Hiwalayan Issue Nina Richard Gutierrez at Sarah Lahbati, Alamin

 Marami ang nag-aalala ngayon sa mag-asawang sina Richard Gutierrez at Sarah Lahbati. Matapos ang kanilang pagsasama sa loob ng 11 years bigla na lamang pumutok ang balitang naghiwalay na ang dalawa.

Bukod sa kawalan ng mga posts at interactions nila sa social media, ilang beses na ring nagbahagi ng cryptic posts si Sarah Lahbati sa kanyang social media account na lalo pang nakadagdag sa mga agam-agam ng mga netizens.

Hindi napigilan ng ilang mga netizens na tanungin ang kasalukuyang status ng celebrity couple na sina Richard Gutierrez at Sarah Lahbati matapos mapansin na tila may kakaiba sa kani-kanilang mga social media accounts.

Marami ang nakapansin na hindi na nagbabahagi ng mga larawang magkasama ang mag-asawa sa kanilang mga accounts tanging mga larawan na lamang ng mga anak.

Kahit nitong Halloween season, kapansin-pansing walang pino-post ang dalawa tungkol sa isa't isa at nag-post lang ng mga larawan kasama ang kanilang mga anak sa kanilang mga social media accounts.

Tila magkahiwalay pa nila itong ipinagdiwang at nagsalitan lamang sa kanilang mga anak.

Naging big deal ito sa mga netizens dahil hindi ganito ang pagkakakilala nila sa dalawa. Kilala sina Sarah Lahbati at Richard Guttierrez bilang couple na very expressive sa kanilang pagmamahalan.

Hindi rin nakita si Sarah Lahbati sa birthday celebration noong October 31 ni Annabelle Rama, bagay na hindi umano pangkaraniwan.

Bukod dito, hindi rin dumalo si Sarah sa Opulence Halloween party na inorganisa ng kakambal ni Richard na si Raymond Gutierrez na kilala ring malapit kay Sarah.

Samantala, hindi rin nakita noon si Richard nang ipagdiwang ni Sarah Lahbati sa Siargao ang kanyang 30th birthday. Tanging ang mga anak at magulang lamang ni Sarah ang naroon.

Kamakailan lamang ay nagbakasyon rin sina Sarah Lahbati at kanyang mga anak sa Camarines Sur, subalit hindi pa rin nila kasama si Richard.

“How come Sarah is no longer in the picture??? I noticed that on Sarah post too. You are missing in her recent escapades… Are you still together?”

“Napansin ko rin to. Kinabahan an ko mula nung magpalit ng pfp si Sarah sabay iba din ng bio nya. Tas yun nga hindi sya supportive as mga ganap ni Chard. Tinanggal nya rin young mga tagged photos as IG pag andun si Richard. Weird kasi andun si Richard as event nung Casa Selma pero hindi pinost ni Sarah Parang pinagmumukha nyang walang support. huhu.”

“Parang crpytic din posts nya. Naalala ko young vid ng Barbie an pinost sya sa stories. Negative nya rin young tagged posts as IG pag andun si Rhcard.”

Gayunpaman, nananatiling tikom ang bibig nina Sarah Lahbati at Richard Gutierrez sa nasabing isyu. Nanahimik lamang sila at tila dinededma ang pang-iintriga sa kanilang pamilya.

Itinuloy ng matagal nang celebrity couple na sina Sarah Lahbati at Richard Gutierrez ang kanilang kasal noong March 14, 2020 sa parehong linggo na ipinatupad ang lockdown sa Metro Manila. Nangyari ang intimate ceremony matapos ipagpaliban ng dalawa ang kanilang engrandeng kasal na unang itinakda sa isang luxury hotel sa Taguig City.

Abegail Rait, Humingi Ng Paumanhin Sa Pamilya Magalona

Naglabas ng opisyal na pahayag si Abegail Rait tungkol sa kontrobersyang sinimulan niya matapos ang kanyang pagsisiwalat na isa siyang babae ng yumaong rapper na si Francis Magalona.

Sa kanyang pagsasalaysay, humingi ng paumanhin si Abegail sa pamilya ni Francis Magalona. Iginiit din niyang hindi niya ipinagmamalaki ang kanyang pagiging other woman sa kanyang paglabas sa ‘Pinoy Pawnstars,’ kung saan ikinuwento niya kung paano sila nagkakilala ni Francis Magalona.

Bukod sa pagkakaroon nila ng relasyon ni Francis Magalona, isiniwalat din niya na mayroon silang anak na babae na mismong si Francis pa ang nagbigay ng pangalang Gaile Francesca mula sa kanilang mga pangalan.

“Sa lahat po ng nasaktan, sa pamilya po ni Kiko, humihingi po ako ng dispensa sa lahat ng kaguluhang ‘to. Hindi ko po pinagmamalaki ang naging pagkakasala ko pero tao lang po ako. Hindi ako perpekto. ‘Di po ako magpe-pretend ng kung anu-ano,” saad ni Abegail Rait.

Muli ring iginiit ni  Abegail Rait na alam niya ang katayuan niya sa buhay ni Francis Magalona. 

Hiniling rin niya na huwag siyang husgahan ng mga taong wala namang alam sa totoong nangyari sa relasyon nila noon ni Francis Magalona.

