GMA Network Nakapila Kay Kathryn Bernardo!

 Matapos kumpirmahin ng ABS-CBN na muling pipirma ng kontrata sa kanilang talent management arm na Star Magic ang kontrobersiyal aktor na si Daniel Padilla, naglabasan naman ang samu't-saring spekulasyon ngayon na baka si Kathryn Bernardo naman ang aalis.

Ayon sa inilabas na pahayag ng ABS-CBN, muling magrerenew ng kontrata sa kanila sa Daniel Padilla ngayong darating na February 2024. Bukod pa rito, ipinahayag rin ng nasabing network na matutuloy pa rin ang mga nakalingyang proyekto na nakatakdang gawin ngayon taon.

Dahil dito, may mga naglabasang mga bali-balita naman ngayon na kung mananatili sa Star Magic at sa ABS-CBN si Daniel Padilla, naiiba naman umano si Kathryn Bernardo dahil handa itong umalis sa Star Magic at i-explore sa ibang network ang kanyang career.

Hindi naman umano ito magiging mahirap para kay Kathryn Bernardo dahil isa siya sa mga A-Lister talent ng ABS-CBN at tiyak na pag-aagawan ng mga networks at talent agencies.

Malakas rin ang mga bulung-bulungan ngayon na lilipat sa talent agency na pagmamay-ari nina Maja Salvador at mister nitong si Rambo Nunez. May mga bali-balita pang interasado rin ang Kapuso network na makuha si Kathryn Bernardo.

May mga nagsasabi pang nagsisimula na umanong nakikipag-usap ang GMA7 kung maari bang mag-over the bakod sa kanila ni Kathryn Bernardo. Kung sakali namang lilipat ang aktres, magiging malaki ito achievement ng network dahil sa laki ng fanbase ng aktres.

Samantala, kung hindi naman sila magkakasundo, balak din umano ni Kathryn Bernardo na maging isang freelance artist.

May mga naniniwala ring lilipat lamang ng talent agency si Kathryn Bernardo upang hindi na niya makasama pa si Daniel Padilla subalit mananatili pa rin siya sa Kapamilya network.

Gayunpaman, sa ngayon ay wala pa rin umanong final na desisyon ni Kathryn Bernardo kung lilipat ba siya sa ibang network o mananatili sa ABS-CBN.

Sa kabilang banda, may mga naghinala rin na ibang path na umano ang gustong tahakin ngayon ni Kathryn Bernardo kung pagbabasehan ang mga larawan na ibinabahagi niya sa kanyang mga social media accounts.

Hinala naman ng marami na tila gusto nang kumawala ni Kathryn Bernardo sa loveteam at magbago na rin ng genre.

Marami naman ang nagsasabi na hindi na kailangan pa nina Kathryn Bernardo at Daniel Padilla na magsama sa iisang loveteam dahil kayang-kaya na nilang gumawa ng mga solo projects.

Marami rin ang nagsasabi na mas mabuting may makatambal din silang ibang mga artista dahil karamihan sa mga manonood ay nagsasawa na rin naman na palaging sila na lamang ang magkasama.

Hinihiling naman ngayon ng kanilang mga tagahanga na maging matagumpay pa rin ang kani-kanilang mga showbiz career kahit hindi na sila magkasama.

View this post on Instagram

A post shared by Kathryn Bernardo 🐘 (@bernardokath)

Daniel Padilla Hindi Bibitawan Ng Star Magic At ABS-CBN, Si Kathryn Nalang Ang Aalis

Mariing pinabulaanan ng Star Magic ang talent management arm ng ABS-CBN ang mga bali-balita at isyung aalis na sa puder nila ang kilalang aktor na si Daniel Padilla.

Ilang linggo na ring laman ng mga usap-usapan online ang isyung lilipat na sa ibang talent agency si Daniel Padilla at hindi na ito pipirma ng kontrata sa ABS-CBN at sa Star Magic.

Ayon pa sa mga haka-haka, naghahanap na umano ng panibagong talent agency si Daniel Padilla na siyang hahawak sa kanyang showbiz career matapos ang hiwalayan nila ng kanyang longtime celebrity girlfriend na si Kathryn Bernardo.

Gayunpaman, nilinaw na ng Star Magic nitong myerkules January 24, 2024 na walang katotohanan ang mga nasabing isyu. Sa katunayan ay nakatakda nang pumirma ng panibagong kontrata si Daniel Padilla sa ABS-CBN sa susunod na buwan.

Tuloy na tuloy rin umano ang mga projects ni Daniel Padilla ngayong taon sa ilalim ng kanilang pangangalaga.

