Jinkee Pacquiao Nagbigay Ng Pahayag Sa Anak Ni Manny Sa Labas

 Nagbigay ng pahayag ang maybahay ni Manny Pacquiao hinggil sa pagkakaroon ng illigitimate son na na kamakailan lamang ay nakikilala bilang si Emmanuel na isa na ring professional boxer kagaya ng amang si Manny.

Kamakailan lamang ay isiniwalat ni Ogie Diaz ang sinabi sa kanya ng common friend nila ni Jinkee patungkol sa reaksyon umano nito sa anak sa labas ni Manny na pumasok na rin sa mundo ng boxing.

Ayon sa pagsisiwalat ni Ogie Diaz, hinimok umano ni Jinkee si Manny Pacquiao na suportahan ang anak nito kay Joanna Rose Bacosa.

“Nakakatuwa si Jinkee, dahil according to my source na kaibigan ni Jinkee, common friend namin ni Jinkee, sinabi daw ni Jinkee kay Manny Pacquiao na ‘go ahead, suportahan mo ’yan kasi anak mo ‘yan,'” pagsisiwalat ni Ogie Diaz.

Matatandaang nagsimula ang tsismis tungkol sa illegitimate child ni Manny noong 2006 nang magsampa ng kaso si Joanna laban kay Pacquiao.

Sa counter-affidavit na inihain ni Manny, inamin niyang suportado niya sina Joanna at Eman, kaya hindi siya makapaniwalang sinampahan siya ng kaso.

Matapos ang 17 years, muling lumitaw si Eman sa social media pagkatapos niyang gawin ang kanyang propesyonal na boxing debut sa ilalim ng promotion ni Manny.

Ang unang laban ni Eman ay nagresulta sa isang draw, subalit umaasa ang mga boxing fans na namana ng  5'10 profesional boxer ang mga talento ng kanyang ama.

Philippine Airlines, Nagbigay Na Ng Pahayag Pinabulaanan Ang Overbooking Issue

 Nag-viral sa social media ang komedyanteng si Vice Ganda matapos biglaang pagpuna niya sa Philippine Airlines matapos ireklamo ang abalang naranasan nila dahil sa overbooking issue sa flight na kanyang na-book.

Nitong October 25, isiniwalat ni Vice Ganda, na nawalan siya ng orihinal na flight dahil fully booked na ito.

“GRABE KA @flyPAL!!! Grabeng pangaabala at perwisyo ang dinulot mo sa masaya sanang trip na ito!!! Bakit kayo ganyan??? Ilang beses nyo kaming pinaranas ng overbooking sa puntong di nakasakay ang kasama namin. Ngayon ako naman ang nawalan ng upuan!”

Mabilis namang tinugunan ng PAL ang reklamong inilahad ni Vice Ganda sa social media, na kilala bilang isa sa mga nangungunang celebrity endorser sa Pilipinas.

Ilang beses humingi ng paumanhin ang airline kay Vice at ipinaliwanag na mabilis nilang inimbestigahan ang nasabing insidente. Pinayagan pa nilang makasakay si Vice Ganda sa  kanyang original  flight.

“Hi, Vice. We sincerely apologize for the inconvenience you experienced during your flight from Bangkok to Manila. Please be assured that we are actively investigating the issue and are in close coordination with our team in Bangkok. We are committed to providing you with assistance and updates as soon as they become available. If you require any immediate assistance, please let us know. Thank you for your patience and understanding,” sagot ng PAL sa tweet ni Vice Ganda.

Samantala, pinabulaanan naman ng PAL ang pahayag ni Vice Ganda na overbooking ang dahilan kung bakit nawalan siya ng seat.

Ayon sa paglilinaw ng PAL, for safety reasons ang dahilan kung bakit binakante nila ang seats sa business class. Inoffer naman umano kay Vice na lumipat na lamang sa economy class subalit umayaw ang komedyante.

“First and foremost, we want to clarify that the flight was not overbooked, and we operate with the utmost commitment to safety. During pre-flight safety checks, two business class seats were identified as unserviceable due to safety concerns, rendering them unfit for passenger use.” 

“As a result, you were among the passengers offered a seat downgrade to economy class, a decision made to ensure safety and the operational integrity of the flight."

Vice Ganda, Naiyak Sa Airport Dahil Sa Ginawa Ng Philippine Airlines

 Usap-usapan ngayon sa social media ang ginawang pag-call out ni Vice Ganda sa Philippine Airlines, isiniwalat ng komedyante na nakaranas sila ng abala sa kanilang flight mula Bangkok patungong Pilipinas.

Sa sunud-sunod na tweets, direktang binanggit ni Vice Ganda ang overbooking issue sa PAL.