“Kung mali man po ang paglantad naming mag-ina, I’m sorry. Hindi n’yo ako kailangang husgahan… Hindi ako maalam sa batas pero ang tanong ko po, ang hindi alam ng nakararami, na nung nagkarelasyon kami ni Kiko, hanggang sa mamatay siya, alam ko kung ano ang estado ko sa buhay niya.

Ayon sa kay Abegail Rait, buntis na siya nang ma-diagnose si Francis Magalona na may Leukemia, subalit mas pinili niyang hayaang tumira ang Master Rapper sa bahay nila ni Pia Magalona bilang paggalang kay Pia.

Sa kabilang banda, hanggang ngayon ay hindi pa rin nagbibigay ng pahayag ang pamilya ni Francis Magalona sa naging pagsisiwalat ni Abegail mula pa man noong lumantad sila ng kanyang sa Pinoy Pawnstar.

Samantala, may mga netizens pa rin na patuloy na binabatikos ngayon si Abegail Rait dahil sa kanyang pandadamay umano sa taong matagal nang namayapa para lamang makapasok sa showbiz ang anak.

"Humingi ka po ng tawad sa pamilya pero dinagdagan mo lang ang tsismis. If you were on Pias shoes and anak mo yung mga anak nila, would you like them to go through this kind of situation?

"Any man can say things about their current relationship to please the “bago”. Dapat inisip mo yung nga taong masasaktan at tahimik ang buhay nila bago ka pa lumabas. You’re affected about the bashers sa anak mo but you caused it po. You’re an adult to know ikaw ang dahilan na nababash kayo ng anak mo."

Sa kabilang banda, may mga naniniwala naman at sumusuporta kay Abegail at naniniwalang ginawa lamang ito ng ina para sa karapatan ng anak na makilala rin bilang anak ng yumaong Master Rapper.

Zsa Zsa Padilla at Eric Quizon Nagulat Sa Nakita Sa Puntod Ni Dolphy Sa Heritage Park

Ginunita rin ng mga celebrities ang kanilang mga mahal sa buhay na nauna nang sumakabilang buhay. Isa sa mga celebrities na ito ay ang tinaguriang Divine Diva na si Zsa Zsa Padilla.

Sa kamakailang Instagram post ni Zsa Zsa Padilla, ibinahagi niya ang mga larawan na kuha mula sa pagbisita niya sa kanyang long time partner at King of Comedy na si Dolphy Quizon.

Napansin naman ni Zsa Zsa sa kanyang pagpunta roon ang isang bulaklak na iniwan ng hindi niya nakilalang tao para sa yumao. Pinasalamatan naman ito ni Zsa Zsa sa hindi nito paglimot kay Dolphy makalipas ang ilang taon ng pagpanaw nito.

“Thanks to those you passed by to say prayers lit candles and gave flowers.” 

Samantala, bago mag-November 1, nauna nang bumisita sa puntod ni Dolphy ang anak na si Eric Quizon. Iniiwasan kasi nito na maipit sa maraming tao na magsisipuntahan sa sementeryo sa nasabing araw.

Nagulat at natuwa rin si Eric Quizon nang madatnan niyang may naglagay ng bulaklak sa puntod ng kanyang ama. Malaki ang naging pasasalamat ni Eric dahil hanggang ngayon ay may nakaalala pa rin umano sa kanyang ama.

"I visited my Dad yesterday and i was surprised to see flowers from probably someone who admires him so much. Grateful they still remember my Dad. This kind gesture will always elate us, the quizons."

Ikinatuwa naman ito ng mga netizens dahil deserve naman umano ni Dolphy na hindi kaagad makalimutan ng mga tao.

"My kids, they were born in Sydney and they know your dad. We always watched home along the riles on rented tapes. Now they are in their late 20s.

"I also visit a nursing home every Sunday and an elderly is excited to watch your dad on YouTube clips. Your dad will never be forgotten"

Si Rodolfo Vera Quizon Sr. GCGH, na mas kilala sa kanyang mga stage name na Dolphy, Pidol, at Golay, ay isang Pilipinong komedyante at artista. Kinilala rin siya bilang "King of Comedy" ng bansa para sa kanyang talento sa comedy na kinakatawan ng kanyang mahabang hanay ng mga gawa sa entablado, radyo, telebisyon at mga pelikula.

Pumanaw si Dolphy noong July 10, 2012 sa Makati, Medical Center sa edad na 83, 15 araw lamang bago ang kanyang ika-84 na kaarawan dahil sa multiple organ failure, pangalawa sa mga komplikasyong dala ng pneumonia, chronic obstructive pulmonary disease at acute renal failure.

View this post on Instagram

A post shared by Enrico Quizon (@eric_quizon)

Kris Aquino Nagulat Sa Surprise Ni Mark Leviste

 Malaki ang nagagawa ng pag-ibig sa buhay ng isang tao. Kaya naman makikita sa buhay ni Mark Leviste ngayon na kasalukuyang Vice Governor ng Batangas na kaya niyang magpunta gaano man kalayo para lamang sa kanyang minamahal.

Sa kamakailang Instagram post ni Mark Leveste makikitang nag-enjoy ang Vice Governor sa pagdiwang ng All Saints Day at All Souls Day kasama sina Kris Aquino at mga anak nito na kasalukuyang nasa Amerika.

Kabilang sa mga larawan na kumakalat sa social media na nakaantig sa mga netizens ay ang larawan nina Mark Leviste at Josh Aquino habang suot ang isang twining outfit.