Matatandaan na noong April 27, 2023 ipinahayag ni Daniel Padilla sa kanyang isinagawang 'New Movie Alert' ang muling pagbabalik niya sa big screen. 

Una sa ibinahaging update noon ni Daniel Padilla  ang kanyang gagawing proyekto ang psychological suspense thriller na pinamagatang The Guest kung saan makakasama niya rito ang aktor na si John Arcilla.

Maliban sa The Guest may dalawa pang proyektong inanunsyo si Daniel Padilla isa na rito ang pelikulang Nang Mapagod si Kamatayan, hango ang nasabing pelikula sa isang short stories ng librong 'Kung Alam Niyo Lang Ang Gagamitin sa Pelikula' ng National Artist For Film and Broadcast na si Ricky Lee.

Ang proyekto ring ito ang katuparan sa matagal nang inaasam ni Daniel Padilla na makasama niya sa iisang proyekto ang kanyang kaibigan na si Zanjoe Marudo.

Ang pangatlong pelikula na nakatakdang gawin ni Daniel Padilla ay ang comeback movie nila ng kanyang ex-girlfriend na si Kathryn Bernardo. Sa ngayon ay hindi pa malinaw kung matutuloy pa ba ito, matapos ang kanilang paghihiwalay.

Sa kabilang banda, mainit namang pinag-uusapan ngayon sa ilang mga social media platforms ang usap-usapang lilipat sa talent agency na pagmamay-ari ni Maja Salvador ang aktres na si Kathryn Bernardo para hindi na sila magkasama pa ng aktor sa iisang agency.

 

Antonette Gail Del Rosario, Nabatikos Dahil Sa Kanyang Performance Sa Birthday Party ng Anak

 Inulan ng pambabatikos mula sa mga netizens ang ginawang presentation ng social media perasonality na si Antonette Gail Del Rosario sa first birthday ng kanilang anak ni Whamos Cruz na si Baby Meteor.

Tila proud pang ibinahagi ni Antonette Gail Del Rosario sa kanyang social media account ang kanyang performance kung saan sumayaw siya sa saliw ng isang daring dance.

Naganap ang advance birthday celebration ni Baby Meteor sa Okada Manila. Karamihan naman sa mga bisita nila ay mga kapwa nila social media personalities at vlogger kabilang na sina Toni Fowler at ang Toro Family.

Maririnig naman sa background ng video ang hiyawan ng mga bisita nina Antonette Gail at Whamos Cruz na tila ba tuwang-tuwa ang mga ito sa napanood nilang hot performance ni Antonette.

Maging si Whamos Cruz ay labis ding nag-eenjoy sa paggiling ni Antonette sa kanilang harapan at napapahiyaw pa ito bilang pagsuporta sa kanyang fiancee.

Umani naman ng samu't-saring komento mula sa mga netizens ang nasabing performance ni Antonette Gail, marami ang nadismaya dahil tila ginawa umanong bar ni Antonette ang birthday party ng kanyang anak.

Marami rin ang pumuna sa pagsasayaw ni Antonette Gail dahil napaka-trying hard umano nito. Muntik pa umano itong masubsob at matapilok dahil sa labis na paggiling.

Napansin rin ng mga netizens na mabigat umano ang katawan ni Antonette Gail at dapat itong mag-ingat lalo pa't kakaparetoke pa lamang umano nito.

Nilinaw naman ni Antonette na ang kanyang performance ay para sa kanyang asawa at anak. Ipinahayag pa nito na ito ang una niyang pagsasayaw sa harap ng publiko.

Gayunpaman, nilinaw rin ng mga bashers ni Antonette na ang kanilang pagkadismaya ay hindi dahil sa kanyang pagsasayaw subalit, hindi umano ito tugma sa okasyon.

Narito ang ilang komento ng mga netizens na hindi nagustuhan ang performance ni Antonette Gail.

May mga nagsasabing gusto lamang ni Antonette na palaging bida upang mapg-usapan naman siya ng mga netizens at lalong lalo na ng kanyang mga bashers.

May mga nagsasabi pa na tila sinasadya na umano ito nina Antonette para may mai-content at para magkaroon sila ng maraming views kahit pa mapuno sila ng pambabatikos.

"Di kasi angkop sa birthday ng anak ko sana nag set ka nalang ng ibang scene mo..dapat pang childrens party ginawa nyo marami pang bata nag enjoy hahaha"

"Talaga namang money is the root of evil..dapat piliin maging simpleng Buhay, mga kasiyahan sa Mundo ay dmo madadala sa hukay...kaya wag masyado magpakasasa sa mga bagay na walang kabuluhan wag kalimotan na Ang Dios ay nagbibigay Kong Anong Meron kayo ngaun."

