Daniel Padilla, Inilabas Na Ang Totoong Pagtrato Sa Kanyang Mga Fans Matapos Hiwalayan Ni Kathryn

 Hindi nagustuhan ng mga netizens at ilang mga fans ng aktor na si Daniel Padilla ang ginawa nito sa kanyang mga fans na matagal na naghintay sa kanya para makipagselfie.

Muling umingay ang pangalan ng kontrobersyal aktor na si Daniel Padilla dahil sa pagkalat ng video kung saan makikitang hinablot nito ang mga ulo ng mga fans na nais makipagpicture sa kanya, bukod pa rito, tinapik rin nito ang kamay ng isang fan na nais magkipagfinger heart sa aktor.

Tila padabog pang umalis si Daniel Padilla na tila ba naiinis na siya sa kakulitan ng kanyang mga fans.

Kitang-kita rin na nakasimangot si Daniel Padilla at tila pilit pa ang kanyang pakikipagsalamuha sa kanyang mga fans. Kitang-kita pa kung paano napahiya ang mga fans sa ginawa ni Daniel Padilla subalit pilit lamang nila itong tinago sa kanilang ngiti.

Gayunpaman, may mga fans pa rin naman ng aktor ang nangatwiran na baka nagbibiro lamang umano ang aktor sa kanyang ginawa sa mga fans na matagal na naghintay sa kanya. Subalit, kaagad itong binara ng mga netizens kung saan ipinunto nila na hindi kailan man magiging biro ang pamamahiya sa kapwa at ang pambabatos ng tao.

May mga nagsasabi pa na kung hindi naman pala bukal sa loob ni Daniel Padilla na makipagpicture kasama ang kanyang mga fans ay sana maayos nitong tinanggihan ang mga fans at huwag nang ipakita sa mga ito na napipilitan lamang siya.

Hindi rin umano magandang tingnan na basta na lamang hinahablot ni Daniel Padilla ang ulo ng kanyang mga fans dahil nakakawala umano ito ng paggalang at respeto.

Gayunpaman naninindigan parin ang mga fans ni Daniel Padilla na plina-prank lamang ng aktor ang kanyang mga tagahanga roon at nagpapakita lamang umano ang video na ito na malapit si Daniel Padilla sa kanyang mga fans na parang tropa na lamang ang tingin niya sa mga ito.

Narito naman ang ilang mga komento ng mga netizens hinggi sa nasabing viral video ni Daniel Padilla.

"Image lang ang pa good boy nya! Suplado siya in person at maangas! Binabayaran lang ni Karla ang press people para purihin siya. Actually, si Kathryn talaga ang nagtatakip sa kanya. Yung pagkawala ni Kathryn sa buhay nya ay malaking effect yun sa career nya! Naka depende si Daniel ngayon sa mga KN loveteam fans kaya fan service ang ginagawa ng team nya!"

"OMG bakit nga ganyan ang reactions nya sa isang bakla ata yun at sa mga girls parang naiinis o galit siya na di nalaman. Sobrang lumaki namn ata ulo ni daniel ngayon mayaman at sikat na sya kung wala ang mga yan wala din sya sa industria. Ang layo nya kay Idol sen. Robin. Nkka buset mga inaarte nya dyan aa.. kala mo kung sino!"

"Mapagpanggap pala syempre sikat kasi na feeling nia di na sya babagsak.ngayon hiwalay na sila ni katryn paano na sya .di kaya bumagsak ang career niya"

@rossyme_ph #kathniel #danielpadilla ♬ original sound - Rossy Me

Kakai Bautista, Sa Hiwalayan Nina Kathryn Bernardo at Daniel Padilla

 May rebelasyon ang actress-comedian na si Kakai Bautista hinggil sa naging hiwalayan ng kanyang kaibigan na sina Daniel Padilla at Kathryn Bernardo.

Naging maingat ang actress-comedian na si Kakai Bautista sa kanyang pagsagot sa mga katanungan na ibinato sa kanya kamakailan lalo na ang pagsagot niya sa mga katanungan patungkol sa hiwalayan ng KathNiel na kamakailan lamang nilang inamin sa publiko.

Hindi naman lingid sa kaalaman ng lahat na kabilang sa malalapit na kaibigan nina Kathryn Bernardo at Daniel Padilla si Kakai Bautista. Nagkasama sa trabaho sina Kakai Bautista at ang KathNiel sa teleseryeng Must Be Love noong 2013 at Crazy Beautiful You noong 2015.

Nagkasama naman sina Kakai Bautista at Kathryn Bernardo sa pelikulang Hello, Love, Goodbye noong 2019.

Sa kamakailang panayam kay Kakai Bautista sa presscon ng kinabibilangan niyang pelikula na entry sa 2023 Metro Manila Film Festival na When I Met You in Tokyo, na pinagbibidahan nina Christopher De Leon at Vilma Santos, ipinahayag niyang wala siya sa posisyon para magbigay ng kung anong opinyon sa hiwalayan nina Kathryn Bernardo at Daniel Padilla dahil pareho naman niya itong kaibigan.

Ang mas nararapat umanong gawin ngayon ay ipagdasal na lamang ang dalawa para kaagad silang makapag-move on sa nangyaring paghihiwalay nila matapos ang 11 years na romantic relationship nilang dalawa.