“GRABE KA @flyPAL !!! Grabeng pangaabala at perwisyo ang dinulot mo sa masaya sanang trip na ito!!! Bakit kayo ganyan??? Ilang beses nyo kaming pinaranas ng overbooking sa puntong di nakasakay ang kasama namin. Ngayon ako naman ang nawalan ng upuan!” pagsisiwalat ni Vice Ganda.

Dagdag pa ni Vice Ganda, “NAPAKAPANGET NG SERBISYO NYO @flyPAL !!!! NAPAKAPANGET!!!!!”

Ipinahayag pa ni Vice Ganda ang labis na tress dahil sa nangyari. Inamin pa ng Unkabogable Star na talagang naiyak siya sa airport dahil hindi sila magkasama sa flight ni Ion Perez.

Naawa rin umano siya kay Ion dahil ayaw nitong sumakay sa eroplano nang hindi siya kasama.

“Sistema nyo na ba talaga ang overbooking @flyPAL ??? Alam nyo ba kung gaanong stress ang idinudulot nyo sa pasaherong di nakakasakay sa binook at binayaran nyang flyt? May damdamin pa ba kayo ng malasakit para sa pasahero? Pera pera?”

“Walang halong biro naiyak ako habang tumatakbo para umabot ako sa flyt na muntik kong di masakyan dahil nagoverbook kayo. Si Ion inabutan kong mukhang kawawang nasa pinto ng eroplano dahil ayaw nyang sumakay kung di ako makakasakay. Yun ang ginawa nyo sa amin. @flyPAL.”

Ang overbooking ay isang practice na ginagawa ng ilang airline company sa pamamagitan ng pagpayag sa kanilang mga customer na bumili ng ticket kahit na puno na ang eroplano.

Inaasahan ng mga airline company na hindi lahat ng bumili ng ticket ay sasakay, kaya tumatanggap pa rin sila ng mga booking upang mas lumaki ang kanilang kita.

Walang halong biro naiyak ako habang tumatakbo para umabot ako sa flyt na muntik kong di masakyan dahil nagoverbook kayo. Si Ion inabutan kong mukhang kawawang nasa pinto ng eroplano dahil ayaw nyang sumakay kung di ako makakasakay. Yun ang ginawa nyo sa amin. @flyPAL

— jose marie viceral (@vicegandako) October 24, 2023

Abegail Rait Hindi Nakatanggap ng Pera Mula sa Pamilya Magalona

 Ibinahagi ng dating flight attendant na si Abegail Rait ang mga huling sandali nila ni Francis Magalona bago ito pumanaw noong 2009.

Sa panayam kay Julius Babao, sinabi ni Abegail na hanggang ngayon ay hindi pa rin niya nalaman kung ano ang gustong ipahiwatig ni Francis Magalona sa kanilang huling pag-uusap.

Sinabi ni Abegail na pinalaki niya ang kanilang anak na babae ng master rapper na si Gaile Francesca, nang mag-isa, nang walang natatanggap na mana mula kay Francis.

Hindi rin umano ginagamit ni Gaile Francesca ang last name ng ama sa mga legal papers.

“Bago siya mawala ‘non, magkausap kami for three hours, ang natatandaan ko lang na [sinabi niya], quote and unquote ‘wag kayong mag-alala, baby mama, makakasama kayong mag-ina ko,” saad ni Abegail.

Dagdag pa niya, “After nong mawala siya, wala naman siyang iniwan sakin, wala po talaga. Thankfully, naka maternity leave lang ako noon, may binalikan akong trabaho so nabuhay ko naman siyang mag-isa.”

Matatandaang nag-viral sa social media si Abegail matapos nitong i-claim na may relasyon sila ni Francis.

Gayunpaman, binatikos din siya ng mga netizens sa pakikipagrelasyon sa master rapper, kahit na kasal na ito kay Pia Magalona.

As of writing, nanatiling tahimik ang pamilya Magalona sa isyu.

Kapamilya Aktres Kabilang Sa Bagong Sang'Gre Ng Gma-7!

Pormal nang ipinakilala ang Kapuso actress na si Bea Umali na kabilang sa mga pinakabagong Sang'gre sa inaabangang Encantadia Chronicles Sang'gre.

Inanunsyo na sa 24 Oras ang karakter na gagampanan ni Bea Umali bilang si Tera ang nawawalang anak ni Sang'gre Danaya.

"Maraming salamat, no other words pauli-ulit kung sinasabi na I am very thankful of course to my supporters. Hindi ko hiniling ito pero ipinagkaloob sa akin. That's why I'm very very thankful.

"Thankful to my network kasi sa tiwala, I assure them they will not be disappointed. I will not fail anyone," emosyunal na pahayag ni Bianca Umali.

Ibinahagi naman ni Bianca ang labis na paghahanda niya sa kanyang gagawing role kabila na ang pag-eensayo dahil hindi naman maiiwasan ang mga action scene sa nasabing serye.

