Karla Estrada Tinawag Na Walang Delikadesa Matapos Magbigay Ng Pag-asa sa Mga Fans ng KathNiel

 Umaani ngayon ng pambabatikos mula sa mga fans ni Kathryn Bernardo ang ina ng ex-boyfriend niyang si Daniel Padilla na si Karla Estrada dahil sa tila pagbibigay umano nito ng false hopes sa mga fans ni Daniel Padilla na magkakabalikan pa ang dalawa.

Ilang beses na ibinahagi ni Karla Estrada sa kanyang Facebook account ang ilang mga kaganapan sa rehearsal ng ABS-CBN Christmas Special kung saan unang nasilayan ng publiko ang pagpi-perform ng KathNiel matapos ang kanilang hiwalayan.

Napansin ng mga fans ni Kathryn Bernardo na tila proud pa umano ni Karla Estrada sa panunuyo ni Daniel Padilla kay Kathryn Bernardo sa harap ng maraming tao kung saan hindi makakaiwas ng todo ang aktres.

Matatandaan na sa mga kumakalat na video makikita na hindi lamang isang beses na pasimpleng umiiwas si Kathryn Bernardo habang tila dikit ng dikit si Daniel Padilla rito at may pa-alalay pang nalalaman.

Samantala, marami ang tumatawag ngayon kay Karla Estrada na walang delikadesa dahil tila pilit umano nitong pinapalabas na magkakabalikan pa sina Kathryn Bernardo at Daniel Padilla.

Inalmahan ng maraming mga fans ng aktres na si Kathryn Bernardo ang mga shared post ng celebrity mom na si Karla Estrada kung saan tila pinapahiwatig umano nito na gusto niyang magbalikan sina Kathryn Bernardo at kanyang anak na si Daniel Padilla.

Kaagad na umani ng maraming pambabatikos ang dalawang shared post ni Karla Estrada. Bukod dito marami rin sa mga fans ni Daniel Padilla na umaasang magbabalikan ang dalawa ay nagbubunyi sa comment section ng post ni Karla.

Sa kabilang banda may mga fans naman ng aktres na sana ay hindi na lamang pa ginatungan ni Karla Estrada ang mga delulu fans ng KathNiel at birespeto na lamang ang desisyon ng dalawa.

May mga nagpunto pa na kahit kinakausap ni Kathryn si Daniel Padilla at umaarteng wala lang makikita naman umano sa pasimpleng pag-iwas nito na naa-awkward na rin ang aktres sa mga pahawak ni Daniel.

May mga nakisimpatya rin kay Kathryn Bernardo dahil sa mga kailangan nitong isakripisyo para sa kanyang trabaho. Kinailangan pa umano nitong itago sa harap ng publiko ang kanyang nararamdaman dahil may trabaho siyang pakiligin ang mga fans.

"Ganyan kahirap maging artista, kailangan mo isantabi yung totoong nararamdaman mo to give people a good show. Professionalism tawag doon, parang clown nga daw eh.. happy face sa labas pero sa loob sad face. 

"Part ng trabaho nila makapagpasaya ng tao, pero hindi nila obligasyun yun at the end of the day they both deserve genuine happiness and peace of mind.."

Kim Chiu Gagantihan Si Xian Lim Dahil Sa Ginawa Nito

 Sa pagbura ni Xian Lim sa mga photos at videos nila ni Kim Chiu sa kanyang YouTube Channel, marami ang mga nagpapayo ngayon sa aktres na si Kim Chiu na idelete na rin ang mga larawan nila ni Xian Lim sa kanyang Instagram account.

Hanggang ngayon ay makikita pa rin ang mga larawan at photos nila sa kani-kanilang mga social media accounts subalit pakiramdam ng mga fans na baka darating ang araw na mawawala  rin iyon lahat kaya naman dapat ay unahan na umano ito ni Kim.

Matatandaan na nag-iwan pa noong ng limang uploads si Xian Lim sa kanyang YouTube channel, ito ay mga video na walang participation si Kim Chiu. Subalit, kalaunan ay binura na rin ito ni Xian Lim.

Marami naman sa mga fans ni Kim Chiu ang nasasaktan at naiinis kay Xian Lim dahil sa tila panbabalewala umano nito kay Kim Chiu. Bakit naman umano nito binura an kanilang mga vlog together kung totoong magjowa pa sila.

Naniniwala ngayon ang mga netizens na ang pagbura ni Xian Lim sa mga photos nila ni Kim Chiu ay pahiwatig lamang na wala nang halaga sa kanilang mga memories together at mga pinagsamahan sa loob ng 12 years nilang relationship.

Sa ngayon ay aktibo pa ring nagpopost si Kim Chiu sa kanyang Instagram account subalit hanggang ngayon ay hindi pa rin ito nagbibigay ng linaw patungkol sa estado ng relasyon nila ni Xian Lim.

Tila umiiwas din si Kim Chiu sa mga katanungan kapag napag-uusapan na ang patungkol sa jowa at hiwalayan. Hinala ng mga netizens na tila hindi pa umano lubusang natatanggap ni Kim Chiu na nasayang lamang ang 12 years na ininvest niya sa relasyon nila ni Xian Lim na wala naman palang plano para sa kanilang future.

Samantala, may napansin naman ang ilang mga netizens sa latest post ni Xian Lim sa kanyang Instagram account, makikita umanong masaya ang aktor at kumikinang pa ang mga mata na tila wala man lang pinagdaanan.

Hindi umano ito katulad kay Kim Chiu na halatang malungkot at minsan ay namumugto pa umano ang mga mata napapatawa lamang ang actress sa tulong ng kanyang mga kaibigan.

View this post on Instagram

A post shared by Alexander Xian Lim Uy (@xianlimm)

Mga Sikat Na Aktor Na Di Mo Akalaing Mga Bakla

 Sadyang mapanlinlang ang mundo ng showbiz, hindi lahat ng mga ipinapakita ng mga artista ay totoo. Hindi lahat ng mga iniidolo ay nagpapakita sa kanilang totoong pagkatao sa entablo. Kaya naman ating kilalanin ang mga artistang nagpakilig at nagpatili sa mga kababaihan at maging sa ilang mga kalalakihan.

