MJ Lastimosa Ibinuking Si Kim Chiu! May Alam Ba Siya Sa Breakup Nila Ni Xian

 Ikinagulat ng mga tagahanga ng celebrity couple na sina Kim Chiu at Xian Lim ang kumpirmasyon ng dalawa patungkol sa mga kumakalat na balita patungkol sa kanilang hiwalayan.

Hindi inakala ng mga tagahanga nina Kim Chiu at Xian Lim na magwawakas ng ganun na lamang ang kanilang 12 years relationship. Hindi rin ito inasahan ng marami dahil panay lamang ang pananahimik ng dalawa sa isyu at noong press conference ng teleseryeng Linlang ay sinabi pa ni Kim Chiu na maayos naman sila ni Xian Lim.

Kaya naman hindi napigilan ng ilang netizen na maapektuhan lalo na ang mga sumusubaybay sa kanilang pagmamahalan dahil inakala nila na sa simbahan na hahantong ang dalawa.

Hindi rin nila inakala na may problema pala ang dalawa dahil sa pananahimik ng mga ito sa kani-kanilang social media accounts. Ang tanging pahiwatig lamang na may pinagdadaanan ang dalawa ay ang pagiging missing in action ni Xian Lim, sa mga event na dapat ay magkasama silang dalawa.

Naging mainit na usapin rin ang pagbubura ni Xian Lim sa mga vlog na pinagsamahan nila ni Kim Chiu.

Samantala, kahit pa kinumpirma na nila ang kanilang paghihiwalay, hindi naman nila isiniwalat ang pinag-ugatan o ang dahilan kung bakit napagdesisyunan nila na wakasan na lamang ang kanilang pag-iibigan.

Tanging appreciation at pasasalamat lamang nila sa isa't-isa ang kanilang ipinahayag. Dahil dito marami ang naku-curious kung ano nga ba ang dahilan ng hiwalayan nilang dalawa.

Sa gitna ng mga kaguluhang ito, napansin ng ilang mga marites ang komento ng beauty queen na si MJ Lastimosa sa break up post ni Kim Chiu kung saan ipinahayag niya na nagka-usap sila noon ni Kim Chiu sa isang sauna habang hinihintay ng aktres na matapos ang gym session ni Xian Lim.

Hiniling din ni MJ Lastimosa na sana ay kaagad na maghilum ang mga sugat sa puso ni Kim Chiu.

Kaagad naman itong sinagot ng ilang mga fans ni Kim Chiu at tinanong si MJ kung ano ang napag-usapan nila ni Kim Chiu sa sauna. May mga nagtanong pa kung may alam ba ang beauty queen sa maaring dahilan ng hiwalayan nina Xian Lim at Kim Chiu.

View this post on Instagram

A post shared by Kim Chiu 🌸 (@chinitaprincess)

Andrew Schimmer, Ipinakilala Ang Bagong Pag-Ibig Isang Taon Matapos Ang Pagkawala ni Jho Rovero

 Ikinagulat ng maraming mga nakasubaybay sa naging buhay at pag-aalaga noon ng aktor na si Andrew Schimmer sa kanyang yumaong asawa na si Jho Rovero ang ipinahayag nito kamakailan kung saan nakatagpo na kaagad ito ng panibagong mamahaling isang taon matapos ang pagpanaw ni Jho.

Kumakalat ngayon sa social media ang pahayag ni Andrew Schimmer para sa kanyang nobya na 'I want to spend the rest of my life with you'.

Isang taon matapos ang pagpanaw ng partner noon ni Andrew Schimmer na si Jho Rovero ay nakahanap na ng kapalit nito si Andrew Schimmer na siyang nagpapatibok ng kanyang puso.

Matatandaan na marami ang naantig ang puso at humanga noon kay Andrew Schimmer dahil sa pag-aalaga nito sa kanyang asawa na si Jho Rovero na nakaratay sa higaan sa loob ng mahigit isang taon. Naging inspiration din ang aktor ng marami dahil sa kanyang dedikasyon at pagmamahal kay Jho Rovero.

Naratay sa hospital si Jho Rovero dahil sa isang malubhang sakit, dinapuan rin ito ng maraming complications na naging dahilan sa tuluyan nitong pagkawala noong December 20, 2023.

Samantala, ikinagulat naman ng maraming netizens, na ilang araw lamang matapos ang first death anniversary ni Jho Rovero ay tuluyang ipinakilala na ni Andrew Schimmer ang babaeng muling nagpapatibok ng kanyang puso.

Ayon kay Andrew, ang babaeng ito ang nagligtas sa kanya mula sa pagkalugmok sa labis na kalungkutan at naging instrumento upang muling mahalin niya ang mundo.

Nitong December 22, 2023, nagsagawa ng girlfriend reveal si Andrew Schimmer sa kanyang Facebook account. Ayon sa kanyang post, ang kanyang girlfriend ngayon ang siyang bumuo muli sa kanyang buhay. Inalis umano nito ang lahat ng sakit na idinulot nang pumanaw si Jho Rovero.

Ayon pa kay Andrew Schimmer na sirang-sira siya at tila nasa madilim na mundo bago siya matagpuan ng babaeng minamahal na niya ngayon. Ito rin umano ang nagbigay sa kanya muli ng HOPE para gustuhing mabuhay pa.

Kaya naman nais niyang makasama ang babaeng ito for the rest of his life.

Samantala, kaagad na umani ng samu't-saring reaksyon at komento mula sa mga netizens ang pagpapakilala ni Andrew Schimmer sa kanyang panibagong girlfriend matapos ang isang taon nang mawala si Jho Rovero.

