Ogie Diaz Nagulat Sa Ginawa Ng Ama Ni Liza Soberano Sa Kanila Ni Cristy Fermin

 Gulat na gulat ang showbiz insider at talent manager na si Ogie Diaz ng makarating sa kanyang ang Facebook post ng ama ng dati niyang alaga na si Liza Soberano.

Pinagmumura siya nito at nagbanta pa na maglalabas ito ng isang live video kung saan isisiwalat nito ang kanyang mga nalalamang baho ni Ogie Diaz.

Nitong December 6 ng gabi napag-usapan nina Ogie Diaz, Mama Loi at Tita Jegs sa kanilang showbiz oriented vlog ang dating alaga ni Ogie Diaz na si Liza Soberano.

Kabilang din sa kanilang napag-usapan ay ang pagmumura ni Jhon, ama ni Liza Soberano, sa kanila at kay Cristy Fermin.

Sa isang Facebook post na burado na ngayon, hayagang minura-mura ni John sina Cristy Fermin at Ogie Diaz dahil sa pakikialam umano nila sa buhay ng may buhay. Ipinahayag pa ni John na ginising umano nina Ogie Diaz at Cristy Fermin ang kanynga beast side.

Samantala, ipinahayag naman ni Ogie Diaz ang kanyang pagtataka kung saan nanggagaling ang poot na naramdaman ng ama ni Liza Soberano gayung patuloy pa rin naman niyang sinusuportahan si Liza Soberano kahit hindi na siya ang manager nito.

Sa katunayan ay all out pa umano ang kanilang pagpopromote sa pelikulang kinabibilangan ni Liza Soberano sa Hollywood na Liza Frankenstien. Tila hindi umano ito pinansin ng ama ni Liza Soberano dahil ni minsan ay hindi ito nagpasalamat sa kanila.

Ipinakita rin ni Ogie Diaz ang iba pang mga post ng ama ni Liza Soberano na mahihinuhang lasing o nakainom ito.

Ipinahayag ng ama ni Liza Soberano na dapat ang magtirahan ay sina Ogie Diaz at Cristy Fermin. Isama na rin umano nila ang kanilang mga followers para mas masaya at para magkarooon sila ng pagkain.

Hindi pa rito natatapos ang pagrarant ng ama ni Liza Soberano, ipinahayag din nito na mas mabuti pa umanong bumalik na lamang si Ogie Diaz sa paglalako ng turon at lumpia noon dahil doon naman umano ito nagsimula.

"OGD.. bumalik ka na lang ng pagtinda ng turon para yang bunganga mo hindi putak ng putak about other people's business.. ang isigaw mo na lang is turon lumpia diba jan ka rin nag-umpisa?"

Hindi naman napigilan ni Ogie Diaz na maglabas rin ng hinanakit laban kay John Soberano na hindi naman lingid sa kaalaman niya na walang-wala rin noong araw.

Ipinunto pa ni Ogie Diaz kung paano tinaguyod ni Liza Soberano ang kanilang pamilya noon. Tinanong din ni Ogie si John kung gusto rin ba nitong ikwento niya kung ano ang sinapit noon ni Liza Soberano noong hindi pa sila nakaangat-angat.

Kung ano ang naging paghihirap ni Liza Soberano para maabot nito ang kanyang pangarap at maahon sa kahirapan ang kanilang pamilya.

Isiniwalat pa ni Ogie Diaz ang pagrereklamo noon ni John na kung sinunod nila ay walang mangyayari sa anak nito sa mundo ng showbiz.

Binantaan rin ni Ogie Diaz ang ama ng aktres na kung may alam ito patungkol sa kanya mas marami umano siyang alam rito.

Pinayuhan din ni Ogie Diaz ang ama ni Liza Soberano na hindi maganda ang pagpopost nito sa Facebook. Alam din umano niya na maging si Liza Soberano ay naiirita na rin sa mga pinaggagawa ng kanyang ama.

Kung may sama naman umano ito ng loob sa kanya ay sana harapan siyang pagsabihan nito para makahingi siya ng tawad at makapagpaliwanag.

Sa ngayon ay mainit pa ring pinag-uusapan sa mundo ng showbiz ang hiwalayan nina  Kathryn Bernardo at Daniel Padilla matapos ang mahigit dekada nilang relasyon.

Marami naman ang nagtataka kung bakit sumisingit ngayon ang ama ni Liza Soberano sa isyu na tila ba ay nagpapapansin umano ito.

Reaksyon Ni Nadine Lustre Sa Breakup Nina Daniel Padilla at Kathryn Bernardo

 Maging ang award winning aktres na si Nadine Lustre ay nahingan rin ng reaksyon patungkol sa kamakailang pag-amin nina Kathryn Bernardo at Daniel Padilla sa kanilang hiwalayan matapos ang 11 years na relasyon at 12 years na pagsasama bilang loveteam.

Sa isang ekslusibong panayam sa aktres na si Nadine Lustra sa One Balita, nausisa sa aktres kung ano ang kanyang reaksyon sa paghihiwalay nina Kathryn at Daniel matapos ang 11 years.

Agad naman itong sinagot ni Nadine Lustre kung saan ipinahayag niya na wala siyang masyadong masasabi sa hiwalayan ng dalawa dahil hindi naman umano siya gaanong malapit kina Daniel Padilla at Kathryn Bernardo.

"I can't realy say so much about it because I'm not super close to them."

Gayunpaman, ipinunto ni Nadine Lustre na nakakapanghinayang din dahil 11 years ding nagkaroon ng relasyon ang dalawa.

Bukod pa rito, naitanong rin kay Nadine Lustre ang kanyang pananaw sa loveteam culture ng Pilipinas.

Matatandaan na nasa isang loveteam din noon si Nadine Lustre kasama ang kanyang ex boyfriend na si James Reid.

Naitanong din kay Nadine Lustre kung naranasan ba niya na talagang pinipilit pa rin silang magsama bilang magkarelasyon para sa kanilang loveteam kahit wala na talaga silang nararamdaman sa isa't-isa.

Ayon naman kay Nadine, ay very grateful siya dahil hindi niya naranasan ito. Naging understanding din umano ang kanyang mga fans na dapat maging professional at hindi pinipilit ang loveteam.

Gayunpaman, naiintindihan din umano ni Nadine kung bakit minsan ay ang management na mismo ang nagpipigil sa mga artista na umalis sa loveteam for business reasons.

Ipinahayag din ni Nadine Luste ang kanyang pagkatuwa dahil nag-eevolve na ngayon ang showbiz industry. Nakakatuwa rin umano na mas understanding na ang mga fans sa mga iniidolo nilang artista.