Reaksyon Ni Annabelle Rama Matapos Makalbo Ang Kanyang Daughter-in-Law Na Mabait at Masinop

 Ipinahayag ng kilalang talent manager na si Annabelle Rama sa kanyang recent Instagram post ang kanyang pagmamahal para sa kanyang daughter-in-law na si Alexa Gutierrez na kasalukuyang nakikipaglaban sa kanyang sakit na Leukemia.

Inamin ni Annabelle Rama na labis siyang naaapektuhan sa pinagdadaanan ngayon ni Alexa at halos hindi pa siya makapaniwalang nangyayari ito sa kanyang daughter-in-law na napakabait.

Ipinahayag din ni Annabelle Rama, na bukod sa pagiging napaka mabait na manugang nito, masinop pa ito sa asawa't anak. Dahil matagal rin itong nanirahan sa kanya mula noong magkasintahan pa lamang sila Elvis, hanggang sa ikasal na ang mga ito, nakilala na niya itong mabuti at itinuring nang totoong anak.

Ipinahayag rin niya ang kanyang pagmamahal rito kahit pa hindi niya ito madalas na sabihin, alam din umano ni Annabelle Rama na malalampasan ni Alexa ang mga pinagdadaanan niya ngayon.

Ayon pa kay Annabelle Rama, na huwag mag-alala si Alexa sa pagkakalbo nito dahil siya naman ang pinakamagandang kalbo.

Ipinahayag rin ni Annabelle Rama na hindi dapat mag-alala si Alexa sa kanyang mga anak dahil sila na umano ni Eddie ang bahala sa mga ito at mag-fokus na lamang siya sa kanyang pagpapagaling.

Palagi rin umanong sinasama ni Annabelle Rama sa mga ipinanalangin niya kay Sr. Sto. Nino ang tuluyang paggaling ni Alexa mula sa kanyang matinding karamdaman.

Kaagad namang bumuhos ang samu't-saring komento mula sa mga netizens at mga followers nito, mga mensaheng nagpapahayag ng suporta sa pinagdadaanan ngayon ng kanilang pamilya.

May mga nag-alala pang na-hack ang account ni Annabelle Gutierrez dahil sa sinabi nitong may nagbura sa kanyang naunang post.

"Grabe!!! Baka may nag hahack sa account mo tita. Sayang naman yung post mo kanina ang rami ng likes at yung comment ni @alexaugutz was very touching and sweet. Nawala bigla."

"So touching... pero nakakaloka, sino ang nag-delete ng original tribute post mo for @alexaugutz ? Buti na lang napapalitan mo agad ang password mo. Sayang, very touching pa naman ang comment nj Alexa."

May mga nakapansin naman na kung gaano ka-sweet si Annabelle Rama kay Alexa ay ganoon na lamang din umano ito kainis kay Sarah Lahbati, gayung parehong manugang niya ang dalawa.

Matatandaan na kamakailan lamang ay tila nagkasagutan pa sina Annabelle Rama at Sarah Lahbati sa social media matapos ipahayag ni Annabelle Rama na palaging nagwawaldas ng pera si Sarah Lahbati.

View this post on Instagram

A post shared by Annabelle Rama (@annabelleramaig)

Second Baby Ni Pauleen Luna Sobrang Ganda! Pauleen Ikinuwento Ang Nangyari Sa Panganganak!

 Masayang ibinahagi ng actress-host na si Pauleen Luna ang larawan ng kanyang bagong silang na anak na pinangalanan nilang si Mochi.

Nanganak na si Pauleen Luna nitong January 24, 2024 masaya rin niyang ibinahagi sa kanyang social media followers ang cute photo ng kanyang anak kalakip ang caption na good morning with a heart emoji.

Ibinahagi rin niya ang larawan ng kanilang panganay ni Vic Sotto na si Tali na may hawak na bulaklak na tila ibibigay nito sa kanyang ina at kapatid base na rin sa inilagay na caption ni Pauleen.

Ayon kay Pauleen ang bulaklak ay para sa kanila mula sa best ate in the world. May ilang pang mga kaibigan si Pauleen Luna na nagbigay din ng flowers kay Pauleen Luna bilang pagbati rito sa kanyang matagumpay na panganganak.

Kamakailan lamang ay ibinahagi ni Pauleen Luna sa kanyang Instagram account ang isang larawan na aniya ang huling larawan niya na isa siyang buntis.

Sa caption ng kanyang photo inilahad niyang malaki ang kanyang pasasalamat dahil nagbuntis siyang muli sa kabila ng kanyang health condition.

