Rendon Labador, Rosmar Tan, Nagkasagutan Sa Facebook

Usap-usapan ngayon sa ilang mga social media platforms ang mainit na sagutan ng social media personalities na sina Rendon Labador at Rosmar Tan.

Nag-ugat ang lahat nang patutsadahan ni Rendon Labador ang CEO at social media personality na si Rose Marie Tan-Pamulaklakin na mas kilala bilang si Rosmar Tan sa umano'y katangahan nito sa pagsisiwalat na kumita siya ng mahigit 13 million kada araw sa kanyang mga negosyo.

Ibinahagi rin ni Rendon Labador sa kanyang Facebook account ang screenshot ng isang online article, na nagpapakita sa calculations sa babayarang buwis ni Rosmar mula sa kanyang mga kinikita.

"Patunay na hindi talaga nabibili ang katangahan," caption ni Rendon Labador sa kanyang post.

Nagkomento rin si Rendon Labador sa post niyang ito kung saan naglabas siya ng bugtong patungkol sa mga taong nagyayabang sa kanilang pera.

"BUGTONG BUGTONG: Kung ang tawag sa taong may pera at tahimik ay matalino, ano naman ang tawag sa taong may pera at mayabang?"

Hindi pa rito natatapos ang post ni Rendon Labador sa kanyang reaksyon sa aniya'y pagmamayabang ni Rosmar sa kanyang kinikitang pera.

"Kung nagbabayad pala ng TAX magkakampi tayo diyan. Tama yan! Lablab tayo diyan. Pero yung pagyayabang ninyo at sobra-sobrang pagpi-flex kaysa tumulong sa taumbayan ay isang malaking katangahan."

Dagdag pa ni Rendon Labador, "Mga ignorante at social climber lang gumagawa niyan."

Sunod-sunod pa ang mga naging pambabanat ni Rendon Labador kay Rosmar Tan.

"Naka sports car ka nga pero tanga ka naman. Edi mas gusto ko nalang sumakay sa Jeep, natulungan mo pa mga driver kumita."

"Posponed muna ang #LablabLabador. Dumadami nanaman ang katangahan dito sa internet."

"Nagbabago na kasi ako pero pakiusap naman na huwag naman kayong tanga."

"Diba may kamag-anak kang ignorante, kapag nakahawak lang ng konting pera eh akala mo kung sino na. Ang totoong mayayaman, never nagfflex yan.. madalas nga tumutulong nalang mga yan o kaya nag mo-motivate nalang ng kapwa."

"Alam mo ba kung bakit kinakabahan akon ngayon? Kasi ang tanga kapag nagkapera ay delikado, madaming tao ang pwedeng mapahamak. Kaya ako kabado ngayon Mukhang kailangan ko ulit patalinuhin ang Pilipinas."

"Kahit may picture kayo ng BIR hindi naman nakakatalino yan. Akala mo ba maipapasa yung utak sayo? Kung tanga ka talaga kahit dumidikit ka sa matalino tanga ka pa rin. Madalas kasi ginagawa lang yan ng mga taong humihiram ng credibility sa iba, yung alam nilang wala silang ibubuga. Mas nakakababa pa nga ng pagkatao yan sa tingin ko."

Kaagad namang nagreact si Rosmar sa mga binitawang pahayag ni Rendon Labador, kung saan ilang beses siya nitong tinawag na tanga.

Pinalagan ni Rosmar ang naging pambabanat sa kanya ni Rendon Labador.

"Pasensya na kayo  kung tumatahol yung labrador ko. Panay motivational rice kasi kinakain walang nutrisyong nakukuha. paano ayaw ng Dog Food."

"Kakawala lang ng FB mo ayan ka na naman. ako naman ngayon trip mo. Di mo alam mas malakas ang super powers ko. Alam niyo na dapat gawin."

Bagama't wala namang binanggit na pangalan si Rosmar sa kanyang post alam na ng mga netizens na si Rendon Labador talaga ang kanyang tinutukoy.

Netizens May Napansin Sa Bagong Litrato Ni Kathryn Bernardo

 Sa gitna ng usaping naghiwalay na ang celebrity couple na sina Kathryn Bernardo at Daniel Padilla may napansin ang ilang mga netizens patungkol sa pangangatawan ngayon ng aktres.

Ayon sa ilang mga netizens, hindi lamang ang pananamit ang nagbago ngayon sa aktres, napakalaki na umano ng pagbabago ngayon ng pangangatawan nito ngayon kung saan kapansin-pansin ang pagiging payat nito.

Hinala ng mga netizens na ang dahilan ng pamamayat ngayon ni Kathryn ay ang kinakaharap na isyu ng paghihiwalay nila ng kanyang boyfriend na si Daniel Padilla.

Gayunpaman, may mga nagsasabi naman na baka sinadya lamang ni Kath na magpapayat para sa kanyang role sa A Very Good Girl at sa iba pa niyang mga upcoming films.

May mga nagsasabi rin na nagpapapayat ngayon ang aktres para mapanindigan ang pagpapasexy niya sa mundo ng showbiz.

Sa kabila nito, tila hindi naman nagpapaapekto ang aktres at nagpapasalamat pa sa mga natatanggap niyang blessings.

Muling nagbunyi ang mga solid supporters ni Kathryn Bernardo dahil umabot na sa mahigit 18 million ang followers ng aktres sa kanyang Instagram account.

Nitong October lamang naabot ni Kathryn ang 18 million followers, subalit ngayon patuloy pa rin itong tumataas.

Si Kathryn Bernardo ang kumakalawa kay Anne Curtis sa mga artistang may pinakamaraming followers sa Instagram.

