Daniel Padilla, Handang Magbukas ng Panibagong Chapter Kasama Pa Rin si Kathryn Bernardo

 Hanggang ngayon ay patuloy pa ring umaasa ang ilang mga KathNiel fans na muling magkakabalikan ang longtime celebrity couple na sina Kathryn Bernardo at Daniel Padilla matapos ang pagkumpirma nilang dalawa sa kanilang paghihiwalay.

Nagkaroon ng pag-asa ang ilang mga netizens na may posibilidad pa na magkakabalikan ang dalawa dahil tila sinusuyo naman ni Daniel Padilla ang aktres at naging civil din naman si Kathryn Bernardo sa pakikitungo niya kay Daniel Padilla.

May mga ulat pa na nagsasabing lumalapit na umano ang aktor sa mga kaibigan nilang dalawa ni Kathryn Bernardo upang humingi ng tulong sa mga ito para makausap niya ng masinsinan ang dating girlfriend.

Samantala, marami pa rin naman sa mga netizens ang naniniwala na malalampasan rin nilang dalawa ang mga pagsubok na ito at kung sila talaga ang para sa isa't-isa ay magkakabalikan pa rin sila.

Sa kabilang banda, tila lalo namang umingay ang pangalan ngayon ni Kathryn Bernardo matapos ang pagkumpirma niya sa paghihiwalay nila ni Daniel Padilla.

Tila nakuha kasi ni Kathryn Bernardo ang simpatya ng mga netizens patungkol sa naganap na hiwalayan nila ni Daniel dahil may babae na itinuturong naging dahilan ng lahat, sa katauhan ni Andrea Brillantes.

Dahil dito, may mga naghinala na kaya sinusuyo ngayon ni Daniel Padilla ang aktres dahil sa ayaw nitong maapektuhan ang kanyang career dahil sa nakukuhang simpatya ni Kathryn Bernardo mula sa publiko.

Gayunpaman, ayon sa mga netizens na ang mas mainam na gawin ngayon ni Daniel Padilla para hindi na maapektuhan ang kanyang showbiz career ay linawin na niya ang totoong naging dahilan ng paghihiwalay nila ni Kathryn Bernardo lalo na kung wala namang third party o lokohan na nangyari.

Subalit, ayon naman pa sa ilang mga netizens na kung totoong may kasalanan siyang mabigat ay tiyak na lalong mananahimik ang aktor dahil sa takot na tuluyang bumagsak ang kanyang showbiz career.

Sa kabilang banda, wala namang ibang makakapagdesisyon sa kahahantungan ng relasyon ng dalawa kundi si Kathryn Bernardo kung kaya pa niya patawarin ang aktor at kung handa ba siyang kalimutan ang lahat ng mga nagawang pagkakamali ni Daniel Padilla.

Samantala, naging usap-usapan naman ang ibinahaging post ni Daniel Padilla bilang pagbati kay Kathryn Bernardo nitong New Year's Day, ayon kay Daniel, kahit pa nagsara sila ng chapter sa kanilang buhay ay magbubukas naman sila ng mas wonderful pa kaysa sa naunang nagtapos na.

James Reid, Issa Pressman Sinalubong Ng New Year, Kapitbahay Si Nadine Lustre?

 Sa pagsalubong ng taong 2024, nina James Reid at Issa Pressman ay tila sinalubong rin sila ng pambabatikos mula sa mga bashers na hindi pa rin maka- get over sa kanilang relasyon.

Umaani ngayon ng samu't-saring komento at pambabatikos mula sa mga netizens ang ibinahaging video ng celebrity couple na sina Jame Reid at Issa Pressman matapos mapansin ng mga netizens ang tila pagkakatulad sa ibinahaging photos naman ng kanyang ex girlfriend na si Nadine Lustre.

Sa Instagram post ni James Reid ibinahagi niya ang video ng pagsalubong nila ni Issa Pressman sa bagong taon sa bago nilang tahanan. Kung titingnan ay masaya naman pareho ang dalawa subalit, may napansin ang ilang mga netizens na sa background ng video.

Ayon sa ilang mapang-intrigang netizens, tila magkapitbahay lamang sina James Reid at Nadine Lustre dahil magkatulad ang kani-kanilang window view.

May mga nagkumpara pa muli kina Nadine Lustre at Issa Pressman sa kung sino ang mas maganda at sa kung sino ang mas blooming sa ngayon.

Sa kabila nito, may ilang netizens naman na nasisiyahan sa estado ng buhay ngayon nina James Reid at Nadine Lustre na magkahiwalay kung saan makikita na kapwa masaya na sila sa kani-kanilang mga partners.

