Kabaong Ni Dingdong Dantes, Naibenta Ng Ganitong Halaga!

 Ikinagulat ng multi-millionaire business man na si Boss Toyo ang panibagong item na dinala sa kanyang shop. 

Alam naman ng maraming mga netizens na bumibili ng mga memorabilia ng mga sikat na artista si Boss Toyo sa pamamagitan ng kanyang vlog at business na Pinoy Pawnstar. Binibili ni Boss Toyo ang ilang mga items mula sa mga kilalang personalidad sa malaking halaga .

Samantala, ikinagulat ng maraming mga netizens ang panibagong episode ng Pinoy Pawnstar kung saan may isang pambihirang gamit na naman na dinala sa kanya upang ibenta. Hindi makapaniwala si Boss Toyo na isang kabaong ang dinala sa kanya na sinasabing ginamit ni Dingdong Dantes sa pelikulang Rewind.

Sa kasalukuyan ay hawak ngayon ng pelikulang Rewind na pinagbibidahan nina Dingdong Dantes at Marian Rivera ang record ng highest grossing film in the Philippines, napataob nito ang pelikula nina Kathryn Bernardo at Alden Richards na matagal ring may hawak sa nasabing titulo.

Bukod pa rito, ito rin umano ang kauna-unahang kabaong na hinigaan mismo ni Dingdong Dantes. Personal na dinala ang nasabing kabaong na ginamit ni Dingdong Dantes sa kanyang pelikula ng may-ari ng St. Atanastious Memorial Chapel.

Ipinagmalaki pa nito na imported at gawa sa metal ang nasabing kabaong. Bagama't ikinagulat ito ni Boss Toyo, tinanong naman kaagad niya kung magkano ibinebenta ang nasabing item.

Inilahad naman ng may-ari na ibinibenta niya ito sa halagang isang milyong peso, kaagad naman itong tinawaran ni Boss Toyo ng 200,000 pesos. Nagbigay naman ng maraming dahilan si Boss Toyo kung bakit hindi niya maibigay ang halagang hinihingi ng may-ari sa kanya kapalit ng kabaong.

Pinag-iisipan pa rin umano ni Boss Toyo kung saan niya ilalagay ang nasabing item sa loob ng kanyang museum lalo pa't kumakain umano ito ng malaking space. Naitanong rin ni Boss Toyo kung may pirma ba sa kabaong si Dingdong Dantes bilang patunay na ginamit nga niya ito.

Hindi na umano napapirmahan pa ng may-ari kay Dingdong Dantes ang kabaong dahil napakagulo umano sa set ng mga oras ngayon. Subalit, may mga ipinakita namang video na siyang nagpapatunay na totoong humiga roon si Dingdong Dantes.

Sa huli, napagkasunduan nila ang presyo sa 250 thousand pesos.

Karla Estrada Pinanindigan Ang Pangako Sa Kabila Ng Nangyari Sa Abs-Cbn

 Ipinahayag ng celebrity mom na si Karla Estrada sa kanyang speech sa naganap na contract signing ng kanyang anak na si Daniel Padilla sa Star Magic, kung gaano siya ka-loyal sa ABS-CBN.

Naging emosyunal si Karla Estrada sa kanyang naging speech noong February 12, 2024 kung saan una niyang binati ang kanyang anak sa muling pagrenew nito ng kontrata sa ABS-CBN. Kasunod nito ay inalala ni Karla Estrada ang kanilang pangako noon na kailanman ay hindi nila iiwan ang ABS-CBN.

Ipinahayag din niya kung gaano siya kasaya sa muling pagpirma ni Daniel Padilla ng kontrata at ang pagtupad umano nito sa kanilang ipinagako noon na hindi nila iiwan ang ABS-CBN anuman ang pagdaanan nito.

Ipinahayag din niya na buong angkan nila ang sumusuporta kay Daniel Padilla sa showbiz career nito at humihiling nasa mapagtagumpayan nito ang lahat ng mga hamon sa buhay.

