Herlene Budol, Hindi Lamang Kain Ang Gagawin Kakanta Na Rin: 'Kain Tayo'

 Matapos masangkot sa isang kontrobersya sa paglabas ng mga private messages nila ni Rob Gomez, Herlene Budol naghahanda sa isang pasabog ngayong darating na taong 2024.

Nagbigay na ng pahayag si Herlene Budol, ukol sa isyu, ipinagdidiinan niya na wala naman silang ugnayan ni Rob Gomez dahil nagbibiruan lamang sila at nagbabatuhan lamang ng script upang makabisa nila ito kaagad.

Bukod pa rito, pinalaki umano siya ng maayos ng kanyang lolo at lola kaya naman hindi niya magagawa na pumatol sa lalaking may sabit na. Bukod pa rito, isa umano siyang produkto ng broken family kaya naman hindi siya gagawa ng anumang ikasisira ng ibang pamilya.

Ipinadidiinan din ni Herlene Budol sa kanyang pahayag na ng mga netizens lamang ang nag-iisip ng masama sa kanilang usapan patungkol sa pag'kain' at pagka'gutom'.

Matatandaan na iniisip ng ilang mga netizens na ibang kainan at ibang pagkagutom ang ibig sabihin nina Herlene at Rob Gomez sa kanilang palitan ng mensahe.

Ilang araw matapos ang pagkalat ng mga conversation nina Herlene Budol at Rob Gomez, nagbahagi naman ang aktor ng larawan ng mga larawan na kuha mula sa pagpapabinyag nila sa anak nila ni Shaila Rebortera.

Marami ang naghinala na nagkaayos na ang dalawa matapos ibulgar ni Shaila Rebortera sa publiko ang palitan ng mga mensahe sa pagitan ng mga babaeng kalandian ni Rob Gomez.

Dahil dito, marami ang naghintay sa magiging reaksyon ni Herlene Budol ngayong tila naitsapwera siya dahil pinili pa rin ni Rob Gomez ang kanyang pamilya.

Sa kamakailang Instagram post ni Herlene Budol, nagbahagi siya ng mga larawan kung saan makikitang nagvo-voice lesson ang aktres. Ayon sa caption ni Herlene Budol, naghahanda siya para sa ilalabas niyang single sa darating na taon na may pamagat na 'Kain Tayo'.

Tila unbothered nga si Herlene Budol dahil ginawa na lamang niya katatawanan at gagawin pang kanta ang kontrobersiya na kanyang kinasasangkutan.

Nagpasalamat din si Herlene Budol sa mga taong sumusuporta sa kanya, lalong lalo na si Wilbert Tolentino na kahit nag resign na bilang manager niya ay nakaalalay pa rin sa kanya.

View this post on Instagram

A post shared by Herlene Nicole Budol (@herlene_budol)

Ivana Alawi Naka-Tikim Ng Katarayan Ni Marian Rivera, Napaiyak Na Lang

 Talagang hindi malilimutan ng sexy actress na si Ivana Alawi ang kanyang kaarawan ngayong taon dahil nakasama niya sa isang vlog ang kanyang idolo na si Marian Rivera.

Aminado ang actress-vlogger na si Ivana Alawi na noon pa man ay nagagandahan na siya at iniidolo na niya ang Kapuso Primetime Queen na si Marian Rivera.

Hindi inakala ni Ivana Alawi na makakatikim siya sa bagsik ng katarayan ni Marian Rivera sa mismong kaarawan at vlog niya na naging dahilan ng kanyang pag-iyak.

Lingid sa kaalaman ni Ivana Alawi, kinasabwat ng kanyang kapatid na si Mona Alawi si Marian Rivera para i-prank nila ang sexy actress.

Sinadya ni Mona Alawi na mahuli sila sa venue ng kanilang vlog sa pamamagitan ng pagkukunwaring nasira ang kanyang tiyan, naging aligaga naman si Ivana Alawi dahil alam niyang late na siya sa napagkasunduan nilang oras ni Marian Rivera.

Si Mona Alawi ang magtatanong kina Marian Rivera at Ivana Alawi habang kumakain ang dalawa, nung una ay naging magiliw pa ang pagsagot ni Marian Rivera sa mga katanungan ni Mona Alawi.

Sa kalagitnaan ng kanilang mukbang vlog, naitanong ni Mona Alawi kung nais ba ng dalawa na magkasama sila sa iisang trabaho. Agad namang sumagot si Ivana Alawi na kung makakatrabaho niya ang kanyang idolo na si Marian Rivera ay maaga pa siya sa call time darating sa set.

Ito na ang hudyat ng pagpa-prank nina Mona Alawi at Marian Rivera kay Ivana Alawi ng ipaalala ni Mona na late ngayon si Ivana sa oras na napagkasunduan nila ni Marian Rivera.

Nagsimula na ring umarte si Marian na naiirita siya kay Ivana Alawi at pinagsabihan ito na ayaw na ayaw niyang katrabaho ang mga taong palaging nali-late sa mga pinag-usapang oras. Ayaw na ayaw rin umano ni Marian Rivera iyong pinaghihintay siya.

Makikita naman kay Ivana Alawi ang kanyang pagkapahiya dahil sa prangkang pagkasabi ni Marian Rivera sa gitna pa mismo ng kanyang vlog. Sinabi rin kasi ni Marian na ito na ang huling pagkakataon na papayag siyang makasama si Ivana Alawi dahil sa ipinakita umano nitong attitude sa kanya.

Bukod dito, sinabi rin ni Marian Rivera na dismayado siya sa hinandang pagkain ni Ivana Alawi dahil akala niya marami silang makakain dahil mukbang vlog ang kanilang gagawin pero bakit puro crabs lang naman pala ang hinanda nito para sa kanya.