Si Kathryn Chandria Manuel Bernardo ay isang artistang Pilipino. Sinimulan niya ang kanyang karera sa pag-arte bilang isang child actress, na gumaganap bilang mga batang bersyon ng mga pangunahing karakter sa mga serye tulad ng It Might Be You, Endless Love at Magkaribal.

Matapos Maghiwalay, Mga Negosyo Ni Kathryn Bernardo, Daniel Padilla Pinaghahatian

 Kasunod ng isyung naghiwalay na ang longtime reel at real couple na sina Kathryn Bernardo at Daniel Padilla, usap-usapan ngayon ang umano'y paghahatian ng dalawa ang mga negosyong naipundar nilang dalawa.

Nagsimula ang pagmamahalan ng KathNiel ng ilang beses silang maging magkatambal sa mga teleserye at pelikula.

Marami ang humanga sa kanilang pag-iibigan dahil sa tagal nito na inakala nang lahat na sila na ang magkakatuluyan sa huli.

Sa tagal ng kanilang relasyon, may mga negosyo na rin sila naipundar kung saan ay kasosyo rin nila ang kanilang mga pamilya at malalapit na kaibigan.

Gayunpaman, matapos maibalitang naghiwalay na ang dalawa nanging usap-usapan ngayon ang paghahati ng dalawa sa kanilang mga negosyo.

Ayon sa mga kumakalat na balita, nakikipag-usap na umano ngayon ang kampo ng aktres na si Kathryn Bernardo sa mga abogado upang humingi ng advice patungkol sa mga negosyong nasa pangalan nina Kathryn Bernardo at Daniel Padilla.

Ayon pa sa aming nakalap na impormasyon, sakaling maipinal na ang paghahatian nila sa kanilang mga assets ay tuluyan nang maghihiwalay ng landas sina Kathryn Bernardo at Daniel Padilla.

Samantala, isiniwalat naman ni Manay Cristy Fermin na nakikipag-usap na ngayon kampo ni Kathryn Bernardo kay Rambo Nunez at Maja Salvador. Para lumipat ito ng panibagong management.

Maging ang aktor na si Daniel Padilla ay naghahanap na rin umano ng management.

Tila hindi nagustuhan ng Star Magic ang hinaharap na isyu nina Kathryn Bernardo at Daniel Padilla kaya naman hindi na nila ire-renew ang kontrata ng dalawa.

Rosmar Tan Nagre-Act Na Sa Balitang Sisingilin Siya Ng Milyon Milyong Tax

 Nag-react ang business woman at social media personality na si Rosmar Tan sa mga tsismis na mapipilitan siyang magbayad ng kalahating bilyong pisong buwis matapos niyang ibunyag ang kanyang 13-M daily income.

Sa kanyang social media page, ibinahagi ni Rosmar ang kanyang koneksyon kay Bureau of Internal Revenue chief Romel Lumagui Jr. at hiniling din niya sa mga netizens na i-follow ang nasabing public official.

“Pa ayuda muna tayo ngayong holiday, support BIR COMMISSIONER Romeo “Jun” Lumagui Jr. muna,” pahayag ni Rosmar.

Sinabi pa niya na hindi siya natatakot magbayad ng buwis at pinuri pa ang BIR sa paggabay sa mga influencer na tulad niya sa proseso ng pagiging nagbabayad ng buwis.

“‘Wag mag pakalat ng fake news. Di naman nakakatakot ang BIR kasi maayos na ang sistema nila ngayon. Gagabayan at tuturuan ka pa nila sa tamang pagbabayad ng buwis,” saad ni Rosmar.

Matatandaan na tinantiya ng ilang netizens na may pananagutan si Rosmar na P540-M sa buwis matapos niyang ibunyag ang kanyang P1.8-B na taunang kita.

Umani ng halo-halong reaksyon ang kanyang rebelasyon mula sa mga netizen; tinawag ng ilan ang atensyon ng BIR para imbestigahan ang mga posibleng pananagutan niya sa buwis.

Samantala, tinutulan ni Rendon Labador ang desisyon ng BIR na patawan ng buwis ang mga internet celebrity, ipinunto ni Rendon na kinakaltasan na sila ng buwis bago makuha ang revenue.

Narito naman ang ilang komento ng mga netizens.

"Libreng Mangarap at ang Masarap pag Nakamit muna ang Pangarap ..

Kaya ako eto lang masabi q ky Mam Rosemarie Tan Pamulaklakin Super Proud at nakaka INSPIRED sa lahat ng mga Nakakamit nya ngaun... GOD BLESSED at sana Habaan pa ang Buhay mo Mam at Habaan din ang Pasensiya para makatulong pa sa iba .."

"Wag nyo na po Sila pansinin mam , alam nyo naman po sa sarili nyo yung Tama at alam nyo po kung ano pinasok nyo .. your a business woman .. and we are proud of you mam."

"May mga tao talagang gagawin Ang lahat kahit makapanira para sa ikakaangat nila."

Kim Chiu Nagulat Na Ibinunyag Ni Paulo Avelino

 Binalikan ng mga netizens ang nakaraang interviews at mga tweets ng aktor na si Paulo Avelino kahit pa noong nasa GMA7 pa lamang ito noon.

May mga naibahaging impormasyon noon si Paulo Avelino hinggil sa pangarap niyang makasama sa iisang proyekto.

Base sa mga naging tweet noon ni Paulo Avelino, makikitang kahit noong nasa Kapuso network pa lamang ito ay pangarap na niyang maitambal sa Kapamilya actress na si Kim Chiu.