Ikinataas naman ito ng kilay ng mga netizens dahil hindi naman lingid sa kaalaman ng lahat na sinuportahan noon ni Karla Estrada sa nagdaang eleksyon ang partido ng mga pulitiko na hindi pumirma na mabigyan ng panibagong franchise ang ABS-CBN.

Ayon sa ilang mga netizens na talagang mga play safe sina Daniel Padilla at Karla Estrada dahil sumuporta ang mga ito sa magkaibang partido para kung sino man ang mananalo sa pagitan ng mga ito ay hindi pa rin sila magkakaroon ng problema.

Sa kabilang banda, patuloy pa ring nakakatanggap ng mga pambabatikos si Daniel Padilla dahil pa rin sa naging hiwalayan nila ni Kathryn Bernardo. Marami ang tumatawag kay Daniel Padilla bilang ingrato dahil sa kanyang pagpapanggap bilang conservative at gentleman gayung hindi naman umano ito totoo.

Sa ngayon ay pinapalampas lamang lahat ni Daniel Padilla ang mga ibinabatong isyu sa kanya at sa paninisi ng ilang mga KathNiel fans sa nangyaring hiwalayan nila Kathryn Bernardo.

@egoi_showbizinsights #danielpadilla #foreverkapamilyadaniel #kapamilyaforever #kapamilya #contractsigning #karlaestrada #showbizinsights ♬ original sound - ShowbizInsights

Nakakaiyak Na Wedding Vows Nina Heart Evangelista at Chiz Escudero

 Muling pinatunayan ng mag-asawang sina Heart Evangelista at Chiz Escudero sa publiko na matatag ang kanilang pagsasama sa loob ng maraming taon nila bilang mag-asawa.

Nitong huwebes February 15, 2024 naganap ang renewal of vows sa pagitan nina Heart Evangelista at Chiz Escudero sa Balesin Island kung saan sila nagpakasal noon sa parehong lugar at sa kaparehong petsa.

Kasabay ng wedding, inilabas rin ng Harpers Bazaar SG fashion magazine ang kanilang panibagong edition kung saan itinampok nila si Heart Evangelista at ang naganap na intimate renewal of vow nito.

Ibinahagi pa ng fashion magazine ang maikling behind the scenes ng naganap na photoshoot para sa fabulous beach wedding gown ni Heart Evangelista na gawa ng Lebanese fashion designer na si Elie Saab.

Naging mas espesyal ang renewal of vows nina Heart Evangelista at Chiz Escudero sa pagkakataong ito dahil sinamahan ni Cecile Ongpauco ang anak sa paglalakad sa aisle.

Malaki ang epekto nito dahil matatandaang hindi pumunta noon sa kasal nina Heart Evangelista at Chiz Escudero ang mga magulang ni Heart Evangelista dahil tumututol sila sa relasyon ng mga ito.

Subalit, sa tagal ng pagsasama nina Heart Evangelista at Chiz Escudero tila napatunayan na rin ng actress na masaya siya sa piling ni Chiz Escudero at totoong nagmamahalan silang dalawa.

Ilang beses ring naging emosyunal si Heart Evangelista sa kabuuan ng ceremony lalo na noong nagpalitan na sila ng wedding vows ni Sen. Chiz Escudero.

Hindi naman lingid sa kaalaman ng lahat ang ilan sa mga pinagdaanang pagsubok ng couple mula pa noong magkasintahan pa lamang ang mga ito. Una na rito ang pagtutol ng mga magulang ni Heart Evangelista sa kanilang relasyon.

May mga naglabasan ring isyu noon na ginawa lamang na panakip butas ni Heart Evangelista si Chiz Escudero sa kanyang failed relationhip. May mga nagsasabi ring tila nagrebelde umano si Heart Evangelista sa kanyang mga magulang kaya pinakasalan niya si Chiz Escudero na hayagang tinutulan ng kanyang mga magulang.

