Ginawa Ng Mga Kaibigan Ni Kathryn Bernardo Kay Daniel Padilla, Andrea Brillantes

 Nagbigay na ng pahayag ang Box Office Director na si Cathy Garcia hinggil sa kumakalat na balitang in-unfollow niya sa Instagram ang Kapamilya actor na si Daniel Padilla, sa gitna ng isyung naghiwalay na sina Kathryn Bernardo at Daniel Padilla.

Kamakailan lamang, napansin ng ilang mga netizens na hindi naka-follow sa official Instagram account ni Daniel Padilla si Cathy Garcia, kinunan ito ng screenshot at ipinakalat naman sa iba'-ibang social media platforms.

Makikita rin sa mga nasabing screenshot na naka-follow naman si Direk Cathy Garcia kay Kathryn Bernardo. Samantala, makikita namang naka-follow si Daniel Padilla kay Cathy Garcia.

Dahil dito, nagkaroon ng iba't ibang espekulasyon ang ilang mga netizens hinggil sa umano'y pag-unfollow ni Direk Cathy kay Daniel Padilla gayung hindi naman lingid sa kaalaman ng lahat na malapit sila sa isa't-isa.

Si Direk Cathy Garcia ang direktor ng limang pelikula na pinagbidahan nina Kathryn Bernardo at Daniel Padilla kaya naman napalapit na rin sila sa isa't-isa. Sa katunayan, invited pa noon sina Kathryn at Daniel sa kasal ni Cathy Garcia.

Si Direk Cathy Garcia rin ang director ng tatlong teleserye ng KathNiel ang Got 2 Believe, Pangako Sa'yo at La Luna Sanggre. Siya rin ang direktor ng dalawang box-office film na The How's of Us at She's Dating The Gangster.

Samantala, sa isang Instagram post ni Direk Cathy Garcia nitong myerkules, tuluyan na niyang binasag ang kanyang katahimikan patungkol sa umano'y pag-unfollow niya kay Daniel Padilla.

Ibinahagi ng direktor ang mga screenshots na kumakalat kung saan makikitang hindi niya pina-follow si Daniel Padilla.

Ayon kay Cathy Garcia, talagang walang makikitang Daniel Padilla sa kanyang following list dahil noon pa man ay hindi na umano niya pina-follow ang aktor.

Hiniling din niya sa mga netizens na huwag na siyang idamay pa sa isyu ng KathNiel dahil wala umano siyang alam sa pinagdadaanan ngayon ng dalawa.

"Mga bakla huwag niyo na po ako idamay dito. Wala talaga kayong makikitang supremo dj sa followed ko kasi hindi ko naman siya fina-follow noon pa. Di ko alam totoong account niya kasi. 20 nga lang fina follow ko e. Noon pa. Kaya Huwag na po nating gawing issue.

Wala nga akong alam inangkupo."

Matatandaan na noong November 8, lalong lumakas ang isyung naghiwalay na ang longtime celebrity couple na sina Daniel Padilla at Kathryn Bernardo nang isiwalat ni Ogie Diaz sa isa sa kanyang mga vlog ang isyung ito.

Dawit sa hiwalayan ng dalawa ang pangalan ng isa pang Kapamilya actress na si Andrea Brillantes na nili-link kay Daniel Padilla at palihim na nagkikita ang dalawa.

Gayunpaman, nilinaw ni Ogie Diaz na hindi pa naman kumpirmado ang tsismis na ito at hindi umano nanggaling sa kanya ang balita.

Inalamahan naman ito ng mga KathNiel at tinawag na fake news peddler si Ogie Diaz dahil sa pagpapakalat niya sa hiwalayan ng dalawa gayung hindi pa naman ito kumpirmado.

November 10, tila pinabulaanan ni Daniel Padilla ang isyu nang ibahagi niya sa kanyang Instagram story ang video ni Kathryn habang naghahanda sa isang photoshoot sa Preview.

Sa mga sumunod na araw, makikitang nagkasamang muli sina Kathryn Bernardo at Daniel Padilla sa isang event. Inirepost pa mismo ng aktres ang mga larawan nilang magkasama.

Sa kabilang banda, napansin rin ng mga netizens na in-unfollow na ngayon ng ilang mga celebrities na malapit kay Kathryn Bernardo sina Andrea Brillantes at Daniel Padilla. Kabilang sa mga ito sina Chie Felomino, Robi Domingo.

Makikita ring in-unfollow nina Miles Ocampo at Loisa Andalio sa kanilang Instagram account si Andrea Brillantes.

Dalawang Anak Nina Coco Martin, Julia Montes Pinangalanan Ni Cristy Fermin

 Kinumpirma ng veteran showbiz columnist na si Manay Cristy Fermin ang isyung may anak na ang Kapamilya actress na si Julia Montes at ang ama ay ang Kapamilya actor-director na si Coco Martin.

Usap-usapan ngayon sa social media ang mga isiniwalat ng veteran showbiz columnist na si Manay Cristy Fermin sa kanyang programa kung saan kinumpirma niya at pinangalanan ang umano'y dalawang anak nina Julia Montes at Coco Martin.

Naging usap-usapan ang totoong relasyon nina Julia Montes at Coco Martin nang lantaran na nilang ibinahagi ang kanilang mga larawan na magkasama sa social media.

Ibinahagi ng rumored couple ang kanilang mga sweet photos na magkasama sa kanilang pagbabakasyon sa Switzerland.

Samantala, muling napansin ng mapagmatyag na mga netizens ang madalas na pagtakip ni Julia Montes sa kanyang tiyan gamit ang jacket o ang kanyang bag.

Kaya naman, muling naghinala ang mga ito na nagdadalang tao ang aktres.

Sa kabilang banda, naging laman ng talakayan nina Manay Cristy Fermin, Romel Chika at Wendell Alvarez sina Julia Montes at Coco Martin.

Ipinahayag ng tatlo ang kanilang kasiyahan sa pagiging bukas nina Coco Martin at Julia Montes sa kanilang relasyon sa publiko.

Ipinahayag din nila ang kanilang kasiyahan kung sakaling muling nagbubuntis si Julia Montes. Isiniwalat pa ni Manay Cristy Fermin na ikatlong anak na ito ng dalawa kung sakali mang nakabuo na muli ang mga ito.

