Pagkikita ng Pamilya Camilon at Mga Sus-Pek na Pulis

 Sa wakas ay nagkaharap na ang pamilya ng nawawalang Miss Grand Philippines 2023 candidate at public school teacher na si Catherine Camilon at ang itinuturong primary suspek na si Police Major Allan De Castro para sa pre-hearing sa mga kasong isinampa sa pulis.

Samantala, hanggang ngayon ay wala pa ring nahahanap na lead ang mga kapulisan sa posibleng kinaroroonan ngayon ni Catherine Camilon na nawawala noon pang October 12, 2023.

Inamin ngayon ng mga otoridad na habang tumatagal ang panahon ng pagkawala ni Catherine Camilon, lalo silang nahihirapan na makakuha ng matibay na lead na makakaturo sa kinaroroonan ni Catherine Camilon.

Nahihirapan na rin umano silang matukoy ang tunay na nangyari kay Catherine Camilon kahit pa lumabas sa resulta ng DNA Test na isinagawa ng PNP Forensic Group sa mga nakitang hair strand at dugo sa loob ng pulang CRV.

Matatandaan na lumabas sa DNA Test na totoong ginamit ang pulang sasakyan na iyon sa pagdukot kay Catherine Camilon, tila nagtapos na roon ang mga lead ng kapulisan lalo pa't patuloy na tumatanggi si Allan De Castro sa mga ipinaratang sa kanya.

Wala pa ring lead ang mga kapulisan kung saan dinala ng mga kidnappers si Catherine Camilon matapos isinakay sa pulang sasakyan.

Sa kabila nito, patuloy pa rin ang pag-iimbestiga ng mga pulis sa posibleng kinaroroonan ngayon ni Catherine Camilon. Ipinahayag naman ng PNP Spokesperson Fajardo na malaki ang naitulong ng DNA test sa kanilang imbestigasyon kahit pa wala silang lead sa ngayon sa kasalukuyang kinalalagyan ni Catherine Camilon.

Karla Estrada, Kaagad na Pinabulaanan Ang Isiniwalat ni Cristy Fermin Patungkol sa Hiwalayan ng KathNiel

 Kaagad na sinagot ng celebrity mom na si Karla Estrada ang pagsisiwalat ng veteran showbiz columnist na si Manay Cristy Fermin sa kamakailang episode ng kanyang showbiz related vlog sa Youtube channel nitong Showbiz Now Na, patungkol sa hiwalayan ng kanyang anak sa longtime girlfriend nitong si Kathryn Bernardo.

Sa kamakailang episode ng Showbiz Now Na, nanindigan si Manay Cristy Fermin kasama ng kanyang mga kasamahan sa vlog, na totoo ang kumakalat na isyung naghiwalay na ang KathNiel matapos ang mahabang panahon na magkarelasyon.

Ipinahayag pa nina Manay Cristy Fermin na ang balitang ito ay kinumpirma at mula sa bibig ni Karla Estrada.

"Kami po maninindigan kaming tatlo na hiwalay na po talaga sina Daniel Padilla at si Kathryn Bernardo. Umamin na po si Karla Estrada sa isa niyang kaibigan na wala na, tapos na. Ang tanong na lang natin ngayon, kailan ito naganap?" matapang na pahayag ni Cristy Fermin.

Samantala, kaagad namang pinabulaanan ni Karla Estrada ang mga pahayag na ito ni Manay Cristy Fermin. Sa kanyang Facebook page, iginiit ni Karla Estrada na walang katotohanan ang isiniwalat ni Manay Cristy Fermin sa kanyang vlog na Showbiz Now Na.

"Ito po ay walang katotohanan Kailan man ay Hindi ko pang hihimasukan o Pangungunahan ang personal na buhay ng mga anak ko," caption ni Karla Estrada sa kanyang post kalakip ang article patungkol sa pagsisiwalat ni Cristy Fermin.

Sa kabilang banda, patuloy pa ring nanahimik sina Kathryn Bernardo at Daniel Padilla hinggil sa balitang ito sa gitna ng pagkakadamay at pananawsaw ng ibang tao.

Narito naman ang ilang komento ng mga netizens.

"Bakit ba etong si Ms.Cristy parang tuwang-tuwa kapag may naghihiwalay. Jusko. Di nalang maging masaya. Maaaring nagaaway sila pero yung ipagdukdukan pa na hiwalay na sila Kathniel jusmeo spare them."

"Huy cristy fermin! Hirap ka na nga mag salita dadagdag ka pa sa issue 🤦 Sinimulan mo kasi ogie diaz! jusko"

"Gumagwa ng mga kwento para lang my ma ipost..dinadamay ang mga walang malay"

Si Carla Elago Ford, mas kilala bilang Karla Estrada, ay isang Filipina actress-singer. Kabilang sa mga pelikula at serye sa telebisyon na pinagbidahan niya ay ang Mother, Will They Come Down? at Maricris Sioson: Salamat. Naging supporting lead siya sa seryeng I Need You.

Siya ang ina ng aktor na si Daniel Padilla. Isa si Karla sa orihinal na mga hosts ng programang Magandang Buhay kasama sina Jolina Magdangal at Melai Cantiveros. 