Ayon kay Bianca, parang naghahanda umano siya para sa isang Marvel movie kung pagbabasehan ang kanyang pag-eensayo.

Nagre-research din umano siya sa kanyang maging role at hinahasa ang mga kakailanganin niyang skills at physique para maging tunay na Sang'gre.

Inamin rin ni Bianca na noon pa man ay gusto na niyang mapabilang sa mga cast ng Encantadia, subalit hindi umano siya pinalad na mapabilang rito dahil sina Kylie Padilla, Sanya Lopez, Glaiza De Castro, at Gabbi Garcia ang napili ng nework.

Isiniwalat pa ni Bianca na noon pa man ay gusto na niyang mahawakan ang brillante ng lupa na nasa kamay noon ni Sanya Lopez bilang Danaya na ngayon ay mapupunta naman sa kanya.

Ngayon pa man ay iniimbitahan na niya ang kanyang mga tagahanga na suportahan ang kanyang upcoming series.

Sa kabilang banda, usap-usapan naman ngayon na isa sa gaganap bilang Sang'gre ay isang Kapamilya star lalo pa't nauuso ngayon ang mga collaborations.

 

Kapamilya Marc Logan, Lilipat Na?

  Usap-usapan ngayon sa social media ang bali-balitang lilipat na ang kilalang Kapamilya broadcaster at journalist na si Marc Logan.

Kumakalat ngayon sa social media ang balitang lilipat na sa IBC13 si Marc Logan. Kaya naman, marami sa mga Kapamilya fans ang napapatanong kung totoo nga bang iiwan na ni Marc Logan ang matagal na niyang tahanan.

Nag-ugat ang mga espekulasyon na lilipat na si Marc Logan sa government owned network na IBC13 dahil sa inilabas  na teaser ng nasabing network na ibi-noice over ni Marc Logan.

"Sisenta'y trese, minsan namayagpag bilang numer unong istasyon sa mundo ng telebisyon sa ating kasaysayan IBC Channel 13 lang ang sakalam. 

"Ngayon magtatangkang ibalik ang kahapon. Aarangkada sa tamang panahon, magpapakilala sa kasalukuyang henerasyon, na minsan sa lumang henerasyon, ang inyong mga lolo't lola, tatay at nanay, ito ang naging kapiling sa buhay bilang mga team bahay!

"Mabuhay ang isang alamat. Buhayin ang isang tatak trese, sisentay trese."

Samantala, sa ngayon ay hindi pa nagbibigay ng pahayag si Marc Logan hinggil sa isyung ito.

Pamilya Magalona, Dismayado Sa Biglaang Pagsisiwalat ni Abegail Rait

 Muling nagbigay ng saloobin ang dating publicist ni Francis Magalona hinggil sa naging pagsisiwalat ni Abegail Rait tungkol sa umano'y relasyon niya sa 'Master Rapper.'

Sa isang panayam, ipinahaya ni Pilar Mateo na kinukuwestiyon ng mga tao ang intensyon ni Abegail sa kanyang pagbubunyag  tungkol sa naging koneksyon niya kay Francis at sa pagpapakilala nito sa anak na si Gaile Francesca.

Iminungkahi din ni Pilar na dapat ding protektahan si Francesca kung siya ay totoong miyembro ng pamilya Magalona.

Pinayuhan pa niya si Abegail na dapat nitong iwasan ang pagtatangkang magkaroon ng hidwaan sa orihinal na pamilya ni Francis.

“Wag ka na munang makipagbanggaan sa pamilya, so okay nailabas na kayo ‘yung pamilya, na may relasyon kayo ni Francis, nagkaroon kayo ng relasyon, nagkaroon kayo ng anak, edi ayan inilabas mo na, ano pa ba after that, ano bang gusto mong mangyari? Kasi maapektuhan rin ‘yung anak mo.”

Naniniwala rin siya na hindi magiging epektibo kung balak ni Abegail na gamitin ang publicity na natanggap nila ngayon mula sa mga netizens bilang tiket sa showbiz para sa anak niyang si Gail Francesca.

“Ang kailangan sigurong paigtingin nilang mag-ina ay ayusin nila ang buhay nila, wag niyong banggain ang pamilya [Magalona],” pahayag ni Pillar.

“Kasi ‘yung pamilya ni Francis, nagsasalita na at makikita mo na masama ang loob nila, which is karapatan nila ‘yun na sumama ang loob nila dahil nagugulat sila. Hayaan na muna sila, hayaan na muna ‘yung mga bata,” dagdag pa niya.

ABS-CBN May Sagot Sa Pagbabalik Ni Liza Soberano!

 Matindi umano ang naging gusot sa pagitan nina Liza Soberano at ng tita niyang si Joni Lyn Castillo na dati niyang road manager noong nasa ilalim pa ang aktres sa pangangalaga ni Ogie Diaz.