Natupad naman ang pangarap na ito ng aktor ng matapos ang ilang taon ay nakatambal na rin niya ang pinapangarap na si Kim Chiu sa digital series na Linlang.

Hindi lamang basta nagkatambal ang dalawa dahil nag-click sa mga netizens at manonood ang kanilang chemistry kaya naman muling nasundan ng panibagong project ang dalawa.

Muling nagkatambal sina Paulo Avelino at Kim Chiu sa Philippine adaptation ng hit South Korean romantic comedy drama na What's Wrong with Secretary Kim?

Dahil sa requests at kahilingan ng mga fans, muling pinagtambal ang dalawa na inamin naman ni Paulo Avelino.

Si Michael Paulo Lingbanan Avelino, ipinanganak noong May 13, 1988, ay isang Pilipinong artista, mang-aawit, modelo, at prodyuser ng pelikula. 

Nagbida siya sa maraming hit na serye sa telebisyon tulad ng Walang Hanggan (2012), Bridges of Love (2015), at The General's Daughter (2019). 

Sa mga pelikula, ang isa sa kanyang pinakakilalang mga gawa ay ang kanyang paglalarawan kay Gregorio del Pilar sa Philippine war epic na Heneral Luna (2015), na kanyang muling ginawa sa isang pamagat na papel para sa sequel nito, Goyo: Ang Batang Heneral (2018). 

Kabilang sa iba pang kilalang pelikula ni Avelino ang Pagpag: Siyam na Buhay (2013), I'm Drunk, I Love You (2017), at Fan Girl (2020).

View this post on Instagram

A post shared by Viu Philippines (@viuphilippines)

Heart Evangelista Ibinunyag Ginawa Ng Dating Glam Team, Mga Walang Utang Na Loob

 Muling nabuhay ang dating isyu sa pagitan ni Heart Evangelista at dati niyang glam team, dahil sa pagsisiwalat n9 Heart sa kamakailang YouTube vlog niya.

Tila si Heart Evangelista na rin mismo ang nagbuhay sa dating isyu sa pagitan nila ng kanyang glam team sa kanyang kamakailang vlog sa kanyang paghahanda sa dinaluhan niyang fashion show sa New York.

Tampok sa ibinahaging vlog ni Heart Evangelista ang highlights ng kanyang New York Fashion week journey.

Ibinida ni Heart Evangelista sa kanyang halos isang oras na vlog ang ginagawa niyang paghahanda sa Fashion week at mga lugar na kanyang mga napuntahan roon.

Ibinahagi rin niya kung sino-sinong mga personalidad ang tumutulong sa kaniya para maging fabulous sa mga events na kanyang pinupuntahan.

Makikita rin sa ibinahaging vlog ni Heart Evangelista ang usapan nila ng kanyang dating manager na si Arnold Sebastian Mendoza na naka-base na ngayon sa New York.

Pinag-usapan nila ang patungkol sa pagtitiwala at pagkakasira nito. Bagama't wala namang binanggit na pangalan ang dalawa, natunugan ng mga netizens na ang kanilang tinutukoy ay ang dating glam team ni Heart Evagelista.

“You cannot trust anybody. Only yourself and just a chosen few—especially when they want more,” pahayag ni Heart Evangelista.

Sinegundahan naman ito ni Arnold Mendoza, “You can’t be everybody’s cup of tea. Kahit na ano pang gawin mo, magta-tumbling ka, meron pa rin ang hindi mo… ayaw sa iyo.” 

“Ano lang, simple na, kung kanino ka nagsimula, kung paano ka nagkaroon ng pangalan, bigyan mo naman ng ano… ‘di ba?” dagdag pa nito.

Muli itong sinigundahan ni Heart Evangelista.

“If they want to do other clients, wala namang problema. Tell me naman because ako, bawal, kayo puwede? Bawal akong mag-react?”

Nagbigay din ng mensahe si Arnold Mendoza kung saan ni-realtalk niya ang mga ito.

“Day, nagiging ano kayo, influencer, dahil kay Heart. Mga bakla kayo, magre-resign kayo—sulat? Kakapal naman ng mga mukha n’yo. Puwede mo namang kausapin yung tao. May magagawa ba siya kung gusto niyo na siyang iwan?

“Pero, sana, namili kayo no’ng maayos na paraan.”

“Dinala kayo sa ibang bansang hindi n’yo kayang puntahan. Libre. Tapos gusto n’yo maglamyerda. Eh, ‘Day, trabaho muna.”

Sa ngayon ay hindi pa nagbibigay ng anumang pahayag ang dating glam team ni Heart Evangelista hinggil sa usapan nina Heart at Arnold.

Samantala, narito ang ilang komento ng mga netizens hinggil sa nasabing vlog ni Heart Evangelista at ang usapan nila ni Arnold.

"A Netflix-worthy show! Heart and Arnold in this vlog are unbothered and don't hold back, putting it out there and letting people know what actually happened. Kudos!"

"Beautiful work. Really like this mahaba pero noteworthy. Kita mo yung effort niya and nila as a team. Nakita mo yung side ni Heart and Chiz as a couple, not as politicians or celebrities. Kita mo yung pareho silang supportive of each others worlds. I guess pagmahal mo, youd definitely be willing and kita sa kanila yun. Its just beautiful."

"I like this new type of vlog-making. Not really an avid subscriber and I usually binge-watch so I can be updated. This type of style makes Heart and her team more relatable and real. I love the side-commentaries and testimonials as they can add more context, expand the story by a bit, and provide explanation done in hindsight.  To more videos like this! More power to Heart and her new team."

