Netizens, Nababahala Sa Relasyon Nina Bea Alonzo at Dominic Roque

 Ikinabahala ng ilang mga netizens ang kanilang mga napapansin sa relasyon nina Bea Alonzo at Dominic Roque.

Usap-usapan ngayon sa ilang mga social media platforms ang celebrity couple na sina Bea Alonzo at Dominic Roque matapos mapansin ng mga netizens na hindi na umano nagbabahagi sa kani-kanilang social media ng mga larawang magkasama.

Kung bibisitahin ang Instagram account ni Dominic Roque makikitang ang huling update niya na kasama ang fiancee na si Bea Alonzo at mga aso. 

Samantala, makikita naman sa Instagram account ng aktres na ang huling update niya kasama si Dominic Roque ay noon pang January 8, 2024 kung saan naging highlight naman nito ang pagbabakasyon nila sa Japan.

Nababahala na ang ilang mga tagahanga ng dalawa dahil bukod sa wala silang mga ibinabahaging larawan na magkasama, hindi na rin umano nila nila-like ang ilang mga updates nila sa social media.

May mga nakapansin rin umano na hindi na sinusuot ni Bea Alonzo ang engagement ring na ibinigay sa kanya ni Dominic Roque.

Hindi naman masisisi ang ilang mga netizens na mag-isip ng kung ano-ano dahil na rin sa mga nagdaang break-ups ng ilang mga celebrity couples kung saan bigla na lamang hindi nagpopost ng mga larawan sa social media nang magkasama.

Una na rito ay ang hiwalayan nina Kathryn Bernardo at Daniel Padilla, sinundang ng mag-asawang Richard Gutierrez at Sarah Lahbati. Gayundin naman ang nangyari sa hiwalayan ng longtime celebrity couple na sina Kim Chiu at Xian Lim.

Samantala, naghinala naman ang ilang mga fans nina Bea Alonzo at Dominic Roque na baka may nangyaring tampuhan sa pagitan ng dalawa na normal naman na nangyayari sa isang relasyon.

May mga nagtatanggol naman sa celebrity couple kung saan inilahad nila na baka abala lamang ang mga ito sa pag-aasikaso sa nalalapit nilang pagpapakasal.

May mga napapatanong naman kung naroon ba si Bea Alonzo sa birthday celebration ng ina ni Dominic Roque dahil wala naman silang ibinahaging larawan na magkasama noon.

Subalit, ayon sa ilang mga netizens na baka binibigyan lamang ng dalawa ng pagkakataon ang isa't-isa na makasama ang kani-kanilang mga kaibigan dahil malilimitahan na ang lahat ng ito pagkatapos ng kanilang kasal.

Sa kabilang banda, wala pa namang opisyal na pahayag na inilalabas sina Dominic Roque at Bea Alonzo hinggil sa nasabing isyu. Dalangin na lamang ng kanilang mga fans na sana ay maayos ang kanilang relasyon at totoong abala lamang sila sa ibang mga detalye sa nalalapit nilang kasal.

View this post on Instagram

A post shared by Dominic Roque (@dominicroque)

Sarah Lahbati Ipinakita Ang Pagkakaibigan Nila Ni Kathryn Bernardo at Miles Ocampo!

 Usap-usapan ngayon sa social media ang kuhang larawan kung saan magkasama sina Sarah Lahbati, Kathryn Bernardo at Mile Ocampo.

Marami sa mga fans ang nagsasabing nagkakasama sa iisang larawan at tila naging magkaibigan ang mga babaeng nahiwalay sa kanilang mga karelasyon nitong nagdaang taon.

Unang naiulat ang hiwalayan ni Miles Ocampo at Elaijah Canlas, sinundan naman ito ng balitang naghiwalay na sina Kathryn Bernardo at Daniel Padilla. Sa gitna ng mga usaping ito, umuugong na rin ang mga usap-usapang naghiwalay na rin ang mag-asawang Sarah Lahbati at Richard Gutierrez.

Sa kabila naman ng pinagdaanan nilang break up, tila nakatagpo naman sila ng kaibigan kung saan masasabihan nila sa kani-kanilang mga nararamdaman at magiging karamay dahil pare-pareho sila ng nararamdaman.

Kamakailan lamang ay ibinahagi ni Sarah Lahbati sa kanyang Instagram stories ang masayang larawan nila nina Kathryn Bernardo at Miles Ocampo. Kasama rin nila ang iba pang celebrities kabilang na sina Sofia Andres at Bea Alonzo.

Samantala, kahit hindi pa naman hayagang inamin ni Sarah Lahbati ang kanilang hiwalayan ni Richard Gutierrez, marami na ang naniniwalang positibo na ito dahil bukod sa hindi na nila pagsasama ni Richard Gutierrez, ilang beses na rin silang nagkasagutan ni Annabelle Rama.

Masaya naman ngayon ang lang mga fans nina Sarah Lahbati, Kathryn Bernardo at Miles Ocampo dahil tila masaya na ang mga ito at nakapag-move on na mula sa masalimoot na pinagdaanan sa buhay pag-ibig.

