Kris Aquino Ibinunyag Ang Pag-Uwi Ni Bimby Sa Pinas Dahil May Importanteng Aayusin

Tila hindi na muna matutuloy ang napipintong pagsabak ni Bimby Aquino sa showbiz sa bansa dahil inaasikaso nito ngayon ang kanyang student VISA para sa Amerika ipagpatuloy ang kanyang pag-aaral habang patuloy na nagpapagaling ang kanyang ina roon mula sa samu't-saring autoimmune diseases nito.

Sa kabila ng pahayag ni Kris Aquino sa mensahe nito para sa kanyang anak sa mismong ika-17 na kaarawan nito noong April 19, 2024 patungkol sa kanyang takot na baka ay hindi na niya maabutan ang 18th birthday ni Bimby Aquino sa susunod na taon, ay naging positibo naman ang kanyang mga tagahanga dahil tila maaliwalas umano ang pagmumukha ngayon ni Kris Aquino.

Samantala, tila hindi na muna matutuloy ang pagpasok sana ni Bimby Aquino sa showbiz dahil hindi nito maiwan ang kanyang ina ng matagal sa Amerika. Kailangan umano ngayon ni Kris Aquino ang kanyang dalawang anak mayroon siyang mapanghuhugutan ng lakas sa kabila ng panghihina dahil sa kanyang mga pinagdadaanan.

Isiniwalat naman ni Kris Aquino sa comment section ng kanyang post na nakatakdang umuwi sa Pilipinas ni Bimby para ayusin nito ang kanyang US student VISA.

Hiling naman ng maraming mga nagmamahal kay Kris Aquino na maging mabisa ang gamot na itinuturok ngayon kay Kris Aquino upang tuluyan na itong gumaling at makasama pa ng mas matagal ang kanyang mga mahal sa buhay. 

View this post on Instagram

A post shared by Kristina Bernadette Cojuangco Aquino (@krisaquino)

Ivana Alawi Na Date Ang Crush Na Si Paulo Avelino, Kim Chiu May Patutsada Sa Instagram!

 Mainit na pinag-uusapan ngayon sa ilang mga social media platforms ang umano'y pasaring ni Kim Chiu para kay Ivana Alawi matapos kumalat ang larawan at videos nila ni Paolo Avelino na magkasama.

Habang naroon sa Siargao si Chinita Princess Kim Chiu para dumalo sa second wedding ng kanyang bestfriend na si Angelica Panganiban ay kumalat naman ang mga larawan at videos nina Paulo Avelino at Ivana Alawi na tila nagdidate sa isang mall.

Pinagkakaguluhan sa isang mall ang sexy actress-vlogger na si Ivana Alawi at aktor na si Paulo Avelino matapos mamataan ng maraming mga netizens na tila masayang namamasyal.

Hindi naman lingid sa kaalaman ng lahat na una nang inamin noon ni Ivana Alawi na may crush siya kay Paulo Avelino dahil sa pagiging gwapo nito.

Inamin ito ni Ivanna Alawi sa press conference ng kinabibilangan niyang pelikula na Sit-Sit kung saan si Paulo Avelino ang producer. Aminado rin si Ivana Alawi na nakaramdam siya ng pressure dahil kay Paulo Avelino.

Gayunpaman, hindi umano maitago ang kanyang tuwa dahil nakasama niya iisang project ang matagal na niyang crush na artista na walang iba kundi si Paulo Avelino.

Sa kabilang banda, kaagad namang nagkomento ang mga KimPau kung saan inilahad nila na collaboration lamang ang naganap sa pagitan nina Paulo Avelino at Ivana Alawi kaya hindi umano nararapat na iship ang mga ito.

Hindi naman lingid sa kaalaman ng lahat na may panibagong pelikula si Paolo Avelino kaya naman naniniwala ang mga KimPau fans na for promotion lamang sa pelikula ni Paolo ang pagsasama nila ni Ivana Alawi na mayroong maraming subscribers sa YouTube.

Nauna na rito, naging elevator boy din si Paulo Avelino sa isang mall para i-promote ang kanyang pelikula na pinamagatang Elevator.

Samantala, tila naging makahulugan naman ang ibinahaging caption ni Kim Chiu sa kanyang post na ibinahagi niya sa kanyang Instagram account patungkol ito sa paniniwala sa sarili at hindi pagtitiwala ng ganoon na lamang sa ibang tao.

“I believe that everything happens for a reason. People change so that you can learn to let go, things go wrong so that you appreciate them when they’re right, you believe lies so you eventually learn to trust no one but yourself, and sometimes good things fall apart so better things can fall together.”

View this post on Instagram

A post shared by Kim Chiu 🌸 (@chinitaprincess)

EA Guzman Nahuli ni Shaira Diaz Na May Ginagawang Hindi Kanais-Nais

 Umaani ng samu't-saring reaksyon at komento mula sa mga netizens ang naging pag-amin nina Shaira Diaz at EA Guzman sa naging panayam sa kanila ng kilalang showbiz columnist at talent manager na si Ogie Diaz.

Sa nasabing panayam inihayag ng aktor na si Edgar Allan Guzma na mas kilala bilang si EA Guzman ang kanyang labis na pagsisisi nang mahuli siya ng kanyang girlfrien na si Shaira Diaz na nanonood ng bold movies.

