Gutierrez Family, Celebrate Kai Birthday Na Hindi Dinaluhan Ni Sarah Lahbati

 Trending at pinag-uusapan ngayon sa ilang mga social media platforms ang mga kumakalat na video ng mga Gutierrez habang ipinagdiriwang nila ang kaarawan ni Kai Gutierrez, isa sa mga anak nina Richard Gutierrez at Sarah Lahbati.

Kaagad na hinanap ng mga netizens ang aktres na si Sarah Lahbati na ina ni Kai subalit hindi ito namataan sa naganap na party.

Sa isang Instagram post, ibinahagi ni Ruffa Gutierrez ng ilang mga larawan na kuha sa Minecraft-themed birthday party ni Kai, na pangalawang anak nina Richard Gutierrez at Sarah Lahbati.

Sa caption inilahad niya ang sweet message para sa bata, “Always be a good boy and study hard, cutie Kai. Thank you for being a blessing to all of us. We love you!”

Spotted naman sa nasabing party ang ilang mga artista na naging malalapit na kaibigan ng Gutierrez family na kinabibilangan nina Alice Dixon, Karla Estrada, Sunshine Cruz bukod sa iba pa.

Marami naman sa mga netizens ang bumati kay Kai at sinasabing nalulungkot sila dahil hindi na buo ang pamilya nito.

May mga nakapansin pa na tila may lungkot umanong nakikita sa mata ni Zion kahit pa nakangiti ito, tila naiintindihan na rin kasi nito ang pinagdadaanan ng kanilang pamilya, ang paghihiwalay ng kanilang mga magulang.

May ilan pang mga netizens ang humiling na sana ay maayos nina Richard Gutierrez at Sarah Lahbati ang kanilang isyu dahil ang mas naaapektuhan sa kanilang paghihiwalay ay ang kanilang mga anak lumalaki na rin.

Samantala, umaasa naman ngayon ang ilang mga fans ni Sarah Lahbati na magkakaroon ng panibagong party si Kai kung saan sila naman ang kasama.

Matatandaan na noong nakaraang taon ay lumabas ang mga bali-balitang naghiwalay na sina Sarah Lahbati at Richard Gutierrez nang mapansin ng maraming mga tagahanga nila na hindi na silang nagkakasama sa mga ibinabahaging photos sa social media.

Hindi na rin namamataan si Sarah Lahbati sa mga okasyon at party ng mga Gutierrez, dati naman ay palagi itong kasama.

Tila nakumpirma naman ang mga haka-hakang ito, nang inamin ni Annabelle Rama sa isang panayam na hindi na umuuwi sa bahay nina Sarah Lahbati ang kanyang anak na si Richard Gutierrez.

Bukod pa rito, nagpasaring din siya kay Sarah Lahbati kung saan inihayag niya ang pagiging waldasera ay maluho nito habang si Richard naman ay abala sa trabaho.

View this post on Instagram

A post shared by RUFFA GUTIERREZ (@iloveruffag)

TAPE Inc. Masama Ang Loob Sa GMA Network Dahil Sa Treatment Na Ibinibigay Sa It's Showtime!

 Usap-usapan ngayon sa ilang mga social media platforms ang patungkol sa reaksyon ng Television and Production  Exponents Incorporated sa pagkupkop ng GMA Network sa noontime show ng ABS-CBN na It's Showtime.

Hindi umano nagustuhan ng TAPE Incorporated ang naging desisyon ng GMA Network na pagpapalipat sa It's Showtime ng ABS-CBN sa nabakanteng timeslot matapos maitigil ang kanilang show na Tahanang Pinakamasaya.

Hindi rin umano nila nagustuhan ang ginawang pagtrato ng GMA7 sa ABS-CBN at maging ng mga hosts ng It's Showtime.

Marami ang nagsasabing tila selos na selos umano ngayon ang mga executives ng TAPE Inc. sa pagtrato ng GMA7 sa It's Showtime na siyang papalit sa kanilang show na Tahanang Pinakamasaya matapos na maitigil ito dahil hindi nila nabayaran ang utang sa GMA7 na iniwan pa umano sa kanilang ng TVJ noon.

Napansin rin umano ng TAPE Inc. executives na hindi naman umano naging pantay ang pagtrato sa kanila ng GMA7 at tila mas pinapaboran pa nito ang dating katapat na show kaysa sa kanila na ilang taon na ring umiere sa kanilang channel.

Sa isang episode ng programa ni Cristy Fermin, isiniwalat niya ang reaksyon ng TAPE Incorporated sa engrandeng pag-welcome ng GMA Network sa dating katapat ng kanilang show na It's Showtime.

Pakiramdam umano ng TAPE Incorporated na hindi man lamang tinulungan ng GMA7 ang kanilang show na Tahanang Pinakamasaya na naghihingalo na mula nang umalis ang TVJ at nag-iwan pa ng malaking utang.

Naghinala rin umano ang TAPE Inc. na kaya sila pini-pressure ng GMA na magbayad ng pagkakautang hanggang sa magdesisyon na lamang sila na ipatigil ang kanilang show ay para mabigyan ng pagkakataon ang It's Showtime na lumipat sa GMA Network para tumapat sa Eat Bulaga ng TVJ na umiire naman sa TV5.

Para sa TAPE Inc. ay kawalan umano ng respeto para sa kanila ang ginawa ng GMA Network na talagan ipinamukha umano sa kanila na ang pantapat sa galing ng Eat Bulaga ng TVJ ay ang It's Showtime hindi ang Tahanang Pinakamasaya.

Isa Pang ABS-CBN Show Ililipat Sa GMA7

 Matapos mapaalis sa TV5, usap-usapan ngayon sa ilang mga social media platforms ang posibleng pagkakalipat ng isa pang Kapamilya show sa GMA7.

Mainit na pinag-uusapan ngayon sa ilang mga social media platforms ang patungkol sa posibilidad na malilipat rin umano sa GMA Network ng Kapamilya show na Magandang Buhay matapos itong masipa mula sa TV5.