Hindi na napigil ni Ivana Alawi ang kanyang emosyun nang tumayo si Marian at sinabing huwag na lamang nilang ituloy ang vlog at aalis na lamang siya. Sinabi pa ni Marian na nagsayang lamang siya ng oras sa pagpunta kay Ivana Alawi gayung abala siya sa pagpopromote ng pelikula nila ni Dingdong Dantes.

Nang pahagulhol na si Ivana Alawi, tumakbo pabalik si Marian Rivera at sinabing prank lamang ang lahat, ibinulgar din ni Marian na si Mona Alawi ang may pakana ng lahat.

Ayon kay Mona Alawi, nais lamang niyang bigyan ng hindi malilimutang karanasan si Ivana Alawi sa mismong kaarawan nito kasama ang pinaka-iniidolo nitong artista.

Sa huli pinasalamatan naman ni Ivana Alawi ang kanyang idolo na si Marian Rivera dahil pinagbigyan siya nito na makasama sa iisang vlog at nabigyan pa umano siya ng hindi malilimutang karanasan.

"Rewind " Ng DongYan: Copycat Ba Ng Hollywood Movie

 Nababahiran ngayon ng kontrobersya ang Metro Manila Film Festival entry ng mag-asawang Dingdong Dantes at Marian na pinamagatang rewind dahil kinopya lamang umano ito sa isang Hollywood movie na may pamagat na If Only.

Maraming mga netizens ang bumabatikos ngayon sa pelikulang Rewind na pinagbibidahan nina Dingdong Dantes at Marian Rivera dahil isa umano itong copycat ng Hollywood film noong 2004 na pinamagatang If Only.

Marami sa mga bashers ang nagsasabi na sayang lamang ang kanilang pera sa panonood ng Rewind dahil kaunti lamang ang kaibahan nito sa pelikulang If Only.

May mga netizens pa na nagsasabi na kaya hindi nakakuha ng parangal sa naganap na MMFF Gabi ng Parangal ang pelikulang Rewind kahit pa marami naman ang nagandahan rito ay dahil isa lamang itong copycat movie at hindi naman umano katulad ng ibang mga Metro Manila Film entry na pawang mga original.

Ayon naman sa kampo na nasa likod ng pelikulang Rewind na hindi naman umano maiiwasan na may mga pelikula talaga na magkakahalintulad ng mga storyline pero hindi naman umano ito sinasadya.

Ipinunto pa nila na nakapasok bilang entry ng Metro Manila Film Festival ang pelikula nilang Rewind kaya naman nangangahulugan lamang na original ito dahil isa sa mga pamantayan ng MMFF ay ang originality ng entry.

Sa kabilang banda may mga nagsasabi naman na baka inspired lang siya or adaption siya ng If Only pero may mga differences naman umano ang dalawa kasi sa if only namatay yung asawa tas natakot yung asawa niya sa rewind may lalaki na tumulong kay Dingdong para mabuhay asawa niya.

"yes, nakaka dissapoint.  sayang ang gagaling pa naman ng mga artista natin dito pero nangongopya talaga yung ibang film makers walang originality"

Dalawang Kapamilya Aktres Muling Nagkainitan!

 Kamakailan lamang ay tila muling nabuyan ang matagal ng isyu at iringan sa pagitan ng dalawang Kapamilya actress.

Naglabas na ng live ang young actress na si Francine Diaz, kung saan nilinaw niya ang isyu sa pagitan nila ni Andrea Brillantes. Matatandaan na nagkaroon ng hindi pagkakaunawaan ng dalawa nang sunod-sunod na magbahagi ng mga cryptic post si Andrea Brillantes na patama kay Francine Diaz patungkol sa pang-aagaw at panlalandi.

Dahil dito nakatanggap ng pambabatikos si Francine Diaz dahil ipinagpalagay ng mga netizens na totoong inagaw nito si Seth Fedelin kay Andrea Brillantes.

Makalipas ang ilang taon, sa wakas ay nilinaw na ni Francine Diaz ang lahat dahil naapektuhan na umano ang kanyang pamilya dahil sa isyung ito.

Ipinagdidiinan ni Francine Diaz na wala siyang inagaw, inahas at nilandi. Sa katotohanan ay siya pa umano ang biktima dahil nadawot ang kanyang pangalan kahit wala naman siyang kinalaman sa isyu ng dalawa.

Nilinaw rin ni Francine Diaz ang isyu noon patungkol sa panunugod umano sa kanya ni Andrea Brillantes sa dressing room matapos mapag-alaman na nagpunta sa kanila si Seth Fedelin na noon ay karelasyon si Andrea Brillantes.

Ayon kay Francine Diaz, wala suguran na nangyari subalit, nakatanggap umano siya ng tawag mula kay Andrea Brillantes, kung saan galit na galit ito sa kanya at napaka aggresive ng pananalita.

Dagdag pa ni Francine Diaz, wala naman umano silang romantic relationship ni Seth Fedelin. Kung anuman umano ang nakikita sa kanila sa harap ng kamera ay ginagawa lamang nila dahil sa trabaho at wala ng iba.

Gayunpaman, naniniwala naman ang ilang mga fans ni Andrea Brillantes na ang panunulsol umano ni Francine Diaz kay Seth Fedelin ang naging sanhi upang tuluyan makipaghiwalay noon si Seth Fedelin kay Andrea Brillantes.

Subalit, dahil sa nangyaring hiwalayan sa pagitang ng matagal ng magkarelasyon na sina Kathryn Bernardo at Daniel Padilla, nagkaroon ng ibang kwento sa naging isyu noon ng dalawa.

