Andrea Brilllantes Nagpakita Na Sa Publiko Matapos Madawit Sa Hiwalayan Ng Kathniel

 Kauna-unahang pagkakataon, lumantad na sa publiko ang controversial Kapamilya actress na si Andrea Brillantes matapos madawit ang kanyang pangalan sa isyu ng hiwalayan nina Kathryn Bernardo at Daniel Padilla.

Kamakailan lamang ay naging guest si Andrea Brillantes sa founding anniversary ng Nueva Ecija. Aminado naman si Andrea Brillantes na kinakabahan siya bago siya nagperform. Tila nag-aalangan ang akters dahil sa mga kinakaharap niya ngayong isyu.

Kaagad namang tumaas ang kilay ng mga KathNiel sa kung bakit kinakabahan si Andrea Brillantes kung totoong wala siyang kinalaman sa isyu ng hiwalayan nina Kathryn Bernardo at Daniel padilla,

Kalaunan ay tila nalimutan naman ni Andrea Brillantes ang kinakaharap niyang isyu sa KathNiel at masaya na lamang na nagpiperform sa harap ng mga fans na sumusuporta at naniniwalang wala siyang kinalaman sa isyu ng dalawa.

Sa ngayon ay patuloy pa ring nakakatanggap ng pambabatikos si Andrea Brillantes mula sa mga taong naniniwala na may kinalaman siya sa paghihiwalay nina Kathryn Bernardo at Daniel Padilla dahil sa biglaang pag-unfollow sa kanya ni Kathryn.

Makalipas ang ilang araw ay siya naman ang nag-unfollow kina Kathryn Bernardo at Daniel Padilla na lalong nagpalakas sa hinala ng mga netizens na  may kinalaman siya sa pinagdadaanan ng dalawa.

Sakabilang banda, marami pa rin naman ang mga fans ni Andrea Brillantes na naniniwalang walang kinalaman ang aktres sa naging hidwaan ng magdyowa. 

Naniniwala rin sila na hindi kailangan na maglabas ng pahayag at paliwanag ni Andrea Brillantes dahil lalabas lamang itong defensive. Ang nararapat umanong magbigay ng paliwanag at pahayag ay walang iba kundi si Daniel Padilla.

Siya naman umano itong lalaki kaya naman dapat siya ang luminis sa kanyang kalat at linisin na rin ang pangalan ni Andrea Brillantes.

Narito naman ang ilang mensahe ng mga fans ni Andrea Brillantes.

"Go...go lang miss andrea huwag mong pnsinin yang mga OA.fans ng kathniel bastat wala kang ginagawa sa idol nila hindi ka kakarmahin nyan tingnan mo tanggap2x ka ng mga tao hwag kang naniniwala sa mga sabi2x.

"gwin mong nararapat pra sa buhay at sa sarili mo.wala ka nman magagawa non sa hiwalayan nila.tanga cya humiwalay cya....tapos mang bintang2x sila.....problema na nila un labas ka don..sumiksi ka lalo idol ganda2x mo pa rin...hayaan mo kung anong sabihn nila saiyo basta ginagawa mong trabaho mo gnon lng un."

"si andrea maganda ang mukha at maganda ang katawa ky sabi n cristy walang binatbat ang kalaban."

Sa ngayon ay hindi pa rin naging malinaw para sa mga fans nina Kathryn Bernardo at Daniel Padilla ang totoong dahilan ng kanilang paghihiwalay matapos ang 11 years nilang relasyon.

Sa ngayon ay hindi rin malinaw kung magpapatuloy pa ba ang tambalang KathNiel kahit hindi na sila magkarelasyon sa totoong buhay.

Kasalukuyan namang nagbabakasyon ang aktres na si Kathryn Bernardo sa ibang bansa at hindi rin malinaw kung kailan ito magbabalik sa bansa. Tila magpapahinga na muna ito at mag-momove on.

Naiintindihan naman ito ng mga tagahanga ng aktres dahil hindi naman talaga madaling magmove on lalo na't matagal rin silang naging magkarelasyon ni Daniel Padilla.

Paolo Contis Nanindigan Na Pagmamay-Ari Nila Ang Eat Bulaga

 Hayagan nang inanunsyo ng comedy trio na sina Tito Sotto, Vic Sotto at Joey De Leon na mas kilala bilang TVJ, ang naging desisyon ng Intellectual Property Office of the Philippines na ibigay sa kanila ang trademark ng titulong Eat Bulaga at EB.

Matatandaan na naglabas na ng desisyon ang IPO kung saan napagdesisyunan nila na kanselahin ang ibinagay ng trademark ng Eat Bulaga at EB sa TAPE Inc. dahil hindi sila nakapagbigay ng pahayag at explanation kung paano nila nabuo ang pamagat na Eat Bulaga.

Samantala, ipinahayag na nina Tito Sotto, Vic Sotto, at Joey De Leon sa isang presscon sa TV5 studio kung saan inanunsyo nila ang desisyon ng IPO na sila ang may karapatan na gumamit sa pamagat ng Eat Bulaga.

Gayunpaman, hindi pa rin nagpapatinag ang TAPE Inc. at tila hindi rin sila aatras sa laban para sa totoong nagmamay-ari ng titulong 'Eat Bulaga'.

Hanggang ngayon kasi ay ginagamit pa rin nila ang pamagat ng show na Eat Bulaga at patuloy pa ring inaangkin. Hindi pa rito natatapos ang tila pambabastos ng TAPE Inc. sa desisyon ng IPO at sa TVJ, sa kamakailang episode ng kanilang show naglabas ng banat si Paolo Contis laban sa TVJ.

Sa opening pa lamang ng kanilang show, nagbigay na ng pahayag si Paolo Contis patungkol sa pagpapapresscon ng TVJ. Iginiit ni Paolo Contis na sa kanila ang titulong Eat Bulaga dahil hindi pa ito finally at legally na pagmamay-ari ng TVJ.

Hindi pa rito natatapos ang pambabanat ni Paolo Contis sa TVJ kung saan umasta ito na tila aping-api sa nangyari. Ipinahayag niya na iba umano ang energy kapag kinakanti siya.

Kaagad namang nag-react ang mga dabarkads at sinabing talagang napakakapal ng pagmumukha ni Paolo Contis dahil siya naman talaga ang walang karapatan sa nasabing show.