Ating alamin ang ilang mga hot celebrities na naiisyu noon na may iba pang kulay.

1. Mark Bautista

Nakilala si Mark Bautista dahil sa kanyang galing sa pagkanta. Una siyang nadiscover sa Star For the Night noong 2003, mula noon ay tuloy-tuloy na ang kanyang pagsikat. Subalit noong 2011, pumutok ang isyu na may kinalaman siya sa hiwalayan nina KC Concepcion at Piolo Pascual dahil sa pagkakaroon nila ng affair ni Piolo Pascual.

2. Paolo Ballesteros

Kilala si Paolo Ballesteros bilang isang magaling na actor, host at make up artist dahil sa kanyang pagmi-make up noon sa noontime show na Eat Bulaga, marami ang naghinala na isa si Paolo Ballesteros sa mga lalaking may iba pang kulay.

3. Erik Santos

Nakilala si Erik Santos sa mundo ng pag-awit noong nanalo siya bilang big winner ng Star In A Milion noong 2003. Isa rin siyang aktor at TV host. Pinagduduhang bakla si Erik Santos dahil sa kawalan ng romantic relationship sa loob ng maraming taon. Pinabulaanan naman ito ng aktor at pinatunayang hindi siya bakla ng ligawan niya si Angeline Quinto.

4. Prince Stefan

Si Prince Stefan ay isang half-Arab actor na nagsimula sa GMA7 subalit lumipat sa ABS-CBN kalaunan. Pumutok ang balita noon na umanoy pagkakaroon nila ng relasyon sa isang lalaking model.

5. Sam Milby

Bagama't hindi nanalo sa Pinoy Big Brother sumikat si Sam Milby sa larangan ng pag-arte, subalit taong 2007 naisiwalat noon ng isang kilalang showbiz columnist na nakikipagdate ito sa kapwa niya lalaki.

6. Martin Del Rosario

Kailanman ay hindi ikinahiya ni Martin Del Rosario ang kanyang pagganap sa mga gay roles dahil dito lumabas ang isyu na totoo itong bakla. Lalo pang lumakas ang isyu nang kumalat noon ang mga larawan niya kasama ang isang lalaking model na nagdi-date.

7. Ahron Villena

Naisiwalat noon ni Ogie Diaz na may gay benefactor itong si Ahron Villenna noon na nagbibigay umano sa aktor ng lahat ng kanyang mga kagustuhan.

8. Enchong Dee

Naging palaisipan na sa mga netizens ang totoong katauhan ng aktor na si Enchong Dee dahil marami ang naglabasan noong isyu na isa ito sa mga binababae gayunpaman, ikinalito ng maraming mga netizens ng ligawan noon ng aktor ang aktres na si Julia Montes. Subalit muling naisyu ang aktor ng kumalat sa social media ang malagkit niyang pagtitig kay Piolo Pascual.

9. Piolo Pascual

Maituturing bilang pinaka-controversial na tinaguriang bading ang aktor na si Piolo Pascual dahil maraming mga aktor na naiuugnay sa kanya. May mga nagsasabi pa na ang pagiging bakla ni Piolo Pascual ay isang open secret sa mundo ng showbiz.

10. Alden Richards

Pinaghihinalaan ng ilang mga netizens na may tinatagong kakaibang kulay ang aktor na si Alden Richards dahil sa larawang kumalat nila ni Dereck Monasterio noon. Bukod pa rito kumalat din noon ang mga larawan niya kasama ang dalawang non-showbiz guys.

Mga Bigating at Kaabang-Abang Na Mga Proyekto Ng ABS-CBN Sa 2024

 Inilabas na ng talent management arm ng ABS-CBN na Star Magic ang listahan ng mga aabangang proyekto at events para sa taong 2024.

Nangangako ang Star Magic na maglalabas sila ng mga kaabang-abang na mga programa at star-studded event para sa susunod na taong 2024. Inanunsyo ng Star Magic sa kamakailang Star Magical Christmas 2023 ang mga paparating na kaganapan nila sa para sa taong 2024.

Una sa listahan ang the most fairytale of the year, ang Star Magical Prom. Magiging mas hot rin ang summer ngayong 2024 dahil sa pagbabalik ng Star Magic Hot Summer sa ikalawa nitong taon.

Magbabalik din ang inaabangang celebrity sports fest kasama ang 2024 All Star Games. Sa kauna-unahang pagkakataon magkakaroon din ng Star Magic Dance Festival at Star Magic Singing Fetival.

Magsasama-sama rin ang mga pinakamahuhusay na artista at mang-aawit sa Star Magic para ipagdiwang ang mga nangungunang composers ng bansa sa Star Magic Maestro Concert Series.

Inihayag rin ng Star Magic na hindi makukumpleto ang taon kung hindi nila ipagdiriwang Star Magical Christmas Ball 2024.

Bukod rito, inanunsyo rin ng Star Magic ang gagawing palabas ng kanilang mga big stars. Magbabalik na ang biggest reality talent searc ng bansa ang Pinoy Big Brother sa pinakabagong season nito.

Dapat na ring maghanda ang mga aspiring teen singers ngayong 2024 dahil magbabalik na ang The Voice Teens. Mapapanood na rin sa primetime TV ang pinag-uusapan at pinanggigigilang digital series na Linlang na pinagbibidahan nina Kim Chiu, Paulo Avelino at JM De Guzman.

Magsasama rin sa kauna-unahang pagkakataon sina award winning actress Judy Ann Santos, John Arcilla at Arjo Atayde sa spin off series na The Bagman.

Mapapanood na rin sa darating na taon ang local adaptation ng hit South-Korean romantic comedy drama na What's Wrong With Secretary Kim, na muling pagtatambalan nina Kim Chiu at Paulo Avelino. 

Magbabalik teleserye na rin ang nag-iisang Anne Curtis kasama sina Joshua Garcia at Carlo Aquino para sa local adaptation ng hit South Korean drama na It's Okay Not To Be Okay.