Matatandaan na naging usap-usapan noon sa mundo ng showbiz at sa social media ang tuluyang pag-amin nina James Reid at Issa Pressman sa kanilang relasyon, marami kasi sa mga fans ni Nadine Lustre ang naniniwala na noon pa man ay may relasyon na ang dalawa kahit si Nadine Lustre pa ang kinilalang girlfriend ni James Reid.

Kasunod nito, muling kumalat ang mga larawan at pictures noon kung saan makikita ang sweetness nina James Reid at Issa Pressman sa likod ni Nadine Lustre.

Sa pagpasok ng panibagong taon, hiling naman ng ilang mga fans ng dalawa na sana ay tumigil na ang mga bashers sa pang-iintriga at tanggapin na lamang na hindi talaga para sa isa't-isa sina James Reid at Nadine Lustre dahil kapwa masaya na ang mga ito sa ngayon kasama ang bagong minamahal.

View this post on Instagram

A post shared by James Reid (@james)

Nagulantang Ang Lahat! Mga Baho Ng Pamilya Ni Sarah Lahbati Kalat Na

 May panibagong pasabog sina Manay Cristy Fermin sa kanilang Showbiz Now Na vlog sa Youtube patungkol sa pamilya ng aktres na si Sarah Lahbati.

Tampok sa kamakailang YouTube vlog nina Manay Cristy Fermin ang mga magulang ni Sarah Lahbati na sina Ester at Abdel Lahbati. Ayon kay Manay Cristy Fermin, nanirahan noon sina Sarah Lahbati sa Geneva, Switzerland kung saan nagtrabaho ang ina nito.

Dagdag pa ni Manay Cisty Fermin, marami silang tagasubaybay na mga Pilipino sa nasabing bansa kaya naman marami ring nakarating sa kanilang na mga balita patungkol sa pamilya ni Sarah Lahbati.

Pagbabahagi ni Manay Cristy Fermin na sa tuwing pumunpunta sa Pilipinas ang mga magulang ni Sarah Lahbati ay sagot umano ng aktres ang mga pamasahe ng mga ito. Bukod pa rito, nais pa umano ng mga magulang ni Sarah na nasa bus

Dagdag naman ni Romel Chika na dahil wala namang stable na trabaho si Sarah Lahbati sa showbiz kaya saan pa manggagaling ang perang ginagastos ni Sarah Lahbati para sa kanyang mga magulang kundi sa bulsa ng kanyang asawa na si Richard Gutierrez.

Samantala, nagbigay rin ng reaction sina Manay Cristy Fermin sa ibinahaging post noon ng ina ni Sarah Lahbati na si Ester patungkol sa natatanggap niyang pension mula sa pagtatrabaho sa Geneva, Switzerland.

Ayon kay Cristy Fermin na ang natatanggap na pension ng ina ni Sarah Lahbati ay tinatawag na State Pension na ibinibigay sa mga taong nagtatrabaho bilang mga Overseas Filipino Wotkers, dahil isa umanong kasambahay noon ang ina ni Sarah Lahbati kaya naman may State pension ito.

Ibinunyag rin ni Cristy Fermin na hindi naman kalakihan ang natatanggap na state pension ni Ester mula sa pagiging kasambahay nito sa Geneva, Switzerland.

Nakarating din umano sa kanya ang mga usap-usapan ng mga Filipino sa Geneva Switzerland na nakakakilala sa pamilya ni Sarah Lahbati. Ayon sa chika, hindi umano kagandahan ang reputasyon ng mga Lahbati sa kanilang lugar.

Iginiit pa ni Manay Cristy Fermin na kaya nagkukwento ang mga kababayang taga Geneva ay dahil hindi na umano nila matiis ang pakikiaalam ng mga magulang ni Sarah Lahbati sa relasyon at pagkakahiwalay ng dalawa.

View this post on Instagram

A post shared by SLG (@sarahlahbati)

Ganito Pala Kayaman Ang Asawa Ni Angelica Panganiban Na Si Gregg Homan?

 Nagsimula na ang lifetime journey ng Kapamilya actress na si Angelica Panganiban kasama ang kanyang longtime partner na si Gregg Homan matapos ang palitan nila ng vow noong December 31, 2023.

Naganap sa Los Angeles, California ang pag-iisang dibdib nina Angelica Panganiban at Gregg Homan na dinaluhan naman ng kanilang mga malalapit na kapamilya at mga kaibigan.

Hindi naman nawala sa nasabing okasyon ang kilalang bestfriend ni Angelica Panganiban na sina Kim Chiu at Bela Padilla.

