Xian Lim, Tinalikuran Na Ng Mga Fans, Pelikula Nag-Flop?

 Mainit na pinag-uusapan ngayon sa ilang mga social media platforms at ilang mga entertainment news sites ang kamakailang mall show ng Kapuso actor-director na si Xian Lim matapos itong langawin ayon sa mga neizens.

Marami kasi ang nakapansin na marami pang mga bakanteng upuan sa mall show ni Xian Lim dahil kunti lamang ang mga taong nanonood.

Hindi naman napigilan ng maraming mga netizens na ikumpara ang mall show ni Xian Lim sa mall shows nina Paulo Avelino at Kim Chiu kung saan nagsisiksikan ang mga tao.

Ayon sa ilang mga netizens na talagang inuulan ngayon ng blessings si Kim Chiu matapos ang paghihiwalay nila ni Xian Lim, nagkaroon umano ito ng mga bagong projects, endorsements at mga mall shows.

Sa kabilang banda, naging kabaliktaran naman umano ito kay Xian Lim dahil sa kabila ng pagkakaroon nito ng projects ay makikita naman tinatalikuran na ito ng ilan sa kanyang mga tagahanga dahil na rin sa paghihiwalay nila ni Kim Chiu.

Kamakailan lamang ay muling umingay sa social media ang naging hiwalayan nila ni Kim Chiu noong nakaraaang taon dahil sa mga detalye isiniwalat ni Xian Lim na pinaniniwalaan ng maraming mga netizens na may kinalaman sa kanyang mga projects.

Subalit, agad itong pinasinungalingan ni Xian at iginiit niya na hindi ang pagkakaroon ng pelikula ang dahilan ng kanyang mga sinasabi kundi nakaramdam na umano siya ng awa sa kanyang mga mahal sa buhay na nadadamay na sa isyu at pambabatikos.

Ayon kay Xian Lim, hindi niya deserved at maging ng kanyang mga mahal sa buhay na mabatikos dahil wala namang katotohanan ang isyu.

Ipinahiwatig din ni Xian Lim na kung may nararapat na batikusin sa kanilang paghihiwalay ni Kim Chiu ay walang iba kundi ang aktres dahil ito naman ang nakipaghiwalay at nagpasyang ilihim muna nila sa publiko ang lahat.

Kaagad namang nagpahiwatig ng pagkuntra si Kim Chiu nang sinabi niya sa isang pahayag na ayaw na niyang pag-usapan pa ang naging hiwalayan nila ni Xian Lim, Iginiit rin ng aktres na wala na siyang balak pang sagutin ang mga isiniwalat ni Xian Lim dahil nais niyang matahimik na ang lahat.

Nagpasaring pa ang aktres na kaya hindi matahi-tahimik ang isyu dahil sa taong pilit na binabalikan ang mga ito.

Sa kabilang banda, tila hindi naman nagtagumpay si Xian Lim dahil kahit na nagbibigay na siya ng pahayag ay hindi pa rin siya pinaniniwalaan ng ilang mga netizen.

Maja Salvador Pinasilip Na Ang Kanilang Anak Na Si Baby Maria!

Matagumpay na isinilang ng aktres na si Maja Salvador ang kanilang panganay na anak ng mister na si Rambo Nunez noong May 31, 2024.

Hinihintay naman ngayon ng maraming mga netizens na ipakita na nina  Maja Salvador at Rambo Nunez ang buong mukha ng kanilang anak.

Kinapapanabikan ito lalo na ng mga tagahanga ng aktres, may mga hayagan pang nagsabi na hindi na sila makakapaghintay na makita ang ka-cutan nito na tiyak naman na dahil magaganda naman ang lahi ng mga magulang ng bata.

Kumakalat naman ngayon sa ilang mga social media platforms ang mga larawan ng anak nina Maja at Rambo Nunez na ibinahagi ni Yannie Nunez sa social media.

Bagama't ipinasilip na nito ang bahagi ng mukha ng bata ay hindi pa rin kita ang kabuuang hitsura nito.

Tila binibigyan nila ng pagkakataon si Maja Salvador na siyang magbahagi ng unang larawan ng hitsura ng kanilang anak.

May karapatan rin naman umano ang aktres bilang isang ina at nasa kanya na kung ibabahagi niya sa publiko ang kanyang anak.

Ipinanganak ni Maja Salvador ang panganay nila ni Rambo Nunez sa Canada noong May 31, 2024. Inamin rin ni Maja Salvador na nahirapan siya sa kanyang panganganak dahil sa pagkakaroon niya ng inverted uterine.

Sa kabutihan palad ay naiayos naman umano ang kanyang uterus na labis niyang ipinagpapasalamat na hindi na siya dumaan pa sa isang surgery.

Ibinahagi rin ni Maja Salvador na muntik na siyang sumuko ng sabihin sa kanya ng doktor maaari siyang maoperahan dahil sa kalagayan ng kanyang uterus dala na rin sa labis na paghihirap niya sa labor na umabot ng 30 hours.

Subalit, dahil sa pagmamahal niya sa kanyang anak at sa suportang natatanggap mula sa kanyang pamilya ay nairaos din ng aktres ang kanyang panganganak.

Sa kabila naman ng kanyang paghihirap, sinabi ni Maja Salvador na worth it ang lahat ng ito nang makita na niya ang mukha ng kanilang anak ni Rambo.

 

Kim Chiu to the Rescue Sa Mga Bumabatikos Kay Paulo Avelino

 Patuloy na pinagdedebatehan ngayon ng maraming mga netizens at mga fans ng tambalang Paulo Avelino at Kim Chiu ang kumakalat na video na kuha nina Kim Chiu at Paulo Avelino sa airport pauwi nang Pilipinas.