Abs-Cbn May Bagong Ipapalit Sa KathNiel

Sa tuluyang pag-amin nina Kathryn Bernardo at Daniel Padilla sa kanilang hiwalayan matapos ang 11 years nilang relasyon, usap-usapan din ngayon sa sociamedia na maging ang kanilang tambalan ay magtatapos na rin.

Hindi naman lingid sa kaalaman ng lahat na napaka-effective ng tambalan nina Kathryn Bernardo at Daniel Padilla dahil nakakakuha ng malalaking ratings ang mga pelikula at teleserye na kanilang pinagbibidahan.

Sa kabilang banda, tila naghahanda naman umano ang ABS-CBN sakaling hindi na magsasama pang muli ang KathNiel, ayon sa mga kumakalat ngayon na mga usap-usapan, tinitingnan na ang papalit sa pwesto ng KathNiel sa ABS-CBN bilang sikat na loveteam ay ang tambalan nina KD Estrasa at Alexa Ilacad.

Sa kamakailang episode ng Marites University nitong December 12, 2023, isiniwalat ni Ambet Nabus ang napag-usapan sa isang presscon kasama ang batikang direktor na si Cathy Garcia Sampana.

Naitanong umano kay Direk Cathy bilang ina-inahan ng tambalan nina KD Estrada at Alexa Ilacad kung ano ang totoong kaugalian ng mga ito sa set dahil ang mga bali-balita ay mababait naman umano ang mga ito.

Ayon naman umano kay Cathy Garcia na noon pa man ay magaling nang artista si Alexa Ilacad, samantalang nakikita rin niya ang natatanging galing ni KD Estrada na hindi na umano siya magtataka kung one of this days ay aarangkada din ang mga ito bilang sikat na tandem.

Samantala, may mga usap-usapan pa ngayon na may isang proyekto umano na nakatakdang ibigay sa KathNiel subalit dahil sa paghihiwalay ng dalawa ay maaaring kina KD Estrada at Alexa Ilacad na lamang ibibigay.

May mga nagsasabi naman na hindi malabo na sisikat din ang dalawang ito dahil mayroon na sila fan base, bukod pa rito hinirang din sila bilang Asia's Most Promising Loveteam noong 2022.

Gayunpaman, marami sa mga fans ng KathNiel ang hindi sumang-ayon sa balitang ito dahil naniniwala sila na mahirap pantayan ang mga achievements ng KathNiel kahit pa naghiwalay na ang mga ito.

Pinatunayan naman ng KathNiel ang kanilang professionalism dahil muli silang nagsama para sa ABS-CBN Christmas Special 2023 at ipinakita na kaya pa rin nilang maging civil sa isa't-isa kahit pa kamakailang lamang ay inamin nila ang pagtatapos ng kanilang relasyon.

 

Sarah Lahbati Ibinenta Ang Jeep Nila Ni Richard Gutierrez

 Bukod sa hiwalayan ng longtime celebrity couple na sina Kim Chiu at Xian Lim, naging laman rin ng mga usap-usapan ngayon ng mga marites sa social media ang hiwalayan rin ng mag-asawang celebrities na sina Richard Gutierrez at Sarah Lahbati.

Ilang linggo na ring napag-uusapan na naghiwalay na rin sina Sarah Lahbati at Richard Gutierrez, matapos mapansin ng mga netizens na hindi na sila magkakasama sa pagsi-celebrate ng mga okasyon na dati naman nilang pinagdidiriwang na magkasama.

Maging sa mga travel ni Sarah Lahbati kamakailan ay hindi na rin niya kasama si Richard Gutierrez. Lalo pang nakadagdag sa hinala ng mga netizens na totoong naghiwalay na sina Sarah Lahbati at Richard Gutierrez ay ang naging pahayag ni Annabelle Rama patungkol sa totoong ugali ni Sarah Lahbati.

Matatandaang sa isang panayam ay hayagang sinabi ni Annabelle Rama na nagwawaldas ng pera si Sarah Lahbati habang busy sa pagtatrabaho ang kanyang anak na si Richard Gutierrez. Gusto umano ni Sarah Lahbati na palagi silang magtatravel ni Richard Gutierrez.

Ipinahayag din ni Annabelle Rama sa nasabing panayam na mag-isang buwan nang sa kanya umuuwi si Richad Gutierrez. Sa isang social media post, tinawag rin ng batikang aktres at talent manager si Sarah Lahbati na isang devil woman, manipulative at napakasinungaling.

Samantala, naghatid naman ng panibagong ingay ngayon sa social media ang pagbabahagi ni Sarah Lahbati na ibinibenta na niya ang kanyang Wrangler Jeep na iniregalo pa noon ni Richard Gutierrez.

Ayon sa mga kumakalat na bali-balita ibinibenta na umano ito ni Sarah Lahbati para maging pera at magamit niya. Bukod pa rito, ayaw na umano ni Sarah Lahbati sa mga bagay na magpapaalala sa kanya kay Richard Gutierrez.

Dagdag pa sa mga nasabing chika, hindi naman umano pinagsisihan ni Sarah Lahbati na bitawan ang isa sa mga magpapaalala sa kanya kay Richard Gutierrez dahil nagtapos na rin naman ang kanilang relasyon.

Sa kabilang banda, hindi pa naman kumpirmado ang balitang ito dahil hindi pa rin naglalabas ng anumang detalye ang dalawa.

Dahilan Kung Bakit Ayaw Pakasalan Ni Xian Lim Si Kim Chiu

 Usap-usapan ngayon sa ilang mgg social media platforms at entertainment news ang patungkol sa totoong dahilan ng paghihiwalay ng longtime celebrity couple na sina Kim Chiu at Xian Lim.

Sa isang episode ng showbiz oriented vlog nina Ogie Diaz, isiniwalat ng talent manager at showbiz insider na hindi umano third party ang dahilan ng paghihiwalay nina Kim Chiu at Xian Lim kundi ang kawalan ng plano ni Xian Lim na pakasalan si Kim Chiu.

Samantala, may mga usap-usapan naman na may malalim na dahilan si Xian Lim kung bakit hindi nito pinapakasalan si Kim Chiu kahit na matagal na silang magkarelasyon.