Idinitalye naman nina Shaira Diaz at EA Guzman ang buong pangyayari kay Ogie Diaz upang mas maunawaan nito ang buong kwento.

Naniniwala si Shaira Diaz na ang ginawang panonood ng mga porn movies ni EA Guzma ay maaring na ring tawaging cheating.

Ayon kay Shaira Diaz, marami sa mga tao ang nagsasabing normal lang sa isang lalaki na manood ng ganoong uri ng palabas. Peroa para sa kanya ay hindi kailangan na inormalize iyon.

Sinabihan pa umano niya noon si EA na magpalit sila ng sitwasyon siya naman ang manonood, pagpapantasyahan ang ibang lalaki kung matutuwa rin daw pa si EA.

Dagdag pa ni Shaira, na parang cheating na rin iyong panonood ni EA Guzman ng mga bold movies dahil nakikita umano nito ang mga katawan ng ibang tao na supposedly sacred.

Matapos umano itong sabihin ni Shaira Diaz kay EA Guzman ay na realize umano ng aktor na mali talaga ang kanyang nagawa kaya naman tinigil na niya ang panonood ng kanyang paboritong movie magmula noon.

“Du’n nag-start, Mama Ogs. Tinamaan ako du’n na nasasaktan siya. So dahil sobrang mahal ko siya, nag stop talaga,” pahayag ni EA Guzman.

Kaagad namang umani ng samu't-saring reaksyon at komento mula sa mga netizens ang inamin nina Shaira Diaz at EA Guzman sa panayam nila kay Ogie Diaz.

Ayon sa ilang mga netizens na hindi naman maituturing na cheating ang ginawa ni EA Guzman na panonood ng bold movies dahil wala naman itong ginawang move para makilala ang babae napapanood.

Ipinunto pa ng maraming mga netizens na talagang hindi maiiwasan na may mga mature contents ang ilang mga magagandang movies lalo na kung nagmula naman ito sa ibang bansa.

May mga nagsasabi pa kay Shaira Diaz na nagpapaka-OA lamang siya dahil may mga needs naman umano si EA Guzman dahil isa itong grown up man lalo na't nagpa-practice sila ng celibacy.

May mga nagtatanggol naman kay Shaira kung saan ipinunto nilang hindi naman pinilit ng babae ang aktor na magpractice ng celibacy kasama siya.

Abs-Cbn May Pahayag Sa Sanib Pwersa Sa ALLTv

 Nitong mga nagdaang araw, naging laman sa mga usap-usapan sa social media na magbabalik na ang ABS-CBN sa dat nitong channel na pagmamay-ari ngayon ng AllTV network ng AMBS na pagmamay-ari ni Manny Villar.

Tinuldukan na ng ABS-CBN ang mga haka-hakang nakikipagnegotiate sila sa AllTV para maipalabas rin sa kanilang networks ang ilang mga Kapamilya shows.

Tuluyan naman itong naging malinaw ng kumalat ang balitang magkakaroon na ng contract signing sa pagitan ng ABS-CBN at AllTV.

Ayon naman sa aming nakalap na mga impormasyon ay masaya naman umano ang ALLTv sa partnership nila sa ABS-CBN kung saan 50-50 ang kanilang magiging hatian sa kita ng ipapalabas nilang show.

Matatandaan na noon pa mang December, sa Christmas party ng ABS-CBN ay nagbigay na ng clue ang mga big bosses ng network na sina Cory Vidanes at Carlo Katigbak kung saan sinabi nilang magiging best year para sa ABS-CBN ang taong 2024, matapos ang hindi pagkakarenew ng kanilang prangkisa noong 2020.

Samantala, kasalukuyang nagaganap ngayon ang contract signing ng ABS-CBN at ng ALLTV.

Marami naman sa mga tagahanga ng ABS-CBN ang labis na nasisiyahan sa pakikipag-collaborate ng network sa ibang mga channels upang mapanood ng mas nakakarami ang mga quality na palabas at teleserye mula sa magagaling na mga artista ng network.

May mga nagsasabi pa na tila hindi na apektado ngayon ang ABS-CBN sa pagkawala ng kanilang prangkisa dahil ngayon ay mapapanood na ang mga palabas ng network sa iba't-ibang mga channels.

Kilalang Programa Magpapaalam Na Sa Ere

 Ikinalungkot na maraming mga tagasubaybay ng sitcom nina Michael V aka Bitoy at Manilyn Reynes na Pepito Manaloto.

Nag-ugat ang mga usaping ito nang magbahagi ng isang group hug photo si Bitoy sa kanyang Instagram account na kuha mula sa set ng kanilang sitcom.

Makikita rin na kumpleto ang mga cast nito at tila malungkot umano ang mga mukha nito.

Subalit, kaagad na naglabas ng pahayag si Bitoy patungkol sa mga kumakalat na balitang malapit nang tsugiin ang kanilang show na Pepito Manaloto.

Ayon kay Michael V., walang dapat na ipag-alala ang kanilang mga solid supporters dahil hindi pa magwawakas ang kanilang sitcom.