Lumalabas na wala naman talagang kinalaman si Francine Diaz sa naging break-up noon nina Andrea Brillantes at Seth Fedelin. Ayon sa mga kumakalat na ulat, napag-alaman umano ni Seth Fedelin na palihim na nagkikita sina Andrea Brillantes at Daniel Padilla kung saan may nangyayari pa sa dalawa dahil dito, nakipagbreak si Seth kay Andrea Brillantes. 

Gayunpaman, ang hindi maintindihan ng marami kung bakit galit na galit si Andrea kay Francine Diaz gayung siya naman pala ang may kasalanan kung bakit siya iniwan nito dahil sa kanilang ginawa ni Daniel Padilla.

Dahil dito, may naghinala na umano'y nakapag-open si Andrea Brillantes kay Francine Diaz sa nangyari sa kanila ni Daniel Padilla sa mismong bahay ng aktor, Sinabi naman umano ito ni Francine Diaz kay Seth Fedelin na noong jowa ni Andrea Brillantes na naging sanhi ng kanilang hiwalayan.

Dahil dito, nagalit si Andrea Brillantes kay Francine Diaz dahil pakiramdam ng aktres na tinraydor siya ng kanyang inakalang kaibigan upang makuha nito si Seth Fedelin at sila na ang gawing loveteam.

Sa ngayon ay hindi pa naman malinaw kung totoo nga bang may kinalaman si Andrea Brillantes sa hiwalayan ng KathNiel dahil hindi pa naman nagbibigay ng mga pahayag sina Kathryn Bernardo at Daniel Padilla.

Maging si Andrea Brillantes ay hindi pa rin naglalabas ng pahayag si Andrea Brillantes hinggil sa mga panibagong isyu na pinupukol sa kanya.

@berry71725 Chin live in instagram to clear sa issue #francinediaz #franseth #fyp#2023 ♬ original sound - none

Marian Rivera Nagsalita Na Sa MMFF Awards, Walang Awards Ang Rewind!

 Hindi naman lingid sa kaalaman ng lahat na talagang pinilahan at pinag-uusapan ng mga movie goers ang pelikulang Rewind ng mag-asawang Marian Rivera at Dingdong Dantes.

Marami ang napahanga sa galing at husay ng dalawa sa kanilang pagganap sa kani-kanilang mga karakter sa nasabing pelikula. Marami rin ang nagsasabi na talagang nakakaantig ng damdamin ang kwento at kapupulutan pa ng maraming aral sa buhay lalong-lalo na sa mga mag-asawa at mag-partner.

Kaya naman marami ang dismayado at napapatanong kung bakit walang award na nakuha ang Rewind, at maging sina Dingdong Dantes at Marian Rivera ay wala ring nakuhang award.

Marami ang naghinala na may lutuan na namang nagaganap dahil kahina-hinala umano na walang nakuhang award ang pelikula na siyang top grossing film ngayong taon sa Metro Manila Film Festival.

Ayon sa aming nakalap na impormasyon, sa ngayon ay umaabot na umano sa mahigit, 320 million pesos ang networth ng Rewind. Kaya naman kahina-hinala umano kung bakit hindi man lamang nakakuha ng award ang pelikula na nangunguna sa takilya at pinag-uusapan.

Habang ang mga pelikula naman na hindi man lang umingay ay nakasungkit ng mga parangal.

Marami pa sa mga fans ng dalawa ang dismayado dahil buong akala umano nila magwawagi bilang best actor at best actress sina Marian Rivera at Dingdong Dantes dahil maganda ang mga nakukuha nilang reviews mula sa mga nakapanood sa kanilang pelikula.

Samantala, nagpahayag naman ang aktres na si Marian Rivera ng pasasalamat sa lahat ng mga sumuporta sa kanilang pelikula kahit pa nabigo siyang masungkit ang parangal bilang Best Actress.

Hindi man nila nakuha ang mga awards sa nagdaang Gabi ng Parangal, alam naman na ng lahat kung anong pelikula na entry sa Metro Manila Film Festival ang mas tumatak sa mga netizens at mga manonood.

Sa puso ng mga fans nina Marian Rivera at Dingdong Dantes, alam umano nila kung sino ang karapa't-dapat sa mga awards na ibinigay lamang ng mga jury sa iba.

"Uso nman kc ang lutuan o cooking show sa award giving body mging local man or international.What else do we expect.ok png n c vilma ang manalo ng best actress khit diko pinanood pelikula nya pero wow nman si dingdong dantes ay deserve na deserve n mging Best Actor.ngulat nga ako sa husay nya sa pg arte.dpst ang pingbabasihan ng mga jurors ay yung true to life situation na nkakarelate ang mga tao at kapupulutan ng aral ang mensahe ng pelikula"

"Bastat sa amin ang Top grosser Rewind dongyan the best among the rest ha3x  Dongyan wait nyo ang titulo nyong box office King and Queen sa inyo ang huling halakhak ha3x God bless you more Dongyan"

"Marami mga darating na awards cguraduhin lang na d ang mga naandyan ang mga huradojust wait pa nd seeigalang nyo na lang kung ano kinlabasan kya lang sayang ipinakita nyong husay sa paggnapmari pa nmang awards winning bodies n darating alam nman ng sambyanang pilipino kungano at cno ang nararapat magkamit just alwys cool"

Sharon Cuneta Ipinost Na Siya Ang Best Actress Sa Instagram, Mga Netizens Nalito

 Sa pagbabalik ng Metro Manila Film Festival, inaabangan na mga netizens ang mga makakatanggap ng mga major awards at kung sino ang tatanghalin bilang Best Actress at Best actor.

Marami sa mga fans ng Star for all Season na si Vilma Santos ang nagbubunyi at nagbibigay ng congratulatory messages para sa kanya dahil siya ang itinanghal na Best Actress ngayon taon ng Metro Manila Film Festival Gabi ng Parangal.

