Alex Gonzaga Inamin Na IVF Procedure Ang Second Pregnancy Nila Ni Mikee Morada

 Marami ang nalungkot at naawa sa sinapit ng actress-TV host, vlogger na si Alex Gonzaga dahil muling nalaglag sa ikalawang pagkakataon ang kanyang ipinagbubuntis.

Ibinahagi ni Alex Gonzaga ang lahat ng mga pinagdaanan niyang hirap at sakit sa unang pagkakataon sa vlog mismo ng kanyang ate na si Toni Gonzaga.

Sa pagbabalik ni Toni Gonzaga sa Toni Talks, unang kinapanayam niya ang kanyang nakababating kapatid na si Alex.

Napag-usapan nila sa pagkakataong ito ang dalawang beses nang pagkalaglag ng pinagbubuntis ni Alex.

Unang nakunan si Alex Gonzaga noong October 2021 labis itong ikinalungkot ni Alex. Gayunpaman, hindi tumigil ang mag-asawa sa pagsubok na makabuo muli.

Subalit, nitong October 2023, muli na naman nakunan sa ikalawang pagkakataon si Alex Gonzaga.

Ang ikinagulat pa ng marami ang inamin ni Alex na hindi naturally conceived ang pangalawang anak nila ni Mikee. Gumamit umano sila ng science, sa pamamagitan ng IVF procedure.

Ipinahayag pa ni Alex ang pressure na pinagdadaanan niya mula sa mga tao sa kanyang paligid at mga pinagdaanang isyu lalo na noong nakaraang kaarawan niya.

“Nung time na iyon kasi naisip ko talaga na I’m so pressured na. Pressured na ako sa mga tao na, ‘Uy, hindi pa ba manganganak iyan?’ Tapos siyempre, yung nangyari sa akin this year dun sa birthday ko.

“So, parang every time na may name-meet ako sasabihin na parang, ‘Ah, mabait ka naman pala,’ na parang sabi ko, ‘Ba’t kaya naging ganun yung connotation sa akin this year?’” pag-amin ni Alex.

Nagbigay pa ng mensahe si Alex sa mga anak mula sa IVF na mahalin nila ang kanilang mga ina dahil hindi biro ang pinagdaanan nito para lamang magkaroon ng anak.

Samantala, sinabi umano sa kanila ng kanilang doktor na nasa 50% hanggang 60% chances lamang ang sucessful rate ng isinagawa nilang procedure.

Sa kabila ng kanilang pinagdadaanan, ipinakita naman ni Mikee ang pagsuporta kay Alex.

Untold Story! Daniel Padilla, Andrea Brillantes past Issue, Pinagseselosan Ni Kathryn Bernardo

Kabilang sa mga napag-usapan sa kamakailang showbiz oriented vlog nina Ogie Diaz sa kanilang YouTube channel ang naging pahayag ng mga magulang ni Ricci Rivero hinggil sa naging hiwalayan noon nina Ricci at Andrea Brillantes.

Ayon sa isang komento ng netizen, patuloy pa rin umanong nakikipagkita si Andrea Brillantes sa kanyang ex boyfriend habang sila pa ni Ricci Rivero. Ito rin umano ang totoong dahilan kung bakit naghiwalay ang dalawa.

Dahil dito, marami ang nag-iisip ng hindi maganda kay Andrea Brillantes.

Samantala, sa kamakailang vlog ni Ogie Diaz, nabanggit niya na may isang taga-ABS-CBN na nakipagpustahan sa kanya na hindi papayag si Kathryn na makasama sa iisang proyekto si Andrea Brillantes.

Kasunod nito, muling naungkat ang naging isyu noon nina Daniel Padilla at Andrea Brillantes.

"So may nag tsika sa akin, pustahan daw kami, hindi papayag si Kathryn Bernardo na makasama sa pelikula si Andrea Brillantes."

Matatandaan na noong interview kay Andrea Brillantes noong 2013, habang 10 years old pa lamang ito, hayagan niyang inamin na super crush niya si Daniel Padilla.

Hinahabol pa ito noon ng aktres para lamang magpapicture.

“Kinilig po ako noon dahil naka akbay si Kuya Daniel sa akin, tapos kiniss niya ako sa noo,” pag-amin noon ni Andrea.

Sinabi naman ni Andrea noon na bagama't may crush siya kay Daniel Padilla magpopokus muna siya sa kaniyang career dahil 10 years old pa lamang siya.

Ngayong nasa tamang gulang na si Andrea Brillantes, muling naungkat ang isyu sa pagitan nila ni Daniel Padilla.

Matatandaan na noong 2022 naging matunog ang isang blind item na tinago sa initials na DP at KB. Isang celebrity couple a umano'y nagkakalabuan nang mahuli umano ng actress na si KB ang aktor na si DP na palihim na nakipagkita sa aktres na si AB.

Malakas ang hinala ng mga netizens na ang tinutukoy sa blind items ay walang iba kundi sina Daniel Padilla, Kathryn Bernardo at Andrea Brillantes.

Matatandaan na kumalat din noon ang intriga na si Andrea Brillantes ang naging dahilan ng tampuhan ng celebrity couple noon.

Subalit, pinabulaanan naman ito nina Kathryn Bernardo at Daniel Padilla sa pamamagitan ni MJ Felipe.

“Spoke to two very reliable sources close to Kathryn & Daniel.

“Netizens have been mentioning the couple after a blind item, coincidentally with their initials, came out that a certain loveteam have decided to call it quits.

“Both sources vehemently denied the rumors.”

Sa kabilang banda, dahil sa mga isiniwalat ni Ogie Diaz sa kanyang vlog patungkol sa hindi papayag si Kathryn na masama sa iisang pelikula si Andrea Brillantes, hinala ng mga netizens na totoo ang naging isyu noon.

May mga naglabasang intriga na may namamagitan nga kina Andrea Brillantes at Daniel Padilla noon na hanggang ngayon ay apektado pa rin si Kathryn.

