Richard Gutierrez, Kazel Kinouchi Spotted Together Sa Ayala Alabang Kasama Ng Mga Anak Ni Richard

 Usap-usapan ngayon sa social media ang kumakalat na larawan nina Richard Gutierrez at Kazel Kinouchi na kuha mula Ayala.

Mukhang si Kazel Kinouchi ang kasama nina Richard Gutierrez at kanyang mga anak noong nagdaang long weekend sa halip na si Sarah Lahbati ang kasama ng mga ito.

Kumalat ang larawan nilang magkasama sa gitna ng lumalalang isyu patungkol sa naging hiwalayan ng mag-asawang Richard Gutierrez at Sarah Lahbati.

Ikinagulat ng mga netizens ang mga kumakalat na larawan nina Richard Gutierrez at Kazel Kinouchi na kuha noong Undas vacation kung saan hindi namataan na magkasama ang mag-anak sa paggugunita.

Ikinabigla ito ng mga netizens dahil noon pa man ay naging bukas na sa publiko ang kanilang pagmamahal dahil sa kanilang pagbabahagi sa social media.

Ikinabahala ngayon ng kanilang mga fans dahil hindi na nagkakasamaha ang dalawa. Lumakas din ang hinalang may involved na third party sa kanilang pagkakalabuan dahil sa mga larawan nina Richard at Kazel.

Makikitang nakasakay si Richard Gutierrez sa likod ng isang puting pick up truck. Namataan din si Kazel Kinouchi na nanggaling sa kaparehong sasakyan.

Tanong ngayon ng mga netizens kung bakit si Kazel ang kasama nila ng kanyang mga anak at hindi si Sarah Lahbati.

Hanggang ngayon ay hindi pa rin malinaw kung bakit bigla na lamang nagkaroon ng lamat ang relasyon nina Richard Gutierrez at Sarah Lahbati gayung isa sila sa maituturing na power couple sa larangan ng showbiz.

Bukod pa rito, ipinaglaban din nila noon ang kanilang relasyon sa gitna nang hindi pagkakasundo ng kani-kanilang mga magulang.

Samantala, kamakailan lamang ay nagbahagi ng isang larawan si Richard Gutierrez sa kanyang Instagram account kung saan ipinakita niya ang kanyang pangangatawan.

"get up, change of perspective, move forward And let the most high take the wheel. your attitude determines your altitude," caption ni Richard Gutierrez sa kanyang post.

Mula pa noong nakaraang buwan ay puro photos ng mga anak niya at solo pictures niya ang naging laman ng kanyang social media. Biglang nawala sa kanyang account ang kanyang asawa na si Sarah Lahbati.

Gayunpaman, napansin pa rin ng kanyang mga tagahanga na sinusuot pa rin ni Richard ang kanilang wedding ring ni Sarah.

Samantala makikita naman sa latest post ni Sarah Lahbati ang kanyang larawan na kuha mula sa isang bakasyon kasama ang kanyang mga kamag-anak.

"today, and everyday.. let's remember the incredible power of kindness. a single act can brighten someone's day and create a ripple of compassion. let’s choose empathy, love, and understanding every day. together, we can make the world a better place," caption ni Sarah sa kanyang photo.

Naniniwala pa rin hanggang ngayon ang kanilang mga tagahanga na hindi pa tuluyang naghihiwalay sina Sarah Lahbati at Richard Gutierrez. Ayon sa kanila, baka nagkatampuhan lamang ang mag-asawa na nangyayari rin naman sa mga normal na pamilya.

Hiling naman ngayon ng mga netizens na sana ay maayos nilang dalawa ang kanilang relasyon at nawa'y manaig ang pagmamahal nila sa isa't-isa.

View this post on Instagram

A post shared by Sarah Lahbati Gutierrez (@sarahlahbati)

Elizabeth Oropesa May Inamin Sa Publiko May Itinagong Lihim Noon Pa

 Kinumpirma ng award-winning actress na si Elizabeth Oropesa ang matagal nang tsismis tungkol sa pagkakaroon nila ng anak ng beteranang aktor na si Dante Rivero.

Sa isang panayam kay Snooky Serna, sinabi ni Elizabeth na nakilala niya si Dante nang maging bahagi sila ng pelikulang Lumapit… Lumayo ang Umaga noong 1975.

Pagkatapos ay sinabi niya na si Dante ang kanyang greatest love at inamin na mayroon silang isang anak.

Ayon pa sa kanya, walang nakakaalam sa kanilang relasyon dahil sa pagiging malihim ng show business noong dekada 70.

Bukod pa rito, ipinahayag din ni Elizabeth na pinili rin niyang ilihim noon ang pagkakaroon nila ng anak ni Dante. Hindi rin niya ugali na ibahagi ang kanyang personal na buhay.

“Of course, we have one son. hindi lang kasi ako madaldal. Noong araw kasi, hindi uso yung… wala naman social media,” pahayag ni Elizabeth.

“And then you don’t normally talk about your personal life before,” dagdag pa ng beteranang aktres.

Ayon pa kay Elizabeth na ang anak nila ni Dante ay nasa 40's na ngayon. Isiniwalat din ni Elizabeth na tanging si Dante Rivero lamang ang kanyang nakarelasyon niya sa showbiz.

“Dante is the only man in my life that belongs to the showbiz world. Siya lang, walang iba,” pag-amin pa nito.

Sa kabilang banda, hindi pa nagbibigay ng pahayag ang beteranong aktor na si Dante Rivero hinggil sa isiniwalat na sekreto ni Elizabeth Oropesa.

Ricci Rivero, Gumawa ng Christmas Tree Mula sa Tambak Niyang Labahin

 Tila nagbago na ang ihip ng hangin, ngayon ay tila sinasakyan na ni Ricci Rivero ang isyung naunang binato sa kanya noon ni Andrea Brillantes, patungkol sa hindi niya paglalaba sa loob ng isang taon.

Matatandaan na naging trending topic noon sa social media at naging katatawanan pa noon si Ricci Rivero dahil sa mga isiniwalat ng dalaga.