Tuloy-tuloy pa rin naman ang kanilang mga showbiz career bilang makikinang na bituin sa industriya ng showbiz. Si Miles Ocampo ay abala sa kanyang pagiging host sa Eat Bulaga at ilang mga project.

Muli na ring naging active sa showbiz si Sarah Lahbati matapos ang ilang taong pamamahinga sa showbiz mula nang maging mag-asawa sila ni Richard Gutierrez.

Habang si Kathryn Bernardo ay napapabalitang pipirma muli ng kontrata sa Star Magic at may nakalinya na ring mga projects na gagawin ngayong taon.

Tila hindi na umano iniisip ng tatlo ang kani-kanilang mga nakaraan at nagpopokus na lamang sa kanilang hinaharap kasama ang mga taong totoong nagmamahal at nagmamalasakit sa kanila.

Vice Ganda Napikon Sa Ginawa Ng Contestant Sa Its Showtime!

 Hindi naiwasan ng Unkabogable Star na si Vice Ganda sa naging contestant nila sa isang segment ng It's Showtime, ang Expecially For You.

Sa nasabing episode, ipini-feature nila ang mga magkarelasyon na nagkahiwalay na at pinag-uusap kung maari pa bang magkaroon ang mga ito ng second chance na magkabalikan o wala na talaga.

Sa kamakailang episode ng Expecially For You, labis na napikon si Vice Ganda sa ibinahaging kwento ng lalaking contestant nila patungkol sa pinagdaanang relasyon.

Sa pagkukwento ng kanilang contestant, naging struggle ang buhay nila habang magkarelasyon lalo na sa parte ng babae. Ayon sa pagkukwento ng lalaki, kung saan inamin nito ang kanyang mga pagkakamali na nagawa niya sa babae habang magkarelasyon pa sila.

Inamin ng lalaki na ginamit niya ang babae para sa sariling advantage lalo na sa pera. Isa umanong working student ang babae kaya naman sa pagitan nilang dalawa ay mas mapera ito.

Dahil dito, tila inobliga na umano niya ang kanyang girlfriend na siyang gumastos sa kanilang relasyon, pati luho ng lalaki ay ang babae na umano ang gumagastos.

Bukod pa rito, inuutangan rin umano ng lalaki ang kanyang girlfriend. Hindi rin umano nagbayad ang lalaki ng mga inutang nito noong maghiwalay na sila.

Iginiit naman ng lalaki na minahal rin naman niya ang babae habang sila pa subalit inaamin rin niyang ginamit niya ang dalaga.

Sa kabilang banda, sinabi ng babae na ang dahilan kung bakit may komunikasyon pa rin sila matapos ang kanilang hiwalayan dahil gusto niyang singilin sa lalaki ang mga utang nito.

Hindi naman napigilan ni Vice Ganda na ipinahayag ang kanyang pagkapikon sa lalaking kontestant nila dahil sa kakapalan umano ng mukha nito sa kanyang girlfriend.

Tila proud pa umano itong inamin ng lalaki na tila hindi big deal ang lahat kahit harap-harapan na niyang inamin ang pagiging manggagamit.

@pocojude

Vice Ganda at Tyang Amy, napika sa bisita ng Expecially For You, matapos nitong aminin na ginamit lang niya ang kanyang ex-girlfriend para sa materyal na pangangailangan.

♬ original sound - Jude

Kim Chiu, Inilahad Nang Hindi Siya Ipinaglaban ni Xian Lim

 Kaagad na naging laman ng mga usap-usapan sa social media ang actress-host na si Kim Chiu matapos ang kamakailang episode ng It's Showtime kung saan tila binanatan nito ang kanyang dating karelasyon na si Xian Lim.

Sa kanilang pag-uusap sa kamakailang segment ng It's Showtime na Expecially For You, bigla na lamang napahugot si Kim Chiu patungkol sa love. Ipinahayag ni Kim Chiu na kung totoong nagmamahal ang isang tao, ipaglalaban nila ito para sa kanilang relasyon.

Ipinahayag pa ni Kim Chiu, na kung totoo mong mahal ang isang tao ay ipaglalaban mo.

Ito ang naging pahayag ni Kim Chiu nang mapag-usapan nila ang love story nina Jairah at Mark. 

Tinanong pa ni Jhong Hilario si Mark kung mas nangibabaw ba rito ang sakit kaya hindi na niya binalikan si Jairah. Tanong naman ni Kim Chiu, kung kulang pa ang pagmamahal nito kay Jairah kaya hindi niya ito mabalikan.

Iginiit naman ni Mark na totoong mahal niya si Jairah, gayunpaman kaagad itong sinagot ni Kim na kung totoong mahal niya si ito ay dapat ipinaglaban niya ito ng todo.

Tila napansin naman ng iba pang mga hosts na naging seryoso na si Kim Chiu kaya naman idinaan na lamang nila sa biro ang lahat. Pabirong tanong nila kung saan nanggaling ang hugot ni Kim Chiu.