Pagbubunyag ni Cristy Fermin, "Totoo po na meron na silang anak. Apat na taong gulang na po ang batang babae na panganay nila.

"Bakit ko po sinabing panganay? May kasunod na po ang bata, nagdadalawang taon naman po at lalaki."

Bukod dito, ipinahayag din ni Cristy Fermin ang mga pangalan ng mga anak nina Julia Montes at Coco Martin.

"Ang pangalan ng panganay nila ay Matilda. Ang bata pong ito, ang pangalan ay isinunod sa nagpalaking lola kay Coco at kamakailan lang po ay bininyagan naman ang batang lalaki.

"Siguro po, naramdaman niyo rin po yun nung may nagpost sa party na meron pong cake sa likod na may nakasulat na Popoy. Yun po ang ikalawang anak nina Coco at Julia, si Popoy.

"Kaya dalawa po ang kanilang anak, isang babae, isang lalaki."

Samantala, inilarawan din ni Cristy Fermin ang hitsura ng dalawang bata. Ang bunso umano ay kuhang-kuha ang mga mata ni Coco Martin samantalang kamukhang-kamukha naman umano ni Julia ang panganay na babae.

Sa kabila nito, ipinahayag naman ni Cristy Fermin na naiintindihan umano niya sina Coco Martin at Julia Montes kung bakit iniiwas nilang mapag-usapan sa showbiz ang kanilang mga anak bilang magulang.

"Kung hindi man po magsalita si Coco Martin at Julia sa pagkakataong ito, naiintindihan pa rin po natin. Ang gusto lamang po nila ay tahimik na buhay at pribadong buhay."

Samantala, narito naman ang ilang mga komento ng mga netizens hinggil sa isiniwalat ni Cristy Fermin patungkol kina Coco Martin at Julia Montes.

"As a cocojul fan since day 1, basta in love parin ang cocojul masaya na ako. Ang mga anak at kasal ay bonus na para sa aming mga fans. At tama po kayo, hindi nakakasira ng career ng cocojul ang balitang may anak sila kasi pareho silang mabait. Bilang mga artista sila, si julia walang negative issue. Si coco may issue here and there, pero yung core values ni coco intact."

"I love your comments about coco and julia...sila lang ang nakilala kong loveteam na tahimik at masaya ang lovelife... Mabait talaga si coco at julia kaya di impossible na maraming nagmamahal sa pagmmahalan nila."

"Coco Martin and Julia Montes are not obligated to tell everything in their lives. Yes we idolize them but let's give them even a little piece of privacy."

Ricci Rivero Viral Dahil Sa Reaksyon Ng Hiwalayan Kathniel Bernardo at Daniel Padilla

Hanggang ngayon ay hindi pa rin natatahimik ang ingay patungkol sa isyung naghiwalay na ang longtime celebrity couple na sina Kathryn Bernardo at Daniel Padilla.

Sa patuloy na pag-ingay sa isyung hiwalayan nina Kathryn Bernardo at Daniel Padilla may panibagong pangalan na pinang-uusapan ngayon ng mga netizens ang pangalan ni Ricci Rivero.

Binalikan ng ilang mga netizens ang naging bwelta ni Ricci Rivero sa tweet ng bestfriend ni Andrea Brillantes na si Bea Borres.

Kung saan nabanggit ni Ricci Rivero ang pahayag na 'time is the ultimate truth teller.

Pahayag noon ni Ricci Rivero, "Di ba dinadamay nila yung isa na walang kasalanan? Dahil ngayon nagsasalita na ako pumapatol na? Antayin natin yung time is the ultimate truth teller ng magkaalaman sino talaga, isama kita sa washing machine eh”

Dahil sa pagkakaugnay ngayon ng pangalan ni Andrea     Brillantes sa hiwalayang Kathryn Bernardo at Daniel Padilla, hinala ng mga netizens na ito na ang sinasabi ni Ricci Rivero sa kanyang tweet patungkol sa 'time is the ultimate truth teller'.

Matatandaan na si Andrea Brillantes ang itinuturong third party sa hiwalayan ng KathNiel dahil sa palihim umano na pagkikita ng dalawa.

Samantala, sa naunang bwelta noon ni Ricci Rivero sa kaibigan ni Andrea Brillantes, nabanggit niya ang tungkol sa totoong nangangabit.

Noong una, inakala ng marami na bwelta ni Ricci ang kanyang tweet kay Bea Borres, kung saan si Bea ang pinagsasabihan ni Ricci Rivero na nangangabit, subalit, ngayon napagtanto ng mga netizens na tila para kay Andrea Brillantes ang naging pahayag ni Ricci Rivero.

“puro tweet Bea gusto mo maglabasan tayo ng labada? Tara sabihan tayo kung sino talaga kumakabit? Hingi  ka lifeline para may bala ka bago ka magreply publicly for your publicity. Sayang pakikialam mo kung di ka kasama sa headline.”

Hinala ng mga netizens na noon pa man ay may alam na si Ricci Rivero sa umano'y palihim na pagkikita nina Andrea Brillantes at Daniel Padilla kaya naman ganun na lamang ang tapang nito sa pagpapahayag patungkol sa totoong kabit.

Maging ang veteran showbiz columnist na si Manay Cristy Fermin ay naniniwala ring noon pa man ay may alam na si Ricci Rivero at umano'y nanahimik lamang ito sa una para hindi na mapag-usapan pa.

Subalit, nang ma-provoke na umano ito dahil sa natatanggap na pambabatikos mula sa kampo ni Andrea Brillantes, subalit nang maprovoke na umano ito ay doon na bumwelta. Hindi lamang nito idinetalye ang isyu ng pangangabit.

“Para bang ang laman n’on e sino ang nauna sa kanilang dalawa… Reading between the lines para bang ang ibig sabihin ng basketbolista e ‘Ano? Magkakasama kayo hindi n’yo alam? Sino ba ang nauna sa aming dalawa?’ Parang ganoon. ‘Yun ang naglalaro sa utak niya,” saad ni Cristy Fermin.

Sa kabilang banda, tila nilinaw na ni Daniel Padilla ang isyu sa pagitan nila ni Kathryn Bernardo kung saan ipinahayag niyang walang dapat ipag-alala ang kanilang mga fans dahil ginagawa niya ang lahat para hindi sila tuluyan na masira ni Kathryn Bernardo.