Ayon sa mga kumakalat ngayong usap-usapan, napagod na umano itong si Kim Chiu sa paghihintay ng proposal ni Xian Lim dahil handa na siyang magsettle down dahil nasa tamang edad na ang aktres at financially stable na rin. Tila inakala rin umano ni Kim Chiu na ganundin ang kanyang boyfriend, subalit wala pa sa mga priority ni Xian Lim ngayon ang pagpapakasal.

Bagama't hindi pa naman nila hayagang marami na ngayon ang mga naglabasang resibo na totoong nagwakas na rin ang kanilang relasyon. Naging sunod-sunod ang pagbibiro ni Vice Ganda kay Kim Chiu sa kanilang noontime show na It's Showtime na tila pahiwatig nito na may alam siya sa estado ng KimXi.

Lalo pang nakapagpalakas sa hinala ng mga netizens ay ang pagbubura ni Xian Lim sa mga videos sa kanyang YouTube vlog kabilang na ang mga travel vlogs nila noon ni Kim Chiu. Samantalang naroon pa ang mga videos nila sa YouTube channel ni Kim Chiu.

Sa kabilang banda, may mga nagsilabasan ngayong haka-haka na isa sa mga dahilan ni Xian Lim kung bakit hindi pa ito nagpo-propose kay Kim Chiu dahil ayaw pa niyang magpatali sa aktres. May mga naglabasan pang isyu patungkol sa totoong ugali ni Xian Lim sa totoong buhay, masama umano ang ugali nito at mainitin pa ang ulo, ayaw umano ni Xian Lim na may kokontrol sa kanya kaya naman ayaw na muna niyang magpakasal.

May mga nagsasabi rin na mas priority ni Xian Lim ang pagtulong sa kanyang pamilya kaya naman hindi pa ito nagpapakasal para ang lahat ng kanyang kinikita ay pinapantulong na muna niya sa kanyang mga magulang.

Samantala narito naman ang ilang mga saloobin ng mga netizens sa isyu nina Xian Lim at Kim Chiu.

"That’s not fair to Kim. You’re just playing and fooling around. You should have told this to Kim long time ago. What a waste of time"

"KIMMY HE IS NOT A GENTELMEN DAHIL HINDE SIA TOOTOO PARA SA IO ...just Be Strong Cause you are a good person ans have a good Heart a Lady like you have a good Heart we are here to support you in Prayer and You 

I believe Our Lord Almigthy preparing you the Best Man for your partner"

"Malaking tiwala sa sarili..,porke pogi siya..ang kapongihan ay lilipas rin ...ang mahalaga ay ugali, tapat at hindi taking advantage sa relasyon..may karma iyan bet ko... advantage..makarma iyan pretty soon"

Kathryn Bernardo Nagasalita Na Sa Pag Iwas Niya Sa Pagbeso Ni Andrea Brillantes

 Nagbigay na ng pahayag ang aktres na Kathryn Bernardo sa kumakalat na video kung saan tila iniwasan niya ang tangkang pakikipagbeso-beso sa kanya ng Kapamilya actress na si Andrea Brillantes sa naganap na ABS-CBN Christmas Special rehearsal.

Kumakalat ngayon sa ilang mga social media platforms ang mga larawan at video na kuha mula sa ABS-CBN Christmas special rehearsal na ginanap sa Araneta Coliseum. Kabilang sa mga kumalat na video ay ang tila pag-iwas umano ni Kathryn Bernardo sa pakikipagbeso-beso ni Andrea Brillantes na naroon din sa nasabing event.

Matapos kumalat ang nasabing video, kaagad namang nilinaw nina Andrea Brillantes at Kathryn Bernardo ang totoong nangyari na siyang pinag-ugatan ng video.

Marami rin kasi ang mga nagsasabi na tila bigla na lamang umanong nag-iba ang mukha ni Kathryn Bernardo nang lumapit sa kanila si Andrea Brillantes at magtangkang makipagbeso-beso. Ayon pa sa ilang mga netizens na kitang-kita umano sa nasabing video ang pag-iwas ni Kathryn at ang pagkailang niya sa ginagawa ni Andrea Brillantes.

Hayagan naman itong naitanong kay Andrea Brillante sa isang panayam, dito iginiit ni Andrea Brillates na okay naman sila ngayon ng kanyang Ate Kath. Sa katunayan ay nginitian pa umano siya ni Kathryn Bernardo at tila nalito lamang umano ito sa rami ng gustong makipag-beso beso sa kanya, hindi na alam kung sino ang uunahin.

Subalit, ng matanong naman si Andrea Brillantes patungkol sa kinasasangkutan niyang isyu sa hiwalayan ng KathNiel ay muling tumanggi si Andrea Brillantes at piniling manahimik na lamang.

Sa kabila ng mga pambabatikos na natatanggap ngayon ni Andrea Brillantes malaki pa rin ang pasasalamat niya sa lahat ng mga fans na patuloy na sumusuporta sa kanya at sa kanilang event.

Hiling din Andrea Brillantes na sana ay maging masaya ang lahat sa paparating na pasko at mapuno sana ng blessings ang lahat.

Samantala, nagbigay rin ng pahayag si Kathryn Bernardo hinggil sa isyung iniwasan niya ang pakikipagbeso-beso ni Andrea Brillantes sa kanya. Ayon kay Kathryn Bernardo, wala umanong katotohanan na iniwasan niya ang pakikipagbeso-beso ni Andrea Brillantes sa kanya.

Sa katunayan ay nginitian pa umano niya ito subalit sa dami ng mga gustong makipagbeso sa kanya ay hindi na niya alam kung kaninong pisngi ang uunahin niya.

Inamin rin ni Kathryn Bernardo na hindi sila nagkausap ni Andrea Brillantes sa nasabing event at medyo naiilang pa rin umano siya. Nagpasalamat rin si Kathryn Bernardo sa lahat ng mga Kapamilya na sumuporta sa kanilang event.