Isiniwalat ng showbiz insider at talent manager na si Ogie Diaz sa kanyang showbiz oriented vlog na hanggang ngayon ay hindi pa rin umano nagkakausap sina Liza Soberano at kanyang Tita na si Joni Lyn, mula nang lumipat ng talent agency ang aktres.

Pinabulaanan din umano ni Tita Joni na siya na ang magmamanage muli sa showbiz career ni Liza Soberano dahil hindi na umano sila nagkakausap.

Bagama't may mga negosyo naman umano sila ang nakakausap lamang umano niya ay ang representative ng aktres.

Ibinahagi rin ni Ogie Diaz ang nabasa umano niyang post ni Tita Joni na hinala niyang para kay Liza Soberano.

"You remembered everything. Sana natatandaan mo rin na sinabi ko sayo, pagdating ng panahon na makarating ka sa taas huwag na huwag mo akong babanggain dahil ako rin ang magpapabagsak sayo."

Nilinaw naman ni Ogie Diaz na ayaw niyang pangunahan si Tita Joni sa paglalabas ng pahayag patungkol sa dati nilang alaga na si Liza Soberano dahil kilala naman umano niya ito.

Hiling naman ni Ogie Diaz na sana ay magkausap na sina Liza Soberano at Tita Joni. Hiniling rin niya na sana ay bigyan naman umano ng pagkakataon ni Liza na kausapin ang kanyang tita.

Ipinahayag pa ni Ogie Diaz na may malaking naitulong naman si Tita Joni sa matagumpay na showbiz career ni Liza Soberano.

Hinala ni Ogie Diaz na may kinalaman ang nilipatan noong talent agency ni Liza Soberano sa hindi pag-uusap nila ni Tita Joni.

Nagbigay rin ng reaksyon si Ogie Diaz sa social media post ng ama ni Liza Soberano kung saan ibinahagi nito ang pagbati ng ABS-CBN sa kanyang anak.

Sa nasabing post hayagan pang kinol-out ng ama ni Liza Soberano sina Ogie Diaz at si Cristy Fermin kung saan tinatanong niya kung ano ang magiging reaksyon nila sa pagbati ng network kay Liza.

Ayon kay Ogie Diaz wala naman siyang ibang masasabi kundi congratulations para kay Liza sa pagpapalabas sa hollywood movie na Lisa Frankenstein kung saan ito kabilang.

Nanay Ni Ricci Rivero Nagsalita Na Sinabing Hindi Manloloko Ang Kanyang Anak

 Maging ang ina ni Ricci Rivero ay nagbigay ng pahiwatig patungkol sa “toxic relationship”. Sa paghahayag ng suporta sa relasyon ng kanyang anak kay Leren Mae Bautista.

Matatandaan na nauna nang nagkomento ang ama ni Ricci Rivero  sa pamamagitan ng isang Instagram post kung saan ipinahiwatig niya ang pagsuporta sa bagong pag-ibig ng anak.

Samantala, tila hindi nakapagtimpi ang ina ni Ricci Rivero sa mga nababasang komento sa post ng anak kung saan karamihan pambabatikos mula sa mga fans ni Andrea Brillantes.

Sa kanyang komento, ipinahayag niyang walang niloko at hindi manloloko ang kanyang anak.

Idinagdag pa nito na talagang hindi sila ang nakatakda dahil hindi pumayag ang tadhana sa kanila. Ipinahayag pa niya na hindi papayag ang Diyos na magtagal ang isang toxic relationship.

“Walang niloko at walang nanloko. Sadyang hindi lang sila ang gustong magkatuluyan ng tadhana… Have you ever wondered why some relationships work out while others don’t? It can be annoying when you want to be with someone, specially when you know you gave your ALL, but it just doesn’t seem to be working out,” saad ng ina ni Ricci Rivero.

Dagdag pa niya, “God will end a relationship if it’s TOXIC. If you’re in a toxic environment, you do not need to ‘get used to it for a long time’ or ‘just get over it.’ God wants you to remove yourself from these situations. God will even help you set up an unthinkable escape… Just learn to LISTEN!"

“The truth is, if it’s meant to be, it will happen. When God wants you with someone, He will make it happen. Meanwhile, A healthy relationship is one in which there is oneness of goals, purpose, VALUES & BELIEFS. Keep your relationship healthy by LISTENING, talking, accepting, managing conflict, making time for each other and praying together.”

Tatay Ni Ricci Rivero Pinaringgan Si Andrea Brillantes

 Tila botong-boto ang ama ni Ricci Rivero sa panibagong nobya ng kanyang anak.

Kamakailan lamang ay tuluyan nang inamin ni Ricci Rivero sa kanyang social media account ang totoong kaugnayan nila ni Leren Mae Bautista.

Hindi naman ito ikinatuwa ng mga netizens dahil sa naunang pagtanggi nila sa kanilang relasyon at ang isyung inagaw ni Leren Mae si Ricci kay Andrea Brillantes.