Hindi rin nakalagpas sa mga netizens ang matinding pagsubok na pinagdaanan ng dalawa noong 2022 kung saan napapabalita pa sa maraming mga pahayagan ang kanilang paghihiwalay.

Subalit, pinatunayan ng dalawa ang kasabihang love conquers all dahil sa pagiging masaya nila ngayon matapos ang lahat ng mga pagsubok na tila lalong nagpapalakas sa kanila.

Sa Wakas! Nanay Ni Heart Hindi Na Masama Ang Loob Kay Chiz! Dumalo Na Sa Renewal of Vows!

 Naging laman sa mga usap-usapan sa social media ang nakakakilig na renewal og vows ng mag-asawang Chiz Escudero at Heart Evangelista nitong hwebes February 15, 2024 sa Balesin Island.

Labis na lumutang ang ganda ni Heart Evangelista habang naglalakad sa aisle bakas sa mukha ang kasiyahan.

Tuwang-tuwa naman ang kanilang mga tagahanga sa matatag na pagsasama nina Heart Evangelista at Sen. Chiz Escudero sa kabila ng mga pinagdaanang marital issues sa loob ng siyam na taon nilang pagsasama.

Sa naganap na renewal of vows nina Heart Evangelista at Chiz Escudero ay nakadalo na rin ang ina ng fashion icon na si Cecile Ongpauco. Subalit, sa kasamaang palad ay hindi naman nakadalo ang ama nito na si Rey Ongpauco dahil kasalukuyan itong nagpapagamot sa United States.

Gayunpaman, marami pa rin sa mga loyal fans nina Sen. Chiz Escudero at Heart Evangelista ang natutuwa dahil sa wakas ay nakadalo na rin ang ina nitong si Cecile dahil hindi naman naging lingid sa kaalaman ng lahat ang nagdaang isyu sa pagitan nila noong nagpakasal si Heart Evangelista kay Chiz Escudero.

Matatandaan na parehong hindi dumalo sa kasal nina Heart Evangelista at Sen. Chiz Escudero ang parehong mga magulang ng aktres. Lalo pa itong naging kontrobersyal nang isapubliko ng mga ito ang kanilang pagtutol sa relasyon nina Heart Evangelista at Chiz Escudero.

Sa isang opisyal na pahayag noon ng ina ni Heart Evangelista tinawag pa niya noon si Chiz Escudero na isang arogante, alcoholic at bastos na tao. Noong 2015, tanging liham lamang ang natanggap ni Heart Evangelista mula kanyang ama sa mismong araw ng kasal nito.

Subalit, ngayon ay tila naging maayos naman ang kanilang relasyon ngayon at inamin na ng ama ni Heart Evangelista na nanghinayang siya na hindi siya dumalo sa kasal ng kanyang anak at sana ay noon pa sila nagkaayos.

Ang labis pa na ikinatuwa ng mga fans ni Heart Evangelista dahil mismong ang ina na nitong si Cecile ang naghatid sa kanya sa altar. Makikita pa sa video ang pagiging emosyunal nito habang yakap-yakap si Heart Evangelista.

Matatandaan na hinangaan rin ng mga netizens ang ginawang pagsuporta noon ni Cecile sa mag-asawang Chiz Escudero at Heart Evangelista nang magkaroon sila ng isyu noong 2022. Napapabalita kasi noon ang paghihiwalay nina Chiz Escudero at Heart Evangelista.

@celebrity_clips8 #fyp #fypシ #foryoupage #foryoupageofficiall ♬ original sound - D

Spotted Ulit Na Magkasama Muli sa Airport Si Ivana Alwi at Mayor Albee Second Time around

 Muling naging laman ng mga usap-usapan sa ilang mga social media platforms at ilang mga entertainment sites sina Bacolod City Mayor Albee Benitez at sexy-actress-vlogger na si Ivana Alawi dahil muli na naman silang namataan na magkasama at hindi na umano kapani-paniwala na isa lamang itong coincidence.

