Eric Fructuoso, Toni Gonzaga, Magkaiba Ang Pahayag Tungkol Sa Totoong Namagitan Sa Kanila

 Usap-usapan ngayon sa social media ang isiniwalat ng aktor at dating myembro ng gwapings na si Eric Fructouso sa programa ng GMA7 na Sarap Di Ba? na pinangungunahan ni Carmina Villaroel.

Ikinagulat ng maraming netizens ang ibinunyag ni Eric Fructuoso patungkol sa totoong ugnayan nila noon ng actress-host na si Toni Gonzaga.

Naitanong kay Eric Fructuoso kung nagkaroon nga ba sila ng relasyon noon ni Toni Gonzaga.

Kaagad namang inamin ni Eric Fructuoso na mayroon silang naging relasyon noon ni Toni Gonzaga.

Pagbubunyag pa ni Eric Fructuoso, kung i-estimate niya umano ang buong taon ng ligawan at in a relationship stage nila ni Toni Gonzaga ay aabot ito ng tatlong taon.

“Parang hindi ko in-expect yun ha. Oo, meron. Siguro rough estimate lahat-lahat, kasama na yung wala lang ‘tsaka yun may commitment siguro mga almost 3 years.”

Naguluhan naman ang ilang mga netizens dahil sa mga naging panayam noon kay Toni Gonzaga, palagi nitong iginigiit na una at huling boyfriend niya ang napangasawang si Paul Soriano.

Sa naging panayam noon kay Toni Gonzaga, sinabi niyang maituturing na answered prayer niya si Paul Soriano. Ipinahayag pa noon ni Toni Gonzaga na nagpaalam muna siya sa kanyang Mommy Pinty noon bago sagutin si Paul Soriano.

“He’s my first boyfriend, in-open ko ito sa oubliko ‘coz I think my fans or people who trust me, who look up to me deserve that honesty from me.

“I feel that I’m responsible for all of the actions, decisions I make, and I see to it, if I make something like a decision, it’s something that I wouldn’t regret.”

Iginiit din ni Toni Gonzaga na unang nobyo niya si Paul Soriano at hindi umano niya ito itatago dahil sa isyung tomboy siya, bukod sa deserve naman ng kanyang mga fans ng honesty.

Dahil sa pagsisiwalay ngayon ni Eric Fructuoso na naging magkasintahan sila noon ni Toni Gonzaga, napapatanong ang mga netizens kung sino nga ba sa kanila ang nagsasabi ng totoo.

Matatandaan na hindi rin ito ang unang pagkakataon na isiniwalat ni Eric Fructuoso ang naging relasyon nila noon ni Toni Gonzaga.

Tunay Na Pagkatao Ng Suspek Sa Pagkawala Ni Catherine Camilon

 Hanggang ngayon ay hindi pa rin natatagpuan ang nawawalang Miss Grand Philippines 2023 candidate at isang public school teacher na si Catherine Camilon.

Huling nakita si Catherine Camilon noong October 12, 2023 sa isang mall. Mula noon ay hindi na nakita pa ang dalaga.

Isa sa mga persons of interest sa pagkawala ng dalaga ay ang karelasyon nitong pulis na nakilalang si Police Major Allan De Castro.

Patuloy pa ring pinaghahanap ng kanyang pamilya at ng mga kapulisan ang nawawalang si Catherine Camilon. Sa pag-usad ng imbestigasyon may lumutang testigo kung saan sinabi nilang nakita nila ang dalaga na duguan at inilipat sa ibang sasakyan.

Subalit, hindi umano sila nakatawag ng tulong dahil tinutukan sila ng baril ng mga salarin.

Na-recover na rin ng mga kapulisan ang sinasabing sasakyan na isang pulang CRV. Nakitaan naman ng traces ng dugo at mga hairstrands ang sasakyan.

Kabilang naman sa mga pinaghihinalaang sangkot sa krimen ay ang isang pulis na karelasyon umano ni Catherine si Police Major Allan De Castro.

Sa ngayon ay kasalukuyang naka-relive sa posisyon ang sinasabing pulis na sangkot sa krimen.

Si Police Major Allan De Castro ay nasa 40 years old na. Gumraduate siya sa Philippine National Police Academy class of 2008.

Siya ay na-assign sa Batangas PNP bilang Deputy ng Drugs Enforcement Unit.

Si Police Major Allan De Castro ay napag-alamang mayroong asawa at may dalawang anak. Gayunpaman, kinumpirma ng kaibigan ni Catherine Camilon na totoong may romatic relationship ang dalawa.

Base sa mga naging pahayag ng kaibigan at kapatid ni Catherine Camilon, lumalabas na isang mapanakit na tao si Allan De Castro.

Sa tuwing nalalasing ito ay sinasaktan niya si Catherine Camilon. Napatunayan ito sa mga nakuhang conversations nina Catherine at kanyang kaibigan kung saan nagconfide ang dalaga sa pananakit ni Allan De Castro sa kanya.

Sa pag-usad ng kaso, napag-alaman na tila hindi nagustuhan ni Allan De Castro ang pagsusumbong ni Catherine sa kanyang asawa sa totoo nilang kaugnayan.

Tila hindi pa umano handa si Allan De Castro na tuluyang iwanan ang kanyang pamilya.

Muli na naman umanong sinaktan ni Allan De Castro si Catherine at mula noon ay palagi na silang nag-aaway. Napagdesisyunan umano ni Catherine na makipagkita kay Police Major Allan Camilon at mula noon ay hindi na nakita si Catherine.

Hanggang ngayon ay nananatiling tikom ang bibig ni Allan De Castro hinggil sa kinaroroonan ni Catherine. Patuloy rin nitong tinatanggi ang ugnayan nilang dalawa at ang pinagbibintang sa kanya.

Iginiit ni Allan De Castro na noong October 12, ay nasa headquarters lamang siya.

Gayunpaman, lumabas sa imbestigasyon ang mga ebedinsyang nagtuturong may kinalaman siya sa naganap na krimen.