Direk Darryl Yap May Alam Sa Rason Ng Hiwalayan Ni Kim Chui at Xian Lim

 Mainit na pinag-uusapan ngayon sa social media ang inilabas na blind item ng controversial director na si Direk Darryl Yap sa kanyang Facebook account patungkol sa isang lalaking artista na na-booking ng isang international singer.

Marami sa mga netizens ang napapa-isip kung sino ang lalaking tinutukoy ni Direk Darryl Yap sa kanyang blind item.

Marami ang naghinalang may kaugnayan ang blind item na ito ni Darryl Yap sa napapabalitang hiwalayan nina Kim Chiu at Xian Lim dahil si Xian Lim umano ang tinutukoy ni Direk Darryl Yap sa kanyang ibinahaging post sa Facebook.

"Basta, may alam akong lalakeng artista na  nabooking ng international singer na pumunta dito sa bansa kamakailan lang.

nagcheck-in sila. 2 nights.

parang 1M per night.

pero malay naman natin kung ano’ng ginawa nila,

baka nagkantahan lang sila ng “unholy”."

Hindi naman lingid sa kaalaman ng lahat na ang kumanta ng Unholy ay ang singer na si Sam Smith na kamakailan lamang ay nag-concert rito sa Pilipinas.

Bukod kay Xian Lim, nabanggit rin ang pangalan ng Kapuso actor na si Kelvin Miranda na siyang tinuturong lalaking na-booking ng international singer dahil sa isang clue na ibinigay ng direktor.

"kapag nacompute mo sa “FLAMES”

ang pangalan ni INTERNATIONAL SINGER at HINDI KAPAMILYA ACTOR, “E” ang lalabas…

E as in EKEDE, 

EKEDE MENELE."

Iginiit naman ni Darryl Yap na hindi si Mark Bautista ang kanyang tinutukoy sa kanyang blind item.

Samantala, maging ang ilang kilalang celebrity ay napapaisip din kung sino nga ba ang tinutukoy ni Darryl Yap sa kanyang blind items, kabilang na rito si Aiko Melendes.

"Darryl Yap, grabe direk patulog nalang ako napaisip pa ako now habang natatawa ang hirap naman yern."

Samantala, nagbigay na ng pahayag ang Kapuso actor na si Kelvin Miranda hinggil sa pagkakadawit niya sa pa-blind items ni Darryl Yap.

Inilabas niya ito sa pamamagitan ng kanyang Facebook page subalit agad din niya itong binura kalaunan, gayunpaman, marami na sa mga netizens ang nakakuha ng screenshots.

“Kaniya-kaniya naman ‘yan. Nirerespeto ko naman lahat ng ano, kung papaanong tinatanggap ng mga tao ‘yong mga ganiyang bagay. Feeling ko naman, hindi naman galit ‘yon si Direk Darryl Yap sa akin. 

"Hindi naman siya nag-drop name or nagbigay ng ano… ‘Yong mga tao talaga nagbibigay ng pangalan ko. Hindi ko naman sila kilala ‘di ba? Hindi rin naman nila ako kilala,” pahayag ni Kelvin Miranda.

Kim Chiu Pagod Na Nag-Walkout Matapos Tanungin Ang Estado Ng Relasyon Nila Ni Xian Lim

 Usap-usapan ngayon sa social media ang tila pagwalk-out ng Chinita Princess na si Kim Chiu sa isang interview sa premiere night ng In His Mother's Eye.

Habang kinakausap ng ABS-CBN reporter si Kim Chiu patungkol sa estado ng relasyon nila ng kanyang longtime boyfriend na si Xian Lim.

Hindi pa umano naiinterview ni MJ Felipe si Kim Chiu kaya naman nais niya itong makausap. Gayunpaman, tumanggi si Kim Chiu na makipag-usap kay MJ Felipe lalo na kung patungkol lamang ito sa relasyon nila ni Xian Lim.

Hindi naman lingid sa kaalaman ng lahat na madaling umiyak si Kim Chiu sa mga panayam kaya naman tila umiiwas muna ito sa mga interviews lalo na kung patungkol sa kanyang personal na buhay.

Sa ngayon ay wala pang showbiz reporter at mga showbiz talk show hosts ang nakapag-interview kay Kim Chiu patungkol sa kanilang hiwalayan ni Xian Lim. Gayung kalat na kalat na ang kanilang isyu.

Samantala, dahil sa pagtanggi ni Kim Chiu sa isang panayam, lalong lumakas ang hinala ng mga KimXi fans na tuluyan nang naghiwalay ang dalawa.

Tila malabo na rin umano na magkabalikan sa pagkakataong ito ang dalawa dahil umiiwas na ngayon si Kim Chiu na mapag-usapan ang relasyon nila ni Xian Lim.

Matatandaan na hindi naman iniiwasan noon ni Kim Chiu ang mga katanungan patungkol sa kanyang boyfriend na si Xian Lim. Mapapansin rin noon ang kakaibang ngiti at saya ni Kim Chiu sa tuwing napag-uusapan si Xian Lim.

Subalit naiiba na ngayon dahil kapansin-pansin ang lungkot ni Kim Chiu sa tuwing si Xian ang napag-uusapan, minsan ay pilit pa niyang iniiba ang usapan upang makaiwas.

Marami naman sa mga KimXi fans ang nalulungkot ngayon dahil buong akala nila ay magkakatuluyan na ang dalawa dahil matagal na rin ang kanilang pagiging magboyfriend-girlfriend.

Marami pa ang nag-akala noon na sa kasalan din mapupunta ang kanilang pag-iibigan dahil makikita naman na mahal na mahal nila ang isa't-isa.