Ayon sa aming mga nakalap na impormasyon ay pina-final na lamang umano ng ABS-CBN at GMA Network ang simulcast ng nasabing morning talk show.

Samantala, naniniwala naman ngayon ang ilang mga netizens na may posibilidad na may katotohanan ang balitang ito dahil nauna nang nailipat sa main channel ng GMA7 ang Kapamilya noontime show na It's Showtime bilang pangunahing show nila.

Matatandaan na hindi man lamang nagkaroon ng abiso na hindi na pala mapapanood ang morning talk show na Magandang Buhay dahil akala ng maraming mga fans na ililipat lamang ito ng timeslot subalit hindi na ito napanood.

Ang morning talk show na Magandang Buhay ay pinangungunahan nina Regine Velasquez, Melai Cantiveros at Jolina Magdangal ay unang umire sa 9:30 a.m timeslot ng TV5 noong February 2023.

Inilipat naman sila sa panibagong timeslot na 7:00 a.m ng TV5 noong June 2023 kung saan tanging replays na lamang ang kanilang ipinapalabas, at usap-usapang ililipat muli sila sa mas maagang timeslot na 6:00 a.m subalit tila hindi na umano pumayag ang management kaya pinull-out na lamang ang show sa TV5.

Sa kabilang banda, marami naman sa mga tagasuporta ng ABS-CBN ang bumabatikos sa TV5 dahil iniitsapwera nila ang mga shows ng ABS-CBN na umiire sa kanilang channel.

Naua na rito ang planong paglipat ng timeslot noon ng It's Showtime at ibigay ang dating timeslot nito sa TVJ na kalilipat lamang sa kanila dahil sa naging internal issue sa TAPE Inc.

Ngayon ay ang Magandang Buhay naman umano ang inatsapwera nito.

Samantala, hindi naman pabor ang ilang mga fans ng GMA7 sa pangungupkop ng network sa mga shows ng ABS-CBN dahil tila pinapatunayan lamang umano nito na mas magaling talaga ang mga talents ng Kapamilya networks.

Daniel Padilla Hindi Pa over Kay Kathryn Bernardo Nagpost Ng 'Cryptic Birthday Message Para Sa Kanya

 Tila hindi pa rin nakakamove-on ang aktor na si Daniel Padilla sa kanyang ex-girlfriend na si Kathryn Bernardo dahil sa pagbabahagi ng isang birthday greeting sa kanyang social media account.

Usap-usapan ngayon sa ilang mga social media platform ang ibinahaging Instagram stories ni Daniel Padilla nitong pagsapit ng 12 midnigt ng March 26, 2024.

Nagbahagi ng isang graphic image si Daniel Padilla na kung titingnan namang mabuti ay parang inuukit nito ang mukha ni Kathryn Bernardo.

Nakasulat naman sa Japanese ang dedication at pagbati ni Daniel Padilla para rito na Happy Birthday to you.

Marami ang naghinala na sa ganitong paraan binati ni Daniel Padilla si Kathryn Bernardo na dati niyang kasintahan dahil nawalan na siya ng karapatang batiin ito ng hayagan mula ng maghiwalay silang dalawa.

Samantala, marami naman sa kanilang mga tagahanga ang kinilig sa gestures ni Daniel Padilla dahil kahit na naghiwalay na sila ay hindi pa rin kinakalimutan ni Daniel Padilla si Kathryn Bernardo.

Hindi naman lingid sa kaalaman ng lahat na ito ang kauna-unahang pagkakataon na magsi-celebrate si Kathryn Bernardo ng birthday na hiwalay na sila ni Daniel Padilla.

Samantala, may mga fans naman na pinayuhan na lamang si Daniel Padilla na magmove-on na lamang at itigil na ang pagpapapansin kay Kathryn Bernardo sa kaarawan nito dahil tila limot naman na siya ng aktres.

Nitong March 26, 2024, ipinagdiriwang ni Kathryn Bernardo ang kanyang ika-28 na kaarawan, kasabay nito ibinahagi rin ni Kathryn Bernardo ang kanyang panibagong milestone bilang kauna-unahang Pilipina na naging ambassador ng isang French luxury brand ng pabango.

Sa kanyang Instagram post, ibinahagi ni Kathryn Bernardo na isa na siyang brand ambassadress ng luxury brand na Lancome.

Kung saan ibinahagi niya ang makahulugan at empowering caption, "Don’t let anyone tell you that you’re not allowed to redefine who you are. Everyone’s a work in progress. Here’s to you—because you can be your own Idôle."

Ang Idôle sa post ni Kathryn Bernardo ay ang perfume line ng Lancome.

Samantala, nauna nang naiulat na parehong dumalo sa kasalan nina Ria Atayde at Zanjoe Marudo sina Kathryn Bernardo at Daniel Padilla subalit hindi naman malinaw kung sabay ba silang dumating o kung nagpang-abot ba sila sa nasabing okasyon.

Sa kabilang banda, marami sa mga fans ni Kathryn Bernardo ang nagbubunyi ngayon dahil sunod-sunod umano ang natatanggap ngayong blessings ni Kathryn Bernardo matapos ang pag-amin na hiwalay na sila ni Daniel Padilla.

View this post on Instagram

A post shared by Kathryn Bernardo 🐘 (@bernardokath)

JK Labajo Nag Viral Dahil Sa Ginawa Sa Baby Na 2 Months Old Biglaang Natigil Ang Concert

 Viral at mainit na pinag-uusapan ngayon sa ilang mga social media platforms ang video ni JK Labajo kung saan bigla niyang ipinatigil ang kanyang concert sa Paniki, Tarlac dahil sa isang two months old baby na nasa harapan niya habang tinutugtog ang kantang 'Ere'.

Avid fan umano ng aktor ang mga magulang ng bata kaya naman napilitan silang dalhin sa concert ang kanilang anak.

Kaagad naman pinaakyat ni JK Labajo sa stage ang mga magulang ng bata at pansamantalang itinigil muna ang concert.

Pinangaralan ni JK Labajo ang mga magulang ng bata sa kung ano ang maaring mangyari sa kanilang ginawa.