Sa pagkakataong ito ay kasama naman ni Ivana Alawi ang kanyang mga kapatid na sina Mona at Hash Alawi, subalit ang ikinataas ng kilay ng mga netizens ay ang napansin nila na magkasunod na namang nakapila sina Mayor Albee Benitez at kapatid ni Ivana Alawi na hindi na umano kapani-paniwalang nagkataon lamang ang lahat kagaya ng naging palusot ni Ivana Alawi noon.

Matatandaan na nauna nang pinabulaanan nina Ivana Alawi at Mayor Albee Benitez ang mga kumakalat na alegasyon patungkol sa pagkakaroon nila ng relasyon matapos kumalat ang mga larawan na magkasama sila sa Baguio, sa airport at sa pagbabakasyon sa Japan.

Ayon sa naging pahayag noon ni Mayor Albee Benitez, hindi maiiwasan sa nature ng kanyang negosyo na mamataan siyang kasama ng ilang mga artista kabilang na rito si Ivana Alawi.

Humingi rin ng paumanhin noon si Mayor Albee Benitez kay Ivana Alawi at sa buong pamilya nito sa perwisyong naidulot niya at sa mga maling impormasyon na kumakalat sa social media.

Samantala, inilahad naman ni Ivanna Alawi sa kanyang official statement na walang katotohanan ang mga isyung may romantikong ugnayan sa pagita nila ng Bacolod Mayor. Hindi naman itinanggi ni Ivana Alawi na kilala niyang personal si Mayor Albee Benitez, ayon pa sa kanya ay nagkakilala na silang dalawa noong nagkaroon siya ng show sa Bacolod City.

Dahil mabait naman umano ang alkalde at very accommodating naging magkaibigan silang dalawa. Ipinunto pa ni Ivana Alawi na hindi na sana siya magsasalita patungkol sa isyu dahil wala naman itong katotohanan subalit nadadamay na rin sa isyu ang kanyang ina at mga kapatid.

Iginiit pa ni Ivana Alawi na mayroon na siyang boyfriend na hindi isang politician kundi isang negosyante.

Sa muling pagkalat ng mga larawang ito, lalong nalalagay sa alanganin si Ivana Alawi sa mata ng publiko lalo na sa pagkakataong ito na kasama na sa larawan ang kanyang mga kapatid. 

Marami ang hindi makapaniwalang pumatol umano si Ivana Alawi sa isang lalaki na kung babasehan ang edad ay papasa na bilang kanyang ama. Bukod pa rito, maganda naman siya at may promising career kaya kataka-kataka lamang na pumatol siya sa lalaking  hindi pa rin pala hiwalay sa kanyang asawa.

Sa kabilang banda, tila naging malaman naman ang mga post ni Bettina Benitez sa kanyang social media accounts kung saan inilahad nitoa ng kanyang appreciation para sa sacripisyo ng kanilang ina para sa kanilang pamilya.

Bea Alonzo Mag Isa Sa Valentines Day Kaya Sinurpresa Ng Kanyang Mga Angels

 Hindi na nakapagdiriwang ng Valentine's day ang celebrity couple na sina Bea Alonzo at Dominic Roque dahil sa kanilang paghihiwalay.

Ikinalungkot naman ito ng kanilang mga tagahanga dahil naging tradisyon na para sa mga ito ang pag-aabang sa kung ano ang hinandang surpresa ni Dominic Roque para kay Bea Alonzo.

Samantala, makikita sa social media post ni Bea Alonzo ipinakita niya ang mga nangyari sa kanya sa araw ng mga puso. Sa ibinahaging video ni Bea Alonzo makikita ang pagsupresa sa kanya ng mga kasama niya sa bahay.

Makikita pa sa video ang pagiging emosyunal ni Bea Alonzo dahil hindi niya inaasahan ang gagawin sa kanya ng kanyang mga angels.

Kabilang sa mga ibinahaging larawan ni Bea Alonzo ay ang kuha niya kasama ang kanyang alagang aso na si Walter White marami naman sa kanyang mga tagahanga ang napapatanong kung nasaan ang isa pa niyang pet na si Chico na ibinigay sa kanya noon ni Dominic Roque.