Ayon sa ilang mga kritiko nina Paulo Avelino at Kim Chiu, hindi naging gentleman si Paulo Avelino kay Kim Chiu dahil hindi kaagad nito tinulungan si Kim Chiu sa mga bagahe nito at tila pilit lamang umano ang pag-alalay ni Paulo Avelino sa aktres para sa kapakanan ng kanilang tambalan.

Kaagad namang rumesbak ang ilang mga KimPau fans at iginiit na hindi huli ang pagkuha ni Paulo Avelino sa mga bagahe ni Kim Chiu dahil kailangan pa munang ma-check ang mga ito.

May mga nagsasabi rin hindi naman pilay si Kim Chiu para humingi ng tulong kay Paulo Avelino. Kayang-kaya umano ng aktres ang pagdadala ng kanyang bagahe dahil may cart naman.

Tila nasanay na rin umano si Kim Chiu sa pagdadala ng kanyang mga bagahe dahil ilang beses na rin namang nagtravel sa ibang bansa ang aktres.

Ipinunto rin ng ilang mga netizen na sadyang ganoon lamang ang mga mindset ng mga basher dahil kung si Paulo naman ang nagdadala sa mga bagahe ni Kim Chiu at tiyak namang sasabihin ng mga bashers na ginawa na lamang ni Kim Chiu na taga buhat ang aktor.

Sa ngayon ay hindi pa naman nagbibigay ng opisyal na pahayag sina Paulo Avelino at Kim Chiu patungkol  sa totoo nilang relasyon.

Mga Anak Ni Ruffa Gutierrez, May Isiniwalat Sa Isyung Kinakaharap ni Richard Gutierrez at Annabelle Rama

 Nagbigay ng reaksyon ang dalawang anak ng aktres na si Ruffa Gutierrez na sina Lorin Bektas at Venice Bektas patungkol sa kinakaharap na isyu ng kanilang pamilya particular na sa kanilang tiyuhin na si Richard Gutierrez.

Inihayag nina Lorin at Venice na aware sila at nakakarating sa kanila ang mga isyung binabato sa kanilang pamilya matapos ang hiwalayan nina Richard Gutierrez at Sarah Lahbati.

Sa kamakailang panayam kina Lorin at Venice, inilahad nila ang kanilang saloobin hinggil sa isyung hindi magkakasundo sa ngayon ang kanilang pamilya at ang pamilya ng estranged wife ni Richard Gutierrez na si Sarah Lahbati.

Ayon sa dalawang anak ni Ruffa Gutierrez, hanngang ngayon ay malapit pa rin umano sila kay Sarah Lahbati Kahit pa hiwalay na ang mga ito at ang kanilang uncle na si Richard Gutierrez.

Sa katunayan, hanggang ngayon ay patuloy pa rin nilang nilalike ang mga post sa Instagram ni Sarah Lahbati.

Iginiit naman ng dalawa na hindi lahat ng mga balitang lumalabas online ay makatotohananan.

Ipinahayag rin nina Lorin at Venice na mahal nila ang kanilang pamily at alam niya umanong malalampasan nila ang anumang pagsubok na kinakaharap.

Saamanta, naitanong rin kina Lorin at Venice ang kontrobersyal na pahayag ng kanilang lola na si Annabelle Rama sa gitna ng hiwalayan nina Sarah Lahbati at Richard Gutierrez.

Ayon kina Lorin at Venice, hindi na dapat pa na palakihin ang isyung kinasasangktan ng kanilang lola dahil sanay na umano sila rito na sinasabi ang nasa isip.

Hiling pa ng dalawa na sana ay hayaan na lamang ng mga netizens ang kanilang lola dahil matanda na ito.

Albie Casino Ipinagtanggol Si Nikko Natividad, Hindi Tama Ginagawa Ni Vice Ganda

 Nagpahayag ng suporta si Albie Casiño sa dating miyembro ng Hashtag na si Nikko Natividad matapos makatanggap ng batikos ang huli sa social media dahil sa publikong pambabatikos kay Vice Ganda.

Nagsimula ang isyu nang makisimpatya si Nikko Natividad kay EXpecially For You searchee Axel Cruz, na sinaway ni Vice Ganda sa national television dahil sa umano'y hindi naaangkop na mga galaw nito sa isang kalahok.

Kung saan tinangka niyang nakawan ito ng halik na hindi rin nagustuhan ng babae.

Bilang tugon sa pakikisawsaw umano ni Nikko Natividad sa isyu nina Vice Ganda at Axel, sinimulan ng ilang fans ni Vice Ganda ang kampanya para tanggalin si Nikko sa lahat ng kanyang mga proyekto dahil lang sa tahasan niyang pinuna ang It’s Showtime host.

Samantala, naglabas naman ng pahayag Albie at ipinagtanggol ang kanyang kaibigan, hiniling niya sa mga netizens na dapat ay tumigil na ang mga ito sa pagsira sa buhay ng ibang tao dahil lamang sa hindi nila nila nagustuhan ang opinyon nito na naiiba sa kanilang paniniwala.

“Wala naman mali sa sinabi ni Nikko, lahat naman tayo mag sariling opinion and we all the right to voice that. Ang mahirap is gusto niyo mawalan ng trabaho ang taong nag susuport ng pamilya dahil lang sa opinion niya,” pahayag ni Albie.

Matatandaang nilinaw na ni Nikko Natividad na pinuna lang niya si Vice Ganda dahil tinuturing niyang kaibigan ito.

Naniniwala din umano si Nikko Natividad na kailangan niyang itama ang kanyang kaibigan dahil hindi na tama ang mga ginagawa nito at kawawa naman ang mga taong natatapakan nito na pinili na lamang manahimik dahil wala naman silang mga followers na mas marami pa kaysa sa komedyante.

Iginiit din ni Nikko na hindi siya nakikisawsaw at hindi rin naman umano siya nagpapaawa dahil lang sa simpleng pagsisiwalat niya sa kanyang pinagdaanan noon sa show.