Labis-labis naman ang sayang naramdaman ng mga tagahanga ni Pauleen Luna sa agarang pagbabahagi niya ng mga larawan ng kanyang bagong silang anak. Higit sa lahat, labis na nasisiyahan si Pauleen Luna dahil binigyan siya ng panginoon ng ikalawang anak sa kabila ng kanyang condition.

View this post on Instagram

A post shared by Marie Pauleen Luna- Sotto (@pauleenlunasotto)

Katotohanan Sa Isyung Paglipat Ni Kathryn Bernardo Sa Agency Ni Maja Salvador

 Naging laman ng mga usap-usapan sa social media matapos ang pag-amin nina Kathryn Bernardo at Daniel Padilla na maaring iwan ng aktres ang Star Magic at ang ABS-CBN upang maiwasan ang dating nobyo na si Daniel Padilla.

Kumakalat rin ngayon sa social media ang isyung lilipat na si Kathryn Bernardo sa talent management nina Rambo Nunez at Maja Salvador, ang Crown Artist Management.

Usap-usapan pa ang maraming natatanggap na offers ngayon ng aktres mula sa ibang mga networks na nais itong sulutin mula sa pangangalaga ng Star Magic at ABS-CBN.

Samantala, nauna nang nilinaw ng ina ni Kathryn Bernardo na si Min Bernardo na walang katotohanan ang chismis na kumakalat ngayon sa social media patungkol sa pag-alis ng kanyang anak sa ABS-CBN.

Sa isang panayam, pinagdidiinan ni Min Bernardo na hindi aalis si Kathryn Bernardo sa bakuran ng ABS-CBN at mananatili ito sa Kapamilya network.

Naunang kumalat ang isyu na may posibilidad na aalis ng management si Kathryn Bernardo nang aminin nila ni Daniel Padilla ang kanilang paghihiwalay. 

Lalo naman itong umingay nang magbahagi ng post ang Crown Artist Management kung saan inilahad nilang may pasabog silang hinahanda patungkol sa mga panibagong artista na kanilang ima-manage.

Sa kabilang banda, may mga naniniwala naman baka magpapalit lamang ng panibagong talent management si Kathryn Bernardo at aalis na ito sa Star Magic subalit mananatili pa rin ito bilang isang Kapamilya dahil ito na ang naging tahanan niya magmula nang mag-umpisa ang kanyang showbiz career.

Sa ngayon ay naghahanda na umano ang aktres na si Kathryn Bernardo para sa taping ng kanyang historical movie na pinamagatang Elena 1944.

Direktor Ronaldo Carballo Maaring Maghimas Rehas Dahil Sa Paninira Kay Ian Veneracion

 Kampo ng aktor na si Ian Veneracion pinag-aaralan nang sampahan ng kaso ang director at writer na si Ronaldo Carballo dahil sa pagsisiwalat nito sa half million talent fee ng aktor.

Pinag-uusapan na ngayon ng kampo ni Ian Veneracion ang mga kasong isasampa nila kay Ronaldo Carballo matapos nitong isiwalat sa publiko ang hinihinging talent fee ni Ian Veneracion.

Matatandaan na sa isang Facebook post isiniwalat ni Ronaldo Carballo ang pagkuha sana kay Ian Veneracion ng Local Government ng Tarlac para sa Tarlac Festival, subalit ng malaman umano nila ang demands at presyo ng talent fee na hinihingi ni Ian Veneracion ay nagbago na lamang ang kanilang isip.

Ayon sa pagsisiwalat ni Ronaldo Carballo sa kanyang Facebook post, humihingi umano ng ng kalahating milyon si Ian Veneracion para sa dalawang oras nitong public appearance sa Tarlac parade. Kung sakaling lalagpas umano sa dalawang oras ang parade ay magpapadagdag ito ng one hundred thousand pesos sa kada oras.

Bukod pa rito, ni-request rin umano ng aktor na mayroon siyang sariling float dahil ayaw nitong makasama sa iisang float ang kung sino-sinong tao.

Kung si Ronaldo ang tatanungin, napaka-OA umano ng demand ni Ian Veneracion dahil hindi naman umano siya binabayaran sa bawat araw ng taping niya sa mga pelikula ng mahigit one hundred thousand pesos sa bawat araw.

Pinabulaanan naman ito ng kampo ni Ian Veneracion at sinabing pinag-aaralan na nila kung anong legal action ang gagawin sa pagsisiwalat ni Ronaldo Carballo ng mga maling impormasyon na maaring ikasira umano ng showbiz career ng aktor.

Ayon pa sa management ni Ian Veneracion ang hakbang na ginawa nitong pagsasapubliko ng mga detalyeng hindi pa naman nito venirify sa kanila ay maaring pamamahiya umano sa aktor.