Marami ang nasiyahan dahil makikita ang closeness ng mga ito sa isa't-isa. Sa kabilang banda, humahanga rin ang ilang mga netizens kay Mark Leviste dahil napaka-consistent nito sa pagpapakita ng pagmamahal at pagbibigay effort sa relasyon nila ni Kris Aquino.

Palaging pinupuntahan ni Mark Leviste si Kris Aquino sa tuwing holidays at ibang mahahalagang occasions sa mga Aquino. Tila hindi nito alintana ang layo ng Amerika at Pilipinas basta't makasama lamang niya ang taong minamahal.

Matatandaan na si Mark Leveste ang naging daan sa naganap na reunion nina Kris Aquino at Kim Chiu. Bukod dito malaki rin umano ang naitulong ni Mark Leviste sa pagkikita nina Boy Abunda at Kris Aquino.

Naibahagi pa noon ni Kris Aquino na si Mark Leviste ang naging cameraman sa maikling interview ni Boy Abunda sa kanya.

Ang pagbisita ding ito ni Boy Abunda kay Kris Aquino ang nagtuldok sa isyu noon na tila may hindi pagkakaunawaan ang dalawa.

Isiniwalat din ni Kris Aquino na magkakasama sila ng pamilya ni Mark Leviste sa pagdiriwang ng pasko sa susunod na buwan na at the same time birthday din ni Mark Leviste.

"But in a few days babalik na sya sa 🇵🇭 at sa Pasko, kasama ng 3 anak nya na kaming lahat magsasama. (Christmas is also his birthday.)"

Marami naman ang natutuwa sa lovestory nina Kris Aquino at Mark Leviste hiling ngayon ng mga netizens na sana ay tuluyan ng gumaling si Kris Aquino upang magpatuloy ang pag-iibigan nilang dalawa ni Mark Leviste.

Matatandaan na ipinahayag noon ni Kris Aquino na naghiwalay na sila ni Mark Leviste ilang buwan matapos aminin ang kanilang relasyon.

Gayunpaman, hindi pa rin tumigil si Mark Leviste sa pagpapakita ng pagmamahal kay Kris Aquino.

Hindi naman nagtagal ay nagkabalikan na ang dalawa.

Sa ngayon ay naka-pokus si Kris Aquino sa kanyang pagpapagaling at sa romantic relationship nila ni Mark Leviste.

Dahilan Ng Pambubwi-sit Ni MJ Lastimosa Ni Miss Grand President Nawat Itsaragrisil

 Usap-usapan ngayon sa social media ang dating beauty queen na si MJ Lastimosa, matapos itong magtrending sa social media dahil sa pagtalak ni Mr. Nawat Itsaragrisil, ang CEO at founder ng Miss Grand International pageant.

Naunang nag-viral sa ilang mga social media platforms ang vlog ni MJ Lastimosa kung saan kinapanayam niya ang isang transgender beauty queen na si Maki Gingoyon.

Sa naturang vlog, tinanong ng Miss Universe Philippines na si MJ Lastimosa si Maki kung ano ang worst beauty pageant dito sa Pilipinas.

Agad naman itong sinagot ni Maki na 'Miss Grand'. Pahabol pang tinanong ni MJ Lastimosa kung 'Miss Grand Philippines ba o Miss Grand International' ang worst.

Tumatawang sumagot si Maki na ang tinutukoy niya ay ang Miss Grand Philippines at Miss Grand International.

Agad namang nakarating sa founder at CEO ng Miss Grand International pageant na si Mr. Nawat Itsaragrisil ang mga video clips na mula sa vlog ni MJ Lastimosa.

Hindi ito nagustuhan ni  Mr. Nawat at kaagad na bumwelta sa isang Tiktok live.

“Starting next year 2024, that lady MJ Lastimosa is no longer welcome to watch the number one beauty pageant Miss Grand International!

“From now on, she is not allowed to talk anything about our pageant! I don’t want her to be associated with our pageant! We spent millions in our productions to be very good and she will only say that our pageant is the worst of all? That is not acceptable.”

Inokray din ni Mr. Nawat ang dating beauty queen kung saan ipinahayag nitong 'no brain' at 'below standard' si MJ. 

Sa kabilang banda marami naman ang nagpaabot ng suporta kay MJ Lastimosa sa kabila ng mga maanghang na pahayag ni Mr. Nawat Itsaragrisil.

"When the bully gets a taste of his own medicine.. Now what (Nawat) does it hurt hahaha.. After mag walk out ni MJ Sa Vietnam do you think she will come back.. You wish Nawat! The world doesn’t evolve around you and your cheap pageant. From now on you are nothing to Filipinos even to MJ.. I salute MJ for standing up for Nikki."

"I LOVE MJ LASTIMOSA 🤍🤍🤍 

MATAGAL NA NATIN ALAM WHAT IS THE WORST PAGEANT IN THE PHILIPPINES and INTERNATIONAL."

Samantala, naniniwala naman ang ilang mga Filipino pageant fans na kaya inasar ni MJ Lastimosa si Nawat Itsaragrisil ay dahil sa pambabatikos ng huli sa kandidatang ipinadala ng bansa sa Miss Grand International na si Nikki De Moura.

It's Your Lucky Day Magbabalik Sa December

 Usap-usapan ngayon sa social media ang haka-hakang magbabalik sa ere ang noontime show na pansamantalang pumalit sa It's Showtime noong nakasuspinde ito ng 12 airing days.