“Gusto ko lang sabihin minsan, kung hirap ka mag-move on, kailangan mo talaga isipin ‘yung mga bagay na, ‘Talaga ba iiyakan ko ‘yung lalakeng hindi nagpapa-laundy nang isang taon?” 

Marami pa ang humanga kay Andrea Brillantes dahil natitiis umano nito ang hindi paglalaba ni Ricci Rivero.

Agad naman itong pinabulaanan noon ni Ricci Rivero at sinabing gawa-gawa lamang ni Andrea Brillantes ang kwentong hindi siya naglalaba.

Ipinahayag pa ng basketball player kung gaanong hiya ang kanyang naramdaman nang naging laman siya sa mga balita at tawanan ng mga netizens.

“Nanahimik ako sa detalye at tiniis lahat ng gawa-gawa nilang paninira diyan sa mga laundry na ‘yan, sa mga gamit sa bahay para lang pagbigyan ang coping mechanism nila, pero sobra na,” pahayag ni Ricci Rivero.

“Wala naman nang mawawala sa akin, so bakit hindi ako magsasalita kung gusto pala nila ng detalye at hanggang ngayon hindi sila matigil sa kahibangan nila sa buhay ko,” dagdag pa ng basketball player.

Subalit, tila biglang nag-iba ang ihip ng hangin nang bigla na lamang sinakyan ni Ricci Rivero ang dating pinabubulaanang isyu patungkol sa kanyang mga labahin.

Kamakailan lamang ay ibinahagi ni Ricci Rivero sa kanyang social media account ang kanyang DIY Christmas tree na gawa ng nakatambak niyang labahin.

Ito'y sa gitna ng usapin na may nanliligaw sa kanyang brand na panlabang sabon kung saan binabalak siyang kunin bilang endorser.

“Feeling the holiday spirit already,” caption ni Ricci Rivero.

Agad naman itong umani ng samu't-saring komento mula sa mga netizens.

Marami ang nagsasabi na talagang napaka-ingrato nitong si Ricci Rivero, pa deny-deny pa umano ito noon subalit nagpapakita naman ng resibo na magpapatunay na totoo ang ibinibintang sa kanya ni Andrea Brillantes.

Ricci Rivero Kukuning Endorser Ng Sabong Panlaba

 Ang basketball player ng Phoenix Fuel Masters na si Ricci Rivero ay napapaulat na nililigawan para maging endorser ng isang laundry detergent sa gitna ng sinasabing hindi siya naglalaba ng kanyang damit sa loob ng isang taon.

Sa kanyang online show, ibinunyag ng veteran showbiz columnist na si Manay Cristy Fermin na isang advertising company ang humihiling kay Ricci na i-endorse ang kanilang produkto matapos itong maging meme nang dahil sa naging pahayag ni Andrea Brillantes kay Vice Ganda patungkol sa kanyang paraan ng pagmomove-on.

Matatandaang tila pinasaringan ni Andrea Brillantes ang kanyang ex-boyfriend na si Ricci Rivero laban sa umano’y ugali nito na hindi naglalaba ng kanyang damit sa loob ng isang taon.

“Gusto ko lang sabihin minsan, kung hirap ka mag-move on, kailangan mo talaga isipin ‘yung mga bagay na, ‘Talaga ba iiyakan ko ‘yung lalakeng hindi nagpapa-laundy nang isang taon?” pahayag noong ni Andrea Brillantes.

Gayunpaman, mukhang mas makikinabang pa rito si Ricci  Rivero kung sakaling tumpak ang impormasyon ni Cristy Fermin.

“Naku ewan ko kung totoo o hindi ito…mayroon daw isang ahensya na interesado para kuning endorser o brand ambassador ng isang detergent product si Ricci,” pahayag ni Cristy Fermin.

“Ang ganda n’yan kapag nagkatuluyan ‘yan. Biruin mo ‘yung negative turn to positive, hindi ba?” sagot naman ni Romel Chika.

Sa kabilang banda, hindi pa naman nagbibigay ng pahayag si Ricci Rivero hinggil sa sinabing balita na nakarating kay Manay Cristy Fermin.

Cristy Fermin, Sinabing Hindi Kayang Panindigan Ni Xian Lim Si Kim Chiu

 Naimbyerna ang veteran showbiz columnist na si Manay Cristy Fermin sa hindi diretsahang pagsagot ni Xian Lim sa katanungan hinggil sa totoong estado ng relasyon nila ngayon ni Kim Chiu.

Ayon kay Cristy Fermin, napakasimple lamang umano ng katanungan ng mga netizens, kung sila pa ba ni Kim Chiu.

"Ang simple nga naman ng tanong, kayo pa rin ba ni Kim? Aba nagkilometrikong paliwanag na kung ano-ano. Kesyo wala umano siya dito sa showbiz para magpaliwanag sa kahit kanino. Kesyo nandito umano siya para i-showcase ang kanyang talent. Talent? Mayroon ba?" pahayag ni Cristy Fermin.

Ipinahayag pa ni Cristy Fermin na hindi umano ito ang tamang pagsagot ng tanong.

"Inquisitive ang mga tao, syempre gusto nilang malaman mula sa horse's mouth ika nga sa mga taong sangkot."

Tinawag pa niyang makuda at may kasupladuhan si Xian Lim.

"Makuda itong lalaking ito, ewan ko ba't ganyan siya. Hindi masamang magtanong at hindi masama na sumagot nang maayos, di ba Xian Lim? May kasupladuhan talaga ito e."

Matatandaan na tila naging misleading ang naging social media post ni Xian Lim sa mga intrigang kinakaharap nila ngayon ng kanyang girlfriend.

Pwede naman umanong sabihin na may koneksyon pero medyo paligoy-ligoy.

Matatandaan na naging usap-usapan sa social media ang hiwalayan nila ng girlfriend na si Kim Chiu dahil hindi na sila nakikitang magkasama.

Maging sa kani-kanilang social media ay nanahimik na ang dalawa.