Gayunpaman, inamin ni Kakai Bautista na kamakailang lamang ay nakapag-usap sila ni Kathryn Bernardo subalit, hindi na niya ito kinulit pa upang malaman kung ano ang dahilan ng paghihiwalay nila ni Daniel Padilla. Mas minabuti umano niyang respetuhin ang pananahimik ng kanyang kaibigan.

Ayon pa kay Kakai Bautista, may ilang details naman umano siyang alam subalit ayaw na niya itong isiwalat pa dahil ang nararapat na magbigay ng pahayag patungkol sa detalye ng hiwalayan ay sina Daniel Padilla at Kathryn Bernardo.

Pinuri naman ni Kakai Bautista si Kathryn Bernardo, dahil sa pagiging matatag nito sa pagharap ng paghihiwalayan nila ni Daniel Padilla. Very proud din umano si Kakai sa kanyang kaibigan kung paano nito hinandle ang hiwalayan nila ni Daniel Padilla at kung paano ka professional ang aktres sa pakikitungo niya sa kanyang ex-boyfriend.

Aminado naman din si Kakai Bautista na umiyak at nalungkot siya ng malamang naghiwalay na sina Daniel Padilla at Kathryn Bernardo, bilang kaibigan at bilang fan ng tambalan ng dalawa.

Gayunpaman, nararapat na tanggapin na lamang ang lahat at suportahan na lamang sa sila bilang individual at ipagdasal ang kanilang healing.

Melissa Gibbs Nagsalita Na Tungkol Sa Kanyang Ama at Mga Taong Tumulong Sa Pamilya

 Patuloy paring nagluluksa ang pamilya, mga kaibigan, kasamahan sa trabaho at maging ang mga fans ng batikang aktor na si Ronaldo Valdez na bigla na lamang pumanaw kamakailan.

Labis na ikinabigla ng mga fans, lalong lalo na ng mga anak ni Ronaldo Valdez ang nangyari sa batikang aktor dahil hindi nila inaasahan na magagawa nito ang kitilin ang sariling buhay.

Samantala, nagbigay naman ng pahayag ang anak ni Ronaldo Valdez na si Melissa Gibbs na una'y naging tahimik lamang sa nangyari sa kanyang ama. Hangggang ngayon ay balisa pa rin umano siya at halos hindi pa rin niya matanngap ang nangyari.

Ayon kay Melissa Gibbs, may mga times na wala siya sa kanyang sarili. Mabuti na lamang ay naroon para sa kanya ang kanyang mga kaibigan upang damayan siya sa bigat ng kanyang nararamdaman dahil sa nangyari sa kanyang ama.

Pinasalamatan naman ni Melissa Gibbs ang mga ito sa pagdamay sa kanya habang wala siya sa sarili dala ng pagkawala ng kanyang ama.

Samantala, makikita naman sa social media post ni Melissa Gibbs three weeks ago na nakasama pa niya ang kanyang ama na si Ronaldo Valdez sa isang birthday celebration kung saan naroon rin ang kanyang ina na si Marife Gibbs.

Sa ngayon ay hindi pa rin nagbibigay ng anumang pahayag sina Janno Gibbs at Melissa Gibbs sa lumabas na isyu patungkol sa hiwalayan ng kanilang mga magulang na kamakailan lamang ay naisiwalat ng dating leading lady na si Boots Anson- Roa.

View this post on Instagram

A post shared by Melissa Gibbs Pabalan (@melissagibbspabs)

Sharon Cuneta at Kapatid na si Chet Cuneta Matagal Nang May Hidwaan

 Sa likod ng masasayang ngiti ng Mega Star na si Sharon Cuneta, mayroon rin pala itong mga pinagdadaanan sa buhay na nabunyag ngayon sa kanyang social media account.

Tila hindi na nakayanan ni Sharon Cuneta ang bigat na kanyang nararamdaman kaya naman inilabas na niya ito sa kanyang Instagram post. Ibinahagi ni Mega Star Sharon ang kanyang mensahe para sa kanyang kapatid dahil matagal na ring nang magkaroon sila ng hindi pagkakaunawaan.

Ayon sa mensahe ni Sharon Cuneta para sa kanyang kapatid na si Chet Cuneta, matagal na rin ang lumipas at hindi naman umano lingid sa kaalaman nito na wala siyang kasalanan.

Gayunpaman, kinalimutan na umano itong lahat ni Sharon Cuneta at ninanais na magkaayos na lamang silang magkakapatid dahil miss na miss na niya ito ngayon. Ito na lamang rin umano ang kanyang pamilya kaya naman hiling niya na sana ay magiging maayos na silang magkapatid.

Humingi naman ng paumanhin si Sharon Cuneta sa kanyang Kuya Chet sa pagsasapubliko sa pagkakaroon nila ng hindi pagkakaunawaan dahil wala na umano siyang ibang alam na paraan para makapag-reach out rito. Sinusubukan rin naman umano niya na kausapin privately ang kanyang kapatid subalit hindi naman siya pinagbibigyan nito.

Marami naman sa mga fans ni Sharon Cuneta ang naawa sa pinagdadaanan ngayon ng aktres sa kabila ng pagiging mabuting tao nito, hiling nila na sana ay lumambot na ang puso ng kapatid nito para tuluyan na silang magkasundo.

"I pray for your Christmas grown up wish wherever you are Kuya Chat , I hope and pray with love and sincerity that your sister’s message will reach your heart. Life is so unpredictable. Family ties are the best connection between two people."

"Let’s not take it for granted . Family stays together because members of it wants to be together no matter what periods of challenges or misunderstandings arise. Mistakes should be a learning experience not the reason to disconnect."