Subalit, bigla na lamang kumalat ang isyung naghiwalay ang dalawa nang mapansin ng mga netizens na hindi nagkakasama ang dalawa sa mga bakasyon at mga special events na dati namang dinadaluhan nila na magkasama.

Sa ngayon ay panawagan ng mga netizens at KimXi fans na sana ay linawin na ni Kim Chiu at Xian Lim ang kanilang isyu upang tumigil na ang kanilang mga fans.

"Pwede mo naman sabihin na hiwalay na kayo walang paligoy ligoy"

"dapat kim.sabihin muna para tapos na.. wag mong ipilit wag patagalin.  idol. .anditu lang kami.."

"Okay lang kong hiwalay sina kim at xian ang importante sabihin nila ang totoo. Nakakainis!!!!!"

ABS-CBN Network Bubuwagin Na Ang Tambalang KathNiel

Usap-usapan ngayon sa social media ang isyung hindi lamang ang romantic relationship nina Kathryn Bernardo at Daniel Padilla ang nagtapos kundi maging ang kanilang loveteam.

May mga naglabasang isyu na maging ang kanilang pagiging on-screen partner o pagiging magkaloveteam ay maari na rin umanong mabuwag.

Ayon sa mga nakarating na balita sa veteran showbiz columnist na si Cristy Fermin, hindi na umano ire-renew ng Star Magic at ng ABS-CBN ang KathNiel.

Sa kabila ng pagsisiwalat na ito ni Cristy Fermin, nilinaw naman niya na hindi pa naman kumpirmado ang balitang ito.

"Hindi natin alam kung gaano, kung isang daan bang porsyento totoo ito o puro kwento lamang. Wala pa tayong resibo rito, inaamin po namin. Ang kwento, hindi na sila ire-renew ng Star Magic ng ABS-CBN," pahayag ni Cristy Fermin sa latest episode ng Showbiz Now Na.

Hindi rin umano alam ni Manay Cristy Fermin kung ano ang dahilan ng ABS-CBN para hindi na i-renew ang kontrata ng KathNiel.

Ayon sa mga nasagap na mga chika ni Cristy Fermin, nakikipag-usap na umano ang kampo ngayon ni Kathryn Bernardo kay Rambo Nunez at Maja Salvador.

Naghahanap na rin naman umano si Daniel Padilla ng panibagong management.

"Ang balita, ang kampo ni Kathryn Bernardo ay nakikipag-usap na kay Rambo Nunez kina Maja Salvador at si Daniel, kukuha na rin ng ibang management. Parang ganoon."

Sa kabilang banda, hinamon rin ni Manay Cristy Fermin ang ina ni Daniel Padilla na si Karla Estrada na magharap-harap sila ng kanyang source.

Ito'y kasunod na pabulaanan ni Karla ang isiniwalat niyang balita na totoong naghiwalay na sina Kathryn Bernardo at Daniel Padilla.

"Kami po maninindigan kaming tatlo na hiwalay na po talaga si Daniel Padilla at Kathryn Bernardo. Umamin na po si Karla Estrada sa isa niyang kaibigan na wala na, tapos na. Ang tanong na lang natin ngayon, kailan ito naganap?"

Hindi umatras si Cristy Fermin at hinamon pa si Karla Estrada dahil naniniwala siyang totoo ang sinabi ng kanyang source.

"Very vague po 'yung kanyang post. Hindi natin alam kung ano 'yung pinasisinungalingan niya. Wala bang katotohanan na siya ang naglantad ng paghihiwalay ng kanyang anak at ni Kathryn o walang katotohanan na hiwalay na? Dalawa 'yun," saad ni Cristy Fermin.

Dagdag pa nito, "Kaya sa panahong ito, hinahamon ko si Karla Estrada para malaman nating kung sino ang nagsasabi ng katotohanan at kung sino ang nag-iimbento lang. Tatlo tayong maghahara-harap."

Sa ngayon ay hindi pa sinasagot ni Karla Estrada ang hamon ni Cristy Fermin sa kanyang maghaharap-harap sila kasama ang sinasabing source upang lumabas na ang katotohanan at matapos na ang isyung hiwalayan ng dalawa.

Samantala narito naman ang ilang komento mula sa mga netizens.

"Tama lahat ng sinabi ni cristy not a kathniel fan pero sayang kalungkot din sana matapos ng maayos wala ng masakit na salitaan.."

"Galing ni nanay cristy magsalita, matalino siya❤anyways,😂anu ba masama kung hiwalay na eh ganyan naman ang buhay at bata pa sila❤"

"Wala naman masama kung naghiwalay cla. Ganyan talaga ang buhay di cla ang itinadhana. Pero Kung ganyan nagkakabawian ng sosyohan ng  business, hindi maganda ang paghihiwalay nila. Nagkaroon cla ng samaan ng loob, kung hindi sa parte lang ni kath or daniel, baka sangkot din ang mga magulang. At bilang proud maritess na gaya ko, un ang gusto kong malaman."

"Pabayaan natin nag kathniel malalaki na sila walang sino man mag didikta kung sino ang destiny nila nde sila pede pilitin na magkatuluyan, remember kahit alam natin na ang love team ang nagppapasaya at kilig sa atin nde yan pang havang bubay ang tv fantasy lang yan nilalaro mga isip at damdamin kaya tayong mga fans need natin malaman kung hanggang saan ang pagiging die hard fans natin sa mga artista dapat may limitsyon!"