Inamin naman ng ama ng bata na gusto niya talagang makapanood ng concert at nais rin niyang mapansin sila ni JK Labajo. Sa katunayan may dala-dala pa silang kartolina kung saan nakasulat na gusto nilang makarga ni JK Labajo ang kanilang anak.

Aminado naman si JK Labajo na hindi niya nagustuhan ang gimik na ginawa ng mga magulang ng bata dahil nag-aalala siya sa kalusugan ng sanggol na dinala sa concert.

Ayon kay JK Labajo na marami pa naman umanong susunod na pagkakataon at marami pa naman siyang balak gawing kanta para sa kanyang mga tagahanga.

Kung palagi umano itong gawin ng mga magulang ng bata ay may posibilidad na maapektuhan ang  pandinig ng sanggol dahil masyado pa itong bata para isama sa concert.

Agad ding nagpahanap si JK Labajo ng headphone o muffler para mailagay sa bata para maproteksyunan ang pandinig nito na hindi pa fully develop.

Marami naman sa mga netizens ang humanga kay JK Labajo sa ginawa nito sa bata at sa pagpapangaral nito sa mga magulang ng bata. Pinalalahanan pa nito ang mga magulang ng bata na sa susunod ay huwag nang dalhin sa concert ang kanilang anak at iwan na lamang ito sa bahay.

Nakatanggap naman ng pambabatikos ngayon mula sa mga netizens ang mag-asawang nagdala sa kanilang anak sa concert para lamang magpapansin kay JK Labajo.

Bukod sa bata pa ito, maari rin umano itong magkasakit dahil gabi ang nasabing concert at napakalamig para sa batang katulad ng kanilang anak. Ni hindi umano nila sinuotan ng bonnet, medyas at jacket ang bata para panlaban sa lamig.

@23enitsirc

2 months old baby dinala sa concert ni JK😌

♬ original sound - Enitsirk🦋

Xian Lim Inamin Na Nawala Na Lang Ang Pagmamahal Kay Kim Chiu, Isiniwalat Ang Gagawin Kung Maibabalik Ang Panahon

 Nilinaw ng Kapamilya actress-TV host na ok lang para sa kanya na muling makatrabaho ang dating boyfriend na si Xian Lim lalo na ngayong lilipat na sa GMA Network ang noontime show na It's Showtime na kanyang kinabibilangan.

Sa isang panayam kay Chinita Princess Kim Chiu naitanong sa kanya kung ano ang masasabi niya sa posibilidad na pagiging guest ni Xian Lim na dati niyang boyfriend sa paglipat ng kanilang show sa GMA Network.

Ayon sa naging pahayag ni Kim Chiu, ok lang naman na maging guest nila sa show si Xian Lim at mag-prod roon dahil hindi naman umano sila magkaaway.

Kamakailan lamang ay inamin nina Xian Lim at Kim Chiu sa pamamagitan ng kani-kanilang social media post na pinili nilang tapusin ang kanilang 12 years relationship. 

Hindi naman nila isiniwalat ang dahilan nito subalit siniguro nila sa kanilang fans na maayos nilang tinapos ang kanilang pagmamahalan at wala silang galit sa isa't-isa.

Samantala, sa isang panayam kay Xian Lim tahasang inamin nitong bigla na lamang naglaho ang nararamdaman niyang pag-ibig para kay Kim Chiu.

Sa nasabing panayam ibinahagi rin ni Xian Lim ang kanyang ga natutunan sa pag-ibig.

Ayon kay Xian Lim, "Love is very painful, and it's also a magical feeling. But a certain point love disappear."

Sa puntong nawawala na umano ang pag-ibig ay doon na nagiging choice ang pagmamahal. Choice to stay together at ipaglaban ang isa't-isa.

Iginiit pa ni Xian Lim na kung mabibigyan siya ng pagkakataon na makabalik sa nakaraan ay wala siyang babaguhin sa lahat ng nangyari sa kanyang buhay at papanoodin na lamang niya ang kanyang sarili sa mga choices nito noon.

Naniniwala din kasi umano si Xian Lim na lahat ng mga nangyayari sa past ay nakatulong sa kung ano ang kinahinatnan niya ngayon.

Matatandaan na bago pa man inamin nina Xian Lim at Kim Chiu ang kanilang paghihiwalay, nauna nang binura ni Xian Lim ang mga vlogs na pinagsamahan nila ni Kim Chiu na naka-upload sa kanyang YouTube channel.

Dahil dito, lalong tumindi ang paniniwala noon ng mga netizens na matagal nang hiwalay sina Kim Chiu at Xian Lim at inilihim na muna sa lahat dahil pinoproseso pa umano ni Kim Chiu ang nangyari.

Samantala, taliwas sa pahayag ni Xian Lim naniniwala ang maraming mga netizens na hindi basta-basta nawawala ang pag-ibig.

Nawawala lamang umano ito kapag may mabigat na dahilan o di kaya naman ay mayroon nang ibang minamahal.

Gabby Eigenmann, Ipinagtanggol si Andi Eigenmann Sa Pambabatikos

 Ipinagtanggol ng Kapuso aktor na si Gabby Eigenmann ang kanyang half-sister na si Andi Eigenmann laban sa mga bumabatikos rito sa social media kaugnay sa mga ginagawa nito matapos ang pagpanaw ng inang si Jaclyn Jose.

Dinipensahan ni Gabby Eigenmann ang kanyang kapatid na si Andi Eigenmann na nakakatanggap ng kaliwa't-kanang pambabatikos mula sa mga netizens. Marami ang nanghuhusga ngayon kay Andi Eigenmann sa social media dahil may kumukwestyun kasi sa mga ginagawa ngayon ng aktres na pagbabahagi ng mga larawan at mensahe para kay Jaclyn Jose.

Mula noong napabalitang pumanaw na si Jaclyn Jose ay naging sunod-sunod na ang pagbabahagi ni Andi Eigenmann ng mga larawan kung saan makikitang magkasama silang dalawa kalakip ang kanyang pasasalamat at mensahe para sa ina.