Samantala, kilalanin ang lalaking bumihag sa puso ni Angelica Panganiban at ama ng anak nito sa Amila Sabien.

Si Gregg Homan ay anak ng isang Australian businessman na si Bryan Homan habang Pilipina naman ang ina nito hindi naman nito nilahad sa publiko kung sino ang kanyang biological mother dahil masaya na rin sila sa pangangalaga ng kanilang step mother na ina ng kanilang bunsong kapatid.

Isang businessman si Gregg Homan na namamahala sa mga operations ng Bay Marine Subic. Ang Bay Marine Subic ay isang kompanya na kilala sa paggawa at pagpaparenta ng mga alluminum boat at landing crafts for commercial and private use.

Bukod sa mga tungkulin ni Gregg Homan sa Bay Marine Subic, pinamamahalaan rin ni Gregg Homan ang Mangrove Hotel and Resort na naroon din sa Subic Bay.

Hindi naman lingid sa kaalaman ng lahat na si Gregg Homan ang unang non-showbiz boyfriend ni Angelica Panganiban na nakilala ng publiko. 

Marami rin naman ang nagulat nang mag level up ang relasyon nilang dalawa dahil kilala ring pihikan si Angelica Panganiban matapos malink sa mga sikat na aktor sa industriya kabilang na sina Jhon Lloyd Cruz, Derek Ramsay at Paolo Aquino.

Shocking! Travel Vlog Ni Andrea Brillantes Kasama Si Daniel Padilla?

 Marami sa mga netizens ang naintriga nang inilabas na ng controversial actress na si Andrea Brillantes ang kanyang travel vlog sa bansang Spain.

Matatandaan na naisyu noon sina Andrea Brillantes at Daniel Padilla dahil sa mga haka-hakang lumabas na magkasamang nagbakasyon noon sa Spain matapos ang hiwalayan nina Andrea Brillantes at Ricci Rivero.

Sa Instagram post ni Andrea Brillantes, isiniwalat niya sa kanyang mga fans ang na inilabas na ang kanyang Spain vlog. Kaagad naman itong umani ng mga reaksyon at komento dahil hindi naman lingid sa kaalaman ng lahat na pinagmulan ng malaking kontrobersiya ang mga larawan niya na kuha sa Spain na pinaghihinalaang kasama sila ni Daniel.

Kaagad naman nagsilabasan ang mga supporters ni Andrea Brillantes at sinupalpal ang mga bashers ng aktres na naglabas na umano ng resibo si Andrea para pabulaanan ang isyu nila ng aktor at pagkakadawit sa hiwalayan nina Daniel at Kathryn.

May mga tagasuporta naman ang aktres na nagbigay ng payo na pabayaan na lamang ang mga bumabatikos dahil hindi naman umano alam ng mga ito ang nangyari at naghahanap lamang ng masisisi sa paghihiwalay ng KathNiel.

Ibinahagi pa ni Andrea Brillantes na dahil labis siyang nasaktan ngayong taon, hiling na sana ngayon 2024 ay magkamtan niya ang healing at growth in  character na hinihiling niya.

Narito naman ang ilang mga komento mula sa mga fans ni Andrea Brillantes sa inilabas niyang Spain vlog.

"Although you are always misunderstood and judged, I still believe that there is something good inside you. You may have committed mistakes but I hope you will learn from it and never do it again. There are lots of people who looked up to you Blythe including me so pleasee be better in life, love, and decisions. Whatever happens I will always be at your side.. You are heard and loved my Ramona!"

May mga naiyak pang mga tagahanga ni Andrea habang pinapanood ang kanyang vlog kase grabe talaga yung pinagdadaanan niya. May mga nagpahayag pa sa kanilang tuwa dahil nakayanan ni Andrea Brillantes ang lahat ng mga pagsubok sa buhay at mga masasamang isyu na ibinabato sa kanya.

Kim Chiu at Paulo Avelino Aminadong May Espesyal Na Namamagitan Sa Kanila!

 Usap-usapan ngayon sa ilang mga entertainment sites at social media platforms ang patungkol sa totoong namamagitan sa magco-stars na sina Paulo Avelino at Kim Chiu matapos ang tuluyang pagkumpirma ni Kim Chiu at Xian Lim na matagal na silang naghiwalay.

Hindi naman lingid sa kaalaman ng lahat na madalas nagsasama ngayon sina Paulo Avelino at Kim Chiu dahil sa magkasunod nilang projects na pinagsamahan, sa digital series na Linlang at sa Pinoy adaptation ng What's Wrong With Secretary Kim?