Ibinahagi rin ni Nadine Lustre kung gaano siya ka-swerte dahil hindi siya nahirapan sa pagpapaintindi sa kanilang mga fans noong ng kanyang ex-boyfriend na si James Reid na wala na talaga silang magagawa sa kanilang loveteam.

Malaki rin umano ang kanyang pasasalamat sa kanyang mga fans dahil kahit wala na siya sa loveteam ay patuloy pa rin siyang sinusuportahan ng mga ito.

Maging noong magdesisyon siyang makipagdate muli ay nakasuporta pa rin umano ang kanyang mga tagahanga.

Sa ngayon ay masaya na si Nadine Lustre sa piling ng kanyang non-showbiz boyfriend na si Christophe Bariou.

Matatandaan na taong 2020 nang ianunsyo nina Nadine Lustre at James Reid na winakasan na nila ang kanilang relasyon.

"I love her. She is so smart in answering questions. Hindi siya nag sasabi ng negative about love teams, unlike nung isang babae."

"she's always two steps ahead pagdating sa mga career-related decisions and choices."

Paolo Contis Umiwas Sa Presscon Ng Movie Nila Ni Rhian Ramos Dahil Sa Eat Bulaga Issue

 Hindi nakadalo ang aktor na si Paolo Contis sa premier night ng pelikulang Ikaw at Ako na ginanap sa SM Mega Mall nitong December 5, 2023, martes.

Si Paolo Contis ang leading man sa nasabing pelikula kung saan leading lady niya ang aktres na si Rhian Ramos.

Nakadalo naman sa premier night si Rhian Ramos kung saan kasama niya si Boots-Anson Roa na kasama rin nila sa pelikula.

Matatandaan na noong martes rin, inilabas ang balitang binawi ng Intellectual PRoperty Office of the Philippines ang desisyon na ibigay sa TAPE Inc. ang trademark ng Eat Bulaga at EB.

Pinaburan ng nasabing desisyon ang mga petitioner na sina Tito Sotto, Vic Sotto at Joey De Leon, dahil nakapagbigay sila ng delatyadong pahayag patungkol sa pinagmulan ng pamagat ng nasabing show.

Samantala, naniniwala ang ilang mga netizens at maging ang mga press people na kaya hindi dumalo si Paolo Contis sa nasabing premier night ay dahil umiiwas ito sa mga katanungan ng mga netizens.

Tila natitiyak na ni Paolo Contis na uusisahin siya ng mga netizens sa pagbibigay ng sagot patungkol sa pagbawi ng IPO sa trademark na pinangungunahan niyang show ng TAPE Inc.

Myerkules, hayagang naitanong kay Paolo Contis kung totoong umiiwas ba siya sa muling nabuhay na isyu sa pagitan ng TVJ at TAPE Inc, dahil sa pag-aagawan nila sa titulo at trademark ng Eat Bulaga at EB.

Hayagan rin namang inamin ni Paolo Contis na umiiwas nga siya na mapag-usapan ito. Alam umano ni Paolo Contis na kapag nagpunta siya sa premier night na iyon ay sa isyu na ng Eat Bulaga iikot ang storya at hindi na maitatanong ang patungkol sa kanilang pelikula.

Samantala, full support naman kay Rhian Ramos ang kanyang mga bestfriend na sina Miss Universe Philippines 2023 Michelle Dee at actress na si Max Collins.

Ipinahayag pa ni Michelle Dee kung gaano siya kasaya na naroon din si Rhian sa El Salvador habang nakikipag-compete siya sa korona ng Miss Universe 2023.

Kinunsinte! Ina Ni Andrea Brillantes Nagsalita Na Sa Relasyon Ni Andrea at Daniel Padilla

 Umaani ngayon ng samu't-saring komento mula sa mga netizens ang reaksyon ng ina ni Andrea Brillantes na si Belle Brillantes sa mga natatanggap na pambabatikos ng kanyang anak mula sa mga fans ng KathNiel.

Tila hindi na nakapagpigil si Belle Brillantes sa mga netizens na patuloy na binabatikos ang kanyang anak dahil sa pagkakadawit nito sa hiwalayan ng KathNiel.

Matatandaan si Andrea Brillantes ang itinuturong dahilan ng hiwalayan nina Kathryn Bernardo at Daniel Padilla dahil palihim siyang nakikipagkita sa aktor kahit pareho silang may karelasyon.

Matapos aminin ng KathNiel sa publiko ang tuluyan nilang paghihiwalay, kaagad na bumuhos ang mga pambabatikos at mga paninisi kay Andrea Brillantes.

Bukod pa rito, nakatanggap na rin ng mga threat si Andrea Brillantes, kung saan may mga nagbabanta na ilalabas nila ang mga dating scandal ng aktres sakaling mapatunayan na ito ang kabit ni Daniel Padilla.

Samantala, hindi na natiis ni Belle Brillantes ang mga pambabatikos na ito para sa kanyang anak na aniya pa ay nakakaramdam na ng depression.

Sinagot ni Belle ang isang komento ng netizens sa kung paano niya pinalaki si Andrea Brillantes. Tahasan namang ipinahayag ni Belle kung gaano siya ka-proud kay Andrea Brillantes dahil sa pagtulong nito sa kanya.

Napaaral umano nito ang kanyang mga kapatid at napagawan sila ng bahay. Ipinahayag din ni Belle na walang ambag ang bashers sa buhay ni Andrea Brillantes kaya walang karapatan ang mga ito na husgahan ang kanyang anak.

Ipinunto rin ni Belle Brillantes na wala namang ebedensya na makakapagturo sa ginawa ng kanyang anak, kaya naman bakit ito ang sinisisi ngayon?

Ogie Diaz May Ibinunyag Sa Estado Ng KimXi

 Kabilang sa mga hinihintay ng mga netizens na aamin na sa totoong estado ng kanilang relasyon ay sina Kim Chiu at Xian Lim.

Naglalabasan ngayon ang mga larawan kung saan makikitang may ibang babae na kasama si Xian Lim sa katauhan ni Iris Lee.

Kaagad na tumaas ang kilay ng mga KimXi fans dahil napansin nila na napakasweet ng dalawa at tila nakasandal pa sa balikat ni Xian Lim si Iris.

Samantala, napag-usapan naman ang isyung ito sa showbiz oriented vlog nina Ogie Diaz, Mama Loi at Tita Jegs. Kabilang sa kanilang mga napag-usapan ay kung may mga celebrities na aamin ng kanilang hiwalayan na susunod naman sa nangyaring pag-amin nina Kathryn Bernardo at Daniel Padilla.

