Toni Gonzaga Balik ABS-CBN Network

 Kinumpirma na ng Presidential Communications na tuluyan nang nagresign sa kanyang posisyon bilang Presidential Adviser on Creative Communications si Direk Paul Soriano, asawa ng actress-host, vlogger na si Toni Gonzaga.

Ayon sa PCO Secretary na si Atty. Cheloy E. Velicaria-Garafil, nagpadala umano siDirek Paul Soriano ng letter of resignation sa kadahilanang nais nitong unahin ang mga personal commitments.

Kabilang sa mga nais pagtuunan ng pansin ni Paul Soriano ay ang kanyang pamilya lalo pa't kapapanganak pa lamang ni Toni Gonzaga sa kanilang ikalawang anak.

Noong August 11, 2023, isinilang ni Toni Gonzaga ang panalawang anak nila ni Paul Soriano. Ang direktor pa mismo ang unang nagbahagi ng masayang balita sa kanyang social media account kalakip ang video ni Toni Gonzaga habang nasa hospital bed buhat ang bagong silang nilang sanggol.

"Tin and Paulina are both doing great. Thank you for all your prayers and support, God bless you."

Matatandaan na noong June 4, 2023, kinumpirma nina Toni Gonzaga ang kanyang pagbubuntis sa ikalawang anak nila ni Paul Soriano.

Sa kabilang banda, naghinala ang ilang mga netizens na ang pagreresign ni Paul Soriano sa kanyang posisyon bilang Presidential Adviser on Creative Communications ay may kaugnayan sa napapabalitang pagbabalik showbiz ni Toni Gonzaga.

May mga bulong-bulungan pa na magbabalik Kapamilya si Toni Gonzaga kasabay ng pagbubukas ng isang sikat na programa sa Kapamilya Network.

Matatandaan na matapos ang pagreresign ni Toni Gonzaga bilang main host ng Pinoy Big Brother noong 2022, pumirma ng kontrata si Toni Gonzaga sa AMBS na pagmamay-ari ni Former Senator Manny Villar.

Napanood rin sa nasabing network ang kanyang programa na Toni Talks. Subalit, naipatigil ang airing nito sa AMBS dahil sa kakulangan ng mga advertisers dala ng low signal reach ng nasabing network.

Isa pa sa mga itinuturong dahilan ay ang kawalan ng guest ni Toni Gonzaga sa nasabing show, dahil tumatanggi ang kanyang iniimbitahang artista.

Samantala, marami naman ang napapatanong kung may katotohanan nga ba ang haka-hakang babalik sa Kapamilya network si Toni Gonzaga.

Hindi naman kasi lingid sa kaalaman ng lahat na maraming mga Kapamilya fans at maging Kapamilya talents ang nagboycott kay Toni Gonzaga dahil sa pagsuporta ng actress sa mga kandidato na bumoto upang tuluyang mawalan ng prangkisa ang ABS-CBN.

Gayunpaman, hindi naman umano tinanggal ng ABS-CBN si Toni Gonzaga bagkus ay si Toni lamang umano ang nagdesisyong umalis kung saan inihayag niya ang kanyang resignation online.

Samantala, nagkaroon na umano ng pag-uusap sa pagitan ng mga ABS-CBN bosses at ni Toni Gonzaga kung saan ipinahayag umano nila sa aktres na welcome ito anytime sa ABS-CBN.

Gayunpaman, sa ngayon ay wala pa naman natatanggap na offer ang aktres kaya naman hindi pa rin nakikita si Toni sa bakuran ng ABS-CBN.

Pag-Unfollow Nina Issa Pressman, James Reid Pakulo o Karma?

 Naging mainit na usapin sa social media ang biglaang pag-unfollow nina Issa Pressman at James Reid sa isa't-isa ilang buwan matapos aminin ang kanilang romantic relastionship.

Umaani ngayon ng samu't-saring komento mula sa mga netizens ang biglaang pag-unfollow nina James Reid at Issa Pressman sa Instagram sa gitna ng mga maiinit na usapin hinggil sa paghihiwalay na ng ilang mga longtime celebrity couples na KimXi at KathNeil.

Sa panahon kasi ngayon ay naging batayan na ang social media platforms para magkaideya ang publiko sa estado ng relasyon ng celebrities.

Subalit, marami naman ang naghinalang baka nagkatampuhan lamang ang dalawa o di kaya ay pakulo lamang umano nila ito upang mapansin rin dahil sa mga pinag-uusapang break ups ngayon ng mga celebrities.

Kung mapapansin na hanggang ngayon ay hindi pa naman burado sa kani-kanilang mga Instagram accounts ang kanilang mga larawan na magkasama.

Matatandaan na nitong buwan ng September buong pagmamalaking ipinahayag ni James Reid sa isang panayam ng kung gaano siya kasaya sa piling ni Issa. Ipinahayag pa niyang inlove talaga siya rito.

“There’s no better way to say it. I’m very in love. I’m very happy. Six months ago, we just really clicked and, you know, we're very happy. It's been a crazy six months, roller coaster but super happy," pahayag noon ni James Reid.

Matatandaan rin na unang inamin ni James Reid ang kanilang relasyon ni Issa Pressman buwan ng Marso sa kasalukuyang taon.

Subalit, bago paman ang pag-amin ni James Reid ay nauna silang nagkaroon ng isyu kung saan pinaghihinalaan ng ilang mga netizens na si Issa Pressman ang totoong dahilan nang hiwalayan noon nina James Reid at Nadine Lustre.