Dahil dito, marami sa mga netizens ang nagsasabi na tila naging taga-comfort na rin ng aktres si Paulo Avelino. Ayon pa sa mga chika na ilang beses umanong naging crying shoulder ni Kim Chiu si Paulo Avelino sa tuwing inaatake ito ng lungkot dala ng nasirang relasyon nila ni Xian Lim.

May mga nagsasabi rin na talagang malapit sina Kim Chiu at Paulo Avelino sa set at namamataan pa rin silang nag-uusap at nagkakasama kahit tapos na ang eksena.

Iginiit naman nila sa mga naunang interview na magkaibigan lamang silang dalawa at ginagawa lamang nila ang makakaya nila para hindi na sila mailang sa mga eksenang pagsasamahan nila.

Subalit, sa kamakailang panayam ng dalawa at tila umamin na umano ang mga ito na may something special sa kanilang pagkakaibigan. Sa ngayon ay hindi pa umano nila masasabi ang hinaharap kaya naman ay abangan na lamang ito ng mga netizens.

Samantala, dahil sa hindi pagsisiwalat nina Kim Chiu at Xian Lim sa totoong dahilan ng kanilang paghihiwalay, marami ang naghinala na may kinalaman rito si Paulo Avelino dahil tila nagseselos umano ito sa maiinit na eksena ng dalawa.

Wedding Highligts! Sa Kasal Ni Angelica Panganiban at Gregg Homan Sa Los Angeles California

 Kasabay ng pagsalubong sa bagong taon, sinalubong ng aktres na si Angelica Panganiban ang kanyang mga tagahanga sa isang masayang balita.

Nitong Enero 1, 2024, masayang ibinahagi ni Angelica Panganiban sa lahat ng kanyang mga tagasuporta ang pagpapakasal nila ng kanyang longtime partner na si Gregg Homan.

Isang simple and intimate wedding ang naganap sa pagitan nila na dinaluhan ng ilang malalapit na kapamilya at kaibigan nilang dalawa sa ibang bansa.

Nagtungo sa Los Angeles ang mga kaibigan at ilang mga kamag-anak ni Angelica Panganiban at Gregg Homan upang masaksihan ang pag-iisang dibdib ng dalawa. Hindi naman lingid sa kaalaman ng lahat na isang American citizen si Gregg Homan kaya naman nagpakasal sila doon.

Ang kasal ng dalawa ay naganap noong December 31, 2023, huling araw ng taong 2022, very rare din umano ang petsang ito dahil umuulit ang mga numerong 1 2 3 1 2 3. Dahil dito, napili nina Gregg at Angelica na ito na ang tamang petsa kung kailan sila ikakasal.

Ibinahagi rin ng make-up artist ni Angelica Panganiban ang ginawa niyang look para sa aktres, ayon sa kanya, gandang Angelica lamang ang lahat dahil hindi siya naglagay ng mga fake lashes at contact lenses para ma-enhance ang ganda nito.

Nagbigay rin naman si Angelica ng mensahe sa kanyang make-up artist na isa rin sa kanyang mga kaibigan, kung saan pinasalamatan niya ito sa effort nito at ipinahayag pa kung gaano niya ito kamahal.

Ibinahagi rin ni Angelica Panganiban ang isinagawang pre-nup shoot nila ni Gregg Homan sa isang burger house sa LA na paborito nilang kainan na mag-asawa.

Marami naman ang natutuwa kay Gregg Homan dahil sa kabila ng pagiging businessman nito ay napakahumble at napakabait pa umano.

Hindi naman nawala sa espesyal na araw ni Angelica Panganiban ang kanyang mga malalapit na kaibigan na sina Kim Chiu at Bela Padilla. Maging sa Instagram account ni Kim Chiu ay ibinahagi rin niya ang espesyal na araw ni Angge.

View this post on Instagram

A post shared by Angelica Panganiban (@iamangelicap)

Kim Chiu Enjoy Sa Pagiging Single Sa Amerika Kasama Ang Mga Kaibigan

 Tila ini-enjoy na ng husto ng actress-TV host na si Kim Chiu ang kanyang pagiging single matapos kumpirmahin ang hiwalayan nila ng kanyang longtime boyfriend na si Xian Lim.

Sa kamakailang episode ng showbiz vlog ni Ogie Diaz isiniwalat niya ang pagkikita nila ni Kim Chiu sa Universal Studio sa America kung saan kasama nito ang kaibigan na si Bella Padilla.