Hindi pa naman umano kumpirmado na naghiwalay na sila kaya naman hintayin na lamang umano ang pag-amin ng dalawa.

Bukod sa paglilinaw sa relasyon nila ni Kim Chiu, ipinahayag din ni Ogie Diaz na dapat ring sagutin at linawin nito kung sino nga ba si Irish Lee.

Napatanong naman ang mga kasamahan ni Ogie Diaz kung sino nga ba ang babaeng ito at bakit ito nalilink sa nobyo ni Kim Chiu.

Ayon kay Ogie Diaz si Irish Lee ay isang non-showbiz girl. Isa umano itong staff ng Viva, parang writer.

May mga ipinakita ring larawan nina Irish Lee at Xian Lim sina Ogie Diaz. Mahihihuna sa mga nasabing larawan na tila nagkukulitan ang dalawa at kung titingnan ay may namumuo nang relasyon.

Samantala, may mga usap-usapan rin sa social media na umano'y matagal nang naghiwalay sina Xian Lim at Kim Chiu. Tila totoo rin umano na nagkakamabutihan na ang aktres at si Paulo Avelino.

Sa kabilang banda, may mga naglabasan ring isyu kung saan inunfollow na umano ng ina ni Xian Lim si Kim Chiu. Mula rin umano nang hindi na nagre-react si Xian Lim sa mga post ni Kim Chiu sa Instagram at iba pang social media platforms ay may hindi na magandang nangyayari sa kanilang relasyon.

Kim Chiu May Mensahe Sa Babae Ni Xian Lim, Si Iris Lee?

 Nagbigay ng isang emosyunal na pahayag ang Kapamilya actress na Kim Chiu sa kamakailang episode ng noontime show na It's Showtime.

Ipinahayag ni Kim Chiu ang kanyang pagkatalo dahil sa sinabi niyang 'Ikaw na ang nanalo.'

Hanggang ngayon ay hindi pa rin nagbibigay ng direktang pahayag ang actress na si Kim Chiu patungkol sa napapabalitang hiwalayan nila ng kanyang longtime boyfriend na si Xian Lim.

May mga naglabasan kasing mga balita na umanoy nambabae si Xian Lim. Ayon naman sa aming nakalap na impormasyon, itinuturong sangkot sa kanilang paghihiwalay ay si Eris Lee.

Samantala, marami na rin ang nakapansin sa mga pagbibiro ni Vice Ganda kay Kim Chiu na hinala ng mga fans ay may kaugnayan sa totoong estado ng relasyon nina Kim Chiu at Xian Lim.

Hindi naman lingid sa kaalaman ng lahat na kadalasan sa mga pagbibiro ni Vice Ganda ay may mga double meaning kaya naman hinala ng mga netizens na nagtapos na rin ang matagal na relasyon nina Kim Chiu at Xian Lim.

Subalit, tila hindi pa handang umamin ni Kim Chiu sa publiko kaya naman nirerespeto ito nina Vice Ganda. Gayunpaman, hindi pa rin maalis kay Vice Ganda ang pagbibiro.

Kamakailan lamang ay ipina-recite ni Vice Ganda kung paano niya sasabihin ang pagpapaubaya kahit siya naman ang nanalo.

Naging emosyunal naman si Kim Chiu sa pagpapahayag. 

"Ikaw na ang nanalo, sige ikaw na!"

Kaagad naman itong dinaluhan ni Tiyang Amy at niyakap. Tila alam na alam ng It's Showtime family ang pinagdadaanan ngayon ni Kim Chiu.

Sa ngayon ay nanatiling tahimik sina Kim Chiu at Xian Lim sa mga isyung ibinabato sa kanilang relasyon, hindi rin naman nila nililinaw kung hanggang ngayon ay sila pa ring dalawa.

Sa kabila nito, may mga naglabasan namang mga komento na hindi hamak na mas maganda naman si Kim Chiu kaysa kay Eris Lee napapabalitang karelasyon ni Xian Lim.

Narito naman ang ilang komento ng mga netizens sa mga pinagdadaanan ngayon nina Xian Lim at Kim Chiu.

"Mas maganda ka Kimmy kasya sa Irish na yan. Mas maganda ka, mas mabait, mas mayaman at may mabuting kalooban. Si xian ang talo dahil pinagpalit ka sa pangit na babae. Pangit pala ang type niya hayaan mo na marami ang may gusto sayo naghihintay lang sila"

"Xian makakarma ka....rin  at   magkakasakit    sa    babae    katatapos     lang  ng  problema   mo     my   babae    kana   naman   na   tinatago    pangit   naman   yong    babae      siguro   xian    my   sakit    kano    dahil   papalitpalit   ka  ng    babae     karma  ka  xian"

"Kim, I know  you are not that of girl who rush into another relation after your break up. It will take 2 or 3 yrs  for you to move on. Next time choose a non-showbiz guy, like you BFF angge & Bela. Always pray to God"

Paolo Contis at Vic Sotto Nagkasagutan, Parinigan Sa Ownership Ng Eat Bulaga

 Nagbigay na ng pahayag ang TAPE Inc. sa napapabalitang pagbibigay ng Intellectual Property Office ng karapatan sa TVJ na gamitin ang titulong Eat Bulaga.

Ipinahayag na ng abogado ng TAPE Inc. na hindi umano maaring gamitin ng TVJ ang titulong Eat Bulaga, dahil may inihain silang appeal para bawiin ng Intellectual Property Office of the Philippines ang naging desisyon nito na kanselahin ang kanilang trademark registration.

Ipinagdidiinan ng abogado ng TAPE Inc. na hindi pa final ang desisyon ng IPO hinggil sa pagkakansela nito sa kanilang pinanghahawakan na trademark registration.

Naglabas rin ng official statement ang TAPE Inc. sa kanilang Facebook account kung saan ipinahayag nila na patuloy pa rin nilang gagamitin ang titulong Eat Bulaga at tuloy-tuloy pa rin umano ang pagbibigay nila ng tuwa.

Gagawin din umano ng TAPE Inc. ang lahat para mabaliktad at bawiin ng IPO ang desisyon nito ngayon.

Sa kabilang banda, ibinahagi naman ng TVJ ang panibago nilang video kung saan kinanta nila ang kanilang theme song. Sa pagkakataong ito ay buong EAT Bulaga na ang ginamit nila sa lyrics.