Tukoy Na! Police Major Na Sangkot Sa Pagkawala Ni Miss Grand Philippines 2023 Candidate Catherine Camilon Sinampahan Na Ng Kaso

 Inilantad na ng mga kapulisan ang pagkakakilanlan ng mga kalalakihang sangkot sa pagkawala ng Miss Grand Philippines 2023 na si Catherine Camilon kabilang na ang isang Police Major.

Sinampahan na ng mga kasong kidnapping at serious illegal detention ang apat na indibidwal na pinaghihinalaang sangkot sa pagkawala ni Catherine Camilon kabilang na ang isang Police Major.

Sa isang press conference, sinabi ni PNP spokesperson Police Colonel Jean Fajardo na ang mga suspek na nahaharap sa mga kaso ay kinilala na sina Police Major Allan de Castro, Jeffrey Magpantay, at dalawang John Does.

“Nakapag-refer na po sila ng kasong violation po ng particularly kidnapping and serious illegal detention diyan po sa Batangas Provincial Prosecutor Office against Major Allan de Castro, at isa pang nagngangalang Jeffrey Ariola Magpantay, at dalawang pa pong John Does,” pahayag ng spokesperson.

Isiniwalat din ni Jean Fajardo na nakakita rin ang mga awtoridad ng posibleng sample ng dugo at hibla ng buhok mula sa isang SUV na iniuugnay sa pagkawala ng beauty queen.

Natagpuan ang sasakyan sa Barangay Dumuclay, Batangas City, ayon sa Criminal Investigation and Detection Group 4A nitong Biyernes.

Iginiit naman ng mga nagpakilalang saksi na ang sasakyan ay inabandona sa lugar simula noong Huwebes.

Dinala ang sasakyan sa Batangas Provincial Police Office para sumailalim sa forensic test, ayon sa pulisya.

Ipinahayag din ni Jean Fajardo na natukoy na ang may-ari ng nasabing sasakyan.

Matatandaan na may dalawang saksi na nagkapagsabing nakita nilang duguan si Catherine Camilon habang inilipat mula sa kanyang sasakyan patungo sa isa pang sasakyan noong October 12 2023.

Sinabi rin ng mga saksi na nakita nila ang isa sa mga persons of interest na nagtutok sa kanila ng baril. Personal driver umano ng second person of interest ang gunman.

Nauna nang sinabi ng pulisya na may dalawang persons of interest silang tinitingnan sa pagkawala ni Camilon, kabilang ang isang pulis at dating may-ari ng sasakyan ng beauty queen.

Ayon sa mga awtoridad, isang matalik na kaibigan ni Catherine Camilon ang nakipag-ugnayan sa kanyang kapatid na si Chin-chin at sinabi sa rito ang umano'y relasyon ng nawawalang beauty queen at ng pulis.

Nakatakda umanong magkita ang pulis at si Catherine Camilon sa mismong araw ng pagkawala ng dalaga. Ibinigay din umano ng pulis kay Catherine Camilon ang sasakyang ginamit ng beauty queen nang umalis ito sa kanyang bahay.

Samantala, nahaharap sa reklamong carnapping at estafa ang dating may-ari ng sasakyan ni Catherine Camilon na gumamit umano ng pekeng address sa deed of sale ng sasakyan. Ayon sa pulisya, hinala nila na sangkot sa carnapping group ang dating may-ari.

Samantala, ang reward para sa impormasyon sa lokasyon ni Catherine Camilon ay kasalukuyang nasa P250,000, kung saan ang pondo ay nagmumula sa Batangas Vice Governor Mark Leviste, sa Presidential Anti-Organized Crime Commission, at sa business sector.

Janica Nam Isinama Ang Bagong Boyfriend Sa Puntod Ni Hashtag Franco

 Umaani ngayon ng samu't-saring komento mula sa mga netizens ang ibinahaging larawan ng dating kasintahan ng namayapang Hashtag member na si Franco.

Sa isang Instagram post, ibinahagi ni Janica Nam na makalipas ang ilang taon at sa kabila ng pagkakaroon niya ng panibagong nobyo at minamahal ay hindi pa rin niya nalilimutan ang namayapang boyfriend na si Franco.

Binisita ni Janica Nam ang puntod ng kaniyang boyfriend noon batay sa kaniyang post noong Sabado, Nobyembre 11 kasama ang bago nitong boyfriend na si Lorenz.

Magkasama sina Janica Nam at bagong boyfriend nito na nag-alay ng bulaklak at panalangin sa puntod ng yumaong celebrity at ibinahagi ito sa Instagram na may caption na “6th year in heaven”.

Noong Nobyembre 11, 2017, namatay si Franco Hernandez dahil sa pagkalunod sa North Lamidan, Don Marcelino, Davao Occidental, Pilipinas sa edad na 26.

Ayon sa pinakahuling panayam sa kanyang kasintahan, nakasakay sila sa isang de-motor na bangka nang mapilitan silang tumalon nang hampasin sila ng malakas na alon pabalik sa baybayin ng North Lamidan, Don Marcelino. Sinabi rin niya na sa baybayin, mayroon pa ring pulso si Franco, subalit wala na itong malay. 

Agad naman itong dinala sa isang klinika kung saan idineklara itong dead on arrival.

Sa kabilang banda, marami naman sa mga tagahanga ng namayapang singer ang nasiyahan sa ginawang ito ni Janice Nam sa kabila ng pagkakaroon nito ng panibagong minamahal.