Samantala, naniniwala ngayon ang mga netizens na tuluyan nang pumanaw si Catherine Camilon. Subalit, naniniwala pa rin ang mga kaanak nito na buhay pa rin ang dalaga at pilit lamang tinatago ng mga salarin.

Kim Chiu May Patamang Hugot Para Sa Mga Taong Umiibig

 Viral at usap-usapan ngayon sa ilang mga social media platforms ang naging hugot ni Kim Chiu sa It's Showtime.

Marami ang naghinala na ang mga naging pahayag ngayon ng actress-host ay may kaugnayan pa rin sa napapabalitang hiwalayan nila ng kanyang boyfriend na si Xian Lim.

Kaya naman na sa tuwing patungkol sa pag-ibig ang topic ng mga hosts sa It's Showtime, palaging inaabangan ang pahayag ni Kim Chiu.

Sa segment na Tawag ng Tanghalan, pinag-usapan nina Tiyang Amy, Vhong Navarro at Kim Chiu ang buhay pag-ibig ng TNT contender dahilan para magbigay ng mga payo ang It's Showtime hosts.

Nabaling naman ang atensyon ng mga madlang pipol kay Kim Chiu dahil sa naging payo nito sa TNT contender.

Ayon kay Kim Chiu, dapat babaan ang expectation. Dahil kapag mataas umano ang expectation sa isang tao, at the end of the day ikaw pa rin ang masasaktan.

"Lower your expectation because if you expect to much to tha person at the end of the day ikaw pa rin ang masasaktan. Life goes on, tingin ka lang ng deretso kasi ang haba-haba pa ng daan."

Agad namang napareact ang mga Madlang Pipol sa naging pahayag ni Kim Chiu, dahil marami ang nakarelate sa naging hugot ng actress-host.

Dahil naman sa naging pahayag na ito ng aktres, lalong umingay ang isyung may hindi pagkakaunawaan sa pagitan ni Kim Chiu at nang kanyang boyfriend na si Xian Lim.

Mapapansin din kasi na sa mga nagdaang episode ng It's Showtime ang pang-aasar ng mga host kay  Kim Chiu hinggil sa relasyon nila ni Xian Lim.

Sa kabilang banda, naniniwala pa rin ang mga KimXi sa naunang pahayag ni Kim Chiu na maayos naman sila ni Xian Lim at palagi pa rin silang nagkakausap.

Naniniwala ang mga KimXi fans na nag-laylow lamang muna ang dalawa dahil may kanya-kanyang teleserye kung saan may mga ka-loveteam sila.

Pinuri pa ng kanilang fans ang pagiging professional ng dalawa dahil alam umano ng mga ito kung paano paghiwalayin ang personal na buhay sa kani-kanilang mga trabaho.

Matatandaan na nag-ugat ang hiwalayan isyu ng dalawa nang mapansin ng mga netizens na hindi na sila nagkakasama maging sa mga special events.

Hindi rin sila nagbabahagi ng updates sa kani-kanilang social media patungkol sa kanilang relasyon.

Samantala, narito naman ang ilang komento ng mga netizens.

"Huwag ng pag-usapan si Xian walang paninindigan sa girlfriend makasarili sayang favorite ko pa naman sila ni kim. Kim let him go sayang lang panahon mo sa kanya. Good luck sa career mo makita mo more blessings darating saiyo because you have a big heart to everyone"

"C xian noon p d n ready mgpakasal nkfocus sya s mgasenior nyang alaga mama, lola n lolo sabi nya walang iwanan kaya d priority ang pag aasawa kaya sabi nya noon pgnttanong sya kung anong edad sya mah aasawa sabi nya 40 up"

Sakabilang banda, pinanghahawakan pa rin ng ilang mga tagahanga ang hindi pa buradong mga larawan nilang magkasama sa kani-kanilang Instagram accounts.

Hindi naman lingid sa kaalaman ng lahat na isa sa mga batayan ngayon sa hiwalayan ng mga couple ay ang pagbubura ng mga larawan na magkasama sa Instagram at ang pag-uunfollow sa isa't-isa.

Hindi Na Nakatiis Ogie Diaz Bumwelta Sa KathNiel Fans Viral Ngayon

 Hanggang ngayon ay binabatikos pa rin ang showbiz insider at talent manager na si Ogie Diaz ng mga fans ng KathNiel dahil sa umano'y pagpapakalat nito ng fake news hinggil sa hiwalayan ng celebrity couple.

Sa nagdaang episode ng showbiz update ni Ogie Diaz, naisiwalat niya ang nakarating sa kanyang balita hinggil sa umano'y hiwalayan ng longtime celebrity couple.

Ipinahayag naman ni Ogie Diaz na hindi pa naman kumpirmado ang balitang ito kaya naman hinihiling niya na sana ay magbigay na ng pahayag ang KathNiel ukol rito.

Hiniling din ng talent manager na sana ay hindi ito totoo.

Napakalinaw naman ng pagkasabi ni Ogie Diaz na hindi ito kumpirmado gayunpaman, binabatikos pa rin ng mga KathNiel fans si Ogie Diaz.

Hindi matanggap ng mga KathNiel na binalita ni Ogie Diaz ang hiwalayan ng dalawa gayung hindi pa naman pala ito kumpirmado.

Sa kabila ng natatanggap na pambabatikos ni Ogie Diaz, tila hindi naman naapektuhan ang career nito dahil marami pa rin ang nagtitiwala sa kanya.

Patuloy pa ring dumadami ang mga aritista na nagpapa-acting workshop sa kanya.

Samantala, tila hindi naman na nakapagtimpi si Ogie Diaz at pinatulan na ang mga KathNiel fans na tumatawag sa kanya ng mga pangalan.

Noong linggo, nagbahagi ng isang post si Ogie Diaz kung saan nagbigay siya ng saloobin patungkol sa natatanggap niyang mensahe mula sa kanyang mga bashers.