Esther Lahbati, Sinabing Aksaya Lamang Sa Oras si Annbelle Rama

 Nagbigay ng tugon si Esther Lahbati sa netizen na humiling sa kanya na tingnan ang mga post ni Annabelle Rama sa Facebook.

Sa kanyang Instagram comment section, hiniling ng isang netizen sa ina ni Sarah Lahbati na tingnan ang kamakailang mga post sa Facebook ni Annabelle Rama tungkol sa isang "Chuckie doll" na pinaniniwalaang isang pasaring laban sa kanya.

“Tingnan nyo po ‘yung post ni Ms Annabelle Rama sa facebook oh,” komento ng netizen.

“Bakit no need abala lang sa akin. Thank you,” sagot ng ina ni Sarah Lahbati.

Matatandaang ilang beses na bumanat si Annabelle Rama sa isang tinawag niyang “Chuckie” at nagbigay pa ng clue na nagsimula ang pangalan ng tao sa letter “E” at hindi sa letter “S.”

Pahiwati na hindi si Sarah Lahbati ang kanyang tinutukoy kundi ang ina nito na si Esther.

Bukod pa rito maraming netizens ang naniniwala na si Esther ang tinutukoy ni Annabelle Rama dahil sa mga naging pahayag nito laban sa ina ni Sarah noon pa man.

Sa kabilang banda, hindi naman naglalabas ng pahayag ang aktres na si Sarah Lahbati hinggil sa mga kumakalat na isyu ng pagkakaroon ng relasyon ng kanyang estranged husband na si Richard Gutierrez at aktres na si Barbie Imperial.

Maging ang isyu ng panggagaya umano ni Barbie Imperial sa kanyang mga styles at mga activities ay hindi rin nagkokomrnto si Sarah.

Gayundin naman ang ginagawa ng kanyang dating asawa na si Richard Gutierrez, magmula nang pumutok ang balita ng paghihiwalay nila ni Sarah Lahbati ay hindi na ito nagbibigay ng pahayag at pinapabayaan na lamang ang kanyang ina na si Annabelle Rama ang maglabas ng pahayag.

Mall Show ni Xian Lim Nilangaw, Halos Maiyak?

 Viral at pinag-uusapan ngayon ng ilang mga netizens sa ilang mga social media platforms at ilang mga entertainment news sites ang mga video na kuha mula sa mall show at premiere night ng pelikula ni Xian Lim na Playtime.

Kaagad na umaani ngayon ng ilang mga komento mula sa mga netizens ang mga video na kuha sa mall show ni Xian Lim at premiere night ng kanyang pelikulang pinagbibidahan na pinamagatang playtime.

Makikita sa mga nasabing videos na tila nilangaw ang mall show ni Xian Lim at tila hindi na rin pinapansin ng maraming mga manonood ang pa-mall show ni Xian Lim.

Ayon naman sa ma netizens na tila kaagad na kinakarma si Xian Lim sa kanyang paninira kay Kim Chiu at pagpapaawa sa mga netizens para makakuha siya ng simpatya mula rito.

Tila pinapalabas ni Xian Lim, na siya ang iniwan ni Kim Chiu at ito pa ang may malakas na loob na humingi ng pabor sa kanya na huwag na munang ipagtapat sa publiko ang pakikipaghiwalay nito sa kanya.

Nauna na ring pinabulaanan ni Xian Lim ang isyung naging third party si Iris Lee ang babae dini-date niya ngayon.

Sa kamakailang media con ng kanyang pelikula nagpahiwatig rin si Xian Lim na siya naman ang pinaglaruan ni Kim Chiu.

Sa kabila ng naging pagsisiwalat ni Xian Lim hindi pa rin niya nakuha ang simpatya ng maraming madlang pipol at patuloy na si Kim Chiu ang siyang sinusuportahan na hindi maitatanggi sa naging mall show ni Xian Lim.

Sa kabilang banda, unti-unti nang binubura ng aktres na si Kim Chiu ang mga vlog na pinagsamahan nila noon ni Xian Lim sa kanyang social media account.

Maging sa Instagram ay makikitang burado na rin maging ang mga post at larawan nilang pinagsamahan. Ang tanging iniwan na lamang ni Kim Chiu ay ang post kung saan kinumpirma niya ang hiwalayan nila ni Xian Lim.

Cristy Fermin Kinoll-Out Ang Pagtrato ni Vice Ganda sa Mga Kasama Sa It's Showtime Lalo Na Kay Ogie Alcasid

 Pinuna ng batikang showbiz columnist at talent manager na si Cristy Fermin ang main host ng It's Showtime na si Vice Ganda dahil sa pagtrato nito sa magaling na singer-song writer na si Ogie Alcasid.

Ipinunto ni Cristy Fermin ang mga sinasabi ng mga netizens na tila ginagawa na lamang ni Vice Ganda na katatawanan ang respetadong singer-song writer na si Ogie Alcasid sa noontime show nilang It's Showtime.

May mga netizen pa umano na inihahalintulad na lamang si Ogie Alcasid sa mga sidekick ni Vice Ganda na sina MC at Lassy.

Naglabas ng mensahe si Cristy Fermin para kay Vice Ganda na sana naman ay bigyan rin nito ng respeto si Ogie Alcasid bilang isang respetadong singer.

Kaagad namang ipinagtanggol ng ilang mga madlang pipol si Vice Ganda kung saan iginiit nila na malaki ang respeto ni Vice Ganda kay Ogie Alcasod bilang isang respetadong singer. Ang nangyayari naman umano sa It's Showtime ay parte ng show at biruan lamang nilang dalawa bilang isang magkaibigan.

Matatandaan na naglabas ng isang pahayag si Ogie Alcasid kung saan ipinagtanggol niya si Vice Ganda sa gitna ng mga kinasasangkutan nitong isyu sa pagcall-out kay Axel, isang searche ng Expecially For sa tangka nitong  paghalik sa searcher na si Christine.