"ang genuine ng pagmamahal mo kay hashtag franco ate janica, hanggang ngayon kahit may bf kana di ka parin nakakalimot, and ofcourse sa boyfriend mo now kasi support siya, hindi siya nagseselos"

"You are very lucky to have a partner who's very supportive.."

"6years ago a agad parang kailan lang napakabilis ng panahon at oras..Forever niya.."

"I am so amaze with you Ate @janicanam hanggang ngayon even may partner kana still you have time na ma visit si Franco"

"You are a thousand and one among humans who have a noble heart and are loyal and full of love"

View this post on Instagram

A post shared by nam ☾ (@janicanam)

‘Here Lies Love’ Ni Lea Salonga, Magtatapos Na Dahil Sa Mababang Kita

 Naging matunog ang show na Here Lies Love ni Lea Salonga, ilang buwan na ang nakakalip[as dahil sa naging isyu noon sa pagitan ni Lea Salonga at tatlong mga fans na bigla na lamang umanong nagtresspas sa kanyang dressing room.

Matapos ang ilang buwan naging usap-usapan ang umano'y maagang pagtatapos nito.

Nakatakdang magwakas sa Nobyembre 26 ang Broadway musical na ‘Here Lies Love,’ na tungkol sa buhay ni dating First Lady Imelda Marcos dahil sa mababang bentahan ng ticket.

Ayon sa ulat, nalulugi na ang palabas dahil kailangan nilang magbayad ng production cost na $700,000 kada linggo, habang ang benta ng ticket ay umaabot lamang sa $500,000 hanggang $620,000 kada linggo.

“But the reality is, succeeding on Broadway means not only producing excellent work with artistic merit, it also means creating the audience for it. And how much time it takes to find and grow new audiences is out of sync with the tight timeframes for audience-building and awareness,” pahayag ng mga producers.

Gayunpaman, ipinagmamalaki nila na dinala nila ang unang all-Filipino acting company sa Broadway, na nakatanggap ng ‘critical acclaim.’

Sa ngayon ay hindi pa naglalabas ng pahayag si Lea Salonga hinggil sa pagtatapos ng kanyang show.

Paye at Papi, Emosyonal Na Ibinahagi Ang Kanilang Karanasan

 Umani ng samu't-saring reaksyon ang naging panayam nina Paye at Papi na kilala ring Galang Sisters sa YouTube vlog ng aktres-host, vlogger  na si Toni Gonzaga na Toni Talks.

Sa halos kalahating oras na pakikipag-usap ni Toni Gonzaga sa magkapatid, hindi napigilan ng ilang mga netizens ang kani-kanilang mga emosyun ng ibahagi ng dalawa ang kani-kanilang mga karanasan sa kamay ng kanilang sariling mga magulang.

Ibinahagi ng dalawa na sa mga panahong iyon ang kanilang mga magulang ay lulong sa masamang bisyo at sa ipinagbabawal na gamot.

Ito umano ang dahilan kaya nagtrabaho na noon si Papi sa edad na trese lamang sa hindi mabuting paraan.

Ang mas nakakalungkot rito ay ang kanyang sariling ina ang nagtutulak sa kanya para gawin ang hindi magandang bagay na ito.

Ayon sa pagbabahagi ni Papi, ang kanyang ina mismo ang nagbubugaw sa kanya sa iba't-ibang mga lalaki, na ayon pa sa kanya ay mga old men.

Ito umano ang ginawa nila para magkaroon ng pantustos sa kanilang araw-araw na pangangailangan. Hindi naman umano makaka-hindi si Papi sa kanyang ina dahil kung susuwayin niya ang kanyang ina ay magugutom sila dahil ang kanilang ama ay nakakulong noon.

Naging kalbaryo ang pinagdaanan nila sa kamay ng kanilang ina noon na lulong rin sa masamang bisyo.

Kwento pa ni Papi, na dumating sila sa punto ng kanilang buhay na tumakas sila sa puder ng kanilang ina dahil pinagbabantaan sila noon ng kanilang ina na sasaktan sa tuwing lulong ito sa ipinagbabawal na gamot.

Nang naging ganap nang ina si Papi, doon na umano niya naintindihan ang sitwasyon ng kanyang ina. Dahil dito, nakahanap na siya ng puwang sa kanyang puso na tuluyan nang patawarin ito.

Sa kabilang banda, ipinahayag naman ni Paye na hindi pa niya nahahanap sa kanyang sarili ang patawarin ang kanyang ina kahit pa sumakabilang buhay na ito.

Ibinahagi din ni Paye na mula nang umalis sa kanilang bahay ang kanyang ate na si Papi sa kanya na ibinunton ng kanilang ina ang dating ipinapagawa kay Papi.

Matinding pagdurusa din umano ang naranasan ni Paye sa ginawa ng kanyang ina. Binigyan pa umano siya nito ng pangalang si Paye na Lucy Pearl na naging dahilan ng pagkakabully ni Paye.

“Sobrang masalimuot po talaga. Naka drugs na po siya. So sa akin na po lahat nababaling yung atensyon niya. Lagi niya na po akong nabubugbog. Sa kanya ko rin po naranasan na mabully. Siya po unang nangbully sa akin kasi sa pangalan ko po.”

Dagdag pang pagbabahagi ni Paye, “Kaya ko pinangalan sayo yan kasi bagay sa ugali mo, demoyo ka.”

Labis naman itong ikinagulat ni Toni Gonzaga at maging ng mga manonood.