Cristy Fermin, IsinaPubliko ang Hiwalayan Nina Kathryn Bernardo, Daniel Padilla

 Isiniwalat ng veteran showbiz columnist sa kamakailang episode ng kanyang online vlog na totoong naghiwalay na umano ang longtime celebrity couple na sina Kathryn Bernardo at Daniel Padilla.

Ipinahayag pa ni Manay Cristy Fermin na ang balitang ito ay mula mismo sa ina ni Daniel Padilla na si Karla Estrada. May nakausap umanong kaibigan si Karla Estrada kung saan doon inamin ng celebrity mom ang totoong estado ng relasyon nina Kathryn Bernardo at Daniel Padilla.

"Kami po maninindigan kaming tatlo na hiwalay na po talaga sina Daniel Padilla at si Kathryn Bernardo. Umamin na po si Karla Estrada sa isa niyang kaibigan na wala na, tapos na. Ang tanong na lang natin ngayon, kailan ito naganap?" pahayag ni Cristy Fermin.

Isiniwalat din ni Manay Cristy Fermin ang maaring dahilan ng hiwalayan ng KathNiel. Nilinaw naman ng kolumnista na hindi na ito galing pa mismo kay Karla Estrada.

Naniniwala din sina Manay Cristy Fermin na noong nag-umpisang magrebelde si Kathryn sa pamamagitan ng pagbabago sa kanyang pananamit, ang simula ng paghihiwalay ng dalawa.

"Ang tanong, kailan ito ipinanganak itong paghihiwalay na ito. Ang sabi ng aking source, bilangin ninyo yung panahon na si Kathryn ay ibang-iba na ang gayak. Nagpapakita na ng skin, nagpapaseksi."

"So kung bibilangin natin 'yun, noon pa ay tapos na... Buwan na ang bibilangin natin" 

Sa kabila nito, hinihiling nina Manay Cristy Fermin na muling magkakabalikan ang dalawa matapos ang kanilang paghihiwalay ngayon.

"Malay naman natin, kung magpapahinga lang sila ng ilang panahon, at isang araw ay magigising sila na kailangan pa rin nila ang isa't isa." 

Nagbigay naman ng mensahe si Cristy Fermin sa mga tagahanga ng Kathniel na tanggapin na lamang ang katotohanan na wala na umanong relasyon ngayon ang KathNiel bukod sa kanilang tambalan.

"Pero sa ngayon, kailangan niyo pong tanggapin na tapos na ang kanilang relasyon" 

"Ang kanilang love team nandiyan pa rin, pero 'yung puntong personal, tapos na 'yun"

Muling idiniin pa ni Cristy Fermin na ang kanilang isiniwalat na impormasyon ay nanggaling mismo sa bibig ng kaibigan ni Karla Estrada.

"At iyan naman po ay nanggaling sa bibig mismo ng ina ni Daniel Padilla"

Matatandaan na naging usap-usapan ang hiwalayan ng KathNiel nang mapansin ng ilang mga netizens na hindi na nagkakasama ang dalawa sa pagbabakasyon.

May nakapansin din umano na hindi gaanong nagkikibuan sina Daniel Padilla at Kathryn Bernardo sa isang event na dinaluhan.

Tila hindi rin umano sinupportahan ni DJ ang mga ginagawa ni Kathryn Bernardo.

Napansin din ng mga netizens na tila ginagawa na ni Kathryn ang mga bagay na inaayawan ni Daniel Padilla kabilang na ang pagpapaseksi.

Lolit Solis, Hinam0n si Cristy Fermin

 Nagbigay na ng pahayag ang veteran showbiz columnist na si Manay Lolit Solis laban sa kapwa veteran columnist na si Cristy Fermin laban sa mga pambabatikos ng huli sa mga talents na hinahawakan niya.

Sa wakas ay hayagan nang inaksyunan ni Lolit Solis ang kanyang dating kasamahan na si Cristy Fermin sa gitna ng mga batikos na ibinabato ng huli laban sa kanyang mga talent, sa kanyang Instagram account.

Sa kanyang post sinabi ni Lolit Solis na siya na lamang ang batikusin nito sa halip na ang kanyang mga talents na wala namang ginagawa.

Ayon sa kanya, gusto niyang maging malinaw si Cristy sa kanyang intensyon at dapat na itigil ang pagpapasaring sa kanya sa pamamagitan ng kanyang mga talents.

“Pangit iyon nasa isang mundo kayo tapos tago iyon nararamdaman mo, Salve. Mula’t sapul naging ugali ko na iclear kung anuman iyon feeling ko makabigat sa balikat ko. Gusto ko mahaharap ko lahat nang hindi kailangan maging plastic. Either gusto mo ako o ayaw mo, mas mabuti ang ganuon kesa naman plastikan kayo,” pahayag ni Lolit Solis.

Dagdag pa niya, “Kaya gusto ko klaro lahat sa amin ni Cristy Fermin. Kung galit siya sa akin, ako na lang tirahin niya huwag mga alaga ko. Gaya nuon panay ang tira niya kay Paolo Contis. 

