kabilang banda, marami naman sa mga Eat Bulaga fans ang naniniwala na tumaas lamang ang ratings ngayon ng It's Showtime dahil naku-curious pa ang mga tao sa kanilang show at sa mga Kapuso artists na magiging guest rito.

Ayon pa sa ilang mga fans na katulad lamang ito sa nangyari noon sa Eat Bulaga ng TAPE Inc. na naging Tahanang Pinakamasaya kalaunan dahil nakuha ng TVJ ang pamagat na Eat Bulaga kalaunan.

Alden Richards Dumalo Sa Multi Million House Blessing Ni Kathryn Bernardo!

Naganap na kagabi ang inaabangang house blessings para sa multi million na dream house ng Kapamilya actress na si Kathryn Bernardo para sa kanyang pamilya sa Antipolo Rizal.

Kabilang sa mga dumalo sa blessing ng bagong bahay ng Kapamilya star na si Kathryn Bernardo ay ang Kapuso star na si Alden Richards.

Samantala, kumakalat ngayon sa mga social media account ang mga larawan at video clips na nagmula sa isang Instagram account na dedicated kina Kathryn Bernardo at Alden Richards na siyang unang nag-post sa IG story nito ng ilang mga kuha ng snaps ng mga dumalo sa event.

Bukod kay Alden Richards, present sa event ang iba pang mga celebrity tulad nina Chie Filomeno, Dimples Romana at Gelli de Belen.

Makikita naman na talagang nag-enjoy si Kathryn Bernardo sa naganap na party dahil makikita itong masaya na nakikipagsayaw at inuman sa kanyang mga bisita.

Hindi naman lingid sa kaalaman ng lahat na marami sa mga fans nina Kathryn Bernardo at Alden Richards ang umaasa na magkakamabutihan na ang dalawa dahil sa pagiging sweet ng mga ito sa nakaraang 2nd birthday celebration ni Kathryn Bernardo.

Maging sa nakaraang birthday party ni Kathryn Bernardo sa El Nido, Palawan ay naroon din si Alden Richards para makisaya kasama ang iba pang mga kaibigan ng aktres.

Samantala, marami naman ang kinilig sa naging sagot ni Alden Richards sa kamakailang panayam sa kanya kung ano ang totoong estado ng relasyon ni Kathryn Bernardo.

Ayon kay Alden Richards, kung ano man ang nakikita ngayon ng mga netizens sa kanila ay iyon na ang totoong namamagitan sa kanila.

Naniniwala din si Alden Richards na hindi nararapat na ipamalita ang kung anong relasyon nila dahil personal na nilang buhay iyon.

Buong pahayag ni Alden Richards, "What you see is what you get. Hindi lang din talaga kailangan lagi ipamalita sa social media 'yung mga ganiyan. You know, sometimes 'yung mga personal things that's happening, better be personal na lang."

Isiniwalat din ni Alden Richards na magmula noong naging magkatambal sila ni Kathryn Bernardo sa matagumpay nilang pelikula na Hello Love Goodbye ay hindi na nawala ang kanilang pagkakaibigan.

Vice Ganda Pinaringgan Si Carmina Villaroel Dahil Sa Ginawa Kay Darren Espanto

 Talagang hindi magpapakabog ang kilalang Unkabogable Star na si Vice Ganda sa mga bumabatikos sa kanya at maging sa mga kasamahan niya sa It's Showtime.

Kamakailan lamang ay nagbigay ng malaman na pahayag si Vice Ganda nang ipakanta niya kina Darren Espanto at Kyline Alcantara ang kantang 'We Are Family'.

Marami sa mga netizens ang naghinala na parinig ito ni Vice Ganda sa ina ng babaeng iniuugnay kay Darren Espanto na si Cassy Legaspi at sa dating boyfriend ni Kyline Alcantara na walang iba kundi si Carmina Villaroel.

Kamakailan lamang ay ipin-lex ni Carmina Villaroel ang kanyang pamilya. Sa caption ng kanyang post, may nakasulat rin doong 'We Are Family'.

Kung pagbabasehan naman ang mga naging ugnayan nina Kyline Alcantara at Darren Espanto ay muntikan na rin naman silang mapabilang sa sinasabing family ni Carmina Villaroel.

Sa kabilang banda, tila binasag naman ni Darren Espanto ang bubbles ng ilang mga netizens at fans na naniniwalang naging sila ni Cassy Legaspi dahil hayagan niyang inanunsyo on live television na hindi naman naging sila ni Cassy Legaspi at hanggang magkaibigan lamang umano silang dalawa.