Ayon sa mga netizens dapat ay noon pa ito ginawa ni Andi Eigenmann upang makarating at mabasa pa ito ni Jaclyn Jose hindi ngayong tila huli na ang lahat dahil hindi na ito mababasa pa ng yumaong aktres.

Kaagad naman ipinagtanggol ni Gabby ang kanyang kapatid sa naganap na grand media conference para sa teleseryeng kinabibilangan na My Guardian Alien at ipinuntong wala naman umanong schedule kung kailan dapat magpost at hindi rin naman umano alam ni Andi Eigenmann na may mangyayari sa kanyang ina.

Iginiit pa ni Gabby Eigenmann, na wala naman umanong nakakaalam sa kung ano ang huling usapan nina Andi at Jaclyn Jose kaya naman ay hindi umano nararapat na husgahan si Andi sa kanyang mga ginagawa ngayon.

Naitanong rin kay Gabby Eigenmann kung kumusta na ngayon si Andi Eigenmann matapos ang libing ng batikang aktres na si Jaclyn Jose.

Ayon kay Gabby, maayos naman umano si Andi Eigenmann sa katunayan ay back to reality na umano ito sa Isla ng Siargao unti-unti na umano itong nagmomove-on sa nangyari sa ina.

May mga pagkakataon man umano na namimiss nito ang kanyang ina lalo na sa tuwing nag-iisa ito dahil maging siya ay may pagkakataon pa rin umanong namimiss ang yumaong ama na si Mark Gil.

Ibinahagi rin ni Gabby Eigenmann ang aral na napulot niya sa biglaang pagpanaw ni Jaclyn Jose, ito ay 'life is short'. Kaya naman. nararapat lamang umano na ngayon palang ay alagaan na ang sarili at mas pagtibayin ang connection sa ibang tao.

Nararapat rin umanong magbigay ng kapatawaran sa ibang tao kung may kagalit ka para sa iyong sariling healing.

Xian Lim Inamin Na Gustong Makipagbalikan Kay Kim Chiu Nageselos Kay Paulo Avelino

 Usap-usapan ngayon sa ilang mga social media platforms ang mga haka-hakang inamin umano ng aktor-direktor na si Xian Lim na nais niyang balikan si Kim Chiu matapos itong malink ngayon sa kanyang leading man na si Paulo Avelino.

Marami sa mga netizens ang naghihinalang hindi pa rin nakakamove-on hanggang ngayon ang aktor na sa kanyang ex-girlfriend na si Kim Chiu dahil ayon sa naging panayam umano ni Xian Lim ay kung mabibigyan lamang siya ng pagkakataon ay babalikan niya ang aktres subalit ngayon ay malabo na umano itong mangyari.

Inamin rin ni Xian Lim na hanggang ngayon ay hindi pa rin nawawala ang pagmamahal niya para kay Kim Chiu dahil matagal rin silang naging magkarelasyon.

May mga nagsasabi rin naman na kaya nagnanais ngayon si Xian Lim na balikan ang aktres dahil nagseselos ito sa closeness ni Kim Chiu sa kanyang leading man na si Paulo Avelino na napapabalita na ring bagong boyfriend nito.

Matatandaan na noong huling bahagi ng December 2023, tuluyang kinumpirma nina Kim Chiu at Xian Lim ang kanilang paghihiwalay na ilang buwan ring naging laman ng mga usap-usapan sa social media.

Bagama't hindi naman nila isiniwalat ang totoong dahilan ng kanilang paghihiwalay, kumbinsido ang ilang mga netizens na si Xian Lim ang tumapos sa kanilang relasyon dahil hindi pa umano ito handang mag-settle down.

Mas priority pa umano ni Xian Lim na tulungan ang kanyang sariling pamilya kaysa sa pagpapakasal kay Kim Chiu. May mga naghinala rin na ang dahilan ng aktor para iwanan ang aktres ay dahil sa pamilya nito na hindi pa rin siya tinatanggap.

Sa kabilang banda, may mga naniniwala rin na kaya nakipaghiwalay si Xian Lim kay Kim Chiu ay dahil sa ibang babae na tumitibok ang kanyang puso, Tila nawalan na umano ng pag-ibig si Xian Lim kay Kim Chiu lalo na noong hindi na sila nagkakasama ng madalas dahil naging abala noon si Kim Chiu sa kanyang mga showbiz engagements.

Sam Milby at Catriona Gray Nagkabalikan Na! Tuloy Na Ang Kasalan Na Gaganapin Sa Australia!

 Kinumpirma na ng kampo ng celebrity couple na sina Catriona Gray at Sam Milby na maayos na ngayon ang relasyon ng dalawa matapos ang unang pagsisiwalat nila na may pinagdadaanan ang relasyon ng dalawa.

Kinumpirma na ng reliable sources na malapit sa celebrity couple,na magkarelasyon pa rin sina Catriona Gray at Sam Milby.

Matatandaan na kumalat noon ang mga bali-balitang naghiwalay na sina Catriona Gray at Sam Milby dahil may natuklasan umano ang aktres patungkol sa pagkatao ni Sam Milby na hindi katanggap-tanggap para sa kanya.

Hindi naman lingid sa kaalaman ng lahat na ilang beses ding napapabalita noon ang patungkol sa totoong kasarian ni Sam Milby, ngayon natuklasan na umano ito mismo ni Catriona na mayroong nakarelasyon na lalaki si Sam Milby na naging dahilan ng kanilang hindi pagkakaunawaan.

Ayon pa sa aming nakalap na impormasyon si Sam Milby mismo ang nakipaghiwalay kay Catriona Gray upang makaiwas sa isyu at para hindi na rin kumalat pa sa social media ang lahat.

Bagama't wala namang ibinigay na dahilan, sa pagkalat noon ng mga balitang may pinagdadaanan sina Catriona Gray at Sam Milby, marami ang naniniwalang may kinalaman sa totoong gender ni Sam Milby ang dahilan.

Iginiit naman noon ng Cornerstone management, na kinabibilangan pareho nina Sam Milby at Catriona Gray na hindi naman naghiwalay ang dalawa may pinagdadaanan lamang umano ang relasyon ng dalawa at inaayos naman nila ito.