Ibinahagi rin ni Atty. Buko Dela Cruz sa kanyang Facebook account ang desisyon ng IPO na kanselahin ang trademark registration ng TAPE Inc. para sa Eat Bulaga at EB dahil hindi nila napatunayan sa korte na sila ang may gawa ng nasabing pamagat.

Samantala, malinaw naman umanong naipahayag at naipaliwanag nina Tito Sotto, Vic Sotto at Joey De Leon ang pinagmulan ng pagkakabuo nila sa pamagat na Eat Bulaga kaya naman pumabor sa kanila ang desisyon ng IPO.

Narito naman ang ilang komento ng mga netizens.

"Ang may karapatan lng gumamit Ng eat Bulaga ay cla Tito vick and Joey KC cla nman talaga Ang original kahit baliktad baliktarin mo cla talaga KC alam nla kng saan nagsimula o nag umpisa Ang eat Bulaga."

"Bahala sila if ano anh ipalit nila..wala akong pkialam..mmakakapal ang mukha nila..kaya sila lahat kapit tuko kasi mawawalan sila lahat nh work lalo n si paolo contis kasi palpak un last movie nya..kaya yan n lang amg kinukuhanan n nya ng income. Wala n syang kredibilidad kaya kapit tuko n talaga.sya..pader n sementado n ang mukha nya.  Move on n kasi sila...wala n silang magagawa kasi lugi n rin sila."

Yassi Pressman Pinagtanggol Si Andrea Brillantes Sa Hiwalayan Ni Kathryn at Daniel

 Walang kaabog-abog na nakisama ang aktres na si Yassi Pressman sa controversial Kapamilya actress na si Andrea Brillantes at sa kaibigan nito na si Bea Borres.

Viral at usap-usapan ngayon sa ilang mga social media platforms ang ibinahaging TikTok video nina Andrea Brillantes at Yassi Pressman. Kaagad din itong humakot ng mga komento at views mula sa mga netizens lalo na mula sa mga fans nina Daniel Padilla at Kathryn Bernardo.

Tila naiintindihan ni Yassi Pressman ang pinagdadaanan ni Andrea Brillantes ngayong nadadawit at binabatikos pa rin ito ng mga netizens na sinisisi ang aktres sa hiwalayan ng KathNiel.

Nagbigay naman ng motivational message si Yassi Pressman para sa mga taong nahihirapan at down na down ngayon, hinala naman ng mga netizens na para kay Andrea Brillantes talaga ang mensaheng ito ni Yassi Pressman.

Ginamit ni Yassi Pressman ang kanyang nagdaang palabas na Rewind sa pagbibigay ng mensahe para sa mga taong nada-down at nahihirapan na umano ngayon.

Ayon kay Yassi Pressman, dapat nating i-Rewind ang mga bagay na nagiging dahilan para abutin natin ang ating mga pangarap.

Dapat din umanong alalahanin kung ano ang naging inspirasyon natin mula sa umpisa ang naging dahilan para ipursue ang mga pangarap.

Pinaalalahanan din ni Yassi Pressman ang mga tao na huwag susuko sa anumang pagsubok at mga hamon ng buhay na kinakaharap.

Kaagad naman itong umani ng mga reaksyon mula sa mga netizens na nag-nenega sa mga naging pahayag ni Yassi Pressman.

Matatandaan na dumaan rin sa matitinding pambabatikos noon si Yassi Pressman nang madawit siya sa cheating issue nina James Reid at Issa Pressman sa dating nobya ng aktor na si Nadine Lustre.

Marami ang nagsasabi na matagal na umanong alam ni Yassi na may lihim na relasyon sina James Reid at Issa Pressman subalit palagi nitong pinagtatakpan ang dalawa at kinukunsinti ang panloloko ng mga ito kay Nadine Lustre.

Narito naman ang komento ng mga netizens sa motivational message ni Yassi Pressman para sa mga taong nahihirapan ngayon.

"thank you for the motivational message today, keep going and pushing as we get our success"

"yes we must keep going and be patient. Those things you dream will come in the right time. stay motivated"

"We need more content like this in tiktok. Promote positiveness and inspiration! "

"Saktong sakto naman ngaung nanghihina nako"

 

@pressmanyassi para sa mga nawawalan ng inspirasyon ngayon 🫶🏻 #videocity #videocitymovie ♬ original sound - Yassi Pressman

Andrea Brilllantes Nagpakita Na Sa Publiko Matapos Madawit Sa Hiwalayan Ng Kathniel

 Kauna-unahang pagkakataon, lumantad na sa publiko ang controversial Kapamilya actress na si Andrea Brillantes matapos madawit ang kanyang pangalan sa isyu ng hiwalayan nina Kathryn Bernardo at Daniel Padilla.

Kamakailan lamang ay naging guest si Andrea Brillantes sa founding anniversary ng Nueva Ecija. Aminado naman si Andrea Brillantes na kinakabahan siya bago siya nagperform. Tila nag-aalangan ang akters dahil sa mga kinakaharap niya ngayong isyu.

Kaagad namang tumaas ang kilay ng mga KathNiel sa kung bakit kinakabahan si Andrea Brillantes kung totoong wala siyang kinalaman sa isyu ng hiwalayan nina Kathryn Bernardo at Daniel padilla,

Kalaunan ay tila nalimutan naman ni Andrea Brillantes ang kinakaharap niyang isyu sa KathNiel at masaya na lamang na nagpiperform sa harap ng mga fans na sumusuporta at naniniwalang wala siyang kinalaman sa isyu ng dalawa.

Sa ngayon ay patuloy pa ring nakakatanggap ng pambabatikos si Andrea Brillantes mula sa mga taong naniniwala na may kinalaman siya sa paghihiwalay nina Kathryn Bernardo at Daniel Padilla dahil sa biglaang pag-unfollow sa kanya ni Kathryn.

Makalipas ang ilang araw ay siya naman ang nag-unfollow kina Kathryn Bernardo at Daniel Padilla na lalong nagpalakas sa hinala ng mga netizens na  may kinalaman siya sa pinagdadaanan ng dalawa.

Sakabilang banda, marami pa rin naman ang mga fans ni Andrea Brillantes na naniniwalang walang kinalaman ang aktres sa naging hidwaan ng magdyowa. 

Naniniwala rin sila na hindi kailangan na maglabas ng pahayag at paliwanag ni Andrea Brillantes dahil lalabas lamang itong defensive. Ang nararapat umanong magbigay ng paliwanag at pahayag ay walang iba kundi si Daniel Padilla.

Siya naman umano itong lalaki kaya naman dapat siya ang luminis sa kanyang kalat at linisin na rin ang pangalan ni Andrea Brillantes.