Hindi na rin sila nagkakasama sa mga pagbabakasyon na dati naman nilang ginagawa upang magkaroon ng quality time together.

Subalit sa naging post ni Xian Lim sa kanyang Instagram account ay lalo pang nagpagulo sa kwento.

Sa kabilang banda, nagbigay naman ng pahayag ang aktres na si KimChiu kung saan hayagan niyang sinabi na maayos pa rin ang pagsasama nila ng kanyang boyfriend.

Kaya naman, marami ang nag-iintriga ngayon kay Xian Lim kung bakit tila hindi nito maamin sa lahat na maayos at wala silang tampuhan ng kanyang girlfriend.

Samantala, hindi naman ito ang unang pagkakataon na naitrigang naghiwalay na sina Kim Chiu at Xian Lim.

Matatandaan na noong July 2017, napabalita ring naghiwalay na ang dalawa subalit mabilis naman itong pinabulaanan ni Xian.

 

Ashley Ortega May Mensahe Kay Kim Chiu Sa Gitna Ng Hiwalayan Isyu Nila ni Xian Lim

 Nagbigay na ng prangkang pahayag ang aktres na si Ashley Ortega patungkol sa pagkakaibigan nila ni Xian Lim matapos madawit ang kanyang pangalan sa isyung kinakaharap ng longtime celebrity couple na sina Kim Chiu at Xian Lim.

Matatandaan na noong bumida sina Ashley Ortega at Xian Lim sa teleseryeng Heart On Ice may kumalat na isyu na umano'y magkasama pa rin ang dalawa kahit tapos na ang taping.

Gayunpaman, iginiit ni Ashley Ortega na walang epekto sa kanila ang mga kontrobersiya dahil wala naman umanong namamagitan sa kanila.

"Actually yung mga intriga naman noon, it was a long time ago. Hindi naman kami nagpaapekto, we keep our environment healthy at iyon naman po ang importante. Wala naman po talaga kaming ginawang masama."

Hinala naman ni Ashley Ortega na baka, may ilang mga fans ang KimXi ang hindi nagustuhan ang kanilang pagtambal sa nasabing teleserye na naging dahilan upang paghinalaan siya ng mga ito.

"Siguro may mga fans lang, mga solid fans nila ni Kim, but I respect them."

Ibinahagi pa ni Ashley Ortega na naging katatawanan lamang nila ni Xian Lim ang mga kumakalat na isyu patungkol sa kanilang dalawa dahil wala naman umano itong katotohanan.

"It was a waste of time to talk about it kaya dinedma nalang namin, natatawa nalang kami."

Ibinunyag pa ni Ashley na minsan na niyang nakilala in person si Kim Chiu at wala naman umanong awkwardness sa pagitan nilang dalawa.

"I met her, kasi noong Heart on Ice days nagkaroon sila ng movie ni Kim and Xian invited me sa premier night, doon ko nakilala si Kim."

Kahit hindi pa sila matagal na nagkakilala ni Kim Chiu, masasabi na umano niyang mabait na tao ang aktres. Bukod dito nakikita rin umano niya na matatag ang relasyon ng dalawa.

"Mabait si Kim atsaka solid talaga sila."

Inamin naman ni Ashley Ortega na marami siyang natutunan habang nagkatrabaho sila ni Xian Lim, isa na umano rito ay kung paano ihandle ang mga bashers.

Ipinahayag din ni Ashley Ortega na talagang dumami ang kanyang bashers at nakakatanggap na siya ng mga negatibong komento mula nang magkasama sila sa trabaho ni Xian Lim.

Gayunpaman, wala naman umano siyang pinagsisisihan sa kanilang pagiging co-stars dahil maituturi umano niyang isa sa mga big stars sa showbiz industry ang aktor.

"Doon ko na-realize na kapag ang partner mo ay isang malaking artista talaga, so dedma nalang."

Dagdag pa ng aktres, "The best way to deal with it is just avoid it and huwag nang magpaapekto kasi alam ko naman sa sarili ko ang totoo."

Ikinagbigla din naman umano ni Ashley ang pagkakadamay niya sa intriga subalit mas pinili na lamang umano niya na huwag nang magpaapekto.

"Nabigla rin ako, but not in a way na naapektuhan ako ng sobra. Okay naman ang naging relationship namin ni Xian, hindi kami nagkailangan."

Bagama't nadawit sa isyu, hiling pa rin ni Ashley na muling makatambal sa iisang proyekto sa Xian Lim.

Si Ashley Ortega ay maituturing na unang naging leading lady ni Xian Lim bilang Kapuso actor.

Matatandaan na noong 2021 marami ang nagulat nang magdesisyon ang aktor na si Xian Lim na lumipat ng ibang network, mula sa ABS-CBN. 

Samantala, isa sa pinag-ugatan ng isyung naghiwalay na sina Kim Chiu at Xian Lim ay ang mga social post ng dalawa na wala nang kinalaman sa isa't-isa.

Gayunpaman, sa isang panayam, nilinaw na ni Kim Chiu na maayos pa rin ang kanilang relasyon ng boyfriend na si Xian Lim sa loob ng 12 years.

Tila nagla-lay low lamang ang mga ito sa ngayon dahil may kanya-kanya silang proyekto sa kinabibilangan nilang network.

Amy Perez Kaagad Na Nagsorry Matapos Masabi Ang Ari Ng Babae Sa It's Showtime

 Kaagad na humingi ng paumanhin ang It's Showtime host na si Tiyang Amy sa madlang pipol ito'y matapos niyang masabi ang pangalan ng ari ng babae sa kamakailang episode ng It's Showtime.

Sa kamakailang episode ng It's Showtime, sa segment na Tawag ng Tanghalan, masayang nagba-banter ang It's Showtime hosts na sina Vice Ganda, Vhong Navarro, Jhong Hilario at Tiyang Amy.

Biniro nina Vhong Navarro at Vice Ganda si Amy Perez patungkol sa pagiging mali-mali nito. 

"Binasa mo ang spiels niya Tyang," saad ni Vice Ganda.