View this post on Instagram

A post shared by ActorSingerPresenter (@reallysharoncuneta)

Bianca Manalo Umamin Na Sa Private Convo Nila Ni Rob Gomez

Naglabas na ng pahayag ang isa sa mga dawit sa isyung pangangaliwa ng Kapuso actor na si Rob Gomez sa ina ng kanyang anak na si Shaila Rebortera.

Nitong December 20, myerkules, ikinabigla ng mga netizens at Magandang Dilag fans nang mag-leak sa mismong Instagram account ang mga private messages sa pagitan nina Herlene Budol at Rob Gomez, at ang mga messages ni Bianca Manalo kay Rob Gomez kung saan ipinahayag ng aktres na nais niyang makipagkita sa aktor.

Kaagad na binatikos ng mga netizens at bashers sina Herlene Budol at Bianca Manalo dahil sa pagpatol umano nila sa lalaking may kinakasama at anak na.

Labis na nakatanggap ng pambabatikos si Bianca Manalo dahil hindi naman lingid sa kaalaman ng lahat na siya ang partner ng Senator na si Win Gatchalian. Marami pa ang nagsasabi na hindi makuntento itong si Bianca Manalo kay Senator Win, kaya sumide bet pa kay Rob Gomez.

Tila hindi naman nakatiis si Bianca Manalo na kasalukuyang nagbabakasyon ngayon sa Japan sa mga pambabatikos na natanggap niya mula sa mga netizens na kaagad na nanghusga sa kanya kahit hindi pa alam ang buong kwento.

Sa isang opisyal na pahayag na inilabas niya sa kanyang Instagram account, nilinis ni Bianca Manalo ang kanyang pangalan at pinabulaanan ang isyu na may lihim silang relasyon ni Rob Gomez kung saan pinagtataksilan nilang pareho ang kani-kanilang mga kinakasama.

Nais umano ni Bianca Manalo na linawin ang isyu na kumakalat ngayon upang malinis na ang kanyang pangalan tinawag pa niyang false rumors ang kumakalat ngayon sa social media.

Ayon sa pahayag ni Bianca Manalo, magkaibigan lamang silang dalawa ni Rob Gomez at magkatrabaho rin. Noong araw na nagmessage umano siya rito na nais niyang makipagkita ng maaga sa aktor ay dahil may ibibigay itong regalo sa kanya. Nais niyang maaga silang magkita dahil aalis na umano siya papuntang airport para sa kanyang pagbabakasyon.

Ipinahayag din ng aktres ang kanyang disappointment sa taong nagpakalat ng kanilang mga private messages na walang pahintulot mula sa kanya dahil nagdulot ito ng online bashing laban sa kanya. Nilabag din umano ng taong ito ang kanyang privacy. Ipinagdiinan ni Bianca Manalo na may iba pa siyang mensahe kay Rob Gomez na sadyang hindi isinama sa mga screenshots upang bahiran ng malisya ang kanilang conversation.

Ipinaghayag pa ni Bianca Manalo na naapektuhan na sa nasabing intriga ang kanyang mga mahal sa buhay kaya naman hiling niya na sana ay itigil na ang pambabatikos sa kanya dahil wala namang katotohanan ang mga accusation laban sa kanya para maenjoy naman nilang magkakapamilya ang bakasyon at ang pasko.

Samantala, marami naman sa mga kaibigan at celebrities ang sumuporta kay Bianca Manalo maging ang ilang mga celebrities ay naniniwala rin sa paliwanag ng aktres.

Gayunpaman, marami pa rin sa mga netizens ang nagdududa kay Bianca Manalo at hiniling na ilabas ng aktres ang full conversation nila ni Rob Gomez upang tuluyan nang maging malinis ang kanyang pangalan.

Sa kabilang banda, nauna nang ipinahayag ni Rob Gomez na wala sa kamay niya ang kanyang cellphone mula pa noong December 20, sa kaparehong oras na nagsilabasan sa kanyang Instagram acccount ang mga private conversation nila ng kanyang mga ka-trabaho sa Magandang Dilag.

Marami naman ang naghinala na ang ina ng anak ni Rob Gomez na si Shaila Rebortera ang kasalukuyang may hawak ng kanyang cellphone at siyang nagsiwalat sa mga kontrobersyal na mensahe nina Rob Gomez, Herlene Budol at Bianca Manalo.

 

View this post on Instagram

A post shared by Bianca Manalo (@biancamanalo)

Totoong Relasyon Ni Ronaldo Valdez Sa Manager Na Si Jam Santos!

 Maraming mga netizens ngayon ang tila binibigyan ng kakaibang kulay ang closeness at samahan nina Ronaldo Valdez at manager nito na si Jamela Santos.

Ayon sa ilang mga netizens na sobra-sobra umano ang closeness ng dalawa at kapansin-pansin pa na palaging pinapasalamatan noon ni Ronaldo ang kanyang manager. Malaki ang pasasalamat ni Ronaldo sa kanyang manager dahil palagi umano itong nagbibigay ng oras sa kanya at sinusuportahan siya sa kanyang mga ginagawa.

Maging sa wake ng aktor ay makikita pa na tila si Jamela Santos ang nag-ayos, makikita rin ang closeness nina Janno Gibbs at Melissa Gibbs rito.