Samantla, matapos ang pag-amin ni Ricci Rivero naging sunod-sunod naman ang cryptic post ni Andrea Brillantes na hinala ng marami na sagot niya sa naging pag-amin ni Ricci Rivero.

Subalit, ang mas nakakuha sa pansin ng mga netizens ay ang naging Instagram post ng ama ni Ricci Rivero na tila harapang pasaring niya sa ex girlfriend ng kanyang anak na si Andrea Brillantes.

"Yun naman ang hindi tutuo

"Plus, importante yung maayos na ugali at pag respeto sa mina mahal mo at hindi lang pakitang tao para mapag usapan, yun naman ang sobrang layo at yan ang sigurado ako. 

"May God bless you always mga anak.."

Agad naman itong sinagot ng mga fans ni Andrea Brillantes na hindi nagustuhan ang pagkukumpara nito sa mga nakarelasyon ni Ricci Rivero.

"Yung mga magulang tinatama yung mga anak hindi kinakampihan or itotolerate unless parehas kau ng gawain. Parang kasalanan pa ng iba yung kalokohanng anak nyo ho? And there you are, jinujustify pa yung 'kasalanan na yun'"

Unang Asawa Ni Pia Magalona inilantad Na, Hindi Kasal Si Pia Arroyo at Francis M Sa Pinas?

 Maraming mga personalidad ang naglalabasan ngayon sa social media at tila nakikisawsaw sa isyu ng Magalona family matapos ang paglantad ni Abegail na umano'y other girl ng namayapang Master Rapper.

Kasunod nito, nagsilabasan na ang mga usap-usapan patungkol sa asawa ni Francis M na si Pia Magalona. May mga nagsiwalat pa na umano'y hiwalay na sina Pia Magalona at Francis sa mga panahon nagkarelasyon sina Francis at Abegail.

May mga nagsasabi pang hindi naman umano ikinasal sina Francis Magalona at Pia. Dahil nauna nang ikinasal si Pia sa ibang lalaki at nagkaroon ng dalawang anak.

Isiniwalat din ng isa sa malapit na kaibigan ni Francis M na si Robby Taroza ang totoong pag-uugali ni Pia na naging dahilan kung bakit hiniwalayan ito ni Francis.

Sa kabilang banda, may nagtatanggol naman kay Pia kung saan sinasabing ikinasal ang dalawa sa Hongkong, kalakip pa nito ang larawan na kuha mula sa kasalan ng dalawa.

Agad naman itong sinagot ni Robby at sinabing kaya sa Hongkong naganap ang kasal ng dalawa dahil hindi sila maaring ikasal sa Pilipinas dahil sa kasal pa si Pia rito kay Lim.

May mga natuturo naman na ang sundalong si Danilo Lim ang totoong asawa ni Pia.

Sa kabilang banda, patuloy naman ang pananahimik ng pamilya Magalona hinggil sa mga ibinabatong isyu sa kanila ng mga tao na nagpakilalang kaibigan dati ni Francis Magalona.

Jennica Garcia May Hiniling Sa ABS-CBN Bosses Habang Nagdarasal Sa It's Your Lucky Day

 Tila labis nang naa-attach ang aktres na si Jennica Garcia sa kinabibilangan niyang show ngayon na It's Your Lucky Day.

Habang nagdarasal para sa kanilang show, hiniling ni Jennica sa mga ABS-CBN bosses na sana ay hindi muna itigil ang kanilang show at hindi umano magtatapos sa darating na byernes ang kanilang show.

"Lord God, ang ipinagdarasal lang po namin ay hawakan niyo po ang mga puso ng aming mga bosses Lord God na hindi friday ang pinakahuling araw ng Lucky Day. Mag move po kami ng different timeslot but still the same family."

Nakatakda nang magtatapos sa darating na byernes, October 27 ang It's Your Lucky Day dahil magbabalik na sa pag-ere ang It's Showtime sa pagtatapos ng kanilang suspension.

Sa ngayon ay hindi pa rin sigurado kung maeextend at ililipat lamang ng sila ng timeslot ang It's Your Lucky Day.

Matatandaan na marami sa mga manonood ang humihiling na sana ay maextend ang It's Your Lucky Day at ilipat na lamang sa ibang timeslot dahil sa sayang hatid nito sa mga manonood.

Samantala, marami naman ngayon sa mga madlang pipol ang excited na sa muling pagbabalik ng It's Showtime matapos ang ilang araw na pagkakasuspinde nito.

Maxene Magalona May Mensahe Sa Kanyang Half Sister Na Si Franchesca Magalona!

 Usap-usapan ngayon sa social media ang isang makahulugang post ni Maxene Magalona na hinala ng lahat na para sa kanyang half-sister na si Gaile Francesca Rait.