"'Pinagkikitaan niyo ang buhay ng mga artista', 'Galing sa tsismis ang ipinangkakain niyo sa mga pamilya niyo'.

"Tangina niyo ng mga ito. Ganyan silang mga delulu fans pag ayaw nila ng balita mo tungkol sa mga idol nila. Pero kapag pinuri-puri mo naman ang mga idol nila, hindi naman nila naiisip na galing sa tsismis ang pinangpapakain mo sa pamilya mo.

"Kung minsan, 'magkano ang ibinayad sa'yo para purihin sila' queen ina niyo, saan pa namin ilalagay ang mga sarili namin dahil hindi namin kayo maispelling."

Dagdag pa ni Ogie Diaz, "Oo nga naman, minsan ang mga fans pa ang nagpaparating sa mga idolo nila na nasulat sila ng hindi maganda kaya naman ang mga artista, lalo na kapag wala sa mood ay nagagalit o di kaya ay ipapaban ka sa mga media conference nila."

Samantala, may ilang mga fans naman din naman umano na sila pa mismo ang nagpapasalamat on behalf sa mga idolo nila kapag nasusulat ng maganda.

"Infairness, may mga fans din na sila na mismo ang nagpapasalamat on behalf sa kanilang idolo  kapag nasusulat ng maganda. Kadalasan kasi ay hindi marunong magpasalamat ang mga artista.'

Ipinahayag din ni Ogie Diaz na hindi perpekto ang mga artistang hinahangaan ng mga fans.

"Bakit anong akala niyo sa mga idol niyo, perfect, hindi nagkakamali, hindi nalilihis ng landas, tama lahat ang desisyon at palakad sa buhay?"

"Oh eh, bakit hindi niyo ikampanya, para tuluyan nang maging santo."

Marami naman ang natawa sa nasabing post ni Ogie Diaz dahil kahit halatang irita na ay idinaan na lamang nito sa pagbibiro ang kanyang naging mensahe.

Samantala, matapos mabuo ang mga spekulasyon hinggil sa mga fans ng KathNiel, nauna nang nagsalita ang aktor na wala itong katotohanan.

Wala na ring dapat pang ipag-aalala ang mga fans nila dahil maayos naman ang kanilang relasyon.

 

Toni Gonzaga Muling Mag-Babalik Bilang Main Host Ng Pinoy Big Brother Season 11

 Usap-usapan ngayon sa social media ang balitang magbabalik sa ABS-CBN ang actress-host na si Toni Gonzaga.

Ayon pa sa mga bulong-bulungan na naghahanda na umanoa ng ABS-CBN ng programa para sa muling pagbabalik ni Toni Gonzaga.

Kasunod nito, umugong naman ang usap-usapan na magbubukas muli ang bahay ni Kuha sa ika-11 na season nito kung saan babalik din si Toni Gonzaga bilang main host.

Matatandaan na mula sa unang season ng Pinoy Big Brother ay kabilang na si Toni Gonzaga sa mga naging host nito, nagresign lamang siya noong 2022 dahil sa backlash na natanggap dahil sa pagsuporta sa UNI-Team.

Sakabilang banda, tila nagbigay ng pahiwatig ang actor-host na si Robi Domingo sa posibilidad ng pagbubukas ng Pinoy Big Brother nang ibahagi niya sa kanyang social media account ang larawan nila ni Melai Cantiveros, Bianca Gonzalez, Enchong Dee at Kim Chiu.

Matatandaan na sila ang naging host ng Pinoy Big Brother     Season 10 matapos ang pagreresign ni Toni Gonzaga.

Inaasahang magbabalik sa susunod na taon ang Pinoy Big Brother, kabilang sa mga napag-uusapan ngayon ay kung ito na ba ang tinutukoy na programang inihahanda ng ABS-CBN para sa pagbabalik ni Toni sa nasabing network.

Ayon sa mga kumakalat ngayong mga balita, magbabalik Kapamilya si Toni Gonzaga kasabay ng muling pagbabalik ng programa ng ABS-CBN.

Kaagad naman itong umani ng samu't-saring reaksyon mula sa mga netizens. May mga nagsasabi na sapat na ang mga bagong host ng reality show kaya hindi na umano kailangang ibalik pa si Toni Gonzaga.

May ilan naman na nagsasabing dapat ay kalimutan na ang nangyari noong National Elections at patawarin na lamang si Toni Gonzaga.

Gayunpaman, wala pa ring ipinapalabas na opisyal na pahayag ang ABS-CBN hinggil sa balitang ito.

Ang Pinoy Big Brother, na mas kilala sa pinaikling titulo nito na PBB, ay ang bersyon ng Pilipinas ng Big Brother reality game show franchise. 

Ang salitang Pinoy sa pamagat ay isang colloquial term para sa mamamayang Pilipino. 

Ang Pinoy Big Brother ay isang Philippine television reality show broadcast ng ABS-CBN, Studio 23 at ang international channel nito, TFC sa iba't ibang bansa sa buong mundo. 

Ang mga original host ng programa ay sina Willie Revillame, Toni Gonzaga and Mariel Rodriguez. Ipinalabas naman ang unang episode nito noong August 21, 2005.

Hello 🇵🇭🌏 pic.twitter.com/pxCmcvUNe0

— Robi Domingo (@robertmarion) November 14, 2023

Richard Gutierrez, Kazel Kinouchi Spotted Together Sa Ayala Alabang Kasama Ng Mga Anak Ni Richard

 Usap-usapan ngayon sa social media ang kumakalat na larawan nina Richard Gutierrez at Kazel Kinouchi na kuha mula Ayala.

Mukhang si Kazel Kinouchi ang kasama nina Richard Gutierrez at kanyang mga anak noong nagdaang long weekend sa halip na si Sarah Lahbati ang kasama ng mga ito.

Kumalat ang larawan nilang magkasama sa gitna ng lumalalang isyu patungkol sa naging hiwalayan ng mag-asawang Richard Gutierrez at Sarah Lahbati.