"Okay naman kami ni Andrea hindi naman kami masyado nakapag-usap kasi busy kaming lahat sa event. Marami kasi ang gustong bumeso sa akin kaya nalito na rin ako kung sino uunahin ko. Pero happy ako kasi maraming nag-enjoy na mga tao, salamat sa kanilang suporta."

Samantala, hindi na nagbigay ng komento si Kathryn Bernardo sa katanungang maari pa ba silang magkabalikan ni Daniel Padilla. Nauna nang naiulat na tila ginamit ni Daniel Padilla ang nasabing event upang makalapit at suyuin si Kathryn Bernardo subalit ilang ulit rin na pasimpleng umiiwas si Kathryn Bernardo.

Sa kabilang banda, marami naman sa mga KathNiel fans ang nagsasabi na huwag nang makipagbalikan ni Kathryn Bernardo kay Daniel Padilla. Sa ngayon, mas ninanais ng mga fans ni Kathryn Bernardo na enjoyin na lamang muna niya ang kanyang pagiging single lalo na ngayon na lumutang na ang kanyang ganda dahil sa paglaya niya sa relasyon nila ni Daniel Padilla.

Daniel Padilla Dikit ng Dikit Kay Kathryn Bernardo Sa ABS-CBN Christmas Special Rehearsal

 Usap-usapan ngayon sa social media ang makailang ulit na pag-iwas ni Kathryn Bernardo sa tangkang paghawak sa kanya ng kanyang ex-boyfriend na si Daniel Padilla habang nasa rehearsal sila para ABS-CBN's Christmas Special na ginanap sa Araneta Coliseum.

Marami ang nakapansin na tila hindi na para sa performance ang ginagawa ni Daniel Padilla sa habang nagrerehearse sila ni Kathryn Bernardo, tila naghahanap na umano ng tyempo si Daniel Padilla para makausap si Kathryn at pasimpleng sinusuyo na umano nito ang dalaga habang nagpi-perform sila.

Ang nasabing rehearsal ay ang kauna-unahang pagkakataon na nagkasamang muli sina Daniel Padilla at Kathryn Bernardo sa iisang performance matapos ang kanilang paghihiwalay. Kaya naman marami sa mga netizens at ilang mga media people ang nakatutok sa performance na kanilang pagsasamahan.

Marami ang nakapuna na ilang beses na nagtangka si Daniel Padilla na hawakan si Kathryn Bernardo subalit ilang ulit din pasimple na umiiwas si Kathryn.

Hindi naman nagustuhan ng ilang mga netizens ang ikinilos ni Daniel Padilla sa pagkikitang muli nila ni Kathryn gayung alam naman umano ng lahat na hiwalay na sila at hindi na kailangan pa ang labis na pag-aalalay niya rito kay Kathryn Bernardo dahil nakaka-awkward lamang ito.

May pagkakataon pa na sadyang nilalapitan ni Daniel Padilla si Kathryn Bernardo para kausapin at muling nagtangka ang aktor na hawakan ang braso ng aktres na muling iniwas ng dalaga.

Bukod pa rito, kumakalat rin ang video kung saan kitang-kita na pasimpleng sumusulyap si Daniel Padilla kay Kathryn Bernardo.

Sa kabilang banda, marami ang nagsasabi na tila naging bigger actress si Kathryn Bernardo mula ng maisyung naghiwalay na sila ni Daniel Padilla. Marami rin ang nakapansin na tila nag-iba na umano ang awra nito ngayon na solo artist na lamang ito.

May mga nagsasabi pa na tila naging malaya na ngayon si Kathryn Bernardo na gawin ang kanyang mga gusto kaya naman makikitang gumanda ito. Ngayong solo na si Kathryn mas napapansin ang mga talento nito lalo na't nakakagalaw na siya ng malaya.

Samantala, marami sa mga netizens ang nagsasabi na sana ay huwag nang makipagbalikan ni Kathryn Bernardo kay Daniel Padilla, may mga nagsasabi pa na huwag na muna umanong pumasok ni Kathryn Bernardo sa panibagong relasyon at enjoyin muna niya ang pagiging single.

"Kathryn went thru pain right, and just so recent.... seeing her eluding DJ is expected... and also, they are professional artists and actors... Kathryn is simply being polite to the audience we suppose."

"Okay lang yan Ms. Kathryn! Marami ka mararating at bata ka ba Ms. Kathryn! Iwan mo na lang muna yan! Mag focus ka sa work mo at kayang kaya mo yan at dasal lang Kathryn, mag sama kayo ny parents mo, sila na muna at trabaho muna gawin mo at dasal. God bless you more!! Stay safe and healthy!"

"Nasanay na si DJ kay Kathryn. It's automatic. Laging niya inaayusan siya. Mabait lang talaga si Kathryn. Sobrang bait na inaabuso."

"Sa mga fans ng kathniel please respect them. Gusto niyo ba paulit ulit nalang sila masaktan, lalo na si kath? Give her a chance to find a good man. Mabait siya at hindi niya deserve ang maloko ng paulit ulit. Insensitive din itong iba pinagsama pa talaga."

Kampo Ni Kathryn Bernardo Nagsalita Na Sa Balitang Paglipat Ng Ibang Network

 Kumakalat ngayon sa ilang mga social media platforms at ilang mga entertainment news sites ang isyung lilipat na umano sa ibang TV network at talent agency ang aktres na si Kathryn Bernardo matapos ang hiwalayan nila ng kanyang longtime boyfriend na si Daniel Padilla.

Matatandaan na nitong November 30, 2023 tuluyang inamin nina Kathryn Bernardo at Daniel Padilla na totoo ang kumakalat na chismis ng kanilang paghihiwalay subalit, pareho nilang nilihim ang totoong dahilan ng kanilang hiwalayan.

Kasunod nito, kaagad naman umanong nakatanggap ng mga offer mula sa ibang mga networks si Kathryn Bernardo, nakakatanggap rin siya ng offer mula sa ibang talent agencies kabilang na ang Crown Artist Management na pagmamay-ari ni Maja Salvador at mister nitong si Rambo Nunez.

Sa katunayan, kumalat pa noon sa social media ang mga larawan na kuha mula sa kanilang pagkikita.