Ogie Diaz Nagbigay ng Saloobin Sa Unfollow Rumor nina Kathryn Bernardo, Andrea Brillantes

Ibinahagi ng talent manager at entertainment columnist na si Ogie Diaz sa isang Facebook post ang kanyang saloobin sa kamakailang isyu tungkol sa mga napapabalitang unfollowing activities na kinasasangkutan ng mga Kapamilya celebrity na sina Kathryn Bernardo, Daniel Padilla, at Andrea Brillantes. 

Sa kanyang official Facebook page, isiniwalat ni Ogie Diaz ang lumalalang tsismis ng follow-unfollow actions, sa espekulasyon na maaaring i-unfollow ng mga tagasuporta ni Kathryn Bernardo si Andrea Brillantes dahil sa hindi na-verify na tsismis na nag-uugnay kay Daniel Padilla sa huli.

"Grabe na yung isyu ng follow-unfollow. Dahil maraming nagmamahal kay Kathryn Bernardo, bilang pakikisama, ayun, pinag-a-unfollow nila si Andrea Brillantes."

Nagbiro pa si Ogie Diaz na hindi niya kailanman ia-unfollow sa Instagram sina Kathryn Bernardo at Daniel Padilla.

"Anyway, wag kayong mag-alala, Kathryn, DJ at Blythe. Kahit di n’yo ako pina-follow sa instagram ko (@ogie_diaz), hindi ko kayo ia-unfollow."

Dagdag pa ni Ogie Diaz, "Nakaka-tense na sa mga panahon ngayon na mababalita kung ina-unfollow mo ang isang tao."

“Eh, paano nga kung i-unfollow ko yang tatlong bagets na yan tapos hindi naman maibalita o ma-viral na ‘Ogie Diaz, in-unfollow na sina KathNiel at Andrea!‘ 

“Ako pa napahiya, di ba? Kaya ayoko nang mag-dare mag-unfollow. Baka sabihin, isa’t kalahating inggitera lang ako. “Pero ano nga kaya kung i-deactivate ko yung IG ko? Ma-viral na kaya?”

Matatandaan na nagtrending sa social media si Ogie Diaz nang kuyugin siya ng mga KathNiel fans matapos niya isiwalat ang nakarating sa kanyang tsismis patungkol sa paghihiwalay ng KathNiel.

Marami sa mga fans ang nainis sa pagpapakalat umano ni Ogie Diaz ng fake news patungkol sa kanilang mga idolo gayung hindi pa naman kumpirmado ang hiwalayan ng dalawa.

Kaila Estrada, Naglabas Ng Mensahe Para Sa Kanyang Ama

 Hindi napigilan ng Kapamilya actress na si Kaila Estrada na maging emosyunal sa isang panayam ni Bernadette Sembrano lalo na nang magbigay siya ng mensahe para sa kanyang ama na si John Estrada.

Noon pa man ay hinahangad na umano nila ang pagkakataon na maging maayos ang kanilang relasyon kaya naman labis siyang nagpapasalamat ngayon.

"Siguro kay dad, thank you kasi... ito 'yung time na, Parang 'yung relationship namin kasi, ito 'yung hinahanap namin noon pa. So I'm glad na we're at this point in our lives already na okay talaga kaming lahat. And it really, truly is a blessing."

 Hindi naman lingid sa kaalaman ng publiko na mula sa isang broken family si Kaila Estrada. Bata pa lamang siya nang magpasyang maghiwalay ang kanyang mga magulang. Hindi rin naging maganda ang hiwalayan ng mga ito kaya naman hindi sinasadyang nadadamay silang magkakapatid.

Gayunpaman. malaki pa rin ang pasasalamat ni Kaila sa kanyang ina na si Janice De Belen sa pagtataguyod sa kanilang magkakapatid.

Subalit ngayon, walang pagsidlan ang kasiyahan ni Kaila dahil sa pagiging present na umano ni John sa kanilang magkakapatid. 

"Thank you kasi, You really made an effort din to become close to us," pahayag ni Kaila.

Miss Universe Ph, Ipinaliwanag Ang Dahilan Ng Pagpapaalis Ky Michelle Dee Sa TV Guesting Sa Mexico

 Nagbigay na ng pahayag ang Miss Universe Philippines Organization hinggil sa mga kumakalat na video sa social media na umano'y pinagkaisahan si Michelle Dee sa naganap na guesting nila sa Mexico.

Bilang tugon sa nasabing viral video na kumakalat ngayon, naglabas na ng pahayag ang Miss Universe Philippines Organization upang linawin ang mga pangyayari na nakapalibot sa isang insidente kung saan lumalabas na pinaalis si Michelle Dee sa isang guest appearance sa isang Mexican television show.

Makikita sa video, ang paglapit ng dalawang babae kay Michelle Dee upang i-escort siya palayo sa mga kasamahan habang nagsasagawa ng photo opt.

Nang makaalis sa stage tila pinag-uusapan si Miss Universe Philippines 2023 Michelle Marquez Dee ng mga nakasama niya entablado kabilang na ang may-ari ng Miss Universe Organization na si Anne Jakrajutatip at mga kapwa contestant mula sa Lebanon, Germany, Colombia, Thailand, at USA.

Sa gitna ng espekulasyon at pag-aalala ng ilan sa mga tagahanga ni Michelle na naniniwalang maaaring nahaharap ito sa kahihiyan o pambu-bully, tinugunan ng Miss Universe Philippines Organization ang sitwasyon sa kanilang Facebook pos. 

Ayon sa Miss Universe Philippines Organization, na ang pag-alis ni Michelle ay nangyari pagkatapos ng segment. Nilinaw din nila na ang pag-alis ni Michelle ay dahil nagpaalam itong magpahinga na muna dahil sumakit ang ulo nito dahil sa busy schedule.

Hiniling umano mismo ni Michelle Dee na bumalik na siya sa kanyang tinutuluyang hotel room upang makapagpahinga.

Kathryn Bernardo Hindi Binati Si Karla Estrada sa Kaarawan

 Usap-usapan ngayon sa social media ang patuloy na pananahimik ng KathNiel sa isyung kinaharap nila ngayon, maging ang dati nilang tagapagtanggol sa mga bashers na si Karla Estrada ay nanahimik rin.