Marami naman ang naghinala na baka isinauli na rin ito ni Bea Alonzo kay Dominic Roque kasabay ng pagsasauli niya sa kanilang engagement ring.

Sa kabilang banda, kapansin-pansin naman sa ibinahaging video ni Bea Alonzo ang kalungkutan ng kanyang mukha habang nagdidiriwang ang lahat sa araw ng mga puso.

Dahil dito marami ang naghinala na apektado rin siya sa nangyaring hiwalayan nila ni Dominic Roque.

Sa panig naman ni Dominic Roque makikita ang pagpi-flex niya sa bouquet of flower na ibinigay niya sa kanyang ina na si Mommy Lena.

Sa ngayon, ay patuloy paring umaasa ang ilang mga tagahanga nina Bea Alonzo at Dominic Roque na maayos na ng dalawa ang kung anumang hindi pagkakaunawaan sa kanilang pagitan.

Matatandaan na ginulat nina Bea Alonzo at Dominic Roque ang kanilang mga tagahanga nang mapabalita ang kanilang paghihiwalay sa gitna ng paghahanda na sana nila sa kanilang pagpapakasal.

Ayon sa mga hinala ng mga netizens na isa sa mga dahilan ng hindi pagkakaunawaan nina Bea Alonzo at Dominic Roque ay may kinalaman sa usapin ng pera.

View this post on Instagram

A post shared by bea alonzo (@beaalonzo)

Reaksyon Ni Kris Aquino Sa Nagsabing Karma Ang Kanyang Pagkakasakit

 Nagbigay na ng pahayag ang Queen of All Media laban sa mga taong nambabatikos pa rin sa kanya dahil sa isyung political, na kamakailan lamang ay umamin sa totoong estado ng kanyang kalusugan ngayon habang patuloy na nakikipaglaban sa kanyang mga kalagayan.

Sinagot na ni Kris Aquino ang mga netizens at bashers na nagsasabing kaya nagkakaroon siya ng maraming mga karamdaman dahil mayroon siyang masamang pag-uugali. May mga nagsasabi pang nakarma si Kris Aquino sa mga naging kasalanan niya at ng pamilya niya noon.

Kaagad naman itong sinagot ni Kris Aquino kung saan iginiit niya na kailanman ay hindi niya itinuturing na karma ang kanyang sakit.

Sa isang social media post ni Kris Aquino para sa namayapang si Deo Endrinal, inilahad ni Kris Aquino ang matagal na tampuhan sa pagitan nilang dalawa.

Sa comment section ng nasabing post ni Kris Aquino may mga netizens na nagsasabing kaya siya nagkakasakit dahil nakarma siya sa kanyang masamang ugali.

Ayon kay Kris Aquino, hindi umano siya magbibigay ng anumang komento para sa taong nambabash sa kanya dahil hindi siya bababa sa level nito. ang kanyang pagkakasakit ay isang paraan para maipakita ang pananampalataya.

Buong sagot ni Kris Aquino, "Obviously not as awful as yours because I've made a conscious effort to not judge people I've never met nor had  a personal encounter with, illness isn't karma- its God's way of using my trials to show that FAITH does heal in His time."

Matatandaan na kamakailan lamang ay inamin ni Kris Aquino sa social media ang totoong kalagayan ng kanyang pangangatawan ngayon habang patuloy pa ring nilalabanan ang kanyang mga autoimmune diseases.

Nadadagdagan pa ang mga problema ngayon ni Kris Aquino dahil nagkaroon na rin siya ng mga complications sa kanyang lungs at heart.

Sa ngayon ay patuloy pa rin hinihingi ni Kris Aquino ang panalangin na sana ay malampasan niya ang mga pagsubok sa kanyang buhay at tuluyan na siyang gumaling mula sa kanyang mga karamdaman na labis na nagpapahirap na ngayon sa kanya.