Maging ang pag-amin noon ni Seth Fedelin sa pagseselos niya kay Daniel Padilla at iniugnay na rin ngayon ng mga netizens sa isyu.

 

Karla Estrada Binuking Na Hiwalay Na Si Daniel Padilla at Kathryn Bernardo

 Nabahala ang mga KathNiel fans nang muling pumutok ang balitang naghiwalay na ang longtime celebrity couple na sina Kathryn Bernardo at Daniel Padilla.

Ayon sa mga kumakalat na haka-haka sa ilang mga social media platforms at ilang mga entertainment news sites na mahigit dalawang buwan nang hiwalay sina Kathryn Bernardo at Daniel Padilla.

Nag-ugat ang mga usaping ito nang sa unang pagkakataon sa loob ng matagal na nilang pagiging magrelasyon, hindi na sumasama si Daniel sa mga out of time trips ni Kathryn.

May sarili din itong lakad sa Palawan kasama ang kanya out of showbiz friends.

May mga nagdududa naman sa balitang ito kung saan sinasabi nila na kung totoong naghiwalay na ang dalawa bakit nanatiling tahimik sila.

May naghinala naman na nanahimik muna ang dalawa sa kanilang paghihiwalay upang hindi mabigla ang kanilang mga fans ngayong may upcoming silang mga projects.

Dagdag pa sa hinalang ito ng mga netizens ay ang pagpunta ni Kathryn nang mag-isa sa nakaraang The Corrs concert.

Hindi rin nakasama ni Kathryn si Daniel sa kamakailang pagbabakasyon nito Indonesia.

“Hiwalay na talaga sila matagal na hindi pa lang nila masabi ngayon kasi may mga solo pa sila pelikula at may mga endo pa silang gagawin.. 

“pero wala na talaga sila marami na ang nagsasabi kasi hindi na sila nagsasama kahit nung sa magic ball hindi na din sila magkasabay naglakad kahit nung uwian na hindi pa din sila magkasama si DJ nalang umuwi mag-isa wala na si Kath pati don sa party hindi na din sila magkatabi. Kung sino-sino na lang kausap nila pareho,” komento ng isang netizen.

Samantala, ayon sa isang malapit na kaibigan ni Karla Estrada, tinanong umano ng aktres ang anak hinggil sa mga kumakalat na balitang naghiwalay na sila ni Kathryn.

Hindi naman umano ito sinagot ni Daniel Padilla.

Leren Mae Bautista, Nagsalita Tungkol Sa Relasyon Nila Ni Ricci Rivero

 Hanggang ngayon ay usap-usapan pa rin ang relasyon nina Leren Mae Bautista at Ricci Rivero.

Naging kontrobersyal ang relasyon ng dalawa dahil nauna na silang nalink nang maghiwalay noon sina Ricci Rivero at Andrea Brillantes.

Nag-viral din noon sa social media ang mga larawan na kuha umano mula sa condo unit ni Ricci Rivero. Si Leren Mae ang tinuturo ng marami na babae ni Ricci Rivero na naging dahilan ng hiwalayan noon nila ni Andrea Brillantes.

Gayunpaman, nilinaw noon nina Leren Mae Bautista at Ricci Rivero na wala silang relasyon. Ipinagdidiinan pa ni Ricci Rivero na hindi naman sa kanya ang babaeng nadatnan ni Andrea Brillantes sa kanyang condo.

Iginiit din ni Ricci na hindi si Leren Mae ang babae. Sa kabilang banda, naglabas naman ng pahayag noon ang kampo ni Leren Mae kung saan pinabulaanan nila ang isyu na may relasyon ang konsehala at si Ricci Rivero.

Subalit, matapos ang ilang linggo lumutang ang mga larawan kung saan sweet na magkasama sina Leren Mae at Ricci Rivero.

Makalipas ang ilang araw, tuluyan nang inamin ni Ricci ang kanilang relasyon.

Dahil dito, hindi napigilan ng ilang mga netizens na batikusin sina Ricci Rivero at Leren Mae Bautista. Tinatawag sila bilang ang manloloko at mang-aagaw.

Gayunpaman, pilit na pinabubulaanan ito ng mga pamilya at maging ni Ricci Rivero.

Ipinagdidiinan ni Ricci na matagal na silang naghiwalay ni Andrea Brillantes kaya naman hindi umano maituturing na cheater siya at mang-aagaw naman si Leren Mae.

Samantala ibinahagi naman ni Leren Mae Bautista sa kanyang social media post ang panonood nila ni Ricci Rivero sa kamakailang concert ni Gary Valenciano.

Ipinahayag ni Leren Mae na wala silang dapat ikabahala dahil alam umano ng Diyos ang lahat nang nangyayari.

“You came at the right time in my life. God knows the truth. We don’t have to defend ourselves anymore.”

“Ang mahalaga alam natin ang totoo,” caption ni Leren Mae sa kanyang post kalakip ang clip ng pagkanta ni Gary  V. sa How Did You Know.

Sa kabilang banda, maging ang ama ni Ricci Rivero ay dumipensa na rin sa naging relasyon ngayon ng anak at ni Leren Mae Bautista.

“You can guys can say anything but in the end our family can still go to bed and have a good sleep because we know KUNG SINO ANG SINUNGALING AT SINO ANG GUMAGAWA NG KWENTO AT PA-PANIWALAIN ANG MGA TAGA SUPORTA and asking others to spread false information just to gain sympathy. She might not be taking in public but definitely asking her friends to post and spread false rumors, alam mo yan iha,” depensa ng ama ni Ricci Rivero.

MJ Lastimosa Nagsalita Na Kaugnay Sa Mga Pahayag Ng MGI Founder Na Si Nawat Itsaragrisil

 Sinagot ni Miss Universe Philippines 2014 MJ Lastimosa si Miss Grand International President Nawat Itsaragrisil, na kamakailan lamang ay labis na bumatikos sa kanya at tinapos ang kanilang pagkakaibigan. 