"Ngayon naman si Lorna Tolentino. Gusto ko klaro, mga alaga ko ba ang galit siya, o sa akin siya galit? At bakit ? May nagawa ba mga alaga ko, o ako na mali sa kanya ? Sabihin niya para klaro. Para hindi iyon magtatanong ka pa.”

Sina Cristy Fermin at Lolit Solis ay kilala sa bansag bilang mga pambansang marites ng Pilipinas.

Sa kabilang banda, hindi pa naglalabas ng pahayag si Cristy Fermin hinggil sa paghahamon sa kanya ng dating kasamahan na si Lolit Solis.

View this post on Instagram

A post shared by Lolit Solis Official (@akosilolitsolis)

Kim Chiu, Kinilig Kay Paulo Avelino Sa Kanilang First Tikt0k Together

 Kinilig ang maraming mga tagahanga nina Kim Chiu at Paulo Avelino ng ibahagi ng dalawa ang kanilang first Tiktok na magkasama.

Hindi naman maitatanggi na napakalakas ng datingan at chemistry ng dalawa kaya naman muli silang pinagtambal sa Philippine adaptation ng hit South Korean romcom na What's Wrong With Secretary Kim.

Samantala sa latest update ng dalawa, sinayaw ni Kim Chiu at Paulo Avelino ang TikTok trend na Lowkey Song.

Sa kabilang banda, tuloy na tuloy pa rin ang second day taping ng dalawa sa kanilang pagbibidahang serye kahit pa bumuhos ang ulan.

Ngayon pa lamang ay inaabangan na ng mga tagahanga ng tambalang KimPau ang local adaptation ng What's Wrong With Secretary Kim lalo na't pagbibidahan ito ng mga magagaling na artista sa industriya ng showbiz sa bansa.

Excited ngayon ang mga tagahanga ng dalawa sa gagampanang nilang role dahil malayong-malayo ito sa unang serye ginampanan nila bilang Victor at si Juliana sa Linlang.

Inaabangan rin ng mga netizens ang matinding transitions ng gagampanang karakter ni Kim Chui mula sa pagiging si Juliana at ngayon bilang si Secretary Kim.

Samantala narito ang ilang komento ng mga netizens sa nasabing video nina Paulo Avelino at Kim Chiu.

"They actually have a really good chemistry"

"Excited for the FilipinoVersion of WWWSK. Another success to our Multimedia Idol Superstar Kimmy in VIU viewers. Expecting this the 1st qtr of January 2024.congrats to our Digital Streaming Queen, Kim Chiu❤️👏"

"Ampogi ni paulo! Jusko! Parang 16 yo ulit ako sa kilig"

Si Michael Paulo Lingbanan Avelino na ipinanganak noong Mayo 13, 1988 ay isang Filipino actor, singer, model, at Film producer.

Nagbida siya sa maraming hit na serye sa telebisyon tulad ng Walang Hanggan (2012), Bridges of Love (2015), at The General's Daughter (2019). 

Sa mga pelikula, ang isa sa kanyang pinakakilalang mga gawa ay ang kanyang paglalarawan kay Gregorio del Pilar sa Philippine war epic na Heneral Luna (2015), na kanyang muling ginawa sa isang pamagat na papel para sa sequel nito, Goyo: Ang Batang Heneral (2018). Kabilang sa iba pang kilalang pelikula ni Avelino ang Pagpag: Siyam na Buhay (2013), I'm Drunk, I Love You (2017), at Fan Girl (2020).

Nagmula si Paulo Avelino sa kilalang pamilya sa Baguio, Pilipinas. Siya ay anak ni Roberto Puigcerver Avelino, isang maimpluwensyang Espanyol-Pilipino mula sa Calbayog, Kanlurang Samar, at Jennilyn Lingbanan. 

Siya ay apo ni Baltazar Avelino, dating gobernador ng Samar, at apo sa tuhod ni dating Senate President Jose Avelino. 

Mayroon siyang tatlong kapatid, sina Honey, Gabriel, at Angela. Siya ang pangalawa sa pinakamatanda sa kanilang magkakapatid. Si Paulo Avelino ay may anak na lalaki kay LJ Reyes.

View this post on Instagram

A post shared by Viu Philippines (@viuphilippines)

Xian Gaza, Isiniwalat Ang Totoong Dahilan Ng Pagkikita Nina Daniel Padilla, Kathryn Bernardo

 Kinumpirma ng social media personality at self proclaimed pambansang marites ng Pilipinas na si Xian Gaza ang isyung palihim na nagkikita sina Andrea Brillantes at Daniel Padilla.

Sa kabila nito, nilinaw naman ni Xian Gaza na nanghihingi lamang umano ng advice si Andrea Brillantes sa kanyang Kuya DJ sa mga pinagdadaanan niya ngayon sa buhay kaya nagkikita sila.

Matatandaan na umani ng samu't-saring komento at pambabatikos mula sa mga netizens sina Andrea Brillantes at Daniel Padilla nang kumalat ang isyung palihim silang nagkikita.

Marami ang nainis kay Andrea Brillantes dahil sa pagiging mang-aagaw umano nito ng boyfriend. May mga bumabatikos naman kay Daniel Padilla dahil sa pagpatol niya kay Andrea Brillantes at nakaya niyang lokohin ang kanyang longtime girlfriend na si Kathryn Bernardo.