Maging ang ilang mga celebrities ay nagpadala rin ng congratulatory kay Ate V sa pagkakatanghal sa kanya, kabilang na rito si Mega Star na si Sharon Cuneta.

Sa kabila nito, ikinalito ng mga netizens ang ibinahagi ni Sharon Cuneta sa kanyang Instagram account na post ng Goldwin Reviews Accolades.

Ang Goldwin Reviews Accolades ay hindi ang official award giving body ng Metro Manila Film Festival, kaya naman naiiba ang kanilang awards sa opisyal na itinanghal.

Ayon sa ilang mg netizens, nagdulot ng confusion ang ibinahagi ni Sharon Cuneta na award dahil makikita roon na siya ang itinanghal bilang Best Actres habang si Vilma Santos naman ang totoong nanalo.

Sa caption ng post ni Sharon Cuneta, pinasalamatan niya ang Goldwin Reviews dahil sa pagpili sa kanya bilang best actress at pagsuporta sa Philippine movies.

Samantala, nilinaw naman ng Goldwin Reviews na ang inilabas nilang pangalan ay hindi katulad ng mga nag-uwi ng awards sa Gabi ng Parangal dahil isinusulat lamang nila ang sa tingin nila ang mananalo pero hindi naman ito opisyal.

"Kapag matagal niyo ng finafollow ang Goldwin Reviews, mapapansin ninyo na madalas tayong maglabas ng sarili nating awards. At kadalasan, ang resulta ay taliwas sa Official Results. 

"Yun ay dahil hindi ito forecast or panghuhula kung sino ang mananalo sa Gabi Ng Parangal. Ito ay listahan lamang ng mga nagustuhan ng Goldwin Reviews, at magkakaiba tayong lahat ng nagustuhan," pahayag ng goldwin reviews.

Ayon pa sa kanila na ang listahang nakikita ngayon ay ang mga nagustuhan ng Goldwin Reviews sa bawat category ng awards na meron sa Metro Manila Film Festival 2023.

"Hindi po ito ang official results at wala po itong kinalaman sa Gabi Ng Parangal. Itong listahan na ito ay paraan upang magbigay-pugay sa mga taong bumubuo ng bawat pelikula. Pasasalamat sa kanilang kontribusyon at pagtulong upang makagawa ng magagandang Pelikulang Pilipino," dagdag pa nila.

Marami naman sa mga netizens ang binabatikos si Sharon Cuneta dahil tila nagiging desperado na ito sa pagiging best actress. May mga fan pa na hayagan ipinahayag ang kanilang pagkalito dahil sa ibinahaging result ni Sharon Cuneta na iba naman sa opisyal na resulta sa MMFF Gabi ng Parangal 2023.

Gayunpaman, may mga fans naman ang aktres na nagsasabi na deserve rin naman ni Sharon Cuneta na maging best actress dahil sa magaling na pagganap nito sa kanyang karakter sa pelikulang A Family of Two nila ni Alden Richards.

View this post on Instagram

A post shared by ActorSingerPresenter (@reallysharoncuneta)

Richard Gutierrez Nabuking Ang Totoong Ugali Kapag Nakainom Ng Alak

Hanggang ngayon ay mainit pa ring pinag-uusapan sa social media ang hiwalayan ng celebrity couple na sina Sarah Lahbati at Richard Gutierrez matapos ang ilang taon ng kanilang pagsasama.

Sa isang episode ng YouTube vlog nina Manay Cristy Fermin, isiniwalat niya na nakarating umano sa kanila ang isyu ng pambubugbog umano ni Richard Gutierrez sa kanyang asawa na si Sarah Lahbati na naging sanhi ng kanilang paghihiwalay.

Ayon kay Cristy Fermin, nakarating umano sa kanila mula sa isang source na binubugbog umano nitong si Richard Gutierrez ang kanyang asawa na si Sarah sa tuwing nalalasing ito.

May pagkakataon pa umano na tumakbo si Sarah at humingi ng tulong sa kapitbahay nilang sina Derek Ramsay at Ellen Adarna.

Gayunpaman, ipinahayag ni Cristy Fermin na hindi naman kapani-paniwala ang chika nito dahil kailanman ay hindi pa siya binastos ni Richard Gutierrez kahit pa ilang beses niyang binatikos ang ina nitong si Annabelle Rama.

Humantong pa umano sila noon sa kasuhan ng libel pero hindi umano siya binastos ng mga anak nina Annabelle Rama at Eddie Gutierrez dahil mababait ang mga ito.

Ayon pa kay Cristy Fermin na si Richard Gutierrez pa ang itinuturing niyang pinakamabait sa lahat ng mga anak nina Annabelle at Eddie kaya naman nakakapanghinayang kung sakali totoo ang isyu rito na nag-iiba ang ugali kapag nalalasing.

Ito umano ang dahilan kung bakit umayaw na si Sarah Lahbati kay Richard dahil natatakot na ang aktres na muling masaktan ng asawa. Hinimok na rin umano ng mga magulang ni Sarah Lahbati ang kanilang anak na tuluyan nang iwan si Richard dahil dito.

Samantala, upang maging malinaw ang isyu, kinapanayam ni Cristy Fermin ang kapitbahay nina Sarah Lahbati at Richard Gutierrez na si Derek Ramsay, kung saan sinasabing tumakbo si Sarah dahil sinasaktan siya ni Richard Gutierrez.

Ayon naman sa paglilinaw ni Derek Ramsay walang katotohan na nagpunta sa kanilang bahay si Sarah Lahbati ng duguan dahil sa pananakit ni Richard Gutierrez. Subalit, totoong bumibisita sa kanila si Sarah dahil magkaibigan sila ng kanyang misis na si Ellen Adarna.