Sa kamakailang kaarawan ni Karla Estrada kung saan ipinagdiwang niya ang kanyang ika-49 na kaarawan, kaagad na napansin ng mga netizens na hindi nila nakasama si Kathryn Bernardo.

Hindi rin binati ng aktres ang ina ni Daniel Padilla na dati naman niyang ginagawa noon. Gayunpaman, hindi naman nagsasalita si Karla Estrada kung personal o nagpadala ng private message si Kathryn Bernardo para batiin siya.

Kasunod nito, ibinahagi naman ni Karla Estrada ang isang cryptic post na hinala ng ilang mga netizens ay may kaugnayan sa nangyayari ngayon sa pagitan ng kanyang anak at Kathryn Bernardo.

“Hindi mo utang sa iba ang buhay mo. Wag mong gawing props lang ang pagkatao mo para mapasaya mo lang ang iba. Pasayahin mo ang iyong sarili, deserve mo yun! At kung ang iba ay hindi natutuwa, bahala sila, kalungkutan na nila yun.”

Hindi naman napigilan ng ilang mga fans na mag-alala sa totoong nangyari sa pagitan ng magkasintahan.

Gayunpaman, naniniwala pa rin ang ilang mga fans sa naging pahayag ni Daniel na aayusin niya at siya na ang bahala sa relasyon nila ni Kathryn.

Kathryn Bernardo, Daniel Padilla Lilipat Na Ng Ibang Talent Agency

 Usap-usapan pa rin hanggang ngayon sa ilang mga social media platforms at ilang mga entertainment sites ang isyu ng hiwalayan ng celebrity couple na sina Kathryn Bernardo at Daniel Padilla.

Kasunod ng mga isyung ito, may naglabasang mga speculations na iiwan na umano ng KathNiel ang ABS-CBN Star Magic.

Ayon sa isang source, hanggang ngayon ay hindi pa umano nagrerenew ng kontrata ang KathNiel sa ABS-CBN gayung nag-expire na umano ang kanilang mga kontrata nitong taon.

Sa katatapos lamang na Christmas event ng Star Magic nitong sabado, kapansin-pansin na hindi dumalo ang KathNiel. Gayung hindi naman lingid sa kaalaman ng lahat na mga Star Magic talent silang dalawa.

Marami na rin ang nakapansin na hindi sumisipot ang dalawa sa iba pang mga Star Magic event ngayong taon.

Samantala, kumalat naman ngayon sa social media ang larawan nina Daniel Padilla at Kathryn Bernardo kung saan kasama nila si Maja Salvador.

Hinihikayat umano ngayon ni Maja Salvador ang dalawa na lumipat na sa kanyang talent agency na Crown Artist Management ngayong nag-epire na umano ang kontrata ng dalawa sa ABS-CBN at Star Magic.

Sa kabilang banda, wala pa namang ipinapalabas na pahayag ang ABS-CBN at ang Star Magic hinggil sa isyung hindi na irerenew ng KathNiel ang kanilang kontrata.

Pamilya Ni Anabelle Rama Kinumpirma Ang Hiwalayan Nila Richard Gutierrez at Sarah Lahbati

Bukod sa hiwalayan ng longtime celebrity couple na sina Kathryn Bernardo at Daniel Padilla, naging matunog din ang isyung naghiwalay na rin ang mag-asawang Sarah Lahbati at Richard Gutierrez.

Tila kinumpirma na ng Gutierrez family ang hiwalayan nina Richard Gutierrez at asawa nitong si Sarah Lahbati. 

Kamakailan lamang ay nagkaroon ng mahalagang okasyon ang pamilya Gutierrez kung saan ipinagdiwang ng buong pamilya ang baptizing ng anak ng kapatid ni Richard na si Rocky Gutierrez.

Ibinahagi ni Ruffa Gutierrez sa kanyang social media account ng larawan ng kanyang kapatid na si Richard Gutierrez kung saan kasama nito ang kanyang mga anak. Sa pagkakataong ito ay hindi rin nila kasama si Sarah Lahbati.

Makikita rin sa mga ibinahaging video ng pamilya na marami silang bisita katunayan nakita pa sa video ang rumored boyfriend ni Ruffa Gutierrez na si Bistek Herbert Bautista. Naroon din ang iba pa nilang mga kamag-anak.

Hindi naman lingid sa kaalaman nang lahat na dati ay palaging nakakasama si Sarah Lahbati sa mga okasyon at events ng mga Gutierrez dahil malapit siya sa mga ito, lalong lalo na kay Ruffa Gutierrez.

Sa katunayan, noong may hindi pagkakaunawaan sina Sarah Lahbati at Richard Gutierrez ay nagkakasama pa rin sina Ruffa at Sarah.

Naninibago ngayon ang mga netizens kung bakit hindi na namamataan si Sarah Lahbati sa mga okayon at events ng pamilya Gutierrez na naging dahilan ng paglabas nang isyung naghiwalay na ang mag-asawa.

Samantala, sa kamakailang binyag ng anak ni Rocky Gutierrez na si Maria Athena, makikitang naroon ang lahat ng malalapit na pamilya ng mga Gutierrez at tanging si Sarah lamang ang wala roon.

Sa ngayon ay hindi pa rin naglalabas ng anumang pahayag si Anabelle Rama hinggil sa nasabing isyu na ikinagulat ng mga netizens dahil hindi naman lingid sa kaalaman ng lahat kung gaano ka palaban itong si Anabelle sa mga isyu ng kanyang mga anak.

Napansin din na tinanggal na ngayon ni Sarah Lahbati sa kanyang Instagram profile ang apilyedong Gutierrez na tila pahiwatig umano nito na ayaw na niyang makipag-ugnayan sa mga ito.

Ricci Rivero, May-Alam Sa Lihim Na Pagkikita Ni Daniel Padilla, Andrea Brillantes

Usap-usapan ngayon sa social media ang naging pahayag ng veteran showbiz columnist na si Manay Cristy Fermin sa kanyang online program, kung saan ipinahayag niyang may alam ang kampo ni Ricci Rivero sa isyung palihim na nagkikita sina Andrea Brillantes at Daniel Padilla.

Binalikan din nina Cristy Fermin ang naging bwelta ni Ricci Rivero sa naging tweet noon ng best friend ni Andrea Brillantes, patungkol sa totoong nangangabit.