"Grabe ang bigat naman ng dinadala niya. 😢 I am lucky to have a parents who sacrificed what’s best for me and gave the greatest and unconditional love. Love you mama and papa. 💚 Sending virtual hugs for you Papi and to your sister."

"One of the best episodes sa toni talk…Grabe ang pinagdaanan nilang dalawa kung minsan iniisip ko malaki ang problma ko pro nung napanood ko to parang napahiya ako sa sarili ko."

"Naiyak ako sa storya ng buhay ni Papi, sana maging grateful si Lucy Pearl sa lahat ng sacrifices ng ate nya. Nakakatuwa na lumalaki si Happy na mabait na bata at maganda ang buhay, mdaming nagmamahal. Malayo sa pinagdaanan ng nanay nya."

"Grabe iyak ko dito. Pero nakaka-inspire ka talaga Papi, kami ng mama ko , complicated, 2013 namatay s’ya at hanggang ngayon nahihirapan akong patawarin s’ya.  Pero hoping ako na mapatawad ko s’ya."

Ang Katotohanan Ng Hiwalayan Nila Kim Chiu, Xian Lim/ Kim Chiu Kumanta Na

 Saglit na tinugon ng Chinita Princess na si Kim Chiu ang lumalalang isyu hinggil sa naging hiwalayan nila ng kanyang longtime celebrity boyfriend na si Xian Lim.

Kumakalat ngayon ang break up rumor ng dalawa nang mapansin ng maraming mga netizens na missing in action si Xian Lim sa mga latest ganap ni Kim Chiu.

Maging sa mga social media post ni Kim Chiu ay tila hindi na rin nagbibigay reaksyon at komento si Xian Lim.

Isa pa sa pinag-ugatan ng isyung ito ay ang solong pagrampa ni Xian Lim sa Preview Ball. Kasunod naman nito ay solo ring rumampa si Kim Chiu sa naganap na ABS-CBN's Ball.

Samantala, sa isang press conference, naitanong kay Kim Chiu kung ano ang totong estado ng relasyon nila ni Xian Lim. Naging magaan naman ang sagot ng aktres kung saan ipinahayag niyang maayos naman ang relasyon nila ng kanyang boyfriend na si Xian Lim.

"Baka nali-Linlang lang kayo," nakangiting pahayag ni Kim.

Paglilinaw pa niya sa kasalukuyang relasyon nila ni Xian Lim, "Okay naman kami ni Xi, mapanlinlang ang showbiz pero maayos naman kami masaya naman po."

Matatandaan na lumipat si Xian Lim sa GMA Network noong 2021. Mula noon ay ilang beses nang inintriga ang kanilang paghihiwalay.

Dating magkasama sa Kapamilya Network sina Xian Lim at Kim Chiu kung saan nabuo ang kanilang loveteam na tinatawag na KimXi doon na rin nabuo ang kanilang real life romance.

Sa kabila ng mga isyung hiwalayan ng dalawa palagi nilang  pinapatunayan ng dalawa na going strong pa rin sila sa kabila ng pagtatrabaho sa magkaibang networks.

Matatandaan na binati pa ni Kim Chiu ang kanyang nobyo noong karawan nito sa kanyang Instagram post kung saan ipinahayag niya sa caption ang kanyang sweet message para rito.

"Happy Birthday to the person who holds my heart. Thank you for being you and always putting a smile on my face. Cheers to many more laughs to share, places to explore, things to solve, and many more, most especially birthdays to celebrate. ☺️🎂 I am always here for you, supporting you in everything you do!😘 Happy Birthday @xianlim" 

Gayunpaman, naging isa ang nasabing post ni Kim Chiu sa mga huling update niya sa social media kasama ang kanyang boyfriend na ibinahagi pa ni Kim noong buwan ng Hulyo.

Samantala nitong November 2 episode ng It's Showtime naitanong ni Vice Ganda kay Kim Chiu kung sino ang nagpapangiti sa kanya ngayon.

Agad naman itong sinagot ni Kim Chiu na ang kanyang pamilya, kamag-anak at mga kapatid ang siyang nagpapangiti sa kanya. Kapansin-pansin din na tila nilalayo ni Kim Chiu ang kanilang usapan patungkol sa kanya.

Subalit, hindi pa rin siya tinatanan ni Vice Ganda kung saan tinanong nito kung ano kulang sa kay Kim Chiu.

Sagot ni Kim Chiu, "Kulang ako kapag walang.... usap."

Nilinaw naman ni Kim Chiu na hindi nabubuo ang kanyang araw kung hindi siya nakikipag-usap.

"Because, in everything that we do, communication is the Key."

Dito na rin inamin ni Kim Chiu na hindi kumpleto ang araw niya kapag hindi niya nakakausap si Xian Lim bukod sa kanyang pamilya.

View this post on Instagram

A post shared by Kim Chiu 🌸 (@chinitaprincess)

Dating the Voice Kids Contestant Yohance Buie, Puman5w Sa Edad Na 17

 Kinumpirma ng pamilyang The Voice Kids contestant na si Yohance Buie sa social media ang kanyang pagpanaw sa edad na 17.

Sa kanilang post, inihayag ni Ronnie Griffin G. Villanueva ng Virtual Playground ang pagpanaw ni Yohance noong Nobyembre 11, 2023.

“It is with heavy hearts that we announce the passing of YOHANCE LEVI A. BUIE. We are deeply saddened by this loss, and our thoughts and prayers go out to his family and loved ones during this difficult time.” 