 

Andrea Brillantes Inilabas Ang Matinding Baho Ni Francine Diaz Kaya Naagaw Si Seth Fedelin

 Naging mainit na usapin sa social media ang mga isiniwalat ng Kapamilya actress na si Andrea Brillantes patungkol sa dating kaibigan na si Francine Diaz patungkol sa totoong ugali nito.

Usap-usapan ngayon sa ilang mga social media platforms ang patungkol sa mga isiniwalat ni Andrea Brilantes patungkol sa kung paano nilandi noon ni Francine Diaz si Seth Fedelin habang sila pa ang magkarelasyon at magkaloveteam.

Tila tumitindi na ngayon ang hindi pagkakaunawaan nina Andrea Brillantes at Francine Diaz dahil inilalabas na nila ang baho ng isa't-isa. Sa isang live, ipinagdiinan ni Francine Diaz na hindi niya inagaw at inahas si Seth Fedelin mula kay Andrea Brillantes.

Samantala, ipinagdidiinan naman ni Andrea Brillantes na kung hindi nilandi at inagaw ni Francine Diaz sa kanya si Seth Fedelin ay masaya pa sana umano silang dalawa.

Ayon kay Andrea Brillantes, sinisiraan umano siya ni Francine Diaz kay Seth Fedelin. Tanging mga bad traits lamang umano niya ang sinasabi nito sa kanyang boyfriend kaya naman naging sunod-sunod na ang kanilang pag-aaway.

Ang hindi lamang umano matanggap ni Andrea Brillantes, ay noong maghiwalay sila ni Seth Fedelin, ay nagkakamabutihan na pala ang mga ito na hindi niya matanggap.

Pakiramdam ni Andrea Brillantes ay may ginagawa sa kanyang likod si Francine Diaz na naging dahilan upang tuluyan na siyang iwan nito.

May hinala rin umano si Andrea Brillantes, na isa mga dahilan ni Francine Diaz para maagaw nito si Seth Fedelin ay ang kagustuhan nito na magkaroon ng panibagong loveteam na tiyak ikakasikat niya para magkaroon ng maraming projects.

Ayon pa umano kay Andrea Brillantes, na hinihintay na lamang niya ang karma para kay Francine Diaz dahil sa pagiging mang-aagaw at ahas nito.

Barbie Forteza at Jak Roberto Break Na Din, Ava Mendez Third Party

 Sa gitna ng mga usapin patungkol sa kaliwa't kanang paghihiwalay ng mga celebrity couples, marami ang naghinalang susunod naman na aamin ng kanilang paghihiwalay ang celebrity couple na sina Jak Roberto at Barbie Forteza.

Marami ang naghinala na naghiwalay na sina Jak Roberto at Barbie Forteza, dahil sa kumakalat na isyu na may nangyari sa pagitan ng aktor at kay Ava Mendez sa isang hotel.

Nagsilabasan ang mga videos at pictures kung saan makikitang nakayapos si Jak Roberto kay Ava Mendez kasunod ng paglabas ng blind item patungkol sa kanilang dalawa.

Samantala, umamin naman si Ava Mendez na totoong nagkasama sila ni Jak Roberto sa isang birthday party at yinakap siya nito sa elevator pero wala naman umanong malisya ito lalong lalo na, walang nangyari sa kanilang dalawa.

Dahil dito, mas tumibay pa ang paniniwala ng mga netizens na may nangyayari talagang hindi maganda sa pagitan ng mag-jowa.

Marami naman sa mga fans ng dalawa ang humihiling na sana ay huwag namang dumagdag sa mga naghiwalay ngayong taon sina Barbie Forteza at Jak Roberto. May mga nagsasabi pa na dapat munang alamin ni Barbie Forteza ang totoong nangyari bago magdesisyon kung iiwan ba nito si Jak Roberto o hindi.

Sa kabilang banda, hindi pa naman naglalabas ng pahayag ang aktor na si Jak Roberto hinggil sa isyung may nangyari sa kanila ni Ava Mendez at kung naghiwalay na sila ni Barbie Forteza.

Maging ang aktres ay hindi pa rin naman nagbibigay ng pahayag at tila dinidedma lamang itong lahat ng aktres.

Nagkaroon naman ng pag-asa ang kanilang mga fans na hindi naman naghiwalay ang dalawa dahil magkasama pa nilang ipinagdiriwang ang pasko. Ibinahagi pa nila ito sa kani-kanilang mga social media accounts.

Ayon sa ilang mga netizens, pinapatunayan lamang ng dalawa na matatag ang kanilang relasyon at hindi sila basta-basta naapektuhan ng mga isyu dahil may tiwala sila sa isa't-isa.

View this post on Instagram

A post shared by Barbie Forteza (@barbaraforteza)

Barbie Forteza Nagsalita Na Sa Panloloko Ng Boyfriend Na Si Jak Roberto

 Trending ngayon sa social media ang diumano'y panloloko ng Kapuso actor na si Jak Roberto sa kanyang longtime girlfriend na si Kapuso actress na si Barbie Forteza.

Naging laman ng mga usap-usapan sa social media ang mga larawan at videos nina Jak Roberto at Ava Mendez na kuha mula sa isang five star hotel.

Nagsimula ang lahat sa isang blind item na umano'y nagpunta ang dalawa sa isang birthday party ng isang kaibigan, doon umano ay nagkainom at nang malasing na ay naging agresibo na umano ang lalaki. Hindi na umano ito umuwi at napilitan na lamang ang kaibigan nila na magbook ng hotel room. Sa elevator pa lamang umano ay niyayapos na ng lalaki ang sexy actress na hindi naman pumapalag.