"Ako kasi masunurin, kung ano ang nandoon yun ang babasahin ko," sagot naman ni Tiyang Amy.

Nagtawanan sila at nagbibiruan pa hanggang sa ipahayag ni Vice Ganda na nagiging wrong-wrong na si Tyang Amy habang tumatagal.

Tawang-tawa naman si Tiyang Amy sa kanilang nagiging biruan hanggang sa hindi sinasadya nabanggit niya ang pangalan ng maselang parte ng isang babae.

Kaagad namang humingi ng paumanhin si Tiyang Amy kung saan ipinahayag niyang nagulat lamang siya sa pagbibiro ni Vhong Navarro.

Maging sina Vice Ganda at Jhong Hilario ay bakas din sa mukha ang pagkagulat nang magkamali si Tiyang Amy.

"Sorry po. Sorry po, sorry madlang pipol si Vhong kasi ginulat ako nasabi ko palaka."

Hindi naman rito nagtatapos ang biruan nila nang sumingit si Vice Ganda kung saan ipinahayag niya na tila gusto na namang mag-Hongkong ng It's Showtime family.

Matatandaan na nakapagbakasyon sa Hongkong ang It's Showtime hosts nang masuspinde ang kanilang show sa loob ng 12 airing days.

Ito'y matapos makatanggap ng mga reklamo ang MTRCB hinggil sa malaswang paraan umano ng pagkain nina Vice Ganda at Ion Perez ng cake icing sa isang episode ng show kasama ang kanilang mga guest hosts na mga menor de edad.

Samantala, umaasa naman ngayon ang mga madlang pipol na hindi na lumaki pa ang pagkakamali ni Tiyang Amy. Marami kasi ang nakapansin na napakahigpit ng MTRCB sa noontime show na It's Showtime.

Makikita naman din umano na wala namang intensyon si Tiyang Amy na banggitin ang salitang iyon, kundi nagulat lamang siya.

Its Showtime Host Spotted Sa GMA Compound

 Usap-usapan ngayon sa social media ang mga larawan at video ng mga It's Showtime host na nagso-shoot para sa upcoming ABS-CBN Christmas Station ID sa Kamuning, Quezon City.

Hindi naman naging malinaw kung saan nagsho-shooting ang mga ito sa ABS-CBN ba o di kaya ay sa GMA compoud.

Subalit, ayon sa ilang mga netizens, maaring nagshoot din ang It's Showtime sa GMA compound dahil tahanan na rin naman ng nasabing show ang GMA.

Matatandaan na lumipat sa GTV, isang subsidiary channel ng GMA7, ang It's Showtime matapos hindi ni-renew ng TV5 ang kanilang kontrata.

Kaya naman hindi umano malabo na i-soshoot sa GMA compound ang ilang eksena sa upcoming Christmas Station ID ng ABS-CBN.

Sa kabilang banda trending din sa social media ang larawan ng paghaharap nina Vice Ganda, Dingdong Dantes at Marian Rivera na ayon sa ilang mga source na ang larawang ito ay kuha mula sa building ng ABS-CBN.

Kasunod nito, nagtrending din sa Twitter ang trailer ng comeback movie nina Dingdong Dantes at Marian Rivera na pinamagatang Rewind mula sa Star Cinema.

Panibagong collaboration project na naman ito sa pagitan ng ABS-CBN at GMA. Hindi naman lingid sa kaalaman ng lahat na ang DongYan ang isa sa mga A-listers sa GMA network.

Opisyal naman na kalahok ang nasabing comeback movie ng DongYan sa Metro Manila Film Festival ngayong taon.

Excited naman ang mga Kapamilya at Kapuso na mapanood ang kauna-unahang pelikula ng mag-asawa sa ilalim ng Star Cinema.

Although individually hindi na bago sa kanila na mapabilang sa isang Star Cinema movie.

Matatandaan na bumida na noon si Marian Rivera sa Kung Fu Divas kung saan nakasama niya ang comedy queen na si AiAia Delas Alas noong 2013. Napabilang din siya sa Extra ni Vilma Santos sa kaparehong taon.

Samantala, mas marami naman ang nagawang pelikula ni Dingdong Dantes sa ilalim ng Star Cinema gaya ng Segunda Mano, One More Try, She's The One, The Unmarried Wife at Seven Sundays noong 2017.

Vice Ganda at Billy Crawford, Nagkaayos Na Billy Magiging Regular Sa It'S Showtime

 Sa pagiging special guest nina Billy Crawford at Coleen Garcia sa isang episode ng It's Showtime, usap-usapan ngayon ng ilang mga netizens kung tuluyan na nga ba silang magbabalik bilang regular hosts ng show.

Nagulat ang mga madlang pipol at maging ang iba pang hosts ng It's Showtime nang muling masilayan sa show ang dating regular hosts na sina Coleen Garcia at Billy Crawford.

Bigla na lamang lumabas ang mag-asawa sa Magpasikat performance ng grupo nina Vice Ganda, Jackie at Cianne nitong November 9, 2023.

Kasama ng kanilang anak na si Amari, sinurpresa ng mag-asawang Coleen Garcia at Billy Crawford ang It's Showtime.

Makikita naman sa mukha ng mga kasamahan nila dati sa nasabing show ang pagkagulat na kaagad namang napalitan ng kasiyahan.

Hindi rin napigilan ng ilang mga madlang pipol at ilang mga host ang maging emosyunal dahil sa pagbabalik ng dalawa at ang pagkakaayos nina Billy Crawford at Vice Ganda na matagal nang mayroong hindi pagkakaunawaan.

Ilang taon ding hindi nagkakausap sina Vice Ganda at Billy Crawford matapos itong umalis sa show at pumasok sa katapat nilang noontime show na Lunch Out Loud na kalaunan ay naging Tropang LOL.

Ayon kay Vice Ganda, nagkaayos na umano sila ni Billy Crawford at muli nang nagkakausap.