Samatala, nagbigay na ng pahayag ang kampo ni Kathryn Bernardo hinggil sa nasabing isyu, sa isang panayam sa ina ni Kathryn na si Min Bernardo ng ABS-CBN News, hayagan niyang pinabulaanan ang mga isyung ito.

Ayon sa ina ni Kathryn, walang katotohanan ang mga isyung lilipat sa ibang TV network at talent agency ni Kathryn Bernardo. Kahit pa naghiwalay na umano sina Kathryn Bernardo at Daniel Padilla, hindi umano iiwan ni Kathryn ang Star Magic at lalong lalo na ang ABS-CBN na naging tahanan na ng aktres mula pa noong nagsisimula pa lamang siya sa showbiz.

Matatandaan na nagbigay rin noon ng pahayag ang ABS-CBN at Star Magic matapos ang pag-amin ng kanilang talents na sina Kathryn Bernardo at Daniel Padilla sa kanilang hiwalayan. Ayon sa kanilang official statement, nirerespeto nila ang desisyon ng dalawa na maghiwalay na.

Hiniling din nila noon sa mga fans ng KathNiel na itigil na ang pagpapakalat ng mga maling impormasyon hinggil sa hiwalayan ng dalawa at patungkol sa totoong naging sanhi nito.

Marami naman ang nakaoansin na lalong sumikat ngayon ang aktres na si Kathryn Bernardo matapos ang hiwalayan nila ni Daniel Padilla dahil nakuha ni Kathryn ang simpatya ng mga netizens dahil nagsilabasan na ang mga tinatagong baho ni Daniel Padilla.

Muli ring pinupuri ngayon ang aktres, matapos kumalat ang mga videos at mga larawan na kuha mula sa rehearsal para sa ABS-CBN Christmas Special sa darating na linggo.

Makikitang very professional si Kathryn Bernardo dahil pumapayag pa rin siyang makasama sa performance si Daniel Padilla. Makikita pa sa mga nasabing video ang civil na pakikitungo ni Kathryn sa kanyang ex-boyfriend.

Daniel Padilla Sinuyo Agad Si Kathryn Bernardo Matapos Ang Kanilang Rehearsal

 Tila nakahanap ng tyempo ang aktor na si Daniel Padilla na suyuin ang kanyang ex-girlfriend na si Kathryn Bernardo nang muling magkasama na magperform on stage sa naganap na ABS-CBN Christmas Special rehearsal.

Matapos ang nakakagulat na pag-amin nina Kathryn Bernardo at Daniel Padilla sa kanilang hiwalayan noong November 30, 2023 muling ginulat ng dalawa ang mga netizens nang ibahagi ngayon sa ilang mga social media platforms at ilang mga entertainment websites ang mga larawan at videos na kuha mula sa rehearsal nina Kathryn para sa darating na Christmas special ng ABS-CBN.

Marami naman sa mga fans nina Kathryn Bernardo at Daniel Padilla ang nakaramdam ng kilig dahil sa pagsasamang muli ng dalawa. Hindi rin naman maitatanggi na may mga fans pa rin ang nagnanais na sana ay magkabalikan ang dalawa.

Samantala, marami ang humanga sa taglay na professionalism ni Kathryn Bernardo dahil pumapayag pa rin siya na makatrabaho muli si Daniel Padilla sa kabila ng mga nangyari sa kanila at sa isyung matagal na siyang pinagloloko nito.

May mga nakapansin pa na pilit umanong naghahanap ng tyempo si Daniel Padilla para makausap niya ng masinsinan si Kathryn Bernardo na naging civil na lamang ang pakikipag-usap sa aktor.

May mga nagsasabi pa na may pa hatid pa umano si Daniel Padilla kay Kathryn Bernardo sa kotse nito matapos ang kanilang rehearsal.

Sa kabila ng kilig na nararamdaman ngayon ng ilang mga fans, marami pa rin ang nagpapayo kay Kathryn Bernardo na huwag nang makipagbalikan kay Daniel Padilla dahil nagloko na umano ito noon at magiging madali na lamang na lokohin siyang muli nito.

Direk Cathy Garcia Binunyag Ang Kanyang Mga Sinabi Sa KathNiel Matapos Ang Breakup

 Inamin ng box-office director na si Cathy Garcia Sampana na nalungkot din siya sa paghihiwalay ng celebrity couple na sina Daniel Padilla at Kathryn Bernardo.

Naitanong kay Director Cathy Garcia ng isang entertainment reporter kung ano ang kanyang naging reaksyon sa kumpirmadong paghihiwalay ng dalawa na matapos ang kanilang labing isang taon na relasyon.

Ayon kay Direk Cathy, wala naman sigurong hindi nalulungkot sa hiwalayan ng dalawa. Gayunpaman, ipinahayag niya na wala siyang kinikilingan ninuman kina Daniel Padilla at Kathryn Bernardo dahil pareho umano niyang mahal ang dalawa.

Ipinunto pa nito na hindi na niya kailangan pang kumampi sa isang panig dahil malalaki na rin naman ang dalawa at alam naman umano niya na malalampasan ng mga ito ang kanilang pinagdadaanan ngayon.

Nirerespeto rin umano niya ang dalawa at alam umano niya kung hanggang saan lamang ang kanyang boundaries. Ipinahayag din ni Derek Cathy na naroon lamang umano siya sakaling kakailanganin siya ng dalawa.

Hindi rin umano siya magmi-meddle sa mga gagawin desisyon ng dalawa dahil malalaki na ang mga ito at kung kailangan naman siya ay tiyak na kusang lalapit sina Kathryn at Daniel sa kanya.

Isa si Direk Cathy Garcia sa mga taong nakasaksi kung gaano nagmature sina Kathryn Bernardo at Daniel Padilla pagdating sa pag-arte sa harap ng kamera. Isa rin siya sa mga taong nakasaksi sa mga pinagdaanan ng dalawa at kung paano naggrow ang kanilang relasyon.

Hanggang ngayon ay naaalala pa rin umano niya ang unang pagkakataon na nakatrabago niya ang tambalan nina Kathryn Bernardo at Daniel Padilla noong 2012 sa Kapamilya hit series na Got 2 Believe.