Ipinaliwanag din ni Michael V ang kahulugan ng ibinahagi niyang group hug photo. Ayon kay Michael V ang inirerepresent ng kanilang group hug na iyon ay ang pagkakaisa nila bilang isang grupo.

Iginiit pa ni Michael V na patuloy pa ring magpapasaya sa ere ang Pepito Manaloto na patuloy na nagbibigay ng saya sa loob ng mahigit 14 years.

Ipinahayag pa ni Michael V ang kanyang kasiyahan na naroon pa rin sila at buo pa rin ang Pepito Manaloto sa kabila ng mga pinagdaanan nilang mga pagsubok, kagaya na lamang noong lumaganap ang pandemya sa bansa.

Para naman kay Manilyn Reynes ay hindi na biro an 14 years na pamamayagpag nila sa GMA7.

Si Manilyn Reynes ang gumaganap sa papel ni Elsa sa Pepito Manaloto ang butihing asawa ni Pepito.

Ayon kay Manilyn na naging emosyunal sila dahil hindi nila inakalang makalipas ang 14 years ay patuloy pa rin silang namamayagpag sa GMA7. Masaya rin siya dahil matapos ang ilang mga taon ay naroon pa rin ang kanilang mga kasamahan lalong lalo na ang kanilang mga tagahanga na patuloy parin silang sinusuportahan.

Sa kabilang banda, inilahad ni Michael V, na hindi na lamang isa fictional family para sa kanila ang kanilang sit-com dahil isinasapuso na nila ang kanilang pagmamahal bilang isang pamilya sa bawat, cast, writers, staff, crew, ang network, at higit sa lahat ang mga taong patuloy pa rin silang sinusubaybayan.

Sa ngayon ay pinaghahandaan na umano nila ang kanilang summer special na kukunan pa sa Nueva Ecija.

Kris Aquino May Touching Na Birthday Message Para Sa Kanyang Little Sister Na Si Kim Chiu!

 Kamakailan lamang ay ipinagdiriwang ng Kapamilya actress, TV-host na si Kim Chiu ang kanyang kaarawan. Marami sa mga kaibigan ng nasabing actress ang  bumati sa kanya, via social media at personal.

Sa Isla ng Siargao nagdaos ng karaawan si Kim Chiu dahil dumalo  siya sa second wedding ng kanyang matalik na kaibigan na si Angelica Panganiban.

Hindi naman lingid sa kaalaman ng maraming tagahanga ni Kim Chiu na pareho ng kaarawan ang aktres at bunsong anak ni Kris Aquino na si Bimby Aquino.

Kaya naman hindi rin kinalimutan ng Queen of All Media na batiin si Kim Chiu sa kaarawan nito.

Sa isang open letter ni Kris Aquino para sa kaarawan ng kanyang anak na si Bimby Aquino ay naisingit niya ang pagbati para sa kanyang minahal na kaibigan na si Kim Chiu na may kaparehas ng petsa ng kapanganakan kay Bimby Aquino.

Talagang malapit sa isa't-isa sina Kim Chiu at Kris Aquino dahil talagang dinalaw pa ni Kim Chiu ang Queen of All Media na kasalukuyang nagpapagamot sa Amerika sa iba't-ibang mga karamdaman.

Sa ngayon ay patuloy pa ring lumalaban si Kris Aquino sa kanyang mga karamdaman at patuloy na nanghihingi ng panalangin mula sa mga taong nagmamahal sa kanya dahil alam umano nito pakikinggan ng Diyos ang mga kahilingan ng maraming tao.

Sa kabilang banda, marami naman ang naawa kay Kris Aquino dahil mababasa sa liham nito para kay Bimby na nangangamba na ito na baka ay hindi na niya maabutan ang 18th birthday ng anak sa susunod na taon dala ng kanyang mga kondisyon na nagpapahirap na sa kanya.

Nagpahiwatig pa si Kris Aquino kay Bimby na ang kanyang pagmamahal ay kailanman ay hindi mamatay dahil ito ay for eternity.

View this post on Instagram

A post shared by Kristina Bernadette Cojuangco Aquino (@krisaquino)

Kristine Hermosa May Condition Para Magkabalikan Sila Ni Jericho Rosales Sa Comeback Movie Nila!

 Nagbigay na ng pahayag ang aktres na si Kristine Hermosa sa naging panawagan noon ni Jericho Rosales na magkaroon sila ng comeback movie kung saan ipagpapatuloy nila ang kwento ng dati nilang ginawang projects noon.

Inilahad ni Kristine Hermosa ang kanyang mga kondisyon bago pumayag na magkabalikan sila ni Jericho Rosales at muling gumawa ng proyekto na magkasama.

Usap-usapan ngayon sa ilang mga social media platforms ang posibilidad na magkasamang muli sa iisang proyekto ang dating magkasintahan at pinag-uusapang loveteam sa kanilang henerasyon na sina Kristine Hermosa at Jericho Rosales.

Subalit, may mga kondisyon si Kristine Hermosa bago ang kanyang pagpayag na magkasama muli sila ni Jericho Rosales sa iisang pelikula o sa teleserye.

Sa kamakailang panayam kay Kristine Hermosa, inilahad niya ang mga requirements niya bago siya makipag-collaborate kay Jericho Rosales.