Niyakap din ni Vice Ganda si Kim Chiu na pagpapakita ng pagsuporta rito. Iniba na rin nila ang usapan pa dahil tila hindi na ito naging kumportable kay Kim Chiu.

Sa kabilang bandam patuloy namang nakakatanggap ng pambabatikos ang Kapuso aktor na si Xian Lim mula sa ilang mga netizens at mga fans ng aktres. May mga naglabasan pang mga ulat na umano'y bading si Xian Lim kaya hindi nito magawang pakasalan si Kim Chiu sa kabila ng matagal nilang relasyon na umabot na sa mahigit isang dekada.

Samantala, kung pagbabasehan naman ang naging pahayag ni Kim Chiu sa It's Showtime, hindi siya ipinaglaban ni Xian Lim kaya naman nagdalawang isip na siya kung totoong mahal nga ba siya ng aktor o hindi.

@abscbn Virtual hugs, Kim! #ABSCBN #Kapamilya #ItsShowtime ♬ original sound - ABS-CBN

Just in: Julia Barretto at Gerald Anderson, Hiwalay Na?

 Usap-usapan ngayon sa ilang mga social media ang mga haka-hakang naghiwalay na rin ang celebrity couple na sina Gerald Anderson at Julia Barretto.

Hindi naman makapaniwala ang mga fans nina Julia Barretto at Gerald Anderson sa nasabing balita dahil napakasweet pa ng dalawa noong nagdaang pasko.

Ayon sa mga kumakalat na balita, nahuli umano ni Julia Barretto na nagloloko na naman si Gerald Anderson kung saan may kasama itong ibang babae sa ibang bansa.

Sa isang Facebook post, isiniwalat ng isang netizen na namataan umano nila si Gerald Anderson na may kasamang ibang babae sa Amerika, bukod pa rito,  makikita umanong sweet sa isa't-isa ang dalawa.

Nakarating naman umano kay Julia Barretto ang nasabing balita na siyang labis na nasaktan dahil hindi pa pala nagbabago ang aktor at hanggang ngayon ay nambababae pa rin ito.

Hindi naman lingid sa kaalaman ng lahat ang lovelife history ng aktor na si Gerald Anderson, kung saan ang isa sa pinakanaging kontrobersyal ay ang relasyon nito kay Bea Alonzo.

Ayon sa naging pahayag ni Bea Alonzo noon patungkol sa nangyari sa kanila ni Gerald Anderson, bigla na lamang umano siyang hindi kinausap ng actor. Noong una ay hindi umano niya alam kung ano ang totoong nangyari.

Hindi umano naging fair sa kanya noon si Gerald Anderson dahil pinagmukha siya nitong tanga at hindi ito naging honest sa kanya na may iba na pala itong babae sa katauhan naman ni Julia Barretto.

Samantala, marami naman sa mga bashers ni Julia Barretto ang nagsasabing tila na karma na  ito dahil sa ginawa ng aktres kay Bea Alonzo at sa dating karelasyon na si Joshua Garcia.

Sa kabilang banda, kailanman ay hindi inamin ni Julia Barretto na may nasagasaan siyang relasyon noon sa pagkikipagrelasyon kay Gerald Anderson dahil naniniwala siya na matagal nang naghiwalay ang dalawa bago siya pumasok sa eksena.

Sa ngayon ay hindi pa naman nila isinasapubliko ang nangyari sa kanilang relasyon. Kasalukuyan din umanong sinusuyo ngayon ni Gerald Anderson si Julia Barretto.

Samantala, nanawagan naman ang ilang mga fans ng dalawa na huwag pangunahan sina Julia Barretto at Gerald Anderson sa pagsisiwalat sa totoong nangyari sa kanilang relasyon dahil walang ibang mas may alam sa nangyari kundi sila lamang dalawa.

Naniniwala rin ang iba pa nilang mga tagahanga na hindi pa nagkakahiwalay ang dalawa at mga maling impormasyon lamang ang mga kumakalat sa intensyong siraan ang aktor.

Hindi rin naman ito ang unang pagkakataon na naisyu ang aktor at naibalitang naghiwalay na sina Julia Barretto at Gerald Anderson.

Sharon Cuneta, Humihiling Ng Panalangin Sa Kanyang Mga Fans

 Nananawagan ngayon ng panalangan ang Mega Star na si Sharon Cuneta dahil sa mga kinakaharap niyang isyu patungkol sa kanyang kalusugan.

Naniniwala na ang Mega Star na tila hindi na umano normal ang kanyang nararamdaman at nahihirapan na siya dahil rito.

Sa isang social media post ni Sharon Cuneta, inilahad niyang gusto na niyang makipagbreak sa kanyang katawan dahil sa kanyang nararanasang hirap at sakit na nagpapaalala na umano sa kanyang edad na 58 years old.