Ayon kay Ogie Diaz sa kabila ng pagbabalita nila ng mga nakakalungkot na update patungkol sa buhay pag-ibig ni Kim Chiu sa kanilang YouTube channerl ay nagkayakapan na lamang umano sila ni Kim Chiu ng magkita sila sa ibang bansa.

Dagdag pa ni Ogie Diaz na mas pinili na lamang umano niya na huwag nang ungkatin pa ang naging hiwalayan nila ng kanyang boyfriend si Xian Lim, bilang pagrespeto na rin sa privacy nito.

Nakikita rin naman umano niya na tila nag-eenjoy naman ang aktres sa pagbabakasyon nito sa ibang bansa kasama ang malalapit na kaibigan.

Sa mga Instagram posts ni Kim, makikita ang pag-eenjoy nito kasama ang mga kaibigan na sina Bela Padilla at Angelica Panganiban. Hiling naman ng mga kaibigan at tagasuporta ni Kim Chiu na sana sa taong 2024 ay makamtan na ng aktres ang healing sa kanyang pusong nasugatan dala ng failed relationship nila ni Xian Lim.

Matatandaan na noong December 20, 2023, bago mag-Pasko ay tuluyan nang inamin nina Kim Chiu at Xian Lim ang kanilang paghihiwalay. Sa kabila nito marami pa rin sa kanilang mga tagahanga ang napapatanong kung ano ang dahilan kung bakit basta na lamang nilang tinapos ang mahigit labin dalawang taon ng pagmamahalan.

View this post on Instagram

A post shared by Kim Chiu 🌸 (@chinitaprincess)

Full Story! DNA Testing Controversy Kay Sarah Lahbati at Richard Gutierrez Sangkot Si Annabelle Rama

 Nitong nagdaang holiday season ay kasama ni Sarah Lahbati ang kanilang dalawang anak ni Richard Gutierrez na sina Zion at Kai, nagbakasyon sila sa Bohol habang ang kanilang padre de pamilya ay nagbakasyon naman sa Japan kasama ang Gutierrez family.

Napansin naman ng mga netizens sa kamakailang mga larawan na ibinahagi ng dalawa sa kani-kanilang mga social media accounts na kuha mula sa kanilang pagbabakasyon, na kapwa hindi na nila sinusuot ang kanilang wedding ring.

Samantala, sa kamakailang episode ng showbiz oriented vlog ng showbiz insider at talent manager na si Ogie Diaz, isiniwalat nito na noon pa umanong August naghiwalay sina Richard at Sarah. Sa ngayon ay hinihintay na lamang umano ng dalawa ang annulment process na inihain nila upang tuluyan nang mawalan ng bisa ang kanilang kasal.

Sa gitna ng usapin patungkol sa hiwalayan nina Richard Gutierrez at Sarah Lahbati, may ibinahaging throwback photo ang aktres na kuha pa noong 1996 kung saan marami sa mga netizens ang nakapansin na kamukha ni Sion ang ina na si Sarah noong kabataan nito.

Samantala, naging usap-usapan naman ang naging sagot ng ina ni Sarah Lahbati na si Ester sa isang komento ng netizen kung saan kapansin-pansin ang pagbanggit nito patungkol sa pagpapa-DNA test sa mga anak.

Ayon sa ina ni Sarah Lahbati, matatanggap pa umano niya ang mga pagkakamali ng kanyang asawa subalit ang pagpapaDNA nito sa kanilang mga anak dahil sa pagdududa na baka hindi sa kanya ay kalabisan na umano at hindi na niya kayang tanggapin pa.

Matatandaan na lumutang noon ang balitang pinapaDNA test umano ng mga Gutierrez ang isa sa mga anak nina Sarah Lahbati at Richard Gutierrez, hindi naman ito nakumpirma noon subalit, kung pagbabasehan ang naging komento ng ina ni Sarah Lahbati ay tila nakumpirma na ang dating isyu patungkol sa pagpapa-DNA sa isa sa mga anak ni Sarah Lahbati.

Nagpasaring pa ang ina ni Sarah Lahbati kay Richard Gutierrez, ayon sa ina ni Sarah, bakit galit ang aktor sa kanyang asawa gayung hindi naman umano nito pinapayagan si Sarah noon na umalis noon na walang kasamang bodyguard. Ngayon lamang umano nakakalabas si Sarah Lahbati na walang kasamang bodyguard na sila naman ang nakakasama nito.

Ibinunyag din ng ina ni Sarah na labis ang pagkaseloso ni Richard Gutierrez subalit magpapa-DNA pa ang mga ito. Pinasaringan pa niya ang mga ito na baka mapahiya lamang.