Bwelta Ni Kyline Alcantara Sa Mga Magulang Ni Mavy Legaspi Viral

 Matapos magbahagi ng mensahe para sa kanyang mga anak si Carmina Villaroel, naglabas naman ng panibagong cryptic post ang aktres na si Kyline Alcantara na hinala ng kanyang mga tagahanga na sagot naman niya sa ina ni Mavy Legaspi.

Marami sa mga netizens ang napapatanong kung bumwelta na nga ba si Kyline Alcantara sa naging post nina Carmina Villaroel at Zoren Legaspi kung saan tila pinagtatanggol nito ang kanilang anak na si Mavy na pinaghihinalaang nagloloko sa relasyon nila ni Kyline Alcantara.

Matatandaan na nagbahagi ng isang cryptic post si Kyline Alcantara sa kanyang social media account kung saan ibinahagi niya ang isang TikTok video.

Makikita sa video na ibinahagi ni Kyline Alcantara ang tila double date nina Cassy Legaspi at Michael, Mavy Legaspi at Dasuri Choi.

Hindi naman lingid sa kaalaman ng lahat na mayroong romantic relationship sina Mavy Legaspi at Kyline Alcantara. Kaya naman mahihinuhang nagseselos itong si Kyline Alcantara sa tila pakikipagdate ni Mavy Legaspi kay Dasuri Choi.

Tila ipinagtanggol naman ni Carmina Villaroel ang kanyang mga anak.  Sa isang Instagram post, ibinahagi ni Carmina Villaroel ang isang qoute 'mom knows best'. Kalakip nito ang mensahe para sa kanyang mga anak.

“People can destroy your image, damage your personality, create rumours about you but they can never take away your good deeds. Because no matter how they describe you, you will always be admired by those who know you best.”

Samantala naging usap-usapan naman ngayon sa ilang mga social media platforms ang panibagong cryptic post ni Kyline Alcantara, marami ang nagsasabi na ito na ang sagot ng aktres sa mga magulang ni Mavy Legaspi.

"I was thought that keeping quiet kept the peace. Until I realized, who's peace is it keeping."

Matatandaan na maging si Zoren Legaspi ay nagbahagi rin ng mensahe para sa kanyang anak kung saan pinasalamatan nito ang mga tunay na kaibigan na nagmamahal sa mga ito. May mga nagsasabi na patama ito ni Zoren kay Kyline Alcantara na nagbuking sa kalokohn ng kanyang anak.

"Keep smiling guys @cassy @mavylegaspi its good to have GENUINE FRIENDS ingat kayo... say thank you kay Win for the dinner."

Nagkomento naman sa nasabing post si Carmina Villaroel kung saan pinasalamatan din nito ang mga taong nagmamahal sa kanyang mga anak.

"Maraming salamat sa mga tunay na nagmamahal sa mga anak namin. Mahal din namin kayo @cassy @mavylegaspi enjoy lang kayo! Love you guys! Family is love."

Nakakatanggap naman ngayon ng pambabatikos sina Zoren Legaspi at Carmina Villaroel dahil sa pangungunsinti nila sa kamalian ng kanilang mga anak.

Gayunpaman, marami pa rin sa mga tagahanga ng Legaspi family ang nagtatanggol sa mga ito kung saan ipinakita nila ang kanilang paghanga sa pagmamahalan nilang magkakapamilya.

View this post on Instagram

A post shared by zoren_legaspi (@zoren_legaspi)

Cristy Fermin Hinamon Si Karla Estrada, 'Magharap-Harap Tayo!'

Hinamon ng veteran showbiz columnist na si Manay Cristy Fermin si Karla Estrada na magharap sila kasama ang kanyang source upang mapag-alaman kung sino ang nagsasabi ng katotohan hinggil sa isyung naghiwalay na ang KathNiel.

Matatandaan na sa isang episode ng Showbiz Now Na, pinanindigan ni Manay Cristy Fermin na totoong naghiwalay na sina Kathryn Bernardo at Daniel Padilla. Sinabi pa noon ni Manay Cristy Fermin na nagmula mismo sa bibig ni Karla Estrada ang balitang ito.

"Kami po maninindigan kaming tatlo na hiwalay na po talaga si Daniel Padilla at Kathryn Bernardo. Umamin na po si Karla Estrada sa isa niyang kaibigan na wala na, tapos na. Ang tanong na lang natin ngayon, kailan ito naganap?"

Kaagad naman itong sinupla at pinabulaanan ng celebrity mom na si Karla Estrada sa pamamagitan ng kanyang Facebook post. Tahasang ipinahayag ni Karla na walang katotohanan ang isiniwalat ni Cristy Fermin.

Iginiit din ni Karla Estrada na kailanman ay hindi niya panghihimasukan ang buhay pag-ibig ng kanyang anak.

"Ito po ay walang katotohanan. Kailan man ay hindi ko panghihimasukan o pangungunahan ang personal na buhay ng mga anak po."

Gayunpaman, ipinahayag ni Cristy Fermin na hindi naging malinaw ang sagot na ito ni Karla Estrada at hindi rin umano specific kung ano ang itinanggi nito.

"Very vague po 'yung kanyang post. Hindi natin alam kung ano 'yung pinasisinungalingan niya. Wala bang katotohanan na siya ang naglantad ng paghihiwalay ng kanyang anak at ni Kathryn o walang katotohanan na hiwalay na? Dalawa 'yun," saad ni Cristy Fermin.

Dagdag pang pahayag ni Cristy Fermin, "Pero ang buong akala ng mga KathNiel na tagahanga, hindi siya ang naglantad nung balita at hindi rin hiwalay si Daniel at si Kathryn."