Isa sa mga nararamdaman ngayon ni Sharon Cuneta ay ang kanyang ubo na tila inlab na inlab umano sa kanya dahil hindi na siya tinatantanan. Dagdag pa rito ang congestion na hindi rin siya iniiwan.

Inamin rin ni Sharon Cuneta na naka-schedule siyang magpa-MRI dahil sa mga nauna niyang results kung saan nakitang mayroon siyang torn ligament sa kanyang right knee at pinched nerve sa kanyang lower back.

Kinumpirma na rin umano sa kanya ng dalawang hospital ang pagkakaroon niya ng scoliosis. Nais rin umanong malaman ni Sharon Cuneta kung ano ang nangyari sa kanyang pinched nerve na tila nag-travel sa right side ng kanyang katawan o kung may iba pa siyang mga injury bukod rito.

Isiniwalat din ni Sharon Cuneta na magmula nang umuwi sila sa bakasyon nila sa Seoul noong nagdaang taon ay iika-ika na siya sa kanyang paglalakad na labis na niyang ikinabahala.

Naniniwala si Sharon Cuneta na epekto na ito ng mahulog siya noon sa kabayo noong kabataan niya, marahil ay ngayon pa lamang umano siya sinisingil ng kanyang katawan.

Humiling naman ng panalangin si Sharon Cuneta sa kanyang mga fans na sana ay isama siya sa mga dasal, na malampasan niya ang lahat ng mga iniinda niyang sakit sa kanyang pangangatawan na marahil dala na rin ng kanyang katandaan.

Narito naman ang ilang komento ng mga netizens sa ibinahaging update ni Sharon Cuneta.

"Oh,may history ka pala ng injury nong bata ka pa. Pa MRI ka na Shawie,will pray for you na maging ok result. Take care always. God bless"

"There is only one that can heal all our infirmities, that is our one and only God, our Lord Jesus Christ. He still heals our sick body and even change change our Old life to a new Creation."

View this post on Instagram

A post shared by ActorSingerPresenter (@reallysharoncuneta)

Karla Estrada Ipinaalam Na Sa Publiko Ang Tunay Na Pinagdaraanan Ngayon Ni Daniel Padilla

Hindi na napigilan ng celebrity mom na si Karla Estrada na isiwalat sa publiko ang matinding pinagdadaanan ngayon ng kanyang anak na si Daniel Padilla, matapos makatanggap ng mga pambabatikos matapos ang paghihiwalay nito sa ex-girlfriend na si Kathryn Bernardo.

Inilahad din umano ni Karla Estrada ang dahilan kung bakit tila bumagsak ngayon ang pangangatawan ni Daniel Padilla at ito ay dahil sa mga pinagdadaanan ngayon ni Daniel Padilla na mga pambabatikos mula sa mga netizens at fans ni Kathryn Bernardo.

Matatandaan na magmula ng inamin nina Daniel Padilla at Kathryn Bernardo ang kanilang hiwalayan, ibinunton na kay Daniel Padilla ang lahat ng sisi sa kabila ng hindi nila pagsisiwalat sa totoong dahilan nito.

Nauna namang iginiit ni Kathryn Bernardo sa kanyang pahayag na mutual decision nila ang kanilang paghihiwalay at nagtapos ito ng may respeto pa rin sila sa isa't-isa.

Subalit, hindi pa rin mapigilan ng mga netizens na isisi kay Daniel Padilla ang lahat. Naglabasan na rin ang mga isyu ng pagiging manloloko nito at maraming mga female personalities na idinawit sa isyu.

Wala namang nakapagkumpirma sa isyu dahil wala namang naglabasang ebedinsya at higit sa lahat pinabulaanan ito ng ilan sa mga nasangkot sa isyu.

Samantala, ikinalulungkot naman umano ito ni Karla Estrada dahil sa kabila ng kawalan ng ebidensya marami pa rin ang naniniwalang totoo ang isyu.

Naiintindihan naman umano niya na ganito talaga kapag buhay artista na kahit gaano karaming tama ang nagawa mo, maari pa ring masira ang iyong pangalan dahil lamang sa iisang pagkakamali.

Ang pinakanakakalungkot pa umano sa sitwasyon ngayon ng aktor ay ang panghuhusga ng mga netizens rito nang hindi na tinatanong kung ano ang side nito sa kwento.

May mga naniniwala naman kay Karla Estrada at nagsasabing tama naman ang nararamdaman ngayon ng ina ng aktor dahil kaagad na lamang na hinusgahan ito sa kabila ng kanyang pananahimik.

May mga nagsasabi naman na mas maganda pa rin na magmula kina Daniel Padilla at Kathryn Bernardo ang pahayag upang maging malinaw na ang isyu ng walang showbiz career na maapektuhan ngayong pareho silang nanatili sa ilalim ng Star Magic at sa Kapamilya network.

View this post on Instagram

A post shared by KARLA ESTRADA (@karlaestrada1121)

Star Magic Nagsalita Na Tungkol Sa Muling Pagpirma Ng Kontrata Ni Kathryn Bernardo

 Tinulukan na mismo ng Star Magic ang isyung tatalikuran na sila ng kanilang talent na si Kathryn Bernardo na nasa ilalim na ng kanilang pangangalaga magmula nang magsimula ito sa kanyang showbiz career ilang taon na ang nakakalipas.