Ayon kay Kristine Hermosa, bukas naman siyang magkaroon sila ng comeback project kasama si Jericho Rosaless subalit mayroon siyang mga kondisyon. Depende umano ito sa uri ng project, sa mga eksena.

Dapat ay makita umano muna niya ang lahat at i-filter ang mga ito. Kung makikita niyang worth it naman na gawin ang project ay gagawin niya ito. Hindi yung may masasabi lang na mayroon silang comeback movie.

Subalit, marami ang napapatanong kung sakaling papayag din ba ang asawa ni Kristine Hermosa na gumawa ito ng comeback project kasama ang ex na si Jericho Rosales.

Nilinaw naman ni Kristine Hermosa na wala namang magiging problema sa kanyang asawa kung sakaling muli silang magkasama sa iisang proyekto ng kanyang ex na si Jericho Rosales dahil pareho naman umano silang professional.

Kung gustuhin umano niya ay susuportahan naman siya ng kanyang mister. Talagang choice umano niya ang paggawa ng project. Ayaw naman umano niya na gumawa mnng project na pucho-pucho lang, nais niya na worth naman ng kanyang oras at effort, iyong maroong katuturan.

Maging si Oyo Boy Sotto ay nagbigay rin ng saloobin sa posibilidad na magbabalik sa pagiging aktres ang kanyang asawa na si Kristine Hermosa.

Nilinaw ni Oyo Boy Sotto na hindi naman niya pinagbabawalan si Kristine Hermosa na mag-artista sa katunayan si Kristine na mismo ang may ayaw. Ayaw umano ng kanyang misis ng drama dahil nakakapagod daw.

Kung nanaisin naman ni Kristine na muling bumalik sa pagiging artista ay maari umano itong mangyari matapos ang panganganak nito.

Sa ngayon ay apat na buwan nang buntis si Kristene Hermosa sa panglimang anak nila ni Oyo Boy Sotto.

@showbiz.philippines

Kristine Hermosa May CONDITION Para MAGKABALIKAN Sila Ni Jericho Rosales Sa Comeback Movie Nila!

♬ original sound - Showbiz Philippines

RosMar Nagpadala ng Mensahe kay Diwata, Wala Siyang Inagaw na Negosyo

Muling nahaharap ngayon sa pambabatikos ang kilalang CEO na si Rosmar Tan Pamulaklakin dahil sa tila panggagaya umano nito sa paresan business ni Diwata.

Hindi naman lingid sa kaalaman ng lahat na trending pinag-uusapan ngayon sa social media ang paresan business ni Diwata dahil sa tulong ng mga vlogger na nag-feature nito.

Sa halagang 100 pares overload ay makakakuha na ang customers ng isang pork pares kasama na ang unlimited rice, unli sabaw, drinking water at isang bote ng maliit na softdrinks.

Hindi naman ito pinalagpas ni Rosmar Tan kaya nagsimula rin siya ng kaparehong negosyo. Subalit, hindi naging maganda ang tingin ng maraming mga netizens sa negosyon ito ni Rosmar kaya naman binabatikos nila ito dahil sa umano'y pangagaya ni Rosmar sa walang kalaban-laban na si Diwata.

Subalit, kaagad na ibinahagi ni Rosmar ang conversation nila ni Diwata kung saan mababasang inabisuhan niya si Diwata sa pagpapatayo niya ng negosyo. Hindi naman umano ito pumalag at inudyukan pa siyang magbukas ng negosyo kaya naman walang nakikitang masama si Rosmar sa kanyang pagpapatayo ng negosyo kahit pa hindi siya ang nauna sa ganitong business.

Iginiit din ni Rosmar na business minded lamang siya at gagawin niya ang anumang negosyo sa malinis na paraan.

Sa kabila nito, patuloy pa rin ang pambabatikos kay Rosmar dahil sa tila pambubully niya kay Diwata, normal lamang umano na pumayag si Diwata na magtayo rin siya ng sariling negosyo dahil wala naman talaga itong karapatan na pumigil sa isang negosyante. 

Subalit sana ay inisip rin umano ni Rosmar naibalato na lamang sa mga small time businessman ang ganitong uri ng negosyo dahil may matatagumpay naman na siyang mga pinagkakakitaan.

 

Rosmar Tan Pumalag Sa Mga Bumatikos Sa Kanya Dahil Sa Paggaya Niya Kay Diwata Pares Overload!

 Nagreak ang social media influencer at business woman na si Rose Marie Tan Pamulaklakin na mas kilala bilang si Rosmar sa mga netizens na bumabatikos sa kanya dahil sa umano'y panggagaya niya sa negosyo ni Deo Balbuena, a.k.a Diwata’s Overload Pares.

Marami sa mga netizens ang nakiusap kay Rosmar na huwag nang kalabanin pa ang trending na negosyo ni Diwata na 100 pares overload at hayaan na lamang na kumita ito.

Pinag-uusapan ngayon sa ilang mga social media platforms si Rosmar dahil sa panggagaya niya sa negosyo ni Diwata na beef pares at 100 pares overload kung saan mayroon na itong unli sabaw, unli rice, drinking water at isang bote ng softdrinks.