Marami man ang hindi naniniwala sa pagsisiwalat na ito ng singer-host dahil kung pagbabasehan ang kanilang mga palitan ng mensahe noon ni Cassy Legaspi at ang mga panahon na nakikita silang magkasama ay tiyak na makikitang higit pa sa magkaibigan ang kanilang naging ugnayan.

Subalit, malaking insulto umano ito kay Cassy Legaspi dahil sa lantarang pagdeny ni Darren Espanto sa kanya.

Hinala naman ng ilang mga netizens na may alam si Vice Ganda sa real score nina Darren Espanto at Cassy Legaspi kaya naman nakakapagbitaw ito ng ganoong klaseng biro, hindi rin naman kasi lingid sa kaalaman ng lahat na talagang hindi tumitiklop si Vice Ganda kapag tila nadedehado na ang kanyang mga kasamahan at kaibigan.

Cathy Garcia-Sampana, Nilinaw Ang Isyung Pagpigil Ni Daniel Padilla kay Kathryn Bernardo

 Nagbigay na ng pahayag ang kilalang Direktor na si Direk Cathy Garcia-Sampana patungkol sa matagal nang bulung-bulungan na totoong dahilan ng hindi pagkakatuloy sa part 2 ng highest grossing film ng Pilipinas sa loob ng maraming taon na Hello, Love, Goodbye.

Sa kamakailang panayam kay Derik Cathy Garcia-Sampana, hayagang naitanong sa kanyang ang hindi pagkakaroon ng part 2 ng hit movie na Hello, Love, Goodbye na pinagbibidahan  nina Kathryn Bernardo at Alden Richards.

Hayagan ring naitanong sa Direktor kung may katotohanan nga ba ang mga bali-balita noon na kaya hindi matulu-tuloy ang part two ng pelikulang Hello, Love, Goodbye ay dahil sa hindi pagpayag ng aktor na si Daniel Padilla na dating ka-loveteam at boyfriend ng aktres dahil nagseselos ito sa leading man na si Daniel Padilla.

Kaagad naman itong nilinaw ni Direk Cathy Garcia-Sampana at inihayag ang totoong dahilan kung bakit hindi natuloy ang part two ng Hello, Love, Goodbye.

Ayon kay Direk Cathy, totoong may mga usapan na noon na gawang ng sequel ang Hello, Love, Goodbye.

Hindi umano ito natuloy dahil sa maraming mga bagay, hindi naman umano si Daniel Padilla ang dahilan ng hindi pagkakatuloy ng pelikula.

Kabilang na umano sa naging dahilan ay ang paglaganap ng pandemya at marami pang iba.

Iginiit naman ni Direk Cathy Garcia-Sampana na hindi naman maaring pigilan ni Daniel Padilla si Kathryn Bernardo sa paggawa ng pelikula dahil may sariling isip naman umano si Kathryn Bernardo.

Matatandaan na naging laman ng usap-usapan noon sa social media ang isyung pinipigilan ni Daniel Padilla si Kathryn Bernardo na makipag-partner sa ibang mga artista dahil sa pagiging conservative nito. Subalit, naniniwala ang ilang mga fans na insecure lamang umano si Daniel Padilla kay Alden Richards kaya pinigil nito si Kathryn.

Gayunpaman sa pagbibigay ng pahayag ni Direk Cathy Garcia-Sampana, hiling ng maraming mga fans na sana ay tigilan na ng mga bashers si Daniel Padilla.

Lee O'Brian, Tuluyan Nang Pinaalis Sa Bansa

 Matapos ang ilang buwan, sa wakas ay natuloy na ang pagpapaalis sa Pilipinas sa dating kinakasama ni Pokwang na si Lee O'Brian.

Noong Aprl 8, 2024, tuluyan nang naipa-deport ng Bureau of Immigration si Lee O'Brian.

Nitong hwebes, April 11 inilabas ng Bureau of Immigration ang balitang tuluyan nang sumakay ng eroplano si Lee O'Brian palabas ng bansa.

Naglabas ng official statement ang nasabing ahensya kalakip ang larawan ni Lee O'Brian na papasakay na sa eroplano papuntang San Francisco, California.

Si Lee O'Brian ang dating kinakasama ng komedyanteng si Pokwang. Kung saan nagkaroon sila ng isang anak na babae na si Malia O'Brian.