Nagtuloy-tuloy pa umano ang paglalampungan ng dalawa dahil hindi naman sila nagpapaawat sa mga kaibigan ng babae, dahil dito pinabayaan na lamang nila ang dalawa na ituloy ang paglalampungan sa ibabaw ng kama.

Malakas naman ang loob ng naglabas ng tsikang ito na may katotohanan ang lahat dahil nakakuha umano siya ng video ng dalawa na makapagpapatunay sa lahat ng nangyari.

Hinamon pa nito si Barbie Forteza na humingi lamang sa kanya ng kopya dahil pagbibigyan kaagad umano niya kaagad ito.

Samantala, sinaggot naman ni Ava Mendez ang naglabasang tsika patungkol sa kanila ni Jak Roberto. Ayon sa sexy actress, totoong nagkasama sila ni Jak Roberto sa isang birthday party ng common friend. Totoo rin umano na naging aggresive si Jak Roberto sa mga babae roon at sa kanya.

Kinumpirma rin niya na tumanggi ang aktor na umuwi dahil sa kalasingan kaya naman nag-book ng hotel room ang kanilang kaibigan para sa kanila upang makapagpahinga at mawala ang kanilang kalasingan.

Inamin din ni Ava na nakayakap sa kanya si Jak habang paakyat ang elevator dahil bangag na ito dala ng labis na kalasingan subalit hindi naman umano niya nilalagyan ito ng malisya.

Ang tanging itinanggi ni Ava Mendez ay ang tsika na may nangyari sa pagitan nilang dalawa dahil hindi naman umano niya type si Jak Roberto.

Sa kabilang banda, tila hindi naman naniniwala si Barbie Forteza sa mga akusasyon laban sa kanyang boyfriend na si Jak Roberto. Patuloy pa rin kasi ang pandedma nito kahit pa tahasan na siyang tinatag ng kanyang mga fans sa sinasabing video at pictures na magkasama sina Jak Roberto at Ava Mendez.

Sa ngayon ay hiniling na lamang ng mga fans nina Jak Roberto at Barbie Forteza na maging matatag ang dalawa sa kung ano mang isyu na binabato sa kanilang relasyon.

May mga humiling pa sana ay hindi naman mapapabilang ang JakBie sa mga celebrity couples na naghihiwalay ngayong taon.

"Na kay Barbie yan kung maniniwala sya o hindi pro di sya ngiisip kung skali hindi sya maniniwala sa issue na yan.. bakit hindi sya mismo ang magimbestiga pra malaman nya ang totoo.. wag ka manghinayang girl sa 6yrs  nyo, gusto mo ba matulad sa 11yrs bago ka matauhan?? Ilang babae pa ba ang hahayaan mo na maging kahati mo sa unfaithful bf mo?? Isip isip din pag may time, and that makes you smart."

"Naniniwala po kami dahil maraming nakakita at alam nila kong ano ang ginawa nilang dalawa nakakahiya lang po sa motel pa sila nahuli at magkatabi"

Sharon Cuneta, Buking Na, Hiwalayan Nila Ni Kiko Pangilinan Palabas Lang

 Nakakatanggap ngayon ang Megastar na si Sharon Cuneta ng samu't-saring pambabatikos mula mismo sa kanyang mga tagahanga at mga tagasuporta dahil sa pagiging madrama nito kamakailan sa kanyang social media account.

Marami sa mga fans ng Mega Star ang hindi na natutuwa sa mga kadramahan nito sa buhay. Kamakailan lamang ay naging sunod-sunod na ang mga cryptic post ni Sharon Cuneta kung saan tila ipinapahiwatig nito na may pinagdadaraanan sila ng kanyang asawa na si Kiko Pangilinan.

Marami pa ang naghinala na baka sa hiwalayan rin mauuwi ang kanilang hindi pagkakaunawaan dahil sa sunod-sunod na cryptic posts nito sa kanyang mga social media accounts.

Subalit, ikinalito ng kanyang mga fans ng ibahagi mismo ni Sharon Cuneta sa kanyang account na maayos naman ang pagsasama nila ni Kiko Pangilinan at ipinahayag pa niya kung gaano niya ito kamahal.

Dahil dito, kinukwestyon ng mga netizens kung para kanino ba talaga ang mga pahayag na iyon ni Sharon Cuneta at kung para saan ang kanyang mga cryptic posts.

Marami ang nalito sa mga naging kadramahan ni Sharon Cuneta sa kanyang social media accounts gayung maayos naman ang pagsasama nila ni Kiko Pangilinan.

Marami naman ang nagpayo kay Sharon Pangilinan na tila ba nararapat na itong maghanap ng professional help dahil sa mga kadramahan nito sa buhay.

Sa kabilang banda, marami naman ang nagsasabi na pakulo lamang itong lahat ni Sharon Cuneta dahil may movie entry siya sa Metro Manila Film Festival. Nais lamang umano ni Sharon na mapag-usapan kaya naman nagda-drama na naman.

May mga nagsasabi naman na sanay na sila kay Sharon Cuneta na palaging gumagawa ng mga isyu sa tuwing may pelikula para pumatok naman ito sa takilya.

Gayunpaman, tila hindi na epektibo ang naging taktika na ito ni Sharon Cuneta ngayon dahil marami lamang ang naiinis sa kanya dahil sa pagiging madrama, May mga tumawag pa ritong nababaliw na kaya naman kung ano-ano na lamang ang mga pinagsasabi.

Vilma Santos Pinaiyak Si Carmina at Cassy Villaroel Sa Rebelasyon Nito Habang Nasa Sinehan

 Malaki ang pasasalamat ng Star for All Seasons na si Vilma Santos sa magandang reception sa pelikulang kinabibilangan niya na When I Met You in Tokyo.