May mga nagsasabi pang ang totoong dahilan nito ay ang pagkakamove ng kanilang kasal, tila nagkatampuhan umano ang dalawa dahil naka set na sana ang lahat kinailangan pang i-move ang kasal.

Nilinaw pa noon ng Cornerstone na hindi sana sila maglalabas ng kung anong pahayag patungkol sa relasyon ng kanilang talents subalit dahil marami nang naglabasan na mga haka-haka magmula noong isiniwalat ni Ogie Diaz ang patungkol sa hiwalayan nina Catriona Gray at Sam Milby.

Sa kabilang banda, unang naitakda ang kasalan nina Catriona Gray at Sam Milby sa darating na May 2024, magaganap naman ito sa Australia, subalit dahil sa schedule ng dalawa ay hindi pa umano alam kung kailan ito magaganap.

Kathryn Bernardo at Daniel Padilla 'Nagkatitigan' Agaw Eksena Sa Kasal Ni Ria Atayde & Zanjoe Marudo

 Dating magkarelasyon na sina Kathryn Bernardo at Daniel Padilla parehong dumalo sa kasal ng malalapit na kaibigan na sina Zanjoe Marudo at Ria Atayde noong sabado March 23, 2024.

Isang simple intimate civil wedding ang naganap sa pagitan ng celebrity couple na sina Zanjoe Marudo at Ria Atayde noong March 23, 2024 sa mismong 32nd birthday ng aktres na si Ria Atayde.

Naganap ang pag-iisang dibdib nina Zanjoe Marudo at Ria Atayde sa Quezon City Hall kung saan tanging pamilya at malalapit lamang na mga kaibigan ng dalawa ang naroroon.

Matapos ang wedding ceremony ay sinundan naman ito ng engrandeng wedding reception na dinaluhan ng kanilang mga kaibigan at mga kasamahan sa showbiz industry.

Kabilang sa mga dumalo sa reception ay ang dating magkasintahan na sina Daniel Padilla at Kathryn Bernardo. Bagama't hindi naman sila nakitang nagkasama sa iisang larawan at mga videos, naniniwala pa rin ang kanilang mga solid fans na nagkaroon pa rin sila ng kunting interaction sa isa't-isa at nagkumustahan rin.

Samantala, sa pagdalo ni Kathryn Bernardo sa kasal at birthday celebration nina Ria Atayde, natuldukan na ang mga usap-usapan noon na nagtapos na ang pagkakaibigan nina Ria Atayde at Zanjoe Marudo kay Kathryn Bernardo.

Matatandaan, na matapos aminin nina Kathryn Bernardo at Daniel Padilla ang kanilang paghihiwalay ay kumalat ang mga isyung hindi na maayos ang pagkakaibigan nina Kathryn Bernardo at Ria Atayde dahil hindi na sila namamataan na magkasama sa bakasyon.

Maging sa mga social media posts ni Ria Atayde ay hindi na rin nag-iiwan ng komento si Kathryn Bernardo at gayundin naman si Ria Atayde sa aktres.

Kaya naman marami ngayon sa mga tagahanga nina Ria Atayde, Zanjoe Marudo at Kathryn Bernardo ang nasiyahan dahil maayos pa rin pala ang kanilang pagkakaibigan kahit pa naghiwalay na sina Kathryn Bernardo at Daniel Padilla.

Vice Ganda May Bwelta Sa Pasaring Ng TVJ Sa Paglipat Nila Sa GMA7

 Pinag-uusapan ngayon sa ilang mga social media platforms ang tila patutsada ni Vice Ganda laban sa mga naging pasaring ni Joey De Leon sa paglipat nila sa GMA Network.

Hindi pa man opisyal na napapanood sa GMA Network ang It's Showtime ay tila nag-umpisa na ang sagupaan ng mga hosts ng magiging magkatapat na show na Eat Bulaga at It's Showtime.

Matatandaan na tila inungkat ni Joey De Leon ang naging one liner ni Vice Ganda at sinasabing ang GMA ay where you belong, bakit sila naglilipatan, they don't care where we belong ang iniintindi namin ay ang to belong, to be the longest.

Ayon naman kay Vice Ganda, sa dinarami-rami ng pinagdaanan nila ngayon pa ba sila susuko. Marami man umano siyang naririnig ngayon, iisa lamang umano ang layunin nila ang magpasaya ng mga madlang pipol.

Pinipili na lamang rin umano nila na huwag na lamang pansinin ang mga pambabatikos na natatanggap online. Mas tinitingnan na lamang umano ni Vice Ganda at ikinasisiya na may mga taong naniniwala sa kanilang galing at patuloy silang ipinagtatanggol.

Sa kabilang banda, inihayag naman nina Tito Sotto, Vic Sotto at Joey De Leon na hindi sila bothered sa paglipat ng It's Showtime sa GMA7 kung saan mabibigyan ng opportunity ang It's Showtime na mapanood sa mas malawak na audience dahil umaabot ang reception ng GMA7 sa maraming liblib na lugar sa Pilipinas.

Bukod pa rito, isa ring free channel ang GMA na mapapanood ng mga analog TV. Subalit, hindi naman umano kinakabahan ang TVJ na maaring makaapekto sa kanilang ratings. Naniniwala umano si Tito Sotto na hindi makakaapekto sa kanila ang It's Showtime dahil noon pa man ay katapat na nila ito sa panahong may prangkisa pa ang ABS-CBN.

Gayunpaman, mas mataas pa rin naman umano ang kanilang ratings noon kaysa sa It's Showtime. Naniniwala rin umano ang Eat Bulaga hosts, na-established na ang kanilang viewers bilang sila ang may hawak sa titulong longest running TV show ng bansa.

GMA Network Binigyan Ng Tatlong Buwan Na Palugit Ang It's Showtime Para Talunin Ang TVJ Sa Ratings!

 Usap-usapan ngayon sa ilang mga social media platforms ang patungkol sa mga bali-balitang binigyan lamang umano ng palugit ng GMA Network ang It's Showtime sa paglipat ng kanilang show sa kanilang bakuran.