Hindi naman lingid sa kaalaman ng lahat na nagsimula ng maaga ang career sa showbiz ni Kathryn Bernardo at naging matagumpay naman ito sa ilalim ng pangangalaga ng Star Magic.

Kaya naman, ikinagulat ng maraming mga netizens ang balitang aalis sa puder ng Star Magic ang aktres kung saang naging matagumpay ang kanyang career at naging daan upang makilala siya sa showbiz industry.

Naglabasn ang mga bali-balitang lilipat na ang aktres sa talent agency ng aktres na si Maja Salvador, na dati ring talent ng Star Magic. Nag-ugat ang mga bali-balitang ito nang namamataan na palaging magkasama ang dalawa.

Nauna namang pinabulaanan ng kampo ni Kathryn Bernardo ang nasabing isyu subalit, hindi pa rin naniniwala ang ilang mga netizens dahil sa pananahimik ng Star Magic hinggil sa isyung ito.

Gayunpaman, natuldukan naman ang lahat nang mismong ang Star Magic na ang nagbahagi ng larawan kung saan isiniwalat nilang muling pipirma ng kontrata sa kanilang ang aktres sa darating na February 2, 2024.

Ibinahagi ito ng Star Magic sa kanilang official social media account kung saan inilahad nilang magiging Forever Kapamilya si Kathryn Bernardo sa kabila ng mga pinagdadaanan nito at sa nangyaring hiwalayan nila ni Daniel Padilla.

"Ngayong February 2, witness Kathryn flip the page to new stellar adventures as a Kapamilya in her FOREVER KAPAMILYA contract signing," masayang pagbabahagi ng Star Magic.

Marami naman sa mga netizens at fans ni Kathryn Bernardo ang natuwa dahil sa ginawang desisyon ni Kathryn Bernardo, kung saan pinatunayan lamang umano nito kung gaano itong katapang sa pagharap sa kanyang ex-boyfriend na nananatili rin sa Star Magic.

Marami ang bumati sa pananatili ng aktres sa Star Magic at sa ABS-CBN kung saan inaabangan na rin umano nila ang mga gagawing proyekto ng aktres mapa-teleserye man o pelikula.

View this post on Instagram

A post shared by Star Magic (@starmagicphils)

Karla Estrada Nakiusap Sa Mga Netizens Na Suportahan Ang Anak Na Si Daniel Padilla

 Celebrity mom na si Karla Estrada nananawagan sa mga netizens na sana suportahan ang kanyang anak na si Daniel Padilla na iboto para manalo bilang Philippine Hottest Man of the Year ng Voter's Choice Award.

Viral at usap-usapan ngayon sa social media ang panawagan ng actress-host na si Karla Estrada para sa kanyang anak na si Daniel Padilla na sana ay suportahan ito ng mga netizens na mahirang bilang Philippine Hottest Man of the Year ng Voter's Choice Award.

Sa kanyang post, ibinahagi ni Karla Estrada ang post ng social media page kung saan ipinapakita ang mga nominado para sa nasabing award kabilang na ang kanyang anak.

Bukod kay Daniel Padilla, nominado rin sina Matteo Guidicelli, Kyle Echarri, KD Estrda, Rayver Cruz, Alden Richards, Donny Pangilinan, Ruru Madrid, David Licauco, Seth Fedelin, Joshua Garcia at iba pa.

Kasalukyan namang nangunguna si Daniel Padilla sa botohan hanggang sa kasalukuyan.

Matatandaan na kamakailan lamang ay umalis sa bansa ang aktor na si Daniel Padilla sa gitna ng mga pambabatikos na natatanggap niya dala ng hiwalayan nila ng kanyang girlfriend sa loob ng 11 years na si Daniel Padilla.

Sa kabila naman ng mga isyung binabato kay Daniel Padilla, tila nanatili naman siyang paborito ng ilang mga fans na hanggang ngayon ay naniniwala at sumusuporta pa rin sa aktor.

May mga nagsasabing fans ni Daniel Padilla na kahit napuno ito ng pamababatikos na dala ng mga isyung kinakaharap ng aktor matapos ang hiwalayan nila ni Kathryn Bernardo.

Ayon pa sa ilang mga netizens na totoo namang pogi si Daniel Padilla at deserve din nitong mabigyan ng spot bilang Philippine Hottest Man.

Hindi naman ito matanggap ng ilang mga bashers ni Daniel Padilla dahil ayon sa kanila bagama't tototoong gwapo at pogi si Daniel Padilla hindi naman maganda ang katawan nito.

May mga nagpapayo pa kay Karla Estrada na sana bago siya nanawagan ng suporta para mahirang bilang Philippine Hottest Man ang anak ay sana pinag-gym na muna niya ito upang maging karapa't-dapat na maging hottest man.