Samantala, may ilang mga netizens naman ang naniniwala na wala namang malisya ang samahan ng dalawa kundi pure friendship lamang. Hindi umano nararapat na bigyan ng malisya ang closeness ng dalawa at dapat pang hangaan si Jamela sa kanyang dedication sa pag-aalaga kay Ronaldo Valdez.

Matatandaan na base sa mga isiniwalat noon ni Jamela na nakipagkita pa siya kay Ronaldo upang magpaalam rito dahil pupunta siya sa ibang bansa, hindi naman umano niya lubos akalain na ito na pala ang magiging huling pagkikita nilang dalawa.

Sa kabilang banda, base sa pagkukwento ng dating kasamahan ni Ronaldo Valdez na si Boots Roa ay napansin din umano niya na may iniindang sakit si Ronaldo Valdez, physically but more on emotionally. 

Napapansin umano niyang nasasaktan at nalulungkot ito. Hindi naman umano niya tinanong ang dahilan subalit hinala niya na may kinalaman sa kalungkutang ito ang paghihiwalay nina Ronaldo Valdez at asawa nitong si Marife Gibbs.

Hindi rin naman alam ni Boots, kung ano ang dahilan ng hiwalayan ng mag-asawa dahil hindi na niya tinanong pa si Ronaldo bilang pagrespeto rito.

View this post on Instagram

A post shared by Jamela Santos (@misseverywhere1)

Kilalang Aktor Tatanggalin Sa Regular Show

 Nanganganib na matanggal umano sa isang regular show ang isang aktor dahil nagiging problema na umano ito sa mga production staff.

Tila hindi na umano magbabago ang aktor na ito at palagi siyang nahuhuli sa call time kaya naman apektado na ang kanyang trabaho at maging ang kanyang mga co-stars at nagrereklamo na rin dahil sa kawalan umano ng disiplina at professionalism ng nasabing aktor.

Mag-iisang taon pa lamang nang ipinakilala sa telebisyon ang aktor bilang personalidad na maaring sumikat. Bago pa man ipinakilala sa telebisyon, sumailalim muna ang aktor na ito sa maraming mga workshops.

Gayunpaman, hindi pa man nagtatagal ang pagsikat ng aktor na ito ay maari na umano itong matanggal. Hindi lamang umano ito natuloy dahil sa pakiusap ng dalawang co-stars nito na nagigiliwan sa kanya.

Subalit, hindi panghabangbuhay na pagtatakpan na lamang ng dalawang ito ang aktor lalo pa't hindi naman umano ito nagbabago at hanggang ngayon ay wala pa rin itong disiplina at professionalism.

Herlene Budol Nagsalita Na Sa Isyu Nila Ni Rob Gomez,Bianca Manalo Dedma Lang

Naglabas na ng pahayag ang aktres na si Herlene Nicole Budol sa pagkakadawit niya sa isyu sa pagitan ng magkarelasyon na sina Rob Gomez at Shaila Rebortera.

Nadawit ang pangalan ni Herlene Budol sa isyu ng pangangaliwa ni Rob Gomez sa ina ng kanyang anak na si Shaila Rebortera ng lumabas sa mismong Instagram account ng aktor ang mga private messages ng dalawang lead stars ng teleseryeng Magandang Dilag.

Kung pagbabasehan ang palitan ng mga mensahe nina Herlene Budol at Rob Gomez, mahihinuhang may romantikong namamagitan sa kanila. Nakadagdag pa sa kontrobersiya ang larawan ng dalawang pregnancy test kung saan tinag ang Magandang Dilag star.

Marami ang naghinala na may nangyayari sa pagitan nina Rob Gomez at Herlene Budol kaya naman kinailangan ng aktres na mag-prenancy test upang siguruhin kung nagbubuntis na nga ba ito o hindi.

Sa gitna ng pagkalat ng mga screenshots, nagtweet si Herlene Budol, kung saan naitanong niya kung bakit nakaladkad ang kanyang pangalan.

Kaagad naman sinagot ng ilang mga netizens si Herlene Budol at sinabing alam na niya dapat ang dahilan kung bakit nakaladkad ang kanyang pangalan dahil pumatol siya sa isang lalaki na may anak na.

May mga nagsasabi pa na labis siyang nagutom kaya naman maging ang taong hindi karapat dapat ay napapak niya. May mga binalikan pa ang mga karakter ni Herlene Budol sa teleseryeng Black Rider kung saan sinabunutan niya ang kabit ng kanyang kinakasma. Ayon sa mga netizens na dapat sabunutan ngayon ni Herlene ang kanyang sarili.

May mga naiinis pa sa aktres dahil tila nagmamalinis na naman umano ito gayung kitang-kita na ang ebedinsyang dawit siya sa isyu dahil sa mga screenshots na kumakalat ngayon.

May kasunod pang post si Herlene Budol kung saan tila sinabi niyang normal lamang na iniisyu siyang nagbubuntis sa tuwing nagiging maganda ang kanyang showbiz career.

Samantala, nagbigay naman ng pahayag ang aktor na si Rob Gomez kung saan ipinahayag niyang walang pahintulot na kinuha ni Shaila Rebortera at ginamit ang kanyang cellphone noong December 20, 2023. Kaagad naman umanong nilink nito ang mga private converstions niya sa kanyang mga co-stars para masira ang kanilang reputasyon sa industriya.

Iginiit din ni Rob Gomez na ang mga kumalat na converations ay dinadamayan lamang siya ng kanyang mga co-stars noong may pinagdadaanan siya.