Kumakalat ngayon sa ilang mga social media platforms ang usaping binigyan lamang ng tatlong buwang palugit ni GMA Network ang It's Showtime na tumaas ang ratings at matalo ang show ng TVJ na namamayagpag ngayon sa TV5.

Ikinatuwa naman ng nakakaraming mga televiewers at netizens ang paglipat ng It's Showtime sa GMA Network dahil tiyak umanong magiging mas matindi umano ang tapatan ng mga noontime shows sa pagitan ng Eat Bulaga ng TVJ sa TV5 at It's Showtime nina Vice Ganda sa GMA7.

Samantala, may ilan namang netizens ang hindi nasisiyahan sa ginawang hakbang ng GMA Network sa pagtitiwala sa mga artists ng kabilang network para matalo ang katapat na TV5.

Mas pinagkakatiwalaan pa umano ng GMA ang Kapamilya artists dahil mas pinili nilang kunin ang It's Showtime kaysa sa pagpo-produce ng sariling show na itatapat sa TV5.

Tila inamin na rin umano ng GMA bosses na mas magaling ang mga hosts ng ABS-CBN kaysa sa kanilang talents.

Sa kabilang banda, usap-usapan naman ngayon ang balitang tatlong buwan lamang ang ibinigay ng GMA7 sa It's Showtime para talunin ang show ng TV5, at nakasaad umano ito sa kontrata na kanilang pinermahan noong nakaraang myerkueles.

Hindi naman umano kumpirmado na nakasaad sa kontrata, na tatanggalin ng GMA ang It's Showtime sa kanilang network kung sakaling hindi nila matatalo sa ratings ang Eat Bulaga ng TVJ na kasalukuyang nangunguna sa ratings.

Isa pa sa mga pinag-ugatan ng isyung ito ay ang pag-amin ni Vice Ganda sa kanyang naging speech na umano'y nakakapressure at mas lalo pa nilang gagalingan ang performance.

Hiniling pa umano noon ni Vice Ganda sa GMA na dagdagan pa ang kanilang palugit para matalo ang TVJ dahil napakaikli naman umano ng tatlong buwan na ibinigay sa kanila.

Vice Ganda May Ibinunyag Matapos Ang Contract Signing Sa GMA7

 Kaagad na nagtrending sa social media ang panibagong vlog na ibinahagi ni Vice Ganda sa kanyang YouTube channel, patungkol sa naganap na contract signing ng GMA Network at ABS-CBN para sa paglipat ng It's Showtime sa Kapuso Network.

Nagsimula ang vlog ni Vice Ganda sa kaganapan sa dressing room bago ang pagpunta ng mga It's Showtime hosts sa GMA.

Makikita rin sa nasabing vlog ang pakikipagkulitan ni Vice Ganda sa kanyang mga co-hosts na sina Vhong Navarro, Jhong Hilario, Ogie Alcasid, Anne Curtis, MC, at sa asawa niyang si Ion Perez.

Ipinakita rin ni Vice Ganda ang ilang mga kaganapan sa contract signing ng ABS-CBN at GMA Bosses.

Samantala ang nakakuha ng pansin ng mga netizens ay ang naganap na celebratory dinner kung saan kausap ni Vice Ganda ang isa sa mga original hosts ng show na si Vhong Navarro.

Ayon sa pagkukwento ni Vhong Navarro, hindi umano ipinaalam sa kanila ni Vice Ganda ang nagaganap na negosasyon sa pagitan ng ABS-CBN at GMA Network patungkol sa kahihinatnan ng kanilang show bago pa ang contract signing.

Ipinahayag ni Vhong Navarro kay Vice Ganda ang kanyang paghanga sa kasamahan dahil nagagawa pa rin nitong magtrabaho ng maayos sa kabila ng mga nalalaman nito.

Ayon pa kay Vhong Navarro kung sakaling siya ang may alam ng mga nalalaman ni Vice Ganda ay tiyak umanong hindi niya ito kakayanin lalo na't live ang kanilang show.

Dagdag pa ni Vhong Navarro na kung siya ang may alam ay mahihirapan siyang papasok sa trabaho at magpapatawa.

Pag-amin naman ni Vice Ganda na hindi naging madali ang journey ng paglipat ng It's Showtime sa GMA7 marami umano itong alon na sinikreto na muna niya sa kanyang mga kasamahan dahil alam niyang makakaapekto ito sa performance at trabaho ng mga ito.

Saka na umano ito ipinaalam ni Vice Ganda sa kanyang mga kasamahan nang maging maayos na ang lahat at nang maging happy-happy na ang lahat.

Kaagad namang nagpasalamat si Vhong Navarro kay Vice Ganda sa pag-aabsorb nito sa lahat ng mga problema para lamang maprotektahan sila.

Bukod sa pagiging co-prodeced ng GMA at ABS-CBN ang It's Showtime hindi pa naman malinaw kung ano pa ang magaganap na pagbabago sa kanilang paglipat sa GMA Network.

Full Story! Ikinasal Na Sina Ria Atayde and Zanjoe Marudo Wedding 3.23.24

 Ikinasal na ang celebrity couple na sina Ria Atayde at Zanjoe Marudo, ibinahagi mismo ng aktor ang masayang balitang ito dalawang araw matapos ang kanilang actual wedding.

Ikinabigla ng mga tagahanga nina Zanjoe Marudo at Ria Atayde ng ibinahagi mismo ng aktor nitong March 25, 2024 ang balitang ikinasal na silang dalawa.

Nagbahagi ng ilang mga piling larawan sina Zanjoe Marudo sa kanyang social media account na kuha mula sa kasal nila ni Ria Atayde. Sa caption isiniwalat ni Zanjoe na noon pang March 23, 2024 sa mismong ika-32 na kaarawan ni Ria Atayde.

Caption ni Zanjoe Marudo sa kanyang post, "3.23.24 happy birthday my WIFE."

Sa comment section ng post ni Zanjoe Marudo, malugod na tinanggap ng kapatid ni Ria Atayde na si Gela Atayde si Zanjoe Marudo sa kanilang pamilya.