Hindi ito pinalagpas ni Rosmar Tan, gumawa rin siya ng sariling 100 pares overload na may kaparehong inclusion kay Diwata, dinagdagan pa niya ito ng libreng swimming sa pagmamay-ari niyang resort.

Subalit, hindi ito umani ng mga positibong komento mula sa mga netizens dahil halatado umanong naiinggit lamang si Rosmar sa katanyagan ngayon ni Diwata kaya sinabayan na rin niya ito. May mga nagsasabi pa na sana ay pinabayaan na lamang ni Rosmar na si Diwata ang kumita dahil sobrang yaman na niya at marami na siyang mga negosyo.

Kaagad namang dinipensahan ni Rosmar Tan ang kanyang sarili laban sa mga netizens na nagsasabing makasarili siya sa kanyang ginagawa at hindi marunong lumaban ng patas.

Sa kanyang Facebook account, ibinahagi niya ang isang reaction video sa mga pambabatikos ng maraming mga netizens sa kanyang panggagaya umano sa business ni Diwata. Sa caption, iginiit ni Rosmar Tan na business is life.

May mga netizens naman na nagsasabing wala namang masama sa pagtatayo ng sariling Pares business ni Rosmar dahil kanya-kanya naman umano ng diskarte yan para makabenta. Iginiit rin ng maraming mga fans nito na noon pa man ay may mga ka-kompetensya naman na si Diwata kaya bakit pa ito maaapektuhan sa business ni Rosmar.

May mga nagsasabi pa na hindi naman pera ni Diwata ang ginamit ni Rosmar sa pagpapatayo ng sariling Paresan business.

Samantala, ang hindi nagustuhan ng maraming mga netizens ay ang palibre swimming ni Rosmar sa mga kakainin na alam naman umano ng lahat na hindi afford na gawin ni Diwata.

Toni Gonzaga Muling Binatikos Dahil Sa Vlog Sangkot Si Salome Salvi, Isang Vivamax Star

 Umalma ang ilang mga netizens sa kamakailang episode ng vlog ni Toni Gonzaga na Toni Talks, kung saan itinampok niya ang isang VivaMax star, dahil maari umano itong magdulot ng mga negatibong epekto sa mga batang makakapanood nito.

Hindi nagustuhan ng ilang mga netizens dahil kabilang sa mga napag-usapan nina Toni Gonzaga at VivaMax star na si Salome Salvi ang ilang mga maseselang bagay na hindi nararapat na marinig at mapanood ng mga kabataan.

Hindi rin umano maganda na maging bukas sa kaisipan ng mga kabataan na pasukin ang uri ng pamumuhay na kagaya ni Salome Salvi.

Ping-uusapan at umaani ng samu't-saring pambabatikos ang naging panayam ni Toni Gonzaga sa VivaMax actress at adult content creator na si Salome Salvi na inupload sa Toni Talks nitong linggo April 21, 2024.

Tell all at naging emosyunal ang pag-iinterview ni Toni Gonzaga kay Salome Salvi, may pamagat pa ang nasabing episode ng, 'Why Salome porn and become an adult content creator'.

Sa interview, ikinuwento ni Salome ang nangyari sa kanyang buhay na naging dahilan kung bakit napasok siya sa trabahong paggawa ng porn at gumawa ng mga adult contents na nagpoprovide ng companions at iba pang related sa ganoong uri ng gawain.

Marami umano sa kanyang mga customers ang naghahanap ng atensyon na kaya naman niyang i-provide. Kahit na may natapos naman umano siya sa pag-aaral at may degree sa arts ay mas pinili ni Salome ang ganitong uri ng trabaho dahil dito siyang nakahanap ng validations at love na hindi niya naranasan mula sa kanyang mga magulang.

Sa kabila naman ng mga natatanggap na pangungutya at panghuhusga dahil sa uri ng kanyang trabaho ay iginiit ni Salome Salvi na dito siya naging masaya. Sa katunayan ay hindi pa umano niya nakikita ang kanyang sarili na tumigil sa paggawa ng mga kasalukuyan niyang ginagawa ngayon.

Hindi naman ito ikinatuwa ng maraming mga netizens dahil sa mga maseselang bagay na sinabi ni Salome na hindi umano nararapat na mapanood o makarating sa mga kabataan ngayon. Binabatikos ngayon ng ilang mga netizens si Toni Gonzaga sa kanyang desisyon na maglabas ng ganoong uri ng content sa kanyang YouTube channel na maaring ma-access ng maraming mga kabataan.

Hindi rin nila nagustuhan ang panggigiit ni Salome kung paano itong nag-eenjoy sa ganoong uri ng trabaho dahil maari umano itong sundan ng ilang mga kabataan na walang muwang sa ganitong uri ng pagkakakitaan.

Nangangamba rin ang ilang mga magulang na baka ay maimpluwensyahan ni Salome ang kanilang mga anak na hindi naman delikado ang ganitong uri ng pamumuhay.

Heart Evangelista May Patama Sa Glam Team Ni Pia Wurtzbach Na Backstabbers Niya!

 Tila may patama ang aktres at fashion icon na si Heart Evangelista sa mga taong mga backstabbers niya.