Tila labis na nadismaya ang Miss Grand International founder na si Nawat Itsaragrisil kay MJ Lastimosa sa pagtawa ng huli nang sabihin ng kanyang guest na si Maki, na ang worst beauty pageant ay ang Miss Grand, mapa Philippines man o International.

Sa isang Facebook live ipinahayg ni Nawat Itsaragrisil ang kanyang disappointment kay MJ Lastimosa.

Ibinahagi pa ng founder na sinabi noon ni MJ sa kanya na number one pageant ang Miss Grand noong may hinihingi itong pabor sa kanya.

Hiniling umano ni MJ Lastimosa sa kanya na kapanayamin ang mga kandidata ng Miss Grand International at maging siya mismo.

“I met her many times. I’m really friendly and offer her a lot of things. She always said, ‘O, Miss Grand is number one and the huge production.’ So, that’s why last year she fly, buy her own ticket to Indonesia, and ask me favor the ticket, favor going inside backstage to doing the clip or interview, even interview myself,” pagbubulgar ni Nawat.

Ipinahayag din ni Mr. Nawat na ilang beses niyang tinulungan noon si MJ Lastimosa dahil sa pagiging magkaibigan nilang dalawa.

“I help her everything because I’m friendly and appreciate in that time because I think if friend it must be better than others. So when I went to Manila, anytime we keep calling, we are the good friend and I help her a lot."

Ibinulgar pa ni Mr. Nawat na nito lamang katatapos na Miss Grand International na ginanap sa Vietnam ay nakasama at nakausap pa niya si MJ Lastimosa kung saan ipinahayag umano nito kung gaano ka ganda at number one pageant ang Miss Grand.

“Even this year in Vietnam, she come to Ho Chi Minh, she came to Ho Chi Minh, she came to watch Miss Grand. Before she leave from the hotel, Rex Hotel, at the lobby. I meet her at the lobby before she leave. A couple day after coronation night, we say, ‘Oh, I love you. I like Miss Grand. Miss Grand is okay, number one.'”

Bukod pa rito napagpasyahan ni Nawat na iban na ng tuluyan si MJ Lastimosa sa kanyang pageant at tinapos na rin niya ang kanilang ugnayan.

“If it true, I don’t. It’s not true. I got the prize. I got best beauty pageant of the year. I have a good production. But you do that like this. I think we are no more, any more relationship in between MJ and our organization and myself.”

“Don’t come to Miss Grand anymore. Okay? We don’t know each other from now. I don’t want to meet the people like you. It’s below standard. It’s not sincere.”

Samantala, sinagot na ni MJ Lastimosa ang naging banat ni Nawat Itsaragrisil laban sa kanya. Ipinaalala ni MJ Lastimosa na may disclaimer naman ang kanyang programa kung saan nakasaad na ang opinyon ng kanyang mga guests ay walang kinalaman sa kanila.

“May disclaimer naman yung show namin mare baka kelangan lang itranslate , pagod ang kumare nyo,” caption ni MJ Lastimosa sa kanyang Facebook post.

Narito naman ang nakalagay na disclaimer sa post ni MJ Lastimosa.

“The views and opinions expressed in this program are those of the guests and do not necessarily reflect the views or positions of the hosts, the production and its management.”

Narito naman ang ilang komento mula sa mga followers ni MJ Lastimosa.

"Nawat will never understand a simple disclaimer. His english comprehension is at lowest level"

"Mareng Merijin wala ka dapat i-explain. Ganyan talaga pag walang utak react ng react sa mga bagay kahit meron namang maayos na explanation. "

"Angkol's level of comprehension and professionalism is 10 feet below the ground."

Kim Chiu, Nagsalita Na Tungkol Sa Rumored Breakup Nila Ni Xian Lim

 

Marami sa mga KimXi fans ang nabahala nang ilang linggo nang hindi namamatan na nagkasama sina Xian Lim at Kim Chiu mula noong ABS-CBN's Ball hanggang nitong Holloween.

Maging sa kani-kanilang mga social media accounts ay wala rin silang ginawang posts patungkol sa kanilang dalawa.

Napansin pa ng ilang mga netizens na hindi na nila-like nina Kim Chiu at Xian Lim ang ginagawa nilang post.

May mga nagsasabi naman na low key lamang ang relasyon ng dalawa upang hindi maapektuhan ang kani-kanilang mga showbiz career. 

Nagsimula ang mga usap-usapan patungkol sa diumano'y break up ng longtime celebrity couple na sina Kim Chiu at     Xian Lim nang maging madalang ang pagkikita nilang dalawa.

Maging sa mga pagbabakasyon ay nagso-solo na lamang si Kim Chiu o di kaya ay kasama niya ang kanyang mga kaibigan, gayundin naman si Xian Lim.

Samantala sa kamakailang media con para sa serye na pinagbibidahan ni Kim Chiu na Linlang, hayagang naitanong sa kanya kung ano na ang estado ng relasyon nila ni Xian.

"Kayo talaga, baka nalilinlang lang kayo."

Nilinaw din ni Kim Chiu sa nasabing media conference na hindi totoo ang kumakalat na tsismis na umano'y on the rocks na ang relasyon nila ni Xian Lim.

"Okay naman po kami ni Xi."

Paglilinaw pa ni Kim Chiu, "Mapanlinlang ang showbiz pero maayos naman. Masaya naman po kami."

Samantala, noong November 2, 2023 episode ng It's Showtime, naitanong ni Vice Ganda kay Kim Chiu kung sino ang nagpapasaya sa kanya.

Agad naman itong sinagot ni Kim Chiu na ang nagpapasaya sa kanya ay ang kanyang mga kamag-anak at pamilya.