Ikinagulat ng mga netizens ang mga kumakalat na larawan nina Richard Gutierrez at Kazel Kinouchi na kuha noong Undas vacation kung saan hindi namataan na magkasama ang mag-anak sa paggugunita.

Ikinabigla ito ng mga netizens dahil noon pa man ay naging bukas na sa publiko ang kanilang pagmamahal dahil sa kanilang pagbabahagi sa social media.

Ikinabahala ngayon ng kanilang mga fans dahil hindi na nagkakasamaha ang dalawa. Lumakas din ang hinalang may involved na third party sa kanilang pagkakalabuan dahil sa mga larawan nina Richard at Kazel.

Makikitang nakasakay si Richard Gutierrez sa likod ng isang puting pick up truck. Namataan din si Kazel Kinouchi na nanggaling sa kaparehong sasakyan.

Tanong ngayon ng mga netizens kung bakit si Kazel ang kasama nila ng kanyang mga anak at hindi si Sarah Lahbati.

Hanggang ngayon ay hindi pa rin malinaw kung bakit bigla na lamang nagkaroon ng lamat ang relasyon nina Richard Gutierrez at Sarah Lahbati gayung isa sila sa maituturing na power couple sa larangan ng showbiz.

Bukod pa rito, ipinaglaban din nila noon ang kanilang relasyon sa gitna nang hindi pagkakasundo ng kani-kanilang mga magulang.

Samantala, kamakailan lamang ay nagbahagi ng isang larawan si Richard Gutierrez sa kanyang Instagram account kung saan ipinakita niya ang kanyang pangangatawan.

"get up, change of perspective, move forward And let the most high take the wheel. your attitude determines your altitude," caption ni Richard Gutierrez sa kanyang post.

Mula pa noong nakaraang buwan ay puro photos ng mga anak niya at solo pictures niya ang naging laman ng kanyang social media. Biglang nawala sa kanyang account ang kanyang asawa na si Sarah Lahbati.

Gayunpaman, napansin pa rin ng kanyang mga tagahanga na sinusuot pa rin ni Richard ang kanilang wedding ring ni Sarah.

Samantala makikita naman sa latest post ni Sarah Lahbati ang kanyang larawan na kuha mula sa isang bakasyon kasama ang kanyang mga kamag-anak.

"today, and everyday.. let's remember the incredible power of kindness. a single act can brighten someone's day and create a ripple of compassion. let’s choose empathy, love, and understanding every day. together, we can make the world a better place," caption ni Sarah sa kanyang photo.

Naniniwala pa rin hanggang ngayon ang kanilang mga tagahanga na hindi pa tuluyang naghihiwalay sina Sarah Lahbati at Richard Gutierrez. Ayon sa kanila, baka nagkatampuhan lamang ang mag-asawa na nangyayari rin naman sa mga normal na pamilya.

Hiling naman ngayon ng mga netizens na sana ay maayos nilang dalawa ang kanilang relasyon at nawa'y manaig ang pagmamahal nila sa isa't-isa.

View this post on Instagram

A post shared by Sarah Lahbati Gutierrez (@sarahlahbati)

Elizabeth Oropesa May Inamin Sa Publiko May Itinagong Lihim Noon Pa

 Kinumpirma ng award-winning actress na si Elizabeth Oropesa ang matagal nang tsismis tungkol sa pagkakaroon nila ng anak ng beteranang aktor na si Dante Rivero.

Sa isang panayam kay Snooky Serna, sinabi ni Elizabeth na nakilala niya si Dante nang maging bahagi sila ng pelikulang Lumapit… Lumayo ang Umaga noong 1975.

Pagkatapos ay sinabi niya na si Dante ang kanyang greatest love at inamin na mayroon silang isang anak.

Ayon pa sa kanya, walang nakakaalam sa kanilang relasyon dahil sa pagiging malihim ng show business noong dekada 70.

Bukod pa rito, ipinahayag din ni Elizabeth na pinili rin niyang ilihim noon ang pagkakaroon nila ng anak ni Dante. Hindi rin niya ugali na ibahagi ang kanyang personal na buhay.

“Of course, we have one son. hindi lang kasi ako madaldal. Noong araw kasi, hindi uso yung… wala naman social media,” pahayag ni Elizabeth.

“And then you don’t normally talk about your personal life before,” dagdag pa ng beteranang aktres.

Ayon pa kay Elizabeth na ang anak nila ni Dante ay nasa 40's na ngayon. Isiniwalat din ni Elizabeth na tanging si Dante Rivero lamang ang kanyang nakarelasyon niya sa showbiz.

“Dante is the only man in my life that belongs to the showbiz world. Siya lang, walang iba,” pag-amin pa nito.

Sa kabilang banda, hindi pa nagbibigay ng pahayag ang beteranong aktor na si Dante Rivero hinggil sa isiniwalat na sekreto ni Elizabeth Oropesa.

Ricci Rivero, Gumawa ng Christmas Tree Mula sa Tambak Niyang Labahin

 Tila nagbago na ang ihip ng hangin, ngayon ay tila sinasakyan na ni Ricci Rivero ang isyung naunang binato sa kanya noon ni Andrea Brillantes, patungkol sa hindi niya paglalaba sa loob ng isang taon.

Matatandaan na naging trending topic noon sa social media at naging katatawanan pa noon si Ricci Rivero dahil sa mga isiniwalat ng dalaga.

“Gusto ko lang sabihin minsan, kung hirap ka mag-move on, kailangan mo talaga isipin ‘yung mga bagay na, ‘Talaga ba iiyakan ko ‘yung lalakeng hindi nagpapa-laundy nang isang taon?” 

Marami pa ang humanga kay Andrea Brillantes dahil natitiis umano nito ang hindi paglalaba ni Ricci Rivero.

Agad naman itong pinabulaanan noon ni Ricci Rivero at sinabing gawa-gawa lamang ni Andrea Brillantes ang kwentong hindi siya naglalaba.

Ipinahayag pa ng basketball player kung gaanong hiya ang kanyang naramdaman nang naging laman siya sa mga balita at tawanan ng mga netizens.