Daniel Padilla Mag-Isang Nag-Concert Sa Siargao

 Kilig na kilig ang mga fans ng aktor na si Daniel Padilla sa Siargao nang biglaang makajamming nila ang pinakapinag-uusapan ngayong aktor at pinakabinabash na rin.

May mga nagbahagi naman ng mga video kung saan makikitang kumportableng nakikipaghalubilo si Daniel Padilla sa mga locals at mga turista sa isla ng Siargao.

Walang kasamang kaibigan si Daniel Padilla sa pagpunta sa Siargao, tanging kapatid lamang nito na si Magui ang kanyang kasama. Wala ring namataan na kahit isang personal assistant.

Marami ang napapatanong kung bakit wala ni-isa sa mga kaibigan nito ang tila dumadamay rito sa gitna ng mga natatanggap nitong pambabatikos at kamakailang hiwalayan nila ni Kathryn Bernardo.

Januaey 31, 2024 nakita ng ilang mga netizens si Daniel Padilla sa airport na mukha umanong malungkot dahil nag-iisa lamang ito. Kakaiba naman ito sa paningin ng mga fans ni Daniel Padilla, dahil nasanay silang napapalibutan ang aktor ng mga body guards at mga personal assistants.

Palagi rin itong napapalibutan ng mga tagahanga subalit sa video makikita na wala namang halos na pumapansin kay Daniel Padilla. Marami ang naghinala na isa ito sa naging epekto ng hiwalayan nila ni Kathryn Bernardo at nang maglabasan ang samu't-saring isyu patungkol sa kanya.

Talagang nabahiran ang image at reputation ni Daniel Padilla na dating tinitingala ng mga kababaihan at maging nang mga kalalakihan. 

Tila nawala na umano ang kinang ngayon ng aktor at karisma sa mga tao dahil na rin sa mga naglalabasang mga video patungkol sa magaspang na pag-uugali ni Daniel Padilla sa kanyang mga fans at ang pagiging babaero nito.

Marami naman ang nakaramdam ng awa ng kay Daniel Padilla matapos mapanood ang nasabing video kung saan mag-isa lamang ito na inaayos ang gamit. Napansin naman ng mga netizens na hindi naman totally nag-iisa ang aktor dahil kasama niya roon ang kanyang kapatid na si Magui.

Sa mga kasunod na video, makikita na ang pakikipagsaya ni Daniel Padilla sa isang bar roon, uminom, kumanta at nakipag-selfie sa kanyang mga fans. Tila nagkaroon pa ito ng pa-free concert dahil talagang dinumog ng mga tao ang bar kung saan kumanta si Daniel Padilla.

May mga netizens naman na nagsasabing tila inilalabas ni Daniel Padilla sa isla ng Siargao ang mga emosyon na matagal rin niyang tinatago. Tila sinisimulan na rin umano nitong gawin ang mga bagay na totoong ninanais nito.

Samantala, kung pagbabasehan naman ang paraan ng pagtanggap kay Daniel Padilla ng mga tao sa Siargao masasabing hindi pa naman tuluyang tinalikuran ng mga tao ang aktor at marami pa ring sumusuporta rito na hindi nakikialam sa nangyaring isyu sa pagitan nila ni Kathryn Bernardo.

Sa kabilang banda, patuloy naman ang pananahimik ni Daniel Padilla sa mga isyung kinakaharap niya mula sa dahilan ng paghihiwalay nila ni Kathryn Bernardo hanggang sa kung paano niya tratuhin ang kanyang mga fans.

@singingvids6 #DanielPadilla performing in #siargao #fyp #foryou #trendingnow #viral #singing ♬ original sound - SingingVids

Angelu De Leon, May Parinig Kay Claudine Barretto

 Usap-usapan ngayon sa ilang mga social media platforms ang mga ibinahaging cryptic post ng batikang aktres na si Angelu De Leon.

Sa Instagram stories ng aktres, ibinahagi niya ang ilang mga quotes na hinala ng marami ito na ang sagot niya sa prangkang banat sa kanya ni Claudine Barretto sa kamakailang anniversary party ni Gladys Reyes.

Matatandaan na sa gitna ng kasiyahan at sa harap ng napakaraming bisita sa 20th wedding anniversary ni Gladys Reyes at 18th birthday party ng anak nito, tahasang sinabi ni Claudine Barretto na ayaw niyang makasama sa iisang proyekto.

Ito'y matapos maitanong sa kanya ni Gladys Reyes kung game ba siyang gumawa ng reunion project kasama siya at sina Juday at Angelu De Leon. Subalit, kaagad na tumanggi si Claudine at iginiit na walang Angelu sa kanilang proyekto dahil ang gusto lamang niya ay sina Juday at Gladys.

Iginiit pa ni Claudine na hindi umano niya alam kung saan nanggaling na mayroong Angelu sa kanilang reunion project.

Kaagad namang nilayo ni Gladys ang kanilang usapan at nagbiro na lamang na muli na namang nagsusuplada si Claudine Barretto dahil sa muling pagpayat nito.