 Samantala, nagbahagi naman ng isang social media post si Xian Gaza, kung saan ipinahayag niyang totoong nagkikita sina Andrea Brillantes at Daniel Padilla.

Gayunpaman, ayon kay Xian, nanghihingi lamang si Andrea Brillantes ng advice kay DJ sa isyung kinakaharap niya at sa kanyang lovelife kasama si Ricci Rivero.

"Ano namang masama kung nag-meet sila as friends ha?? Humingi lang naman siya ng advice sa Kuya DJ niya kung paano i-handle ng tama yung ex niyang si Ricci eh! Kung pagsalitaan niyo ng masama yung tao eh parang may ginawa siyang mali grabe kayo!"

Sa kabilang banda, napansin ng ilang mga netizens na sa sumunod na post ni Xian Gaza, tahasan na nitong ipinahayag  ang pagiging malandi ni Andrea Brillantes kung saan hindi umano si Daniel Padilla ang unang target nito.

"Hindi pala si DJ ang unang tinarget niyang sulutin. Marami na pala, hindi lang nami-media. Hobby pala niya mang-agaw pero ang press release eh palaging siya yung biktima. Iniiwasan na pala yan sa industriya dahil sa pangit niyang ugali at pagkatao."

Samantala, patuloy pa rin ang pananahimik nina Kathryn Bernardo, Andrea Brillantes at Daniel Padilla sa mga isyung ibinabato sa kanila.

Narito naman ang ilang komento ng mga netizens.

"Sana sa kapwa nya babae siya humungi ng payo.may plano na siya talaga kaya kunwari kay dj siya humingi ng advice.may kati ka sa p... Mo"

"Mali pa rin. Bakit sa lalaking may gf? Ahasin mo cguro. Puwede naman sa mga friends mong girls, bakit si DJ pa? Cone on Andrea, huwag mo kaming bolahin. Bakit hindi sa mama mo or sa family mo iikaw humingi ng payo? May ibang motive ka eh!!! Malinaw iyun. We wére not born yesterday.  Maybe paraan mo lang iyun para tuksuhin si DJ."

"Kuya kuyakoy ika nga. Hihingi ka lng payo need pang one on one? Sana pag may syota na yung lalaki dalawa clang imeet mo. Isip isip din kasi."

Xian Gaza, Binunyag Ang Pag-Uugali Ni Andrea Brillantes

 Usap-usapan ngayon sa ilang mga social media platform ang mga isiniwalat ng kilalang lalaking marites na ng Pilipinas na si Christian Albert Gaza patungkol sa controversial young Kapamilya actress na si Andrea Brillantes.

May panibagong revelation ang social media personality na si Christian Albert Gaza na kilala rin bilang si Xian Gaza patungkol sa totoong ugali umano ng actress na si Andrea Brillantes na may kaugnayan pa rin sa kinakaharap nitong isyu ngayon.

Matatandaan na naging laman ng mga usap-usapan sa social media at ilang mga entertainment sites ang pangalan ni Andrea Brillantes matapos ma-link sa Kapamilya actor na si Daniel Padilla.

Itinuturo ngayong third party ang aktres na si Andrea Brillantes sa naging hiwalayan umano ng long time celebrity couple na KathNiel.

Samantala, kaagad na pinagpipyestahan sa social media ang naging social media post ni Xian Gaza patungkol sa totoong ugali ni Andrea Brillantes.

"Hindi pala si DJ ang unang tinarget niyang sulutin. Marami na pala, hindi lang nami-media. Hobby pala niya mang-agaw pero ang press release eh palaging siya yung biktima. Iniiwasan na pala yan sa industriya dahil sa pangit niyang ugali at pagkatao."

Matatandaan na nauna nang naiulat ang palihim umano na pagkikita nina Daniel Padilla at Andrea Brillantes ng maraming beses.

Sa kabila ng pagiging trending patuloy pa ring nananahimik ang magkabilang panig hinggil sa nasabing isyu.

Sa ngayon ay burado na ang nasabing post ni Xian Gaza, subalit tila huli na ang lahat dahil marami na ang nakakuha ng screenshots.

Tanong ngayon ng ilang mga netizens, sino ang unang target ni Andrea Brillantes na agawin bukod kay Daniel Padilla?

Karma? Anne Jakrajutatip Pinababayarad ng 1 Billion, TCG Company Nagdemanda

 Tila unti-unti na umanong kinakarma ang Miss Universe Organization owner na si Miss Anne Jukrajutatip, limang araw pa lamang matapos ang coronation ng night ng Miss Universe ay sinampahan na siya ng kaso ng TCG Company.

Ang Total Communication Group (TCG) ay dating business partner ni Anne Jakrajutatip.

Nagdedemand ngayon ang nasabing kompanya ng 1 billion Thai baht o nasa 1.5 billion in Philippine Peso para sa damages.

Hindi man lamang umano ipinaalam sa kanila ng kampo ni Anne Jakrajutatip na bankrupt na ang JKN Global Group  dahil dito nawalan umano ng trabaho ang daan-daan nilang manggagawa.