“Nanahimik ako sa detalye at tiniis lahat ng gawa-gawa nilang paninira diyan sa mga laundry na ‘yan, sa mga gamit sa bahay para lang pagbigyan ang coping mechanism nila, pero sobra na,” pahayag ni Ricci Rivero.

“Wala naman nang mawawala sa akin, so bakit hindi ako magsasalita kung gusto pala nila ng detalye at hanggang ngayon hindi sila matigil sa kahibangan nila sa buhay ko,” dagdag pa ng basketball player.

Subalit, tila biglang nag-iba ang ihip ng hangin nang bigla na lamang sinakyan ni Ricci Rivero ang dating pinabubulaanang isyu patungkol sa kanyang mga labahin.

Kamakailan lamang ay ibinahagi ni Ricci Rivero sa kanyang social media account ang kanyang DIY Christmas tree na gawa ng nakatambak niyang labahin.

Ito'y sa gitna ng usapin na may nanliligaw sa kanyang brand na panlabang sabon kung saan binabalak siyang kunin bilang endorser.

“Feeling the holiday spirit already,” caption ni Ricci Rivero.

Agad naman itong umani ng samu't-saring komento mula sa mga netizens.

Marami ang nagsasabi na talagang napaka-ingrato nitong si Ricci Rivero, pa deny-deny pa umano ito noon subalit nagpapakita naman ng resibo na magpapatunay na totoo ang ibinibintang sa kanya ni Andrea Brillantes.

Ricci Rivero Kukuning Endorser Ng Sabong Panlaba

 Ang basketball player ng Phoenix Fuel Masters na si Ricci Rivero ay napapaulat na nililigawan para maging endorser ng isang laundry detergent sa gitna ng sinasabing hindi siya naglalaba ng kanyang damit sa loob ng isang taon.

Sa kanyang online show, ibinunyag ng veteran showbiz columnist na si Manay Cristy Fermin na isang advertising company ang humihiling kay Ricci na i-endorse ang kanilang produkto matapos itong maging meme nang dahil sa naging pahayag ni Andrea Brillantes kay Vice Ganda patungkol sa kanyang paraan ng pagmomove-on.

Matatandaang tila pinasaringan ni Andrea Brillantes ang kanyang ex-boyfriend na si Ricci Rivero laban sa umano’y ugali nito na hindi naglalaba ng kanyang damit sa loob ng isang taon.

“Gusto ko lang sabihin minsan, kung hirap ka mag-move on, kailangan mo talaga isipin ‘yung mga bagay na, ‘Talaga ba iiyakan ko ‘yung lalakeng hindi nagpapa-laundy nang isang taon?” pahayag noong ni Andrea Brillantes.

Gayunpaman, mukhang mas makikinabang pa rito si Ricci  Rivero kung sakaling tumpak ang impormasyon ni Cristy Fermin.

“Naku ewan ko kung totoo o hindi ito…mayroon daw isang ahensya na interesado para kuning endorser o brand ambassador ng isang detergent product si Ricci,” pahayag ni Cristy Fermin.

“Ang ganda n’yan kapag nagkatuluyan ‘yan. Biruin mo ‘yung negative turn to positive, hindi ba?” sagot naman ni Romel Chika.

Sa kabilang banda, hindi pa naman nagbibigay ng pahayag si Ricci Rivero hinggil sa sinabing balita na nakarating kay Manay Cristy Fermin.

Cristy Fermin, Sinabing Hindi Kayang Panindigan Ni Xian Lim Si Kim Chiu

 Naimbyerna ang veteran showbiz columnist na si Manay Cristy Fermin sa hindi diretsahang pagsagot ni Xian Lim sa katanungan hinggil sa totoong estado ng relasyon nila ngayon ni Kim Chiu.

Ayon kay Cristy Fermin, napakasimple lamang umano ng katanungan ng mga netizens, kung sila pa ba ni Kim Chiu.

"Ang simple nga naman ng tanong, kayo pa rin ba ni Kim? Aba nagkilometrikong paliwanag na kung ano-ano. Kesyo wala umano siya dito sa showbiz para magpaliwanag sa kahit kanino. Kesyo nandito umano siya para i-showcase ang kanyang talent. Talent? Mayroon ba?" pahayag ni Cristy Fermin.

Ipinahayag pa ni Cristy Fermin na hindi umano ito ang tamang pagsagot ng tanong.

"Inquisitive ang mga tao, syempre gusto nilang malaman mula sa horse's mouth ika nga sa mga taong sangkot."

Tinawag pa niyang makuda at may kasupladuhan si Xian Lim.

"Makuda itong lalaking ito, ewan ko ba't ganyan siya. Hindi masamang magtanong at hindi masama na sumagot nang maayos, di ba Xian Lim? May kasupladuhan talaga ito e."

Matatandaan na tila naging misleading ang naging social media post ni Xian Lim sa mga intrigang kinakaharap nila ngayon ng kanyang girlfriend.

Pwede naman umanong sabihin na may koneksyon pero medyo paligoy-ligoy.

Matatandaan na naging usap-usapan sa social media ang hiwalayan nila ng girlfriend na si Kim Chiu dahil hindi na sila nakikitang magkasama.

Maging sa kani-kanilang social media ay nanahimik na ang dalawa.

Hindi na rin sila nagkakasama sa mga pagbabakasyon na dati naman nilang ginagawa upang magkaroon ng quality time together.

Subalit sa naging post ni Xian Lim sa kanyang Instagram account ay lalo pang nagpagulo sa kwento.

Sa kabilang banda, nagbigay naman ng pahayag ang aktres na si KimChiu kung saan hayagan niyang sinabi na maayos pa rin ang pagsasama nila ng kanyang boyfriend.

Kaya naman, marami ang nag-iintriga ngayon kay Xian Lim kung bakit tila hindi nito maamin sa lahat na maayos at wala silang tampuhan ng kanyang girlfriend.