Sa kabilang banda patuloy namang nanahimik ang isa pang personalidad na dawit sa isyu na si Bianca Manalo, kung pagbabasehan ang mga kumakalat na screenshots makikitang tila may namamagitan din sa kanilang dalawa ni Rob Gomez.

Tila dinidedma lamang ngayon ni Bianca Manalo ang isyu upang hindi na lumala pa lalo na't hindi naman lingid sa kaalaman ng lahat na mayroon na siyang kinakasama.

 

 

Showbiz nga talaga! Pag dedicated ka sa trabaho.
gagawan ka ng issue!

Dati asa #wowowin gumawa ng issue na buntis daw ako.

Ngayon naman sa #MagandangDilag may issue uli na buntis ako uli?

Ano susunod? Sa #BlackRider mabubuntis ako uli?

— Herlene Hipon Budol (@herlene_budol) December 20, 2023

Janno Gibbs Sumagot Na Sa Isyung Paghingi Ng Mana Ng Nagpakilalang Anak Sa Labas Ni Ronaldo Valdez

 Nagbigay na umano ng pahayag ang singer na si Janno Gibbs hinggil sa napapabalitang pagsulpot ng anak sa labas ng kanyang amang si Ronaldo Valdez na kamakailan lamang ay pumanaw.

Nagsalita na umano ang isa sa mga anak ni Ronaldo Valdez na si Janno Gibbs hinggil sa isyung may nagpakilalang anak sa labas ng kanyang ama sa lamay nito.

Ayon sa ilang mga usap-usapan sa social media, may bumisita sa burol ng batikang aktor at nagpakilala bilang anak nito sa labas. Nagpunta umano ito upang silipin ang mga huling sandali ng kanyang ama.

Hindi naman umano ito nagustuhan ni Janno Gibbs at kaagad na itinaboy ito, pakiramdam umano ni Janno ay pinagtitripan lamang sila nito at binabastos ang lamay ng kanilang ama.

Ipinagpipilitan naman nito na anak siya ni Ronaldo kaya naman may karapatan rin umano siya na pumunta sa lamay ng yumaong ama.

Samantala, ayon pa sa mga naglabasan chika na ipinahayag umano ni Janno Gibbs na kaya lumantad ngayon pumanaw na ang kanilang ama ang nagpakilalang anak nito sa labas ay upang makihati sa mga ari-arian at kayamanan na ipapamana nito sa kanila.

Hindi naman umano papayag si Jannno Gibbs na magtagumpay ang estranghero na nagpakilalang kapatid nila sa ama dahil kaduda-duda umano kung bakit ngayon lamang ito lumantad kung kailang namayapa na ang kanilang ama.

Kim Chiu Emosyunal Sa Christmas Party Dahil Hindi Sinipot Ni Xian Lim

 Naging emosyunal ang actress-host na si Kim Chiu sa inorganisa niyang annual Christmas party sa bahay niya sa Quezon City noong linggo.

Dumalo sa nasabing event ang ilang malalapit na kaibigan ni Kim Chiu, kamag-anak at ilang staff ng Star Magic. Naroon din ang mga kasamahan niya sa mga programang kinabibilangan, katulad na lamang sa It's Showtime, Linlang at What's Wrong With Secretary Kim.

Bukod sa mga inihandang pagkain ni Kim Chiu, may mga paraffle din siya sa mga dumalong bisita. 

Wala rin sa nasabing event ang nobyo ni Kim Chiu na si Xian Lim na lalong nagpalakas sa hinala ng mga fans na naghiwalay na nga ang dalawa. Bukod pa rito kapansin-pansin na namumugto ang mga mata ni Kim Chiu na tila ba galing ito sa labis na pag-iyak.

Sa kabila nito, masaya pa ring sinalubong ni Kim Chiu at inentertain ang mga taong dumalo sa kanyang inihandang Christmas Party.

Nagpapasalamat naman si Kim Chiu sa mga taong dumalo at naglaan ng oras para sa kanyang event. Nanalo man umano o natalo ang mas mahalaga pagkatapos ng araw ay masaya pa rin ang lahat at iyon naman umano ang mas mahalaga.

Naging emosyunal pa ang aktres sa pagsasabi niya kung gaano niya minahal ang mga taong naroon dahil naging bahagi ang mga ito sa kanyang 2023.

Sa kabilang banda, hindi naman lingid sa kaalaman ng lahat na may pinagdadaanan ngayon ang aktres na si Kim Chiu, dala ng paghihiwalay nila ng kanyang boyfriend na si Xian Lim bagama't hindi pa nila ito kinumpirma sa lahat.

Sa ngayon ay kapansin-pansin ang kalungkutan ni Kim Chiu na pilit niyang tinatakpan ng matatamis na ngiti, hindi man nito maamin, alam ng lahat na labis itong nasasaktan dahil lumalabas na parang wala lang kay Xian Lim ang 12 years nilang relasyon na inakala ng lahat na sa kasalan mauuwi.

Its Showtime Host May Malaking Offer Para Iwan Ang Showtime!

 Inamin ng Korean TV host na si Ryan Bang na nakatanggap siya noon ng offer mula sa South Korean entertainment agency na SM Entertainment na magkaroon ng career sa South Korea.

Subalit, matapos ang mahaba-habang pag-iisip at diskusyon kasama ang kanyang pamilya, napagdesisyunan niyang tanggihan ang offer na ito at manatili na lamang rito sa Pilipinas na unang nagbigay ng pagkakataon sa kanya para makapagtrabaho sa industriya ng showbiz.