“Lingid po sa kaalaman ninyo, okay na okay na kami ni Billy. Billy’s presence here today and the madlang pipol knowing that we’re okay, baka mag-inspire ito sa inyo na mag-heal din. Baka it’s about time.

“Baka kaya niyo rin na makipag-reconcile lalo na doon sa mga taong mahalaga sa inyo,” pahayag ni Vice Ganda.

Ipinahayag din ni Vice Ganda sa lahat ng mga madlang pipol kung gaano kahalaga sa kanya si Billy Crawford.

“At the end of the day, you are my bestfriend, and I love you very much. Kaya sabi ko, realo natin ito sa madlang pipol na makita tayong magkakasama ulit.”

Lalo namang naging emosyunal ang lahat nang magsalita na si Billy Crawford.

Malaki ang pasasalamat niya kay Vice Ganda sa pagkakataon na ibinigay sa kanila ni Coleen para makabalik sa dati nilang tahanan.

Inihayag pa ni Billy Crawford kung paano nakatulong ang kanyang ama para magkaayos sila ni Vice Ganda.

“Thank you, Vice. Happy anniversary, first to all of us. Marami akong realization these past months. Kababalik ko lang galing States, kakakita ko lang sa daddy ko.”

“Hindi ko kasi alam kung hanggang kailan ang daddy ko sa mundong ito. Pero ang bilin niya sa akin ay mag-ayos tayo.”

Hindi man umano niya lubos na naintindihan ng kanyang ama ang isyu sa pagitan nila ni Vice Ganda dahil isa itong American pero tila naramdaman umano nito na may hindi pagkakaunawaan sila ni Vice Ganda.

Marami naman ang humanga sa pagpapakumbaba ni Billy Crawford at sa kanyang paghingi ng tawad sa national tv.

“Lahat ng pamilya nagkakaaway, nagkakalabuan, but at hte end of the day, in God’s time,siya na rin ang bahalang mag-ayos. Kaya on my end, I want to say I’m sorry.”

“I’m sorry madlang pipol. I’m sorry , Kapamilya. Magpapakumbaba na po ako. Gagawin ko kasi ang lahat para sa aking pamilya.”

Sa pagkakaayos nina Vice Ganda at Billy Crawford hinihiling ng ilang mga madlang pipol na kunin muli sina Billy at Coleen na maging regular host nang show.

Samantala, hindi pa naman nagbibigay ng pahayag ang pamunuan ng It's Showtime at maging sina Billy Crawford hinggil sa kahilingan ng mga netizens.

Toni Fowler, Dismayado Sa Magkapatid Na Papi, Paye Galang Dahil Sa Ginawa Sa Toni Talks

 Naglabas ng hinaing ang celebrity vlogger na si Toni Fowler sa magkapatid na sina Papi at Paye Galang dahil hindi niya nagustuhan ang ginawa ng mga ito sa invitation sa kanila para sa show ni Toni Gonzaga na Toni Talks.

Kaagad namang umani ng samu't-saring reaksyon mula sa mga netizens ang vlog ni Toni Fowler kung saan pinagsabihan at pinagalitan niya ang Galang Sister dahil sa ginawa ng mga ito kay Toni Gonzaga.

Labis na nadismaya at nagalit si Toni Fowler sa dalawa matapos mapag-alaman kung ano ang ginawa ng mga ito bago ang interview sa Toni Talks.

Makikita sa mukha ni Toni Fowler ang pagkadismaya at pagkapahiya habang kinakausap ang magkapatid dahil sa umano'y pagiging irresponsable at pagiging unprofessional nila sa programa ng actress at multimedia star na si Toni Gonzaga.

Napagalitan ni Toni Fowler ang Galang Sisters at maging si Harvey dahil sa pagiging late ng mga ito sa interview sa Toni Talks.

Paliwanag naman ng mga ito na kaya sila na-late dahil hindi sila nagising sa kanilang mga alarm clock dahil dito, matagal ding naghintay sa kanila ang kanilang mga make-up artist. Late na rin silang dumating sa Toni Talks.

“Sa totoo lang ‘yung ginawa niyo kanina Team Hapi, hinayaan niyo lang. Ngayon lang kayo nabigyan ng ganyang oppurtunity, walang nag-i-interview sa inyong sikat. Toni Gonzaga ‘yon tapos tutulugan niyo lang,” dismayadong pahayag ni Toni Fowler.

Hindi na rin napigilan ni Toni Fowler na masigawan at mamura ang magkapatid at maging si Harvey dahil hindi nila pinaghandaan ang interview ng isang sikat na artista.

“Kampante e! Kaya hindi umaangat mga career niyo. Kaya ang pera sa bangko hindi nagiging milyon. Kailan kayo sasabay? Sipag ‘yon! Buntis ka o ano. Magigising ka sa alarm, itotodo mo, isesecure mo sasabihin mo sa mga yaya.”

Dagdag pang litanya ni Toni Fowler, “Hindi ako makapaniwala sa inyo. Ngayon ko nararamdaman na wala kayong maitutulong sa pamilyang ‘to sarili niyo hindi niyo matulungan.”

Maliban dito, hindi rin nagustuhan ni Toni Fowler ang sinuot na outfit ni Papi Galang dahil nagmukha umano itong mataba sa kamera.

“Nakita ko ‘to, na-disappoint ako Papi. Kahit nandito ang taba mo agad oh? Para kang may suot na parachute. Parang ayaw mo si Paye sa screen gusto mo ikaw lang oara malapad ka.” 

Ayaw naman umano ni Toni Gonzaga na maging bungangera  subalit alam din umano niyang responsibilidad niya ang mga ito.

“Wala na akong pakealam kung magmukha na naman akong masama. Sana’y na ako sa pamilyang yan matagal na. F or the first time sa magkapatid na ito hindi sila ininterview dahil Toro family sila, may shadow ng pangalang Toni Fowler.

“Oo parte sila ng pagkatao ko, pero this time may interesado sa buhay niyo as Galang sisters. Tapos tinutulugan niyo lang? Hindi naman kasi biro ang pangalan ni Toni Fowler sa industriya natin.”