Samantala, hindi naman ito ang unang pagkakataon na naitrigang naghiwalay na sina Kim Chiu at Xian Lim.

Matatandaan na noong July 2017, napabalita ring naghiwalay na ang dalawa subalit mabilis naman itong pinabulaanan ni Xian.

 

Ashley Ortega May Mensahe Kay Kim Chiu Sa Gitna Ng Hiwalayan Isyu Nila ni Xian Lim

 Nagbigay na ng prangkang pahayag ang aktres na si Ashley Ortega patungkol sa pagkakaibigan nila ni Xian Lim matapos madawit ang kanyang pangalan sa isyung kinakaharap ng longtime celebrity couple na sina Kim Chiu at Xian Lim.

Matatandaan na noong bumida sina Ashley Ortega at Xian Lim sa teleseryeng Heart On Ice may kumalat na isyu na umano'y magkasama pa rin ang dalawa kahit tapos na ang taping.

Gayunpaman, iginiit ni Ashley Ortega na walang epekto sa kanila ang mga kontrobersiya dahil wala naman umanong namamagitan sa kanila.

"Actually yung mga intriga naman noon, it was a long time ago. Hindi naman kami nagpaapekto, we keep our environment healthy at iyon naman po ang importante. Wala naman po talaga kaming ginawang masama."

Hinala naman ni Ashley Ortega na baka, may ilang mga fans ang KimXi ang hindi nagustuhan ang kanilang pagtambal sa nasabing teleserye na naging dahilan upang paghinalaan siya ng mga ito.

"Siguro may mga fans lang, mga solid fans nila ni Kim, but I respect them."

Ibinahagi pa ni Ashley Ortega na naging katatawanan lamang nila ni Xian Lim ang mga kumakalat na isyu patungkol sa kanilang dalawa dahil wala naman umano itong katotohanan.

"It was a waste of time to talk about it kaya dinedma nalang namin, natatawa nalang kami."

Ibinunyag pa ni Ashley na minsan na niyang nakilala in person si Kim Chiu at wala naman umanong awkwardness sa pagitan nilang dalawa.

"I met her, kasi noong Heart on Ice days nagkaroon sila ng movie ni Kim and Xian invited me sa premier night, doon ko nakilala si Kim."

Kahit hindi pa sila matagal na nagkakilala ni Kim Chiu, masasabi na umano niyang mabait na tao ang aktres. Bukod dito nakikita rin umano niya na matatag ang relasyon ng dalawa.

"Mabait si Kim atsaka solid talaga sila."

Inamin naman ni Ashley Ortega na marami siyang natutunan habang nagkatrabaho sila ni Xian Lim, isa na umano rito ay kung paano ihandle ang mga bashers.

Ipinahayag din ni Ashley Ortega na talagang dumami ang kanyang bashers at nakakatanggap na siya ng mga negatibong komento mula nang magkasama sila sa trabaho ni Xian Lim.

Gayunpaman, wala naman umano siyang pinagsisisihan sa kanilang pagiging co-stars dahil maituturi umano niyang isa sa mga big stars sa showbiz industry ang aktor.

"Doon ko na-realize na kapag ang partner mo ay isang malaking artista talaga, so dedma nalang."

Dagdag pa ng aktres, "The best way to deal with it is just avoid it and huwag nang magpaapekto kasi alam ko naman sa sarili ko ang totoo."

Ikinagbigla din naman umano ni Ashley ang pagkakadamay niya sa intriga subalit mas pinili na lamang umano niya na huwag nang magpaapekto.

"Nabigla rin ako, but not in a way na naapektuhan ako ng sobra. Okay naman ang naging relationship namin ni Xian, hindi kami nagkailangan."

Bagama't nadawit sa isyu, hiling pa rin ni Ashley na muling makatambal sa iisang proyekto sa Xian Lim.

Si Ashley Ortega ay maituturing na unang naging leading lady ni Xian Lim bilang Kapuso actor.

Matatandaan na noong 2021 marami ang nagulat nang magdesisyon ang aktor na si Xian Lim na lumipat ng ibang network, mula sa ABS-CBN. 

Samantala, isa sa pinag-ugatan ng isyung naghiwalay na sina Kim Chiu at Xian Lim ay ang mga social post ng dalawa na wala nang kinalaman sa isa't-isa.

Gayunpaman, sa isang panayam, nilinaw na ni Kim Chiu na maayos pa rin ang kanilang relasyon ng boyfriend na si Xian Lim sa loob ng 12 years.

Tila nagla-lay low lamang ang mga ito sa ngayon dahil may kanya-kanya silang proyekto sa kinabibilangan nilang network.

Amy Perez Kaagad Na Nagsorry Matapos Masabi Ang Ari Ng Babae Sa It's Showtime

 Kaagad na humingi ng paumanhin ang It's Showtime host na si Tiyang Amy sa madlang pipol ito'y matapos niyang masabi ang pangalan ng ari ng babae sa kamakailang episode ng It's Showtime.

Sa kamakailang episode ng It's Showtime, sa segment na Tawag ng Tanghalan, masayang nagba-banter ang It's Showtime hosts na sina Vice Ganda, Vhong Navarro, Jhong Hilario at Tiyang Amy.

Biniro nina Vhong Navarro at Vice Ganda si Amy Perez patungkol sa pagiging mali-mali nito. 

"Binasa mo ang spiels niya Tyang," saad ni Vice Ganda.

"Ako kasi masunurin, kung ano ang nandoon yun ang babasahin ko," sagot naman ni Tiyang Amy.

Nagtawanan sila at nagbibiruan pa hanggang sa ipahayag ni Vice Ganda na nagiging wrong-wrong na si Tyang Amy habang tumatagal.

Tawang-tawa naman si Tiyang Amy sa kanilang nagiging biruan hanggang sa hindi sinasadya nabanggit niya ang pangalan ng maselang parte ng isang babae.

Kaagad namang humingi ng paumanhin si Tiyang Amy kung saan ipinahayag niyang nagulat lamang siya sa pagbibiro ni Vhong Navarro.