Ayon sa inilabas na pahayag ng TCG, "TCG Social Media Group CO., Ltd. could not satand it and filed a lawsuit against JKN Global Group, demanding 1,0000 million baht in damages to protect its reputation and compensate for some of the damages that occured and reported additional charges of embezzlement. 

"And after closing the company, the partner was not informed. Cast off employees. Ath this time, TCG Social Media Group Company Limited is preparing to colloect documents and evidence to file a complaint to demand justice."

Kumakalat din ngayon ang chart kung saan makikitang nalulugi na ang JKN sa loob ng limang taon. Makikita rin sa nasabing chart na bumaba ang kanilang stock ng 95%.

Sa kabilang ng pagkalugng ito ng JKN, pinilit pa rin nilang makuha ang Miss Universe.

Samantala, tila nagbibigay ng pahiwatig ang Iranian-American businessman na si Patrick Bet-David na gusto niyang saluin at bilhin mula kay Anne Jakrajutatip ang Miss Universe pageant.

Marami naman sa mga netizens at pageant fans ang umaasa na sana nga ay makuha na mula kay Ms. Anne Jakrajutatip ang Miss Universe upang matigil na ang cooking show at maibalik ang tiwala ng mga tao sa nasabing organization.

Matatandaan na marami sa mga pageant fans ang naghinalang niluto ng organization ang resulta ng Miss Universe pageant, nang hindi makapasok sa top 5 ang pambato ng Pilipinas na si Michelle Dee.

Sa kabila ng elegance at uniqueness ng kanyang isinuot na evening gown.

Bukod pa rito, hindi nagustuhan ng ilang mga Pilipino pageant fans ang umano'y harap-harapan na pang-aasar ni Miss Anne kay Michelle Dee matapos nitong pauli-ulit na ipahayag ang pagmomove on.

Narito naman ang ilang komento ng mga netizens hinggil sa balitang ito.

"Tama lng ibenta mo na.kc baka sa susunod wala ng sumali sa mu.dhil dadayain mo lng accla."

"Mag bayad kn accla kayang kaya mo yan.1 bilyon lng sisiw lng yan sau."

"2 years lang na karms na sya agad.. nawala prestige ng MU dahil sa kanya..  bastusin nya ang REP ng Pinas.."

Karla Estrada, Naglabas ng Mensahe Sa Gitna Ng Isyung Kinakaharap Ngayon Ng KathNiel

 Naglabas ng isang cryptic post ang celebrity mom na si Karla Estrada sa gitna ng kumakalat na tsismis na ang kanyang anak na si Daniel Padilla ay nakipaghiwalay na sa kanyang matagal nang girlfriend na si Kathryn Bernardo.

Inilabas ni Karla ang kanyang mensahe ilang araw matapos ang kanyang kaarawan kung saan hindi sumipot si Kathryn Bernardo at hindi rin naglabas ng online greetings para sa kanya.

Sa kanyang mga post, binanggit ni Karla ang tungkol sa mga ‘sins’ at utang na loob.

“He who is without sin among you, let him be the first to throw a stone,” pagbabahagi ni Karla ng isang quote mula sa Bible.

Lalong naintriga ang mga netizens nang himukin ni Karla ang mga indibidwal na huwag umasa sa isang tao.

“Hindi mo utang sa iba ang buhay mo. Wag mong gawing props lang ang pagkatao mo para mapasaya mo lang ang iba,” said Karla. “Pasayahin mo ang iyong sarili, deserve mo yun! At kung ang iba ay hindi natutuwa, bahala sila. Kalungkutan nila ‘yon.”

Matatandaan kumalat ang ilang tsismis sa social media na nagsisiwalat na hiwalay na sina Daniel at Kathryn dahil sa umano'y third party.

Nali-link ngayon ang Kapamilya actress na si Andrea Brillantes kay Daniel, at usap-usapan na ilang beses na silang palihim na nagkita simula pa noong nagdaang taon habang si Seth Fedelin pa ang karelasyon ni Andrea.

Ang isyu ay nagbunsod ng conflict sa pagitan ni Andrea at KathNiel fans. Mapapansin din ngayon na tila ina-unfollow na ng malalapit na kaibigan ni Kathryn Bernardo sina Andrea Brillantes at Daniel Padilla.

As of writing, hindi pa naglalabas ng sagot sina Daniel at Kathryn sa mga kumakalat na tsismis.

Paolo Contis Nilinaw Ang Isyung Hiwalay Na Sila Ni Yen Santos

 Nagbigay na ng pahayag ang Eat Bulaga host hinggil sa kumakalat na isyung iniwan na umano niya ang kanyang girlfriend na si Yen Santos dahil nililigawan na niya ang kanya co-host na si Arra San Agustin matapos kumalat ang videos na sweet sila sa isa't-isa.

Hindi na natutuwa ang Eat Bulaga host na si Paolo Contis sa mga kumakalat na tsismis tungkol sa umano'y romantic affair nila ng kanyang co-host na si Arra San Agustin.

Sa isang panayam kay Boy Abunda, iginiit ni Paolo Contis na magkarelasyon pa rin sila ni Yen Santos at walang katotohanan na nakikipagrelasyon siya sa iba.

“Yes, kami pa ni Yen,” pahayag ni Paolo Contis.