Ipinunto pa ng ilan na kahit manggalaiti pa si Paolo Contis sa galit ay wala pa rin siyang magagawa dahil mula na ang desisyon na ito sa korte.

Sa ngayon ay hindi pa ginagamit ng TVJ ang pamagat na Eat Bulaga dahil naghihintay sila na kusa nang tumigil ang TAPE sa paggamit nito at ipaubaya na lamang sa kanila ang pamagat.

Sa ngayon ay nakaabang ang mga Dabarkads sa magiging hakbang ng TVJ dahil sa patuloy na paggamit ng TAPE Inc. sa pamagat na Eat Bulaga at sa logo nito.

Maaring sampahan ng kasong copyright infringement ang TAPE Inc. sa patuloy na paggamit nila sa pamagat sa kabila ng pagkakansela sa kanilang trademark registration.

Samantala, narito naman ang ilang komento ng mga netizens.

"Kawawa na si paolo. Nababaliw na ata. Appeal pa. Asa k naman na mababaligtad ang kaso. Tvj andyan na sanggol ka pa lang. Kawawa kna. Mambabae k nalang."

"pag nawala nga naman yung show sa kanila paano nga naman niya palalamunin yung sarili nya, ni hindi nga niya kayang buhayin yung mga anak niya, kaya boycott na rin sa min yung bubble gang nakakairita kasi mga pagmumukha ng mga yan"

"Final pa hanap, kanselado na nga trademark nila. Pwede na sila kasuhan ng trademark infringement pag di sila lumubay sa paggamit ng eat bulaga. Lol"

"Sumikat ang eat Bulaga dahil kina bossing at boss joey ..kau mga bagong salta lang ...respetohin ang desisyon Ng Korte at tanggapin ito"

Mavy Legaspi, Di Kinaya Ang Ugali Ni Kyline Alcantara

 Sa gitna ng kaliwa't kanang isyu ng mga hiwalayan ngayon ng mga celebrity couples ngayon, hindi naman matukoy ng ilang mga netizens ang totoong dahilan ng nababalitang hiwalayan ng Kapuso celebrity couple na sina Mavy Legaspi at Kyline Alcantara.

Marami sa mga netizens ang napapatanong kung ano nga ba ang totoong estado ng relasyon ngayon nina Kyline Alcantara at Mavy Legaspi, matapos ang pagpapalabas ng ilang mga cryptic post ni Kyline Alcantara sa kanyang social media accounts.

Kabilang sa mga cryptic posts ni Kyline Alcantara at patungkol sa kanyang pagmamahal sa sarili

Dahil dito, naglabasan ang samu't-saring spekulasyon sa totoong dahilan ng hiwalayan ng dalawa, may mga naghinala na pinagseselosan umano ni Kyline Alcantara ang co-host ni Mavy Legaspi sa Eat Bulaga na si Dasuri Choi.

Nagsimula ang isyung pinagseselosan ni Kyline Alcantara si Dasuri Choi ng ibahagi niya ang isang TikTok video kung saan makikitang magkatabi sina Mavy at Dasuri.

May mga nagsasabi pa na talagang nagseselos si Kyline Alcantara dahil sa pagiging close ni Dasuri sa kambal na Legaspi off-cam.

Hindi naman lingid sa kaalaman ng lahat na tila nagkaroon ng hindi pagkakaunawaan sa pagitan nina Cassy Legaspi at Kyline Alcantara nang mag-unfollow sila sa isa't-isa sa kanilang Instagram accounts.

Samantala, may mga bumatikos naman sa ginawa ng Legaspi twins dahil hindi naman umano magandang tingnan na nakikipagdate pa sa ibang babae ang isang lalaki na may karelasyon na.

Maging si Cassy Legaspi ay nakatanggap rin ng pambabatikos dahil tila kinkunsinti pa umano nito ang ginawang panloloko ni Mavy Legaspi sa kanyang girlfriend na si Kyline Alcantara.

Kaagad namang rumesbak sina Carmina Villaroel at Zoren Legaspi, mga magulang nina Cassy Legaspi at Mavy Legaspi, sa mga nambabatikos sa kanilang mga anak.

Naglabas ng mensahe sa kanyang social media account si Carmina Villaroel patungkol kung gaano niya kamahal ang dalawa. May cryptic post pa ito na, Mom knows best.

Nagpapasalamat naman ang dating action star na si Zoren Legaspi sa mga totoong kaibigan na nagmamahal at sumusuporta sa kanyang anak. Tila parinig naman umano niya ito kay Kyline Alcantara na hindi totoong kaibigan sa kanyang mga anak.

Samantala, ayon sa aming nakalap na impormasyon, sina Carmina Villaroel at Zoren Legaspi umano ang naging dahilan ng kung bakit hiniwalayan ni Mavy Legaspi si Kyline Alcantara.

Ang mga magulang umano ng aktor ang nagsabi kay Mavy na hiwalayan na si Kyline na sinunod naman ng aktor.

Samantala, nagbigay naman ng update ang veteran showbiz columnist na si Manay Cristy Fermin sa kanyang YouTube channel hinggil sa natanggap niyang rumor patungkol sa hiwalayan nina Mavy Legaspi at Cassy Legaspi.

Ibinunyag rin niya ang nakarating sa kanyang dahilan ng hiwalayan ng dalawa. Ayon kay Cristy Fermin, nasakal na umano si Mavy Legaspi kay Kyline Alcantara dahil sa pagiging selosa nito.

Ayon pa umano sa mapagkakatiwalaang source ni Cristy Fermin, hindi na umano kinakaya ni Mavy Legaspi ang pagiging selosa ni Kyline bukod pa rito ay insecure rin umano ito.

Dagdag pa ni Cristy Fermin na wala namang lalaki na papayag na basta na lamang hahawakan sa leeg at kokontrolin na ang buhay ng kanilang mga nobya.

"Hinahawakan daw siya sa leeg, wala namang lalaking papayag ng ganoon. Kaya nga nakikipagrelasyon para maging masaya at maligaya ka eh."

Sa kabilang banda, ikinagulat ng mga netizens nang mamataan sina Kyline Alcantara at Mavy Legaspi na magkasama para sa launching ng panibagong produkto ng softdrinks na kanilang iniendorso.