Malaki ang posibilidad na makakabalik sa ere ang It's Your Lucky Day dahil sa isang executive na nagustuhan ang show. Bukod pa rito, may ilang mga netizens din ang humiling na sana ay mabigyan ng sariling timeslot ang show.

Samantalasa, sa isang kumakalat na balita mula sa isang kilalang source, isa sa mga Kapamilya executives ang nagustuhan ang show dahil sa natatanggap nitong ratings at komento mula sa mga manonood.

Matatandaan na nanawagan din noon ang ina ni Luis Manzano at veteran actress-politician na si Vilma Santos na sana'y magtuloy-tuloy ang variety show na pinagungunahan ng anak.

Nakasama ni Luis Manzano sa It's Your Lucky Day sina Melai Cantiveros, Robi Domingo, Shaina Magdayao, Jennica Garcia, Andrea Brillantes, Kyle Echarri, Francine Diaz, Seth Fedelin, Kapuso actress Bianca Umali, Long Mejia bukod sa iba pa.

Ayon pa sa kumakalat na balita, dagsain din ng advertisers ang It's Your Lucky Day kaya naman may posibilidad umano na pababalikin ito ng ABS-CBN.

Maari rin umano itong mapabilang sa mga pasabog ng netwrk sa darating na 2024. Ito ay kung mapapadali ang pagbuo ng budget rito as per advetisers.

Maari rin naman umanong mapadali ang comeback ng show sa bago magtapos ang taon.

Sa isinagawang survey ng production para sa posibleng maging timeslot nito, marami ang nagsasabing magandang ilagay ang show bago ang tagalog news cast na TV Patrol.

Maging ang mga It's Your Lucky Day hosts ay umaasa pa rin na magkakabalik sa telebisyon ang kanilang show.

Sa isang Instagram post, ibinahagi ni Robi Domingo ang kanilang groufie kung saan ipinahayag niya sa caption ang kagustuhan na magtuloy-tuloy ang kanilang programa.

"Malay niyo, swertehin din tayo," caption ni Robi.

Kaila Estrada Ipinagtanggol Si Anji Salvacion Sa Bashers Sa Linlang

Usap-usapan ngayon sa social media ang prime series na kinabibilangan nina Kaila Estrada at Anji Salvacion na Linlang.

Matatandaan na nakakatanggap ng samu't-saring pambabatikos si Anji Salvacion dahil sa umanoy ligwak na pag-arte nito. Kahit magkada-duling na ito sa pag-arte ay wala pa rin.

Sa kabilang banda, nakatanggap naman ng papuri si Kaila Estrada dahil sa pag-arte nito na nakadala sa maraming manonood.

Sa gitna papuring natatanggap ngayon ni Kaila Estrada sa kanyang magaling na pagganap sa kanyang role, tila naglabas naman siya ng pahayag kung saan ipinagtanggol niya ang kanyang co-star na nakakatanggap ngayon ng pambabatikos.

Kamakailan lamang ay muling nagviral ang isang eksena mula sa Linlang na kinabibilangan ni Anji.

Sa eksena, makikitang inawat ni Anji Salvacion ang nagsasabunutang sina Kim Chiu at Kaila Estrada.

Muling napataas ang kilay ng mga netizens sa pag-ayos ni Anji Salvacion sa kanyang buhok at sa hindi maintindihan na boses nito.

May ilang mga netizens naman ang talagang concerned sa pag-arte ng aktres kaya nila pinupuna ito.

Nais lamang umano ng mga netizens na ito na mapansin ni Anji Salvacion ang kanyang mga kakulangan pagdating sa pag-arte.

Gayunpaman, hindi rin maitatanggi na may mga netizens talaga na below the belt na ang pamumuna sa acting skills ni Anji Salvacion.

Hindi naman ikinatuwa ni Kaila Estrada ang mga nababasa niyang pambabatikos kay Anji Salvacion. Sa isang panayam tahasang inamin ni Kaila Estrada na hindi na nakakatuwa at nakakawala na umano ng confidence ang mga pambabatikos kay Anji.

Nakikiusap din si Kaila Estrada sa mga netizens na sana huwag naman ganun ka-harsh ang mga komento laban sa kanyang co-star na si Anji Salvacion.

"I understand that criticism is part of it, di ba? I mean, we welcome it, kasi we learn from the criticism that we receive.

"But I think, some people may have taken it too far. And I really hope that you know, we can just be kinder and nicer, and more responsible in what we say online.

"Kasi siyempre, hindi naman natin alam yung magiging effect nun sa kanya. I hope people can be nicer," saad ni Kaila.

Sa kabilang banda, inamin naman ni Kaila Estrada na napi-pressure din siya sa mga kasamahan niya sa serye na kilala na sa larangan ng pag-arte.

"I think part na rin yun dun sa challenge na the cast, of course, sobrang powerhouse. And siyempre medyo kinabahan din ako and also siyempre mas mature yung role.

“I guess, yung preparation and yung emotional investment ko dun sa character, definitely mas mabigat, mas malalim.

"I was nervous din kung tatanggapin ng mga tao kung ako yung gaganap. I'm grateful to everybody that supporting din na and I'm really grateful din for the feedback that I've gotten so far.”