Matapos ang masalimoot na hiwalayan nina Pokwang at Lee O'Brian, inilabas lahat ng komedyante ang mga itinatagong baho ni Lee O'Brian kabilang na ang hindi pagkakaroon ng proper papers para manatili sa Pilipinas.

Bukod pa rito, isiniwalat din ni Pokwang ang hindi pagsusustento ni Lee O'Brian sa kanilang anak kahit pa nagsasama sila sa iisang bubong.

Naghain ng deportation case si Pokwang laban kay Lee O'Brian dahil nagtatrabaho umano ito sa bansa sa kahit wala namang VISA.

Sa kabilang banda, kinumpirma ni Bureau of Immigration Commissioner Norman Tansingco na tuluyan nang na-deport si Lee O'Brian noong pang April 8, 2024, matapos makumpirmang wala itong kinakaharap na ibang kaso sa bansa.

Ayon naman sa inilabas napahayag ng Bureau of Immigration, inilahad nilang kailanman ay hindi na maaring makabalik sa Pilipinas si Lee O'Brian.

"The Bureau of Immigration (BI) has successfully deported American national Lee O’Brian.

"It can be recalled that last year, Filipino comedian Marietta Subong, more popularly known as Pokwang, filed a deportation case against her ex-partner for working without proper permits.

"In her complaint, Subong claimed that O’Brian rendered work in different production companies without securing required Department of Labor and Employment and BI permits.

"The BI found merit in the said complaint and ordered O’Brian deported in December for violation of the conditions of his stay. O’Brian filed for a motion for reconsideration, which was eventually denied.

"BI Commissioner Norman Tansingco said that O’Brian was deported evening of April 8 on board a Philippine Airlines flight to San Francisco after the BI confirmed that he has no pending local case in the Philippines.

"As a consequence of his deportation, his name has been included in the BI’s blacklist, barring any future attempts to re-enter the country," buong pahayag ng Bureau of Immigration.

Alden Richards, Nagsalita Tungkol Sa Relasyon Nila Ni Kathryn Bernardo

 Nag bigay na ang Asia's Multimedia Star at Kapuso star na si Alden Richards patungkol sa tunay na estado ng relasyon nila ng Multi-awarded Kapamilya actress na si Kathryn Bernardo.

Ilang linggo na ring laman ng mga usap-usapan sa social media platforms at ilang mga entertainment news sites ang mga kumakalat na larawan nina Alden Richards at Kathryn Bernardo kung saan makikita ang mga sweet gestures ng aktor sa Kapamilya actress sa birthday celebration nito noong April 2, 2024.

Kabilang sa mga kumakalat ay ang video ng pagdating ni Alden Richards sa venue kung saan idinaos ang birthday party ni Kathryn Bernardo na inorganisa ng kanyang glam team.

Makikita sa video na may dalang malaking bouquet of Ecuadorian roses at regalo para sa aktres na si Kathryn Bernardo.

Makikita naman sa reaksyon ni Kathryn Bernardo na hindi niya inasahan ang pagdating ni Alden Richards dahil sa kanyang pagkagulat. Kaagad naman niya itong nilapitan at tinanggap ang dala nito para sa kanya.

Bukod pa rito, kumakalat rin ang video kung saam makikita ang pagseselfie nina Alden Richards at Kathryn Bernardo. Dito na napansin ng mga netizens ang closeness at sweetness ng dalawa sa harap ng mga kaibigan ng Kathryn Bernardo.

Marami naman sa mga fans ng dalawa ang kinilig at lalong sini-ship ang tambalang KathDen.

Samantala, sa isang panayam kay Alden Richards nitong April 10, 2024 sa 24 Oras, naitanong ng entertainment reporter na si Nelson Canlas sa aktor kung ano ang totoong relasyon ni Kathryn Bernardo.

Sinagot naman ito ni Alden Richards ng, 'what you see is what you gets'.

Iginiit din ni Alden Richards na hindi niya kailangang ipaliwanag ang relasyon nila ng aktres dahil kung ano ang nakikita ng iba sa kanila sa social media ay ganoon din naman sila sa personal.

Ang tanging sinigurado ni Alden Richards ay masaya siya ngayong nakikita niyang masaya si Kathryn Bernardo.

Bukod pa rito, naniniwala rin si Alden Richards na hindi na kailangang ipamalita sa social media ang nangyayari sa personal nilang mga buhay ni Kathryn Bernardo.