Kalaunan sa kanilang pag-uusap muling tinanong ni Vice Ganda si Kim Chiu kung ano ang kulang sa kanya.

Agad naman itong sinagot ni Kim Chiu kung saan sinabi niyang kulang siya kapag walang usap.

“Kulang ‘pag walang usap. Because in everything that we do, communication is the key.”

Muli pang tinanong ni Vice Ganda si Kim Chiu kung sino ang gusto niyang makausap iyong pakiramdam na hindi buo ang araw kung hindi umano sila nagkakausap.

Sinagot naman ni Kim Chiu na ang kanyang pamilya at si Xi.

Matatandaan na mag-isa lamang na dumalo noon si Xian Lim sa Preview Ball 2023 habang mag-isa ring rumampa si Kim Chiu sa ABS-CBN's Ball 2023.

Nilinaw naman kaagad ni Kim Chiu noon na nasa India si Xian noong ABS-CBN's Ball kaya hindi siya nito nasamahan. Nilinaw din ng aktres na maayos naman itong nagpaalam sa kanya sa pagpunta sa India kasama ang kanyang mga kaibigan upang mag-motor.

"Nasa India siya, kasama niya yung mga friends niya, nag-motor. Noong na-schedule, na-timing sa ball. Sabi ko sige, go lang."

Hindi naman ito ang kauna-unahang pagkakataon na napabalitang nagkahiwalay ang dalawa.

Taong 2012 unang napabalita ang padi-date ng dalawa. Taong 2015 naman nang inamin ni Kim Chiu na may romantic relationship na sila.

Paolo Contis, Sinabing 'Friend' Lang Sila Ni Arra San Agustin

 Usap-usapan ngayon sa mga netizens ang umano'y namumuong relasyon ng Eat Bulaga host na sina Paolo Contis at Arra San Agustin.

Trending ngayon sa social media ang ilang mga video clips na kuha mula sa noontime show na Eat Bulaga kung saan kapansin-pansin ang closeness nina Paolo Contis at Arra San Agustin.

Marami ang naghinala na may namumuo nang relasyon sa pagitan ng dalawa dahil palaging nakaalalay si Paolo Contis kay Arra San Agustin na hindi naman niya ginagawa sa iba pang mga host sa kanilang show.

Hindi ito nagustuhan ng mga maraming netizens lalo pa't hindi naman lingid sa kaalaman ng lahat ang relasyon nina Paolo Contis at Yen Santos.

Bukod pa rito hindi rin maganda ang naging history ni Paolo Contis sa mga nauna pang babae na kanyang nakarelasyon.

Sa kabilang banda, may mga naghinala naman na ginagawa lamang ito nina Paolo Contis at Arra San Agustin para umingay ang kanilang show.

May mga nagsasabi naman na nagbabalak si Paolo Contis na makipag-loveteam kay Arra San Agustin.

Gayunpaman, hindi pa rin nagugustuhan ng mga netizens ang ginagawa ni Paolo Contis dahil sa naging track record niya sa mga naunang nakarelasyon at sa kanyang current girlfriend na si Yen Santos.

Bukod pa rito, pinupuna rin ng ilang manonood ng Eat Bulaga na hindi na umano angkop sa programa ang mga ginagawa nina Paolo Contis at Arra San Agustin.

May ilan pang hayagan nang tinawag ang atensyon ng Movie and Television Review and Classification Board chairperson na si Lala Sotto dahil sa patuloy na pananahimik nila sa isyu gayung lumalampas na umano sa boundaries sina Paolo Contis at Arra San Agustin.

Sa kabilang banda, nagbigay na ng reaction si Paolo Contis hinggil sa pang-iintriga sa kanila ng mga netizens.

Sa isang panayam, nagkibit balikat lamang si Paolo Contis nang matanong sa kanya kung ano ang real score sa pagitan nila ni Arra San Agustin.

Nilinaw din niya na ang mga ginawa nila sa show ay nauna nang nakunan.

May paglilinaw din si Paolo Contis sa video clips nila ni Arra San Agustin na kuha mula sa isang gym na pinapalabas na magkasama silang dalawa na mag-work out.

“Sana kinunan nila yung buong grupo, hindi yung kaming dalawa lang. Lahat kami nag-gym.”

Samantala, narito naman ang ilang mga komento mula sa mga netizens na patuloy pa ring naghinala na may namumuong romantic relationship nina Paolo Contis at Arra San Agustin.

“Kabahan kana Yen.. ang friend mo kinikilig na naman sa iba.”

“Sayang ka Arra pagpinatulan mo yan si Paolo.”

“Hello MTRCB unfair naman sa showtime yarn”

Richard Gutierrez at Sarah Lahbati 'Love Story' Ganito Nagsimula

 Trending ngayon sa social media ang hiwalayan isyu ng celebrity couple na sina Richard Guttierrez at Sarah Lahbati.  Bagama't hindi naman kumpirmado ang isyung ito dahil wala ni isa man sa mag-asawa ang nagsasalita hinggil sa isyu. 

Samantala ating balikan ang kanilang kwentong pag-ibig na kinakiligan ng maraming netizens. 

Si Sarah Lahbati ay isa sa mga artistang masasabing may natural na ganda noon pa man. Kaya naman nakitaan ng opportunity sa pagiging artista sa murang edad.  

Si Sarah Lahbati ay ipinanganak sa Geneva Switzerland ng filipina mother. ang kanayng ama naman ay isang Morrocan. Sa Switzerland nanatili at lumaki si Sarah Lahbati subalit, paminsan-minsan ay nagbabakasyon siya sa Pilipinas. 

Dumating naman ang pagkakataon  na nakapagdesisyon ang kanyang mga magulag na dumito na lamang siya sa Pilipinas at ipagpatuloy ang pag-aaral. 