Marami ang nainis sa ginawa ni Vice Ganda dahil napahiya umano ang lalaki sa harap ng television. May mga nagsasabi pang mas malala naman ang pinaggagawa ng host sa show.

Dahil naman sa pagtatanggol ni Ogie Alcasid kay Vice Ganda, nababaling na ngayon sa kanya ang ilang pambabatikos ng mga netizens at sinabing nagiging kunsintidor na ito gayung siya mismo ay ginagawan na rin ng mga kabulastugan ni Vice Ganda.

Aktwal Na Pagde-Date Nina Jericho Rosales at Janine Gutierrez

 Pinag-uusapan ngayon ng maraming mga netizens sa ilang mga social media platforms at ilang mga entertainment news sites ang totoong estado ng relasyon nina Janine Gutierrez at Jericho Rosales matapos silang mamataan na magkasama na tila nagdi-date sa isang mall noong nakaraang linggo.

Naging laman sa social media ang ibinahaging larawan ng isang netizen na pinaghihinalaan na sina Janine Gutierrez at Jericho Rosales.

Ayon pa sa uploader na nakita niya sina Janine Gutierrez at Jericho Rosales sa Power Plant Mall. Tila manonood umano ng sine ang dalawa dahil bumibili ang mga ito ng snacks sa Jamaican Patty.

Sinabi naman ng uploader na hindi niya alam kung ano ang koneksyon ng dalawa o baka magkaibigan lamang ang mga ito.

Blurred din umano ang pagkakakuha niya sa larawan ng dalawa dahil nagmamadali siya at baka siya ay mahuli.

Kaagad naman itong umani ng samu't-saring komento at reaksyon mula sa mga netizens may mga nagsasabi na pabayaan na lamang ang dalawang stars sa kanilang mga pinaggagawa dahil nasa tamang edad naman na ang mga ito at pareho rin namang single.

May mga nagsasabi pa na baka ay magkakaroon ng pagtatambalang proekto ang dalawa kaya naman ngayon pa lamang ay pinapaingay na nila ang kanilang mga pangalan.

Matatandaan na unang nalink si Jericho Rosales sa Kapamilya actress na si Kathryn Bernardo matapos nilang mamataang magkasama ng ilang beses sa mga gathering kasama ang kanilang mga kaibigan.

Pinaghinalaan pa noon ng marami na nililigawan ni Jericho Rosales ang aktres dahil sa ipinapakita nilang closeness. Natahimik lamang ang usaping ito nang pumasok sa eksena ang Kapuso actor na si Alden Richards.

JUST INday Badiday:

Echo at Janine, SPOTTED!

Bilang tsismosa ako…
Nagde-date? 😂🤪🤣 pic.twitter.com/yCm2LXi2fY

— AltIndayBadiday (@AltIndayBadiday) June 5, 2024

Kim Chiu Winelcome Si Vicky Belo Sa What'S Wrong with Secretary Kim!

 Kaagad na pinagkakaguluhan ng maraming mga tagahanga ni Vicky Belo ang ibinahagi niyang post sa kanyang social media account kung saan ibinahagi niyang nabigyan siya ng appearance sa pinag-uusapang Philippine adaptation ng What Wrong With Secretary Kim na pinagbibidahan nina Paulo Avelino at Kim Chiu.

Sa caption ng ibinahaging post ni Dra. Vicky Belo mahihinuha na talagang napaka-excited niya sa nasabing appearance at talagang napakasaya niya sa nangyari.

"lights, camera, action !! 🎥 tune into What’s Wrong With Secretary Kim on Viu to see Dr. Vicki Belo play Dr. Vicki Belo ! @chinitaprincess is a #belobaby on and off screen 🤍

"Thank you to the team that made this so fun to do !"

Narito naman ang ilang mga komento ng mga tagahanga ni Doktora Vicki Belo na labis na nasisiyahan sa kanyang appearance sa nasabing palabas.

"Thank you for believing in the #1 show WWWSK and in our dearest Kimmie 🫶🏻 You are radiating onscreen and are truly a natural on camera 😁🎉 We love Viu "

"ang galing nang acting ni doc na startruck ako"

"we were surprised with your appearance doc!hehe more to come"

Samantala, kumakalat ngayon ang ilang mga haka-haka sa social media kung saan naniniwala ang ilang mga netizens totohanan ang kasal na nangyari sa pagitan nina Kim Chiu at Paulo Avelino na isinikreto lamang muna nila sa kanilang mga fans.

Subalit, mas maigi pa rin na hintayin na lamang ang pag-amin ng dalawa sa estado ng kanilang relasyon sa ngayon.

View this post on Instagram

A post shared by Vicki Belo, M.D. (@victoria_belo)

Naglabas Na Ng Statement Ang Simbahan Ng Viral Wedding Kung Saan Hindi Na Hinintay Ng Pari Ang Bride

 Naglabas na ng pahayag ang parish upang tugunan ang natatanggap nilang pambabatikos at katanungan mula sa mga netizens matapos mag-viral sa social media ang nangyaring kasal kung saan nadismaya ang mga netizens dahil hindi man lang hinintay ng pari ang bride na makapunta sa harap ng altar.

Noong Hunyo 10, 2024, naglabas na ng pahayag ang St. Andrew the Apostle Parish para ipaliwanag kung bakit itinuloy  ang kasal sa orihinal nitong iskedyul nang hindi alam ng mag-asawang Jove Deo Sagario at Janine Seit Suelto-Sagario.

Matatandaang sinabi ng uploader ng video na akala nila ay na-reschedule ang kasal sa 9:30 A.M. mula sa orihinal nitong iskedyul na 8:00 A.M., na nagpapaliwanag kung bakit sila pumunta sa simbahan bandang 9:00 A.M.

Ayon pa sa kwento nito, mismong ninang ng ikakasal na nagtatrabaho sa kumbento ang nagsabi sa kanilang nareschedule ang kasal kaya kampante silang nagpunta ng 9:00 A.M sa simbahan.