Sa kabilang banda, may mga fans naman na naniniwalang totoong nagkakamabutihan na ang dalawa ngayong pareho na silang single.

It's Showtime, Hanggang December 2024 Lang Sa GMA Network

 Mainit na pinag-uusapan ngayon sa ilan mga social media platforms ang isyung hanggang sa December 2024 lamang ang pag-ere ng It's Showtime sa GMA7.

Sa kamakailang episode ng programa ng kilalang showbiz insider na Cristy Fermin isiniwalat nitong hanggang sa December 2024 lamang umano ang pag-ere ng It's Showtime sa GMA7.

Ayon kay Cristy Fermin, mahigit walong buwan lamang ang ibinigay ng GMA7 sa It's Showtime. Bukod pa rito, maari rin umanong basta na lamang na i-terminate ng GMA7 ang kanilang kontrata sa It's Showtime sakaling may nalabag ito sa mga kondisyon nila kagaya na lamang ng pagbibitiw ng mga malalaswang jokes.

Kailangan din umano nitong ma-maintain ang mataas na ratings ng kanilang show laban sa katapat nilang show na Eat Bulaga.

Hinala ni Cristy Fermin na kung sakaling hindi ma-maintain ng It's Showtime ang pagtaas ng kanilang ratings ay tiyak umano na tatanggalin sila sa GMA7.

Sa kabilang banda, marami naman sa mga netizens ang hindi naniniwala kay Cristy Fermin dahil hindi naman lingid sa kaalaman ng lahat na noon pa man ay ayaw na nito kay Vice Ganda.

Ilang beses na rin niya itong binanatan sa kanyang mga programa, hindi rin naman lugi si Vice Ganda dahil kaagad rin naman itong binubweltahan ni Vice Ganda.

Samantala, sa unang episode ng It's Showtime sa GMA7 ay pinatunayan nilang kaya nilang pataobin ang hinirang bilang longest running noontime show na Eat Bulaga ng TVJ.

Sa ngayon ay hindi naman umano nabo-bothered ang Eat Bulaga kahit pa mas mataas sa kanilang ratings ang nakuha ng It's Showtime, dahil expected naman umano na mas mataas talaga ito dahil sa dami ng channel kung saan ipinapalabas ang show.

Marami rin umano ang na-curious sa pagpasok ng show sa GMA7 kaya marami ang nanonood.

Bagong Kanta Ni Shaira Patama Nga Ba Sa Kanyang Mga Bashers

 Ang Queen of Bangsamoro Pop na si Shaira Moro ay naglabas ng bagong single na nagpakita ng kanyang transformation matapos siyang sumikat sa buong bansa dahil sa kanyang kantang ‘Selos’ at copyright issues.

Sa kanyang bagong kanta na pinamagatan niyang, "Selos na Yan Friend," na inilabas noong Biyernes, kapansin-pansin ang pagkuha ni Shaira Moro sa ilang mga lyrics mula sa natanggal niyang kanta na "Selos".

Hinala ng maraming mga netizens na sinadya itong gawin ni Shaira para balikan ang kanyang mga bashers, matapos kumalat ang isyung walang pahintulot na ginagamit ng kanyang team ang mga melody ng ibang mga kanta.

Highligted sa music video ng panibagong kanta ni Shaira ang kagandahan ng kanyang pinagmulang bayan, ang Cotabato City.

Ipinakita rin ni Shaira ang kanyang talento sa pagra-rap kasama ng mga lokal na artists ng Bangsamoro.

Kaagad naman itong umani ng iba't ibang reaksyon at komento mula sa netizens ang bagong kanta ni Shaira Moro.

Karamihan sa kanyang mga tagahanga ay pinuri ang kanyang bagong single, habang ang iba naman ay nagpahayag ng pagdududa patungkol sa originality ng kanta.

Sinubukan pa umanong imbestigahan ng ilang netizens kung kinopya muli ang kanyang bagong kanta mula sa mga artista mula sa ibang bansa.

Matatandaan na umani ng batikos si Shaira sa social media matapos mapansin ng maraming mga netizens na ang melody ng kanta niyang ‘Selos’ay malaki ang pagkakatulad sa kanyang ‘Trouble is a Friend’ ng Australian singer na si Lenka.