Kilala ang SM Entertainment ng South Korea bilang tahanan ng mga magagaling na K-Pop kabilang na ang Girls Generation, SHINee, Super Junior, Red Velvet, EXO, bukod sa iba pa.

Isiniwalat ito ni Ryan Bang sa panayam sa kanya ng ABS-CBN Head of TV Productions na si Lauren Dyogi, malaki umano ang pinagbago ng kanyang buhay mula nang madiscover ng ABS-CBN.

Nagsimula ang showbiz career ni Ryan Bang sa Pilipinas nang maging official housemate siya sa reality show ng ABS-CBN na Pinoy Big Brother noong 2010 kung saan itinanghal siya bilang 2nd big placer.

Ipinahayag din ni Ryan Bang ang kanyang pasasalamat kay Direk Lauren Dyogi, dahil kung hindi umano siya kinuha nito noon sa PBB ay baka umuwi na umano siya sa Korea at naging trabahador na lamang siya ng kung anong company.

Bilang pasasalamat kay Direk Lauren Dyogi ginagalingan umano ni Ryan Bang ang kanyang trabaho upang hindi umano magsisisi si Direk sa pagkuha sa kanya.na maging parte ng ABS-CBN.

Humanga naman si Direk Dyogi sa pagiging mabait, masipag at pagiging loyal ni Ryan Bang sa ABS-CBN at sa Star Magic, na kahit nagkaroon sila ng problema sa prangkisa ay hindi parin sila iniwan ni Ryan Bang.

Sa kabilang banda, tila nagbukas naman ng maraming oportunidad kay Ryan Bang sa pagtanggi niya sa offer ng SM Entertainment, naging guest siya sa ilang mga shows sa South Korea.

Herlene Budol Nagsalita Na Sa Issue Nila Ni Rob Gomez?

 Binasag na ng beauty queen-actress na si Herlene Nicole Budol ang kanyang katahimikan sa isyung kinasasangkutan niya ngayon kung saan itinuturi siyang third party o kabit sa relasyon nina Shaila Rebortera at Rob Gomez.

Naging laman ng mga usap-usapan sa social media si Herlene Budol nang magleak mula sa mismong Instagram account ng aktor na si Rob Gomez ang kanilang mga private messages na naglalaman ng kanilang paglaladian at resibo ng pagtataksil ni Rob Gomez kay Shaila Rebortera.

Bukod sa mga screenshot ng private messages nina Herlene Budol at Rob Gomez, may larawan din ng dalawang pregnancy test na pinaghihinalaan na kay Herlene, naging hati pa ang mga komento ng mga netizens kung positive o negative ba ang resulta nito dahil malabo ang ikalawang guhit na makikita sa pregnancy test.

Samantala, kumakalat naman ngayon ang isang social media post ni Herlene Budol kung saan mababasang hindi siya apektado sa isyung nagbubuntis umano siya ngayon.

Ayon kay Herlene Budol, noong nagho-host pa lamang siya sa Wowowin ay naisyu na siyang nagbubuntis. Noong nasa Magandang Dilag naman ay naisyu namang nagbubuntis siya. Ngayon nasa Black Rider, tiyak umano na lalabas naman ang isyung buntis na naman ulit siya.

Sa kabilang banda, marami ang naghinala na ang kinakasama ni Rob Gomez na si Shaila Rebortera ang nagleak sa mga conversation ni Rob Gomez sa mga babaeng kalandian nito ngayon.

Tila paraan umano ito ni Shaila Rebortera para ipakita sa lahat ang totoong katauhan ni Rob Gomez at Herlene Budol dahil hindi man lamang nito tinakpan ang mga intimate messages ng dalawa sa isa't-isa kabilang na ang 'pagkagutom' at pag'kain'.

Sa ngayon ay pinaghihinalaan ng mga netizens na nasa mga kamay pa rin ni Shaila Rebortera ang cellphone ni Rob Gomez, na nakumpirma naman ng mag-post si Rob Gomez sa kanyang Facebook account na wala sa kanya ang kanyang cellphone.

May mga nagpapatunay naman na may agawan ng cellphone umano na naganap sa pagitan nina Shaila Rebortera at Rob Gomez na sa huli ay si Shaila ang nagwagi kaya nagleak ang mga baho ng Magandang Dilag stars.

Ayon sa aming source, naganap ang agawan noong martes ng gabi sa condo unit na tinitirhan ni Shaila at anak nila ni Rob Gomez sa Pasig. Nagkagulo umano ang dalawa, may mga rumesponde pang mga pulis subalit hindi na lumabas pa si Shaila sa condo kaya naman hindi na nabawi ni Rob Gomez ang kanyang cellphone.

May mga kalmot pa umano si Rob Gomez sa kanyang mga braso na magpapatunay na may agawan na naganap sa pagitan nila.

Sa ngayon ay hinihintay pa rin ang mga opisyal na pahayag ng mga taong sangkot sa isyung ito, kabilang na sina Herlene Budol, Bianca Manalo at Rob Gomez.

Sa pananahimik ni Herlene Budol, masasabi umano na hindi ito apektado dahil hindi naman umano siya kabit ni Rob Gomez dahil may anak lang naman sila ni Shaila at hindi pa naman kasal ang mga ito.

Hinihintay naman ng ilang mga netizens, ang pahayag ni Shaila Rebortera hinggil sa panloloko sa kanya ng kanyang boyfriend.

