Usap-usapan ngayon sa showbiz ang pinakabagong proyekto ng Kapuso actor na si Alden Richards, lalo na’t ito ay mapapanood direkta sa isang digital streaming platform sa darating na Oktubre. Maraming netizens at showbiz observers ang nagtataas ng kilay sa naging desisyon na ito, lalo na’t hindi ito dadaan sa mga sinehan, gaya ng inaasahan para sa isang artista ng kanyang kalibre.
Ang nasabing pelikula ay hindi lang basta bagong proyekto ni Alden, kundi ito rin ang kanyang kauna-unahang pagdidirek. Kasama niya sa pelikula ang aktres na si Heaven Peralejo, na unang nakilala sa mundo ng showbiz sa pamamagitan ng reality TV at ngayon ay unti-unti na ring gumagawa ng pangalan sa larangan ng pag-arte.
Dahil sa naturang desisyon, pinupukol ng mga intriga at espekulasyon ang aktor. Ayon sa ilang mapanuring netizens at showbiz chika pages, baka raw natakot si Alden na baka hindi kumita sa takilya ang kanyang pelikula, kaya sa digital platform na lang ito ipinalabas. Ang ilan pa’y nagsabing baka raw iniwasan ng aktor ang posibilidad ng "flop" sa sinehan, lalo na’t mataas ang inaasahan sa kanya matapos ang tagumpay ng pelikulang “Hello, Love, Again,” na kinikilala ngayon bilang isa sa mga pinakamalaking kinita sa kasaysayan ng pelikulang Pilipino.
Sa kabila ng mga espekulasyon, may mga netizens naman na mas bukas ang isipan sa ganitong hakbang. Sa isang online entertainment portal, ibinahagi ng ilang tagasubaybay ang kanilang pananaw sa desisyong ito ni Alden.
Isa sa kanila ay nagsabi:
“It’s obviously a calculated risk for the producers, and so what? As a movie watcher, I only care that the movie is good. Maybe, commercial box office isn’t the goal they have in mind for this. Mukha namang this is more to establish Alden’s experience in his other creative pursuits, kasi apparently siya pala nag-direct neto.”
May isa pang nagkomento na:
“Plan yata nila dyan maipasok yung movie sa mga film festivals na primarily focused on independent, non-formulaic, at not mainstream films."
May ilan din namang nagsabing mas marami raw ang makakapanood ng pelikula kung ito’y i-stream online, dahil mas accessible ito para sa mga manonood kahit nasaan sila.
“Mas okay na rin ito, at least, siguradong may kikitain dahil binili na ng platform. Kesa ipalabas sa sinehan tapos walang masyadong manood,” saad pa ng isa.
Ang paglabas ng pelikula sa streaming platform ay maaari ring bahagi ng mas malaking plano sa karera ni Alden , lalo na sa aspeto ng pagdidirek at pagiging multi-talented artist. Sa panahon ngayon kung saan nagbabago na ang landscape ng entertainment industry, hindi na rin bago ang mga artistang sumusubok sa mga alternatibong paraan ng pagpapalabas ng kanilang mga proyekto.
Sa huli, ang mahalaga ay kung paano tatanggapin ng publikoang pelikula, anuman ang platform kung saan ito ipinalabas. Sa dami ng nagsusulputang content sa digital space, ang kalidad at mensahe ng pelikula pa rin ang magpapakilala kung ito ba ay karapat-dapat panoorin.
Walang komento
Mag-post ng isang Komento
Share your opinion now!