 Makikita pang nakangiti at tila walang isyu ang dalawa, gayunpaman, may mga nakapansin na hindi umano tinanggap ni Kyline Alcantara ang kamay ni Mavy Legaspi at nauna na itong pumasok sa backstage.

Tila nagsasama na lamang ang dalawa sa iisang lugar dahil sa kanilang kontrata. Ito rin umano ang dahilan kaya hindi nila maamin sa kanilang mga tagahanga ang kanilang paghihiwalay.

Bukod pa rito, nangako rin umano ang dalawa sa management na hindi nila isasapubliko ang kanilang paghihiwalay habang hindi pa natatapos ang kanilang kontrata.

Nanay Ni Andrea Brillantes, Hindi Nakapagtimpi Na Sagutin Ang Isang Basher

 Hindi na nakapagtimpi si Belle Brillantes, ina ng aktres na si Andrea Brillantes, sa mga pambabatikos na natatanggap ngayon ng kanyang anak dahil sa pagkakadawit nito sa hiwalayan ng sikat na tambalan ng KathNiel.

Nakakatanggap ngayon ng kaliwa't-kanang pambabatikos ang aktres na si Andrea Brillantes dahil sa pagkakadawit ng kanyang pangalan sa hiwalayan nina Daniel Padilla at Kathryn Bernardo.

Inaakusahan siya ngayon ng maraming fans ng KathNiel na siya umano ang dahilan kung bakit nasira ang relasyon ngayon nina Daniel Padilla at Kathryn Bernardo.

Marami ang tumatawag sa kanya ngayon na malanding babae at mahilig umanong magpalit-palit ng mga lalaki.

Nakadagdag pa sa inis ng mga netizens at fans ng KathNiel ang patuloy na pananahimik ni Andrea Brillantes. Hanggang ngayon ay hindi pa inilalabas ng aktres ang kanyang side sa storya at hindi pa rin niya nililinis ang kanyang pangalan.

Dahil dito, iniisip tuloy ng mga netizens na kaya nananahimik si Andrea Brillantes dahil totoo ang lahat ng mga ibinintang sa kanya bilang babae na sumira ng relasyon nina Daniel Padilla at Kathryn.

Samantala, tila hindi na nakapagtimpi ang ina ni Andrea Brillates at naglabas na ito ng pahayag para ipagtanggol ang kanyang anak laban sa mga tao nagsasalita ng masasakit para rito.

Kaagad naman itong umani ng samu't-saring komento mula sa mga netizens at mga fans ng KathNiel, may mga nainis sa panghihimasok nito at hayagang tinanong si Belle kung paano niya pinalaki si Andrea Brillantes.

Kaagad din naman niya ito sinagot kung saan ipinunto niya at ipinagmalaki ang lahat ng nagawa ni Andrea Brillantes sa kanilang pamilya, kabilang na ang pagpapaaral nito sa kanyang mga kapatid at ang pagpapagawa nito sa kanilang balay.

Tinanong din niya ang basher kung ano ang naging ambag nito sa buhay ng kanyang anak para pagsalitaan ito ng mga masasakit na salita kahit pa wala namang ebedensiya na kumabit si Andrea Brillantes kay Daniel Padilla.

Hindi naman tumigil ang ilang mga bashers ni Andrea Brillantes at dinadamay na rin ngayon ang kanyang mga magulang at kapatid. May mga netizens na nagsasabi na kaya masama ang ugali ni Andrea Brillantes dahil masama rin naman umano ang ugali ng ina nito.

Sa kabilang banda, may mga nagtatanggol naman kay Andrea Brillantes at ina nito, ayon naman sa kanila na ang  dapat maglabas ng pahayag ay hindi si Andrea Brillantes kundi si Daniel Padilla.

Dapat umano na si Daniel Padilla ang magbibigay linaw sa kung ano ang totoong dahilan sa hiwalayan nila ni Kathryn at kung sino ang totoong involved.

Ipinunto rin ng iba na wala namang ebedensiyang totoong magkarelasyon sina Andrea Brillantes at Daniel Padilla tanging mga diehard fans lang naman ang nag-iisip ng hindi maganda.

"Go mommy. I always support and love your daughter Andrea no what happened my ears and eyes don't mind the issues.loveyou"

"Sana po malampasan po ni Andrea lahat ng mga issue about sa kanya at hindi sana totoo ung mga paratang about sa hiwalayan ng kathiel.godblessed always."

View this post on Instagram

A post shared by Belle Brillantes (@belle_brillantes)

Karla Estrada Napahagulgol Sa Iyak Sa Hiwalayan Ni Kathryn Bernardo, Daniel Padilla

 Nagpasalamat ang ina ni Daniel Padilla na si Karla Estrada sa kabutihang ibinigay ni Kathryn Bernardo sa kanilang pamilya.

Inamin rin ng celebrity mom na si Karla Estrada na labis siyang nagulat nang aminin nina Kathryn Bernardo at Daniel Padilla sa kani-kanilang mga Instagram account ang kanilang paghihiwalay.

Live rin umanong pinanood ng pamilya Padilla ang anunsyo ng ABS-CBN sa balitang totoong naghiwalay sina Kathryn Bernardo at Daniel Padilla.

Makikita naman sa isang kumakalat na video ang pag-iyak ni Karla Estrada nang malaman niyang tuluyan nang naghiwalay sina Kathryn Bernardo at anak niyang si Daniel Padilla.

Marami ang nalungkot at may mga napahagulhol pa sa iyak dahil nararamdaman din nila ang sakit sa nangyaring hiwalayan ng dalawa.

Sa mga naglalabasan ngayong isyu at baho ni Daniel Padilla, marami ang naawa kay Kathryn Bernardo na lumalabas na siyang biktima sa lahat.

Samantala, kumakalat naman ngayon ang ilang mga video clips na kuha mula sa airport kung saan makikita ang aktres na si Kathryn Bernardo na paalis ng bansa.

Tila aalis na muna si Kathryn Bernardo upang makapag-relax at para makapag-move on na rin dahil hindi rin naman isang biro ang tagal ng relasyon nila ni Daniel Padilla.

Bukod pa rito, tila umiiwas din ngayon ang aktres sa mga tanong ng mga netizens patungkol sa kanilang hiwalayan ni Daniel Padilla.

Makikita rin sa video na madaming dalang gamit ang aktres na tila ba pahiwatig na matagal itong mawawala sa bansa. Hindi rin sinabi ng kampo ng aktres kung saang bansa magbabakasyon si Kathryn Bernardo.