Maging sina Vice Ganda at Jhong Hilario ay bakas din sa mukha ang pagkagulat nang magkamali si Tiyang Amy.

"Sorry po. Sorry po, sorry madlang pipol si Vhong kasi ginulat ako nasabi ko palaka."

Hindi naman rito nagtatapos ang biruan nila nang sumingit si Vice Ganda kung saan ipinahayag niya na tila gusto na namang mag-Hongkong ng It's Showtime family.

Matatandaan na nakapagbakasyon sa Hongkong ang It's Showtime hosts nang masuspinde ang kanilang show sa loob ng 12 airing days.

Ito'y matapos makatanggap ng mga reklamo ang MTRCB hinggil sa malaswang paraan umano ng pagkain nina Vice Ganda at Ion Perez ng cake icing sa isang episode ng show kasama ang kanilang mga guest hosts na mga menor de edad.

Samantala, umaasa naman ngayon ang mga madlang pipol na hindi na lumaki pa ang pagkakamali ni Tiyang Amy. Marami kasi ang nakapansin na napakahigpit ng MTRCB sa noontime show na It's Showtime.

Makikita naman din umano na wala namang intensyon si Tiyang Amy na banggitin ang salitang iyon, kundi nagulat lamang siya.

Its Showtime Host Spotted Sa GMA Compound

 Usap-usapan ngayon sa social media ang mga larawan at video ng mga It's Showtime host na nagso-shoot para sa upcoming ABS-CBN Christmas Station ID sa Kamuning, Quezon City.

Hindi naman naging malinaw kung saan nagsho-shooting ang mga ito sa ABS-CBN ba o di kaya ay sa GMA compoud.

Subalit, ayon sa ilang mga netizens, maaring nagshoot din ang It's Showtime sa GMA compound dahil tahanan na rin naman ng nasabing show ang GMA.

Matatandaan na lumipat sa GTV, isang subsidiary channel ng GMA7, ang It's Showtime matapos hindi ni-renew ng TV5 ang kanilang kontrata.

Kaya naman hindi umano malabo na i-soshoot sa GMA compound ang ilang eksena sa upcoming Christmas Station ID ng ABS-CBN.

Sa kabilang banda trending din sa social media ang larawan ng paghaharap nina Vice Ganda, Dingdong Dantes at Marian Rivera na ayon sa ilang mga source na ang larawang ito ay kuha mula sa building ng ABS-CBN.

Kasunod nito, nagtrending din sa Twitter ang trailer ng comeback movie nina Dingdong Dantes at Marian Rivera na pinamagatang Rewind mula sa Star Cinema.

Panibagong collaboration project na naman ito sa pagitan ng ABS-CBN at GMA. Hindi naman lingid sa kaalaman ng lahat na ang DongYan ang isa sa mga A-listers sa GMA network.

Opisyal naman na kalahok ang nasabing comeback movie ng DongYan sa Metro Manila Film Festival ngayong taon.

Excited naman ang mga Kapamilya at Kapuso na mapanood ang kauna-unahang pelikula ng mag-asawa sa ilalim ng Star Cinema.

Although individually hindi na bago sa kanila na mapabilang sa isang Star Cinema movie.

Matatandaan na bumida na noon si Marian Rivera sa Kung Fu Divas kung saan nakasama niya ang comedy queen na si AiAia Delas Alas noong 2013. Napabilang din siya sa Extra ni Vilma Santos sa kaparehong taon.

Samantala, mas marami naman ang nagawang pelikula ni Dingdong Dantes sa ilalim ng Star Cinema gaya ng Segunda Mano, One More Try, She's The One, The Unmarried Wife at Seven Sundays noong 2017.

Vice Ganda at Billy Crawford, Nagkaayos Na Billy Magiging Regular Sa It'S Showtime

 Sa pagiging special guest nina Billy Crawford at Coleen Garcia sa isang episode ng It's Showtime, usap-usapan ngayon ng ilang mga netizens kung tuluyan na nga ba silang magbabalik bilang regular hosts ng show.

Nagulat ang mga madlang pipol at maging ang iba pang hosts ng It's Showtime nang muling masilayan sa show ang dating regular hosts na sina Coleen Garcia at Billy Crawford.

Bigla na lamang lumabas ang mag-asawa sa Magpasikat performance ng grupo nina Vice Ganda, Jackie at Cianne nitong November 9, 2023.

Kasama ng kanilang anak na si Amari, sinurpresa ng mag-asawang Coleen Garcia at Billy Crawford ang It's Showtime.

Makikita naman sa mukha ng mga kasamahan nila dati sa nasabing show ang pagkagulat na kaagad namang napalitan ng kasiyahan.

Hindi rin napigilan ng ilang mga madlang pipol at ilang mga host ang maging emosyunal dahil sa pagbabalik ng dalawa at ang pagkakaayos nina Billy Crawford at Vice Ganda na matagal nang mayroong hindi pagkakaunawaan.

Ilang taon ding hindi nagkakausap sina Vice Ganda at Billy Crawford matapos itong umalis sa show at pumasok sa katapat nilang noontime show na Lunch Out Loud na kalaunan ay naging Tropang LOL.

Ayon kay Vice Ganda, nagkaayos na umano sila ni Billy Crawford at muli nang nagkakausap.

“Lingid po sa kaalaman ninyo, okay na okay na kami ni Billy. Billy’s presence here today and the madlang pipol knowing that we’re okay, baka mag-inspire ito sa inyo na mag-heal din. Baka it’s about time.

“Baka kaya niyo rin na makipag-reconcile lalo na doon sa mga taong mahalaga sa inyo,” pahayag ni Vice Ganda.

Ipinahayag din ni Vice Ganda sa lahat ng mga madlang pipol kung gaano kahalaga sa kanya si Billy Crawford.

“At the end of the day, you are my bestfriend, and I love you very much. Kaya sabi ko, realo natin ito sa madlang pipol na makita tayong magkakasama ulit.”