Pahayag noon ni Ricci Rivero, “puro tweet Bea gusto mo maglabasan tayo ng labada? Tara sabihan tayo kung sino talaga kumakabit? Hingi  ka lifeline para may bala ka bago ka magreply publicly for your publicity. Sayang pakikialam mo kung di ka kasama sa headline.”

Hinala ni Cristy Fermin na noon pa man ay alam na umano ni Ricci Rivero na palihim na pumupunta o nagkikita sina Andrea Brillantes at Daniel Padilla.

Kaya naman, may lakas umano ito ng loob na magbahagi ng ganung tweet dahil may pinanghahawakan itong ebedensya laban kay Andrea Brillantes.

“Para bang ang laman n’on e sino ang nauna sa kanilang dalawa… Reading between the lines para bang ang ibig sabihin ng basketbolista e ‘Ano? Magkakasama kayo hindi n’yo alam? Sino ba ang nauna sa aming dalawa?’ Parang ganoon. ‘Yun ang naglalaro sa utak niya,” saad ni Cristy Fermin.

“At ito na nga, alam na alam daw ng kampo nitong si Ricci Rivero ‘yung lihim na pagkikita ni Daniel saka ni Blythe. Alam mo kung alam niya ‘yun at ‘di siya nagsasalita, napakabait ni Ricci,” segunda naman ni Romel Chika.

Ayon pa kay Cristy Fermin na kung gustong kumuha ng simpatya ngayon si Ricci Rivero mula sa mga netizens ay ipahayag na niya ang totoong alam niya sa relasyon nina Andrea Brillantes at Daniel Padilla.

Narito naman ang ilang komento ng mga netizens hinggil sa mga isiniwalat nina Cristy Fermin, Romel Chika at Wendell Alvarez.

"If there is truth to this third party issue with kathniel, I feel for Kathryn. She invested her time, love and loyalty and what she got in return is unforgivable. It’s not just Kathryn , it is also Kathryn’s family who treated Daniel as a son and Kathryn’s mom who also looks after Daniel. 

"It is sad that this happened to Kathryn being this is not the first time. Loyalty is important to Kathryn, in one of her interviews, she mentioned that Loyalty means contentment. Be contented with what you have, bakit pa mag hahanap nang iba.

"As sad as it is, maybe they are not meant to be. Kathryn deserves a man who will treat her right, will not control her, respect her , love her unconditionally and will be faithful to her. Marami ang nag aabang for her to be single again. Daniel does not deserve Kathryn’s love and loyalty."

"Kapag nagcheat na ang lalaki or babae, nawala na ang napakahalagang aspeto ng relasyon which is trust and respect. Kapag hindi kana nirerespect ng kapartner mo, gagawin niya kahit makasakit sayo, kapag wala ng trust ang relasyon, magiging toxic ang relasyon dahil lagi ka nalang naghahanap ng rason para maging paranoid. 

"Kapag ang kapartner mo ay nagdecide na magcheat, it is because ready sila na mawala ang kung anong meron kayo. Sana huwag na itolerate ni Kathryn dahil this is the right time to let go of the man-child. Do not wait too long dahil tumatanda na."

Andrea Brillantes, Ibinahagi Ang Mga Katangian Na Hinahanap Niya Sa Isang Lalaki

Sa gitna ng mainit na isyung kinakaharap ngayon ng Kapamilya star na si Andrea Brillantes, kung saan itinuturo siya bilang third party sa hiwalayan ng longtime celebrity couple na sina Kathryn Bernardo at Daniel Padilla, ibinahagi ng aktres ang katangian na gusto niya sa isang lalaki.

Sa kamakailang vlog ni Luis Manzano, ininterview niya ang isa sa mga controversial young Kapamilya Star na si Andrea Brillantes.

Kaagad namang nagtrending at naging laman ng mga usap-usapan sa social media ang mga pahayag na binitiwan ng aktres sa nasabing panayam.

Mainit na pinag-uusapan ngayon ang young actress na si Andrea Brillantes dahil sa pagkakadawit niya sa isyu ng hiwalayan umano nina Kathryn Bernardo at Daniel Padilla.

Bagama't nananatiling tahimik ang tatlo hinggil sa nasabing isyu, kamakailan ay nagviral ang biglaang pag-unfollow nina Kathryn Bernardo at Andrea Brillantes sa isa't-isa.

Inaasahan ng maraming netizens na may ilalabas na impormasyon si Andrea Brillantes patungkol sa isyung kinakaharap sa kanyang pagiging guest sa Youtube vlog ni Luis Manzano. Subalit, nananatiling tikom ang bibig ng aktres.

Gayunpaman, naging laman ng mga usap-usapan ang pagbabahagi ni Andrea Brillantes sa mga katangian ng lalaking hinahanap niya ngayon.

Ayon kay Andrea Brillantes, nangunguna sa mga katangian ng lalaking gusto niya ay ang pagiging faithful. Ipinaliwanag pa niya ang kaibahan ng pagiging faithful at loyal.

Ang pagiging faithful, kahit anong ganda ng babaeng makikita nito ay hinding-hindi ito maa-attract. Samantalang ang loyal naman ay naa-attract umano sa ibang mga babaeng magaganda, subalit at the end of the day, iisa lamang umano ang mahal nito.

“Iba kasi ang loyal sa faithful. Ang loyal kahit may dumaan na chix, titingin yan pero dun pa rin siya sa taong mahal niya.

“Ang faithful kahit may chix dyan, hindi. Titingin lang ako sa asawa ko sa love of my life. Ganun ang faithful.”

Alam naman umano ni Andrea Brillantes na sa panahon ngayon ay mahirap nang makahanap ng lalaking faithful kaya naman, kontento na umano siya kung makahanap siya ng lalaking loyal.

Idinagdag na din ni Andrea Brillantes ang mga katangiang, maalaga, gentleman, marespeto at totoong lalaki. Iginiit pa ni Andrea Brillantes na ayaw niya ngayon sa 'boy' dahil mas gusto na niya ang isang 'real man'.

“A real man, I believe they know how to settle. Alam nila kung paano makontento sa isa. At isa lang talaga gussto ko ng one-woman man. Ang totoong lalaki for me, hindi yan nagsisinungaling talaga. Alam niya kung paano aminin yung katotohanan nang buong-buo.”

Dagdag pa ng aktres, “Kumbaga, I don’t want a boy, I want a man. That’s what I need.”