Nakasama rito ni Vilma Santos si Cassy Legaspi na anak nina Carmina Villaoel at Zoren Legaspi. Sa isang video na ibinahagi ni Cassy Legaspi sa kanyang social media account, makikita ang pagkukwento ni Vilma Santos sa naging pagsasama nila noon ni Carmina Villaroel sa iisang pelikula at ngayon naman ay nakasama naman niya ang anak nitong si Cassy.

Naging emosyunal naman si Carmina Villaroel sa naging pahayag ni Vilma Santos.

Naiging positibo naman ang komento ng mga fans nina Carmina Villaroel at Cassy sa naging pahayag ni Vilma Santos kung saan nangangako sila na susuportahan ang kanilang pelikula.

Isa ang pelikula nina Vilma Santos sa mga pinipilahan sa mga sinehan na kabilang sa Metro Manila Film Festival ngayong taon. Kasama rin nila sa pelikulang ito si Christopher De Leon at iba pang mga artista na kilala sa pagiging magaling sa larangan.

Sharon Cuneta Ibinuking Ang Resulta Ng MMFF Movie Na 'A Family of Two'

 Tuwang-tuwa ang Mega Star na si Sharon Cuneta dahil maganda ang nakukuha nilang komento mula sa mga fans at movie goers na nanonood sa kanilang pelikula na kabilang sa mga entry ng Metro Manila Film Festival.

Masayang-masaya si Sharon Cuneta dahil maganda umano ang reception ng mga manonood sa kanilang pelikula ni Alden Richards na A Family of Two.

Sa isang block screening na pinuntahan nina Sharon Cuneta at Alden Richards, pinasalamatan ni Sharon Cuneta ang lahat ng mga tumangkilik sa kanilang pelikula. Malaki rin ang pasasalamat ni Sharon Cuneta dahil naging maganda ang performance ng kanilang pelikula sa takilya.

Hiling pa ni Sharon Cuneta sa kanilang mga tagahanga ni Alden Richards na spread pa sa maraming tao ang kanilang pelikula at ibahagi sa mga ito ang kanilang nararamdaman.

Sa ngayon, abala ang mga artista na kabilang ang mga pelikula sa Metro Manila Film Festival dahil sa pagbisita ng mga  ito sa mga sinehan upang tingnan ang kaganapan sa mga sinehan.

Natutuwa naman ang ilang mga movie goers dahil nagbabalik na umano ang sigla ng takilyang Pilipino dahil sa rami ng entries ng Metro Manila Film Festival na ipinalabas noong December 25, 2023.

Sa ngayon ay naglalaban sa pangunahing spot sa Metro Manila Film Festival ang mga pelikulang Rewind nina Marian Rivera at Dingdong Dantes, Mallari nina Piolo Pascual, Janella Salvador at Elisse Joson, Penduko nina Mateo Guidicelli at Cristine Reyes at ang pelikula nina Sharon Cuneta at Alden Richards na Family of Two.

View this post on Instagram

A post shared by ActorSingerPresenter (@reallysharoncuneta)

Vice Ganda Sinabing Makapal Ang Mukha Ni Andrea Brillantes

 Hindi na napigilan pa ng Unkabogable Star na si Vice Ganda na maglabas ng hinanaing laban sa Kapamilya actress na si Andrea Brillantes na nadadawit ngayon sa paghihiwalay ng longtime celebrity couple na sina Kathryn Bernardo at Daniel Padilla.

Nauna nang inamin ni Vice Ganda na talagang nalungkot siya sa paghihiwalay ng dalawa dahil naging malapit rin siya sa mga ito, bukod pa rito, inamin niyang naging fan siya sa tambalan ng KathNiel mula nang mag-umpisa pa ang mga ito sa showbiz.

Ang tanging ipinagpasalamat na lamang ni Vice Ganda ay ang pagpili ng dalawa na tapusin ng maasyos ang kanilang relasyon kung saan hindi na nagbatuhan pa ng mga masasakit na salita laban sa isa't-isa.

Samantala, binigyan naman ng ilang mga netizens ng ibang kahulugan ang naging pahayag ni Vice Ganda sa isang episode ng It's Showtime. Marami ang naghinala na patama ito ni Vice Ganda kay Andrea Brillantes na siyang itinuturong pangunahing dahilan kung bakit nakipagkalas si Kathryn Bernardo kay Daniel Padilla.

Ayon sa naging pahayag ni Vice Ganda, kung sino pa umano ang ahas siya iyong matapang at makapal ang mukha.

Ayon naman sa ilang mga netizens na tamang-tama umano ang naging pahayag na ito ni Vice Ganda kay Andrea Brillantes na inahas ang nobyo ng kanyang ate-atehan na si Kathryn Bernardo.

Sen. Win Gatchalian Nagbigay Ng Mensahe Para Kay Bianca Manalo Matapos Ang Kabit Issue Kay Rob Gomez

 Nagbigay na ng komento ang boyfriend ni Bianca Manalo na si Sen. Win Gatchalian sa isyu na may kaugnayan sa leaked conversation sa pagitan nina Bianca Manalo at Rob Gomez.

Marami ang naghinala na may affair sinaRob Gomez at Bianca Manalo dahil sa kumalat na screenshot ng mga mensahe ni Bianca Manalo para kay Rob Gomez. Marami ang nagsasabi na parehong nagtaksil ang dalawa sa kani-kanilang mga partners.

Hindi naman kasi lingid sa kaalaman ng lahat na matagal nang magkarelasyon sina Bianca Manalo at Senator Win Gatchalian, nabunyag na rin ang pagkakaroon ng relasyon nina Shaila Rebortera at Rob Gomez, sa katunayan ay mayroon na silang anak.