Sa kabila ng hayagang pagsasalita ng ina ni Sarah Lahbati patungkol sa hinihinging DNA test ng mga Gutierrez, nananatiling tikom naman ang bibig ng kabilang kampo hinggil sa nasabing isyu. Maging si Annabelle Rama na kilalang sumasagot sa mga isyu ay tila pinipigilan rin ang kanyang sarili na sagutin ang mga magulang ni Sarah.

View this post on Instagram

A post shared by SLG (@sarahlahbati)

Huli! Sikat Na Aktres Itinatago Ang Anak Sa US

 Naging laman ng mga usap-usapan ng ilang mga Pilipino sa bansang Amerika ang isyu ng pagkakaroon ng tinatagong anak ng isang sikat na aktres sa Pilipinas.

Ayon pa sa mga ulat na napakalaki umano ng bahay na binili ng kilala ring aktor na ama ng bata sa kanyang mag-iina abroad. Napili umano nila ang lugar na iyon para pagtaguan ng kanilang anak dahil tahimik, mababa ang crime rates at higit sa lahat malayo sa mga mapanuring mata ng publiko.

Subalit, tila wala talagang lihim na hindi nabubunyag dahil naglabasan na rin ang isyu dahil namataan na silang magkasama roon. Ayon pa sa mga nakakakita na sa tuwong dumadating ang ina ng bata kasama ang pamilya nito ay pasimple naman silang bumabati.

Matatandaan na noon pa man ay nati-chismis na ang pagkakaroon ng anak ng sikat na aktres pero kusa lamang itong natahimik nang hindi naman naituro ang eksaktong lokasyon ng bata.

Sa ngayon ay pinuuntahan naman umano ng ina ng bata ang kanyang anak, ipinapasyal rin umano niya ito at sinasama sa pamimili subalit, hindi naman niya ito basta-basta na ipinapakilala bilang kanyang anak.

Sa kasalukuyan ay naghiwalay na umano ang sikat na aktres at kilalang aktor, dahil may kahilingan umano ang aktres na hindi naibigay ng ama ng kanyang anak. Gayunpaman, maayos pa rin naman umano ang kanilang co-parenting set-up at nagkakasundo naman sila pagdating sa pangangailangan ng kanilang anak.

Hindi rin naman umano pinapabayaan ng aktor ang kanilang anak at sinusuportahan naman niya ito kahit pa naghiwalay na sila ng sikat na aktres.

Ang kanilang anak ay nasa apat-hanggang-limang taong gulang na rin sa ngayon kaya naman humihiling ang source na sa natatamasa nitong blessings at kasikatan ngayon ay maipakilala na rin niya ang kanyang anak sa publiko dahil unti-unti na rin itong nagkakaisip.

 

Zeinab Harake, Ray Parks Kahit Malayo Sa Isat Isa Sinalubong Pa Rin Ng Magkasama Ang 2024

 Sa kabila ng malayong distansya sa isa't-isa, nagawan pa rin ng paraan nina Zeinab Harake at Bobby Ray Parks Jr. na sabay salubungin ang bagong taon.

Nabigong makauwi ng Pilipinas ang karelasyon ngayon ni Zeinab Harake na si Bobby Ray Parks Jr. para makasama sina Zeinab at mga anak nito sa pagsalubong ng panibagong taon.

Tila hindi nagawan ng paraan ni Bobby Ray Parks na maisingit sa kanyang hectic schedule ang pag-uwi sa bansa kaya naman gumawa na lamang sila ng paraan ni Zeinab Harake para magkasabay pa rin nilang salubungin ang taong 2024.

Sa mga social media post nina Zeinab Harake at Bobby Ray Parks Jr. pinakita nila ang kanilang pagvi-videocall para kahit papaano ay tila magkasama pa rin silang dalawa.

Gayunpaman, positibo ang kanilang mga tagahanga magkakaroon muli ng pahinga si Bobby Ray Parks at makakauwi ito sa Pilipinas para muling makasama si Zeinab Harake at mga anak nito na itinuturi na rin niya bilang kanyang mga anak.

Samantala, kamakailan lamang ay muling lumikha ng ingay ang dating karelasyon ni Zeinab Harake na si Skusta Clee kung saan humihingi ito ng another chance kay Zeinab Harake na magsama muli sila para na rin umano sa kanilang anak na si Baby Bia.

Ipinunto pa ni Skusta Clee na kahit nagloko siya noon ay hindi pa rin mawawala ang pagiging ama niya sa kanilang anak kaya naman humihingi siya ng pagkakataon kay Zeinab.