Sa kabila ng mga pambabatikos na natatanggap ngayon ni Andrea Brillantes nagpapasalamat pa rin siya dahil may natatanggap pa rin umano siyang blessings.

Direk Cathy, Nagsalita Na Hinggil Sa Hiwalayan Isyu Nina Daniel Padilla at Kathryn Bernardo!

 Hanggang ngayon ay hindi  pa rin natatahimik ang isyu ng hiwalayan ng longtime celebrity couple na sina Kathryn Bernardo at Daniel Padilla, lalo pa itong uminit nang napansin ng mga netizens na maging si Direk Cathy Garcia ay in-unfollow na rin si Daniel Padilla.

Kamakailan lamang ay naging usap-usapan ang biglaang pag-unfollow ni Kathryn Bernardo sa kapwa Kapamilya star na si Andrea Brillantes.

Ito'y kasunod ng mga usap-usapan na umano'y si Andrea Brillantes ang dahilan ng paghihiwalay nila ni Daniel Padilla dahil palihim na nagkikita ang dalawa.

Sa kasunod na araw si Andrea Brillantes naman ang nag-unfollow kina Kathryn Bernardo at Daniel Padilla na para sa ilang mga netizens kumpirmasyon na umano na totoong may hindi pagkakaunawaan sa pagitan nilang tatlo.

Samantala, muling napansin ng mga netizens na in-unfollow naman ngayon ni Direk Cathy Garcia si Daniel Padilla. Dahil dito, marami ang naghinalang may hindi magandang nangyayari sa pagitan ng KathNiel na patuloy lamang nilang nililihim sa kanilang mga fans.

Hindi naman lingid sa kaalaman ng mga KathNiel fans at ng mga netizens na hindi lamang basta direktor ang relasyon ni Direk Cathy sa magkasintahang Daniel Padilla at Kathryn Bernardo.

Sa katunayan, noong ikinasal si Direk Cathy Garcia ay inimbitahan niya sina Kathryn Bernardo at Daniel Padilla.

Samantala, dahil sa pag-unfollow ni Direk Cathy Garcia kay Daniel Padilla, lalong lumakas ang mga usap-usapan at mga espekulasyon na naghiwalay na ang dalawa.

Nauna nang naiulat ang balitang hindi na maayos ang relasyon nina Kathryn Bernardo at Daniel Padilla dahil sa pagkakaroon ng ibang babae ng aktor sa katauhan naman ni Andrea Brillantes.

Dahil si Daniel Padilla lamang ang in-unfollow ni Direk Cathy Garcia, hinala ng maraming netizens na totoong may kasalanan si Daniel Padilla sa relasyon nila ni Kathryn Bernardo.

Sa kabila ng mga resibong ito na tila nagpapatunay sa hiwalayan ng KathNiel, naniniwala pa rin ang mga tagahanga ng celebrity couple na hindi magagawa ni Daniel Padilla na lokohin ang kanyang girlfriend na si Kathryn Bernardo.

Hindi rin umano magagawa ni Daniel Padilla na pumatol sa ibang babae habang sila pa ng kanyang girlfriend.

Samantala narito naman ang ilang komento ng mga netizens hinggil sa pag-unfollow ni Direk Cathy Molina kay Daniel Padilla.

"Basta ako Kathryn pa rin Kahit wlang Dj okay lang sikat na sikat nga si Kathryn sa International all over the world maraming may gusto sa kanya lalo na ang mga foreigners kasi ibang iba ang beauty Nya ASIAN BEAUTY talaga. Your my Princess Kathryn sana marami ka pang INTERNATIONAL MOVIES DTO LANG KAMI TO SUPPORT YOU. MARAMING NAGMAMAHAL SA IYO KEEP UP."

"Direk Cathy  your film is one that can wake Daniel from what needs to be fulfilled"

"Delulu ibang fans pls don’t defend cheating proof na na yung mga true friends ni Kath i unfollow si Andrea proof na na hnd nila inaaddress yung matter   Khit ngaun na malaki na it’s because it’s true kaya hnd nila madefend kaya quiet nlng sila.

"I feel bad for the wasted years but I’m happy na nadiscover ni Kath before they get married means that it’s a blessing in disguise, a way of God showing her she deserves better she doesn’t need a man to stand by her she can make a blockbuster on her own now for DJ Panindigan mo yan! For Andrea nman have you ever listen to Karma by Taylor Swift?"

"Kath don't fight that love he can't deserve it if he leave you now its ok move on in the future carma coming both them your the one best of them your not poor of love in the future one man come to you its better than him now God help Amen"

Daniel Padilla Nangako Na Aayusin Ang Relasyon Nila Ni Kathryn Bernardo

 Binasag ng Kapamilya actor na si Daniel Padilla ang kanyang katahimikan hinggil sa napapabalitang hiwalayan nila ng kanyang longtime girlfriend na si Kathryn Bernardo.

Lalong lumalakas ang mga bulong-bulungan ngayon patungkol sa totoong estado ng relasyon nila ng kanyang nobya na si Kathryn Bernardo matapos nitong i-unfollow si Andrea Brillantes at ang pag-unfollow naman ni Andrea sa kanilang dalawa.

Samantala, tila hindi na nakapagtimpi ang ilang mga solid KathNiel fans at hayagan nang tinanong si Daniel Padilla kung ano ang nangyayari sa relasyon nila ni Kathryn.

Kaagad naman itong sinagot ng aktor kung saan ipinahayag niya na walang dapat na ipag-aalala ang kanilang mga fans dahil siya na niya umano ang bahala sa lahat para sa relasyon nila ngayon ni Kathryn.

“Relax na kayo aming mga KathNiels tama na ang pag-aalala. Breathe.. Ako na ang bahala sa lahat.”

Dagdag pa ni Daniel Padilla, “Mahal namin kayo sagad.”

Samantala, makikita naman na naka-follow sa nasabing Instagram account ng fans sina Daniel Padilla at Kathryn Bernardo, kaya naman masasabing legit at maasahan ang nasabing account.

Sa kabilang banda, hindi na makikita ngayon ang conversation na ito nina Daniel Padilla, dahil hiniling ng aktor na burahin na ito.

Dahil naman sa nasabing post, nagkaroon ng pagasa ang ilang mga KathNiel fans na maayos pa ng dalawa ang kanilang relasyon.