Samantala, ayon sa aming nakalap na impormasyon maaring mawala sa loob ng isang taon si Kathryn Bernardo dahil magpapahinga na muna ito.

Kapansin-pansin rin ang pamumugto ng mata ni Kathryn Bernardo habang paalis ito sa bansa na tila ba galing ito sa matinding iyakan.

May mga nagsasabi pa na habang sinusulat ni Kathryn Bernardo ang kanyang mahabang statement sa hiwalayan nila ni Daniel Padilla ay bumubuhos ang mga luha nito.

Vice Ganda Nagsalita Na Sa Hiwalayan Ni Kathryn Bernardo, Daniel Padilla

 Sa kauna-unahang pagkakataon, hayagang nagbigay ng pahayag ang Unkabogable Star na si Vice Ganda sa nangyaring hiwalayan ng KathNiel.

Hindi naman lingid sa kaalaman ng lahat na malapit sa KathNiel si Vice Ganda lalong lalo na kay Daniel Padilla.

Sa katunayan, matapos ang pag-amin nina Daniel Padilla at Kathryn Bernardo sa kanilang hiwalayan ay kaagad na kinamusta ni Vice Ganda si Daniel Padilla at sinabihan ito na malalampasan rin nila ang mga pagsubok na kinakaharap.

Sa isang panayam sa ABS-CBN, ipinahayag ni Vice Ganda na nalulungkot siya sa nangyaring hiwalayan ng dalawa na naging malapit na rin sa kanya.

Hindi naman nagbigay ng anumang reaksyon si Vice Ganda sa napapabalitang pagkakadawit ni Andrea Brillantes sa isyu ng hiwalayan ng KathNiel dahil hindi naman lingid sa lahat na malapit din si Vice Ganda kay Andrea.

Marahil ay hindi na lamang siya nakikialam sa isyu ni Andrea at sa naging dahilan ng hiwalayan ng KathNiel, basta ang alam na ay hanggang ngayon ay malungkot pa rin siya sa hiwalayan nila bilang fan na rin sa tambalang KathNiel.

Ipinagdiinan naman ni Vice Ganda na ang kanyang nararamdaman ngayon ay katulad rin lang sa nararamdaman ngayon ng maraming KathNiel fans.

Iginiit pa ni Vice Ganda na ang hindi normal ay iyong magiging masaya siya kahit alam umano niyang may mga taong nalulungkot na dati namang masaya sa piling ng isa't-isa.

Gayunpaman, ang tanging hiling na lamang ngayon ni Vice Ganda para kina Kathryn Bernardo at Daniel Padilla ay peace, healing at joy. Nais umano ni Vice Ganda na makitang masama muli sina Kathryn Bernardo at Daniel Padilla kahit wala na sa piling ng isa't-isa.

Samantala, nagbigay na ng pahayag ang ina ni Andrea Brillantes patungkol sa mga natatanggap na pambabatikos ng kanyang anak. Hiling ng ina ni Andrea na sana ay tigilan na ang pambabatikos sa kanyang anak dahil wala namang mabigat na ebedensya na makakapagpatunay na totoong may kinalaman ito sa hiwalayan ng mga celebrities.

Sa ngayon ay nakakaranas na umano ng depression si Andrea Brillantes dahil sa mga natatanggap nitong pambabatikos mula sa mga netizens.

Reaksyon Ni Paolo Contis Sa Pagbawi Ng TVJ Sa Eat Bulaga

 Tuluyan nang kinansela ng Intellectual Property Office of the Philippines ang trademark registration ng TAPE Inc. para sa trademark ng Eat Bulaga at EB.

Ayon sa inilabas na desisyon ng IPO, hindi umano napatunayan ng TAPE Inc. kung paano nila nabuo ang titulong Eat Bulaga o EB habang nakapagbigay naman umano ng testimonya at paliwanag ang TVJ kung saan nanggaling ang titulo.

Samantala, tila nagpasaring naman ang main host ng Eat Bulaga ng TAPE Inc. na si Paolo Contis sa kamakailang episode ng show. Paulit-ulit niyang binanggit ang titulo ng Eat Bulaga na may halong diin.

Pahayag ni Paolo Contis, "Lagi kayong welcome dito sa Eat Bulaga, yes Eat Bulaga. Everyday we'll see you Eat Bulaga."

Sa kabilang banda, wala pang inilalabas na opisyal na pahayag ang TAPE Inc. sa nasabing desisyon ng IPO. Maging ang TVJ ay tahimik pa rin at hindi pa naglalabas ng anumang pahayag patungkol sa nasabing isyu.

Matatandaan na ginulat ng TVJ ang mga dabarkads nang mag mass resign sila sa TAPE Inc. ilang buwan matapos mabalitang may nagaganap na internal conflict sa show.

Sa ngayon ay nasa TV5 ang TVJ sa show na pinamagatan pansamantala na E.A.T habang hindi pa nila nababawi ang titulong Eat Bulaga na hanggang ngayon ay ginagamit naman ng mga Jalosjos.

Samantala, trending naman sa ilang mga social media plaforms ngayon ang Eat Bulaga, kung saan marami sa mga netizens ang nagbubunyi sa pagpanig ng IPO sa TVJ na naging totoong haligi ng show na Eat Bulaga sa loob ng mahabang panahon.

Paulo Avelino Matagal Nang May Gusto Kay Kim Chiu

 Inamin ng aktor na si Paulo Avelino na matagal na niyang gusto ang Kapamilya actress na si Kim Chiu noon pa mang nasa GMA Network pa ito.

Kamakailan lamang sa isang panayam ay hayagang inamin ng Kapamilya actor na si Paulo Avelino na matagal na niyang gustong makasama ang aktres na si Kim Chiu sa iisang pelikula at nais rin niyang makatambal ito.

Bagama't matagal bago nangyari ang pangarap niya noong pagsasama ni Kim Chiu naging worth the wait naman umano ito dahil sa magkasunod na teleserye ay naging leading lady niya ang aktres.

Samantala, marami naman sa mga tagahanga nina Paulo Avelino at Kim Chiu ang kinilig ng kumalat sa ilang mga social media platforms ang Tiktok video nila na magkasama.