Narito naman ang ilang mensahe ng mga fans ni Andrea Brillantes.

"Go...go lang miss andrea huwag mong pnsinin yang mga OA.fans ng kathniel bastat wala kang ginagawa sa idol nila hindi ka kakarmahin nyan tingnan mo tanggap2x ka ng mga tao hwag kang naniniwala sa mga sabi2x.

"gwin mong nararapat pra sa buhay at sa sarili mo.wala ka nman magagawa non sa hiwalayan nila.tanga cya humiwalay cya....tapos mang bintang2x sila.....problema na nila un labas ka don..sumiksi ka lalo idol ganda2x mo pa rin...hayaan mo kung anong sabihn nila saiyo basta ginagawa mong trabaho mo gnon lng un."

"si andrea maganda ang mukha at maganda ang katawa ky sabi n cristy walang binatbat ang kalaban."

Sa ngayon ay hindi pa rin naging malinaw para sa mga fans nina Kathryn Bernardo at Daniel Padilla ang totoong dahilan ng kanilang paghihiwalay matapos ang 11 years nilang relasyon.

Sa ngayon ay hindi rin malinaw kung magpapatuloy pa ba ang tambalang KathNiel kahit hindi na sila magkarelasyon sa totoong buhay.

Kasalukuyan namang nagbabakasyon ang aktres na si Kathryn Bernardo sa ibang bansa at hindi rin malinaw kung kailan ito magbabalik sa bansa. Tila magpapahinga na muna ito at mag-momove on.

Naiintindihan naman ito ng mga tagahanga ng aktres dahil hindi naman talaga madaling magmove on lalo na't matagal rin silang naging magkarelasyon ni Daniel Padilla.

Paolo Contis Nanindigan Na Pagmamay-Ari Nila Ang Eat Bulaga

 Hayagan nang inanunsyo ng comedy trio na sina Tito Sotto, Vic Sotto at Joey De Leon na mas kilala bilang TVJ, ang naging desisyon ng Intellectual Property Office of the Philippines na ibigay sa kanila ang trademark ng titulong Eat Bulaga at EB.

Matatandaan na naglabas na ng desisyon ang IPO kung saan napagdesisyunan nila na kanselahin ang ibinagay ng trademark ng Eat Bulaga at EB sa TAPE Inc. dahil hindi sila nakapagbigay ng pahayag at explanation kung paano nila nabuo ang pamagat na Eat Bulaga.

Samantala, ipinahayag na nina Tito Sotto, Vic Sotto, at Joey De Leon sa isang presscon sa TV5 studio kung saan inanunsyo nila ang desisyon ng IPO na sila ang may karapatan na gumamit sa pamagat ng Eat Bulaga.

Gayunpaman, hindi pa rin nagpapatinag ang TAPE Inc. at tila hindi rin sila aatras sa laban para sa totoong nagmamay-ari ng titulong 'Eat Bulaga'.

Hanggang ngayon kasi ay ginagamit pa rin nila ang pamagat ng show na Eat Bulaga at patuloy pa ring inaangkin. Hindi pa rito natatapos ang tila pambabastos ng TAPE Inc. sa desisyon ng IPO at sa TVJ, sa kamakailang episode ng kanilang show naglabas ng banat si Paolo Contis laban sa TVJ.

Sa opening pa lamang ng kanilang show, nagbigay na ng pahayag si Paolo Contis patungkol sa pagpapapresscon ng TVJ. Iginiit ni Paolo Contis na sa kanila ang titulong Eat Bulaga dahil hindi pa ito finally at legally na pagmamay-ari ng TVJ.

Hindi pa rito natatapos ang pambabanat ni Paolo Contis sa TVJ kung saan umasta ito na tila aping-api sa nangyari. Ipinahayag niya na iba umano ang energy kapag kinakanti siya.

Kaagad namang nag-react ang mga dabarkads at sinabing talagang napakakapal ng pagmumukha ni Paolo Contis dahil siya naman talaga ang walang karapatan sa nasabing show.

Ipinunto pa ng ilan na kahit manggalaiti pa si Paolo Contis sa galit ay wala pa rin siyang magagawa dahil mula na ang desisyon na ito sa korte.

Sa ngayon ay hindi pa ginagamit ng TVJ ang pamagat na Eat Bulaga dahil naghihintay sila na kusa nang tumigil ang TAPE sa paggamit nito at ipaubaya na lamang sa kanila ang pamagat.

Sa ngayon ay nakaabang ang mga Dabarkads sa magiging hakbang ng TVJ dahil sa patuloy na paggamit ng TAPE Inc. sa pamagat na Eat Bulaga at sa logo nito.

Maaring sampahan ng kasong copyright infringement ang TAPE Inc. sa patuloy na paggamit nila sa pamagat sa kabila ng pagkakansela sa kanilang trademark registration.

Samantala, narito naman ang ilang komento ng mga netizens.

"Kawawa na si paolo. Nababaliw na ata. Appeal pa. Asa k naman na mababaligtad ang kaso. Tvj andyan na sanggol ka pa lang. Kawawa kna. Mambabae k nalang."

"pag nawala nga naman yung show sa kanila paano nga naman niya palalamunin yung sarili nya, ni hindi nga niya kayang buhayin yung mga anak niya, kaya boycott na rin sa min yung bubble gang nakakairita kasi mga pagmumukha ng mga yan"

"Final pa hanap, kanselado na nga trademark nila. Pwede na sila kasuhan ng trademark infringement pag di sila lumubay sa paggamit ng eat bulaga. Lol"

"Sumikat ang eat Bulaga dahil kina bossing at boss joey ..kau mga bagong salta lang ...respetohin ang desisyon Ng Korte at tanggapin ito"

Mavy Legaspi, Di Kinaya Ang Ugali Ni Kyline Alcantara

 Sa gitna ng kaliwa't kanang isyu ng mga hiwalayan ngayon ng mga celebrity couples ngayon, hindi naman matukoy ng ilang mga netizens ang totoong dahilan ng nababalitang hiwalayan ng Kapuso celebrity couple na sina Mavy Legaspi at Kyline Alcantara.

Marami sa mga netizens ang napapatanong kung ano nga ba ang totoong estado ng relasyon ngayon nina Kyline Alcantara at Mavy Legaspi, matapos ang pagpapalabas ng ilang mga cryptic post ni Kyline Alcantara sa kanyang social media accounts.

Kabilang sa mga cryptic posts ni Kyline Alcantara at patungkol sa kanyang pagmamahal sa sarili

Dahil dito, naglabasan ang samu't-saring spekulasyon sa totoong dahilan ng hiwalayan ng dalawa, may mga naghinala na pinagseselosan umano ni Kyline Alcantara ang co-host ni Mavy Legaspi sa Eat Bulaga na si Dasuri Choi.