Lalo namang naging emosyunal ang lahat nang magsalita na si Billy Crawford.

Malaki ang pasasalamat niya kay Vice Ganda sa pagkakataon na ibinigay sa kanila ni Coleen para makabalik sa dati nilang tahanan.

Inihayag pa ni Billy Crawford kung paano nakatulong ang kanyang ama para magkaayos sila ni Vice Ganda.

“Thank you, Vice. Happy anniversary, first to all of us. Marami akong realization these past months. Kababalik ko lang galing States, kakakita ko lang sa daddy ko.”

“Hindi ko kasi alam kung hanggang kailan ang daddy ko sa mundong ito. Pero ang bilin niya sa akin ay mag-ayos tayo.”

Hindi man umano niya lubos na naintindihan ng kanyang ama ang isyu sa pagitan nila ni Vice Ganda dahil isa itong American pero tila naramdaman umano nito na may hindi pagkakaunawaan sila ni Vice Ganda.

Marami naman ang humanga sa pagpapakumbaba ni Billy Crawford at sa kanyang paghingi ng tawad sa national tv.

“Lahat ng pamilya nagkakaaway, nagkakalabuan, but at hte end of the day, in God’s time,siya na rin ang bahalang mag-ayos. Kaya on my end, I want to say I’m sorry.”

“I’m sorry madlang pipol. I’m sorry , Kapamilya. Magpapakumbaba na po ako. Gagawin ko kasi ang lahat para sa aking pamilya.”

Sa pagkakaayos nina Vice Ganda at Billy Crawford hinihiling ng ilang mga madlang pipol na kunin muli sina Billy at Coleen na maging regular host nang show.

Samantala, hindi pa naman nagbibigay ng pahayag ang pamunuan ng It's Showtime at maging sina Billy Crawford hinggil sa kahilingan ng mga netizens.

Toni Fowler, Dismayado Sa Magkapatid Na Papi, Paye Galang Dahil Sa Ginawa Sa Toni Talks

 Naglabas ng hinaing ang celebrity vlogger na si Toni Fowler sa magkapatid na sina Papi at Paye Galang dahil hindi niya nagustuhan ang ginawa ng mga ito sa invitation sa kanila para sa show ni Toni Gonzaga na Toni Talks.

Kaagad namang umani ng samu't-saring reaksyon mula sa mga netizens ang vlog ni Toni Fowler kung saan pinagsabihan at pinagalitan niya ang Galang Sister dahil sa ginawa ng mga ito kay Toni Gonzaga.

Labis na nadismaya at nagalit si Toni Fowler sa dalawa matapos mapag-alaman kung ano ang ginawa ng mga ito bago ang interview sa Toni Talks.

Makikita sa mukha ni Toni Fowler ang pagkadismaya at pagkapahiya habang kinakausap ang magkapatid dahil sa umano'y pagiging irresponsable at pagiging unprofessional nila sa programa ng actress at multimedia star na si Toni Gonzaga.

Napagalitan ni Toni Fowler ang Galang Sisters at maging si Harvey dahil sa pagiging late ng mga ito sa interview sa Toni Talks.

Paliwanag naman ng mga ito na kaya sila na-late dahil hindi sila nagising sa kanilang mga alarm clock dahil dito, matagal ding naghintay sa kanila ang kanilang mga make-up artist. Late na rin silang dumating sa Toni Talks.

“Sa totoo lang ‘yung ginawa niyo kanina Team Hapi, hinayaan niyo lang. Ngayon lang kayo nabigyan ng ganyang oppurtunity, walang nag-i-interview sa inyong sikat. Toni Gonzaga ‘yon tapos tutulugan niyo lang,” dismayadong pahayag ni Toni Fowler.

Hindi na rin napigilan ni Toni Fowler na masigawan at mamura ang magkapatid at maging si Harvey dahil hindi nila pinaghandaan ang interview ng isang sikat na artista.

“Kampante e! Kaya hindi umaangat mga career niyo. Kaya ang pera sa bangko hindi nagiging milyon. Kailan kayo sasabay? Sipag ‘yon! Buntis ka o ano. Magigising ka sa alarm, itotodo mo, isesecure mo sasabihin mo sa mga yaya.”

Dagdag pang litanya ni Toni Fowler, “Hindi ako makapaniwala sa inyo. Ngayon ko nararamdaman na wala kayong maitutulong sa pamilyang ‘to sarili niyo hindi niyo matulungan.”

Maliban dito, hindi rin nagustuhan ni Toni Fowler ang sinuot na outfit ni Papi Galang dahil nagmukha umano itong mataba sa kamera.

“Nakita ko ‘to, na-disappoint ako Papi. Kahit nandito ang taba mo agad oh? Para kang may suot na parachute. Parang ayaw mo si Paye sa screen gusto mo ikaw lang oara malapad ka.” 

Ayaw naman umano ni Toni Gonzaga na maging bungangera  subalit alam din umano niyang responsibilidad niya ang mga ito.

“Wala na akong pakealam kung magmukha na naman akong masama. Sana’y na ako sa pamilyang yan matagal na. F or the first time sa magkapatid na ito hindi sila ininterview dahil Toro family sila, may shadow ng pangalang Toni Fowler.

“Oo parte sila ng pagkatao ko, pero this time may interesado sa buhay niyo as Galang sisters. Tapos tinutulugan niyo lang? Hindi naman kasi biro ang pangalan ni Toni Fowler sa industriya natin.”

Sa kabilang banda, inihayag naman ni Toni Fowler ang kanyang taus-pusong pasasalamat kay Toni Gonzaga sa opportunity na ibigay sa magkapatid.

Samantala narito naman ang komento ng ilang mga netizens.

"Yes tama si toni sa pagdisiplina sa Galang Sisters. Sana pahalagahan yung mga ganitong once in a lifetime experience."

"I'm with Oni here, kung gusto mong may mangyari sa buhay mo be professional. Kailangan mong magsacrifice ng tulog at kung ano pa man kung gusto mong maging successful kahit sa anong larangan man."