Bea Alonzo Inis Kay Marian Rivera Dahil Mas Priority Ito Ng Gma Kaysa Sa Kanya

 Usap-usapan ngayon sa ilang mga social media platforms ang isyung naiinsecure umano si Bea Alonzo sa Kapuso Primetime Queen na si Marian Rivera kaya naman maging ang bonggang kasal nito kay Dingdong Dantes ay nais umanong lampasan ni Bea Alonzo kung sakaling natuloy ang kasal nila ni Dominic Roque.

Kumakalat ngayon sa ilang mga social media platforms ang usap-usapang bago iaalok kay Bea Alonzo ang isang proyekto ay dadaanan muna umano ito kay Marian Rivera, kung tatanggihan naman ito ng aktres ay saka na lamang ito ibibigay kay Bea Alonzo.

Nagsimula ang mga usap-usapang ito nang mapag-usapan nina Ogie Diaz sa kamakailang vlog nila ang patungkol sa hiwalayan nina Bea Alonzo at Dominic Roque.

Ayon kay Ogie Diaz, magkaiba umano ang gusto nina Dominic Roque at Bea Alonzo sa ilang mga detalye ng kasal nila, ang nais umano ni Bea Alonzo ay isang marangya at bonggang kasal dahil once lang naman ito magaganap sa kanyang buhay.

Hindi naman ito bago sa industriya ng showbiz dahil matatandaan na naging world record ang marangyang kasalan nina Marian Rivera at Dingdong Dantes kung saan ito ang gustong lampasan ni Bea Alonzo.

Napapatanong naman si Ogie Diaz kung bakit nais lampasan ni Bea Alonzo si Marian Rivera gayung napakatagal na mula nang maikasal sina Marian at Dingdon Dantes.

Dito na isiniwalat ng isa sa kanilang kasamahan ang nakarating sa kanilang balita mula sa kanilang source kung saan isiniwalat nito sa kanya na bago pa man umano iaalok kay Bea Alonzo ang isang project ay nauna na itong tanggihan ni Marian Rivera.

Kung susumahin, tila naging tagasalo lamang umano si Bea Alonzo sa mga proyekto na ayaw gawin ni Marian Rivera. Iginiit naman ni Ogie Diaz na bagama't hindi nila kinukumpirma ang balitang ito ay naniniwala pa rin siya sa kanyang mga sources dahil makikita naman umano ito.

Sa kabilang banda, naglabas naman ng pahayag ang isa sa mga kilalang writer ng Kapuso network kung saan pinabubulaanan niya ang isyu. Iginiit niya na ang lahat ng mga proyektong ginawa ni Bea Alonzo para sa GMA Network ay sadyang ginawa sa kanya at hindi inalok sa ibang mga artista.

@samut.sari

Hayan, after the Controversial Bea and Domic Breakup, Marian Rivera and Bea Alonzo naman pinagsasabong nila Ogie Diaz.

♬ original sound - Samut-saring Contents

Kim Chiu Naiyak Sa Usapang Move on

 Hindi napigilan ng actress-TV Host na si Kim Chiu ang maging emosyunal sa usaping pagmomove-on mula sa isang hiwalayan ng taong dating minamahal.

Ipinahayag na lamang ni Kim Chiu na anuman ang mangyayari sa buhay ng isang tao ay itinakdang mangyari ng panginoon. Inilabas ito ni Kim Chiu sa naging episode ng Expecially For You.

Sa nasabing episode ng It's Showtime, ang babaeng searcher ay si Fe, siya ay iniwan at pinagtaksilan ng asawa para sa ibang babae. Nagkahiwalay sila subalit nagkabalikan matapos ang pitong taon.

Ayon kay Fe, nakipagbalikan siya sa kanyang asawa dahil sa kanilang mga anak at totoong mahal pa rin niya ito. Samantala, naniniwala naman umano si Fe na kaya sila nagkahiwalay noon ng kanyang mister ay upang maging mas matatag na siya sa ikalawang pagkakataon.