Nagsimula ang isyung pinagseselosan ni Kyline Alcantara si Dasuri Choi ng ibahagi niya ang isang TikTok video kung saan makikitang magkatabi sina Mavy at Dasuri.

May mga nagsasabi pa na talagang nagseselos si Kyline Alcantara dahil sa pagiging close ni Dasuri sa kambal na Legaspi off-cam.

Hindi naman lingid sa kaalaman ng lahat na tila nagkaroon ng hindi pagkakaunawaan sa pagitan nina Cassy Legaspi at Kyline Alcantara nang mag-unfollow sila sa isa't-isa sa kanilang Instagram accounts.

Samantala, may mga bumatikos naman sa ginawa ng Legaspi twins dahil hindi naman umano magandang tingnan na nakikipagdate pa sa ibang babae ang isang lalaki na may karelasyon na.

Maging si Cassy Legaspi ay nakatanggap rin ng pambabatikos dahil tila kinkunsinti pa umano nito ang ginawang panloloko ni Mavy Legaspi sa kanyang girlfriend na si Kyline Alcantara.

Kaagad namang rumesbak sina Carmina Villaroel at Zoren Legaspi, mga magulang nina Cassy Legaspi at Mavy Legaspi, sa mga nambabatikos sa kanilang mga anak.

Naglabas ng mensahe sa kanyang social media account si Carmina Villaroel patungkol kung gaano niya kamahal ang dalawa. May cryptic post pa ito na, Mom knows best.

Nagpapasalamat naman ang dating action star na si Zoren Legaspi sa mga totoong kaibigan na nagmamahal at sumusuporta sa kanyang anak. Tila parinig naman umano niya ito kay Kyline Alcantara na hindi totoong kaibigan sa kanyang mga anak.

Samantala, ayon sa aming nakalap na impormasyon, sina Carmina Villaroel at Zoren Legaspi umano ang naging dahilan ng kung bakit hiniwalayan ni Mavy Legaspi si Kyline Alcantara.

Ang mga magulang umano ng aktor ang nagsabi kay Mavy na hiwalayan na si Kyline na sinunod naman ng aktor.

Samantala, nagbigay naman ng update ang veteran showbiz columnist na si Manay Cristy Fermin sa kanyang YouTube channel hinggil sa natanggap niyang rumor patungkol sa hiwalayan nina Mavy Legaspi at Cassy Legaspi.

Ibinunyag rin niya ang nakarating sa kanyang dahilan ng hiwalayan ng dalawa. Ayon kay Cristy Fermin, nasakal na umano si Mavy Legaspi kay Kyline Alcantara dahil sa pagiging selosa nito.

Ayon pa umano sa mapagkakatiwalaang source ni Cristy Fermin, hindi na umano kinakaya ni Mavy Legaspi ang pagiging selosa ni Kyline bukod pa rito ay insecure rin umano ito.

Dagdag pa ni Cristy Fermin na wala namang lalaki na papayag na basta na lamang hahawakan sa leeg at kokontrolin na ang buhay ng kanilang mga nobya.

"Hinahawakan daw siya sa leeg, wala namang lalaking papayag ng ganoon. Kaya nga nakikipagrelasyon para maging masaya at maligaya ka eh."

Sa kabilang banda, ikinagulat ng mga netizens nang mamataan sina Kyline Alcantara at Mavy Legaspi na magkasama para sa launching ng panibagong produkto ng softdrinks na kanilang iniendorso.

 Makikita pang nakangiti at tila walang isyu ang dalawa, gayunpaman, may mga nakapansin na hindi umano tinanggap ni Kyline Alcantara ang kamay ni Mavy Legaspi at nauna na itong pumasok sa backstage.

Tila nagsasama na lamang ang dalawa sa iisang lugar dahil sa kanilang kontrata. Ito rin umano ang dahilan kaya hindi nila maamin sa kanilang mga tagahanga ang kanilang paghihiwalay.

Bukod pa rito, nangako rin umano ang dalawa sa management na hindi nila isasapubliko ang kanilang paghihiwalay habang hindi pa natatapos ang kanilang kontrata.

Nanay Ni Andrea Brillantes, Hindi Nakapagtimpi Na Sagutin Ang Isang Basher

 Hindi na nakapagtimpi si Belle Brillantes, ina ng aktres na si Andrea Brillantes, sa mga pambabatikos na natatanggap ngayon ng kanyang anak dahil sa pagkakadawit nito sa hiwalayan ng sikat na tambalan ng KathNiel.

Nakakatanggap ngayon ng kaliwa't-kanang pambabatikos ang aktres na si Andrea Brillantes dahil sa pagkakadawit ng kanyang pangalan sa hiwalayan nina Daniel Padilla at Kathryn Bernardo.

Inaakusahan siya ngayon ng maraming fans ng KathNiel na siya umano ang dahilan kung bakit nasira ang relasyon ngayon nina Daniel Padilla at Kathryn Bernardo.

Marami ang tumatawag sa kanya ngayon na malanding babae at mahilig umanong magpalit-palit ng mga lalaki.

Nakadagdag pa sa inis ng mga netizens at fans ng KathNiel ang patuloy na pananahimik ni Andrea Brillantes. Hanggang ngayon ay hindi pa inilalabas ng aktres ang kanyang side sa storya at hindi pa rin niya nililinis ang kanyang pangalan.

Dahil dito, iniisip tuloy ng mga netizens na kaya nananahimik si Andrea Brillantes dahil totoo ang lahat ng mga ibinintang sa kanya bilang babae na sumira ng relasyon nina Daniel Padilla at Kathryn.

Samantala, tila hindi na nakapagtimpi ang ina ni Andrea Brillates at naglabas na ito ng pahayag para ipagtanggol ang kanyang anak laban sa mga tao nagsasalita ng masasakit para rito.

Kaagad naman itong umani ng samu't-saring komento mula sa mga netizens at mga fans ng KathNiel, may mga nainis sa panghihimasok nito at hayagang tinanong si Belle kung paano niya pinalaki si Andrea Brillantes.

Kaagad din naman niya ito sinagot kung saan ipinunto niya at ipinagmalaki ang lahat ng nagawa ni Andrea Brillantes sa kanilang pamilya, kabilang na ang pagpapaaral nito sa kanyang mga kapatid at ang pagpapagawa nito sa kanilang balay.