Kaya naman labis ang pagkagulat nila nang mapagalitan sila dahil sa pagiging late dahil hindi naman umano nireschedule ang kasal.

Ang labis namang ikinadismaya ng marami ang ang ginawa ng pari kung saan nagsimula na ito sa misa kahit hindi pa nakakarating sa altar ang bride. Muntik pa itong matumba sa pagmamadali at sa hiya sa nangyari.

Kaagad namang binatikos ng maraming mga netizens ang simbahan maging ang pari dahil sa pagiging bastos umano nito. Hindi na lamang umano nito hinintay ang bride gayung hindi naman na ito magtatagal pa at ilang minuto lamang ay makakarating na sa altar.

Upang matugunan ang mga pambabatikos, naglabas ng pahayag ang St. Andrew Parish, na nagpapaliwanag na talagang hindi nila muling iniskedyul ang kasal at nakuha lamang ng mag-asawa ang impormasyon tungkol sa bagong iskedyul mula sa isa sa mga sponsor sa kasal.

Ipinaliwanag din nila kung bakit sinubukan nilang madaliin ang seremonya dahil sa busy schedule ng pari at may susunod pang funeral mass.

Narito ang buong pahayag ng St. Andrews Parish ng Amlan.

“She relayed this information in an unofficial capacity. This is unfortunate since there was no instruction at all from anyone in the Parish Office that there are changes in the schedule since there was a scheduled Funeral Mass at 9:30 a.m. of that same morning.  

"Parish Office Staff believe that the lady sponsor may have misread the dates written on the bulletin which she perused the night before.” 

“On June 8, 2024, instead of arriving for the 8:00 AM wedding Mass, the bride and the groom arrived at around 9:00 AM. Despite the fact that they were late by an hour, still our Assisting Priest celebrated the Mass out of charity to the couple.

"But he had to hurriedly make some adjustments, by starting when he saw the bride at the Church entrance, and after sending word to the bereaved family waiting outside the Church that there is going to be a delay in the Funeral Mass and to please wait until the wedding is over. On that day, there were ten other schedules to be served by the Priests. That is the truth about what happened from our side.”

Inako rin ng pari ang kanyang pagkakamali at humingi ng paumanhin sa bride at groom at maging sa mga pamilya ng mga ito na naoffend sa nangyari.

“OUR APOLOGY. However, we humbly admit the fact that along the way, there were statements made carried away by emotions. Hence, we express our sincere apology to the bride and the groom, to their respective families who were directly offended by the turn of these events, and to the people who have seen our humanity as Priests in a time when we were weakest of any possible control. 

"We also apologize and express gratitude to the bereaved family who were made to wait for the wedding to be finished. Pope Francis reminds us that “Priests have to bring compassion and forgiveness in the daily grind of life like Jesus the Lord”. 

"Yet, we also ask for your kind indulgence for the times we were short in meeting that call. In the midst of this unfortunate event, please pray for us as we struggle with our frailties. We pray for the peace of everyone concerned in this event. We hope that the Lord of love will bless our Community with the grace of unity and peace – always!”

Jolina Magdangal Nakatanggap ng Pambabatikos Matapos Magbigay Ng Pahayag Sa Kasal Ni Carlo Aquino at Charlie Dizon!

 Umani ng pambabatikos mula sa maraming mga netizens ang aktres-TV host na si Jolina Magdangal matapos niyang magbahagi ng open letter kina Carlo Aquino at Charlie Dizon sa kanilang pagpapakasal.

Matatandaang nagpakasal sina Carlo Aquino at Charlie Dizon noong June 9, 2024 sa isang secret wedding celebration.

Isa sa mga celebrity na bumati kina Carlo Aquino at Charlie Dizon ay si Jolina Magdangal, kung saan ipinahayag nito na noon pa man ay ipinapanalangin na niya na sana ay magkatuluyan ang dalawang celebrity couple.

Sa kanyang Instagram account ipinahayag ni Jolina Magdangal ang kanyang kasiyahan sa nangyaring pagpapakasal ng dalawa na noon pa lamang umano ay minamanifest na niya.

“Sabi ni April Charlie sa vows niya totoo daw pala ang manifesting. Gusto ko lang i-share na isa ako sa nag-manifest para sa forever n’yo. At ‘yong mga sinabi ni Kaloi sa vows naman niya kung paano nya iingatan, aalagaan, at mamahalin si April, alam na alam ko na puso n’ya ang nagsasalita. Thankful ako na nawitness ko ang kanilang pag-iisang dibdib,” pahayag ni Jolina Magdangal.

“Kaloi, bilang bata ka pa magkakilala na tayo, alam ko kung gaano ka kabait na anak at mapagmahal sa family mo. Sobrang happy ko talaga para sayo,” dagdag pang pahayag nito kung saan inilahad niya kung gaano siya kasaya sa relasyon ng dalawa.

Kaagad namang umani ng samu't-saring reaksyon mula sa mga netizens ang naging pahayag na ito ni Jolina Magdangal kung saan marami sa mga netizens ang napapataas ang kilay dahil paano umano nasasabi ni Jolina na mapagmahal sa pamilya si Carlo Aquino gayung nakaya nitong iwanan ang kanyang dating kinakasama para sa ibang babae.

"ano ba jolina? Panong naging mabait e iniwan nga ang mag-ina nya? Baby pa lang anak nila iniwan na. Very immature"

"Ang hirap maging masaya para sa mga taong nang apak at nanakot ng iba. Sana hindi pag daanan ni charlie yung sakit na pinag daanan nina mithi and trina. Only then she will understand how painful it is maiwan ng lalaking kagaya ni carlo aquino. Wag sana."