Umaani ngayon ng samu't-saring negatibong komento ang Magalona family matapos ang pagsisiwalat ni Abegail Rait hinggil sa existence nila ng kanyang anak kay Francis M kung saan iginiit niyang mahal na mahal sila ng yumaong Master Rapper.

Kasunod nito kumakalat naman ang mga bali-balitang hiwalay na noon sina Pia at Francis. May mga nagsasabi pang si Pia ang unang nagkaroon ng boyfriend bago nagkarelasyon sina Francis M at Abegail Rait.

Sa kabila nito nananatiling positibo ang pananaw ni Maxene Magalona, isa sa mga anak nina Pia at Francis Magalona, sa kanilang pamilya sa kabila ng mga pagsubok na kinakaharap nila sa ngayon.

Sa ngayon nananatiling kalmado si Maxene Magalona kung saan ipinapakita niyang tila hindi siya apektado sa mga kinakaharap nilang isyu sa biglaang pagsulpot ng mag-inang Abegail at Gail Francesca Rait.

Sa kamakailang post ni Maxene Magalona, ipinahayag niyang dapat na maging proud dahil sa pagpapatuloy sa kabila ng anumang pagsubok na pinagdadaanan.

"Be proud of how far you've come. All the silent tears, struggles, doubts and sad moments. You keep doing it all because you're built different. Be proud as you should."

Tila ipinahayag ni Maxene Magalona na may isang bata na very proud siya dahil sa pagkaya nito sa mga pagsubok sa kabila ng kawalan ng ama.

Marami naman ang naghinalang para sa kanyang half-sister ang mensaheng ito dahil hindi nito nakasama ng matagal ang kanilang ama na si Francis M.

Maricel Soriano, Charlie Dizon Nag Away Sa Taping?

 Usap-usapan ngayon sa social media ang biglaang pagkatsugi ng karakter ni Maricel Soriano sa teleseryeng Pira-Pirasong Paraiso bilang si Amanda Paraiso.

Ang karakter ni Maricel Soriano ay ang lola ng mga Paraiso na ginampaman naman nina Charlie Dizon, Loisa Andalio at Alexa Ilacad.

Samantala sa isang episode ng Marites University naibahagi ng isang host ang totoong dahilan kung dahilan kung bakit kaagad na tsinuge ang karakter ni Maricel sa nasabing show gayung bago ito pumasok ay nagkaroon muna ito ng bonggang presscon.

Matatandaan na ang ibinigay na dahilan ni Maricel Soriano sa pagkakatanggal sa kanya sa Pira-pirasong Paraiso ay ang pagkakasama naman niya sa seryeng Linlang.

Ayon sa mga host ng Marites University, kataka-taka ang pagkakatanggal ni Maricel Soriano sa show gayung inaabangan ng maraming manonood ang kanyang karakter at ang magiging tapatan nila ni Snooky Serna.

Isa pa, tapos naman na umano ang taping ng Linlang, pagpupunto naman ng isang host.

Nagbigay naman ng hint si DJ Jaihoo patungkol sa pagkakaroon ng kaalitan ni Maricel Soriano na isa umano sa kanyang mga apo sa serye.

Hindi naman muna nila pinangalanan ito dahil wala pa umano silang natatanggap na 'go signal' mula sa mga sangkot nito.

Sa kabila nito, may mga hinala naman ang ilang mga netizens kung sino ang tinutukoy nila.

May mga naghinalang si Charlie Dizon ang nakaalitan ni Maricel Soriano sa show na naging dahilan kung bakit kaagad na namaalam ang kanyang karakter sa nasabing teleserye.

Kim Chiu Mi Nura Ni Darren Espanto Dahil Kay Juliana

 Ibinunyag ng singer-actor na si Darren Espanto ang kanyang reaction sa karakter ni Kim Chiu sa teleseryeng Linlang na si Juliana.

Ayon kay Darren Espanto, ilang beses niyang minura si Kim Chiu dahil sa mapaglinlang nitong karakter sa teleseryeng Linlang.

Maging si Darren Espanto na isa sa mga malalapit na kaibigan ni Kim ay hindi mapigil ang pagkabanas sa panibagong karakter nito na malayo sa mga ginagampanang role ng aktres dati.

Kamakailan lamang ay ibinahagi ni Kim Chiu sa isang social media post ang private message sa kanya ni Darren, kung saan ipinahayag ng huli ang kanyang gigil sa karakter ni Kim Chiu sa nasabing teleserye.

Panimulang chat ni Darren kay Kim Chiu, "Sorry ha pero ilang beses kitang minura sa panonood ko ng Linlang."

Tinawanan lamang ito ni Kim Chiu at sinabing, "I love it bestie", na ang tinutukoy ay ang pagsuporta ni Darren sa kanyang teleserye.