Hindi na rin umano ginalang ni Ronaldo Carballo ang confidentiality ng negosasyon sa pagitan sa kanila at sa local government unit ng Tarlac. Nilinaw din ng management ni Ian Veneracion na kailanman ay hindi sila humihingi ng karagdagangn talent fees para sa mga lumalabis na oras.

Sa kabilang banda, naglabas na ng pahayag si Ronaldo Carballo kung saan humingi siya ng paumanhin sa masamang naidulot ng kanyang post.

Sa kabilang banda, may mga nagsasabi naman na deserve rin naman ni Ian Veneracion na humingi ng malaking talent fee dahil hindi naman siya baguhang aktor at hindi isang pucho-pucho. Nasa kliyente na umano kung handa silang magbayad makuha lamang ang serbisyo ng aktor.

Liza Soberano Niligawan Pala Noon Daniel Padilla Kaya In-unfollow Siya Ni Kathryn!

 Patuloy pa ring naglabasan sa social media ang mga haka-haka at speculations patungkol sa totoong dahilan kung bakit in-unfollow ni Kathryn Bernardo ang aktres na si Liza Soberano.

May mga naglabasang chika na niligawan umano noon ni Daniel Padilla si Liza Soberano na huli nang malaman ni Kathryn Bernardo na lumalabas palang siya ay isang panakip butas lamang.

Ikinagulat ng mga netizens ang pag-unfollow ni Kathryn Bernardo sa kanyang ex-boyfriend na si Daniel Padilla matapos ang mahigit isang buwan mula nang kumpirmahin niya sa publiko ang kanilang paghihiwalay.

Ikinagulat ito ng maraming mga tagahanga ng KathNiel, dahil buong akala nila na maayos ang naging paghihiwalay ng dalawa at napapatanong sila kung bakit ngayon lamang in-unfollow ni Kathryn Bernardo sa kanyang Instagram account ang aktor.

Bukod kay Daniel Padilla, in-unfollow rin ni Kathryn Bernardo ang mga aktres na sina Gillian Vicencio, Liza Soberano at Julia Barretto. 

Naiintindihan naman ng ilang mga netizens ang pag-unfollow ni Kathryn Bernardo kay Gillian Vicencio dahil sa isyung lumabas noon patungkol sa naging relasyon umano nina Daniel at Gillian.

Dahil dito may mga naglabasang isyu kung saan sinasabing kabilang sa mga naging crush noon ni Daniel Padilla si Julia Barretto, nagtangka rin umano manligaw rito ang aktor subalit binasted lamang ito ni Julia Barretto.

Tungkol naman kay Liza Soberano, matatandaan na nagkasama noon sina Kathryn Bernardo, Daniel Padilla at Liza Soberano sa iisang project. May mga naglabasan ring ulat noon na binabalak ng management na ipagtambal sina Liza Soberano at Daniel Padilla.

Subalit hindi na umano ito natuloy dahil mas sumikat ang tambalan nina Daniel Padilla at Kathryn Bernardo.

May mga ulat rin noon na sinasabing nagtatangkang manligaw si Daniel Padilla kay Liza Soberano noon subalit binasted rin umano ito ng aktres dahil abala pa noon si Liza Soberano sa pagpapasikat sa kanyang sarili.

Bukod pa rito, natatakot rin umano ang aktres na baka kuyugin siya noon ng mga fans ng KathNiel dahil nagsisimula na ring sumikat ang dalawa.

Dahil dito, iniisip ng ilang mga netizens na baka nagseselos lamang umano si Kathryn Bernardo kay Liza Soberano kaya i-unfollow niya ang aktres.

Samantala, may ilang mga netizens naman na nanawagan kay Kathryn Bernardo na linawin na ang lahat ng mga isyung naglabasan ngayon o kahit ang dahilan na lamang ng paghihiwalay nila ni Daniel Padilla upang matigil na rin ang kanyang fans sa pandadawit sa pangalan ng iba pang mga artista na pinaghihinalaang sangkot sa nangyaring hiwalayan nilang dalawa.

May mga nagsasabi rin na marami na ang nadadawit dahil sa pagiging pa-victim nito at hindi na laman ilabas sa lahat ang totoong kaganapan para matigil na ang isyu.

Kathryn Bernardo Insecure Sa Ganda Ni Liza Soberano Kaya Inunfollow Niya Ito Sa Kanyang Instagram

 Hanggang ngayon ay malaking katanungan pa rin sa ilang mga netizens kung bakit kabilang sa mga in-unfollow ni Kathryn Bernardo sa kanyang Instagram acccount ang dating Kapamilya actress na si Liza Soberano.