“Yohance Buie was a remarkable talent who shone in the entertainment world. His journey began on ABSCBN’s The Voice Kids, where his powerful voice and stage presence captivated audiences and judges alike. 

"He continued to showcase his versatility as an actor in Reality MM Studios’ “Day Zero” on Amazon Prime, leaving a lasting impression with his exceptional performance. Yohance’s talents extended to the digital realm, where he charmed viewers in the Regal’s YouTube series “The Day I Loved You.” 

"His passion and dedication to his craft were evident in every role he took on, and he will be remembered for the indelible mark he left on the world of entertainment.

“Yohance Buie’s remains will be available for viewing at St. Peter’s Antipolo. We welcome friends, family, and well-wishers to pay their respects and honor his memory during this time of mourning,” pagbabahagi Ronnie Griffin Villanueva.

Samantala, hindi naman nito ipinahayag kung ano ang dahilan ng maagang pamamaalalm ni Yohancw Buie.

Michelle Dee, Sumigaw ng 'Filipinas' sa Introduction Rehearsals ng Miss Universe

 Iba-iba ang ginawang gimik ng mga kandidata sa Miss Universe sa ikatlong araw ng kanilang grand rehearsal para sa nasabing beauty pageant.

Ikinagulat naman ng mga Filipino fans at maging ng ilang mga candidate ang isinigaw ng pambato ng Pilipinas na si Michelle Marquez Dee ang kanyang intro.

Hindi inasahan ng marami na wikang Espanyol ang gagamitin ni Michelle Dee para sa kanyang intro, imbes na Philippines, Filipinas ang isinigaw ng ating kandidata.

Ayon sa ilang mga komento ng mga pageant fans, ito umano ang kauna-unahang pagkakataon sa Miss Universe pageant na ginamit ng Philippine deligate na ginamit ang salitang 'Filipinas'.

Komento pa ng ilan na talagang tumindig ang kanilang mga balahibo sa wikang ginamit ni Michelle Dee sa kanyang pagpapakilala.

Samantala, naghinala naman ang ilan na ang paggamit sa wikang ito ay kasama sa strategy ng team ni Michelle Dee upang masungkit ang panibagong korona ng Miss Universe para sa Pilipinas.

Masasabing naiiba ang pambato ng Pilipinas sa Miss Universe ngayong taon. Hindi basta-bastang sumasabay lamang si Michelle sa stereotype bagkus kayang-kaya niyang makibagay at makipagsabayan sa mga latino sa El Salvador habang taas noong ipinapakilala ang Pilipinas.

Hindi naman mali kung sakaling pipiliin ni Michelle ang paggamit ng salitang Filipinas sa kanyang introductions sa finals.

Hindi ito maituturing na cultural appropriation dahil kung pababalikan ang kasaysayan ng bansa mahigit 300 years din namang sumailalim ang bansa sa pamumuno ng mga espanyol.

Sa katunayan, makikita pa rin hanggang ngayon ang impluwensya ng Espanyol sa ating mga kultura mula batas, relihiyon, edukasyon, pananalita, apelyido, architecture, arts, musika, pagkain at ibang mga kaugalian.

Sa kabilang banda, lalong lumakas ang Bayanihan sa pagboto kay Michelle Dee matapos, ihayag ng ilang mga Thailand pageant fans ang planong agawin mula kay Michelle ang top spot sa botohan.

Binabalak ng Thailand humabol sa botohan at iisang bagsak ang kanilang mga boto para maipanalo ang kanilang kandidata.

Kaya naman, maging ang ilang mga celebrities ay nanawagan na rin ng pagsuporta para kay Michelle Dee para matiyak ang pwesto nito sakaling totohanin ng Thailand ang kanilang pagbabanta. 

Kabilang sa mga celebrities na full support at nanawagan ng boto para kay Miss Universe Philippines 2023 Michelle Dee ay sina Alden Richards, Kylie Padille, Ruru Madrid at Miguel Tanfelix.

Si Michelle Daniela Marquez Dee ay isang Filipina actress, model, television presenter, talk show host, at beauty pageant titleholder na kinoronahang Miss Universe Philippines 2023. 

Siya ang kakatawan sa Pilipinas sa Miss Universe 2023 competition sa El Salvador. Dati nang kinoronahan si Michelle Dee bilang Miss World Philippines 2019.

Reaksyon Sa Image Ngayon Ni Kathryn Bernardo Sa Mundo Ng Showbiz

 Hindi lamang ang mga fans ng aktres na si Kathryn Bernardo ang nagulat sa kanyang panibagong image sa showbiz industry maging ang ilang mga celebrities ay tila nabigla rin sa sexy and rebellious image ngayon ng aktres.

Napakomento ng 'So Good' ang Dyosa na si Anne Curtis sa mga larawan na inilabas mula isang sikat na fashion magazine kung saan cover girl ang box office queen na si Kathryn Bernardo.

Nasundan naman ito ng video kung saan naka-highlight ang 20 years ng aktres sa industriya. Napahanga ngayon ni Kathryn Bernardo si Anne Curtis sa kanyang sexy image.

Nagbigay na rin ng reaction ang boyfriend ni Kathryn Bernardo na si Daniel Padilla sa panibagong image ng aktres. Kamakailan lamang, ibinahagi ni Daniel Padilla sa kanyang Instagram account ang video ni Kathryn Bernardo habang naghahanda ito sa isa picturial.

Bukod pa rito, sinagot rin ni DJ ang komento ng isang fan na nagsasabing maganda ang kanyang girlfriend.