Ayon kay Paolo Contis, in-edit lamang ang video na ina-upload ng mga netizens sa social media, na nagpapakita ng pagiging clingy niya kay Arra. Iginiit niya na bahagi lang ito ng skit nila sa noontime show.

“Alam mo yung kumakalat samin ni Arra, it’s an edited video of a portion in Eat Bulaga and it was maliciously edited. It’s a love… skit triangle ni Arra, ako, at saka si Candy, played by Betong, and they just keep on posting the Arra side of it.”

Matatandaang nag-viral si Paolo Contis sa social media matapos i-celebrate ni Yen ang kanyang kaarawan nito. Makikita rin na tila hindi man lang binati ni Paolo Contis ang kanyang girlfriend.

Nagsimula ang tsismis na hiwalay na ang dalawa, ilang buwan matapos nilang aminin sa publiko ang kanilang relasyon, nang kumalat ang video ng pagiging sweet ni Paolo Contis kay Arra San Agustin na co-host nito sa Eat Bulaga.

Kasunod nito, namataan ring mag-isa na lamang si Yen Santos sa kanyang pamimili sa isang mall. Hindi katulad noon na lagi niyang buntot si Paolo Contis.

Just in! Aktor Inaming Hiwalay Na Sa Aktres

 Nagbigay na ng pahayag ang isang Kapamilya actor kung saan kinumpirma niya ang kanilang hiwalayan ng kilalang actress sa industriya ng showbiz.

Kinumpirma na ng Kapamilya actor at Senior High Star na si Elijah Canlas ang kanilang break-up ng kanyang girfriend na si Miles Ocampo.

Sa isang exclusive interview kay Elijah ng ABS-CBN News, kabilang sa mga naitanong sa aktor ang estado ng relasyon nila ng aktres na si Miles Ocampo.

Kaagad naman itong sinagot ng aktor kung saan ipinahayag niyang naghiwalay na sila ni Miles.

Ayon kay Elijah, nagkaroon sila ng matinding pagsubok kamakailan sa kanilang relasyon bukod sa mga pinagdadaanan nila personally.

"It's been hard but we're figuring things out, pahayag ng aktor."

Isiniwalat ni Elijah sa unang pagkakataon ang break-up nila ni Miles Ocampo ilang buwan na ang nakakalipas.

"Okay naman kami, hindi kami galit sa isa't-isa and I always have love for her. I'm always gonna support her sa kahit anong gawin niya and I always be her number one fan, basically."

Dagdag pa ng aktor, "Naglalaan lang kami ng oras sa pag-iisip ng mga bagay-bagay sa aming sarili at sa aming buhay sa ngayon."

Matatandaan na inamin at isinapubliko nina Elijah at Miles Ocampo ang kanilang relasyon noon May 2022.

Unang umugong ang isyung naghiwalay na ang romantic couple na ito nung nagdedmahan ang dalawa sa iisang event na dinaluhan nila.

Kapansin-pansin na hindi sabay na rumampa sa red carpet noon ng Five Break-Ups and A Romance sina Miles Ocampo at Elijah Canlas na naganap sa SM Mega Mall.

Si Kathryn Bernardo ang nakasama ni Miles Ocampo sa pagrampa at katabi pa niya ito sa panonood ng pelikula nina Julia Montes at Alden Richards.

Ipinakita doon nina Miles Ocampo at Kathryn Bernardo ang dating kasamahan nila sa Going Bulilit at malapit ding kaibigan.

Samantala, ang co-actor naman ni Elijah Canlas sa Senior High na si Kyle Echarri ang nakasama niya sa paglakad sa red carpet.

Michelle Dee, Bagong National Director ng Miss Universe Philippines

 Trending at usap-usapan ngayon sa ilang mga social media platforms ang balitang si Miss Universe Philippines 2023 Michelle Dee na ang bagong National Director ng Miss Universe Philippines.

Nag-ugat ang usaping ito matapos ang ibinahaging live video ni Olivia Quido. Nakunan ng kamera ang pag-uusap nila ni Michelle Dee kasama sina Jonas Gafud at Voltaire Tayag.

May sasabihin sana si Jonas kay Olivia patungkol kay Michelle subalit pinigilan siya ng Beauty Queen. Nag-signal si Michelle na i-secret na muna nila sa pubiko ang balita at ibinulong na lamang nito kay Olivia ang balita.

Pahayag ni Jonas, "Miss O, siya ang bagong ano, the new.."

Makikita namang nagulat si Olivia sa ibinulong ni Michelle Dee sa kanya. Gayunpaman, bakas na sa mukha nito ang excitement sa ibinulong ni Michelle Dee.

Hinala ng marami na nabili na ng pamilya ni Michelle Dee ang franchise ng Miss Universe pageant ng bansa at itinakda siyang maging bagong National Director nito.

Hindi naman lingid sa kaalaman ng lahat kung gaano kayaman ang pamilya nina Michelle Dee. Isa ang kanilang pamilya sa may malaking share sa kilalang bangko ng dito sa Pilipinas, ang China Bank.

Kaya naman, hindi malabo na binili na ng pamilya nito ang franchise ng prestigious pageant.