Sa ngayon ay hindi pa rin nagbibigay ng pahayag ang aktres na si Kathryn Bernardo hinggil sa nasabing isyu. Tila dinidedma na lamang ng aktres ang mga isyung ibinabato sa kanila ng kanyang boyfriend na si Daniel Padilla.

Buhok Sa Abandonadong Sasakyan Tumugma Sa Dna Ng Magulang Ni Catherine Camilon

 Kinumpirma ng mga awtoridad na ang DNA evidence na nakolekta mula sa abandonadong sasakyan na nauugnay sa pagkawala ng beauty queen na si Catherine Camilon ay tumugma sa sariling DNA ng kanyang mga magulang.

Sinabi ni Criminal Investigation and Detection Group Director Police Major General Romeo Caramat Jr. sa isang panayam ng ABS-CBN News nitong Lunes, November 20, na ang mga natagpuang hibla ng buhok at dugo sa abandonadong SUV ay tumugma sa mga sample ng DNA mula sa mga magulang ng nawawalang beauty queen na si Catherine Camilon.

Nauna nang naiulat na natagpuan ang sasakyan noong November 8 sa isang bakanteng lote sa Barangay Dumuclay, Batangas City. Iniulat ng PNP Forensic Group na 17 hibla ng buhok, fingerprints, at 12 pamunas ng mga sample ng dugo ang natagpuan sa loob ng nasabing sasakyan.

“It only says na ‘yung sinasabi ng mga witnesses natin na nakita nila na binubuhat si Miss Camilon ay positive. Confirmed na si Miss Camilon ‘yung nakita nila,” pahayag ng Police Director.

Nauna nang sinabi ng dalawang saksi na nakita nilang duguan at wala ng malay na si Catherine Camilon na inilipat ng tatlong lalaki mula sa kanyang kulay abong Nissan Juke patungo sa isang pulang Honda CRV sa bayan ng Bauan noong gabi ng October 12.

Sa kabila ng resulta ng DNA matching, sinabi ni Police Director Caramat na mananatili ang mga kasong kidnapping at serious illegal detention sa mga akusado hanggang sa mahanap na nila si Catherine Camilon.

Sa ngayon ay hindi pa rin natutukoy ng mga kapulisan ang kinaroroonan ni Catherine Camilon, hindi pa rin nila masasabi kung buhay pa ba ito o patay na matapos ang mahigit isang buwang pagkakawala.

“Up to now, hindi pa natin nakikita o narerecover ‘yung katawan ni Miss Camilon. Hindi pa natin alam kung siya ay buhay o patay na.”

Si Catherine Camilon ang naging kinatawan ng Tuy, Batangas sa Miss Grand Philippines 2023 pageant noong July. Huli siyang nakitang buhay sa isang mall sa bayan ng Lemery noong October 12, 2023.

Unang naiulat na nawawala si Catherine Camilon noong October12. Sinabi ng kanyang ina na si Rose Camilon na nakausap pa niya sa huling pagkakataon ang kanyang anak bandang alas-8 ng gabi ng October 12, kung saan sinabi sa kanya na ang 26-anyos na anak na nasa isang gasoline station sa Bauan at pupunta sa umano sa isang meetinsa Batangas City.

Pagkontra Ni Kathryn Bernardo Kay Daniel Padilla Senyales Ng Kanilang Hiwalayan

 Muling naging laman ng mga usapan nina Manay Cristy Fermin, Romel Chika at Wendell Alvarez sa kamakailang episode ng kanilang online program na Showbiz Now Na ang napapabalitang hiwalayan nina Kathryn Bernardo at Daniel Padilla.

Ipinahayag ni Cristy Fermin ang napapansin umano niyang pagkontra ni Kathryn Bernardo sa mga ipinagbabawal sa kanya ng kanyang boyfriend na si Daniel Padilla.

Matatandaan na nauna nang ipinahayag ni Cristy Fermin sa isang episode ng kanilang vlog na bukod sa pagiging seloso ni Daniel Padilla sa kanyang girlfriend ay konserbatibo din ito maging sa pananamit ni Kathryn Bernardo.

"Imagine, dati hindi nga natin makita ang leeg may takip lagi eh. Ngayon, ano ba ang isinusuot ni Kathryn sa mga picturia?" pahayag ni Cristy Fermin.

Sinegundahan naman ito ni Romel Chika na tanging 'heart' na lamang ang itinatakip ni Kathryn Bernardo sa itaas na bahagi ng kanyang katawan.

Ang tinutukoy ni Romel Chika na suot na heart ni Kathryn ay kuha sa naging picturial ng actress para sa isang kilalang lifestyle magazine kung saan ito ang cover girl.

Pagpupunto pa ni Manay Cristy Fermin, na ang mga ipinapakita lamang nina Kathryn Bernardo at Daniel Padilla ang naging dahilan kung bakit maraming mga netizens ngayon ang nag-iisip na hiwalay na sila.

"Kaya nag-iisip talaga e, nagbibigay sina Kathryn at Daniel ng senyales. Sa palagay ko, hiwalay na ito e. Bakit ganito na ang pananamit ni Kathryn, e napaka-protective ni DJ sa kanya."

Gayunpaman, sa isang pahayag na ibinahagi ni Kathryn sa video ng nasabing magazine na kanyang ginawan ng daring photoshoot ay kumakawala lamang umano ang akres sa mga expectations na itinatakda sa kanya ng mga tao sa kung ano lamang ang dapat niyang sabihin o gawin.

Matatandaan na naunang naiulat ang hiwalayan nina Daniel Padilla at Kathryn Bernardo nang kumalat ang isyung lihim na nakikipagkita ang aktor sa isa pang Kapamilya actress na si Andrea Brillantes.

Kasunod nito, nagsilabasan naman ang samu't-saring komento mula sa mga KathNiel fans.

May mga fans na tumitiwalag na sa kanilang fan dom dahil naniniwala silang niloloko lamang ni DJ si Kathryn Bernardo.

Gayunpaman, may naniniwala pa rin na walang katotohanan ang isyu at gawa-gawa lamang ito ng mga taong pilit na pinapabagsak ang dalawa.

View this post on Instagram

A post shared by Preview.ph (@previewph)

Mag Amang Maegan, Freddie Aguilar, Nagkaayos Na

 Hindi maitago ni Maegan Aguilar ang kanyang kasiyahan matapos niyang makitang muli ang kanyang ama na si Freddie Aguilar at ang kanyang mga anak.