Samantala, matapos ang isang linggo pananahimik ay nagbigay na ng pahayag si Sen. Win Gatchalian patungkol sa kinakasangkutang isyu ng kanyang girlfriend na si Bianca Manalo matapos lumabas ang mga mensahe nito para kay Rob Gomez sa social media.

Sa isang social media post ni Sen. Win Gatchalian noong araw ng Pasko, hayagan niya ipinagtanggol ang kanyang girlfriend laban sa mga bumabatikos rito. Bukod pa rito ibinahagi rin niya ang mga larawan nila at ang mga larawan ng mga regalong natanggap.

Ayon pa sa caption ni Sen. Win Gatchalian, pareho sila ng prinsipyo ni Bianca Manalo sa buhay at wala umanong fake news na makakapaghiwalay sa kanilang dalawa.

Sa kasunod na social media podt ng senador, ipinakita niya ang pagsasabit ng kanilang mga larawan ni Bianca Manalo na magkasama sa kanilang Christmas tree.

Kalakip nito ay ang mensahe niya para kay Bianca Manalo na mananatili siya sa tabi nito anuman ang mangyari. Sa kasunod na Instagram post, muli niyang ipinagtanggol si Bianca Manalo laban sa mga marites, bashers at mga negas sa relasyon nilang dalawa.

Nasangkot sa isang kontrobersiya ang aktres na si Bianca Manalo nang kumalat sa social media ang mga screenshot ng private message niya kay Rob Gomez kung saan sinasabi niyang nais niyang magkita silang dalawa sa mismong condo nito sa BGC.

Tumaas ang kilay ng maraming mga netizens ng idinagdag pa ni Bianca Manalo sa kanyang mensahe na wala roon si Sen. Win Gatchalian dahil naroon ito sa Valenzuela.

Kaagad naman itong pinabulaanan ni Bianca Manalo sa inilabas niyang pahayag sa kanyang social media account. Ayon kay Bianca Manalo, magdadala lamang mga regalo si Rob Gomez para sa kanya kaya magkikita silang dalawa.

Iginiit din ni Bianca Manalo na binura ang ilang mga conversation nila ni Rob Gomez para mapagmulan ito ng isyu at malagyan ng malisya ang kanyang mga messages.

Ava Mendez, Inamin Ang Nangyari Sa Kanila Ni Jak Roberto

 May nakakagulat na rebelasyon ang Viva Max star na si Ava Mendez patungkol sa Kapuso actor na si Jak Roberto.

Kamakailan lamang ay ibinunyag ng Viva Max star na si Ava Mendez ang patungkol sa ugali ni Jak Roberto sa tuwing nalalasing ito. Sa isang panayam, isa-isang sinagot ng sexy actress na si Ava Mendez ang mga isyung kinakasangkutan niya ngayong taon kabilang na ang isyung may relasyon sila ni Jak Roberto.

Matatandaan na lumabas ang isyung may lihim na relasyon sina Ava Mendez at Jak Roberto sa likod ng girlfriend nitong si Barbie Forteza nang kumalat sa iba't-ibang social media platforms ang mga larawan at video nila na magkasama sa isang party.

Nilinaw naman ito ni Ava Mendez sa isang panayam sa kanya, ayon sa sexy actress ang mga larawan at videos na magkasama sila ni Jak Roberto ay kuha sa isang birthday party ng isang common friend nilang dalawa.

Sa isang five star hotel umano naganap ang nasabing party kung saan sila kumain at nag-inoman. Sila lamang umano ni Jak Roberto ang mga artista na imbitado sa nasabing pagtitipon. Nagkakatuwaan umano sila roon habang nakainom na rin.

Nakikita umano ni Ava Mendez na may mga lumalapit kay Jak Roberto, hindi naman umano isnabero si Jak at maayos na nakikipag-usap sa mga ito. Para kay Ava, wala naman umanong masama sa ginawang ito ni Jak.

Dahil sila lamang umano ang mga celebrity roon, pinagbigyan nila ang mga request ng bawat table na makipag picture sa kanilang dalawa, game naman umano na sinasamahan siya ni Jak Roberto.

Isiniwalat din ni Ava Mendez na napansin niyang napaka-touchy ni Jak Roberto kapag nalalasing ito. Nilanaw naman ni Ava na hindi lamang sa kanya nagiging touchy si Jak Roberto. Gayunpaman, hindi umano maiiwasan na bigyan ng malisya ang ginagawa ni Jak Roberto pero kung totoong kilala muna ang aktor ay masasabi lamang na makulit ito at intindihin na lamang dahil lasing na ito.

Noong maubos na umano nila ang isang box ng inumin, doon na napansin ni Ava Mendez na naging aggressive na umano itong si Jak Roberto at ito na mismo ang kumakausap sa mga babae, ang iba ay umiiwas na umano sa kanya.

Pauwi na umano dapat sila nang pigilan sila ng nag-birthday dahil pare-pareho na silang mga lasing. Pinag-check in na lamang sila sa hotel para makapagpahinga ng sandali.

Nang nasa elevator na sila ni Jak, nakunan umano sila ng ilang mga fan ng video kung saan may ginagawa sa kanya si Jak, nakayakap na umano ito sa kanya pero parang friendly hug lang naman dahil wala na umano ito sa sarili dahil sa labis na kalasingan.

Sa kabila nito, ipinahayg ni Ava Mendez na wala naman umano siyang nakikitang mali sa ginawa ni Jak Roberto sa kanya. Pinabulaanan din niya ang tsismis na may nangyari sa kanilang dalawa dahil una sa lahat ay hindi naman umano niya type si Jak Roberto.

Samantala, hindi pa naman nagbibigay ng pahayag si Jak Roberto hinggil sa usaping ito at hindi rin nagbibigay ng reaksyon ang kanyang girlfriend na si Barbie Forteza.