Sa kamakailang upload ni Heart Evangelista sa kanyang TikTok account, makikita ang video kung saan sinagot niya sa kanyang personal perspective ang katanungan dahil naranasan umano niya mismo ito mula sa kanyang dating glam team na ngayon ay nasa pangangalaga na ni Pia Wurtzbach.

Ang katanungan ng netizen ay kung ano ang gagawin ni Heart Evangelista sa mga taong nambackstab sa kanya. Iyong legit na gagawin niya sa mga taong ganito ang pag-uugali.

Ayon kay Heart Evangelista very interesting ang katanungang ito pahiwatig na naranasan na niya ang ganitong pangyayari sa kanyang buhay. Nagbigay ng payo si Heart Evangelista sa lahat dahil palagi naman itong nangyayari at mangyayari sa buhay ng isang tao.

Kaya naman ani Heart Evangelista, huwag na lamang umanong tumalikod, maintain at palingon-lingon lang dapat.

Buong pahayag ni Heart, "This is very interesting. Eto lang mabibigay kong advice. It will always happens and it'll always happen. So lintek wag kang tatalikod. Maintain ganun lang dapat. Pwede pang i-conceal yung likod."

Kaagad naman itong umani ng samu't-saring komento mula sa mga netizens na nagsasabing mula sa experience ni Heart Evangelista sa kanyang dating glam team ang kanyang sinabi na ngayon ay nagtatrabaho na bilang glam team ni Pia Wurtzbach.

Hinala ng maraming mga netizens na may double meaning ang sinabi ni Heart Evangelista na huwag kang tatalikod kundi matatamaan ang pangkabuhayan showcase.

Unang pahiwatig ni Heart Evangelista na huwag kang tatalikod sa kanila dahil pagbinackstab ka nila tiyak na maapektuhan ang pangkabuhayan mo.

Pangalawa ay dahil nasa likod ang mga ito palagi sa kanya ay huwag siyang makampante sa mga ito at lingon-lingonin din minsan.

Hindi naman lingid sa kaalaman ng lahat na mayroong isyu sa pagitan nina Heart Evangelista at dating niyang glam team na ngayon ay nasa pangangalaga na ni Ms. Universe 2015 na si Pia Wurtzbach.

Katulad ni Heart Evangelista isa ring fashion icon si Pia Wurtzbach at kilala na rin sa ilang mga power house sa Paris at palaging imbetado sa mga bigating fashion shows roon.

Matagal na ring tila nagsasagutan ang mga ito sa kanilang mga social media post, namataan rin silang hindi nagpapansinan sa isang fashion show na pareho nilang dinaluhan kahit pa sila lamang ang Filipina na naroon.

Bukod pa rito, may mga nakapansin rin na tila ginagaya umano ni Pia Wurtzbach ang style at ilang damit ni Heart Evangelista na tila ipinamumukha umano nito sa huli na mas maganda siyang magdala ng damit kaysa kay Heart Evangelista.

Maging ang ilang mga make-up look ay kapareho rin minsan kay Heart Evangelista.

Kasal Nina Andi At Philmar, Hindi Itutuloy

 Napagpasyahan ng dating aktres na si Andi Eigenmann at ng kanyang non-showbiz partner mula sa isla ng Siargao na si Philmar Alipayo na huwag munang ipagpatuloy ang kanilang pagpapakasal ngayon taon dahil sa pagkamatay ng ina ng dating aktres na si Jaclyn Jose.

Matatandaan na noong March 3, 2024 ay ikinagulat ng maraming mga netizens ang paglabas ng balitang sumakabilang buhay na si Jaclyn Jose na mag-isang naninirahan sa kanyang pamamahay.

May kasa-kasama naman umano itong kasambahay subalit sa pagkakataong iyon ay wala ang kanyang kasambahay dahil nagday-off.

Ayon sa mga balitang naglabasan, nahulog sa hagdanan ang aktres at tila napuruhan ito at doon na binawian ng buhay.

Subalit, sa isang press conference, inilahad ni Andi Eigenmann na ang totoong dahilan ng pagpanaw ng kanyang ina ay atake sa puso noong umaga ng March 2, 2024.

Marami naman ang hindi makapaniwala sa nangyari sa batikang aktres dahil napakasigla pa nito at marami pang plano sa buhay.

Sa kabila naman ng paglilinaw ni Andi Eigenmann marami ang naghinalang totoo ang unang kumalat na balita patungkol sa pagkahulog sa hagdan ni Jaclyn Jose, hindi lamang malinaw kung inatake muna ito bago nahulog sa hagdan o kaya naman ay nadulas at nahulog ito sa hagdan na nagdulot ng atake sa puso.

Samantala, ayon sa ibinahaging detalye ni Andi Eigenmann sa pagpapaliban ng kanilang kasal ni Philmar Alipayo, balak sana nilang ialay ang kanilang pag-iisang dibdib sa kanyang ina na si Jaclyn Jose.

Kaya naman ngayong wala na ito ay mahirap para sa kanilang ituloy ang kanilang pagpapakasal ngayong taon.

Sa kabilang dako, naroon si Andi Eigenmann sa Parangal ng Sining ng Film Development Council of the Philippines upang tanggapin ang Honorary Distinction para sa kanyang namayapang ina na si Jaclyn Jose.