May mga kumukwestyon sa naging pag-ibig ni Andrew Schimmer kay Jho Rovero dahil pinalitan niya umano ito kaagad nang hindi pa man ito nag-isang taon matapos pumanaw.

Gayunpaman may mga sumporta rin naman sa kanya at sinabing kung nakikita ni Jho Rovero ngayon ang lahat tiyak ay matutuwa ito dahil may magmamahal at mag-aalaga na kay Andrew Schimmer at sa kanilang mga anak. Ipinunto pa ng ilan na hindi naman mapipigilan ang puso kapag ito'y tumibok nang muli sa ibang tao.

Hiling na lamang ng mga netizens na sana ay huwag namang tuluyan na kalimutan ni Andrew Schimmer ang namayapa niyang asawa na si Jho Rovero.

"You really love your wife that much kasi yong 2nd wife is kamukha lng ng 1st wife..for sure happy ang late wife mo to see you happy and restored."

Sharon Cuneta Emosyunal Sa Unang Pasko Na Hindi Kasama Si KC

 Aminado ang aktres na si Sharon Cuneta dahil sa kauna-unahang pagkakataon ay hindi niya kasama sa araw ng pasko ang kanyang panganay na anak na si KC Concepcion.

Sa kanyang Instagram account, ibinahagi ni Sharon Cuneta ang isang empty seat na dapat ay pwesto ni KC Concepcion. Sa caption niya sa kanyang post, ipinahayag niya kung gaano niya ka-miss si KC Concepcion gayunpaman nais umano niyang mag-enjoy ito sa piling ng kanyang ama na si Gabby Concepcion.

Marami naman sa mga fans ni Sharon Cuneta ang nakakarelate sa sentiment nito ngayong pasko na hindi niya nakasama ang kanyang anak. May nagkomento pa sa post ni Sharon Cuneta na napaiyak umano siya ng ipakita ni Sharon ang empty seat ni KC Concepcion at ang highlights ng kanilang celebration.

Ayon sa netizen, alam umano niyang namimiss rin ito ni KC Concepcion lalo na't ito ang unang pasko na hindi sila nagkasama.

Samantala, may mga pumuri naman kay Sharon Cuneta dahil sa kanyang pagtrato sa kanilang mga kasambahay na kung ituring ng aktres ay parang kapamilya na rin.

Sa kabilang banda, natutuwa naman ang mga fans ni Gabby Concepcion dahil nagkakasama ang mag-awa sa pagdiriwang ng pasko.

Samantala narito naman ang ilang mga komento ng mga fans ni Sharon Cuneta naiintindihan ang kanyang nararamdaman nitong pasko na hindi niya nakasama ang kanyang anak.

"Ang pagmamahal at sakripisyo ng isang ina walang katumbas! Napakasakit yung kulang nalang ilagay mo sa pedestal. Pero darating ang panahon na gusto na niyang makawala sa iyo😭! Naiyak ako habang pinapanood ko ito"

"she's thinking of you as well po, Merry Christmas to both of you po!"

"A wonderful wordless conversation between a child longing for her mother and a mother assuring her child. This one really pulls at my heartstrings"

"This Christmas I just wish who ever is on your same situation and you will be better because I think everyone that have a good heart like you deserves to be truely happy."

View this post on Instagram

A post shared by ActorSingerPresenter (@reallysharoncuneta)

Gabby Concepcion Sinagot Ang Mga Cryptic Post Ni Sharon Cuneta!

 Kamakailan lamang ay naging consistent ang Mega Star na si Sharon Cuneta sa mga sagot niya sa interview kung saan ipinapahayag niya na nalulungkot siya dahil nadadamay na ang kanyang mga anak sa mga isyu na hindi na niya makontrol.

Naging sunod-sunod ang pagbabahagi ni Sharon Cuneta ng mga cryptic na naging dahilan para mag-alala na ang kanyang mga fans at hiniling na sana ay pagtuunan naman niya ang kanyang mental health.

Sa gitna ng pagpapalabas ni Sharon Cuneta ng mga cryptic post marami ang napapatanong kung sino ang pinapatungkulan niya at kung para kanino ang mga post na ito.

Kabilang sa mga inilabas na cryptic post ni Sharon Cuneta ay patungkol sa second chances. May mga tao umanong hindi na nararapat na bigyan ng second chances dahil hindi naman nito deserve dahil mabibigyan lamang umano ang mga ito ng pagkakataon para traydorin parin siya sa huli.

Naging sunod-sunod pa ang mga post nito patungkol sa mga broken relationship at betrayal.

Kasunod nito ibinahagi naman ni Sharon Cuneta ang mga pictures na kuha mula sa kanilang Christmas party kung saan naroon naman ang kanyang pamilya, spotted rin doon si Kiko Pangilinan na unang pinaghinalaan ng mga netizens na siyang pinapatungkulan ni Sharon Cuneta sa kanyang mga cryptic post.

May mga naghinala na baka ang dating asawa ni Sharon Cuneta na si Gabby Comcepcion ang totoong pinaparinggan nito dahil tila sumagot din ito ng series of cryptic posts patungkol naman sa mga past relationships.

Kabilang din sa post ni Gabby Concepcion ang pahayag na, kaya na ng kanilang anak ang sarili kaya naman dahil sarili na lamang nito ang isipin.