Subalit, tila hindi na ito pagbibigyan pa ni Zeinab Harake dahil masaya na rin naman ito sa piling ng panibagong karelasyon na si Bobby Ray Parks. Nagpasaring pa ito kay Skusta kung saan tila sinasabi niyang muli lamang silang ginagamit ng rapper dahil may ginawa nanaman itong panibagong kanta.

Andrea Brillantes Muling Nagviral Dahil Sa Kanyang Guitar Video

 

Kaagad na umani ng samu't-saring reaksyon at komento mula sa mga netizens ang  ibinahaging video ni Andrea Brillantes kung saan ipinakita niya ang natanggap niyang regalo.

Makikita naman sa nasabing video ang priceless reaction ni Andrea Brillantes nang tuluyan nang malantad ang gitara na iniregalo sa kanya nitong katatapos lamang na pasko.

Bagama't marami ang natutuwang mga fans ni Andrea Brillantes dahil sa natanggap nitong regalo, marami naman ang nagbigay ng ibang pakahulugan rito at iniuugnay ang natanggap na regalo ng aktres sa kinasangkutan nitong kontrobersya kamakailan lamang nang madawit ang kanyang pangalan sa hiwalayan ng celebrity couple na sina Kathryn Bernardo at Daniel Padilla na naging magkarelasyon rin sa loob ng maraming taon.

Matatandaan na marami ang nagsasabi at naghinala na si Andrea Brillantes ang naging dahilan ng paghihiwalay nina Kathryn Bernardo at Daniel Padilla dahil sa mga ulat na inilalabas ng ilang mga entertainment news sites.

Bukod pa rito, binalikan rin ng mga netizens ang naging isyu noon ni Andrea Brillantes noong bata pa siya kung saan may kinakalabit umanong hindi tama ang young actress.

Hindi naman napatunayan ang isyung ito kaya naman marami pa rin sa mga netizens ang naku-curious rito.

Sa kabila naman ng lahat ng pambabatikos na ibinabato ngayon kay Andrea Brillantes ay may mga fans pa rin na pinoprotektahan ang aktres. May mga naniniwala na hindi naman magagawa ni Andrea Brillantes ang mga bagay na binabahid ng mga bashers nito.

May isa pang netizens na hayagang sinaway ang mga bashers ni Andrea Brillantes dahil sa mga babae pa naman ito pero kung bastusin umano si Andrea ay parang alam na alam nila ang buong kwento.

@drewiest MERRY CHRISTMAS EVERYBODY #andreabrillantes #blythe #fyp ♬ All I Want for Christmas Is You - Mariah Carey

Kazel Kinouchi Kinumpirma Na Ang Totoong Relasyon Nila Ngayon Ni Richard Gutierrez!

 Nagbigay na ng pahayag ang GMA Sparkle actress na si Kazel Kinouchi hinggil sa pagkakadawit ng kanyang pangalan sa isyu ng paghihiwalay ng celebrity couple na sina Sarah Lahbati at Richard Gutierrez.

Nilinaw na ng Kapuso aktres na si Kazel Kinouchi ang hinala at mga tsismis patungkol sa pagkakaroon nila ng secret relationship ni Richard Gutierrez na naging dahilan kung bakit naghiwalay ang mag-asawa.

Sa isang live, ipinahayag ni Kazel Kinouchi na nagpapasalamat siya sa publicity na dala ng pagkakalink niya kay Richard Gutierrez subalit iginiit niya na wala siyang kinalaman sa naging paghihiwalay nina Richard Gutierrez at Sarah Lahbati. Ipinagdidiinan din niya na hindi siya isang kabit at kailanman ay hindi umano siya magiging kabit.

Ayon kay Kazel Kinouchi, mabubunyag rin sa lahat balang araw ang totoong dahilan ng paghihiwalay nina Sarah Lahbati at Richard Gutierrez. Dagdag pa niyang kapitbahay lamang umano silang dalawa ni Richard Gutierrez kaya naman may pagkakataon talaga sila na magkita at magkasama pero wala umanong malisya ang lahat.

Hiling din niya na sana ay itigil na rin ng mga netizens ang pagtsi-tsismis sa kanila ni Richard Gutierrez dahil gustuhin man niya ang publicity na dala nito, hindi naman umano totoo ang lahat at nakakasira rin umano ito sa kanyang reputasyon.

Sa kabilang banda, inamin naman ni Kazel Kinouchi na malapit silang magkaibigan ni Richard Gutierrez at nagkakausap silang dalawa subalit hindi naman umano ito nangangahulugang may romantic relationship silang dalawa.