"Mapagmahal hehe natawa ako dun. Saksi din kami sa pananakit nya sa damdamin ni angelica at ni trina"

Sa kabilang banda, marami naman ang nagtatanggol kina Carlo Aquino at Jolina Magdangal kung saan sinasabi ng mga ito na walang masama sa pagpapakasal ng dalawa kahit pa may naunang anak si Carlo sa ibang babae.

May mga nagsasabi pang dapat na magmove on na rin ang mga netizens kagaya ng pagmomove on nina Carlo Aquino at Trina Candaza.

View this post on Instagram

A post shared by Jolina Magdangal Escueta (@mariajolina_ig)

Secret Wedding Nina Kim Chiu at Paulo Avelino Witness Si Ms. Garlic Garcia

 Laman ng mga usap-usapan ngayon sa ilang mga social media platforms at ilang mga entertainment news sites ang ang bali-balitang nagpasecret wedding na sina Kim Chiu at Paulo Avelino sa ibang bansa.

Viral at pinag-uusapan ngayon ng maraming mga KimPau fans ang haka-hakang nagpakasal na sina Kim Chiu at Paulo Avelino kung saan ang kanilang naging witness ay si Ms. Garlic Garcia.

Inilabas na ang wedding episode ng pinagbibidahang Philippine adaptation nina Kim Chiu at Paulo Avelino na What's Wrong With Secretary Kim?

Marami naman sa mga netizens ang nagtaka sa nasabing episode dahil may mga pahiwatig umano na totoo itong nangyari at hindi lamang ito basta eksena lamang.

Ramdam na ramdam kasi umano ng maraming mga KimPau fans ang pagmamahal ng dalawa sa isa't-isa.

Narito ang ilang mga komento ng KimPau fans na naniniwalang totohanan ang nangyaring kasal nina Kim Chiu at Paulo Avelino sa What's Wrong With Secretary Kim?

"Secret wedding nila ito si maam Garlic ang witness.. kaya si Kim lang ang may ring, promise ring ni Paulo contract sa star magic sila. muna uli partner saka namuna ang iba DBA yan sabi na kay Kim sa interviews nila kay MJ Felipe. Yan din ang sinabi ni Darren, white sun sa Palawan"

Sinigundahan naman ito ng marami pang mga KimPau fans at sinasabing hindi lamang umano sinama sa video ang iba pa ilang bisita.

Sa kabilang banda, may pahayag naman ng pagkabahala dahil tila nagging delusional na umano ang ilang mga fans ng KimPau tandem at ginawa nang katotohanan Kahit nasa eksena lang naman ang dalawa.

Ipinunto pa ng ilang mga netizens na kaya ramdam na ramdam ang eksena dahil parehong magagaling na artista ang dalawa.

Iginiit pa nila na hindi patas para kina Paulo Avelino at Kim Chiu na palaging pangunahan na lamang ng mga netizens ang mga nangyayari sa personal na buhay ng dalawa.

May mga nangamba pa para kina Paulo Avelino at Kim Chiu at baka matulad rin sila sa pinagdaanan nina Maine Mendoza at Alden Richards kung saan may ibang kwento na pinaniniwalaan ang kanilang mga tagahanga.

Vice Ganda Nag Sorry Sa Mga Boss Ng GMA Network

 Agad-agad na humingi ng paumanhin ang Unkabogable Star na si Vice Ganda sa GMA Pictures President na si Atty. Annette Gozon-Valdez.

Nangyari ang paghingi ng paumanhin ni Vice Ganda kay Atty. Annette Gozon-Valdez sa kalagitnaan ng kanilang segment sa It's Showtime na Expecially For You kung saan naging special guest nila ang Kapuso aktres na si Rita Daniela.

Sa halip na ang news program ng GMA7, ang nabanggit nito ay ang news program ng ABS-CBN na TV Patrol.

Napansin kasi ni Vice Ganda ang ganda ng timbre ng boses ni Rita Daniela habang nagsasalita ito sa Expecially For You segment ng It's Showtime.

Kaagad namang humingi ng paumanhin si Vice Ganda sa pamunuan ng GMA Network dahil hindi sinasadyang na-ipromote niya ang news program ng ABS-CBN.

Kaagad namang nagtawanan ang mga host ng It's Showtime at sinabi pa ni Karylle na dapat ay nag-excuse me na lamang si Vice Ganda.

Pabiro namang ipinahayag ni Vice Ganda, na baka bawiin pa sa kanila ang natanggap nilang invitation para sa GMA Gala Night at masasayang pa umano ang gown na sadyang ipinagawa niya para sa nasabing event.

Sa kabilang banda, lalo namang nagngi-ngitngit ang ilang mga kritiko ni Vice Ganda dahil sa kanyang ipinahayag sa show.

Naniniwala ang ilang mga netizens na sinadya ni Vice Ganda ang pagsambit sa news program ng ABS-CBN. May mga nagsasabi pang talagang namimihasa na si Vice Ganda at hindi na ginalang ang GMA na siyang kumupkop sa kanila upang magkaroon ng mataas na ratings at reach ang kanilang programa.

Relasyon Ni Lorna Tolentino at Lito Lapid Kinontra ni Lolit Solis

 Ikinaloka ng maraming mga netizens ang isiniwalat na balita ng kilalang talent manager at showbiz columnist na si Lolit Solis patungkol sa isa sa kanyang mga talent na si Lorna Tolentino at actor-Senador na si Lito Lapid.

Sina Lorna Tolentino at Sen. Lito Lapid ay kasalukuyang mapapanood sa hit teleserye na pinagbibidahan ni Coco Martin, na ang 'FPJ's Ang Batang Quiapo.

Bago paman ang pagsisiwalat ni Manay Lolit Solis patungkol sa pagkakaroon ng relasyon nina Lorna Tolentino at Sen. Lito Lapid, una nang napansin ng maraming mga netizens ang bigay na bigay na pag-arte nina Lorna Tolentino at Sen. Lito Lapid sa mga karakter na ginagampanan nila sa nasabing teleserye lalong-lalo na ang kanilang mga intimate na tagpo.