Kaagad naman itong napansin ng ilang mga netizens marami ang nagsasabi na tila nagparinigan sina Sharon Cuneta at Gabby Concepcion sa kani-kanilang Instagram stories.

Ayon pa sa mga fans ng aktor na tila hindi na nakapagtimpi si Gabby sa pambabanat ng pasimple sa kanya ni Sharon Cuneta.

View this post on Instagram

A post shared by Gabby Concepcion (@concepciongabby)

Kim Chiu Hinangaan Matapos Ang Ginawa Nito Kay Xian Lim Kahit Hiwalay Na Sila!

 Marami sa mga netizens ang humahanga ngayon sa aktres na si Kim Chiu dahil sa ginawa nito sa gitna ng paghihiwalay nila ng kanyang long time boyfriend na si Xian Lim.

Sa wakas ay inilabas na rin nina Xian Lim at Kim Chiu ang kani-kanilang mga pahayag patungkol sa paghihiwalay nilang dalawa upang matigil na ang mga isyu sa pagitan nilang dalawa.

Matapos nilang ilabas ang pahayag ng kumpirmasyon sa kanilang hiwalayan, marami ang humanga sa angking katatagan ni Kim Chiu dahil nakakayanan umano nitong tumayo sa harap ng mga tao at magbigay ng saya sa mga madlang pipol sa kabila ng sakit na kanyang nararamdaman.

Marami ang sumaludo kay Kim Chiu dahil nakakaya pa rin nitong ngumiti, magbiro at magtrabaho ng maayos.

Sa pagkumpirma nina Kim Chiu at Xian Lim, nakumpirma na rin ang matagal nang usapin na hiwalay na ang dalawa. Bukod pa rito, nasagot na rin ang ilang mga katanungan ng mga netizens kung bakit palaging tila namumugto ang mga mata ni Kim Chiu sa pagpasok niya sa show.

Noon pa man ay napansin na rin ng mga netizens ang ilang beses na parinig ni Vice Ganda na nakabibigay ng pahiwatig na matagal nang nagtapos ang relasyon nina Kim Chiu at Xian Lim.

May ilan pang punto ng show na bigla na lamang nagiging emosyunal si Kim Chiu na kaagad namang dinadamayan ng kanilang mga co-host sa It's Showtime.

Sa kabila ng pagkumpirma nina Kim Chiu at Xian Lim sa kanilang paghihiwalay, hindi naman nila ipinahayag sa kanilang mga statements kung ano ang pinag-ugatan ng kanilang paghihiwalay matapos ang mahigit dekada nilang pagmamahalan.

Narito naman ang ilang komento ng mga netizens patungkol sa tuluyang paglaya ni Kim Chiu sa relasyon nila ni Xian Lim.

"LOVE YOU KIMMY ANG HUSAY HUSAY MONG GUMANAP SA ": IT'S SHOWTIME"" THE SHOW MUST GO ON HAPPY AND VERY PROFESSIONAL": GOOD PERFORMANCE PA DIN SA HOSTING ": SALUDO KAMI SA IYO ": QUEEN KIM CHIU""AT SUPER PRETTY AND SMILING FACE ALWAYS"" FIGHTING KIM WE PRAY FOR YOU, LOVING YOU""ANG BAIT BAIT MONG TAO MAY BUSILAK NA PUSO"

"Talagang Sobrang bait ni Kim! Sa süsünod na iibig ka ulit wag namang buong pagkatao mo ang ibinigay mo sa kanya! Sayang Ang 12 years na inilaan mo Kay Xian!"

View this post on Instagram

A post shared by Kim Chiu 🌸 (@chinitaprincess)

Herlene Budol, Idedemanda si Shaila Rebortera Dahil Sa Pagpapakalat ng Convo Nila Ni Rob

 Nagbanta ang aktres na si Herlene Budol sa taong nag-upload sa kanilang private messages ni Rob Gomez na kumakalat na ngayon sa iba't-ibang social media platforms.

Sa panibagong pahayag na inilabas ni Herlene Budol hinggil sa pagkakasangkot niya sa isyu ng 'kainan' nila ni Rob Gomez, nagbanta siya na kakasuhan niya ang tao sa likod ng pagkalat ng mga sensitibong mensahe na pinagmumulan ng pambabatikos sa kanya.

Kaliwa't-kanan ang natatanggap ngayon na pambabatikos ni Herlene Budol mula sa mga netizens dahil sa mga naglabasang screenshot ng conversation nila ng kanyang leading man sa teleseryeng Magandang Dilag dahil nagpapahiwatig ang mga ito na may tinatagong relasyon silang dalawa.

May mga palitan pa sila ng mensahe kung saan mahihinuhang may mas malalim pa na nangyayari sa pagitan nilang dalawa na tila pinapatunayan naman sa inilabas na larawan ng dalawang pregnancy test kits.

Sa kabila ng mga inilabas na mga screenshots na ito pinabulaanan itong lahat ni Herlene Budol sa inilabas niyang pahayag. Ayon kay Herlene, nagbatuhan lamang sila ng script ni Rob Moya at nagbibiruan lamang.

Binahiran lamang umano ng mga netizens ng ibang meaning ang inosenting pahayag nila katulad ng 'kain' at 'gutom'. Pagpapatuloy pa ni Herlene Budol na kahit isa umano siyang squammy ay hindi naman siya hayok sa tawag ng laman.

 Iginiit pa ni Herlene na dahil nagmula siya sa isang broken family, hindi siya papatol sa lalaking may kinakasama at anak na dahil ayaw niyang makasira ng pamilya.