Kalaunan, nagkaroon ng interes si Sarah sa showbiz at madalas na nagpupunta sa mga audition para  sa mga tv commericals. Noong 2009 napabilang si Sarah sa mga finalist ng Starstruck season 5 kung saan siya ang nagwagi bilang ultimate female  survivor. Mula rito ay nabigyan na si Sarah ng pagkakataon na mas makilala sa showbiz. 

Si Richard naman ay kilala na showbiz noon pa man. Bukod sa pagiging Gutierrez, nagpakita rin siya ng husay sa kanyang acting career kung saan ilang beses na rin siyang naging leading man sa mga teleserye at mga pelikulla. 

Taong 2012, nagtagpo ang landas nina Richard at Sarah sa teleserye ng GMA7 na 'Makapiling Kang Muli'. Supporting female actress lang si Sarah sa palabas na ito sapagkat ang bumida rito ay si Carla bilang leading lady ni Richard. 

Nagkaroon ng magandang pagtitinginan sina Richard at Sarah habang ginagawa ang naturang serye pero ayon sa kanilang panayam bago pa man sila nagkasama sa trabaho, crush na nila ang isa't-isa. 

Sa panahong ito agad na niligawan ni Ricahrd si Sarah, bago magtapos ang filming ng serye, sila ay opisyal nang naging magkasintahan. 

Inamin mismo ni Sarah sa isang panayam ang real score sa pagitan nila ni Richard. Ibinahagi rin ni Sarah na ang bakasyon sa Switzerland ay regalo ni Richard sa kanyang sa 19th birthday. Matapos lang ang tatlong buwan mula ng kanilang pag-amin, nagpaalam si sarah sa kanyang mga followers at sinabing siya ay babalik muna sa Switzerland upang ipagpatuloy ang kanyang pag-aaral. 

Hindi naniwala ang marami sa dahilan ni Sarah dahil pumutok na rin ang balitang buntis ito. Hindi naman ito kinumpirma ng magjowa at pilit na itinatanggi.

Noong June 2014, ikinagulat ng madla ang pagbubunyag ni Richard hinggil sa kanilang anak ni Sarah na si Zion. Ayon kay Richard nagpagdesisyunan nila ni Sarah na wag ipaalam sa publiko ang pagbubuntis dahil ayaw nilang maging circus ang kwento. 

Matapos ang tatlong taon, nagpropose naman si Richard kay Sarah na nangyari sa Switzerland. Kalaunan matapos ang anim na buwan, inanunsyo ng celebrity couple ang pagdating ng kanilang seond baby, dahilan para ipagpaliban muna nila ang kanilang kasal.

Natuloy naman ang kasal ng dalawa noong March 2020. Mula noon ay naging maayos naman ang kanilang pagsasama.

Sa katunayan, isa sina Richard at Sarah Lahbati sa mga couple na hindi nahihiyang ipakita ang affection nila sa isa't-isa.

Kaya naman naging palaisipan sa mga netizens kung bakit tila bigla na lamang itong nagbago ngayon.

Kylie Ipinaglaban Marriage Nila Ni Aljur, Ayaw Makipaghiwalay

 Sa kamakailang episode ng Fast Talk with Boy Abunda nitong November 3, 2023 isiniwalat ni Kylie Padilla na ipinaglaban niya hanggang sa dulo ang marriage nila ni Aljur Abrenica subalit hindi sila ipinaglaban ni Aljur.

Inilahad din ni Kylie Padilla sa nasabing episode ng programa ni Boy Abunda kung ano ang pinakaimportanteng leksiyon na natutunan niya sa naging relasyon nila ng kanyang estranged husband.

“Medyo cliché eh, but I wish nagtira ako para sa sarili ko. Kasi, I gave my all talaga,” pahayag ni Kylie Padilla.

Ipinahayag pa ni Kylie Padilla kung paano niya ipinaglaban noon ang kanilang marriage ni Aljur Abrenica sa kabila ng pagsubok na pinagdadaanan nila bilang mag-asawa.

Hindi umano siya bumitaw sa kabila ng paghihirap niya sa kanilang relasyon dahil ayaw niyang magkaroon ng broken family na katulad niya ang kanyang mga anak.

“For a time, sa relationship namin, there was a point in my life na… dadaanan n’yo talaga, as people in relationship will go through struggles, mayroon talaga, kasama talaga ‘yun.

"But because I made the promise of marriage even if sabi ko sa sarili ko, ‘Okay if I’m unhappy now and magiging ganito na ang setup namin, ipaglalaban ko pa rin para sa mga anak ko. Inubos ko… nauwi din sa hiwalayan.

“Galing ako sa broken family, so ayokong matulad like, I hate it when people say, ‘Artista ‘yan, palit-palit lang’… but people don’t know how much it hurt me,” emosyunal na pag-amin ni Kylie.

Dagdag pang pag-amin ni Kylie Padilla na kahit nahihirapan siya sa pagdaan sa postpartum stage, ipinaglaban pa rin niya at pinanindigan ang marriage nila ni Aljur subalit hindi umano ito sinuklian ng dati niyang asawa.

Nagpakasal umano si Kylie Padilla sa kabila ng hindi niya paniniwala sa kasal para lamang magkaroon ng buong pamilya ang kanyang mga anak at hindi matulad sa kanya.

Subalit sa huli ay iniwan pa rin siya at nangyari sa kanyang mga anak ang pinagdaanan niya noon nang maghiwalay rin ang kanyang mga magulang.

Hiwalayan Issue Nina Richard Gutierrez at Sarah Lahbati, Alamin

 Marami ang nag-aalala ngayon sa mag-asawang sina Richard Gutierrez at Sarah Lahbati. Matapos ang kanilang pagsasama sa loob ng 11 years bigla na lamang pumutok ang balitang naghiwalay na ang dalawa.

Bukod sa kawalan ng mga posts at interactions nila sa social media, ilang beses na ring nagbahagi ng cryptic posts si Sarah Lahbati sa kanyang social media account na lalo pang nakadagdag sa mga agam-agam ng mga netizens.