Tinanong din niya ang basher kung ano ang naging ambag nito sa buhay ng kanyang anak para pagsalitaan ito ng mga masasakit na salita kahit pa wala namang ebedensiya na kumabit si Andrea Brillantes kay Daniel Padilla.

Hindi naman tumigil ang ilang mga bashers ni Andrea Brillantes at dinadamay na rin ngayon ang kanyang mga magulang at kapatid. May mga netizens na nagsasabi na kaya masama ang ugali ni Andrea Brillantes dahil masama rin naman umano ang ugali ng ina nito.

Sa kabilang banda, may mga nagtatanggol naman kay Andrea Brillantes at ina nito, ayon naman sa kanila na ang  dapat maglabas ng pahayag ay hindi si Andrea Brillantes kundi si Daniel Padilla.

Dapat umano na si Daniel Padilla ang magbibigay linaw sa kung ano ang totoong dahilan sa hiwalayan nila ni Kathryn at kung sino ang totoong involved.

Ipinunto rin ng iba na wala namang ebedensiyang totoong magkarelasyon sina Andrea Brillantes at Daniel Padilla tanging mga diehard fans lang naman ang nag-iisip ng hindi maganda.

"Go mommy. I always support and love your daughter Andrea no what happened my ears and eyes don't mind the issues.loveyou"

"Sana po malampasan po ni Andrea lahat ng mga issue about sa kanya at hindi sana totoo ung mga paratang about sa hiwalayan ng kathiel.godblessed always."

View this post on Instagram

A post shared by Belle Brillantes (@belle_brillantes)

Karla Estrada Napahagulgol Sa Iyak Sa Hiwalayan Ni Kathryn Bernardo, Daniel Padilla

 Nagpasalamat ang ina ni Daniel Padilla na si Karla Estrada sa kabutihang ibinigay ni Kathryn Bernardo sa kanilang pamilya.

Inamin rin ng celebrity mom na si Karla Estrada na labis siyang nagulat nang aminin nina Kathryn Bernardo at Daniel Padilla sa kani-kanilang mga Instagram account ang kanilang paghihiwalay.

Live rin umanong pinanood ng pamilya Padilla ang anunsyo ng ABS-CBN sa balitang totoong naghiwalay sina Kathryn Bernardo at Daniel Padilla.

Makikita naman sa isang kumakalat na video ang pag-iyak ni Karla Estrada nang malaman niyang tuluyan nang naghiwalay sina Kathryn Bernardo at anak niyang si Daniel Padilla.

Marami ang nalungkot at may mga napahagulhol pa sa iyak dahil nararamdaman din nila ang sakit sa nangyaring hiwalayan ng dalawa.

Sa mga naglalabasan ngayong isyu at baho ni Daniel Padilla, marami ang naawa kay Kathryn Bernardo na lumalabas na siyang biktima sa lahat.

Samantala, kumakalat naman ngayon ang ilang mga video clips na kuha mula sa airport kung saan makikita ang aktres na si Kathryn Bernardo na paalis ng bansa.

Tila aalis na muna si Kathryn Bernardo upang makapag-relax at para makapag-move on na rin dahil hindi rin naman isang biro ang tagal ng relasyon nila ni Daniel Padilla.

Bukod pa rito, tila umiiwas din ngayon ang aktres sa mga tanong ng mga netizens patungkol sa kanilang hiwalayan ni Daniel Padilla.

Makikita rin sa video na madaming dalang gamit ang aktres na tila ba pahiwatig na matagal itong mawawala sa bansa. Hindi rin sinabi ng kampo ng aktres kung saang bansa magbabakasyon si Kathryn Bernardo.

Samantala, ayon sa aming nakalap na impormasyon maaring mawala sa loob ng isang taon si Kathryn Bernardo dahil magpapahinga na muna ito.

Kapansin-pansin rin ang pamumugto ng mata ni Kathryn Bernardo habang paalis ito sa bansa na tila ba galing ito sa matinding iyakan.

May mga nagsasabi pa na habang sinusulat ni Kathryn Bernardo ang kanyang mahabang statement sa hiwalayan nila ni Daniel Padilla ay bumubuhos ang mga luha nito.

Vice Ganda Nagsalita Na Sa Hiwalayan Ni Kathryn Bernardo, Daniel Padilla

 Sa kauna-unahang pagkakataon, hayagang nagbigay ng pahayag ang Unkabogable Star na si Vice Ganda sa nangyaring hiwalayan ng KathNiel.

Hindi naman lingid sa kaalaman ng lahat na malapit sa KathNiel si Vice Ganda lalong lalo na kay Daniel Padilla.

Sa katunayan, matapos ang pag-amin nina Daniel Padilla at Kathryn Bernardo sa kanilang hiwalayan ay kaagad na kinamusta ni Vice Ganda si Daniel Padilla at sinabihan ito na malalampasan rin nila ang mga pagsubok na kinakaharap.

Sa isang panayam sa ABS-CBN, ipinahayag ni Vice Ganda na nalulungkot siya sa nangyaring hiwalayan ng dalawa na naging malapit na rin sa kanya.

Hindi naman nagbigay ng anumang reaksyon si Vice Ganda sa napapabalitang pagkakadawit ni Andrea Brillantes sa isyu ng hiwalayan ng KathNiel dahil hindi naman lingid sa lahat na malapit din si Vice Ganda kay Andrea.

Marahil ay hindi na lamang siya nakikialam sa isyu ni Andrea at sa naging dahilan ng hiwalayan ng KathNiel, basta ang alam na ay hanggang ngayon ay malungkot pa rin siya sa hiwalayan nila bilang fan na rin sa tambalang KathNiel.

Ipinagdiinan naman ni Vice Ganda na ang kanyang nararamdaman ngayon ay katulad rin lang sa nararamdaman ngayon ng maraming KathNiel fans.

Iginiit pa ni Vice Ganda na ang hindi normal ay iyong magiging masaya siya kahit alam umano niyang may mga taong nalulungkot na dati namang masaya sa piling ng isa't-isa.

Gayunpaman, ang tanging hiling na lamang ngayon ni Vice Ganda para kina Kathryn Bernardo at Daniel Padilla ay peace, healing at joy. Nais umano ni Vice Ganda na makitang masama muli sina Kathryn Bernardo at Daniel Padilla kahit wala na sa piling ng isa't-isa.

Samantala, nagbigay na ng pahayag ang ina ni Andrea Brillantes patungkol sa mga natatanggap na pambabatikos ng kanyang anak. Hiling ng ina ni Andrea na sana ay tigilan na ang pambabatikos sa kanyang anak dahil wala namang mabigat na ebedensya na makakapagpatunay na totoong may kinalaman ito sa hiwalayan ng mga celebrities.