Ipinahayag din ng aktres na dahil sa mga natatanggap niyang pambabatikos ngayon mula sa mga netizens ay naapektuhan na ang kanyang trabaho dahil hindi na siya nakakapag-focus.

Dagdag pa ni Herlene na sumakay lamang siya sa mga pagbibiro ni Rob Gomez dahil isa siyang komedyante kahit pa alam na umano niyang nilalandi na siya nito.

Paninindigan pa ni Herlene Budol na hindi siya kaladkaring uri ng pagkababae sa katunayan sa loob ng mga sinalihan ng dalawang national pageants ay ilang beses siyang nakatanggap ng indecent proposals pero hindi niya tinanggap dahil maayos naman ang kanyang career at ayaw niya ng one time big time.

Sa huli, tila nagbanta pa si Herlene Budol sa taong nagpakalat sa kanilang private conversation na maari niya itong kasuhan ng data privacy, defamation at cyber libel.

Samantala, tila hindi man lang nabawasan ang pagdududa ng ilang mga netizens sa relasyon nina Herlene Budol at Rob Gomez, matapos ang official statement ni Herlene Budol. Lalo pang binatikos ang aktres dahil sa kawalan umano nito ng dignidad at sa pilit na pagtanggi kahit pa may mga resibo na naglabasan.

Marami rin ang hindi naniniwala na through chats talaga sila magbatuhan ng scripts at isa pa wala naman umano silang ganoon klase ng script sa teleserye.

May mga nagsasabi pa na hindi niya katulad ang lahat ng mga netizens na basta na lamang maniniwala sa kanyang baluktot na pahayag kahit pa nasa harap na ang ebedensya ng kanilang relasyon at pagtataksil ni Rob Gomez.

Sa kabilang banda, bagama't patuloy na nanahimik ang sinasabing karelasyon ni Rob Gomez na si Shaila Rebortera, marami ang naniniwala na ito ang nag-upload sa mga nasabing screenshot ng mga conversation ng dalawa.

Yung tahimik lang ako at kaliwa't kanan babad ako sa taping. Yung d ako maka focus sa trabaho dahil sa issue ng mag jowa na may anak. Tapos malalaman ko nakaladkad na lang pangalan ko at binabash ako na wala naman akong ginagawa.

Opo, Squammy man ako sa paningin nyo. indi…

— Herlene Hipon Budol (@herlene_budol) December 22, 2023

Mga Gustong Mangyari Ni Andrea Brillantes Sa Taong 2024

 Nagbigay ng pahayag ang controversial actress na si Andrea Brillantes hinggil sa kung ano ang mga gusto niyang mangyari sa kanyang buhay sa darating na taong 2024.

Hindi naman maitatanggi na isa ang aktres na si Andrea Brillantes sa mga personalidad sa telebisyon na talagang pinag-usapan ngayong taon dahil sa iba't-ibang kontrobersiya na kanyang kinakasangkutan.

Ayon sa naging pahayag ni Andrea Brillantes, patungkol sa mga bagay ninanais niya sa darating na taon, ipinahayag niyang simple lang naman ang gusto niya. Ito ay growth at healing. Ipinahayag rin ni Andrea Brillantes na wala na siya masyadong Christmas wish, dahil masaya naman umano siya ngayon.

Healthy rin umano ang kanyang buong pamilya kaya naman ang tanging naisip na lamang ng aktres ay matuto siyang mag-drive.

Samantala, naging mas matunog ang pangalan ni Andrea Brillantes nang masangkot siya sa hiwalayan nina Kathryn Bernardo at Daniel Padilla. Sa kabila naman ng pambabatikos na natanggap ng aktres ay nananatiling tikom pa rin ang kanyang bibig hinggil sa isyu.

Tila pinapabayaan na lamang nito na kusang mawala ang isyu, maging si Kathyn Bernardo ay nananahimik na rin at hindi na nilinaw pa kung totoong may kinalaman nga ba si Andrea sa isyu.

Sa kabilang banda, marami naman sa mga fans ni Francine Diaz ang pumuputok ang butsi dahil sa pandadamay ni Andrea Brillantes noon kay Francine Diaz sa isyu ng hiwalayan nila ni Seth Fedelin.

Gayung ang katotohanan ay nagtaksil lang naman si Andrea Brillantes kay Seth Fedelin dahil sa ginawa nila ni Daniel Padilla.

Sharon Cuneta, Kiko Pangilinan, Hiwalay Na Rin

 Sa gitna ng sunod-sunod na balita patungkol sa hiwalayan na nangyayari ngayon sa pagitan ng mga celebrity couples na magkasama ng ilang taon naging usap-usapan na rin ang tila paghihiwalay nina Sharon Cuneta at Dating Senador na si Kiko Pangilinan.

Sa gitna ng mga usapin patungkol sa mga paghihiwalay ngayon ng mga celebrity couples na kinabibilangan nina Kathryn Bernardo at Daniel Padilla, Kim Chiu at Xian Lim, Sarah Lahbati at Richard Gutierrez, Mavy Legaspi at Kyline Alcantara, naging matunog rin ang haka-haka na nanganganib na ring magtapos ang relasyon nina Sharon Cuneta at Kiko Pangilinan.

Nagsimula ang usaping ito nang magbahagi si Mega Star ng isang cryptic post sa kanyang social media patungkol sa loyalty at kusang pakikipaghiwalay para sa sariling kapakanan.