Sa kabilang banda, inihayag naman ni Toni Fowler ang kanyang taus-pusong pasasalamat kay Toni Gonzaga sa opportunity na ibigay sa magkapatid.

Samantala narito naman ang komento ng ilang mga netizens.

"Yes tama si toni sa pagdisiplina sa Galang Sisters. Sana pahalagahan yung mga ganitong once in a lifetime experience."

"I'm with Oni here, kung gusto mong may mangyari sa buhay mo be professional. Kailangan mong magsacrifice ng tulog at kung ano pa man kung gusto mong maging successful kahit sa anong larangan man."

Toni Gonzaga Balik ABS-CBN Network

 Kinumpirma na ng Presidential Communications na tuluyan nang nagresign sa kanyang posisyon bilang Presidential Adviser on Creative Communications si Direk Paul Soriano, asawa ng actress-host, vlogger na si Toni Gonzaga.

Ayon sa PCO Secretary na si Atty. Cheloy E. Velicaria-Garafil, nagpadala umano siDirek Paul Soriano ng letter of resignation sa kadahilanang nais nitong unahin ang mga personal commitments.

Kabilang sa mga nais pagtuunan ng pansin ni Paul Soriano ay ang kanyang pamilya lalo pa't kapapanganak pa lamang ni Toni Gonzaga sa kanilang ikalawang anak.

Noong August 11, 2023, isinilang ni Toni Gonzaga ang panalawang anak nila ni Paul Soriano. Ang direktor pa mismo ang unang nagbahagi ng masayang balita sa kanyang social media account kalakip ang video ni Toni Gonzaga habang nasa hospital bed buhat ang bagong silang nilang sanggol.

"Tin and Paulina are both doing great. Thank you for all your prayers and support, God bless you."

Matatandaan na noong June 4, 2023, kinumpirma nina Toni Gonzaga ang kanyang pagbubuntis sa ikalawang anak nila ni Paul Soriano.

Sa kabilang banda, naghinala ang ilang mga netizens na ang pagreresign ni Paul Soriano sa kanyang posisyon bilang Presidential Adviser on Creative Communications ay may kaugnayan sa napapabalitang pagbabalik showbiz ni Toni Gonzaga.

May mga bulong-bulungan pa na magbabalik Kapamilya si Toni Gonzaga kasabay ng pagbubukas ng isang sikat na programa sa Kapamilya Network.

Matatandaan na matapos ang pagreresign ni Toni Gonzaga bilang main host ng Pinoy Big Brother noong 2022, pumirma ng kontrata si Toni Gonzaga sa AMBS na pagmamay-ari ni Former Senator Manny Villar.

Napanood rin sa nasabing network ang kanyang programa na Toni Talks. Subalit, naipatigil ang airing nito sa AMBS dahil sa kakulangan ng mga advertisers dala ng low signal reach ng nasabing network.

Isa pa sa mga itinuturong dahilan ay ang kawalan ng guest ni Toni Gonzaga sa nasabing show, dahil tumatanggi ang kanyang iniimbitahang artista.

Samantala, marami naman ang napapatanong kung may katotohanan nga ba ang haka-hakang babalik sa Kapamilya network si Toni Gonzaga.

Hindi naman kasi lingid sa kaalaman ng lahat na maraming mga Kapamilya fans at maging Kapamilya talents ang nagboycott kay Toni Gonzaga dahil sa pagsuporta ng actress sa mga kandidato na bumoto upang tuluyang mawalan ng prangkisa ang ABS-CBN.

Gayunpaman, hindi naman umano tinanggal ng ABS-CBN si Toni Gonzaga bagkus ay si Toni lamang umano ang nagdesisyong umalis kung saan inihayag niya ang kanyang resignation online.

Samantala, nagkaroon na umano ng pag-uusap sa pagitan ng mga ABS-CBN bosses at ni Toni Gonzaga kung saan ipinahayag umano nila sa aktres na welcome ito anytime sa ABS-CBN.

Gayunpaman, sa ngayon ay wala pa naman natatanggap na offer ang aktres kaya naman hindi pa rin nakikita si Toni sa bakuran ng ABS-CBN.

Pag-Unfollow Nina Issa Pressman, James Reid Pakulo o Karma?

 Naging mainit na usapin sa social media ang biglaang pag-unfollow nina Issa Pressman at James Reid sa isa't-isa ilang buwan matapos aminin ang kanilang romantic relastionship.

Umaani ngayon ng samu't-saring komento mula sa mga netizens ang biglaang pag-unfollow nina James Reid at Issa Pressman sa Instagram sa gitna ng mga maiinit na usapin hinggil sa paghihiwalay na ng ilang mga longtime celebrity couples na KimXi at KathNeil.

Sa panahon kasi ngayon ay naging batayan na ang social media platforms para magkaideya ang publiko sa estado ng relasyon ng celebrities.

Subalit, marami naman ang naghinalang baka nagkatampuhan lamang ang dalawa o di kaya ay pakulo lamang umano nila ito upang mapansin rin dahil sa mga pinag-uusapang break ups ngayon ng mga celebrities.

Kung mapapansin na hanggang ngayon ay hindi pa naman burado sa kani-kanilang mga Instagram accounts ang kanilang mga larawan na magkasama.

Matatandaan na nitong buwan ng September buong pagmamalaking ipinahayag ni James Reid sa isang panayam ng kung gaano siya kasaya sa piling ni Issa. Ipinahayag pa niyang inlove talaga siya rito.

“There’s no better way to say it. I’m very in love. I’m very happy. Six months ago, we just really clicked and, you know, we're very happy. It's been a crazy six months, roller coaster but super happy," pahayag noon ni James Reid.

Matatandaan rin na unang inamin ni James Reid ang kanilang relasyon ni Issa Pressman buwan ng Marso sa kasalukuyang taon.

Subalit, bago paman ang pag-amin ni James Reid ay nauna silang nagkaroon ng isyu kung saan pinaghihinalaan ng ilang mga netizens na si Issa Pressman ang totoong dahilan nang hiwalayan noon nina James Reid at Nadine Lustre.