Marami rin ang napahanga sa malakas na chemistry ng dalawa na nakakapagbibigay ng kilig sa kanilang mga tagahanga.

Sa ngayon ay abala na sina Paulo Avelino at Kim Chiu sa pagti-taping sa pinagtambalan nilang drama series, a`ng Philippine adaptation ng hit South Korean rom-com na What's Wrong with Secretary Kim?

Ang nasabing adaptation ay collaboration ng Viu Philippines at ABS-CBN under Dreamscape Entertainment. 

Sa kabilang banda, lumalabas naman ngayon ang isyung nagkakamabutihan na umano sa totoong buhay sina Paulo Avelino at Kim Chiu dahil matagal na umanong naghiwalay sina Xian Lim at Kim Chiu.

Sa ngayon ay inaabangan ng mga netizens ang tambalang KimPau at ang kanilang pagganap sa Philippine adaptation ng What's Wrong With Secretary Kim?

Kathryn Bernardo at Daniel Padilla Magkakasama Ulit Sa Abs Cbn

 Ikinalungkot ng mga KathNiel fans ang hiwalayan nina Kathryn Bernardo at Daniel Padilla dahil hindi nila matanggap na hahantong lamang sa wala ang relasyon ng dalawa na umabot sa mahigit 11 years.

Noong November 30, tuluyan nang kinumpirma nina Kathryn Bernardo at Daniel Padilla ang kanilang hiwalayan ilang linggo matapos maisyung matagal nang hiwalay ang dalawa.

Gayunpaman, maari umanong magbunyi ngayon ang mga fans ng dalawa na umaasa sa kanilang pagbabalikan dahil pumayag umano sina Kathryn Bernardo at Daniel Padilla na magsama sa iisang okasyon sa ABS-CBN.

Usap-usapan ngayon sa social media ang pagpayag nina Daniel Padilla at Kathryn Bernardo sa iisang proyekto bilang magka-loveteam.

Tila hindi pa rin magtatapos ang kanilang tambalan sa kabila ng pagtatapos ng kanilang pagmamahalan bilang totoong mag-couple.

Ayon naman sa ilang mga netizens na talagang pinapatunayan lamang nina Kathryn Bernardo at Daniel Padilla na walang nangyaring bitterness sa kanilang paghihiwalay dahil handa pa rin silang magkatrabaho.

Bukod pa rito, pinapatunayan lamang umano ng dalawang Kapamilya Stars na sina Kathryn Bernardo at Daniel Padilla ang pagiging professional nila sa kani-kanilang mga careers.

Nauna na rito, na nakatanggap si Kathryn Bernardo ng mga papuri mula sa mga netizens dahil sa matapang na pag-amin niya sa hiwalayan nila ni Daniel Padilla.

Lalo pang nakatanggap ng papuri si Kathryn Bernardo nang lumabas ang balitang handa pa rin si Kath na makatrabaho si Daniel sa kabila ng mga isyung naglabasan kabilang na ang paulit-ulit na pambabae nito.

Sa kabilang banda, naging matunog naman ang mga request ng mga netizens na pagtambalin muli sina Kathryn Bernardo at Alden Richards dahil sa mga kumakalat na video clips mula sa promotion ng pelikula nilang Hello, Love Goodbye noong 2019.

Marami kasi ang nakapansin sa malakas na chemistry ng dalawa, marami rin ang nagsasabi na kung magkakaroon sila ng relasyon ay susuportahan rin nila ito.

Kim Chiu May Mensahe Kay Xian Lim sa Gitna ng Isyung Naghiwalay na Sila

 Naging tampulan muli ng panunukso si Kim Chiu tungkol sa usapang ex sa isang episode ng It's Showtime.

Sa kamakailang episode ng It's Showtime napag-usapan ng mga host ang patungkol sa paghahangad ng tagumpay sa mga taong naging parte ng iyong buhay noon.

Unang pinasagot ni Vice Ganda ang co-host na si Vhong Navarro. Kaagad naman itong sinagot ni Vhong Navarro na kapag successful na umano siya ay gugustuhin rin niya na maging successful na rin ang kanyang ex. Para magkapareho sila.

Tinanong rin ni Vice Ganda ang kanyang co-host na si Karylle na tila ay nakaramdam pa ng awkwardness sa pagtatanong na ito ni Vice patungkol sa kanyang ex.

Ipinahayag naman ni Vice Ganda na mas maganda na hilingin natin ang ikakabuti ng mga taong naging parte ng nakaraan.

Kalaunan ay ibinaling naman ni Vice Ganda kay Kim Chiu ang kanyang tanong, agad namang napareact si Kim Chiu.

Napansin ng ilang mga netizens na napapadalas na ang pagbibiro ni Vice Ganda kay Kim Chiu sa mga usapin patungkol sa hiwalayan. Hinala tuloy ng marami na may alam si Vice Ganda sa pinagdadaanan ngayon ni Kim Chiu.

Matatandaan na ilang buwan na ring naging laman ng mga haka-haka at mga bali-balita ang patungkol sa paghihiwalay nina Kim Chiu at Xian Lim.

Sa katunayan mas nauna pang pumutok ang isyung ito kaysa sa hiwalayan ng KathNiel na kamakailan lamang ay umaming naghiwalay na sila.

Samantala, patuloy pang tinanong ni Vice Ganda si Kim Chiu kung wala na ba siyang nararamdamang concern sa kanyang mga ex.

Kaagad naman itong sinagot ni Kim Chiu kung saan ipinahayag niyang hihilingin pa rin niya ang lahat ng makakabuti para sa kanyang ex kahit hindi naman birthday nito.

Dagdag pa ni Kim Chiu, na kahit walang okasyon ay hihilingin pa rin niya ang makakabuti rito.

Hindi pa rito natatapos ang panunukso ni Vice Ganda kay Kim Chiu dahil tinanong pa nito kay Kim Chiu kung kailan ang huling pagkakataon na nasabi niya ang mga katagang 'I wish you all the best.'

Natawa naman rito si Kim Chiu at sinabing nasabi niya ang pahayag kani-kanina lamang ng sinabi niya ito kay Vice Ganda sa show.

Tila hanggang ngayon ay hindi pa rin handa ang actress na si Kim Chiu na aminin ang kasalukuyang estado ng relasyon nila ni Xian Lim kahit pa ilang beses na siyang pino-provoke ni Vice Ganda.