Vice Ganda Binuking Ang Tampuhan Ni Kim Chiu at Xian Liam Sa It's Showtime

 Laman ng mga usap-usapan ngayon sa social media at ilang mga entertainment news sites ang kamakailang episode ng It's Showtime kung saan napag-usapan nina Vice Ganda, Tiyang Amy at Kim Chiu ang kani-kanilang lovelife.

Sa segment na Tawag ng Tanghalan, tinanong ni Vice Ganda si Kim Chiu kung sino ang nagpapasaya sa kanya ngayon. Kinilig naman si Kim Chiu at namula kaya naman muli siyang tinanong ni Vice Ganda.

Sinagot naman ito ni Kim Chiu kung saan sinabi niyang ang kanyang pamilya at mga relatives.

Napapatanong naman ang ilang mga KimXi fans kung bakit hindi kasama sa binanggit ni Kim Chiu ang kanyang boyfriend na si Xian Lim.

Gayunpaman, may ilang mga netizens ang naniniwalang kasalukuyang low key ang relasyon ng dalawa ngayon dahil sa kani-kanilang mga proyekto.

Subalit, hindi nagpatinag si Vice Ganda at muling tinanong si Kim Chiu.

"Kulang ka kung walang ___?" tanong ni Vice Ganda kay Kim.

Sinagot naman ito ni Kim ng 'usap'. Sa muling pagtatanong ni Vice Ganda kay Kim Chiu kung sino ang suto niyang kausapin, ipinahayag ng aktres na marami siyang gustong kausapin kabilang na si Xi na naging malamlam ang mata.

Dahil dito, marami ang naghinalang totoong may pinagdadaanan ngayon ang celebrity couple. Hindi rin nakaligtas sa mga netizens ang pag-iba ni Vice Ganda sa kanilang topic.

Matatandaan na noon pa man ay iniisyu nang maghindi pagkakaunawaan sa pagitan nina Xian Lim at Kim Chiu nang hindi nakasama ng aktres sa ABS-CBN's Ball si Xian Lim.

Bagama't nilinaw naman ni Kim Chiu na nagpaalam sa kanya ang nobyo marami pa rin ang hindi kumbinsido dahil hindi na namamataang magkasama ang dalawa.

Maging sa kani-kanilang mga social media post ay hindi na nila tinatag ang isa't-isa.

Sa kabilang banda, marami naman ang naniniwalang walang problema ang dalawa at tanging trabaho ang dahilan kung bakit hindi na sila namamataan pang magkasama.

Sa ngayon ay umiere ang seryeng Linlang, na pinagbibidahan ni Kim Chiu samantalang may proyekto naman si Xian Lim sa GMA7 kung saan kasama niya si Jennylyn Mercado.

Anabelle Rama Damay Sa Hiwalayan Isyu Nina Richard Gutierrez, Sarah Lahbati

 Kumakalat ngayon sa social media ang mga haka-hakang naghiwalay ang mag-asawang Richard Gutierrez at Sarah Lahbati.

Nag-ugat ang mga intrigang ito nang mapansin ng mga netizens na hindi na nagpopost ang dalawa na magkasama. Huling namataan na magkasama ang dalawa noong kasal nina Maja Salvador at Rambo Nunez, ilang buwan na ang nakakalipas.

Naging big deal sa ilang mga netizens ang hindi pagpopost nila ng magkasama dahil nasanay ang kanilang mga followers sa mga sweet moments nila.

Marami sa kanilang mga fans ang hayagan nang nagtanong kung may hindi pagkakaunawaan sa pagitan nila, subalit nanatiling tikom ang bibig ng dalawa.

Samantala sa gitna ng isyung ito nadamay na ang ina ni Richard Guiterrez na si Anabelle Rama, may mga netizens kasi na ibinabato ang sisi sa ina ni Richard dahil sa pakikialam umano nito sa pagsasama ng mag-asawa.  

Marami naman ang nanghihinayang kung sakaling totoo ang paghihiwalay ng mag-asawa, dahil makikita naman sa pagsasama noon ng dalawa na mahal na mahal nila ang isa't-isa.

Matatandaan na si Richard ang first bf ni Sarah, at alam ng marami kung gaano nito kamahal ang aktor. Hindi rin naman nagkulang sa pagpapakita ng pagmamahal si Richards sa pagpapakita ng pagmamahal sa kanyang asawa at mga anak. 

Sa katunayan, noong nakalock-in taping sa Ang Probinsyano si Richard ay isinama niya ang kanyang buong pamilya.

Andrea Brillantes, Nagsama ng Totoong Ahas sa Ball, Hindi Siya Takot

 Pinagkakaguluhan ng mga netizens ang naging halloween costume ni Andrea Brillantes sa Opulence Halloween Ball 2023 dahil sa pagdadala niya ng totoong ahas.

Dahil dito, naitanong sa kanya ng press kung hindi ba siya natatakot sa ahas na nakapulupot sa kanya.

Pabiro naman itong sinagot ni Andrea Brillantes na sanay na siyang makipag-interact dahil may kakilala nga siyang ahas.

“Ba’t ako matatakot? May mga kilala nga akong ganito! Char!”

Agad naman itong umani ng samu't-saring komento mula sa mga netizens, marami ang naniniwala na ang kanyang dating nobyo na si Ricci Rivero ang tinutukoy niyang ahas.

Gayunpaman, may mga nagsasabi na tila ginagamit nga ni Andrea Brillantes ang isyu nila ni Ricci Rivero para mapag-usapan siya sa social media.