Ayon sa naging pahayag ni Sharon Cuneta, isa siyang loyal na tao at hindi siya mang-iiwan dahil mayroon na siyang iba, kundi para ito sa kanyang sarili. Para sa kanyang peace, sanity, respect at dignity

Lalo pang lumakas ang isyu nasa binggit na sila ng paghihiwalay ni Kiko Pangilinan dahil sa pagsisiwalat ng Mega Star sa kamakailang vlog ni Luis Manzano kung saan sinabi niya na natupad na ang lahat ng kanyang kahilingan sa buhay maliban sa pagkakaroon ng stable marriage life.

Inamin rin ni Sharon Cuneta na bagama't matagal na silang nagsasama ni Kiko Pangilinan ay hindi pa rin nila naiiwasan ang mga struggles nilang bilang mag-asawa.

Isa sa mga dahilan nito ay ang magkaiba nilang priorities sa buhay.

Samantala, may mga nagsasabi naman na normal lamang na pagdaanan ng isang pamilya ang pinagdadaanan ngayon nina Sharon Cuneta at Kiko Pangilinan. Marami rin ang naniniwala na malalampasan pa rin nina Sharon Cuneta at Kiko Pangilinan ang kung anumang pagsubok na kinakaharap nila ngayon.

Francine Diaz, Nilinaw Ang Suguran Isyu Nila ni Andrea Brillantes

 Viral ngayon sa social media ang naging pahayag ng mga young Kapamilya stars na sina Seth Fedelin at Francine Diaz sa kanilang mga social media live patungkol sa nakaraang isyu na bumabalot sa umano'y pang-aagaw at pang-aahas ni Francine Diaz sa boyfriend at ka-loveteam ng kanyang kaibigang si Andrea Brillantes.

Sa kauna-unahang pagkakataon binigyan na ng linaw ni Francine Diaz ang nangyari noon hindi lamang para linisin ang kanyang pangalan at matigil na ang isyu kundi para narin maprotektahan ang kanyang pamilya na naapektuhan na rin ng mga pambabatikos mula sa mga fans ni Andrea Brillantes.

Ayon sa pagbabahagi ni Francine Diaz, nitong nagdaang linggo lamang ay isinugod nila sa hospital ang kanyang bunsong kapatid dahil nag-hyperventilate ito dahil sa anxiety.

Nang tanungin umano nila ang kanyang kapatid kung ano ang dahilan, sinabi nito na may nabasa siyang komento patungkol kay Francine Diaz at hindi na ito nawala sa isipan pa nito.

Paglilinaw pa ni Francine Diaz, hindi siya nagsasalita ngayon para lalong mabash si Andrea Brillantes kundi upang matapos-tapos na ang isyu sa pagitan nila na ilang taon na rin mula nang nangyari.

Pinabulaan na rin ni Francine ang haka-haka noon patungkol sa panunugod umano sa kanya ni Andrea Brillantes sa dressing room. Subalit, tinawagan umano siya ni Andrea Brillantes kung saan galit na galit ito sa kanya.

Iginiit din ni Francine Diaz na wala siyang inagaw, wala siyang inahas, at wala siyang nilandi. Sinabi pa ni Francine Diaz na ang ginagawa nila ni Seth Fedelin sa harap ng kamera ay para sa trabaho lamang.

Sinuportahan naman ng aktor na si Seth Fedelin ang naging pahayag ni Francine Diaz, muli niyang nilinaw na walang kinalaman ang aktres sa naging problema nila noon ni Andrea Brillantes. Nakikiusap rin si Seth Fedelin na itigil na ng mga fans ni Andrea Brillantes ang pandadamay sa ibang tao sa kanilang isyu noon ni Andrea Brillantes lalong lalo na si Francine Diaz at ang pamilya nito.

Iginiit din ni Seth Fedelin na walang inagaw si Francine Diaz, nagpunta umano siya sa bahay nito upang humingi ng paumanhin sa katunayan ay nais pa niyang isama roon si Andrea Brillantes na tumanggi sa kanyang alok.

Inako na rin ni Seth Fedelin ang pagkakamali niya na pumunta sa dressing room ni Francine Diaz kung saan siya nakunan ng litrato na siyang pinagmulan ng isyu.

Samantala, narito naman ang ilang mga komento ng mga netizens sa live ni Francine Diaz.

"kung pababaan ng comprehension sa pinas, panalo na mga enabler fans ni blythe"

"Hindi titigil ang basher hanggat ndi nakikita sa social media si Francine at andrea B. na mag kasama sa social media na closed sila ulit"

@beathefangirl walang inagaw si Chin #francinediaz #franseth #blythe #andreabrillantes #sethfedelin #fyp ♬ original sound - b

Kapatid Ni Francine Diaz, Nakipagsagutan Sa Fans Ni Andrea Brillantes

 Hanggang ngayon ay hindi pa rin natatapos ang pagkakagulo ng mga fans ng dalawang young stars na sina Andrea Brillantes at Francine Diaz matapos balikan ng kanilang mga fans ang isyu nilang dalawa noon pang 2021.

Kasunod ng pagkalat ng balitang inamin mismo ni Andrea Brillantes kay Kathryn Bernardo na noon pang 2021 may nangyari sa kanila ng noo'y boyfriend pa nito na si Daniel Padilla sa mismong bahay ng aktor.

Kaagad namang napagdugtong ng ilang mga netizens ang mga nangyari at sinasabi nilang ang pagkakaroon ng ugnayan nina Andrea Brillantes at Daniel Padilla ang naging dahilan kung bakit tuluyang nakipaghiwalay si Seth Fedelin kay Andrea Brillantes noon.