Sa ngayon ay nakakaranas na umano ng depression si Andrea Brillantes dahil sa mga natatanggap nitong pambabatikos mula sa mga netizens.

Reaksyon Ni Paolo Contis Sa Pagbawi Ng TVJ Sa Eat Bulaga

 Tuluyan nang kinansela ng Intellectual Property Office of the Philippines ang trademark registration ng TAPE Inc. para sa trademark ng Eat Bulaga at EB.

Ayon sa inilabas na desisyon ng IPO, hindi umano napatunayan ng TAPE Inc. kung paano nila nabuo ang titulong Eat Bulaga o EB habang nakapagbigay naman umano ng testimonya at paliwanag ang TVJ kung saan nanggaling ang titulo.

Samantala, tila nagpasaring naman ang main host ng Eat Bulaga ng TAPE Inc. na si Paolo Contis sa kamakailang episode ng show. Paulit-ulit niyang binanggit ang titulo ng Eat Bulaga na may halong diin.

Pahayag ni Paolo Contis, "Lagi kayong welcome dito sa Eat Bulaga, yes Eat Bulaga. Everyday we'll see you Eat Bulaga."

Sa kabilang banda, wala pang inilalabas na opisyal na pahayag ang TAPE Inc. sa nasabing desisyon ng IPO. Maging ang TVJ ay tahimik pa rin at hindi pa naglalabas ng anumang pahayag patungkol sa nasabing isyu.

Matatandaan na ginulat ng TVJ ang mga dabarkads nang mag mass resign sila sa TAPE Inc. ilang buwan matapos mabalitang may nagaganap na internal conflict sa show.

Sa ngayon ay nasa TV5 ang TVJ sa show na pinamagatan pansamantala na E.A.T habang hindi pa nila nababawi ang titulong Eat Bulaga na hanggang ngayon ay ginagamit naman ng mga Jalosjos.

Samantala, trending naman sa ilang mga social media plaforms ngayon ang Eat Bulaga, kung saan marami sa mga netizens ang nagbubunyi sa pagpanig ng IPO sa TVJ na naging totoong haligi ng show na Eat Bulaga sa loob ng mahabang panahon.

Paulo Avelino Matagal Nang May Gusto Kay Kim Chiu

 Inamin ng aktor na si Paulo Avelino na matagal na niyang gusto ang Kapamilya actress na si Kim Chiu noon pa mang nasa GMA Network pa ito.

Kamakailan lamang sa isang panayam ay hayagang inamin ng Kapamilya actor na si Paulo Avelino na matagal na niyang gustong makasama ang aktres na si Kim Chiu sa iisang pelikula at nais rin niyang makatambal ito.

Bagama't matagal bago nangyari ang pangarap niya noong pagsasama ni Kim Chiu naging worth the wait naman umano ito dahil sa magkasunod na teleserye ay naging leading lady niya ang aktres.

Samantala, marami naman sa mga tagahanga nina Paulo Avelino at Kim Chiu ang kinilig ng kumalat sa ilang mga social media platforms ang Tiktok video nila na magkasama.

Marami rin ang napahanga sa malakas na chemistry ng dalawa na nakakapagbibigay ng kilig sa kanilang mga tagahanga.

Sa ngayon ay abala na sina Paulo Avelino at Kim Chiu sa pagti-taping sa pinagtambalan nilang drama series, a`ng Philippine adaptation ng hit South Korean rom-com na What's Wrong with Secretary Kim?

Ang nasabing adaptation ay collaboration ng Viu Philippines at ABS-CBN under Dreamscape Entertainment. 

Sa kabilang banda, lumalabas naman ngayon ang isyung nagkakamabutihan na umano sa totoong buhay sina Paulo Avelino at Kim Chiu dahil matagal na umanong naghiwalay sina Xian Lim at Kim Chiu.

Sa ngayon ay inaabangan ng mga netizens ang tambalang KimPau at ang kanilang pagganap sa Philippine adaptation ng What's Wrong With Secretary Kim?

Kathryn Bernardo at Daniel Padilla Magkakasama Ulit Sa Abs Cbn

 Ikinalungkot ng mga KathNiel fans ang hiwalayan nina Kathryn Bernardo at Daniel Padilla dahil hindi nila matanggap na hahantong lamang sa wala ang relasyon ng dalawa na umabot sa mahigit 11 years.

Noong November 30, tuluyan nang kinumpirma nina Kathryn Bernardo at Daniel Padilla ang kanilang hiwalayan ilang linggo matapos maisyung matagal nang hiwalay ang dalawa.

Gayunpaman, maari umanong magbunyi ngayon ang mga fans ng dalawa na umaasa sa kanilang pagbabalikan dahil pumayag umano sina Kathryn Bernardo at Daniel Padilla na magsama sa iisang okasyon sa ABS-CBN.

Usap-usapan ngayon sa social media ang pagpayag nina Daniel Padilla at Kathryn Bernardo sa iisang proyekto bilang magka-loveteam.

Tila hindi pa rin magtatapos ang kanilang tambalan sa kabila ng pagtatapos ng kanilang pagmamahalan bilang totoong mag-couple.

Ayon naman sa ilang mga netizens na talagang pinapatunayan lamang nina Kathryn Bernardo at Daniel Padilla na walang nangyaring bitterness sa kanilang paghihiwalay dahil handa pa rin silang magkatrabaho.

Bukod pa rito, pinapatunayan lamang umano ng dalawang Kapamilya Stars na sina Kathryn Bernardo at Daniel Padilla ang pagiging professional nila sa kani-kanilang mga careers.

Nauna na rito, na nakatanggap si Kathryn Bernardo ng mga papuri mula sa mga netizens dahil sa matapang na pag-amin niya sa hiwalayan nila ni Daniel Padilla.

Lalo pang nakatanggap ng papuri si Kathryn Bernardo nang lumabas ang balitang handa pa rin si Kath na makatrabaho si Daniel sa kabila ng mga isyung naglabasan kabilang na ang paulit-ulit na pambabae nito.

Sa kabilang banda, naging matunog naman ang mga request ng mga netizens na pagtambalin muli sina Kathryn Bernardo at Alden Richards dahil sa mga kumakalat na video clips mula sa promotion ng pelikula nilang Hello, Love Goodbye noong 2019.

Marami kasi ang nakapansin sa malakas na chemistry ng dalawa, marami rin ang nagsasabi na kung magkakaroon sila ng relasyon ay susuportahan rin nila ito.