Sakaling totoo ang balitang ito, magiging ka-level na ni Michelle ang mga naunang national directors ng Miss Universe pageant na sina Stella Araneta at Shamcey Supsup.

Kung matutuloy man ito, tiyak na maiiba na ang magiging atake ng Pilipinas sa mga susunod na Miss Universe competitions.

Tiyak umanong sisiguruhin ni Michelle na maging katulad sa kanyang paghahanda sa pageant ang ipagagawa niya sa susunod na maging kandidata ng bansa.

Kilala na rin niya ang ugali at katangian ng Miss Universe owner na si Anne Jakrajutatip, kaya naman kung may mga insidenteng magaganap sa show ay alam na niya kung ano ang approach na gagawin.

Sa kabilang banda, wala pang ipinapalabas na official statement ang Miss Universe Philippines organization hinggil sa balitang ito.

Maging ang kasalukuyang National Director ay nananahimik pa rin hinggil sa bali-balitang ito.

Michelle Dee, Nagsalita Na Hinggil Sa Pagkakamali Ng Miss Universe El Salvador

 Nagbigay na ng pahayag ang pambato ng Pilipinas sa 72nd Miss Universe na si Michelle Dee patungkol sa pagkakamali ng Miss Universe El Salvador, kung saan napabilang ang kanyang pangalan sa mga nakapasok sa top 5.

Kaagad namang binura ng Miss Universe El Salvador ang nasabing post, subalit tila nahuli na ang lahat dahil marami nang mga Pilipino ang nakakita ng post at nakakuha ng mga screenshots.

Lalong uminit ang ulo ng mga Pinoy fans ni Michelle Dee dahil sa pangyayaring ito. Dahil din sa insidenteng ito, tila nabahiran ang reputasyon at kridibilidad ng Miss Universe Organization.

Kaagad namang humingi ng paumanhin ang Miss Universe El Salvador sa kanilang pagkakamali at ipinahayag na narinig nila ang announcement kung saan si Thailand talaga ang nanalo, nakamali lamang sila sa pagsusulat ng pangalan. Humihingi rin sila ng paumanhin sa dalawang kandidata.

"Our mistake! In the rush to get our posts up during Saturday's live broadcast, we accidentally mixed up the names oft wo finalists. This was a simple error of moving too fast - we heard the same results live at the same time that you all did, no special access over here! We're sorry to both finalists."

Samantala, nagbigay ng pahayag si Michelle Dee hinggil sa pangyayaring ito kung saan naniniwala siya na may dahilan ang lahat ng mga nangyayari, maging ang 'mistaken post' ng Miss Universe El Salvador.

"I'm one that believes everything happens for a reason, even their 'mistaken post' happened for a reason and it's just a matter of seeing it as a lesson or a blessing."

Gayunpaman, naniniwala umano si Michelle Dee na ang mga prestigious pageants na kagaya ng Miss Universe at ang host country nito ay dapat na maging mas maingat upang maiwasan ang mga pagkakamali. Hindi lamang umano para sa mga delegates kundi maging sa kanilang mga supporter as well.

"If anything though, especially in a prestigous pageant like Miss Universe and most especially from the official host country's official Instagram page, they should be more cautious and respectful not just to the delegates but the supporters that are truly passionate about this platform."

Dagdag pa ni Michelle, na ang tanging layunin lamang niya ay maging proud sa kanya ang Pilipinas, naniniwala rin naman siya na kahit hindi niya naiuwi ang korona ay na-achieved niya ito.

"Ultimately my goal was to make my country proud and I believe I achieved that with or without the crown."

Sa kabila ng paniniwala niyang dapat walang maging mali hindi nama ito maiiwasan dahil nabubuhay naman tayo sa isang unperfect world.

"There should be no room for error, but the reality is that we live in an imperfect world."

Kasalukuyang nasa Mexico ngayon si Michelle Dee kasama ang iba pang mga delegates ng Miss Universe 2023 kung saan nilibot nila ang lugar at naging guest sa iba't-ibang mga TV-shows.

Sa Mexico gaganapin ang Miss Universe 2024 pageant sa susunod na taon.

Kim Chiu Rumesbak, Dinedma Si Xian Lim

 Hanggang ngayon ay hindi pa rin natatahimik ang isyung naghiwalay na rin ang longtime celebrity couple na sina Kim Chiu at Xian Lim.

Hanggang ngayon ay trending pa rin ang agaw-pansin na swimsuit photos ni Kim Chiu mula sa kanyang beach vacation sa Balesin Island Club.

Sa muling pagkakataon, hindi nakasama ni Kim Chiu sa kanyang well-deserved vacation na ito ang kanyang longtime boyfriend na si Xian Lim. Ang kasama ng aktres sa pagkakataong ito ay ang kanyang mga kamag-anak.

Samantala, hindi naman naiwasan ng ilang mga netizens na hanapin at itanong kay Kim Chiu kung nasaan si Xian Lim na dati niyang kasa-kasama sa pagbabakasyon.

Napansin ng mga netizens na hindi na umano ipinopost ni Kim Chiu sa kanyang social media accounts ang kanyang boyfriend na si Xian Lim.