Subalit, kaagad itong tinama ni Claudine kung saan inilahad niyang hindi siya suplada kundi isa siyang maldita at nagsasabi lamang umano siya ng totoo.

Ikinagulat naman ito ng maraming mga netizens at maging ng iba pang mga bisita dahil hindi naman lingid sa kaalaman nila na kabilang sa mga pumunta sa party ni Gladys si Angelu De Leon.

Ayon pa sa ilang mga netizens na hindi man lamang umano ginalang ni Claudine Barretto ang party ni Gladys Reyes dahil sa tila pambabastos nito sa isa pang kaibigan ni Gladys Reyes na imbitado rin sa nasabing pagdiriwang.

Samantala sa kamakailang episode ng Cristy Ferminute, inilahad ni Cristy Fermin na matagal nang naiimbyerna si Claudine Barretto kay Angelu De Leon dahil dalawang beses na umanong naunang nambanat si Angelu kay Claudine.

Ang una umano rito ay patungkol sa away ng mga Barretto sisters, hindi umano malaman ni Claudine kung bakit nangingialam sa isyu nilang magkakapatid si Angelu De Leon.

Bukod pa rito, nangialam din umano noon si Angelu De Leon noong magkaroon ng isyu sina Claudine Barretto at Jolina Magdangal, na hindi umano nagustuhan ni Claudine Barretto dahil hindi naman ito kasali sa kanilang isyu subalit patuloy itong nangingialam sa kanilang buhay.

Sa kabilang banda, tila nagbigay naman ng pahayag si Angelu De Leon na pinaghihinalaan ng mga netizens na sagot niya sa naging banat ni Claudine sa kanya.

Ibinahagi ni Angelu De Leon sa kanyang Instagram stories ang isang art card kung saan nakalagay ang isang qoute patungkol sa forgiveness.

@amazingjhay

Hindi ko alam na may issue pala si claudine and angelu before.

♬ original sound - Amazingjhay

Kim Chiu Nagreact Sa Balitang Bakla Si Xian Lim

 Marami ngayon ang bumabatikos sa Kapuso actor na si Xian Lim matapos mapansin ng maraming mga netizens na tila pambabae umano ang style nito sa paghahandle ng mga nagdaang isyu.

Hindi umano ito katulad sa ibang mga aktor na diretsahang sinasagot ang mga isyu na naitatanong sa mga presscon. Ang ibang mga male personalities umano ay diretsahang sinasagot ang katanungan habang ang iba naman ay nagkikibit balikat na lamang.

Ibang-iba umano ito sa ginagawa ni Xian Lim, na marami pang mga pasikot-sikot ang kanyang sagot, na tila ba iniisip umano nitong nakatutok sa kanya ang lahat ng mga mata ng netizens.

Binalikan pa ng ilang mga netizens ang isinagot ng aktor noong press conference ng pelikula nila ni Jennylyn Mercado na Love, Die, Repeat nang matanong ito patungkol sa dahilan ng paghihiwalay nila ni Kim Chiu.

Hindi ito diretsahan sinagot ng aktor at ipinahayag na lamang na lahat ng bagay ay nangyayari for a reason. Naniniwala umano ang aktor na may dahilan ang Dios sa nangyaring hiwalayan nila ni Kim Chiu.

Halata ring iniiwasan ni Xian Lim na mapunta sa hiwalayan nila ni Kim Chiu ang usapan sa presscon bilang pagrespeto na rin umano kay Jennylyn Mercado dahil tila natatabunan na ng kanyang isyu ang kanilang teleserye.

Samantala kamakailan lamang ay may mga naglabasan pang tsika na baka kaya ito hiniwalayan ni Kim Chiu dahil sa pagiging gay nito. Bukod pa rito, marami na rin umano ang nakakapansin na may kasa-kasamang lalaki ang aktor na inakala ng mga netizens na kaibigan lamang nito dahil hindi naman sila sweet at may nobya naman ang aktor.

Sa kabilang banda, naitanong  naman mismo kay Kim Chiu ng isyung may kabaklaan si Xian Lim. Natatawa namang sinagot ito ni Kim Chiu sa pamamagitan ng biro kung saan inilahad niyang sadyang may ganoong uri ng lalaki.

Billy Crawford, Nagbalik Sa It's Showtime For Good Na

 Muling nagbabalik sa It's Showtime stage ang TV-host na si Billy Crawford sa pagkakataong ito, para makipag-celebrate sa kaarawan ni Vhong Navarro.

Nakasama naman ni Billy Crawford ang iba pang myembro ng Kanto Boys na sina Luis Manzano, Joshua Garcia, at Pepe Herera  para maging representative ni John Lloyd Cruz.

Dapat ay kumpleto sana ang mga Kanto Boys subalit may hindi inaasahang pagbabago sa schedule ni John Lloyd Cruz kaya hindi ito nakapunta.