Samantala, binalikan naman ng ilang mga netizens ang isyu sa pagitan nina Andrea Brillantes, Seth Fedelin at Francine Diaz. Matatandaan na noong huling bahagi ng 2021, naglabas ng isang malungkot na post si Andrea Brillantes kasunod ng pagkalat ng mga larawan na nakasama ng pamilya ni Francine Diaz si Seth Fedelin sa pagdiriwang ng pasko.

Inakusahan pa noon ng mga fans ni Andrea Brillantes si Frnacine Diaz, bilang mang-aagaw ng boyfriend ng kanyang kaibigan noon na si Andrea Brillantes. Si Francine Diaz din ang itinuturo ng ilan na siyang may kasalanan kung bakit naghiwalay noon ang dalawa.

Sa paglabas ng totoong nangyari umano noon, kung saan nabunyag na ang kalokohang ginawa nina Andrea Brillantes at Daniel Padilla ang totoong dahilan ng hiwalayan nina Andrea Brillantes at Seth Fedelin binalikan ng mga fans ni Francine Diaz si Andrea Brillantes.

Hiling ng mga fans ni Francine Diaz na mag-apologize si Andrea Brillantes sa kanilang idolo dahil sa pagkakadawit ng pangalan nito sa isyu noon.

Kaagad namang bumwelta ang mga fans ni Andrea Brillantes kung saan iginiit nila na hindi na kailangang humingi ng tawad ni Andrea Brillantes dahil sa labis na natanggap nitong pambubully ng pamilya ni Francine kay Andrea Brillantes noon.

May mga nagsasabi pang fans na maarin pang mag-apologize ni Andrea Brillantes kay Seth Fedelin pero hindi kay Francine Diaz. Kaagad namang bumwelta ang kapatid ni Francine Diaz at tinalakan ang mga fans ni Andrea Brillantes kung alam ba ng mga ito ang totoong nangyari noong 2021.

Iginiit naman din nito na kung ang matawag ng kung ano ano ang kapalit sa pagtatanggol niya sa kanyang kapatid ay wala na siyang pakialam roon.

Ipinaliwanag din nito ang katotohan sa likod ng kumalat na larawan nila kasama si Seth Fedelin noon. Ayon sa kanya, totoong nagpunta si Seth Fedelin sa kanila upang humingi ng paumanhin kay Francine Diaz sinabi din umano sa kanila ni Seth Fedelin na inanyayahan niya si Andrea Brillantes na sumama sa kanya pero umayaw ito.

MUli ring iginiit nito na walang inagaw at walang inahas ang kanyang kapatid na si Francine Diaz kahit pa aminado naman siya na hindi perpekto ang kanyang kapatid at may mga flaws din ito.

Ipinagdidiinan din niya na walang karapatan ang mga fans ni Andrea Brillantes na husgahan si Francine Diaz dahil kunting impormasyon lamang ang kanilang hawak na katotohanan.

Vice Ganda May Prangkang Pahayag Sa Madlang Pipol!

 Umaani ng samu't-saring reaksyon ngayon mula sa mga netizens ang naging pahayag ng Unkabogable Star na si Vice Ganda sa kamakailang episode ng It's Showtime. Kung saan nagbigay ng saloobin si Vice Ganda patungkol sa pagkakaroon ng pamilya.

Napag-usapan nina Vice Ganda ang patungkol sa pagkakaroon ng pamilya sa isang episode ng It's Showtime sa segment na Expecialy For You.

Ayon kay Vice Ganda, naniniwala siya na kapag walang kakayahan ang isang tao na bumuo ng isang pamilya ay huwag na itong magpamilya. Itinuloy pa rin ni Vice Ganda ang kanyang pahayag kahip pa alam umano niya na maaring may maoffend siya na tao.

Kung wala umanong pera ay huwag na lamang mag-isip na bumuo ng isang pamilya dahil kawawa lamang ang iluluwal na bata na hindi naman mapapakain ng maayos.

Dagdag pa ni Vice Ganda na sarili lang din ang sasalba sa iyong sarili at hindi ang ibang tao.

Kaagad namang naglabas ng iba't-ibang mga saloobin ang ilang mga netizens sa inilabas na pahayag ni Vice Ganda. Marami ang sumang-ayon kay Vice Ganda at sinabing hindi na sapat ngayon ang pagmamahal lamang dahil hindi naman ito nakakain.

May mga nagsasabi pa na sa taas ng presyo ng bilihin ngayon mas nagiging matimbang na ang pera kaysa sa pagmamahal. May mga nagsasabi pa kung hindi naman kaya bumuhay at kulang ang pera ay huwag na lamang mag-anak ng marami.

Samantala, may mga kumuntra naman sa naging pahayag ni Vice Ganda at sinabi dapat huwag nang pakialaman pa ng komedyante ang buhay ng ibang tao kung gusto nilang mag-anak ng marami.

Ipinunto pa nila na kung mag-anak man ng marami ang mga tao ay hindi naman umano si Vice Ganda ang magpapakain sa mga ito.

Derek Ramsay Nilinaw Ang Isyung Pang-aabvs0 ni Richard Gutierrez Kay Sarah Lahbati

Sa gitna ng mga nangyayaring hiwalayan ngayon sa pagitan ng mga celebrity couples,lalong umiinit ang isyu sa pagitan nina Sarah Lahbati at Richard Gutierrez.

May mga naglabasang mga ulat na umanong binubogbog nitong si Richard Gutierrez ang kanyang asawang si Sarah Lahbati na naging dahilan ng kanilang paghihiwalay.