"Ganda ng Girlfriend mo," pahayag ng isang netizen.

Sagot naman ni Daniel Padilla, "I know."

Tinawanan lang din ni DJ ang komento ng netizen kung saan sinabing nasupalpal ang mga fake news peddlers na nagpapakalat na hiwalay na ang dalawa.

Dahil dito, tila naging malinaw na sa lahat na hindi totoong naghiwalay na ang longtime celebrity couple.

Agad din umani ng samu't saring komento mula sa mga netizens ang nasabing post ni DJ kung saan tila ipinakita na rin umano ng aktor ang pagsuporta sa panibagong image ng kanyang girlfriend.

'Love' with a heart imoji naman ang naging reaksyon ni Sarah Lahbati sa  latest photoshoot video ni Kathryn Bernardo. All out rin ngayon ang pagsuporta ni Sarah Lahbati kay Kathryn Bernardo sa confidence nito sa pagbabahagi ng kanyang sexy image sa social media.

Pinusuan naman ng aktres na si Iza Calzado ang panibagong image ni Kathryn Bernardo. 

Umaapoy naman na emoji ang ginamit ng aktres na si Kakai Bautista sa kanyang paglalarawan ngayon sa kanyang kaibigan na si Kathryn Bernardo. Naging magkalapit sina Kakai Bautista at Kathryn Bernardo ng magkasama sila sa iisang pelikula na Hello, Love, Goodbye.

Bagama't ikinagulat ng actress-model na si Sofia Andres ang biglaang pagbabago ng image ng kanyang kaibigan, suportado naman niya ito ngayon at masaya siya sa confidence na ipinapakita nito ngayon matapos ang pelikulang A Very Good Girl.

Ikinagulat din ng Kabogera na si Maymay Entrata ang panibagong image ngayon ng itinuturi niya ate sa showbiz na si Kathryn Bernardo.

Tila speechless naman ang aktres na si Loisa Andalio sa panibagong image ngayon ni Kathryn Bernardo kaya naman tanging emojis na lamang ang kanyang ginamit sa pagkomento sa mga panibagong larawan ng aktres.

Nagulat din ang aktres na si Chie Felomino sa panibagong image ngayon ni Kathryn Bernardo na malayo sa dating good girl image nito noon.

Maging ang sexy actress na si Ivana Alawi ay napakomento rin sa mga larawan ng aktres.

All out naman ang pagsuporta ni Ria Atayde sa kanyang malapit na kaibigan. Ibinahagi pa ng actress ang nasabing photoshoot ni Kathryn sa kanyang Instagram stories pahiwatig na very proud siya rito.

Exclusive! Kathryn Bernardo Nagsalita Na Hiwalayan Nila ni Daniel Padilla

 Hanggang ngayon ay laman pa rin sa mga usap-usapan sa ilang mga social media platforms at ilang mga entertainment news sites ang balitang matagal nang naghiwalay ang celebrity couple na sina Kathryn Bernardo at Daniel Padilla.

Samantala, usap-usapan ngayon pagdedetalye ni Kathryn Bernardo sa kanyang pahayag sa isang panayam sa media conference noon ng kanyang pinagbibidahan pelikula na A Very Good Girl.

Pahayag noon ni Kathryn Bernardo, "Noong tumanda ako, I no longer think of the pressure of being a good girl because I don't want to be good just because I have to be good. I don't want to lose myself."

Sa kamakailang panayam sa aktres naging mas detalyado ang kanyang pagbabahagi patungkol sa kanyang pagiging good girl ngayon.

"I don't want to be good just because I have to be good. Basta wala akong masasaktan na ibang tao, then I'm okay. Especially now, I feel like mas kilala ko na ang sarili ko so I don't have to please anybody. I just do things that makes me happy."

Samantala, marami ang nakapansin na tila nagbago na ngayon ng image si Kathryn Bernardo, mula nang bumida siya sa pelikulang A Very Good Girl.

Nagsimula nang magsuot ang aktres ng mga daring outfits na nagpapakita ng ilang bahagi ng kanyang katawan. Nagbabahagi na rin ito ng ilang mga larawan sa kanyang social media accounts habang nakasuot ng isang skimpy swimwear.

Marami naman ang nagulat sa pagbabagong ito sa actress dahil hindi naman lingid sa kaalaman ng lahat na napaka-conservative ng boyfriend nito na si Daniel Padilla.

Dahil dito, mas lumakas ang hinala ng ilang mga netizens na may nangyayaring hindi maganda sa relasyon ng dalawa. Bukod pa rito, pilit ding iniuugnay ng ilang mga netizens ang isyu ng third party dahil palihim umanong nagkikita sina Daniel Padilla at Andrea Brillantes.

Sa kabilang banda, nilinaw naman ni Kathryn Bernardo na wala siyang regrets sa mga ginawa niyang mga pelikula noon at sa uri ng kanyang outfits.

"I wouldn't say na ang iba kung ginawa before was experimental because Hello, Love, Goodbye and The How's of Us, they we're different experiences too. And wala akong regrets na ginawa ko 'yun kasi ang dami ko talagang natutunan."

Nabanggit naman ni Kathryn Bernardo na wala pang kasiguraduhan kung ano ang mangyayari at kanyang mga gagawin sa susunod na taon.

"I don't know, I don't know talaga I just take it day by day. I don't want to overthink, I don't want to put to much pressure to myself. Hindi ko alam kung ano ang mangyayari sa akin for 2024. But, yung uncertainty yun yung exciting di ba."