Trending! Angel Locsin Magbabalik Ka, Netizen Nagulat Sa Bagong Look

 Kaagad na umani ng samu't-saring reaksyon at komento mula sa mga netizens ang ibinahaging larawan ni Angel Locsin sa social media.

Matatandaan na mahigit isang taon din na walang paramdam ang aktres na si Angel Locsin sa kanyang mga social media account at tanging mga throwback photos lamang nito ang ibinabagi ng kanyang mga tagahanga sa mga fan base social media accounts.

Nito lamang lunes ay ibinahagi ni Angel Locsin ang isang larawan niya na nakasuot ng pantalon at pulang blouse. Hindi naman malinaw kung bagong kuhang larawan ba ang ibinahaging ito ng aktres.

Gayunpaman, ay ikinatuwa pa rin ito ng kanyang mga tagahanga dahil nakikita nilang maayos ang aktres at kahit papaano ay may ibinahagi nang update sa kanyang social media account.

Hangad naman ngayon ng mga tagahanga ni Angel Locsin na sana ay magtuloy tuloy na ang pagbibigay ng mga social media updates ni Angel Locsin para hindi na umano sila mag-aalala sa kalagayan nito.

Matatandaang pinagmulan pa noon ng isyu ang biglaang pananahimik ni Angel Locsin sa kanyang social media accounts. May mga naghinalang naghiwalay na sila ng kanyang mister na si Niel Arce dahil sa isang babae.

Nagsilabasan pa noon ang mga blind items patungkol sa celebrity couple na umano'y on the rocks na ang pagsasama.

Kaagad naman itong pinabulaanan ni Niel Arce kung saan ipinahayag niyang maayos naman ang pagsasama nila ni Angel Locsin. Gayunpaman, hindi ito nagbigay ng anumang pahayag kung bakit hindi na nagiging active sa social media si Angel Locsin.

May mga naghinala rin na baka may pinagdadaanang isyung pangkalusugan ang aktres kaya naman bigla na lamang itong nanahimik sa kanyang social media accounts.

Samantala, nitong nagdaang October nagbigay ng update ang bestfriend ni Angel Locsin na si Dimples Romana patungkol sa pinagkakaabalahan ngayon ng aktres.

Ayon kay Dimples Romana, ini-enjoy ni Angel Locsin ang kanyang buhay may asawa at masayang-masaya siya ngayon para sa kanyang kaibigan.

Marami rin ang nagtataka kung bakit wala rin si Angel Locsin sa ABS-CBN Christmas Station ID gayung halos lahat ng mga Kapamilya artist ay makikita naman rito.

Tampok rin dito ang GMA Network na panibagong tahanan ngayon ng It's Showtime. Itinampok rin nila ang TV5 na naging tahanan rin ng iba pang mga Kapamilya shows. Maging ang A2Z ay makikita rin sa ABS-CBN Christmas Station ID 2023 na pinamagatang Pasko Ang Pinakamagandang Kwento.

May mga naglabasang mga haka-haka na baka ay lilipat na sa ibang network ang aktres kaya naman ay hindi na ito nakasama sa Christmas Station ID ngayong taon.

Yassi Pressman, Pina-Tulfo ng Isang Grab Driver

 Nakarating sa tanggapan ng programa ni Sen. Raffy Tulfo sa Raffy Tulfo in Action ang isang Grab Driver na 11 days nang hindi nakakapamasada dahil sa ginawa ng driver ng aktres na si Yassi Pressman.

Dumulog at humingi ng tulong sa programa ni Sen. Raffy Tulfo ang isang grab driver na si Raymart Quinto nitong December 1, 2023.

Ayon sa pagku-kwento ni Raymart, nabundol ang kanyang minamanehong kotse ng isang SUV sa Bonifacio Global City, Taguig City noong November 21, 2023.

Naka-usap naman niya ang driver ng nakabundol sa kanyang SUV na nagpakilalang si Domer. Sa kanilang pag-uusap napag-alaman niyang driver pala ito ng aktres na si Yassi Pressman.

Ipinagbigay alam naman ni Domer kay Yassi Pressman ang nasabing insedente, nagkataon namang nasa isang coffee shop si Yassi Pressman kaya sinabihan niya ang kanyang driver na puntahan na lamang siya at isama na rin si Raymart.

Para mapag-usapan nila ang nasabing aksidente. Nang makapag-usap sina Raymart, Domer at Yassi Pressman, nangako umano si Yassi Pressman na sasagutin niya ang naging damage sa kotse ni Raymart at ikakaltas na lamang ito sa sahud ng kanyang driver.

Natuwa naman umano si Raymart dahil kaagad na mapapaayos ang kanyang sasakyan na bina-boundaryhan at hindi maapektuhan ang kanyang pamamasada.

Subalit, nang mapa-estimate na umano niya ang total na magagastos para sa repair sa mga damage ng kanyang minamanehong sasakyan ay hindi na umano niya makuntak si Domer. Hindi na umano nito sinasagot ang kanyang mga tawag.

Hanggang sa pagpunta niya sa tanggapan ni Raffy Tulfo ay hindi pa rin niya nakukuntak ang driver. Napaiyak pa si Raymart ng sabihin niya kay Sen. Raffy Tulfo na 11 days na siyang hindi nakakapamasahero dahil hanggang ngayon ay hindi pa rin naayos ang kanyang sasakyan.

Ipinahayag naman ni Sen. Raffy Tulfo na handa niyang tulungan si Raymart at bibigyan umano niya ito ng 25 000 pesos bilang tulong dahil sa mga araw na wala itong kita dala ng pagkakasira ng kanyang sasakyan.

Tinawagan naman ng mga staff ni Raffy Tulfo si Yassi Pressman na kaagad namang sinagot ng aktres. Humingi ng tawad si Yassi Pressman kay Raymart dahil sa abalang dala ng kanyang driver.

Hindi rin naman nagalit ang aktres dahil ipina-Tulfo siya ng grab driver at nagpapasalamat pa siya sa programa dahil nakausap niya si Raymart.

Nangako rin si Yassi Pressman na babayaran niya ang repair para sa sasakyan ni Raymart na umabot sa 49 thousand ayon sa estimation na dala-dala ni Raymart.