Naging emosyunal pa si Andi Eigenmann sa kanyang acceptance speech kung saan pinasalamatan niya ang lahat ng mga nagpapakita ng pagmamahal para sa kanyang sumakabilang buhay na ina.

Francine Diaz at Jayda Avanzado Nagka Pisikalan Dahil Lang Sa Lalaki?

 Pinutakte ng mga pambabatikos mula sa mga fans ni Francine Diaz ang singer na si Jayda Avanzado matapos ang kanyang pagsagot patungkol sa isyung nanligaw sa kanya ang aktor na si Seth Fedelin.

Sa kamakailang panayam ng kilalang showbiz columnist na si Cristy Fermin sa singer na si Jayda Avanzado nitong myerkules April 17, kabilang sa kanilang napag-usapan ang patungkol sa isyu noon ng panliligaw sa singer na aktor na si Seth Fedelin.

Hindi naman naging diretso ang sagot ni Jayda Avanzado at sinabi na lamang niya na 'no comment' siya sa isyu.

Kaagad namang nalaman ni Manay Cristy Fermin ang ibig sabihin ni Jayda Avanzado sa sinasabi nitong 'no comment' dahil gamit na gamit na umano ito sa showbiz, at sa tagal na umano niya sa showbiz na umaabot na rin ng limang dekada ay alam na umano niya ang totoong pakahulugan nito.

Hinala naman ng ilang mga netizens na totoong nanligaw noon si Seth Fedelin kay Jayda Avanzado subalit mas pinili na lamang umano nitong sabihin ang no comment dahil tiyak na mag-iinit na naman ang loob ng mga FranSeth shippers.

Inamin rin ni Jayda Avanzado na matagal na silang hindi nag-uusap ni Francine Diaz. Ayon kay Jayda Avanzado may nangyari umanong hindi pagkakaunawaan sa pagitan nilang dalawa at mga disagreement.

Dito na rin tinanong ni Manay Cristy Fermin kay Jayda Avanzado ang nakarating sa kanilang balita, na noong nasa iisang party sila nina Francine Diaz at iba pang mga artista kabilang na si Andrea Brillantes, ay kulang na lamang na harapan siyang murahin ni Francine Diaz dahil nakita nitong nakipagselfie siya kasama si Andrea Brillantes.

Naging paligoy-ligoy ang sagot ni Jayda Avanzado kung saan sinabi na lamang niyang ayaw niyang mamagitan sa hidwaan ng dalawa dahil hindi naman siya kasali rito.

Iniisip naman ng kanyang mga tagahanga na may pisikalan na naganap sa pagitan ng dalawang dating magkaibigan dahil hanggang ngayon ay hindi pa rin sila nagkakaayos.

Matapos ang pagsisiwalat na ito ni Jayda Avanzado patungkol sa totoong kulay ni Francine Diaz, marami ang mga bumabatikos sa aktres na nagpakilalang mahinhin at mabait sa harap ng kamera.

Marami ang nadismaya dahil noon pa man ay palagi na ito ang kinakampihan sa mga naging bangayan nila ni Andrea Brillantes subalit may itinatago rin pala itong sama ng ugali.

Sa kabilang banda, may mga nambatikos rin kina Cristy Fermin at Jayda Avanzado dahil tila binuksan umano nilang muli ang fan war sa pagitan nina Andrea Brillantes at Francine Diaz.

Napa-Wow Ang Netizens: New Haircut & Stronger Kim Chiu Moved on Na Sa Ex Jowa!

 Umaani ng samu't-saring reaksyon at komento mula sa mga netizens ang panibagong hair cut ng actress-TV Host na si Kim Chiu sa pagsalubong niya sa kanyang kaarawan.

Pinusuan at napa-wow ang maraming mga netizens sa short hair ni Kim Chiu na ibinagi mismo ng aktres sa araw ng kanyang 34th birthday nitong April 19, 2024.

Sa caption ni Kim Chiu kalakip ng kanyang ibinahaging video kung saan ibinida niya ang kanyang short hair inilahad niyang as she's a year older, nagiging braver, stronger, smarter, wiser na niya.

Pinasalamatan din ni Kim Chiu ang lahat ng mga hindi nakalimot sa kanyang special day na bumati sa kanyang via social media, personal at mga personal messages.

"A year older. Braver. Stronger. Smarter. Wiser. 🩶✨🎂🙏🏻

"Thank you for remembering my special day, and thank you for all the lovely, heartwarming greetings you sent me here on social media and thru personal messages. It made my heart smile a little extra today."

Kaagad namang bumuhos ang mga komento ng mga pagbati at papuri para kay Kim Chiu sa comment section ng kanyang post, nangunguna ang mga kilalang malalapit na kaibigan ni Kim Chiu sa showbiz kagaya nina Bela Padilla, Melai Cantiveros, Jugs Jugueta, Vina Morales, Vina Morales, at iba pa.

Sa kabilang banda, marami naman ang naghinala na may kaugnayan ang pagpapaputol ng buhok ni Kim Chiu sa naganap na hiwalayan nila ng kanyang dating boyfriend na si Xian Lim. Naniniwala kasi ang ilang mga netizens na kapag nagpaputol ng buhok ang isang babae o binabago nito ang kanyang hairstyle ay pahiwatig na tuluyan na itong nakapag-move on sa nagdaang hiwalayan.