Pabiro namang sumagot si Darren at sinabing huwag umanong mag 'I love it' si Kim gayung gigil na gigil siya rito.

Marami naman sa mga netizens ang napareact at sinabing ito rin ang nararamdaman nila sa tuwing pinapanood nila ang nasabing teleserye ni Kim Chiu.

Marami rin kasi ang naninibago sa ginampanang genre ngayon ni Kim na malayo sa mga dati niyang ginagampanan noon.

Gaile Francesca Rait Inihabilin Ni Francis Magalona Kay Joey De Leon!

 Trending ngayon ang balitang may alam na noon pa man ang beteranong komedyante na si Joey De Leon sa pagkakaroon ng anak ni Francis Magalona sa ibang babae.

Matatandaan na kamakailan lamang ay ginulat ng mag-inang Abegail at Gaile Francesca Rait ang publiko nang isiwalat nila sa Pinoy Pawnstar ang totoong relasyon nila sa namayapang King of Rap ng Pilipinas na si Francis Magalona.

Ayon sa pagsisiwalat ni Abegail Rait nagsimula ang naging relasyon nila noon ni Francis Magalona nang kunin nito ang kanyang number habang nanonood siya ng Eat Bulaga.

Dahil dito binalikan ng mga netizens ang naging pahayag noon ni Joey De Leon sa isang panayam na may inihabilin sa kanya si Francis M bago ito pumanaw na hindi niya maaring isiniwalat sa publiko sa mga panahong iyon.

Naniniwala ang mga netizens na ang existence nina Abegail at Gaile Francisca ang tintukoy ni Joey na kamakailan lamang ay tuluyan nang naibunyag sa publiko.

Dahil dito, sinasabi ng mga netizens na totoo ang ipinahayag ni Abegail na mahal sila ni Francis M.

Samantala, naniniwala rin ang ilang mga netizens na maging si Vic Sotto ay may alam rin sa naging relasyon ni Francis M sa ibang babae dahil ang van pa umano nito ang minsang ginagamit ni Francis sa tuwing palihim itong nakikipagtagpo noon kay Abegail.

Sa kabilang banda, ayon sa pananaliksik ni Boss Toyo matagal na palang alam sa lugar nina Abegail ang relasyon ng dalawa na nilihim sa loob ng 15 years.

Vice Ganda Hinamon Si Mtrcb Lala Sotto Sa Gandang Gabi Vice!

Kung si Vice Ganda lamang ang tatanungin nais niyang maging guest sa isa kanyang show na Gandang Gabi Vice ang MTRCB chairperson na si Lala Sotto Antonio.

Isiniwalat ito ni Vice Ganda sa kanyang tweet bilang sagot sa isang netizen na nagtatanong kung sakaling makabalik ang kanyang show na Gandang Gabi Vice, sino ang kanyang magiging unang guest.

Naging pabiro naman ang naging sagot ni Vice Ganda kung saan sinabi niyang si Lala Sotto ang nais niyang maging guest.

Sa kabilang banda, nagpapasalamat naman si Vice Ganda sa kanyang mga fans na hanggang ngayon ay hindi pa rin nakakalimot sa kanyang show.

"Super nakaka-happy na kahit ilang years nang hindi umiire GGV, bukambibig pa rin ito ng madami. I'm so blessed to have three programs na kinakapitan talaga ng mga tao, It's Showtime, GGV at Everybody Sing. Thank you ABS-CBN."

Matatandaan na mahigit tatlong taon nang tumigil sa pag-ere ang late night talk show ni Vice Ganda na GGV. Noong     March 2020, bago ang lockdown ipinalabas ang huling episode nito.

Samantala, nito lamang nakaraang linggo sinagot ni Vice Ganda ang mga tweets ng kanyang mga fans na namimiss na ang kanyang show na GGV.

Tila pinapahiwatig ni Vice Ganda na may posibilidad talaga na ibalik ng ABS-CBN ang nasabing show dahil na rin sa demand ng mga manonood.

Gayunpaman, ipinahayag din ni Vice Ganda na sa ngayon ay hindi pa talaga maaring ibalik ang GGV dahil hindi na kakayanin pa ng kanyang oras ang tatlong programa.

Isa pa sa naging dahilan ni Vice Ganda ay ang paulit-ulit na guest ng GGV.

Subalit ngayon nauso na ang mga collabs maari na umano niyang bigyan ng konsiderasyon ang pagbabalik ng show.

Billy Crawford, Guest Host Sa Anibersaryo Ng It's Showtime

 Isa ang dating It's Showtime host na si Billy Crawford sa mga nag-aabang sa muling pagbabalik ng It's Showtime matapos ang 12 airing days na pagkakasuspinde nito bilang parusa ng MTRCB.

Sa kamakailang panayam kay Billy Crawford ipinahayag niyang buo ang kanyang paniniwala na malalampasan ng It's Showtime family ang kinakaharap nilang pagsubok na ito.