Base sa Instagram posts ni Kim Chiu sa kanyang Instagram account ay noong July 30, 2023 pa nang huling nag-flex si Kim Chiu ng mga larawan nila ng kanyang boyfriend na si Xian Lim.

Ibinahagi noon ni Kim Chiu sa kanyang social media accounts ang naging moment nila ng kanyang boyfriend sa bakasyon nila sa Hongkong.

Makikita pang panay ang kulitan nilang dalawa at napaka-sweet pa nila sa isa't-isa noon. July 16 naman nang naunang ibahagi ni Kim Chiu ang masayang pagbabakasyon nila sa Hongkong.

Makikita pa na nagkomento noon si Xian Lim sa post ni Kim Chiu, na katulad lamang ang moment na ito noong unang linggo ng panliligaw niya sa aktres.

"Hala.. parang first week nung nililigawan pa kita"

Subalit, tila nag-iba na umano ang ihip ng hangin ngayon dahil napansin ng mga netizens na tila wala nang pakialamanan ngayon sina Kim Chiu at Xian Lim sa isa't-isa.

Marami rin ang nakapansin na hindi man lang kino-gratulate ni Xian Lim si Kim Chiu sa matagumpay nitong digital series na Linlang.

Sa kabila nito, marami pa rin sa mga fans nina Kim Chiu at Xian Lim ang naniniwalang maayos pa rin ang relasyon ng dalawa at nagla-lay low lamang ang mga ito dahil sa kani-kanilang mga projects.

Marami rin sa mga fans ng aktres ang nagsasabing huwag nang bigyan pa ng malisya ang mag-isang pagbabakasyon ni Kim Chiu kasama ng kanyang pamilya.

Sa kabilang banda, muling magtatambal sina Kim Chiu at Paulo Avelino na unang nagkatambal sa hit digital series na Linlang.

Sa pagkakataong ito, pagbibidahan nina Kim Chiu at Paulo Avelino ang Philippine Adaptation ng hit South Korean rom-com na What's Wrong With Secretary Kim?

Ang adaptation na ito ay collaboration ng VIU Philippines at ng ABS-CBN na ipo-produce naman ng Dreamscape Entertainment.

Samantala, napansin ngayon ng ilang mga netizens ang pag-iwas ni Kim Chiu sa mga katanungan ng mga netizens patungkol sa kanila ni Xian Lim. Hindi katulad noon na palaging nagbibigay ng update si Kim Chiu at palaging sinasagot ang katanungan kanilang fans patungkol sa relasyon nila ni Xian.

View this post on Instagram

A post shared by Kim Chiu 🌸 (@chinitaprincess)

Vice Ganda Ni-Real Talk Si Cristy 'Fermin' Sa It's Showtime

 Tila nakaganti ang Unkabogable Star na si Vice Ganda sa Veteran Showbiz Columnist na si Cristy Fermin na ilang beses ding pumupuna sa kanya. 

Si Vice Ganda naman ang naka-iskor ngayon kay Cristy Fermin ng pagkatuwaan niya ang isang contestant sa It's Showtime na may pangalang Cristy.

Sa isang segment ng It's Showtime na Mechus-Mechus may isang contestant na nagngangalang Cristy, dahil dito, hindi na nagpapigil pa si Vice Ganda na magpasaring kay Cristy Fermin. Habang kaharap ang Cristy ng contestant nila.

Ayon kay Vice Ganda, "Kumusta ka Cristy? Ano ang pinagkakaabalahan mo bukod sa paggawa ng mga kasinungalingan."

Napahiyaw at nagtawanan naman ang mga madlang pipol sa naging pahayag na pasaring ni Vice Ganda laban kay Cristy Fermin. Maging ang kanyang co-host na si Vhong Navarro ay hindi maipinta ang kanyang reaction.

Hindi naman lingid sa kaalaman ng lahat na isa ang beteranang showbiz columnist na si Cristy Fermin sa mga taong pumupuna kay Vice Ganda.

Sa katunayan, karamihan sa mga topic sa pag-uusap nina Cristy Fermin sa kanyang vlog si Vice Ganda.

Kamakailan lamang, pinuna ni Cristy Fermin ang pakikitungo ni Vice Ganda sa isang audience sa It's Showtime na humingi ng picture rito.

Gayunpaman, kaagad na rumesbak ang mga madlang pipol at ipinunto nila kay Cristy Fermin na nakikipagbiruan lamang si Vice Ganda sa nasabing audience kaya naman hindi na umano ito dapat na siniseryoso.

Sa kabilang banda, wala pang tugon si Cristy Fermin sa hirti na ito ni Vice Ganda laban sa kanya.

Gayunpaman, inaasahan na ngayon ng mga madlang pipol na reresbak si Manay Cristy Fermin sa pasaring ni Vice Ganda laban sa kanya. Sigurado umanong may ilalabas na naman itong puna laban kay Vice Ganda.

Samantala, narito naman ang ilang komento ng mga netizens sa isyung ito.

"lafttip yung cristy sinungaling 🤣🤣🤣"

"ang unfair nmn ng mechoose ... ung iba ngkaron ng chance ... samantlng ung dalawang pair wlaa ng chance😞😞😞pnget nmn ng rules dahil overtime na😣😣😣"