Hindi pa rin natatapos ang pagdedebate ng mga fans ng dalawang aktres na sina Kathryn Bernardo at Liza Soberano, matapos mapansin ng mga netizens na hindi na nakafollow si Kathryn Bernardo sa Instagram account ni Liza Soberano.

Hindi lang naman si Liza Soberano ang in-unfollow ni Kathryn Bernardo sa kanyang Instagram, kabilang rin sa tinanggal ni Kathryn sa kanyang following list sina Gillian Vicencio at Julia Barretto.

Bukod sa kanila, in-unfollow na rin ni Kathryn Bernardo ang kanyang ex-boyfrind at ka-loveteam na si Daniel Padilla matapos ang mahigit isang buwang pag-amin sa kanilang hiwalayan.

Naging palaisipan sa mga netizens kung may issue ba sa pagitan nina Kathryn Bernardo at Liza Soberano, gayundin kay Julia Barretto na maaring dahilan kung bakit in-unfollow niya ang mga ito.

Ayon sa ilang mga netizens, nauna namang nag-unfollow si Liza Soberano kay Kathryn Bernardo noon pang inamin ni Liza Soberano sa publiko na sa kanila ni Enrique Gil unang inoffer ang successful movie nina Kathryn Bernardo at Alden Richads na pinamagatang Hello Love Goodbye.

Ayon sa naging pahayag ni Liza Soberano noon, nang inoffer sa kanila ni Enrique Gil ang Hello Love Goodbye, hiniling niyang hintayin siya dahil kasalukuyan siyang naghahanda noon para sa Darna dahil gusto niyang gawin ang movie. Subalit, nagulat na lamang siya nang in-offer na pala sa iba ang nasabing movie.

Narito ang ilang komento ng mga netizens sa biglaang pag-unfollow ni Kathryn Bernardo kay Liza Soberano.

"Tama Yan nag un follow C Kath Kay Liza Kasi masalita sya Una Yong loveteam ❤️Sabi nya ang artists sumikat Lang SA loveteam eh Di ba SA loveteam din sya sumikat SA Di na nya sinabi SA interview❤️pangalawa Yong hello love na movie komo top grosser SA takelya at SA interview nya SA kanya inoffer Una ang script Ng hello love bat di nya sinunggaban ang offer na yon at itoy kumita Ng 880,000,00pesos Kaya Ito inunfollow sya NI KAth Kasi sya unang dada Ng dada SA bunganga nya.ngayon sino ang naiinggit Sa kagandahan si Kath o c Liza o sa Kita ng hello  love..Ever since WALA pang movie na kumita ng ganito na ginampanan ni kath at aldin.first time ito.sino na ang insecure sa DALAWA kayo na netizens ang humusga.kasi si Kath may isa pang movie na top grosser din ang HOW OF US.. yan ang  mga dahillan na inunfollow ni Kath kasi mataas  ang mga lipad sa lupa din babagsak😔dada ng dada sa bunganga"

"yan kc si kathryn feeling nya siya lang ang sikat sa ganda wala sya sa kalinkingan nina liza at julia"

"Yes, insecure si kathryn kc mas maganda c liza at mas matalino. She has a very strong personality. She can realate with whatever topic you ask her. She's very articulate n explains very well answers  to questions  from interviews asked of her."

Samantala, may mga nagsasabi naman na baka na-insecure lamang si Kathryn Bernardo sa angking ganda ni Liza Soberano. Hindi umano matanggap ni Kathryn Bernardo na mas maganda kaysa kanya si Liza Soberano.

Sa kabilang banda, may mga nagsasabi rin na bukod kay Liza Soberano insecure rin si Kathryn Bernardo sa ganda ni Julia Barretto kaya hindi ito nagpunta sa kasal ng kanilang kaibigan.

Gayunpaman, hindi naman naibalita sa social media na masama ang loob nila sa isa't-isa.

Karla Estrada Ipinagmalaki Sa Publiko Ang Bagong Endorsement Ni Daniel Padilla

 Ipinagmalaki ng celebrity mom na si Karla Estrada sa kanyang Instagram account ang panibagong billboard ng kanyang anak na si Daniel Padilla na tila ipinamumukha niya sa mga bashers ng kanyang anak na hanggang ngayon ay namamayagpag pa rin ang pangalan nito.

Sa gitna ng mga mabibigat na isyung kinakaharap ngayon ng aktor na si Daniel Padilla mula nang maghiwalay sila ni Kathryn Bernardo, marami ang naghinalang magiging katapusan na ito ng career ni Daniel Padilla.