Hinggil naman sa dahilan ng paghihiwalay nina Sarah Lahbati at Richard Gutierrez, hindi na umano siya nakikialam roon at wala na siya sa desisyon ng dalawa.

Matatandaan na nadawit ang pangalan ni Kazel Kinouchi sa hiwalayan nina Sarah Lahbati at Richard Gutierrez nang lumabas sa social media ang ilang mga larawan na magkasama silang dalawa. Mula noon ay naghinala na ang mga netizens na bukod sa hindi pagkakaunawaan sa pagitan ng pamilya nina Sarah at Richard Gutierrez ay ang isyung mayroong third party.

Samantala, sa isang episode ng programa ni Manay Cristy Fermin, isiniwalat nito na si Sarah Lahbati umano ang totoong dahilan kung bakit nagtapos ang pagsasama nila ni Richard Gutierrez bilang mag-asawa.

Napakamaluho umano ni Sarah Lahbati at panay waldas na lamang ng pera nila ni Richard Gutierrez, bukod pa rito si Sarah rin umano ang unang nangaliwa sa relasyon nila ni Richard Gutierrez.

Ayon pa sa mga haka-haka na hindi naman lalaki ang karelasyon ngayon ni Sarah Lahbati kundi isa ring babae. Sa ngayon ay patuloy lamang sa pananahimik si Sarh Lahbati sa kabila ng kabi-kabilang mga isyu na binabato sa kanya patungkol sa nangyaring hiwalayan nila ng kanyang asawang si Richard Gutierrez.

Claudine Barretto Nagsisi Na Pinili Ang GMA Project

Usap-usapan ngayon sa social media ang isyu ng tila pagsisisi umano ng aktres na si Claudine Barretto dahil pinili niyang gumanap sa isang teleserye sa GMA7.

Usap-usapan ngayon ang balitang dalawang linggo na lamang at magtatapos na ang teleserye na kinabibilangan nga aktres na si Claudine Barreto sa GMA network na Lovers and Liars.

Ang seryeng ito ay isang collaboration project ng GMA7 at Regal Entertainment, isa sa mga cast nito ay ang aktres na si Claudine Barretto. Ang serye ding ito ang nagsisilbing comeback movie ni Claudine Barretto matapos ang ilang taon niyang pamamahinga sa showbiz at sa pagbabalik sa GMA network.

Bukod pa kay Claudine Barretto, kabilang rin sa cast ng nasabing serye sina  Shaira Diaz, Yasser Marta, Rob Gomez, Kimson Tan, Michelle Vito, Sarah Edwards, Polo Ravales, Christian Vasquez, and Lianne Valentin.

Samantala, marami naman sa mga netizens ang nagtataka kung bakit magtatapos na ang Lovers Liar gayung kasisimula pa lamang nito noong November 20, 2023.

May mga netizens na nag-iisip na kaya maagang magtatapos ang isang teleserye ay dahil sa mababang ratings nito at hindi tinangkilik ng mga manonood.

Sa kabilang banda, may mga nagtatanggol naman sa mga teleserye na maagang nagtatapos, ayon sa ilan na mas mabuti nang maagang magtapos ang mga serye katulad na lamang ng mga K-Drama na kadalasan ay nasa 16 episodes lamang. Mas mabuti rin umano ito para magkaroon ng posibilidad na magkaroon ng panibagong season.

Bukod pa rito, maganda rin umano na nagtatapos kaagad ang isang serye upang maiwasan ang pasikot-sikot at redundancy ng mga eksena.

Marami naman sa mga fans ni Claudine Barretto ang nanghihinayang dahil kaagad na tsinugi ang comeback series ng batikang aktres na kilalang magaling sa larangan ng pag-arte.

May mga nag-eexpect pa noon na sana ay tumagal-tagal pa umano ang nasabing serye kahit aabot man lamang umano ito ng mga anim na buwan. Dahil ang teleseryeng kinabibilangan naman ni Jillian Ward sa GMA ay tuloy-tuloy pa rin naman.

Bukod pa rito, inilipat rin ng GMA Network ang serye sa alas diyes ng gabi na kunti na lamang ang nanonood dahil natutulog na ang karamihan.

May tsika naman na tila may pagsisisi umano si Claudine Barretto sa paglipat niya sa GMA7 dahil tila binaliwala lamang ng network ang kanyang galing sa larangan at talagang ginawa pang late night ang kanyang teleserye.

Sa ngayon ay hindi pa naglalabas ng anumang pahayag ang GMA network at ang Regal Entertainment kung bakit kaagad na magtatapos ang kanilang collaboration series.

View this post on Instagram

A post shared by Regal Entertainment, Inc. (@regalfilms50)