Bukod sa kantang selos napansin rin ng mga netizens na ang kanyang kantang "Forever Single" ay kinopya rin mula sa single ng Indonesian Band na Papinka ang kantang "Masih Mencintainya". Habang ang kantang "Babaero" ni Shaira ay kinupya rin umano sa "Lagi Shantik" ni Siti Badriah.

Dahil sa kanyang mga isyu, tinawag din siyang "Queen of Copyright" ng kanyang mga bashers.

Sa kabilang banda, ang ilan sa kanyang mga tagahanga ay naniniwala na si Shaira ay nakakatanggap ng hindi pangkaraniwang batikos mula sa pbliko dahil sa kanyang ethnicity bilang isang Moro.

Hinala pa ng marami na kung sakaling hindi siya isa Moro si Shaira ay tiyak umano na hindi niya nararanasan ang matinding pambabatikos ngayon.

Karylle Trending Ang Ginawa Sa It's Showtime Sa GMA7

 Hanggang ngayon ay mainit pa ring pinag-uusapan pa rin sa ilang mga social media platforms ang ginawang performance ng actress-TV host na si Karylle sa unang episode ng It's Showtime sa panibago nilang tahanan sa GMA Network.

Marami sa mga netizens ang pumuri kay Karylle dahil kinabog ng kanyang song and dance performance ang mga performances ng iba pang mga It's Showtime hosts.

Talagang pinaghandaan ng mga It's Showtime hosts ang performances na ipinakita nila sa mga Madlang Kapuso sa unang episode ng kanilang show noong sabado April 6, 2024.

Napakagaling umano ni Karylle kaya naman unfair para rito na ginawa lamang siyang sideline ng noontime show. Deserve rin umano ni Karylle ng mas mataas na exposure dahil mas nauna naman siya na naging host ng It's Showtime kaysa sa ilang mga host ng show.

Nagmamaktol din ng ilang mga netizens dahil hindi isinama si Karylle sa top 5 hosts ng show na nabigyan ng pagkakataon na solong makarampa sa red carpet noong contract signing ng It's Showtime  sa GMA7.

Matatandaan na isang talent ng GMA Network si Karylle kung saan sinimulan niya ang kanyang showbiz career, subalit nang may masangkot sa love triangle nina Marian Rivera at Dingdong Dantes ay napalipat siya sa ABS-CBN kung saan naging kabahagi siya ng noontime show na It's Showtime.

Hindi talaga ako maka-get over sa pa-split ni @anakarylle. Ang galing talaga!

#ShowtimeSanibPwersa #karylle #ShowtimeSaGMA pic.twitter.com/rStD0TIN6P

— BRANCE (@brancynthhere) April 6, 2024

GMA Network Hindi Nagsisi Na Kinuha Ang It's Showtime Sa Noontime Slot!

 Muling naging laman ng mga usap-usapan sa social media ang nagtapos nang noontime show na Tahanang Pinakamasaya dahil nagdedebatehan ngayon ang mga netizens patungkol sa TV ratings ng mga noontime shows.

Ayon sa ilang mga solid Kapuso fans na dapat magpasalamat ng malaki ang noontime show na It's Showtime sa GMA network dahil nakatikim sila ng mataas na ratings.

Kaagad naman itong sinagot ng mga Madlang Pipol at Kapamilya fans, na kabaliktaran umamo ang nangyari dahil ang dapat na magpasalamat ay ang GMA Network dahil kung hindi nila pinalipat sa kanilang network ang noontime show ay hindi nila matatalo ang namamayagpag na Eat Bulaga sa TV5.

Hindi rin umano sisigla ang noontime slot ng GMA7 kung hindi napunta roon ang It's Showtime at hindi sisigla muli ang kanilang timeslot kagaya na lamang sa nangyari sa napasarang Tahanang Pinakamasaya.

Ibig sabihin lamang nito, na content ang siyang dahilan kung bakit tumaas ang rating.

Sa pagtaas ng rating ng It's Showtime sa GMA network marami ang napapatanong kung bakit hindi ginawan ng paraan ng GMA7 na pataasin noon ang ratings ng Tahanang Pinakamasaya.

Iginiit pa ng maraming mga netizens na walang silbi ang mataas na reach kung pangit naman ang show at napupuno ng kontrobersiya ang kanilang mga hosts.

Sa kabilang banda, may mga nagsasabi naman na talagang nakabuti sa It's Showtime at GMA7 ang kanilang pagsasanib pwersa upang dominahin ang noontime shows.