Herlene Budol Matatanggal Sa GMA Matapos Ang Kabit Issue Kay Rob Gomez

 Matapos masangkot sa isang kontobersiya mga pinaghirapan ng actress-beauty queen na si Herlene Budol maaring mawala na lang sa isang iglap.

Sa hindi inaasahang pagkakataon, maaring mawala umano sa actress host na si Herlene Nicole Budol ang kanyang tinatamasang kasikatan ngayon sa larangan ng showbiz.

Marami ang naghinala na kaagad na babagsak ang showbiz career ng aktres na si Herlene Budol, gayung kakasimula pa lamang ng kanyang kasikatan.

Umaani ngayon ng pambabatikos mula sa mga netizens ang Magandang Dilag star na si Herlene Budol dahil sa pagiging kabit umano niya ng kanyang leading man na si Rob Gomez na kasalukuyang may kinakasama na si Shaila Rebortera.

Tila hindi man lamang umano pinansin ni Herlene Budol ang katotohanang mayroon nang kinakasama at anak si Rob Gomez, mas inuna pa umano nito ang kanyang sariling pangangailangan

Nitong December 20, 2023, nagulat na lamang ang mga netizens ng kumalat ang mga private messages nina Herlene Budol at Rob Gomez na nagmula pa sa mismong Instagram account ng aktor.

Hinala ng marami na si Shaila Rebortera talaga ang nagpost ng mga kumalat na landian messages nina Rob Gomez at Herlene Budol gamit ang social media account at cellphone ng aktor.

Sa kabilang banda, tila nakarating na sa GMA Executives at sa pamunuan ng Magandang Dilag ang isyung ito ng kanilang mga stars na sina Herlene Budol, Rob Gomez at maging ni Bianca Manalo.

Malaki rin kasi ang magiging epekto ng isyu ng tatlo sa kanilang show dahil magkakasama lamang sila sa iisang project na pareho namang tinikman ni Rob Gomez.

Samantala, ayon sa mga bali-balita, sakaling mapatunayan na totoo ang mga messages na kumalat sa pagitan ng tatlong co-stars ng Magandang Dilag, hindi lamang umano ang kanilang show ang matatapos kundi maging ang kanilang mga careers na rin.

Sa kabilang banda, may ilang netizens naman ang nagsasabi na hindi naman kailangan tanggalin si Herlene Budol sa mga shows na kanyang kinabibilangan ngayon kahit pa mapatunayan ang isyu dahil hindi pa naman umano kasal sina Rob Gomez at Shaila Rebortera.

May mga nagsasabi pa na magkaiba naman ang personal na buhay sa trabaho kaya naman bakit umano kailangang tanggalin ang aktres gayung magalin naman ito sa kanyang trabaho.

Sa ngayon ay hindi pa nagbibigay ng pahayag sina Herlene Budol at Bianca Manalo sa pagkakalink nila sa aktor na si Rob Gomez.

Samantala, sa isang Facebook post, nagpahayag ng maikling mensahe si Rob Gomez kung saan ipinahayag niyang wala pa rin sa kanyang possesion ang kanyang cellphone.

Hindi naman nilinaw ng aktor kung ninakaw nga ang kanyang cellphone o nasa kamay ito ng kanyang kinakasama na si Shaila Rebortera.

Boots Anso-Roa Kinumpirma Ang Hiwalayang Ronaldo Valdez, Marife Gibbs Sanhi ng Labis Na kalungkutan

 Sa kabila ng pagkakaroon ng magandang buhay at pagiging successful sa kanyang career sa industriya ng showbiz, may mga kinakaharap pa ring mga isyu at pagsubok sa buhay ang batikang aktor na si Ronaldo Valdez.

Sa biglaang pagpanaw ng aktor dahil sa pagkitil nito sa sariling buhay, naglabasan ang mga isyu na naging dahilan kung bakit nakaramdam ito ng labis na kalungkutan.

Ayon sa mga kumakalat ngayong mga usap-usapan, bukod sa mga iniindang pisikal na karamdaman ni Ronaldo Valdez dala ng kanyang katandaan nakaramdam din umano ng matinding kalungkutan si Ronaldo Valdez dahil sa pagkabigo niyang i-save ang marriage nila ng kanyang long time wife na si Marife Gibbs.

Ayon pa sa mga kumakalat na mga ulat, tatlong taon na umano ang nakakalipas nang maghiwalay ang dalawa, napakasakit umano nito para kay Ronaldo na hindi na niya kasama ang kanyang pinakamamahal na asawa sa loob ng halos 50 years.

Hinala ng marami na ang kadahilanang ito ang naging sanhi kung bakit nalugmok ang aktor sa kalungkutan at depression. Nakadagdag na lang rin umano rito ang ginawang operasyon sa kanya dala ng kanyang prostate cancer noong December 2022.

Kinumpirma naman ito ng dating leading lady ni Ronaldo Valdez sa pelikulang 'Ikaw at Ako' na si Boots Anso-Roa sa isang panayam.

Ayon kay Boots, maaring personal na problema ang naging dahilan ni Ronaldo Valdez sa pagkitil sa kanyang sariling buhay. Dito na isiniwalat ng batikang aktres na tatlong taon nang naghiwalay sina Ronaldo Valdez at asawa nitong si Marife Gibbs. Hindi na umano niya itinanong rito ang dahilan ng paghihiwalay nila subalit natitiyak niyang masakit ito para sa aktor dahil matagal rin nitong nakasama si Marife.