Umantig naman ang kwento ng buhay ni Fe sa ilang mga host at lalong-lalo na kay Kim Chiu na kamakailan lamang ay dumaan rin sa isang hiwalayan mula sa mahabang relasyon.

Dito na nagsalita si Vice Ganda sa sakit at hirap ng isang tao habang nasa moving on stage ito dahil sa pag-iwan ng taong minamahal. Nagbigay naman ng komento si Kim Chiu kung saan makikita ang paghihirap sa mukha ng aktres.

Tumutulo nang luha na pahayag ni Kim Chiu na mas nagiging madali ang pagmomove on ng isang tao kung tatanggapin niya na ang lahat ng bagay ay nakatakdang mangyari.

Naniniwala rin umano ang aktres na lahat ng mga nangyayari sa buhay ay nakatakda na bago paman ipinanganak ang isang tao. Kaya naman ang tanging magagawa na lamang ay tanggapin ang tinadhana.

Daahil sa pagiging emosyunal ni Kim Chiu sa usaping moving on, marami ang naghinala na hindi pa nito tuluyang nalilimutan ang nangyaring hiwalayan nila ni Xian Lim.

Tila labis pa ring naapektuhan si Kim Chiu sa nangyari sa kanila ni Xian Lim matapos ang 12 years nilang relasyon.

Matatandaan na ayon sa mga usap-usapan noon na hindi naman third party ang dahilan ng hiwalayan nina Xian Lim at Kim Chiu kundi ang kawalan umano ni Xian Lim ng plano na pakasalan si Kim Chiu.

Bukod pa rito kumakalat rin ang isyung kung saan sinasabing hindi naging maganda ang pagtanggap ng mga kapamilya ni Kim Chiu kay Xian Lim.

Sa kabilang banda, tila nagdadalawang-isip naman ngayon ang mga netizens kung hindi nga ba third party ang dahilan ng kanilang hiwalayan subalit, dahil sa pagkalat ng mga larawan ngayon ni Xian Lim at Iris Lee marami ang naghinala na may namamagitan na sa mga ito bago pa man naghiwalay sina Kim Chiu at Xian Lim.

@abscbn HUGS, KIM! 🥺😢 >:D< #ABSCBN #Kapamilya #ItsShowtime ♬ original sound - ABS-CBN

Kapuso Stars Lilipat Sa Abs Cbn Star Magic!

 Matapos ang muling pagpirma ng kontrata nina Daniel Padilla at Kathryn Bernardo sa Star Magic, ay marami pa umanong mga artista ang nakatakda na pumirma ng panibagong kontrata sa ABS-CBN sa mga darating na linggo.

Dahil dito, marami ang napapatanong kung ang mga artistang pipirma ng kontrata ay mula pa rin ba sa ABS-CBN network o nanggaling ang mga ito sa ibang mga networks kagaya na lamang ng GMA Network.

Ilan lamang ito sa mga katanungan ng mga netizens na nag-aabang sa mga magiging pasabog ng Star Magic at ABS-CBN ngayong taon. Ayon pa sa ilang mga netizens na labis silang humahanga sa Star Magic dahil sa pagkakaroon nila ng maraming mga artista na nananatiling loyal sa kanila sa kabila ng kanilang mga pinagdadaanan.

Sa kabilang banda, marami naman ang excited ngayon sa darating ng Star Magical Prom sa susunod na buwan. Marami ang labis na nag-aabang sa pagrampa ng kanilang mga paboritong celebrity couples at mga loveteams. Marami rin ang nag-eexcite sa mga artistang hindi pa alam kung sino ang magiging date sa nasabing prom.

Samantala, inaasahan naman na magkakaroon ng special announcement ang Star Magic sa kanilang big event sa darating na buwan.

Isa pa sa mga inaasahang mangyayari sa Star Magical prom ay ang panunumpa ng mga Star Magic artists kung saan ipapangako nila na mas paghuhusayan pa ang pagganap at patuloy na hahasain ang kanilang mga talento sa pag-arte.