Hinamon pa ni Manay Cristy Fermin si Karla Estrada na mas mabuting magharap-harap sila kasama ng kanyang source upang magkaalaman na sa totoong nangyari.

"Hindi na ako makikipag-argumento pa. Ang pinakamaganda diyan, magharap-harapan kami ng aking source saka siya. Magkita-kita kaming tatlo," pahayag ng kolumnista.

Dagdag pa nito, "Kaya sa panahong ito, hinahamon ko si Karla Estrada para malaman nating kung sino ang nagsasabi ng katotohanan at kung sino ang nag-iimbento lang. Tatlo tayong maghahara-harap."

Humirit naman ang kasamahan nitong si Romel Chika, "Tama... para matapos ang kwento, maisarado ang libro."

Binigyan pa ni Cristy Fermin ng isang palaisipan si Karla Estrada sa kung sino sa mga kaibigang pinagsabihan niya ang kumanta sa kanyang source.

"Sino sa mga sources na pinagsabihan niya na naghiwalay ang anak niya at si Kathryn ang kanyang naiisip na nakapagparating sa akin ng mensahe?"

"Sa ngayon ang hindi niya malaman, sino sa mga sources o sino sa mga kaibigan niyang pinagsabihan ang nakapagparating sa atin ng kwento."

Sa ngayon ay hindi pa sinasagot ni Karla Estrada ang hamon ni Cristy Fermin sa kanyang maghaharap-harap sila kasama ang sinasabing source upang lumabas na ang katotohanan at matapos na ang isyung hiwalayan ng dalawa.

Grace Mondina Pinatamaan Ang Bagong GF Ni Pambansang Kol0koy Na Si Dawn Sherrine

 Nag-viral sa social media ang dating asawa ni Joel Mondina aka ‘Pambansang Kolokoy’  na si Grace Mondina matapos niyang ipakita ang kanyang outfit sa kanyang mga followers.

Sa kanyang Facebook post, nag-flex siya ng kanyang t-shirt, kung saan naka-embed ang mensaheng ‘legal wife,’ na pinaniniwalaan ng mga netizen na pambabanat niya laban sa bagong partner ni Joel na si Dawn Sherrine.

“Don’t take it seriously. It’s just a shirt. #withmissgrace #wittymissgrace,” caption ni Grace sa kanyang post.

Sa kabila ng kanyang mensahe, hindi napigilan ng ilang netizens na mag-react sa nasabing larawan, na si Grace lang ang puwedeng magsuot ng ganoong t-shirt dahil siya ang dating legal na asawa ni Joel.

“It’s just a shirt Miss Grace, unless thẻ not legal ones read between the lines and take the context sỗ seriously.” 

“Tinamaan ang mga shubet With Miss Grace. Baka naman may pang give away ka sa amin mga legal wife.”

Matatandaang tinapos nina Joel at Grace ang kanilang pagsasama pagkatapos ng 25 taon dahil sa diumano'y isyu ng third-party.

Nagdesisyon din ang dalawa na maghain ng divorce para legal na tapusin ang kanilang bond.

Samantala, hindi naman ito ang kauna-unahang pagkakataon na binanatan ni Grace Mondina ang panibagong partner ng kanyang dating mister na si Pambansang Kolokoy.

Matatandaang ipinahayag ni Grace noon na nagiging stalker na niya ang bagong kinakasama ni PK.

“For Dawn Sherrine Esguerra, please stop stalking my social media platforms, you and your minions. You need to move on. You’re already with Joel. You already have him. You can have him. Just grow up. Stop stalking me. Stop saying things that are so mean, so cruel just because I’m living my life.”

Cristy Fermin, May Banat Kay Lolit Solis

 Tinugon na ng veteran showbiz columnist na si Manay Cristy Fermin ang pambabanat sa kanya ng dating kasamahan niyang si Lolit Solis.

Sa kanyang programang Cristy Ferminute, nag react ang beteranong columnist sa naging desisyon ni Lolit na makipagkasundo kay Bea Alonzo, na maraming beses niyang binatikos sa kanyang mga post sa social media.

“Ever since naman, hindi ako galit sa kanya. Kahit noon pa, sinasabi ko, kahit saan ko pa siya makita, magso-sorry ako. Talagang that time, pinaglaruan ko lang dahil naiirita ako sa isang taong malapit sa kanya,” pahayag ni Lolit Solis matapos ang pakikipagkasundo niya kay Bea Alonzo.

Matatandaan na kamakailan lamang ay hayagang pinagsabihan ni Lolit Solis si Cristy Fermin, patungkol sa pambabatikos umano ng huli sa kanyang mga talents.

Hinamon pa noon ni Lolit Solis si Cristy Fermin na kung may galit ito sa kanya ay diretsahan siyang pagsabihan hindi yung ginagamit nito ang kanyang mga talents.

“Kaya gusto ko klaro lahat sa amin ni Cristy Fermin. Kung galit siya sa akin, ako na lang tirahin niya huwag mga alaga ko. Gaya nuon panay ang tira niya kay Paolo Contis. Ngayon naman si Lorna Tolentino. Gusto ko klaro, mga alaga ko ba ang galit siya, o sa akin siya galit? At bakit ? May nagawa ba mga alaga ko, o ako na mali sa kanya ? Sabihin niya para klaro. Para hindi iyon magtatanong ka pa,” pahayag ni Lolit Solis.

Sinagot naman ito ni Cristy Fermin kung saan ipinunto niyang sa bibig talaga mismo nahuhuli ang isda dahil sa naging pahayag ni Lolit Solis patungkol sa galit sa isang manager na ibinunton sa talents nito.