Kasunod nito, ang mga pagbati na ng mga kaibigan at mga mahal sa buhay nilang dalawa.

Matatandaan na nitong sabado ay spotted pa ng maraming mga netizens ang masayang celebration ni Ria Atayde sa kanyang kaarawan kasama si Zanjoe Marudo na todo pag-alalay sa kanya.

Kapansin-pansin rin na naka-formal attire ang mga bisita nila sa nasabing okasyon gayung naka-casual lang naman sina Ria Atayde at Zanjoe Marudo.

Matapos ang pagsisiwalat ni Zanjoe kaagad na naiugnay ng mga netizens ang nangyaring okasyon bago ang birthday celebration. 

Kabilang sa mga namataan sa birthday party ni Ria Atayde ay sina Kathryn Bernardo, Joshua Garcia, Darren Espanto.

Sa pagpapakasal ngayon nina Ria Atayde at Zanjoe Marudo, lalong tumitibay ang paniniwala ng mga netizens na totoo ang isyung nagdadalang tao ngayon si Ria Atayde dahil sa biglaang engagement at madaliang pagpapakasal ng dalawa.

Samantala, marami naman ang nagsasabing kung totoo mang nagbubuntis ngayon si Ria Atayde bakit sa naunang panayam kay Gela ay itinanggi ito. Inilahad pa noon ni Gela na gusto nang magbuntis ni Ria Atayde subalit nahihirapan ito dahil sa pagkakaroon nito ng PCOS.

Sa likod ng mga isyung ito, hiling ng mga tagahanga nina Zanjoe Marudo at Ria Atayde na maging masaya sila sa kanilang pagsasama at maging matatag katulad ng pagsasama ng iba pang mga celebrity couples na hanggang ngayon ay nagsasama pa rin.

View this post on Instagram

A post shared by zanjoe marudo (@onlyzanjoemarudo)

Vice Ganda Binanatan Sa Paglipat Sa GMA Network ni Cristy Fermin

 Mainit na pinag-uusapan nina Cristy Fermin at Rommel Chika sa isang episode ng Cristy Ferminute ang paglipat ng Kapamilya show na It's Showtime sa noontime slot ng GMA Network matapos itong mabakante ng Tahanang Pinakamasaya na dating Eat Bulaga na pinangungunahan noong ng TVJ na ngayon ay nasa TV5 na.

Sa nasabing episode ng Cristy Ferminute, isa-isang binasa ni Cristy Fermin ang mga text messages ng mga netizens na hindi pumabor sa paglipat ng It's Showtime sa GMA.

May mga netizens ang nagsasabing naawa sila sa mga Kapuso artist na mabibigyan sana ng trabaho kung mas pinili ng GMA7 na mag-produced ng sarili nilang noontime show.

Binalikan pa ng ilang mga netizens, ang ginawa noon ni Vice Ganda sa GMA7 noong may prangkisa pa ang ABS-CBN. Ayon sa kanila, ilang beses din umanong pinasaringan at binanatan noon ni Vice Ganda ang GMA7 at mga artista nito.

Ilang beses rin umanong nilait ni Vice Ganda ang Kapuso network lalo na noong nagsilipatan sa ABS-CBN ang kanilang mga magagaling na talents.

Ayon sa pa sa ilang mga netizens, na hindi na umano 'Kabayo' ngayon si Vice Ganda kundi isa na itong 'pusa', pusa dahil kinain umano nito mismo ang kanyang mga sinasabi noon.

Muli ring pinuna ni Cristy Fermin ang ugali ni Vice Ganda na tuluyan na umanong nilamon ng kanyang kasikatan.

Dagdag pa ni Rommel Chika na dating nakakasama noon ni Vice Ganda sa mga comedy bar, sa pangarap ni Vice Ganda na maging magaling na magaling ay nakalimutan na umano nito ang pagiging mabuti dahil ginusto na umano ngayon ni Vice Ganda na maging bida sa lahat.

Samantala, iginiit naman ni Cristy Fermin na naniniwala siyang kakambal na ng inunan ni Vice Ganda o simula pa pagkabata ang masamang ugali nito.

Hindi rin umano maaring sabihin na kaya bastos si Vice Ganda ngayon dahil sikat na siya dahil marami naman umanong sikat na hindi naman bastos.

Hindi rin umano masasabing kaya mayabang ngayon si Vice Ganda dahil marami na siyang pera dahil marami naman umanong mapepera ngayon na hindi naman nagmamayabang kagaya ni Vice Ganda.

Kathryn at Daniel Spotted Sa Matchy Matchy Outfit! Patunay Na Nagkabalikan Na Ang Dalawa

 Muling naging laman ng mga usap-usapan sa ilang mga social media platforms at ilang mga entertainment sites ang dating celebrity couple na sina Kathryn Bernardo at Daniel Padilla nang mapansin ang ng ilang mga netizens ang mga larawang kamakailan lamang kinunan kung saan parehong naroon sina Daniel Padilla at Kathryn Bernardo.

Trending at pinag-uusapan ngayon sa social media sina Kathryn Bernardo at Daniel Padilla dahil sa napansin ng mga netizens na tila nasa iisang lugar lamang sila.

Bagama't hindi naman sila nakitang magkasama sa iisang litrato, kapansin-pansin sa mga larawan na ang mga taong nakasama ni Kathryn Bernardo sa larawan ay kasama rin ni Daniel Padilla. Masasabing nasa iisang lugar lamang sila at iisang pagkakataon dahil sa mga suot nitong damit.

Bukod pa rito, kapansin-pansin rin ang mga suot nilang matchy outfit, parehong naka puting tops at black pants ang dalawa.

Matatandaan na marami ang nagulat ng isiwalat nina Kathryn Bernardo at Daniel Padilla ang kanilang hiwalayan noong November 30, 2023.

Gayunpaman, patuloy namang naniniwala ang mga solid fans ng dalawa na magkakabalikan rin silang dalawa dahil hindi naman umano madaling kalimutan ang 11 years nilang pagiging mag-boyfriend-girlfriend.