“Yung mga reporter kasi Panay interview sa dalawa tas pag Yung Isa honest tas Yung Isa Panay sagot at parinig. Ganyan talaga mangyayari. Panay tanong tas pag Ang Isa sarap na sarap mag parinig.. syempre papalag nanaman Yung kabilang kampo Kasi ka nadawit nanaman sya sa comment section. Tas maya2 pag gumanti sya pa Yung masama.”

“Yan Ung Taong Di Maka Move On panay Parinig Sa Mga Tao…Napaka immature Talaga Ndi Nalang Manahimik Sabagay Jan Sya Pinaguusapan Sa Mga Gawi Nya Na GanYan pag Ndi Yan Nagpapansin iwan san Yan Pulotin…Kong Naka Move on Kana Sana Dikana Nandadamay Ng ibang Tao Gumawa Ka Ng Sarili Mo Asan Ang Pagiging Mabait jan??? Masyado Ma Epal.”

Madam Kilay Ninakawan Ng ₱2.5 Million Ng Sariling Kapatid

Hayagang kinoll-out ng content creator na si Jinky Cubillen-Anderson, na kilala rin bilang ‘Madam Kilay,’ ang kanyang kapatid na si Joy Cubillen, dahil diumano'y pag-withdraw nito ng perang ipinagkatiwala niya rito.

Sa sunud-sunod na mga social media post, hiniling ni Madam Kilay sa kanyang kapatid na ibalik ang kanyang pera na nagkakahalaga ng P2.5-M.

Ayon sa kanya, sinubukan niyang makipag-ugnayan sa kanyang kapatid na itinuturing niyang kanang kamay ng maraming beses, ngunit hindi siya pinapansin nito at naka-block pa siya sa social media nito kaya nagpasya siyang ipaalam sa publiko ang tungkol sa kanilang isyu.

“Baka gusto mo ilabas ang pera ko Joy Cubillen, kasi may mga pinapasahod akong tao! Gusto mo pa ata luluhod ako sayo! Di ka madala sa maayos na usap naka block pa ko pwes ipapabasa naten to sa mga chismosa para makarating sayo!”

“KAPATID KONG MUKHANG PERA JOY CUBILLEN INSTANT MILLIONARIO KA!! LORD PLEASE TULUNGAN MO PO AKO!!”

Nag-live stream din si Jinky para ikwento ang kanyang mga problema sa kanyang mga followers, at sinabing ang paglalagay ng kanyang bank account sa pangalan ng kanyang kapatid ay isang malaking pagkakamali.

Sinabi niya na nagtrabaho siya nang husto upang kumita ng ganoong kalaking pera, na sa kalaunan ay kinuha lamang ng kanyang kapatid na babae nang biglaan.

Sinabi ng content creator na ang kanyang kapatid na babae ang kumatawan sa kanya sa Pilipinas dahil siya ay kasalukuyang naninirahan sa ibang bansa.

Hindi rin umano lubos akalain ni Madam Kilay na pagtataksilan siya ng sariling kapatid.

“Pinagkatiwalaan ko ‘yung ate ko, ipinangalan ko sa kanya lahat [ng ari-arian at bank account ko] ang laking pagkakamali ko talaga.”

“Bakit ko ipinagkatiwala? Kasi kapatid ko eh, akala mo mapagkakatiwalaan mo kasi nga kapatid mo. Sa lahat ng pera ko sa kanya nakapangalan, then lumago ‘yung business ko ngayon syempre ang tao nasisira sa pera, inuunti unti pala ako ng ate ko hindi ko alam.”

Bagong Music Video Ni Toni Fowler, Umantig Sa Netizens

 Muling umani ng samu't-saring komento mula sa mga netizens ang kontrobersyal social media personality na si Toni Fowler dahil sa panibagong music video na kanyang inilabas.

Matatandaan, na umani ng negatibong komento mula sa mga netizens ang mga naunang music video ni Toni Fowler dahil sa malaswang content nito.

Sa katunayan, kinakaharap pa ngayon ni Toni Fowler ang mga kasong isinampa sa kanya ng grupong KSMBPI dahil sa kanyang mga music video.

Viral ngayon at usap-usapan ngayon ang panibagong music video ni Toni Fowler na pinamagatang SUS dahil naiiba na umano ito sa mga naunang music videos ni Toni.

Marami rin ang naantig sa lyrics at sa emosyun na ipinapakita ni Toni sa music video.

Sa lyrics ng kanta, ipinahayadg ni Toni Fowler na ang sakripisyo ng isang single mom sa pagpapalaking mag-isa sa kanilang mga anak.

Ilan sa mga tumatak na lyrics mula sa kanta ni Toni Fowler ay, “Anak kumapit ka bubuhayin kang mag-isa”

“Pakatandaan, nanay ka hindi nanay lang.”

Samantala, sa isang Facebook post, inamin ni Toni Fowler na totoo ang ipinakita niyang emosyon sa music video.

“Ang galing daw ng acting ko. Baka inartista ko? Totoo po yung iyak ko dun. Walang hinto kahit may CUT na ni Direk. Di bale bukas naman upload ko ng BTS ng SUS.”

Vice Ganda May Sagot Sa Kumakalat na Balita Na Kinakasangkutan Niya sa MTRCB

 Isa ang Unkabogable Star na Vice Ganda sa mga umattend sa Opulence Halloween Ball 2023 na naganap sa BGC.