Hindi napigilan ng ilang mga netizens na tanungin ang kasalukuyang status ng celebrity couple na sina Richard Gutierrez at Sarah Lahbati matapos mapansin na tila may kakaiba sa kani-kanilang mga social media accounts.

Marami ang nakapansin na hindi na nagbabahagi ng mga larawang magkasama ang mag-asawa sa kanilang mga accounts tanging mga larawan na lamang ng mga anak.

Kahit nitong Halloween season, kapansin-pansing walang pino-post ang dalawa tungkol sa isa't isa at nag-post lang ng mga larawan kasama ang kanilang mga anak sa kanilang mga social media accounts.

Tila magkahiwalay pa nila itong ipinagdiwang at nagsalitan lamang sa kanilang mga anak.

Naging big deal ito sa mga netizens dahil hindi ganito ang pagkakakilala nila sa dalawa. Kilala sina Sarah Lahbati at Richard Guttierrez bilang couple na very expressive sa kanilang pagmamahalan.

Hindi rin nakita si Sarah Lahbati sa birthday celebration noong October 31 ni Annabelle Rama, bagay na hindi umano pangkaraniwan.

Bukod dito, hindi rin dumalo si Sarah sa Opulence Halloween party na inorganisa ng kakambal ni Richard na si Raymond Gutierrez na kilala ring malapit kay Sarah.

Samantala, hindi rin nakita noon si Richard nang ipagdiwang ni Sarah Lahbati sa Siargao ang kanyang 30th birthday. Tanging ang mga anak at magulang lamang ni Sarah ang naroon.

Kamakailan lamang ay nagbakasyon rin sina Sarah Lahbati at kanyang mga anak sa Camarines Sur, subalit hindi pa rin nila kasama si Richard.

“How come Sarah is no longer in the picture??? I noticed that on Sarah post too. You are missing in her recent escapades… Are you still together?”

“Napansin ko rin to. Kinabahan an ko mula nung magpalit ng pfp si Sarah sabay iba din ng bio nya. Tas yun nga hindi sya supportive as mga ganap ni Chard. Tinanggal nya rin young mga tagged photos as IG pag andun si Richard. Weird kasi andun si Richard as event nung Casa Selma pero hindi pinost ni Sarah Parang pinagmumukha nyang walang support. huhu.”

“Parang crpytic din posts nya. Naalala ko young vid ng Barbie an pinost sya sa stories. Negative nya rin young tagged posts as IG pag andun si Rhcard.”

Gayunpaman, nananatiling tikom ang bibig nina Sarah Lahbati at Richard Gutierrez sa nasabing isyu. Nanahimik lamang sila at tila dinededma ang pang-iintriga sa kanilang pamilya.

Itinuloy ng matagal nang celebrity couple na sina Sarah Lahbati at Richard Gutierrez ang kanilang kasal noong March 14, 2020 sa parehong linggo na ipinatupad ang lockdown sa Metro Manila. Nangyari ang intimate ceremony matapos ipagpaliban ng dalawa ang kanilang engrandeng kasal na unang itinakda sa isang luxury hotel sa Taguig City.

Abegail Rait, Humingi Ng Paumanhin Sa Pamilya Magalona

Naglabas ng opisyal na pahayag si Abegail Rait tungkol sa kontrobersyang sinimulan niya matapos ang kanyang pagsisiwalat na isa siyang babae ng yumaong rapper na si Francis Magalona.

Sa kanyang pagsasalaysay, humingi ng paumanhin si Abegail sa pamilya ni Francis Magalona. Iginiit din niyang hindi niya ipinagmamalaki ang kanyang pagiging other woman sa kanyang paglabas sa ‘Pinoy Pawnstars,’ kung saan ikinuwento niya kung paano sila nagkakilala ni Francis Magalona.

Bukod sa pagkakaroon nila ng relasyon ni Francis Magalona, isiniwalat din niya na mayroon silang anak na babae na mismong si Francis pa ang nagbigay ng pangalang Gaile Francesca mula sa kanilang mga pangalan.

“Sa lahat po ng nasaktan, sa pamilya po ni Kiko, humihingi po ako ng dispensa sa lahat ng kaguluhang ‘to. Hindi ko po pinagmamalaki ang naging pagkakasala ko pero tao lang po ako. Hindi ako perpekto. ‘Di po ako magpe-pretend ng kung anu-ano,” saad ni Abegail Rait.

Muli ring iginiit ni  Abegail Rait na alam niya ang katayuan niya sa buhay ni Francis Magalona. 

Hiniling rin niya na huwag siyang husgahan ng mga taong wala namang alam sa totoong nangyari sa relasyon nila noon ni Francis Magalona.

“Kung mali man po ang paglantad naming mag-ina, I’m sorry. Hindi n’yo ako kailangang husgahan… Hindi ako maalam sa batas pero ang tanong ko po, ang hindi alam ng nakararami, na nung nagkarelasyon kami ni Kiko, hanggang sa mamatay siya, alam ko kung ano ang estado ko sa buhay niya.

Ayon sa kay Abegail Rait, buntis na siya nang ma-diagnose si Francis Magalona na may Leukemia, subalit mas pinili niyang hayaang tumira ang Master Rapper sa bahay nila ni Pia Magalona bilang paggalang kay Pia.

Sa kabilang banda, hanggang ngayon ay hindi pa rin nagbibigay ng pahayag ang pamilya ni Francis Magalona sa naging pagsisiwalat ni Abegail mula pa man noong lumantad sila ng kanyang sa Pinoy Pawnstar.

Samantala, may mga netizens pa rin na patuloy na binabatikos ngayon si Abegail Rait dahil sa kanyang pandadamay umano sa taong matagal nang namayapa para lamang makapasok sa showbiz ang anak.