Samantala, nang makausap ng ilan pang officer at miyembro ng Society of Philippine Entertainment Editors (SPEEd) si Manay Lolit Solis sa thanksgiving presscon ni Councilor Alfred Vargas para sa pagkakatanghal nito bilang best actor sa nagdaang FAMAS Awards 2024, naitanong kay Manay Lolit Solis ang patungkol sa kanyang alaga na si Lorna Tolentino.

Naitanong ng ilan kung totoo ang mga bulung-bulungan na may namamagitan sa kanyang alaga na si Lorna Tolentino at katambal nito sa Ang Batang Quiapo na si Sen. Lito Lapid.

Kaagad namang isiniwalat ni Lolit Solis ang kanyang pagpapayo kay Lorna Tolentino para lang sana hindi nito ituloy ang pakikipagrelasyon kay Sen. Lito Lapid.

Ayon kay Lolit Solis, pinayuhan niya si Lorna Toletino na huwag patulan si Lito Lapid dahil nagmula na siya kay Rudy Fernandez na di hamak na mas mataas ang level kaysa sa Senador. Sinabihan rin umano niya noon si Lorna Tolentino na pumili naman ng ka-level ni Rudy Fernandez.

Hindi rin itinago ng talent manager ang kanyang disgusto sa pakikipagrelasyon ngayon ni Lorna Tolentino kay Sen. Lito Lapid dahil sa pakikipagrelasyon ng huli sa kanyang dating alaga na si Michelle Ortega na ina ng aktres na si Ysabel Ortega.

Isiniwalat rin ni Lolit Solis na hindi naman naghiwalay sina Sen. Lito Lapid at ang legal wife nito na si Marissa Tadeo.

Nang pagsabihan naman daw ni Lolit Solis si Lorna Tolentino ukol rito ay sinabihan lamang siya nitong, hayaan na lamang sila sa kanilang ginagawa dahil kati-kati lang naman ang kanilang relasyon.

Ai-Ai Delas Alas Dismayado Sa Abs-Cbn Dahil Sa Pagbasura Ng Request Niya

 Hindi naitago ng comedian na si Ai-Ai Delas Alas ang  kanyang inis sa ABS-CBN Management at sa Star Magic, matapos makarating sa kanya ang balitang pinatatanggal ang mga articles sa ilang mga news sites patungkol sa kanyang pakikipagnegosasyon sa Star Cinema at kahilingan na magkaroon ng reunion project sila sa pelikulang Tanging Ina.

Ipinahayag ng kinikilalang comedy queen na si Ai-Ai Delas Alas ang kanyang pagkadismaya matapos makarating sa kanya ang balitang tinanggal ng ABS-CBN ang article tungkol sa kahilingan niya sa Star Cinema kung maaring magkaroon ng reunion project silang mga cast ng Tanging Ina na dating pinangungunahan niya.

Sa inilabas na video ni Ai-Ai Delas Alas na ibinahagi niya sa kanyang Facebook account, iginiit niyang wala naman umanong masama sa kahilingan niya na magkaroon sila ng reunion project gayung hindi naman umano nalugi sa kanya noon ang Star Cinema at ABS-CBN.

Iginiit ni Ai-Ai Delas Alas na wala namang masama sa kanyang pagtatanong patungkol kung may posibilidad bang mangyari ito at wala rin umanong masama kung maibabalita ito.

Kaya naman hindi niya nagustuhan ang ginawang hakbang ng Star Cinema dahil tila minamaliit siya ng mga ito ng labis.

Kaagad naman na nagreak ang maraming mga netizens sa ibinahaging post ni Ai-Ai Delas Alas, marami sa mga nerizens ang nagpaalala kay Ai-Ai Delas Alas sa ginawa niya noon sa Star Cinema na maaring dahilan kung bakit ayaw nang mga ito na makipagtrabaho sa kanya.

Matatandaan na matapos ang paglipat niya sa GMA7 ay pinaringgan niya ang pelikula ng Star Magic at iginiit na ang pelikula talaga nila ni Vic Sotto kung saan nakasama rin niya sina Alden Richards at Maine Mendoza ang totoong nangunguna sa takilya.

Ginawa Ni Vice Ganda Sa Isang RampaBida Contestant Binalikan!

 Sa gitna ng mainit na usapin patungkol sa pag-call out ni Vice Ganda sa isang contestant ng EXpecially For You na si Axel dahil sa tangka nitong halikan ang isa pang guest na si Christine, binalikan ng ilang mga netizen ang ginawa ni Vice Ganda sa isang contestant nila sa nasabing show na tinangka rin nitong halikan noon.

Matatandaan na sinabihan pa ni Vice Ganda si Axel na maari siyang idemanda ni Christine dahil sa tangka nitong paghalik, bago pa umalis si Axel ay sinabi pa ni Vice Ganda na tatadyakan niya ang pagmumukha nito dahil sa inis.

Nag-viral muli sa social media ang isang video ni Vice Ganda, na kinunan ilang taon na ang nakakaraan, sa gitna ng isyung kinakaharap ng komedyante dahil sa pag-call out nito sa isang searchee ng EXpecially For You na si Axel.

Napansin kasi nina Vice Ganda at maging ng iba pang host ang pagtatangka nitong halikan ang isang kalahok nang hindi humihingi ng pahintulot at tila labag sa kagustuhan ng babae dahil makikita ang pag-iwas nito.

Makikita sa matagal nang video na kumakalat ngayon sa social media na kausap si Vice Ganda ang isang contestant ng segment noon ng It’s Showtime na Rampabida nang biglang hawakan ng host ang batok ng isang contestant habang pabirong sinusubukang halikan ito nang hindi man lang nagpapaalam.

Makikita rin ang pagpigil kay Vice Ganda ng kanyan mga kasamahang host.