Naglabasan na rin kasi ang matagal nang tinatagong baho ni Daniel Padilla patungkol sa totoong pag-uugali nito, kabilang na ang pagiging mayabang, pagiging bastos nito sa kanyang mga fans at ang pagpapapanggap na conservative subalit sa totoo pala ay nambababae ito sa likod ni Kathryn Bernardo.

Mula nang maghiwalay sina Daniel Padilla at Kathryn Bernardo, nabunyag sa publiko ang totoong pagkatao umano ni Daniel Padilla, nagsilabasan na rin ang mga pangalan ng mga babaeng pinaghihinalaang kinakalantari ng aktor habang sila pa ni Kathryn.

Marami ang nadismayang tagahanga ni Daniel Padilla dahil buong akala umano nila ay mabait ang aktor at totoong mahal nito si Kathryn Bernardo subalit tila ginagamit lamang pala nito si Kathryn Bernardo at ang kanilang loveteam para sa kanyang sikat.

Samantala, naging matunog rin ang isyung nagsialisan na ang mga endorsements ni Daniel Padilla dahil sa takot na madamay ang kanilang brand sa negativity na natatanggap ng aktor ngayon.

Sa kabila ng pag-alis ng ilang sponsors ni Daniel Padilla may ilan pa rin naman na nanatili hanggang ngayon sa aktor at naniniwalang hindi pababagsakin ng mga natatanggap niyang pambabatikos ang sales ng kanilang brand.

Kamakailan lamang ay buong pagmamalaking ibinahagi ni Karla Estrada sa kanyang Instagram account ang endorsement ng kanyang anak na si Daniel Padilla mula sa isang kilalang clothing line na naka display sa isang billboard.

Sa caption ng kanyang post, pinasalamatan ni Karla Estrada nasabing brand sa pagtitiwala kay Daniel Padilla.

Kaagad naman itong nagviral sa social media at inulan rin ng samu't-saring komento mula sa mga netizens. Ayon sa ilang hindi naman umano nararapat hayaan ng mga bashers na maapektuhan sa isyu ng hiwalayan nina Daniel at Kathryn na maapektuhan ang career ng aktor.

May mga nagsasabi pa na sana ay bigyan naman ng pagkakataon ang aktor na magbago.

View this post on Instagram

A post shared by KARLA ESTRADA (@karlaestrada1121)

Dominic Roque Ipinakita Ang Bonding with Nguya Squad! Daniel Padilla Wala Na Sa Barkada?

 Kamakailan lamang ay kinumpirma na ni Dominic Roque ang isyung hindi invited si Daniel Padilla sa kanilang kasal ni Bea Alonzo.

Matatandaan na sina Dominic Roque at Daniel Padilla ay parehong kabilang sa 'Nguya Squad' subalit tila nabuwag ang grupo dahil sa pagiging abala ng mga ito at sa isyung may naganap na hindi pagkakaunawaan sa kanilang grupo.

Hindi naman naging malinaw noon ang dahilan ng tila pagkakabuwag ng kanilang pagkakaibigan, subalit tila naging malinaw na ngayon matapos ang paghihiwalay nina Daniel Padilla at Kathryn Bernardo.

Sa isang panayam kay Dominic Roque kung saan naitanong rito ang detalye ng kanilang pinagpaplanuhang kasal ni Bea Alonzo na magaganap na ngayong taon, hayagang isiniwalat ni Dominic Roque na hindi kabilang sa kanilang guest list ang aktor at ex boyfriend ni Kathryn Bernardo na si Daniel Padilla.

Ipinaliwanag naman ni Dominic Roque ang dahilan kung bakit hindi niya inimbitahan si Daniel Padilla sa kanyang kasal. Ayon kay Dominic Roque, matagal na silang hindi nagkikita at hindi nag-uusap ni Daniel Padilla noon pang 2020.

Dahil dito, tila pinatunayan na umano ni Dominic Roque na talagang naging friendship over na sila ni Daniel Padilla.

Samantala, sa kamakailang Instagram post ni Dominic Roque, ibinahagi niya ang isang video ng bonding moments nila ng kanyang barkada na matagal rin niyang hindi nakasama mula nang magkaroon sila ng isyu ni Daniel Padilla.

Sa video makikitang nakasama ni Dominic Roque sa isang dinner sina Marco Gumabao at ang girlfriend nitong si Cristine Reyes, naroon din ang mag-asawang sina Patrick Sugui at Aeriel Garcia, Gabbi Garcia at ang nobyo nitong si Khalil Ramos.

Base sa caption ni Dominic Roque sa kanyang post, nangyari ang holiday dinner nila noong 2023 subalit kamakailan lamang ito ibinahagi ng aktor.