Ayon pa sa nasabing ulat, tumakbo umano na duguan si Sarah Lahbati mula sa kanyang bahay hanggang sa bahay nina Derek Ramsay at Ellen Adarna upang humingi ng tulong.

para 

Samantala, upang maging malinaw ang isyung ito, kinapanayam ng veteran showbiz columnist na si Manay Cristy Fermin si Derek Ramsay at hayagang tinanong rito ang isyung nakarating sa kanila.

Nilinaw naman ni Derek Ramsay na walang katotohanan ang mga usap-usapan patungkol sa nangyari kina Richard Gutierrez at Sarah Lahbati. Ayon kay Derek Ramsay, walang katotohanan na nagpunta sa kanilang bahay ni Ellen Adarna ang asawa ni Richard Gutierrez, ng bugbog sarado, duguan at may black eye.

Sakaling nangyari man umano ang pang-aabusong ito ay siya na umano mismo ang pupunta kay Richard para kahit papaano ay pagsabihan ito.

Samantala, inamin naman ni Derek Ramsay na pumupunta si Sarah Lahbati sa kanilang bahay dahil makapit-bahay naman sila at magkaklase pa ang anak ni Sarah at anak ni Ellen Adarna.

Gayunpaman ay kinumpirma ni Derek Ramsay na talagang pumayat ngayon si Sarah Lahbati sa di niya malamang dahilan at hindi na umano siya nakikialam pa roon.

Sa kabilang banda, kaagad namang nagpasalamat si Annabelle Rama kina Derek Ramsay at Manay Cristy Fermin sa paglilinis sa pangalan ng kanyang anak na si Richard Gutierrez na nahaharap sa pambabatikos ng mga fans ni Sarah Lahbati dahil sa mga lumalabas na blind item.

 

Matapos Malink Kay Rob Gomez, Bianca Manalo at Win Gatchalian Hiwalay Na?

 Hanggang ngayon ay mainit na usapin pa rin sa social media ang leaked conversations sa pagitan ng Magandandang Dilag stars na sina Rob Gomez, Herlene Budol at Bianca Manalo.

Dahil sa messages ni Bianca Manalo kay Rob Gomez, kung saan tila inamin ng actress na palihim silang nagkikita ni Rob Gomez sa likod ng kinakasama nitong si Sen. Win Gatchalian, marami ang naghinala na naghiwalay na ang dalawa.

Ikinagulat naman ito ng marami dahil hindi naman umano napapabalita ang hiwalayan nina Bianca Manalo at Sen. Win Gatchalian sa katunayan ay masaya pa umanong ipinagdiwang noon ng dalawa ang kaarawan ng aktres sa Malacanang Palace.

Samantala, may naghinala na palihim lamang na naghiwalay ang dalawa dahil sa isyu nina Rob Gomez at Bianca Manalo. Marami rin ang nakapansin na kasabay ng paglabas ng mga leaked messages nang dalawa ay siyang pag-alis naman ni Bianca sa bansa para magpabakasyon.

Isa pa sa pinanghuhugutan ng ilang mga showbiz sources sa hiwalayan umano ng dalawa ay ang hindi umano pagsama ni Sen. Win Gatchalian sa bakasyon nina Bianca Manalo.

Sa ibinahaging social media post ng aktres, makikitang kasama nga nito ang kanyang pamilya sa Japan subalit hindi namataan doon si Sen. Win Gatchalian.

Hindi pa naman nagbibigay ng anumang pahayag si Sen. Win Gatchalian hinggil sa isyung ito. Maging si Bianca Manalo ay wala namang sinabi sa kanyang naging official statement patungkol sa relasyon nila ng kanyang long time partner na si Sen. Win Gatchalian.

Samantala, pinabulaanan na ni Bianca Manalo ang isyung may namamagitan sa kanila ni Rob Gomez. Ipinaliwanag rin niya ang nilalaman ng kanyang mensahe kay Rob Gomez patungkol sa pagkikita nilang dalawa.

Ayon kay Bianca Manalo, may ibibigay umano sa kanya na mga regalo si Rob Gomez kaya magkikita sila, nagmessage siya na aagahan nilang nito ang pagpunta dahil paalis na siya papuntang airport.

Labis ding ikinadismaya ni Bianca Manalo ang pagkalat ng private messages nila ni Rob Gomez ng walang pahintulot mula sa kanya na naging dahilan kung bakit tumatanggap siya ngayon ng mga pambabatikos mula sa mga netizens na kaagad umano siyang hinusgahan.

Hiling din ni Bianca na itigil ang mga false rumors laban sa kanya dahil naapektuhan na nito ang kanyang mga mahal sa buhay. Hindi na rin umano nila na-enjoy ang pagbabakasyon ngayon dahil sa isyu.

View this post on Instagram

A post shared by Bianca Manalo (@biancamanalo)

Annabelle Rama Pinaiimbistigahan Na Sa PDEA Si Sarah Lahbati

 Naging mainit na usapin sa mundo ng social media ang mga binitiwang pahayag ng veteran showbiz columnist na si Manay Cristy Fermin hinggil sa hiwalayan ng mag-asawang sina Sarah Lahbati at Richard Gutierrez.

Sa kamakailang episode ng Showbiz Now Na, ayon sa pasiunang bungad ni Cristy Fermin, may dalawang bagay na hindi pinayagan si Sarah Lahbati sa mga kahilingan ni Richard Gutierrez. Isa sa mga ito ay ang pagpapa-drug test.