Open rin umano si Kathryn Bernardo sa mga new opportunities abroad kung sakaling may darating man na mga partnership.

"I'm open for opportunities kung mayroong partnership but then, I would like to stay here kasi alam mo iba kapag dito sa Philippines."

Kaagad namang napansin ng mga netizens na hindi kailanman nabanggit ni Kathryn Padilla ang kanyang boyfriend na si Daniel Padilla sa kanyang plano sa susunod na taon.

May kumakalat pang isyu na umano'y wala na sa Star Magic si Kathryn Bernardo at ganun din si Daniel Padilla.

May mga haka-haka rin na mayroong gagawing pelikula si Daniel Padilla kung saan hindi rin umano niya makakasama si Kathryn Bernardo.

Lalo namang nabahala ang ilang mga fans ng KathNiel dahil sa takot na baka tuluyan nang nabuwag ang pinakamatagal na off and on screen partners sa telebisyon.

Sa ngayon ay hindi pa naglalabas ng official statements sina Kathryn Bernardo at Daniel Padilla hinggil sa isyu ng kanilang hiwalayan.

Vice Ganda May Inamin Sa Nangyare Kay Ion Perez

 Tungkol sa responsableng paggamit ng cellphone ang tema ng Magpasikat 2023 production number ng grupo nina Jhong Hilario, Kim Chiu at Ion Perez sa kamakailang episode ng It's Showtime nitong araw ng byernes November 10, 2023.

Ginampanan ni Ion Perez ang karakter ng isang waiter na nagkaroon ng viral video at binatikos ng publiko kahit hindi naman malinaw kung ano ang pinagmulan at totoong nangyari sa kwento.

Naging madamdamin ang performance ng team nina Jhong Hilario, Kim Chiu at Ion Perez dahil sa totoong pag-iyak ni Ion Perez sa pakikipag-usap sa kanyang namayapang kapatid sa cellphone.

Naantig naman ang damdamin ng mga madlang pipol at marami ang naiyak habang humihingi si Ion ng tawad sa nanay niya na nasa It's Showtime habang hawak ang larawan ng kanyang kapatid.

Patuloy pa rin ang pagluha ni Ion Perez habang pinapasalamatan niya ang kanyang nanay at mga kapatid na personal na pumunta sa It's Showtime upang personal na mapanood ang kanyang pagtatanghal kasama sina Kim Chiu at Jhong Hilario.

Hindi na natapos ni Ion Perez ang kanyang pagsasalita dahil humagulhol na ito sa pag-iyak. Kaagad naman itong dinaluhan ni Vice Ganda na naging emosyunal na rin sa nangyari.

Muling ipinakita ni Vice Ganda ang kanyang pagmamahal kay Ion Perez nang maglabas siya ng pahayag patungkol sa online bullying na araw-araw nilang natatanggap.

Nagsimulang makatanggap ng pambabatikos sa social media si Ion Perez nang aminin nila ni Vice Ganda ang kanilang relasyon noong 2018.

Isa sa pinakamalaking pagsubok na pinagdaanan ng dalawa ay noong nasuspinde ang It's Showtime sa loob ng 12 airing days dahil sa pagkain nila ng cake icing.

Labis na nakatanggap ng pambabatikos ang dalawa kung saan tinatawag silang mga immoral.

"Araw-araw kasama ko yan, alam ko kung gaano siya sinasaktan ng social media. Ang alam niyo lang ay yung alam ninyo. Ang nakikita niyo lang ay yung nakikita ninyo. Pero hindi niyo talaga alam," pahayag ni Vice Ganda.

Mensahe pa ni Vice Ganda kay Ion Perez, “Araw-araw mamahalin kita kasi kakampihan kita araw-araw. Ipagdadasal kita araw-araw. Yayakapin kita araw-araw. Dadamayan kita araw-araw. Araw-araw sasamahan kita. Mahal na mahal ko yan.”

Unang nagkakilala ang Unkabogable Star na si Vice Ganda at ang male pageant contestant noon na si Ion Perez sa isang programa sa ABS-CBN hanggang sa ma-develop ang kanilang relasyon sa noontime show na It's Showtime.

Saksi sa kanilang not so ordinary but sweet love story ang kanilang mga It's Showtime Family, at kaibigan at maging ang mga Madlang Pipol.

Bagamat may ilan pa ring nakataas ang kilay sa klase ng relasyon na mayroon sila, very proud pa rin na ipinapakita nina Vice at Ion ang kanilang unconditional love sa isa't isa.

Noong 2018, napansin ng mga madlang pipol ang kasweetan nina Vice Ganda at Ion Perez, March 2019 naman nang aminin ni Ion Perez na special ang namamagitan sa kanila ni Vice Ganda.

Taong 2022, inamin nina Vice Ganda at Ion Perez na nagpakasal na sila sa Las Vegas noong October 19, 2021.

Andrea Pumalag Sa Kabit Issue Kay Daniel Padilla at Kathryn Bernardo

 Nakarating na kay Andrea Brillantes ang isyu kung saan siya ang itinuturong dahilan ng pagkakalabuan ng longtime celebrity couple na sina Daniel Padilla at Kathryn Bernardo.

Pinalagan na ng actress, model at CEO na si Andrea Brillantes ang isyung palihim umano siyang nakikipagkita kay Daniel Padilla na naging dahilan upang mabuwag ang reel at real life couple na KathNiel.

Nagbigay na ng pahayag ang manager ni Andrea Brillantes kung saan ipinagdidiinan nito na walang katotohanan ang mga kumakalat na isyu.