Maganda ang mood ni Vice Ganda pagdating niya sa nasabing event dahil na rin siguro dahil sa muling pagbabalik sa telebisyon ng kanilang show na It's Showtime matapos ang 12 days airing suspension na ipinataw sa kanila ng MTRCB.

Pagkatapos ng event, hindi kaagad umuwi si Vice Ganda at sumaglit muna sa isang fast food chain na iniendorso niya.

Bagama't naka-costume pa rin si Vice Ganda, umorder pa rin siya at kumain. Ibinahagi pa ni Vice Ganda sa kanyang social media post ang paraan ng pagkain niya ng fried chicken.

Ayon naman sa ilang mga netizens na tila ito na umano ang sagot ni Vice Ganda sa isyung pinatawag umano muli siya ng MTRCB dahil sa pagkain niya ng fried chicken.

Nauna namang nilinaw ng MTRCB na walang katotohanan ang isyu at ipinagdidiinan nila na fake news lamang ang kumakalat na balita.

Sa kabilang banda, nilinaw naman ng kaibigan ni Vice Ganda na hindi planado ang pagpunta nila sa fast food chain. Bigla na lamang umanong nag-crave si Vice ng chicken.

Marami naman sa mga fans ng komedyante ang natutuwa dahil talagang tinatangkilik nito ang mga produkto na kanyang iniendorso.

Janice De Belen, John Estrada Sobrang Proud Sa Acting Skills Ni Kaila Estrada Sa Linlang!

Janice De Belen at John Estrada labis na humahanga at sobrang proud sa ipinakitang acting skills ng kanilang anak na si Kaila Estrada sa kinabibilangan nitong serye na Linlang.

Talagang nananalaytay ang dugo ng mga premyadong aktor at aktres na sina John Estrada at Janice De Belen sa kanilan anak na si Kaila Estrada dahil sa ipinamalas nitong galing sa pag-arte sa seryeng Linlang.

Sa kamakailang episode ng seryeng Linlang, ipinamalas ni Kaila ang kanyang pambihirang galing sa pag-arte.

Marami sa mga manonood ang talagang napapatutok sa tuwing si Kaila na ang nagmomoment sa Linlang dahil sa nakakadalang pag-arte nito.

Dahil dito, nagtrending sa iba't-ibang social media platforms ang mga eksena ni Kaila.

Maging ang mga magulang ng aktres na sina John Estrada at Janice De Belen ay hindi mapigilan na ihayag sa social media ang kanilang pagiging proud sa improvement ng kanilang anak.

Sinagot ni Janice De Belen ang isang netizen na nagtag sa kanya sa tweeter kung saan pinuri nito si Kaila sa galing nito sa larangan na tila ay umaarte na umano ito ng ilang mga taon.

Humble na sagot ni Janice na tanging genes at moral support lamang ang naiambag nila kay Kaila. Ipinahayag din niya kung gaano siya ka-proud sa anak.

Maging ang premyadong actor na si John Estada ay hindi rin napigil ang sarili sa pagpuri sa kanyang anak at ipahayag kung gaano siya ka proud rito.

It's Showtime No.1 Sa Buong Pilipinas, Magpasikat 2023 Magsisimula Na!

 Sa pagbabalik telebisyon ng It's Showtime, matapos ang pagkakasuspinde sa loob ng 12 days, nasaksihan ng mga madlang pipol ang pagkorona sa kauna-unahang Mini Ms. U. 

Sa araw ding ito nakakuha ang It's Showtime ng 6.9% audience share base sa data ng KANTAR Philippines National TV Ratings. Mas mataas ito sa mga nakuha ng katapat nilang noontime show na E.A.T at Eat Bulaga.

Sa kabilang banda, simula ngayong linggo, mapapanood na ang It's Showtime sa mas pinaagang oras. Mapapanood ang nasabing show, 11:30 am nang lunes hanggang byernes. Habang mananatili naman ito sa 12:00 NN tuwing sabado.

Inaasahan din ngayon ng mga netizens ang nagbabalik na Magpasikat na opisyal na magsisimula sa darating na November 6, 2023.

Ito ang matagal nang hinihintay ng mga madlang pipol ang Magpasikat 2023 bilang pagsi-celebrate nila sa kanilang nalalapit na 14th year anniversary.

Inaabangan din ngayon ng mga madlang pipol kung sino-sino ang magkakasama sa grupo at magpapamalas ng kanilang mga talento araw-araw.

KC Concepcion, Inamin na Hiniling Niyang Magkabalikan Ang Kanyang Mga Magulang

Ibinunyag ni KC Concepcion na nawalan na siya ng pag-asa na muling magsasama-sama ang kanyang mga magulang pagkatapos ng kanilang paghihiwalay noong 1993.

Sa kanyang vlog na in-upload niya pagkatapos ng ‘Dear Heart’ reunion concert ng kanyang mga magulang na sina Gabby Concepcion at Sharon Cuneta, isiniwalat ni KC Concepcion na ang makita ang kanyang ama at ina sa iisang stage ay isa sa kanyang childhood dream.

Ibinunyag pa ni KC na madalas niyang hilingin noong bata pa siya kay Santa Claus na magkabalikan at magkakasamang muli ang kanyang mga magulang.

“I remember I would ask Santa Claus to hopefully bring them back together because I so wanted to have a complete family, and I knew that they loved each other and that the Philippines is so small that they could just run into each other and they’re both actors,” saad ni KC.