Naghatid ng kontrobersiya ang ipinahayag ni Cristy Fermin sa kamakailang episode ng Showbiz Now Na, marami ang napapatanong kung gumagamit nga ba  ang aktres ng ipinagbabawal na gamot na naging dahilan kung bakit mismong si Annabelle Rama ang nagreport sa PDEA para paimbistigahan ang dating manugang.

Muling naging laman ng talakayan nina Manay Cristy Fermin ang naging hiwalayan ng celebrity couple na sina Sarah Lahbati at Richard Gutierrez. 

Bagama't naninindigan naman sina Cristy Fermin na talagang hiwalay na ang dalawa, hindi pa rin ito opisyal na kinumpirma nina Sarah Lahbati at Richard Gutierrez.

Samantala, hindi naman masabi ni Cristy Fermin kung ano ang totoong dahilan ni Annabelle Rama sa pagdulog sa PDEA.

Hindi naman lingid sa kaalaman ng lahat na ang ahensya ng PDEA ang humuhuli sa mga taon lulong sa ipinagbabawal na gamot.

Sa kabilang banda, nilinaw naman nina Cristy Fermin na hindi naman nila kinukumpirma na kaya nagpunta sa PDEA si Annabelle Rama ay para isuplong ang mga taong gumagamit ng ipinagbabawal pero baka may koneksyon ito sa isyu nina Richard Gutierrez at Sarah Lahbati.

Marami rin kasi ang nakakapansin sa labis na pagpayat ngayon ng aktres. Subalit ayon kay Cristy Fermin ay normal lamang dahil may nakapagsabi sa kanya na maaga pa lamang ay naglalasing na itong si Sarah Lahbati.

Bukod pa rito, isiniwalat din nina Cristy Fermin, kung gaano kakalat ang bahay nina Richard Gutierrez dahil pinapabayaan ni Sarah Lahbati noong nagsialisan na ang kanilang mga kasambahay.

Sa ngayon ay hindi na muna nagbibigay ng anumang pahayag si Annabelle Rama sa isyu ng kanyang anak dahil pinagbabawalan na siya ng kanyang abogado.

Sa kabilang banda, pinanindigan naman ni Cristy Fermin na si Richard Gutierrez ang pinakamabait sa mga anak nina Annabelle Rama at Eddie Gutierrez kaya naman hindi siya naniniwala sa isyu na sinasaktan nito ang kanyang asawa.

Kim Chiu Natauhan Na, Hindi Na Babalikan Si Xian Lim

 Usap-usapan ngayon sa online world ang mga pahayag ng aktres na si Kim Chiu sa latest episode ng Kapamilya show na It's Showtime.

Kaagad na napansin ng mga netizens ang tila sunod-sunod na banat ni Kim Chiu sa kanilang contestant sa segment na Expecially For You.

Hindi napigil ni Kim Chiu ang kanyang sarili at tila pinangaralan na ang kanilang contestant na nais balikan ang kanyang girlfriend na iniwan nito noon.

Ayon kay Kim Chiu, bakit pa niya babalikan ang kanyang ex-girlfriend gayung siya naman ang nang-iwan nito, dapat umano na huwag nang balikan dahil iniwan na.

Hindi pa rito natatapos ang mga hirit ni Kim Chiu sa nasabing contestants buong pahayag ni Kim Chiu, "Kapag iniwan na hindi na binabalikan, pag iniwan mo diba akala mo nakaabang lang sayo? Di ganun."

Tila marami pang gustong idagdag rito si Kim Chiu subalit pinigil na siya ni Vhong Navarro.

Gayunpaman, marami ang nagsasabi na ang ginawa ni Kim Chiu ay may kinalaman sa kanyang kinakaharap na isyu ng hiwalayan nila ni Xian Lim. Bagama't ang contestant nila nila ang pinagsabihan ni Kim Chiu, hinala ng marami na ang totoong pinapatungkulan ni Kim Chiu ay si Xian Lim.

Sa kabilan ng hindi diretsahang pag-amin ng actress-host sa hiwalayan nila ng kanyang boyfriend na si Xian Lim, marami naman nang signs na naglabasan na nagpapahiwatig na nagtapos na ang relasyon ng dalawa matapos ang 12 years.

Matatandaan na sa isang vlog, sinabi ni Kim Chiu kay Maricel Soriano na nakahang sa ngayon ang kanyang lovelife. Hindi na rin nagpunta si Xian Lim sa Christmas party na inorganisa ni Kim Chiu.

Higit sa lahat, pinagbubura na rin ng aktor ang kanilang mga vlog ni Kim Chiu na pinagsamahan noon indikasyon na wala nang halaga sa kanya ang memories nila ng aktres.

Kaagad namang umani ng samu't-saring reaksyon mula sa mga netizens ang naging hugot ni Kim Chiu sa kamakailang episode ng It's Showtime, marami ang humanga dahil unti-unti na umanong tumatapang si Kim Chiu sa pagharap sa isyu ng paghihiwalay nila ni Xian Lim.

"Good job beautiful sexy sweet queen kimchiu Multimedia SUPERSTAR amazing woman agree pag iniwan na Hindi na dapat balikan napakatalino mo queen kimchiu paglalaking walang kwenta tuluyan ibasura Hindi lang siya ang lalaki sa mundo mayroon mas higit pa sa kanya queen kimchiu keep safe always God bless you more and more project"

"hays salamat natauhan ka kim"

"CORRECT ... NO TO XIAN ... COZ MY PAULO NA"