“Sa bibig po talaga nahuhuli ang isda hindi po sa buntot kailanman. Yun ay ipinataw na bintang sa akin ni Manay Lolit pero ano ngayon ang lumabas siya pala ang may galit sa manager ni Bea kaya binira-bira niya si Bea. Sino ngayon, o di siya naglantad na siya pala yun. kaya thinkers are doers. Yun yun,” saad ni Cristy Fermin.

Iginiit din ni Cristy Fermin na kailanman ay hindi niya binackstab ang dati niyang kasamahan na si Lolit Solis.

“Unang-una kung personal akong may galit sa kanya, manay Lolit kilala mo ako hindi ako patalikod kung bumira harapan! At kilala mo na ako! Kilalang – kilala mo na ako dahil ilang panahon na akong kapag may sama ng loob sa ‘yo nagsasalita ako sa harapan mo hindi patalikod.” 

Sa ngayon ay hindi pa naglalabas ng pahayag si Lolit Solis hinggil sa banat sa kanya ni Cristy Fermin.

Xian Lim May Sagot Sa Isyu Ng Pambabae at Pag-iwan Kay Kim/ Kim Chiu Nabigla Sa Ginawa Ni Darren

 Hanggang ngayon ay mainit pa rin pinag-uusapan sa social media ang totoong estado ng relasyon nina Xian Lim at Kim Chiu.

Katatapos lamang ng shooting nina Kim Chiu at Paulo Avelino para sa kanilang gagawing Philippine adaptation ng 'What's Wrong With Secretary Kim?' sa Tagaytay. 

Tila may ibinagay namang sagot si Xian Lim sa mga taong nagsasabing may panibago na siyang babae at iniwan na umano niya ang aktres.

Sa ibinahaging video ni Xian Lim na may background music na Lover, tila inireveal nito ang kanyang babae.

Makikita sa video ni Xian Lim na ang kanyang kasa-kasama ngayong babae ay isa lamang puppet.

Kaya naman, ayon sa mga fans ng aktor na wala talagang katotohanan ang mga ipinaratang rito na isyu dahil wala naman umano itong babae bukod kay Kim Chiu.

Hanggang ngayon may ilang mga KimXi fans pa rin na naniniwalan maayos ang relasyon ng dalawa at nagla-lielow lamang sila ngayon dahil sa kani-kanilang showbiz projects na may kanya-kanya silang loveteam.

Samantala, ikinagulat naman ni Kim Chiu ang pagbibiro sa kanya ni Darren Espanto sa kamakailang episode ng It's Showtime kung saan kinantahan siya nito ng 'Anong Nangyari sa Ating Dalawa'.

Tila may alam ang mga It's Showtime hosts sa mga pinagdadaanan ngayon ni Kim Chiu.

Gayunpaman, ikinalito ito ng kanilang mga fans kung bakit tila ipinapalabas umano ng mga kasamahan ni Kim Chiu sa nasabing show na may pinagdadaanan sila ngayon ni Xian Lim.

Gayung parehong tahimik naman sila sa isyu. Hinala tuloy ng ilan na nagpapaingay lamang ngayon ang dalawa dahil pareho silang may mga projects.

Sa kabila nito, marami ang umaasa na hindi maapektuhan ng kani-kanilang mga careers ang personal nilang buhay.

Rosmar, Pinahahabol Sa BIR Ng Mga Netizens

 Matapos magviral sa iba't-ibang social media platforms ang naging pag-amin ni Rose Marie Tan-Pamulaklakin na mas kilala bilang Rosmar, sa kanyang daily income na umaabot sa milyon, kinalampag ng mga netizens ang Bureau of Internal Revenue.

Marami sa mga netizens ang nanawagan sa BIR upang muli nilang i-check ang kanilang record sa CEO na si Rosmar matapos nitong ipahayag sa kamakailang interview sa Toni Talks na kumikita siya nang mahigit limang milyon kada araw.

Bukod sa milyon-milyong kita kada araw, ibinahagi rin ni Rosmar sa nasabing interview ang kanyang mga collection ng mga mamahaling sasakyan.

Proud pa nitong sinabi na lahat ng kanilang mga properties ay binili nila in cash at wala umano silang inutang.

Marami ang na-inspire sa ibinahaging kwento ng tagumpay ni Rosmar. Gayunpaman, hindi rin nawawala ang mga basher na nagsasabing nagmamayabang lamang ito.

Nanawagan pa sila sa BIR kung naging tapat rin ba si Rosmar sa pagbabayad ng tax.

Hiniling din nila na sana ay patunayan ng BIR ang sinasabi nilang hahabulin nila ang mga social media influencer na kumikita ng malaking halaga ng pera.

"As per Rosmar, sa mahinang araw, 5M per day siya. So 1.8B a year. So if 30% (to simplify) tax, that would be 540M na tax. Aguyyy.. parang wala pa naman foundation si anteh para makabawas."

May mga nagsasabi naman na walang masama sa pagpi-flex ni Rosmar sa kanyang mga kinikita basta't nagbabayad lamang ng tamang buwis.

"I think okay to flex, Rosmar, basta make sure lang na nagbabayad tayo ng tamang tax, Just like the rest of us."

"Para lalong maniwala at ma-inspire ang madla. Please post your quarterly bITR stamped by BIR."

Sa ngayon, ay wala pang pahayag si Rosmar hinggil sa mga isyung pinabato sa kanya patungkol sa pagbabayad ng buwis.

Marami sa kanyang mga fans at tagasuporta ang naghihintay sa kanyang magiging sagot.