Marami ang naghinala na baka nagkabalikan na ang dalawa subalit tinatago lamang nila ito sa publiko para na rin sa kanilang privacy.

Hinala pa ng mga tagahanga ng dalawa, na kaya nila tinatago ang kanilang relasyon ngayon ay dahil umiiwas rin sila sa isyu. Hindi naman lingid sa kaalaman ng lahat ang mga naglabasang mga isyu noong kasagsagan ng usapin patungkol sa kanilang paghihiwalay.

Sa katunayan, hanggang ngayon ay may mga nambabatikos pa rin kay Daniel Padilla dahil marami ang naniniwalang niloloko nito si Kathryn Bernardo.

Sa kabilang banda, marami naman sa mga netizens ang hindi nakumbinse sa mga naglabasang larawan nina Kathryn Bernardo at Daniel Padilla. Ipinunto pa ng ilan na talagang masasabing nasa iisang oras at pagkakataon sina Kathryn Bernardo dahil sa mga suot ng kanilang mga fans subalit naka uniform umano ang mga ito kaya naman ganoon ang suot nila sa araw-araw.

May mga nagsasabi pa na masaya ngayon si Kathryn Bernardo sa pagiging single kung saan wala nang pumipigil pa sa kanyang mga nais gawin mapa sa damit man o sa mga proyektong gagawin.

Albie CasiÑO Natanung Tungkol Sa Pagpanaw Ni Jaclyn Jose: 'Bakit Ako Makikiramay?'

 Naglabas na ng pahayag ang aktor na si Albie Casino patungkol sa hindi niya pagpunta sa burol ng yumaong batikang aktres na si Jaclyn Jose noong March 2, 2024.

Sa kamakailang mediacon para sa panibagong pelikula ni Albie Casino na 'Kasalo' kabilang sa mga naitanong sa kanya kung bakit hindi siya nagpunta sa burol ni Jaclyn Jose at hindi umano siya nakiramay sa mga naulilang mahal nito sa buhay.

Ayon kay Albie Casino, hindi na umano siya nagpunta sa lamay ng namayapang si Jaclyn Jose dahil hindi naman umano niya alam kung welcome ba siyang magpunta roon.

Sa nasabing mediacon inamin rin ni Albie Casino na hindi siya apektado sa pagpanaw ni Jaclyn Jose na ina ng kanyang ex-girlfriend na si Andi Eigenmann.

Ayon kay Albie Casino, nawa'y magkaroon ng kapayapaan ang kaluluwa ni Jaclyn Jose at nagbigay rin siya ng kanyang condolences sa mga taong nagmamahal sa aktres, subalit iginiit niyang hindi naman siya apektado sa nangyari.

Ipinunto pa ni Albie Casino na hindi naman na niya kailangan pa na magpunta sa wake nito dahil maaring hindi siya welcome given na ang nakaraan nila ni Andi Eigenmann.

"I don't think my presence would be welcome there so bakit ako makikiramay, di ba?" pahayag ni Albie Casino.

Dati nang nasangkot si Albie Casiño sa isang paternity controversy nang mabuntis si Andi Eigenmann noong 2011. Kung saan ituro niya ang "Can't Buy Me Love" star na si Albie Casinobilang ama. Mahigpit naman itong tinanggihan ni Albie Casino na nagdulot ng backlash mula sa publiko.

Sa huli ay nabunyag na ang totoong ama ng anak ni Andi Eigenmann na si Ellie ay si Jake Ejercito, na isang dating kasintahan ng aktres, ayon sa kapatid ni Andi sa ama, na si Max.

Kim Chiu at Paulo Avelino Magkasamang Magbabakasyon

 Bagama't ilang beses na ring nabigo sa pag-ibig, inilahad ng Kapamilya actress at TV-host na si Kim Chiu na hindi naman niya sinasarado ang kanyang puso sa posibleng panibagong karelasyon.

Gayunpaman sa ngayon ay mas pinagtutuunan muna umano niya ang kanyang showbiz career lalo na't nagsunod-sunod ang kanyang mga projects.

Sa kabilang banda, patuloy namang nai-link si Kim Chiu sa kanyang kasamahang aktor ngayon na si Paulo Avelino. Marami pa ang mga nagkukumpirma sa kanilang relasyon subalit patuloy naman na nanahimik ang dalawa.

Samantala, marami naman ang humihiling na nasa ay maging totohanan na ang kanilang pagtitinginan dahil marami ang nadadala sa kanilang mga nakakakilig na scenes.

Hindi rin umano maitatanggi ang lakas ng kanilang chemistry dahilan para lalong mamayagpag ang kanilang loveteam.

Samantala, sa naunang mga panayam ni Kim Chiu, iginiit ng aktres na magkaibigan lamang sila ni Paulo Avelino at ginagawa lamang umano nila ang mga nakakakilig na tagpo dahil sa mga pinagsamahan nilang projects.

Sa kabilang banda, marami naman ang nagsasabing totoong nagkakamabutihan na ang dalawa dahil kakaiba na umano ang ipinapakita nilang sweetness.

May mga naghinala pa na kaya tinatago umano ng dalawa ang kanilang pagkakamabutihan ay dahil iniiwasan nila ang maisyu dahil kagagaling pa lamang sa hiwalayan ni Kim Chiu habang si Paulo Avelino naman ay nalilink noon sa dati niyang leading lady na si Janine Gutierrez.

Samantala, lalong lumakas ang hinala ng mga netizens dahil sa napapabalitang pagbabakasyon umano nina Paulo Avelino at Kim Chiu, sa ngayon ay hindi pa naman kumpirmado kung mayroon ba silang kasama sa bakasyon o sila lamang dalawa.

Kilig na kilig naman ang mga tagahanga nina Paulo Avelino at Kim Chiu nang mapansin nila ang suot na singsing ng aktres na pinaghihinalaan nilang promise ring mula kay Paulo Avelino.

Nag-iilusyon ngayon ang kanilang mga fans na binigyan ni Paulo Avelino ng promise ring si Kim Chiu at nangakong ito na ang mamahalin.