Tukoy Na! Police Major Na Sangkot Sa Pagkawala Ni Miss Grand Philippines 2023 Candidate Catherine Camilon Sinampahan Na Ng Kaso

 Inilantad na ng mga kapulisan ang pagkakakilanlan ng mga kalalakihang sangkot sa pagkawala ng Miss Grand Philippines 2023 na si Catherine Camilon kabilang na ang isang Police Major.

Sinampahan na ng mga kasong kidnapping at serious illegal detention ang apat na indibidwal na pinaghihinalaang sangkot sa pagkawala ni Catherine Camilon kabilang na ang isang Police Major.

Sa isang press conference, sinabi ni PNP spokesperson Police Colonel Jean Fajardo na ang mga suspek na nahaharap sa mga kaso ay kinilala na sina Police Major Allan de Castro, Jeffrey Magpantay, at dalawang John Does.

“Nakapag-refer na po sila ng kasong violation po ng particularly kidnapping and serious illegal detention diyan po sa Batangas Provincial Prosecutor Office against Major Allan de Castro, at isa pang nagngangalang Jeffrey Ariola Magpantay, at dalawang pa pong John Does,” pahayag ng spokesperson.

Isiniwalat din ni Jean Fajardo na nakakita rin ang mga awtoridad ng posibleng sample ng dugo at hibla ng buhok mula sa isang SUV na iniuugnay sa pagkawala ng beauty queen.

Natagpuan ang sasakyan sa Barangay Dumuclay, Batangas City, ayon sa Criminal Investigation and Detection Group 4A nitong Biyernes.

Iginiit naman ng mga nagpakilalang saksi na ang sasakyan ay inabandona sa lugar simula noong Huwebes.

Dinala ang sasakyan sa Batangas Provincial Police Office para sumailalim sa forensic test, ayon sa pulisya.

Ipinahayag din ni Jean Fajardo na natukoy na ang may-ari ng nasabing sasakyan.

Matatandaan na may dalawang saksi na nagkapagsabing nakita nilang duguan si Catherine Camilon habang inilipat mula sa kanyang sasakyan patungo sa isa pang sasakyan noong October 12 2023.

Sinabi rin ng mga saksi na nakita nila ang isa sa mga persons of interest na nagtutok sa kanila ng baril. Personal driver umano ng second person of interest ang gunman.

Nauna nang sinabi ng pulisya na may dalawang persons of interest silang tinitingnan sa pagkawala ni Camilon, kabilang ang isang pulis at dating may-ari ng sasakyan ng beauty queen.

Ayon sa mga awtoridad, isang matalik na kaibigan ni Catherine Camilon ang nakipag-ugnayan sa kanyang kapatid na si Chin-chin at sinabi sa rito ang umano'y relasyon ng nawawalang beauty queen at ng pulis.

Nakatakda umanong magkita ang pulis at si Catherine Camilon sa mismong araw ng pagkawala ng dalaga. Ibinigay din umano ng pulis kay Catherine Camilon ang sasakyang ginamit ng beauty queen nang umalis ito sa kanyang bahay.

Samantala, nahaharap sa reklamong carnapping at estafa ang dating may-ari ng sasakyan ni Catherine Camilon na gumamit umano ng pekeng address sa deed of sale ng sasakyan. Ayon sa pulisya, hinala nila na sangkot sa carnapping group ang dating may-ari.

Samantala, ang reward para sa impormasyon sa lokasyon ni Catherine Camilon ay kasalukuyang nasa P250,000, kung saan ang pondo ay nagmumula sa Batangas Vice Governor Mark Leviste, sa Presidential Anti-Organized Crime Commission, at sa business sector.

Janica Nam Isinama Ang Bagong Boyfriend Sa Puntod Ni Hashtag Franco

 Umaani ngayon ng samu't-saring komento mula sa mga netizens ang ibinahaging larawan ng dating kasintahan ng namayapang Hashtag member na si Franco.

Sa isang Instagram post, ibinahagi ni Janica Nam na makalipas ang ilang taon at sa kabila ng pagkakaroon niya ng panibagong nobyo at minamahal ay hindi pa rin niya nalilimutan ang namayapang boyfriend na si Franco.

Binisita ni Janica Nam ang puntod ng kaniyang boyfriend noon batay sa kaniyang post noong Sabado, Nobyembre 11 kasama ang bago nitong boyfriend na si Lorenz.

Magkasama sina Janica Nam at bagong boyfriend nito na nag-alay ng bulaklak at panalangin sa puntod ng yumaong celebrity at ibinahagi ito sa Instagram na may caption na “6th year in heaven”.

Noong Nobyembre 11, 2017, namatay si Franco Hernandez dahil sa pagkalunod sa North Lamidan, Don Marcelino, Davao Occidental, Pilipinas sa edad na 26.

Ayon sa pinakahuling panayam sa kanyang kasintahan, nakasakay sila sa isang de-motor na bangka nang mapilitan silang tumalon nang hampasin sila ng malakas na alon pabalik sa baybayin ng North Lamidan, Don Marcelino. Sinabi rin niya na sa baybayin, mayroon pa ring pulso si Franco, subalit wala na itong malay. 

Agad naman itong dinala sa isang klinika kung saan idineklara itong dead on arrival.

Sa kabilang banda, marami naman sa mga tagahanga ng namayapang singer ang nasiyahan sa ginawang ito ni Janice Nam sa kabila ng pagkakaroon nito ng panibagong minamahal.

"ang genuine ng pagmamahal mo kay hashtag franco ate janica, hanggang ngayon kahit may bf kana di ka parin nakakalimot, and ofcourse sa boyfriend mo now kasi support siya, hindi siya nagseselos"

"You are very lucky to have a partner who's very supportive.."

"6years ago a agad parang kailan lang napakabilis ng panahon at oras..Forever niya.."