"Humingi ka po ng tawad sa pamilya pero dinagdagan mo lang ang tsismis. If you were on Pias shoes and anak mo yung mga anak nila, would you like them to go through this kind of situation?

"Any man can say things about their current relationship to please the “bago”. Dapat inisip mo yung nga taong masasaktan at tahimik ang buhay nila bago ka pa lumabas. You’re affected about the bashers sa anak mo but you caused it po. You’re an adult to know ikaw ang dahilan na nababash kayo ng anak mo."

Sa kabilang banda, may mga naniniwala naman at sumusuporta kay Abegail at naniniwalang ginawa lamang ito ng ina para sa karapatan ng anak na makilala rin bilang anak ng yumaong Master Rapper.

Zsa Zsa Padilla at Eric Quizon Nagulat Sa Nakita Sa Puntod Ni Dolphy Sa Heritage Park

Ginunita rin ng mga celebrities ang kanilang mga mahal sa buhay na nauna nang sumakabilang buhay. Isa sa mga celebrities na ito ay ang tinaguriang Divine Diva na si Zsa Zsa Padilla.

Sa kamakailang Instagram post ni Zsa Zsa Padilla, ibinahagi niya ang mga larawan na kuha mula sa pagbisita niya sa kanyang long time partner at King of Comedy na si Dolphy Quizon.

Napansin naman ni Zsa Zsa sa kanyang pagpunta roon ang isang bulaklak na iniwan ng hindi niya nakilalang tao para sa yumao. Pinasalamatan naman ito ni Zsa Zsa sa hindi nito paglimot kay Dolphy makalipas ang ilang taon ng pagpanaw nito.

“Thanks to those you passed by to say prayers lit candles and gave flowers.” 

Samantala, bago mag-November 1, nauna nang bumisita sa puntod ni Dolphy ang anak na si Eric Quizon. Iniiwasan kasi nito na maipit sa maraming tao na magsisipuntahan sa sementeryo sa nasabing araw.

Nagulat at natuwa rin si Eric Quizon nang madatnan niyang may naglagay ng bulaklak sa puntod ng kanyang ama. Malaki ang naging pasasalamat ni Eric dahil hanggang ngayon ay may nakaalala pa rin umano sa kanyang ama.

"I visited my Dad yesterday and i was surprised to see flowers from probably someone who admires him so much. Grateful they still remember my Dad. This kind gesture will always elate us, the quizons."

Ikinatuwa naman ito ng mga netizens dahil deserve naman umano ni Dolphy na hindi kaagad makalimutan ng mga tao.

"My kids, they were born in Sydney and they know your dad. We always watched home along the riles on rented tapes. Now they are in their late 20s.

"I also visit a nursing home every Sunday and an elderly is excited to watch your dad on YouTube clips. Your dad will never be forgotten"

Si Rodolfo Vera Quizon Sr. GCGH, na mas kilala sa kanyang mga stage name na Dolphy, Pidol, at Golay, ay isang Pilipinong komedyante at artista. Kinilala rin siya bilang "King of Comedy" ng bansa para sa kanyang talento sa comedy na kinakatawan ng kanyang mahabang hanay ng mga gawa sa entablado, radyo, telebisyon at mga pelikula.

Pumanaw si Dolphy noong July 10, 2012 sa Makati, Medical Center sa edad na 83, 15 araw lamang bago ang kanyang ika-84 na kaarawan dahil sa multiple organ failure, pangalawa sa mga komplikasyong dala ng pneumonia, chronic obstructive pulmonary disease at acute renal failure.

View this post on Instagram

A post shared by Enrico Quizon (@eric_quizon)

Kris Aquino Nagulat Sa Surprise Ni Mark Leviste

 Malaki ang nagagawa ng pag-ibig sa buhay ng isang tao. Kaya naman makikita sa buhay ni Mark Leviste ngayon na kasalukuyang Vice Governor ng Batangas na kaya niyang magpunta gaano man kalayo para lamang sa kanyang minamahal.

Sa kamakailang Instagram post ni Mark Leveste makikitang nag-enjoy ang Vice Governor sa pagdiwang ng All Saints Day at All Souls Day kasama sina Kris Aquino at mga anak nito na kasalukuyang nasa Amerika.

Kabilang sa mga larawan na kumakalat sa social media na nakaantig sa mga netizens ay ang larawan nina Mark Leviste at Josh Aquino habang suot ang isang twining outfit.

Marami ang nasiyahan dahil makikita ang closeness ng mga ito sa isa't-isa. Sa kabilang banda, humahanga rin ang ilang mga netizens kay Mark Leviste dahil napaka-consistent nito sa pagpapakita ng pagmamahal at pagbibigay effort sa relasyon nila ni Kris Aquino.

Palaging pinupuntahan ni Mark Leviste si Kris Aquino sa tuwing holidays at ibang mahahalagang occasions sa mga Aquino. Tila hindi nito alintana ang layo ng Amerika at Pilipinas basta't makasama lamang niya ang taong minamahal.

Matatandaan na si Mark Leveste ang naging daan sa naganap na reunion nina Kris Aquino at Kim Chiu. Bukod dito malaki rin umano ang naitulong ni Mark Leviste sa pagkikita nina Boy Abunda at Kris Aquino.

Naibahagi pa noon ni Kris Aquino na si Mark Leviste ang naging cameraman sa maikling interview ni Boy Abunda sa kanya.

Ang pagbisita ding ito ni Boy Abunda kay Kris Aquino ang nagtuldok sa isyu noon na tila may hindi pagkakaunawaan ang dalawa.

Isiniwalat din ni Kris Aquino na magkakasama sila ng pamilya ni Mark Leviste sa pagdiriwang ng pasko sa susunod na buwan na at the same time birthday din ni Mark Leviste.

"But in a few days babalik na sya sa 🇵🇭 at sa Pasko, kasama ng 3 anak nya na kaming lahat magsasama. (Christmas is also his birthday.)"