Marami naman ang nakapansin na karamihan sa mga common friends nina Daniel Padilla at Kathryn Bernardo ang tumalikod ngayon sa aktor matapos ang naging hiwalayan nilang dalawa.

Dahil dito, hindi maiwasan ng ilang mga netizens na sabihing talagang may ugaling hindi maganda si Daniel Padilla dahil tinalikuran ito ng ilang mga kaibigan nila ni Kathryn Bernardo.

View this post on Instagram

A post shared by Dominic Roque (@dominicroque)

Kris Aquino Pinaiyak Si Erik Santos Sa Promise Nito, Erik Di Napigilang Maging Emosyonal Kay Kris!

 Hindi napigilan ng ilang malalapit kay Kris Aquino lalo na ang mga naging kaibigan nito sa showbiz industry na magbigay ng panalangin at hiling na sana ay gumaling na ito mula sa kanyang mga pinagdadaanan ngayon.

Matatandaan na sa kamakailang Instagram post ni Kris Aquino inamin niya na mayroon na naman siya nadedevelop na panibagong autoimmune condition na mas kilala sa tawag na Lupus.

Naibahagi rin ni Kris Aquino na tuloy-tuloy pa rin ang kanyang chemotherapy na naging dahilan ng kanyang pagiging bedridden.

Hindi naman naiwasan ng singer na si Eric Santos na kilalang malapit kay Kris Aquino ang mapakomento, kung saan inilahad niyang hindi nawawala sa kanyang mga panalangin si Kris Aquino. Noon pa man ay palagi nang nag-iiwan ng mensahe si Eric Santos sa mga post ni Kris Aquino kung saan inilalahad niya ang kanyang panalangin.

Hindi rin naman lingid sa kaalaman ng lahat na noon pa man ay malapit na sa isa't-isa sina Kris Aquino at Eric Santos. Nakasuporta noon si Kris Aquino kay Eric Santos, matapos ang nangyari sa mga magulang ng singer.

Nagpahayag rin ng isang pangako si Kris Aquino para kay Eric Santos, na hanggang humihinga pa siya ay hindi siya titigil sa pagbibigay ng suporta kay Eric Santos.

Sa ngayon ay patuloy pa rin ang pagpapagamot ni Kris Aquino sa kanyang mga karamdaman. Marami naman ang humanga sa katatagan ni Kris Aquino, sa hindi nito pagsuko sa pakikipaglaban sa sakit alang-alang sa mga taong nagmamahal at nangangailangan pa rin sa kanya.

Hiling naman ng mga tagahanga ni Kris Aquino na sana ay tuluyan na itong gumaling at bumalik muli ang dating sigla nito.

View this post on Instagram

A post shared by Kristina Bernadette Cojuangco Aquino (@krisaquino)

Breaking! NTC Pinatigil Ang Operasyon Ng Malaking TV Network!

 Pansamantalang pinatitigil ng National Telecommunication Commission ang Sunshine Media Network International magmula ngayong January 23, 2024 habang gumugulong sa korte ang mga kaso ng paglabag nila.

Ayon sa Cease at desist order ng National Telecommunication Commission laban sa SMNI, kinukwestiyon nila ang patuloy na operasyon ng SMNI sa ilang programa nila sa kabila ng pagkakaroon nito ng mga suspension na nauna nang ipinalabas.

Nauna nang napatawan ng 50 day suspension ang SMNI noong December 19, 2023 dahil sa paglabag ng network sa mga terms at condition ng prangkisa nito. Binigyan naman ng National Telecommunication Commission ang SMNI ng 15 days para tumugon at ipaliwanag kung bakit nabigo silang sumunod sa terms and condition ng 30 days suspension order na maaring humantong sa kasong administrative.

Samantala, kasalukuyan naman umanong inaaral ng abogado ng SMNI na si Atty. Mark Tolentino ang gagawing hakbang kaugnay sa isyung ito.

Sa isang social media post ni Jay Sonza ipinahayag niya ang malungkot na balita patungkol sa indefinite suspension na natanggap ng SMNI.

"Katatapos nga lang ng 30 day suspension kamakalawa, nagpalabas ngayon-ngayon lamang ang NTC (National Telecommunications Commission)) ng isang Order to Cease and Desist Operations laban sa SMNI (Sonshine Media Network International) at Swara Sug Network Corporation."

Gustuhin man umano nilang ihatid via free to air television and radio ang mga makatotohanan balita at impormasyon, mapipilitan silang sumunod sa pag-uuto ng gobyerno.

Sa ngayon ay patuloy pa rin ang pagbabahagi nila ng impormasyon gamit ang mga  NEW MEDIA Platform kagaya ng Youtube, Facebook, Instagram, TikTok, X (twitter), at iba pa.