Gayunpaman, hindi umano natupad ang kanyang hiling nang magkaroon ng mga bagong pamilya ang kanyang mga magulang.

Mula noon ay hindi na rin nakikita ng aktres na magkaibigan at nag-uusap ang kanyang mga magulang, kaya naman nagulat din siya nang malamang may reunion concert ang mga ito.

“Never in my wildest dreams did I think that I would still be able to experience sharing moments with the two of them together—laughing, smiling, talking. I don’t really remember them being friends when I was growing up, so I never really thought that it would be possible to see them in one place, just OK and on good terms.”

Dagdag pa ng aktres, “When I was reading the script, parang mangiyak-ngiyak talaga ako kasi ang dami kong hindi alam about their love team and professional life. Para akong kinakabahan dahil hindi lang siya show for me, it’s my life.”

Mr. Nawat, Galit Na Galit Kay Mj Lastimosa, Hindi Na Welcome Sa Miss Grand Pageant!

 Pinagbabawalan ng founder at president ng Miss Grand International pageant Mr. Nawat Itsaragrisil si MJ Lastimosa na tumapak at pumunta sa kanyang pageant dahil sa kanyang galit sa huli.

Nag-ugat ang galit ni Mr. Nawat kay Miss Universe Philippines 2014 MJ Lastimosa sa isang vlog kung saan tinanong ni MJ Lastimosa ang kanyang guest kung ano ang worst beauty pageant in the Philippines.

Agad naman itong sinagot ng kanyang guest na ang Miss Grand Philippines at Miss Grand International ang pinakaworst.

Matatandaan na naunang ipinahayag ni Mr. Nawat ang kanyang disappointment kay Miss Grand Philippines 2023 Nikki De Moura matapos itong mag-walk out sa final show ng MGI matapos hindi makapasok sa top 20.

Tila nadagdagan ang galit ni Mr. Nawat sa mga Pilipino at sa Pilipinas nang pagtawanan nina MJ Lastimosa ang Miss Grand sa kanilang vlog.

Tila friendship over na ang talaga at hindi na pinapapunta ni Mr. Nawat si MJ sa Miss Grand International kahit kailan. Magmula din umano ngayon ay hindi na sila magkakilala.

Bukod dito, sinabihan din ni Mr. Nawat na 'no brain at no mind' si MJ Lastimosa. Ipinagdidiinan pa ng MGI CEO na below standard ang dating beauty queen.

Sa kabilang banda, naglabas naman ng mga pahayag ang ilang MGI beauty queens kabilang na si Miss Grand International 3rd Runner up.

“There are’nt enough words to describe this experience and how many door have opened because of MGI! It’s sad to see people who haven’t experience it try to bring it down. As they say if you have naothing nice to say don’t say anything at all.”

@nikkidemourafan No Brain No Mind not even 0.0001? Huwayyyy Kakk😔 #mjlastimosa #nawat #fyp ♬ original sound - Nikki Advincula de Moura - Fan

Nikki De Moura Pinagtanggol Ni Roberta Tamondong Laban Kay Nawat!

 Ipinagtanggol ng dating representative ng Pilipinas sa Ms. Grand Philippines na si Roberta Tamondong ang Miss Grand Philippines 2023 na si Nikki De Moura laban sa unprofessionalism na pahayag ni Mr. Nawat.

Nalalagay ngayon sa hotseat ang ipinadalang representative ng Pilipinas sa Miss Grand International 2023 na si Nikki De Moura matapos akusahan ng may-ari at founder ng Miss Grand International pageant na si Mr. Nawat Itsaragrisil ng unprofessionalism matapos mag walk-out nang hindi mapabilang sa top 20.

Sa isang TikTok live, nilinaw ni Mr. Nawat na hindi umano siya ang dapat sisihin ng mga Filipino pageant fans sa pagkakaligwak ni Nikki De Moura dahil una pa lamang ay maling kandidata na ang napili ng bansa.

Isiniwalat pa ni Nawat na maraming flaws at faults si Nikki mula day one ng Ms. Grand International. Ipinahayag ni Mr. Nawat ang kanyang pagkadismaya sa pagiging unprofessional ni Nikki nang mag-walk out ito at hindi tinapos ang kompetisyon matapos mabigong mapabilang sa top 20.

Umaani ito ng samu't-saring reaksyon at komento mula sa mga netizens. May mga nagtatanggol kay Nikki De Moura laban sa mga naging alegasyon ni Mr. Nawat.

Sa kabilang banda, may mga naniniwala naman kay Mr. Nawat at sinasabing may diva attitude talaga si Nikki.

Matatandaan na hindi sumali si Nikki De Moura sa The Miss Grand Voice, kung saan inimbitahan ang lahat ng mga kandidata na ipamalas ang kanilang galing sa pag-awit.

Hindi nakilahok si Nikki dahil wala naman umano siyang talento sa pagkanta at hindi na siya kailangan pa roon.

Samantala, ipinagtanggol naman ni Roberta Tamondong si Nikki De Moura sa kinakaharap nitong pambabatikos sa social media.

Ayon kay Roberta, personal niyang kilala si Nikki De Moura, napaka sweet di umano nito at magaling makisama. Kaya naman hindi umano siya naniniwala sa mga alegasyon ni Mr. Nawat laban kay Nikki.

View this post on Instagram

A post shared by Roberta Tamondong (@roberta.tamondong)