Bukod pa rito, sasagutin din umano ni Yassi Pressman ang mga araw na walang kita si Raymart na aabot naman sa 22 thousand pesos dahil kumikita umano si Raymart ng 2 thousand pesos kada araw sa kanyang pamamasahero.

Bilang christmas gift na rin ni Yassi Pressman para kay Raymart ay bubuuhin na umano niya sa one hundred thousand pesos ang ibibigay niya kay Raymart.

Tinupad naman kaagad ni Yassi ang pangako niyang ito sa grab driver, ilang oras makalipas ang kanilang pag-uusap, personal na ibinigay ni Yassi Pressman kay Raymart Quinto ang pera.

Marami naman ang pumuri kay Yassi Pressman dahil sa pagiging generous niya kay Raymart Quinto. Gayunpaman, may ilang mga netizens pa rin ang nagsasabi na kung hindi pa pinaabot ng grab driver sa Raffy Tulfo in Action ang nangyari ay hindi rin ito aaksyunan ni Yassi Pressman.

Kathryn Bernardo, Sinabihang Magbalik-Loob Sa Iglesia Ni Cristo

 Viral at usap-usapan ngayon sa ilang mga social media platforms ang panghihikayat ng mga netizens na myembro ng relihiyong Iglesia Ni Cristo sa Kapamilya actress na si Kathryn Bernardo na magbalik loob na sa kanilang simbahan at pananampalataya.

Matatandaan at hindi naman lingid sa kaalaman ng lahat na lumaking myembro ng Iglesia ni Cristo si Kathryn Bernardo. Subalit, ilang taon matapos ang kanyang pagiging sikat sa showbiz industry napagdesisyunan ni Kathryn na tumiwalag sa nasabing relihiyon.

Taong 2015, unang umugong ang balitang tumiwalag si Kathryn Bernardo sa Iglesia ni Cristo nang ipahayag nila sa publiko, kasama ng dating ka-loveteam at boyfriend niya na si Daniel Padilla, ang kanilang pagsuporta sa kandidatura noon nina Mar Roxas at Leni Robredo.

Matatandaan na ang ini-endorso ng Iglesia ni Cristo noon pagkapangulo ay si Dating Pangulo Rodrigo Duterte. Hindi naman lingid sa kaalaman ng lahat na sumusunod ang Iglesia ni Cristo sa systemang block-voting ang mga Iglesia ni Cristo.

Kung saan kinakailangan nilang iboto ang mga kandidato na napili ng kanilang pinuno.

Bukod pa rito, marami rin ang naniniwala na isa sa mga dahilan kung bakit umalis sa Iglesia ni Cristo si Kahtyrn Bernardo ay walang iba kundi si Daniel Padilla dahil hindi umano ito nahikayat ni Kathryn Bernardo na ma-convert sa pagiging Iglesia ni Cristo.

Hindi rin naman lingid sa kaalaman ng marami na hindi maaring magkaroon ng relasyon ang isang Iglesia ni Cristo member sa hindi nila ka-grupo o di kaya naman sa mga taong hindi pumapayag papasok at magpapa-convert sa kanilang paniniwala.

Sa kabilang banda, kasunod ng lantarang pag-amin nina Kathryn Bernardo at Daniel Padilla sa kanilang hiwalayan matapos ang 11 years nilang relasyon, hinihikayat ngayon ng maraming myembro ng Iglesia ni Cristo si Kathryn Bernardo na magbalik loob na sa kanilang pananampalataya.

Ayon pa sa panghihikayat ng mga Iglesia ni Cristo members kay Kathryn Bernardo na senyales na umano ang hiwalayan nila ni Daniel Padilla para magbalik-loob na siya sa kanilang relihyon at muling maglingkod sa kanilang Ama.

Ipinunto pa ng ibang mga myembro na wala talagang forever sa mundo at mas masarap talagang magmahal ang kanilang kinikilalang ama kaysa sa ibang mga nilalang sa lupa.

"Hangad namin na makapagbalik loob ka na at maitala ang pangalan mo sa aklat ng buhay."

Sa ngayon ay hindi pa nagbibigay ng pahayag at tugon si Kathryn Bernardo hinggil sa nasabing panghihikayat ng mga myembro ng Iglesia Ni Cristo sa pagbabalik loob niya sa dati niyang relihiyon at paniniwala kasunod ng paghihiwalay nila ni Daniel Padilla.

Karylle Ayaw Pa Makaharap Si Dingdong Dantes, Marian Rivera Sa It's Showtime?

 Si Karylle Yuzon naman ang naha-hotseat ngayong araw sa It's Showtime sa kanilang panibagong segment na Expecially For You.

Ang nasabing segment ng It's Showtime ay patungkol sa mag-ex couple na susubukan ng Showtime hosts na pag-aayusin.

Samantala, hindi naman nakaligtas si Karylle sa naging pagbibiro ni Vice Ganda dahil mag-ex ang tema ng kanilang segment.

Biniro ni Vice Ganda si Karylle na kung may ex ba siyang single na nangangailangan ng tulong. Hindi na pinatapos ni Karylle si Vice Ganda at ipinahayag niyang wala dahil masaya na ang lahat ng kanyang mga ex.

Hindi pa rito natapos ang pag-aasar ni Vice Ganda at iba pang Showtime family kay Karylle Yuzon. Ginatungan pa ni Vhong Navarro ang pagbibiro ni Vice Ganda at tinanong kay Karylle kung may celebrity edition ang kanilang segment ay sasali ba siya rito.

Tila na gets naman na ni Karylle ang pagbibiro sa kanya ng It's Showtime Family kaya naman tawang-tawa na niyang sinakyan ito.

"Dahil dyan, please welcome..." pahayag ni Karylle.

Kaagad din namang nagbiro si Vice Ganda patungkol pagpapopromote.

"Subra ka naman, pero maari silang magpromote rito," natatawang pahayag ni Vice Ganda.

Bagama't wala namang binanggit na pangalan si Vice Ganda kaagad naman na gets ng mga madlang pipol na ang kanyang tinutukoy ay walang iba kundi sina Marian Rivera at Dingdong Dantes.

May pelikula kasi ang mga ito na pino-promote ngayon na produced ng Star Cinema. Hindi rin naman lingid sa kaalaman ng lahat na si Karylle ang unang naging nobya ni Dingdong Dantes bago kay Marian Rivera.