"I am so amaze with you Ate @janicanam hanggang ngayon even may partner kana still you have time na ma visit si Franco"

"You are a thousand and one among humans who have a noble heart and are loyal and full of love"

View this post on Instagram

A post shared by nam ☾ (@janicanam)

‘Here Lies Love’ Ni Lea Salonga, Magtatapos Na Dahil Sa Mababang Kita

 Naging matunog ang show na Here Lies Love ni Lea Salonga, ilang buwan na ang nakakalip[as dahil sa naging isyu noon sa pagitan ni Lea Salonga at tatlong mga fans na bigla na lamang umanong nagtresspas sa kanyang dressing room.

Matapos ang ilang buwan naging usap-usapan ang umano'y maagang pagtatapos nito.

Nakatakdang magwakas sa Nobyembre 26 ang Broadway musical na ‘Here Lies Love,’ na tungkol sa buhay ni dating First Lady Imelda Marcos dahil sa mababang bentahan ng ticket.

Ayon sa ulat, nalulugi na ang palabas dahil kailangan nilang magbayad ng production cost na $700,000 kada linggo, habang ang benta ng ticket ay umaabot lamang sa $500,000 hanggang $620,000 kada linggo.

“But the reality is, succeeding on Broadway means not only producing excellent work with artistic merit, it also means creating the audience for it. And how much time it takes to find and grow new audiences is out of sync with the tight timeframes for audience-building and awareness,” pahayag ng mga producers.

Gayunpaman, ipinagmamalaki nila na dinala nila ang unang all-Filipino acting company sa Broadway, na nakatanggap ng ‘critical acclaim.’

Sa ngayon ay hindi pa naglalabas ng pahayag si Lea Salonga hinggil sa pagtatapos ng kanyang show.

Paye at Papi, Emosyonal Na Ibinahagi Ang Kanilang Karanasan

 Umani ng samu't-saring reaksyon ang naging panayam nina Paye at Papi na kilala ring Galang Sisters sa YouTube vlog ng aktres-host, vlogger  na si Toni Gonzaga na Toni Talks.

Sa halos kalahating oras na pakikipag-usap ni Toni Gonzaga sa magkapatid, hindi napigilan ng ilang mga netizens ang kani-kanilang mga emosyun ng ibahagi ng dalawa ang kani-kanilang mga karanasan sa kamay ng kanilang sariling mga magulang.

Ibinahagi ng dalawa na sa mga panahong iyon ang kanilang mga magulang ay lulong sa masamang bisyo at sa ipinagbabawal na gamot.

Ito umano ang dahilan kaya nagtrabaho na noon si Papi sa edad na trese lamang sa hindi mabuting paraan.

Ang mas nakakalungkot rito ay ang kanyang sariling ina ang nagtutulak sa kanya para gawin ang hindi magandang bagay na ito.

Ayon sa pagbabahagi ni Papi, ang kanyang ina mismo ang nagbubugaw sa kanya sa iba't-ibang mga lalaki, na ayon pa sa kanya ay mga old men.

Ito umano ang ginawa nila para magkaroon ng pantustos sa kanilang araw-araw na pangangailangan. Hindi naman umano makaka-hindi si Papi sa kanyang ina dahil kung susuwayin niya ang kanyang ina ay magugutom sila dahil ang kanilang ama ay nakakulong noon.

Naging kalbaryo ang pinagdaanan nila sa kamay ng kanilang ina noon na lulong rin sa masamang bisyo.

Kwento pa ni Papi, na dumating sila sa punto ng kanilang buhay na tumakas sila sa puder ng kanilang ina dahil pinagbabantaan sila noon ng kanilang ina na sasaktan sa tuwing lulong ito sa ipinagbabawal na gamot.

Nang naging ganap nang ina si Papi, doon na umano niya naintindihan ang sitwasyon ng kanyang ina. Dahil dito, nakahanap na siya ng puwang sa kanyang puso na tuluyan nang patawarin ito.

Sa kabilang banda, ipinahayag naman ni Paye na hindi pa niya nahahanap sa kanyang sarili ang patawarin ang kanyang ina kahit pa sumakabilang buhay na ito.

Ibinahagi din ni Paye na mula nang umalis sa kanilang bahay ang kanyang ate na si Papi sa kanya na ibinunton ng kanilang ina ang dating ipinapagawa kay Papi.

Matinding pagdurusa din umano ang naranasan ni Paye sa ginawa ng kanyang ina. Binigyan pa umano siya nito ng pangalang si Paye na Lucy Pearl na naging dahilan ng pagkakabully ni Paye.

“Sobrang masalimuot po talaga. Naka drugs na po siya. So sa akin na po lahat nababaling yung atensyon niya. Lagi niya na po akong nabubugbog. Sa kanya ko rin po naranasan na mabully. Siya po unang nangbully sa akin kasi sa pangalan ko po.”

Dagdag pang pagbabahagi ni Paye, “Kaya ko pinangalan sayo yan kasi bagay sa ugali mo, demoyo ka.”

Labis naman itong ikinagulat ni Toni Gonzaga at maging ng mga manonood.

"Grabe ang bigat naman ng dinadala niya. 😢 I am lucky to have a parents who sacrificed what’s best for me and gave the greatest and unconditional love. Love you mama and papa. 💚 Sending virtual hugs for you Papi and to your sister."

"One of the best episodes sa toni talk…Grabe ang pinagdaanan nilang dalawa kung minsan iniisip ko malaki ang problma ko pro nung napanood ko to parang napahiya ako sa sarili ko."

"Naiyak ako sa storya ng buhay ni Papi, sana maging grateful si Lucy Pearl sa lahat ng sacrifices ng ate nya. Nakakatuwa na lumalaki si Happy na mabait na bata at maganda ang buhay, mdaming nagmamahal. Malayo sa pinagdaanan ng nanay nya."

"Grabe iyak ko dito. Pero nakaka-inspire ka talaga Papi, kami ng mama ko , complicated, 2013 namatay s’ya at hanggang ngayon nahihirapan akong patawarin s’ya.  Pero hoping ako na mapatawad ko s’ya."