Dahil dito, marami ang nag-iisip na tuluyan nang nakalimutan ni Kim Chiu ang kanyang ex-boyfriend na si Xian Lim at handa na itong pumasok sa panibagong relasyon.

Sa ngayon ay marami ang nagshi0ship kay Kim Chiu sa kanyang leading man sa Linlang at seryeng What's Wrong With Secretary Kim na si Paulo Avelino.

Bukod kay Paulo Avelino, tila nagbabalak ring mangligaw kay Kim Chiu ang isang Cebu-based lawyer na naging searchee sa segment na Expecially For You na si Atty. Oliver Moeller.

View this post on Instagram

A post shared by Kim Chiu 🌸 (@chinitaprincess)

Abs-Cbn May Bonggang Anunsyo Kay Daniel Padilla

 Mainit na pinag-uusapan ngayon sa ilang mga social media platforms at ilang mga entertainment news sites ang panibagong update patungkol sa controversial actor na si Daniel Padilla.

Sa kabila ng mga pambabatikos at panghuhusga na pinagdaanan ni Daniel Padilla mula sa mga netizens na nag-iisip na siya ang may kamalian na nagawa kaya nauwi sa hiwalayan ang mahigit dekada nilang relasyon, tila hindi naman hinusgahan ng ABS-CBN studios si Daniel Padilla at binigyan pa ng magandang project.

Inanunsyo na ng ABS-CBN ang pagkakaroon ng panibagong serye ni Daniel Padilla na sisimulan na rin ang casting at taping nito.

Ilan sa makakasama ni Daniel Padilla sa nasabing project ay mga kilalang artista sa industriya ng showbiz sa bansa.

Kaagad namang nagpahayag ng kanyang excitement si Daniel Padilla dahil muli niyang makakasama sa iisang serye ang isang kilalang action star. 

Bukod pa rito, makakasama rin ni Daniel Padilla ang dalawang big stars kung saan pare-pareho silang bida sa serye.

Kaagad namang nagbunyi ang mga fans ni Daniel Padilla dahil patunay lamang umano na hindi pa nalalaos ang actor ngayon kahit pa naghiwalay na sila ng dating girlfriend at ka loveteam na si Kathryn Bernardo.

Sa pagkakaroon ng panibagong project ni Daiel Padilla matapos ang nangyaring intriga sa naging hiwalayan nila ng kanyang longtime girlfriend, marami ang napapatanong kung sino ang magiging panibagong leading lady ni Daniel Padilla.

Matatandaan na nauna nang kumalat ang isyung si Kathryn Bernardo mismo ang nagbigay ng kundisyon sa ABS-CBN at Star Magic na hindi na sila pagsamahin pa ni Daniel Padilla sa anumang proyekto sa hinaharap.

Vic Sotto Nainis Sa Ginawa Ni Joey De Leon Sa It's Showtime, May Hiling Kay Vice Ganda

Naging laman ng mga usap-usapan sa ilang mga social media platforms ang isiniwalat ni Bossing Vic Sotto patungkol sa Unkabogable Star at It's Showtime host na si Vice Ganda.

Tila pinapatunayan na ni Bossing Vic Sotto na hindi nila itinuturing na kaaway ang It's Showtime hosts, dahil gusto umano niya makasama sa iisang trabaho si Vice Ganda.

Sa kamakailang panayam kay Bossing Vic Sotto, inilahad niyang hindi siya choosy sa pakikipag-collaboration sa ibang mga artista, kaya naman kung magkakaroon ng pagkakataon ay bukas naman umano siya na makasama sa iisang proyekto si Vice Ganda.

Kaagad naman na-excite ang ilang mga fans ni Bossing Vic Sotto dahil alam umano nila na tiyak na magiging top grossing ang pelikula ng dalawa sa pinakamagaling na komedyante.

Gayunpaman, ang sinasabing collaboration nina Vic Sotto at Vice Ganda ay hindi pa mangyayari ngayong taon dahil nagbigay na ng hint si Vic Sotto sa kanyang magiging Metro Manila Film Festival entry ngayong taon.

Ang huling entry ni Vic Sotto sa MMFF ay noong 2019, sa pelikulang “Mission Unstapabol: The Don Identity.”

Matapos ang desisyon nina Tito Sotto, Vic Sotto at Joey De Leon na umalis sa kanilang dating management, ang Television and Production Exponents Incorporated (TAPE), naniwala ang mga netizens na ang TVJ Productions, na pag-aari nila kasama ang beteranong komedyante na sina Joey de Leon at Tito Sotto, ay gagawa na ng sarili nitong mga pelikula.

Sa kabilang banda, hindi pa naman nagbibigay ng reaksyon si Vice Ganda sa pahayag ni Vic Sotto patungkol sa pagiging bukas nito na makasama siya sa iisang trabaho.

Gayunpaman, naniniwala ang maraming fans ng komedyante na na hindi papayag si Vice Ganda na makasama si Vic Sotto, matapos ang pagkaka-suspension noon ng It's Showtime dahil sa utos ng Movie and Television Review and Classification Board kung saan ang pamangkin ni Vic Sotto na si Lala Sotto ang tumatayo bilang Chairperson.