Ang ginamit na background music sa video ay ang sinabi ni Vice Ganda sa EXpecially For You contestant na si Axel Cruz nang sawayin ni Vice Ganda dahil sa ginawa kay Christine.

Kaagad naman na nagbigay ng pahayag ang mga fans ni Vice Ganda na nakapanood sa buong episode ng show sa panahong iyon.

Ayon sa mga fans na nakapanood ng buong episode, bahagi ng comedy skit ang gesture ni Vice.

Gayunpaman hindi pa rin napigilan ng ilang netizens na mag-react sa video, at sinabing hindi na-practice ni Vice Ganda ang kanyang ipinangangaral kay Axel Cruz.

“I dunno why some people still watching and patronizing this kind of show.I mean,where’s the value?Pag nagkamali,okay lang kasi you made a mistake and you can always say sorry and just get on with it?Nawawala na values and morals lalo na sa mga batang nanonood na thinking it is a NORMAL thing to do a BAD THING as long as you say your sorry.What a waste of time slot sa noon show.”

“Naka SAD lang, na madami pa rin silang na na influence na kumakampi sa kanila,Kay din siguro Ang lalakas ng loob nila at ang tatapang at tataas ng mga pride,kahit may MALI naman talaga sila,Yan! parang Wala lang.”

Ogie Alcasid Ipinagtanggol Si Vice Ganda sa Mga Bumabatikos, Tama Ang Ginawa Kay Axel

 Nagpahayag ng pagsuporta si Ogie Alcasid sa kanyang It’s Showtime co-host na si Vice Ganda sa gitna ng mga batikos na natatanggap ng huli mula sa mga netizens matapos ang desisyon nitong i-call out ang isang searchee ng EXpecially For You na si Axel.

Sa kanyang tweet, iginiit ni Ogie Alcasid na ang tanging hangarin ni Vice Ganda ay mapasaya ang mga tao, na sumalungat sa akusasyon ng ilang kritiko na ginagawang katatawanan ng komedyante ang mga ordinaryong tao.

“This is long overdue. There is a friend I know who comes to work only with the sole intention of making people happy. This person takes it all—for the team, for the show, and for the madlang pipol. This is why I stand for this friend of mine, imperfect as she is. Love you meme,” tweet ni Ogie Alcasid ng pagtatanggol kay Vice Ganda.

Kaagad namang umani ng samu't-saring reaksyon mula sa mga netizens ang tweet ni Ogie Alcasid. Marami sa mga tagahanga ni Vice Ganda ang nagpapasalamat rito dahil sa pagsuporta nito sa kaibigan.

"We love you all Showtime Family we are not only  standing for Vice Ganda but to the whole showtime family walang taong perpekto pero feeling perfect marami bwak bwak bwak Thanksss kuya Ogie for the unconditional love sa ating meme"

"Thank you, Sir Ogie for standing up for Meme Vice."

"I’m crying thanks sir ogie!!!! Kahit inookray ka minsan ni Vice, you still chose to see the beauty in her"

Sa kabila nito, hindi rin naman maitatanggi na maging si Ogie Alcasid ay binabatikos na rin ng ilang mga critics ni Vice Ganda dahil sa pagtotolerate umano nito sa mga maling gawi ng Unkabogable Star.

Mayroon pang hayagang pinangaralan si Ogie Alacasid na ang kanyang ginagawa ay hindi gawain ng isang mabuting tao na mayroong prinsipyo.

"Don’t let that FRIEND of Yours insult you yun langssss di nakaka proud moment"

"Hope your friend finds that humility to apologize, would not hurt his pocket even a centavo”

"A true friend never tolerate someone's bastos and mapagmataas  behaviour, dapat pagsabihan... never use "imperfect" as he is, kasi it depends on how he perceived and accepted his imperfections in other areas but tend to disregard his bastos and arogante na behaviour.. kapit tuko?"

Annabelle Rama Ipinakilala Na Kung Sino Ang Tinutukoy Niyang Chucky Doll

 Nagbigay ng clue ang talent manager na si Annabelle Rama kung sino ang “Chuckie doll” na tinutukoy niya sa kanyang nakaraang post.

Sa kanyang Facebook post, ibinahagi ni Annabelle Rama ang isang post habang nanonood siya ng pelikulang "Chuckie" na may kasamang caption, na nagbibigay ng clue kung sino ang indibidwal na ikinukumpara niya at tinutukoy sa nasabing karakter.

“Ito si Chucky doll……E,” caption ni Annabelle sa kanyang post.

Marami naman ang sinubukang hulaan ang nasabing indibidwal na may initial na E. Karamihan sa kanila ay naniniwala na ang tinutukoy ni Annabelle Rama ay si Esther Lahbati, ang biyenan ng kanyang anak na si Richard Gutierrez, ina ni Sarah Lahbati.

Hindi naman kasi lingid sa kaalaman ng lahat na noon pa man ay hindi na gusto ni Annabelle Rama ang magulang ni Sarah Lahbati dahilan para tutulan nito ang relasyon dalawa noon.

Bago pa man makumpirma ang hiwalayan nina Richard Gutierrez at Sarah Lahbati, marami na ang nagsasabing hindi talaga magkasundo sina Esther Lahbati at Annabelle Rama.

Matatandaang nag-react si Esther sa ilang post na tumatalakay sa pamilya Gutierrez sa gitna ng isyu sa paghihiwalay ng kanyang anak na si Sarah Lahbati at Richard Gutierrez partikular na sa mga pasaring ni Annabelle Rama laban sa kanyang anak.

Nag-react din si Esther Lahbati sa mga pambabatikos na ibinabato ng ilang mga netizens sa rumored girlfriend ni Richard Gutierrez ngayon na si Barbie Imperial.

Samantala, malakas ang hinala ng maraming mga netizens na pabor si Annabelle Rama sa pakikipagrelasyon ng kanyang anak ngayon na si Richard Gutierrez kay Barbie base sa dati nitong post.