Samantala, hindi na rin naman bago ang pagbibiruan nina Karylle at Vice Ganda patungkol sa kanilang past relationship. Maging ang nakaraan ng iba pang mga host ay napapag-usapan rin nila.

Sa kabilang banda, ipapalabas na sa mga sinehan ang comeback movie nina Marian Rivera at Dingdong na pinamagatang Rewind.

Matatandaan na nauna nang nilinaw noon nina Karylle at Marian Rivera na wala nang tensyon sa pagitan nila. Sa katunayan ay namataan pang nagbeso-beso ang dalawa sa isang event. 

Kaya naman hinuha ng mga netizens na magiging maayos naman sakaling maging guest ng It's Showtime sina Marian Rivera at Dingdong Dantes.

Andrea Brillantes Buntis Na Kay Daniel Padilla?

 Usap-usapan at viral ngayon sa ilang mga social media platforms ang umano'y secret conversation nina Andrea Brillantes at Daniel Padilla na ibinulgar naman umano ni Ricci Rivero.

Viral ngayon sa social media ang mga ibinunyag umano ni Ricci Rivero patungkol sa lihim na relasyon noon nina Andrea Brillantes at Daniel Padilla habang sila pa ng aktres. Kabilang na sa mga ito ay ang sweet messages nila sa isa't-isa kung saan nasabing pa umano ni Daniel na bubuntisin niya si Andrea Brillantes.

Hanggang ngayon ay mainit pa rin na usapin sa social media ang patungkol sa hiwalayan nina Kathryn Bernardo at Daniel Padilla dahil hindi naman ipinahayag ng dalawa ang dahilan ng kanilang hiwalayan.

Nitong November 30, 2023, ginulat nina Kathryn Bernardo at Daniel Padilla ang mundo ng showbiz nang inamin na nila ang kanilang paghihiwalay matapos ang matagal na nilang romantic relationship.

Kasabay ng pag-amin nina Daniel Padilla at Kathryn Bernardo sa kanilang hiwalayan, nagsilabasan naman ang isyung may third party sa side ni Daniel Padilla sa katauhan ni Andrea Brillantes.

Bukod kay Andrea Brillantes nadawit rin sa isyu ang dating co-star nina Kathryn Bernardo at Daniel Padilla sa isang pinagbidahang teleserye na si Gillian Vicencio.

Kaagad namang pinabulaanan ng aktres ang isyu at iginiit na wala siyang kinalaman sa nangyaring hiwalayan ng dalawa.

Dahil dito, binalikan ng mga netizens si Andrea Brillantes at ibinunton ang lahat ng sisi sa young actress.

Sa kabila ng pambabatikos na natatanggap ngayon ni Andrea Brillantes ay patuloy lamang sa kanyang mga ginagawa at tila hindi pinapansin ang kanyang mga bashers.

Matatandaan na nitong nakaraang Mayo lamang nang kinumpirma nina Ricci Rivero at Andrea Brillantes ang kanilang hiwalayan. Marami rin ang naghinalang third party ang dahilan nito dahil sa pagkakalink naman ni Leren Mae Bautista kay Ricci.

Nakatanggap pa noon ng simpatiya si Andrea Brillantes sa mga netizens dahil sa ginawa ni Ricci Rivero sa kanya sa kabila ng mga ibinigay niya rito.

Subalit, tila nabaliktad ngayon si Andrea Brillantes dahil siya naman ang labis na binabatikos dahil sa pagiging kabit umano niya ni Daniel Padilla.

Sa kabilang banda, maging si Daniel Padilla ay nanahimik na rin matapos aminin ang hiwalayan nila ni Kathryn Bernardo hindi rin ito nagbibigay ng anumang pahayag para linisin ang pangalan ni Andrea Brillantes na nadadamay ngayon sa isyu ng hiwalayan nila ni Kathryn.

View this post on Instagram

A post shared by Andrea Brillantes (@blythe)

Abs Cbn at Star Magic Hindi Kinunsinti Si Andrea Brillantes

 Umaani ngayon ng mga reaksyon at views ang video ng Kapamilya actress na si Andrea Brillantes na ibinahagi ng ABS-CBN gamit ang kanilang TikTok account.

Makikita sa nasabing video ang blooming beauty ni Andrea Brillantes sa gitna ng pagkakadawit niya sa hiwalayan ng longtime celebrity couple na sina Daniel Padilla at Kathryn Bernardo.

Lalong nakatanggap ng pambabatikos si Andrea Brillantes mula sa mga fans ng KathNiel nang tuluyang kumpirmahin ni Kathryn Bernardo na tuluyan na silang naghiwalay ni Daniel Padilla matapos ang 11 years nilang relasyon at 12 years bilang loveteam.

Samantala, nanatili namang tahimik ang pamunuan ng ABS-CBN hinggil sa pagkakadawit ng isa pa nilang talent sa isyu ng paghihiwalay nina Kathryn Bernardo at Daniel Padilla. Tila nirerespeto nila ang desisyon ng bawat panig hinggil sa isyu.

Maging sina Kathryn Bernardo at Daniel Padilla ay hindi rin nila hayagang isiniwalat sa publiko ang naging dahilan ng kanilang paghihiwalay. Dahil dito mas lumakas ang hinala ng mga netizens na totoo ang isyu na si Andrea Brillantes ang dahilan.

Maging si Andrea Brillantes ay nanatiling tikom ang bibig at ni hindi man lang ipinagtanggol ang kanyang sarili sa mga pambabatikos na natanggap. 

Tila unbothered lamang ngayon ang aktres sa mga natatanggap niyang pambabatikos at naniniwalang mawawala rin lang ito kalaunan.

Samantala, patuloy pa rin ang pambabatikos na natatanggap ngayon ni Andrea Brillantes, may mga nagbabanta na rin sa kanyang kaligtasan kung sakaling aminin umano nila ni Daniel Padilla ang kanilang relasyon.

May mga nagtatanggol pa rin naman kay Andrea Brillantes at ipinahayag na hindi naman lahat kasalanan ni Andrea ang hiwalayan ng mag jowa dahil may kasalanan rin naman si Daniel Padilla na siyang hindi nakuntento sa kanyang nobyang si Kathryn Bernardo.

@abscbn Just #AndreaBrillantes serving face ✨ #Kapamilya #FYP ♬ There She Goes - Ben Grosse Mix - Sixpence None The Richer