Matapos naman ang kanilang performance, inamin ni Billy Crawford na nami-miss niya ang pagpeperform sa stag ng It's Showtime at ilang taon na rin umano siyang hindi nakakapag-Billy Vhong.

Inamin rin ni Billy Crawford na labis niyang namimiss si Vhong Navarro. Binalikan pa niya ang pagsisimba nila noon ni Vhong Navarro habang nasa ibang segment ang It's Showtime at ang mga ginawa nilang magkasama noon.

Pinasalamatan din niya si Vhong Navarro sa mga experiences nilang pinagsamahan at sa masasayang araw nila sa It's Showtime. Pinasalamatan rin ni Billy Crawford sa pagiging kind at humble nito.

Hindi naman ito ang unang pagkakataon na nakabalik si Billy Crawford at nakapagperform sa It's Showtime, matapos ang pag-alis niya bilang isa sa mga hosts nito noong 2018 upang matutukan ang pagsisimula nila ng pamilya ni Coleen Garcia.

Nagkaroon naman sila ng hindi pagkakaunawaan ni Vice Ganda nang pumasok si Billy Crawford sa katapat na show na Lunch Out Loud na kalaunan ay naging Tropang LOL.

Nagkapalitan pa sila noong ng mga masasakit na salita at nagbanatan dahil sa pagkakatapat ng kanilang mga shows.

Subalit, noong November ikinagulat ng maraming madlang pipol ang pagiging guest ni Billy Crawford sa It's Showtime bilang guest ni Vice Ganda sa Magpasikat 2023 segment.

Nilinaw naman noon ni Vice Ganda na nagkapatawaran na silang dalawa at ipinahayag kung paano nilang nasaktan ang isa't-isa dahil sa nangyari.

Marami naman sa mga fans ni Billy Crawford ang humihiling na sana ay mabigyan ng ito ng pagkakataon na makabalik bilang hosts ng It's Showtime, dahil hindi naman umano maitatanggi na talagang maganda ang tandem nila noon ni Vhong Navarro.

Matatandaan na nauna nang isiniwalat na Billy Crawford sa isang panayam na open siya na muling makabalik sa It's Showtime sakaling mabigyan siya ng pagkakataon.

@abscbnpr #BillyCrawford and #VhongNavarro reunion! #BillyVhong #SineMoTo #ItsShowtime #birthday #production #reunion #abscbn #kapamilya #kapamilyaforever #tv #reunite #friends #abscbn #kapamilya #kapamilyaforever #fyp #foryou #foryoupage ♬ original sound - ABS-CBN PR

Daniel Napa-REACT sa Viral Photo nina Kathryn Bernardo at Jericho Rosales

 Usap-usapan ngayon sa ilang mga social media platforms ang kumakalat na larawan nina Jericho Rosales at Kathryn Bernardo na kaagad na umani ng samu't-saring reaksyon at komento mula sa mga netizens.

Subalit, ang reaksyon na pinakahinihintay ng marami ay ang nagmula sa ex-boyfriend ng aktres na walang iba kundi si Daniel Padilla.

Ayon sa mga usap-usapan, nagbigay ng pahayag ang isang taong malapit kay Daniel Padilla patungkol sa naging reaksyon ng aktor ng mabalitaan kung sino-sino ang mga nakakasama ngayon ng aktres.

Ibinuking nito kung ano ang sinabi ni Daniel Padilla nang makarating sa kanya ang balitang kasa-kasama ngayon ng aktres si Jericho Rosales.

Ipinahayag umano ni Daniel Padilla na wala na siyang magagawa at wala na rin umano siya sa lugar upang pagsabihan o pigilan si Kathryn Bernardo kung ano ang gusto nito at kung sino ang gusto nitong makasama.

Tanging hiling na lamang umano ng aktor para sa kanyang ex-girlfriend na mag-ingat ito palagi lalo pa at nababalitaan umano niyang mga kalalakihan ang kadalasan na kasama nito ngayon.

Marami naman ang nagsasabi na talagang may pakialam pa rin si Daniel Padilla sa kanyang dating girlfriend at binabantayan pa rin niya ang mga galaw ng aktres kahit pa nagtapos na ang kanilang relasyon.

Sa pagrereact ni Daniel Padilla, sa isyung kinasasangkutan ngayon ni Kathryn Bernardo masasabing hindi pa rin ito tuluyang nakakalimot sa aktres, gayunpaman marami ang nagsasabi na tinatanggap na rin niya ang pag-iwas ni Kathryn Bernardo.

Matatandaan na inamin nina Kathryn Bernardo at Daniel Padilla ang kanilang paghihiwalay noon November 30, 2023 mula noon ay tila naging bukas na rin sa publiko ang panunuyo ni Daniel Padilla kay Kathryn.

Bagama't nito lamang nila inamin ang kanilang paghihiwalay marami ang naghinalang matagal nang nangyari ang actual break-up ng dalawa. Napapansin naman na sinusuyo pa rin ni Daniel Padilla sa ilang pagkakataon na nagkasama sila subalit, si Kathryn Bernardo na rin ang umiiwas rito.