Gawa-gawa lamang umano ang mga haka-hakang ito ng mga ito. Isa sa mga nakikitang dahilan ni Andrea Brillantes kung bakit marami ginagawan siya ngayon ng isyu ang kanyang pagiging single at ang naging pag-amin niya noon patungkol sa pagkakaroon ng crush kay Daniel Padilla.

Hindi naman umano alam ng kampo ni Andrea Brillantes kung saan nanggaling ang mga balitang ito. Subalit hinala nila na nagmula ito sa mga taong galit sa aktres.

Samantala, naghinala naman ang ilang mga KathNiel fans na ang pinag-ugatan ng isyung on the rocks ang relasyon ng dalawa ay ang hindi pagpunta ni Daniel sa mga nakaraang movie launching ni Kathryn sa mga sinehan.

May mga nagsasabi na ginawa lamang umano ito ng aktor upang ibigay ang buong spotlight kay Kathryn Bernardo na siyang bida sa kwento.

Samantala, nagbahagi naman ng isang cryptic post sa kanyang social media si  Daniel Padilla kung saan ipinahiwatig niyang hindi niya kailangang magbigay ng pahayag sa isyung ibinabato sa kanila ngayon ng kanyang nobya.

Sa kabilang banda, nauna namang ipinahayag ni Ogie Diaz sa kanyang naging pagsisiwalat na hindi pa kompirmado ang nasagap niyang tsismis patungkol sa totoong estado ng pagmamahalan ng KathNiel.

Ogie Diaz Palaban Na Sinagot Ang Pambabatikos Sa Issue Na Inilabas Kay Daniel Padilla, Andrea Brillantes

 Matapang na sinagot ni Ogie Diaz ang mga bumabatikos sa kanya na mga fans nina Kathryn Bernardo at Daniel Padilla hinggil sa isiniwalat niyang tsika patungkol naman kina Daniel Padilla at Andrea Brillantes.

Agad na nagtrending sa buong Pilipinas si Ogie Diaz kalakip ang hashtag na Ogie Diaz Fake news peddler, matapos ang pagsisiwalat niya sa tsika mula sa kanyang source na umano'y naghiwalay na sina Daniel Padilla at Kathryn Bernardo dahil sa palihim na pagkikita nina Daniel Padilla at Andrea Brillantes.

Sa kabila nito, naninindigan si Ogie Diaz na wala siyang ginawang mali dahil nilinaw naman umano niya sa kanyang vlog na hindi pa kumpirmado ang isiniwalat niyang impormasyon patungkol sa KathNiel.

Narito ang ilang mga tweets ni Ogie Diaz kasunod ng mga natatanggap niyang pambabatikos.

“May naibalita lang kami na sinabi naman namin na di pa confimed at sana di totoo, fake news peddler na raw kami. So pagtama ba kami, sasabitan niyo kami ng medalya?”

"Salamat sa mga nagpapa-trending. Ang importante, napasaya ko kayo. 😂"

"Naaaliw na lang ako sa inyo, hehehe. Sana, masarap ulam nyo choday!😍😍😍"

Sa kabila nito hindihumupa ang galit ng mga fans ng KathNiel kay Ogie Diaz at tila lalong dumami pa ang mga nambabatikos sa talent manager.

Maging ang mga fans ni Andrea Brillantes ay nakisali na rin sa pangunguyog kay Ogie Diaz.

May mga nagsasabi pa na dapat na umanong sampahan ng kaso si Ogie Diaz upang hindi na umano ito makapagkalat ng isyu na makakasira sa kanilang mga iniidolong artista.

“Hindi naman pala confirmed so bakit pina-published at pinag-uusapan niyo? Nagmumukhang cheap ang entertainment news industry dahil sa mga paganyan ganyan niyo na wala namang enough proff at hindi confirmed. Lahat nalang just to switch the narrative about Andrea at nasali pa ang Kathniel.

“Ogie ganyan na ganyan ang ugali ng mga chismosa sa kanto.”

"nananakot na totoo? as if this is the first time that you spoke about something unconfirmed and di naman talaga totoo. the point here is ang kapal ng mukha niyong magsalita ng ganyan against kathniel pero pag kaharap akala mo kung sinong maayos ang trato sa kanila."

"Dapat dito aksyunan na @ABSCBN dahil grabii na ang sinasabi niya sa mga artista, kawawa yung may mental health na hinaharap especially kay blythe na bugbog na sa bash..karmahin ka sana ogie"

Sa kabilang banda, patuloy pa rin ang pananahimik ni Kathryn Bernardo sa gitna ng isyung hiwalayan nila ni Daniel Padilla.

Maging si Daniel Padilla ay tikom din ang bibig pagdating sa isyu.

Sa ngayon, buo pa rin ang paniniwala ng mga KathNiel fans na maayos pa rin ang relasyon ng dalawa at ang hiwalayan isyu na kumakalat ngayon ay gawa-gawa lamang umano ng mga taong nais silang pabagsakin.

Sa kabilang banda, kumakalat rin ngayon ang ilang mga screenshot kung saan makikitang naka-follow pa si Kathryn Bernardo sa mga Instagram accounts nina Daniel Padilla at Andrea Brillantes na nagpapatunay lamang umano na walang isyu sa pagitan nila.

Hindi naman kasi lingid sa kaalaman ng lahat na ang pag-unfollow ng mga celebrities sa kapwa nila celebrities ay isang pahiwatig na mayroon na silang hindi pagkakaunawaan.