Nasundan naman ito nang ginawa nina Kathryn at Daniel ang remake ng Pangako Sayo noong 2015 to 2016 at La Luna Sangre noong 2017 hanggang sa 2018.

Pumatok rin sa takilya ang mga pelikula ng tambalang KathNiel na The How's of Us at She's Dating The Gangster.

Eat Bulaga Ba-bye Na, Paulo Contis Napahiya!

 Kumakalat ngayon ang video ng interview ni Mr. Fu sa legal council nina Tito Sotto, Vic Sotto at Joey De Leon na si Atty. Enrique Buko Dela Cruz sa programa ng Abante.

Nabanggit sa nasabing panayam ni Atty. Dela Cruz, na naghahanda na silang sampahan ng kaso ang TAPE Inc. dahil sa hindi nila pagrespeto sa desisyon ng Intellectual Property Office. Hindi na umano maaring gamitin ng TAPE Inc. ang titulong Eat Bulaga sa kanilang show na umiere sa GMA7.

Samantala, base sa pagkaka-intindi ng mga netizens na kapag nai-file na ang injunction automatic nang pagbabawalan ang TAPE Inc. na gamitin ang titulo na Eat Bulaga sa kanilang show.

Sa kabilang banda, inusisa rin ang legal council ng TAPE Inc, na si Atty. Maggie Abraham Garduque hinggil sa nasabing isyu. Ayon sa kanya, wala naman umano silang natatanggap na kopya tungkol sa kasong iyon at wala rin umano silang ideya.

Napanood rin umano ni Atty. Garduque ang bahagi ng interview kay Atty. Dela Cruz na kumakalat ngayon sa Tiktok patungkol sa hinihintay nilang desisyon para magamit na ng TVJ ang pamagat na Eat Bulaga sa darating na January 2024.

Sa kabila nito, pinili ni Atty. Garduque na huwag na munang maglabas ng anumang komento ukol rito. Maging ang ilang mga nagtatrabaho sa Eat Bulaga ay tumanggi rin na magbigay ng anumang komento.

Matatandaan na nauna nang nagpahayag noon ang TAPE Inc. na hindi sila basta-basta na lamang susuko laban sa mga kasong isinampa ng TVJ. Kahit pa pinaburan ng Intellectual Property Office of the Philippines ang TVJ sa kanilang desisyon na kanselahin ang kanilang trademark registration sa Eat Bulaga.

Ngayon, hindi pa natitiyak kung sino ang magmamay-ari sa huli sa pamagat ng longest running noontime show dahil pursigido ang dalawang panig na mapasakanila ang karapatan sa titulo ng Eat Bulaga.

Xian Lim Nabuntis Ang Bagong Girlfriend

 Sa unti-unting pagkakabunyag ng hiwalayan ng celebrity couple na sina Kim Chiu at Xian Lim, pinuputakte ngayon ng mga fans ni Kim Chiu si Xian Lim ng pambabatikos dahil sa isyung pangangaliwa niya sa kanyang nobya.

Galit na galit umano ang mga tagasuporta ni actress-host na Kim Chiu na kilala rin bilang Chinita Princess sa kanyang ex-boyfriend na si Xian Lim dahil pinapaasa lamang umano nito ang aktres.

Ibinahagi naman ng veteran showbiz columnist na si Manay Cristy Fermin ang mga saloobin ng kanyang mga fans ni Kim Chiu sa kamakailang episode ng kanyang programa na Cristy Ferminute.

Marami umano ang nagsasabing pinaasa lamang ni Xian Lim si Kim Chiu at tila hindi umano nito sineryoso ang aktres sa kanilang 12 years relationship dahil wala naman pala itong plano para sa future nila ni Kim Chiu.

Ayon pa kay Cristy Fermin na kahit hindi pa sila nagbibigay ng pahayag ay halatang-halata na umano na naghiwalay na sila kaya naman bakit tila patuloy pa rin nilang dine-deny ang lahat.

Lumikha rin ng ingay ang pagbubura ni Xian Lim sa mga vlog nila ni Kim Chiu na magkasama na tila ba ay indikasyon umano na wala na silang ugnayan pa sa isa't-isa.

Ipinunto naman ni Romel Chika na nakakaawa si Kim Chiu dahil nauna na nitong inamin na kapag nagmamahal siya ay wagas at ibinubuhos niya ang lahat subalit ngayon ay tila nasayang lamang lahat maging ang pagkadalaga nito.

Sa kabilang banda, bagama't sinabi ni Ogie Diaz na hindi third party ang dahilan ng paghihiwalay nina Kim Chiu at Xian Lim, tanging ang kawalan lamang nito ng plano na pakasalan ang aktres ang dahilan naniniwala pa rin ang ilang mga fans ng aktres na may third party na sangkot.

Talagang magaling lamang umanong magtago itong si Xian Lim ng baho niya at ng babae niya, ngayon lamang umano nilabas ng aktor nang tuluyan na silang naghiwalay ni Kim Chiu.

Marami rin ang nagsasabi na tila ginagamit lamang ni Xian Lim si Kim Chiu para maging matunog ang kanyang pangalanan at maambunan kahit papaano sa kasikatan ng aktres.

Samantala, may mga naglabasan pang mga haka-haka na umano'y nagbubuntis na ngayon ang babae ni Xian Lim at naniniwala naman umano ang aktor na wala siyang masamang ginawa dahil wala naman na sila ni Kim Chiu.

Sa ngayon ay hinihiling ng mga tagahanga ni Kim Chiu na makahanap siya ng lalaking hindi kagaya ni Xian Lim na sarili lamang umano ang iniisip at hindi pinapahalagahan si Kim Chiu. Iyong lalaki na handa umanong iharap sa altar si Kim Chiu at hindi lamang gamitin.

Antonette Gail Pumalag Sa Kaniyang Basher Matapos Sabihang Feeling Sikat

Hindi napigilan ng social media personality at influencer na si Antonette Gail Del Rosario ang pagpalag sa isang basher na sinabihan siyang feeling sikat, matapos mag viral ang video nila na kuha sa airport ng Hongkong.