Dagdag pang pagsisiwalat ni Boots, napansin niya noong filming ng pelikula nila ni Ronaldo Valdez na 'Ikaw at Ako' ay nahihirapan na umano itong maglakad. Gumagamit na umano ito ng sungkod at palaging nangangailangan ng assistance mula sa ibang tao sa set. Subalit, ang mas napansin niya ay ang pagiging malungkot nito na pilit itinatago sa kanyang mga pag-ngiti at pagjo-joke.

Gayunpaman, napapansin niyang nag-iba ang behavior nito. Napansin umano niyang nasasaktan ito sa ilang mga eksena na ginawa nila lalo na kapag kinailangan nitong maglakad ng straight. Perfect naman umano ito sa kanilang roles na ginagampanan subalit kahit natapos na nila ang scene at sumisigaw na ang director ng cut ay nakikita pa rin niya ang pained expression nito.

Ayon pa sa pagbabahagi ni Boots na ang mas naramdaman niya ang labis na kalungkutan ni Ronaldo lalo na sa pag-iyak nito sa ilang scene ng sobra-sobra.

Sa ngayon ay nakikiramay ang mga artistang nakasama noon ni Ronaldo Valdez sa mga pelikula at teleserye, marami ang nabigla sa ginawa ng batikang aktor.

Sa kabilang banda, tila nagsilbi naman bilang eye opener sa ilang mga netizens ang kwento ng buhay ni Ronaldo Valdez, lalo na sa mga taong nakakaramdam rin ng depression.

Detalye Ng Kontrobersya Nina Bianca Manalo, Rob Gomez at Herlene Budol

 Ikinagulat ng maraming mga netizens at Magandang Dilag fans na lalabas ang mga pribado at sensitibong exchange of messages sa pagitan ng mga stars ng Magandang Dilag na sina Rob Gomez, Herlene Budol at Bianca Manalo. Sa mga nasabing screenshot makikita ang tila pagtataksil ng mga Kapuso artists na ito sa kanilang mga kinakasama ngayon.

Naging mainit na usapin sa ilang mga social media platforms nitong December 20, myerkules, ang mga Kapuso stars na sina Bianca Manalo, Rob Gomez at Herlene Budol dahil kumalat ang mga palitan nila ng messages.

Kung pagbabasehan ang mga kumakalat na screenshots ng kanilang mga conversations, mahihinuhang palihim na nagkikita sina Bianca Manalo at Rob Gomez. Ang aktres pa mismo na si Bianca Manalo ang mga nagpadala ng messages kay Rob Gomez, kung saan tinatanong niya ang aktor kung makakapunta ba ito ng mga 7 a.m para magkita silang dalawa.

Halos hindi naman makapaniwala ang mga netizens sa mga nababasang conversation ng dalawa dahil hindi naman lingid sa kaalaman ng lahat na may kinakasama na ang aktres na si Bianca Manalo, ang Senator na si Win Gatchalian, tila maayos naman ang relasyon nila dahil masaya pa nilang ipinagdiriwang ang kaarawan noon ni Bianca sa Malacanang Palace.

'He's not here he's in Valenzuela' mababasang mensahe ni Bianca Manalo kay Rob Gomez sa mga screenshots na kumakalat. Bagama't wala namang sinabing pangalan si Bianca sa nasabing mensahe hinala ng maraming mga netizens na ang tinutukoy ng aktres ay ang kanyang kinakasama na si Sen. Win Gatchalian.

Samantala, nito lamang August 2023 lumantad sa publiko ang dating beauty queen na si Shaila Rebortera at ipinakilala ang anak nila ni Rob Gomez na tinatago ng aktor. Ito'y matapos ang pahayag ni Rob Gomez sa naging guesting nito sa Fast Talk with Boy Abunda na single pa rin siya.

Sa kabilang banda, bukod sa aktres na si Bianca Manalo, dawit rin sa isyu ang co-star nila sa Magandang Dilag na si Herlene Nicole Budol. Kabilang rin sa mga ibinahaging screenshot ng mismong Instagram account ni Rob Gomez na kasalukuyang burado na.

Mababasa naman sa palitan ng mga mensahe nina Herlene Budol at Rob Gomez, na mayroong silang malalim na ugnayan at matagal na nila itong tinatago. Base rin sa mga nasabing messages may nangyayari nang intimate sa pagitan nila na hayagan nilang pinag-uusapan sa kanilang messages.

Ayon naman sa mga bali-balita, hindi naman na-hack ang social media account ni Rob Gomez na naging dahilan sa pagkalat ng kanyang mga private messages. Marami ang naghinala na ang nagpakalat ng mga private messages ni Rob Gomez sa iba't-ibang mga babae ay ang ina ng kanyang anak na si Shaila Rebortera.

May nangyaring agawan ng cellphone umano sa pagitan nina Shaila Rebortera at Rob Gomez, may mga nakakita rin kasi sa mga kalmot sa kamay ni Rob na mula umano sa agawan nila. Tila nakumpirma naman ito nang magpost si Rob Gomez sa kanyang Facebook account kung saan ibinahagi niyang hindi niya hawak sa ngayon ang kanyang cellphone.

Sa kabilang banda, hindi pa naglalabas ng mga opisyal na pahayag ang mga sangkot sa nasabing isyu na sina Herlene Budol, Rob Gomez at Bianca Manalo.