Marami naman ang natutuwa sa lovestory nina Kris Aquino at Mark Leviste hiling ngayon ng mga netizens na sana ay tuluyan ng gumaling si Kris Aquino upang magpatuloy ang pag-iibigan nilang dalawa ni Mark Leviste.

Matatandaan na ipinahayag noon ni Kris Aquino na naghiwalay na sila ni Mark Leviste ilang buwan matapos aminin ang kanilang relasyon.

Gayunpaman, hindi pa rin tumigil si Mark Leviste sa pagpapakita ng pagmamahal kay Kris Aquino.

Hindi naman nagtagal ay nagkabalikan na ang dalawa.

Sa ngayon ay naka-pokus si Kris Aquino sa kanyang pagpapagaling at sa romantic relationship nila ni Mark Leviste.

Dahilan Ng Pambubwi-sit Ni MJ Lastimosa Ni Miss Grand President Nawat Itsaragrisil

 Usap-usapan ngayon sa social media ang dating beauty queen na si MJ Lastimosa, matapos itong magtrending sa social media dahil sa pagtalak ni Mr. Nawat Itsaragrisil, ang CEO at founder ng Miss Grand International pageant.

Naunang nag-viral sa ilang mga social media platforms ang vlog ni MJ Lastimosa kung saan kinapanayam niya ang isang transgender beauty queen na si Maki Gingoyon.

Sa naturang vlog, tinanong ng Miss Universe Philippines na si MJ Lastimosa si Maki kung ano ang worst beauty pageant dito sa Pilipinas.

Agad naman itong sinagot ni Maki na 'Miss Grand'. Pahabol pang tinanong ni MJ Lastimosa kung 'Miss Grand Philippines ba o Miss Grand International' ang worst.

Tumatawang sumagot si Maki na ang tinutukoy niya ay ang Miss Grand Philippines at Miss Grand International.

Agad namang nakarating sa founder at CEO ng Miss Grand International pageant na si Mr. Nawat Itsaragrisil ang mga video clips na mula sa vlog ni MJ Lastimosa.

Hindi ito nagustuhan ni  Mr. Nawat at kaagad na bumwelta sa isang Tiktok live.

“Starting next year 2024, that lady MJ Lastimosa is no longer welcome to watch the number one beauty pageant Miss Grand International!

“From now on, she is not allowed to talk anything about our pageant! I don’t want her to be associated with our pageant! We spent millions in our productions to be very good and she will only say that our pageant is the worst of all? That is not acceptable.”

Inokray din ni Mr. Nawat ang dating beauty queen kung saan ipinahayag nitong 'no brain' at 'below standard' si MJ. 

Sa kabilang banda marami naman ang nagpaabot ng suporta kay MJ Lastimosa sa kabila ng mga maanghang na pahayag ni Mr. Nawat Itsaragrisil.

"When the bully gets a taste of his own medicine.. Now what (Nawat) does it hurt hahaha.. After mag walk out ni MJ Sa Vietnam do you think she will come back.. You wish Nawat! The world doesn’t evolve around you and your cheap pageant. From now on you are nothing to Filipinos even to MJ.. I salute MJ for standing up for Nikki."

"I LOVE MJ LASTIMOSA 🤍🤍🤍 

MATAGAL NA NATIN ALAM WHAT IS THE WORST PAGEANT IN THE PHILIPPINES and INTERNATIONAL."

Samantala, naniniwala naman ang ilang mga Filipino pageant fans na kaya inasar ni MJ Lastimosa si Nawat Itsaragrisil ay dahil sa pambabatikos ng huli sa kandidatang ipinadala ng bansa sa Miss Grand International na si Nikki De Moura.

It's Your Lucky Day Magbabalik Sa December

 Usap-usapan ngayon sa social media ang haka-hakang magbabalik sa ere ang noontime show na pansamantalang pumalit sa It's Showtime noong nakasuspinde ito ng 12 airing days.

Malaki ang posibilidad na makakabalik sa ere ang It's Your Lucky Day dahil sa isang executive na nagustuhan ang show. Bukod pa rito, may ilang mga netizens din ang humiling na sana ay mabigyan ng sariling timeslot ang show.

Samantalasa, sa isang kumakalat na balita mula sa isang kilalang source, isa sa mga Kapamilya executives ang nagustuhan ang show dahil sa natatanggap nitong ratings at komento mula sa mga manonood.

Matatandaan na nanawagan din noon ang ina ni Luis Manzano at veteran actress-politician na si Vilma Santos na sana'y magtuloy-tuloy ang variety show na pinagungunahan ng anak.

Nakasama ni Luis Manzano sa It's Your Lucky Day sina Melai Cantiveros, Robi Domingo, Shaina Magdayao, Jennica Garcia, Andrea Brillantes, Kyle Echarri, Francine Diaz, Seth Fedelin, Kapuso actress Bianca Umali, Long Mejia bukod sa iba pa.

Ayon pa sa kumakalat na balita, dagsain din ng advertisers ang It's Your Lucky Day kaya naman may posibilidad umano na pababalikin ito ng ABS-CBN.

Maari rin umano itong mapabilang sa mga pasabog ng netwrk sa darating na 2024. Ito ay kung mapapadali ang pagbuo ng budget rito as per advetisers.

Maari rin naman umanong mapadali ang comeback ng show sa bago magtapos ang taon.

Sa isinagawang survey ng production para sa posibleng maging timeslot nito, marami ang nagsasabing magandang ilagay ang show bago ang tagalog news cast na TV Patrol.

Maging ang mga It's Your Lucky Day hosts ay umaasa pa rin na magkakabalik sa telebisyon ang kanilang show.

Sa isang Instagram post, ibinahagi ni Robi Domingo ang kanilang groufie kung saan ipinahayag niya sa caption ang kagustuhan na magtuloy-tuloy ang kanilang programa.

"Malay niyo, swertehin din tayo," caption ni Robi.