Sa kanyang social media post, ibinahagi ni Maegan Aguilar ang ilang larawang kuha sa pakikipagkita nila kay Freddie na hindi na niya nakita mula noong 2019.

“Sa wakas nayakap ko na ulit ang tatay ko. I love you tay, salamat po sa pag tanggap ninyo sa amin at sa akin. I missed you so much tay & looking forward spending more quality time withyou and the kids and the rest of our family,” pahayag ni Maegan Aguilar.

Ipinahayag din niya ang kanyang kasiyahan na pagkatapos ng ilang taon, sa wakas ay nakita na rin niya ang kanyang mga anak.

“Finally with my daughters again! After being away from each other for a while.. God is truly good all the time,” dagdag pa ni Maegan.

Matatandaang nag-viral sa social media noon si Maegan, who’s known for her rocky relationship with her father, nang pumunta siya sa pamunuan ng Raffy Tulfo’s Wanted sa Radyo para humingi ng tulong at makiusap sa kanyang ama.

Gayunpaman, hindi nakatanggap si Maegan ng anumang tulong mula kay Freddie o kahit kay Raffy dahil sa kanyang mga bisyo.

Sinabi ni Freddie na tutulungan lamang niya si Maegan kung nakita na niya ang kalooban nitong magbago para sa ikabubuti ng kanyang sarili at para sa kanyang mga anak.

“Kasi si Maegan, sinasabi niya sa akin na, ‘Tay, nagbago na po ako.’ Sabi ko, ‘Anak, hindi mo kailangan sabihin na nagbago ka sa akin, e.

" Ako, malalaman ko yun anak kapag nagbago ka. Ako mismo magsasabi sa yo anak, anak, halika, nagbago ka na, e.’ Pero kako, hindi mo puwedeng sabihin lang, may kasamang action yan kako. 

"With what you’re doing now, hindi ka pa rin nagbabago,” pahayag ni Freddie Aguilar sa isang panayam.

Angelica Panganiban Hindi Makalakad Dahil Sa Sakit Na Avascular Necrosis

 Kamakailan lamang ay isiniwalat ng aktres na si Angelica Panganiban ang isang nakakalungkot na balita patungkol sa kanyang pinagdadaanan ngayon partikular na sa kanyang kalusugan.

Sa kamakailang episode ng kanyang YouTube vlog, ibinahagi ni Angelica Panganiban na mayroon siyang rare bone disease na naging dahilan upang hindi siya makalakad ng maayos.

Ayon sa pagbabahagi ni Angelica Panganiban sa kanyang vlog isiniwalat niyang may avascular necrosis, na naging sanhi ng pag-collapse ng kanyang mga bones.

Isiniwalat din ni Angelica Panganiban, na una niyang naramdaman ang mga sintomas ng kanyang sakit noong ipinagbubuntis niya ang unang anak nila ni Gregg Homan.

“Nagtanong-tanong ako sa mga doktor, and friends ko na naging mommy na rin and lahat naman sila sinasabi na it’s part of pregnancy. So nung nanganak ako, wala nakong time na pansinin yung mga masakit sa akin,” pahayag ni Angelica Panganiban.

Gayunpaman, kahit na nanganak na umano si Angelica ay nakakaranas pa rin siya ng kaparehong mga sintomas, na nag-udyok sa kanya upang humingi ng medical help.

Ayon sa kanya, tinanggihan niya ang unang mungkahi ng mga doktor na magkaroon ng joint replacement procedure, ngunit nagpasya siyang gumawa ng another approach upang matugunan ang kanyang kondisyon.

“Namatay na yung mga bones ko sa balakang. Kaya pala hirap na ako maglakad. Nung una ang sabi sa akin ay surgery, parang joint replacement na parang nakakatakot pakingan. So naghanap ako ng doctor na magkakaron ng conservative approach,” saad ni Angelica.

Ibinahagi rin ni Angelica kung gaano kasakit ang ginagawang procedure para sa kanya sa puntong hindi niya napipigilan na mapaiyak.

“So bumalik kami sa pagsaksak ng PRP sa hips ko. This time, nag drill sila ng hole. Ininject nila yung PRP directly doon sa dead bone. Masakit ba yung procedure? Di ko inakala masakit sya. Tulo ng tulo yung luha ko. Nakaramdam ako ng awa sa sarili ko na bakit ako, bakit sa akin nangyari ito.”

Kaagad namang bumuhos ang mga mensahe para kay Angelica Panganiban, upang palakasin ang kanyang loob sa gitna ng pagsubok na kinakaharap.

Narito naman ang isang mensahe mula sa netizen na may kaparehong kondisyon ni Angelica Panganiban.

"Hi Angelica, first of all, hugs to you. Alam ko ang pains, and struggles of having AVASCULAR NECROSIS. I had my hip surgery- core decompression- tulad mo naglagay din sila ng tunnel sa hipballs ko. Yes. Plural. Both- right and left- bilateral. Jackpot. 

"Its a life long battle. Some days ok ako. Some days- gusto ko na lang mahiga all day- but shempre hindi naman ako yayamanin para magpahinga na lang always- so kadalasan- kailangan ko magtrabaho. 

"I was a dancer for 30 years. Nung nalaman ko na may AVN ako- i was a full time dance instructor in HongKong. Sa Pilipinas ko nalaman na may AVN. 

"I had to stop teaching dance. I was depressed post surgery. But thankful ako- kasi now im fighting- im a fashion designer now in Bataan. And gusto ko pa din gawin mga gusto ko- im also a drag queen- oh di ba nakakapag high heels pa ako? 

"Lahat yan gagawin naten- hanggat kaya pa maglakad- tumayo- hanggat kaya pa lahat! 

"God bless you and your family Angelica. Kaya yan!!! Laban lang! Lagi ako nanonood ng vlog mo. And nagulat ako sa vlog na ito. 

"May bago lang ako natutunan sa iyo- yung "PRP" - during my surgery- i had core decompression and nag inject ang doctor ko ng stem cell sa tunnel ng right hip ball ko- kasi yun- stage 4 na daw kasi. My left hipball stage 3. Anyways- please update us- pagppray kita. More vlogs to come! Fight fight fight!"