Matatandaan na naunang napag-usapan sa social media ang video na ibinahagi ni Emma kung saan ibinahagi niya sa kanyang mga followers ang pagbabakasyon nilang pamilya sa Hongkong kasama sina Whamos at Antonette Gail.

Sa isang bahagi ng vlog nina Emma, makikita ang paglabas nina Antonette Gail sa airport, nakasakay pa sa cart si Antonette na kinakalong ang anak nila ni Whamos na si Baby Meteor. Makikita namang kumakaway si Antonette Gail habang binabati niya ang mga tao na nadadaanan nila palabas.

Bumabati rin si Antonette ng hi habang kumakaway sa mga tao roon subalit makikita sa video na wala man lang pumapansin sa kanya.

May isang TikTok user naman na nagreupload sa nasabing video, kalakip ang mga larawan nina Anne Curtis, Kathryn Bernardo at Heart Evangelista na may caption na sikat habang ang caption naman ng kay Antonette ay feeling sikat.

Kaagad naman itong umano ng samu't-saring komento mula sa mga netizens, kung saan kadalasan sa mga ito ay pawang mga negatibo at pambabatikos laban kay Antonette.

Marami ang nag-tag kay Antonette Gail at hayagan siyang binabatikos dahil sa pagpi-feeling nito na sikat siya gayung umingay lang naman umano ang kanyang pangalan dahil kay Whamos Cruz.

Dahil sa labis na pambabatikos, pinalagan na ni Antonette Gail ang nasabing uploader, ipinaliwanag din niya kung bakit siya kumakaway sa video at bumabati sa mga tao roon kahit wala namang bumabati sa kanya.

Ayon kay Antonette Gail, sinasadya umano niya na bumati  sa mga tao sa airport ng Hongkong kahit wala naman umano bumabati sa kanya pabalik. Hindi umano siya nagpi-feeling sikat roon. Umaarte lamang siya na may pamilyang naghihintay sa kanya roon sa airport. Iginiit din ni Antonette na wala namang masama sa kanyang pagbati sa mga tao roon.

Binalaan din ni Antonette ang uploader ng nasabing video dahil magsasampa siya ng kaso rito at wala siyang pakialam kahit i-delete pa nito ang video dahil mati-trace pa rin niya ito sa tulong ng mga experts.

Samantala, may ilang mga netizens naman na patuloy pa ring sinusupurtahan si Antonette Gail sa kabila ng mga natatanggap nitong pambabatikos.

"Ganun talaga ibang tao Konting galaw pinupuna. Pag Hindi napansin Suplada eka maarte , Masama Ugali etc. 

"Kapag naman kumaway ka nag Hi ka sasabihin feeling sikat feeling artista at kung anu-ano pa o diba nakakaloka dimo alam kung san ka lulugar

"Meron talagang mga tao na kapag hindi masaya sa buhay nambubwis*t ng kapwa hahanapan ng ikakasira o ikakagalit ng ibang tao! 

"Btw kung san kapo masaya enjoy lang buhay mo yan at wala silang karapatan makialam as long as wala ka naman natatapakan o tinatapakang ibang tao"

Jam Magno Viral Sa Kanyang Mugshot Photo, Very Pretty at Proud?

 Viral at usap-usapan ngayon sa social media ang mugshot ng social media personality na si Jam Magno. 

Kumakalat ngayon sa social media ang mugshot ni Jam Magno kung saan makikitang nakangiti siya habang kinukunan ng larawan na ayon sa ilang mga netizens na tila proud pa ito sa kinakaharap niyang kaso.

Kusang sumuko sa mga Pulis si Jam Magno dahil sa kinakaharap niyang kaso, nitong December 12, 2023 kinunan si Jam Magno ng mug shoot.

Samantala, nilinaw naman ni Jam Magno na hindi siya kinulong nang matanggap niya ang warrant arrest kaugnay sa kasong R.A 9262 na isinampa laban sa kanya. Ang warrant of arrest ;aban kay Jam Magno ay nag-ugat sa kanyang paglabag sa Violence Against Women and Children Act.

Inilabas ang warrant of arrest ng Regional Trial Court Branch 37, 7th Judicial Region Cagayan De Oro City.

Kaagad namang nilinaw ni Jam Magno sa kanyang Facebook post ang dahilan kung bakit nakangiti siya sa kanyang mugshot. Ayon kay Jam Magno, kaya siya nakangiti dahil hindi naman siya guilty sa kasong isinampa laban sa kanya na kinakaharap niya ngayon. Iginiit pa ni Jam Magno na kusa siyang sumuko sa mga otoridad at kaagad na nagpyansa sa halagang 72 thousand pesos.

"I smiled because I am NOT guilty."

Dagdag pa ni Jam Magno, "You should post my miranda right's video mas guapa ko didto. Hahaha!

And to be fair ha."

Nagpapasalamat rin si Jam Magno sa Butuan City Police Station 4 para sa kanyang wonderful experience. Nagpapasalamat rin siya sa Barangay Ampayon's New Barangay Captain Kim Acalayen sa madaliang pagpo-proseso sa kanyang Bail Requirements."

Hindi naman isiniwalat kung sino ang nagsampa ng kaso laban kay Jam Magno na kilalang supporter noon ni Dating Pangulo Rodrigo Duterte.

Samantala narito naman ang ilang komento ng mga netizens hinggil sa kinakaharap na kaso ngayon ni Jam Magno.

"Please continue your platform to helping the people in need Miss Jam,

at least you did something for the community. Then, very Pretty pa gyud.

Nothing new to this, as anyone can file a case unto someone. Nganong na shock man ang uban."

"Katuo gud nako na it's a prank ra

Glad you're okay Ms. Jam

God bless po"

"laban lang mam jam kalmahan ra na kay makadaot na sa beauty ug di jud na mkatarog kang jam magno kay same tag panindigan samtang naa ta sa sakto laban uy.."

"Sure ako maam Jam yang 1.6k na share most of them hater na nimu ga ambak2x kay kita sila ana Hahaha!!

Amping kanunay and Laban maam!Have a Good day ingat!"