"It's Showtime and that family, and that community, whatever they will experience, whatever hardships or struggles nalalampasan nila. So babalik yan, stronger, better and we're rooting for them."

Sa kabilang banda, marami ang pinagkakaabalahan ngayon si Billy Crawford kabilang na ang kanyang mga upcoming Kapuso projects.

Sa ngayon ay hindi pa nagbibigay ng anumang detalye si Billy Crawford hinggil sa upcoming projects niyang ito, subalit ngayon pa lang ay halata nang excited at pinaghahandaan niya ito.

"Wala pang schedule, inaayos pa yung calendar, pero I'm gonna be part of something. I can't say now, pero hopefully marelease na, maybe next year."

May mga kumakalat naman ngayong mga haka-haka na baka isa sa magiging guest sa nalalapit na anniversary ng It's Showtime ay si Billy Crawford.

Hindi naman umano ito magiging imposible dahil dati namang host ang aktor-host ng naturang show at siya rin ay isa nang Kapuso actor kung saan nananahanan ngayon ang It's Showtime.

Matatandaan na nauna nang ipinahayag ni Billy Crawford na hindi niya isinasara ang posibilidad na makapasok sa alinman umiereng show kabilang na ang It's Showtime.

Kim Chiu Wala Ng Balak Ituloy Ang Relasyon Kay Xian Lim

 Marami ang napapatanong ngayon hinggil sa totoong estado ng relasyon nina Kim Chiu at Xian Lim.

Hanggang ngayon ay nagkakaroon pa rin ng mga agam-agam ang mga netizens na baka hindi na umano going strong ang relasyon ng dalawa dahil sa malimit na pagsasama ng mga ito.

Matatandaan na noong ABS-CBN's Ball, mag-isa lamang na rumampa si Kim Chiu sa red carpet dahil nasa ibang bansa umano si Xian Lim kasama ang mga kaibigan nito para mag-motor.

Inaasahan naman ng kanilang mga tagahanga na magkakaroon ng quality time ang dalawa dahil sa pagkakasuspinde ng It's Showtime sa loob ng 12 airing days.

Subalit hindi ito nangyari dahil lumipad pa L.A si Kim Chiu dahil may event siya roon. Kinuha na rin niya ang pagkakataong ito para mabisita si Kris Aquino na kasalukuyang nagpapagaling doon.

Sumunod din si Kim sa bakasyon ng It's Showtime family sa Hongkong at nakibonding sa mga ito.

Sa kabilang banda, napapansin rin ng mga netizens na hindi na tinatag nina Kim Chiu at Xian Lim ang isa't-isa sa kanilang mga social media posts.

Dahil dito, naungkat ng mga netizens ang naging cryptic post noon ni Xian Lim habang nakasuot ng shirt na may nakasulat na napapagod na siya.

Sa kabilang banda, may mga naniniwala pa rin naman na hindi naghihiwalay ang dalawa, bagkus ay kapwa busy lamang umano ang mga ito sa kani-kanilang mga projects.

 

Leren Bautista Matapang Na Rumesbak Kay Andrea Brillantes!

 Muli na namang napag-uusapan sa social media sina Leren Mae Bautista at Ricci Rivero matapos ang tuluyang pag-amin nila sa kanilang relasyon.

Noon pa man, naging mainit na ang mga mata ng netizens sa dalawa dahil si Leren Mae ang tinuturong dahilan ng hiwalayan nina Ricci Rivero at Andrea Brillantes.

Pinabulaanan naman ito noon nina Ricci at ni Leren kung saan pareho nilang iginiit na magkaibigan lamang sila.

Subalit, makalipas ang ilang buwan hayagan na ngang kinumpirma ni Ricci Rivero ang romantic relationship nila ni Leren Mae sa pamamagitan ng isang post.

Iginiit ni Ricci Rivero na hindi nila kailangan na magtago dahil wala namang mang-aagaw at walang inagaw. Ipinahayag din niya na puprotektahan niya si Leren Mae sa lahat ng mga bumabatikos rito.

Dahil dito muling kinukuyog ang dalawa at sinasabihan pang mga sinungaling ng mga fans ni Andrea Brillantes sa naunang pagtanggi nila sa kanilang relasyon gayung totoong may namamagitan na pala sa kanila noon habang magkarelasyon pa sina Ricci Rivero at Andrea Brillantes.

Sa kabilang banda, nagbigay naman ng pahayag si Leren Mae kung saan sinabi niyang nilinaw na nila ni Ricci ang kanilang sitwasyon.

Hiniling pa niya na huwag siya ang tanungin tungkol sa pang-aagaw at si Andrea na lamang ang tanungin.

"Don't ask me, ask her! Kaso hindi ka niya mapapansin dahil dito ka nagpapapansin," bwelta ni Leren Mae.