Katotohanan Sa Kumakalat Na Relasyon Ni Bullet Jalosjos Ng Tape Inc. at Dominic Roque

 Naging laman ng mga usap-usapan sa ilang mga social media platforms ang relasyon umano nina Dapitan City Mayor Bullet Jalosjos at Dominic Roque matapos maiulat ang hiwalayan ng celebrity couple na sina Bea Alonzo at Dominic Roque.

Hindi naman lingid sa kaalaman ng lahat na patuloy na lumalabas ngayon sa social media ang mga hinala patungkol sa totoong dahilan ng paghihiwalay nina Bea Alonzo at Dominic Roque sa gitna ng pagpaplano nila sa kanilang kasal.

Ayon sa inilabas na showbiz vlog ng veteran showbiz columnist na si Cristy Fermin, isang kilalang pulitiko ang third party sa hiwalayan ng dalawa, ang mas nakakaloko pa rito ay hindi ito babae.

Ayon pa sa vlog ni Cristy Fermin, napag-alaman umano ng mga magulang ni Bea Alonzo at mismo ng aktres na hindi pala kay Dominic Roque ang condo na tinitirhan nito ngayon kundi pagmamay-ari ito ng isang pulitiko.

Napag-alaman umano ito ng mga magulang ni Bea Alonzo dahil palihim pala nilang pinaiimbestigahan si Dominic Roque na sa pagkakataong iyon ay naghahanda na para pakasalan ang kanilang anak.

Kinukwestiyon umano ng mga magulang ni Bea Alonzo kung saan nagmumula ang kayamanan ni Dominic Roque at kung ano ang totoong negosyo nito.

Dahil sa isyung may sugardaddy si Dominic Roque na isang lalaking pulitiko, naglabasan ang mga haka-haka sa kung sino ang tinutukoy nina Cristy Fermin na lalaking pulitiko na nagpapatira kay Dominic Roque sa isang mamahaling condominium unit na maging ang mga sikat na celebrities ay hindi naaafford.

Sa gitna ng mga usaping ito, naglabas naman ng tila cryptic post si Bullet Jalosjos patungkol sa kumakalat ngayong balita. Ayon sa Instagram stories ni Bullet Jalosjos, mayroon na pala siyang pa-condo unit program subalit hindi pala siya na inform.

 Dahil dito, tila kinumpirma na rin umano ni Bullet Jalosjos na isa siya sa mga pulitiko na tinuturong karelasyon umano ni Dominic Roque na sumusuporta rito financially.

Dahil dito, nauungkat na rin ang mga pinagsamahan nilang mga travel noon.

Ayon naman sa mga impormasyon na aming nakalap, bago pa man magkakilala at maging magkasintahan sina Bea Alonzo at Dominic Roque at matalik nang magkaibigan sina Dominic Roque at Bullet Jalosjos.

Lalong nagkalapit ang dalawa dahil sa pareho nilang pagkakahilig sa pagmomotor. Ilang taon na rin silang matalik na magkaibigan kaya naman hindi na umano nakakagulat kung may pinagsososyuhan na rin silang mga negosyo.

Ito Pala Ang Sinabi Ni Daniel Padilla Para Kay Min Benardo, Ina Ng Ex-Girlfriend Niyang Si Kathryn

 Sa kamakailang panayam kay Daniel Padilla ng ABS-CBN reporter na si MJ Felipe para sa kanyang panibagong digital series, inilahad ng certified Kapamilya actor kung gaano niya nirerespeto ang ina ni Kathryn Bernardo na si Mommy Min Bernardo.

Ayon pa kay Daniel Padilla, sa kabila ng nangyari sa pagitan nila ni Kathryn Bernardo ay hindi pa rin mawawala ang kanyang pagmamahal at respeto kay Mommy Min na itinuring na rin niya bilang pangalawang ina.

Matatandaan na noong muling pumirma ng kontrata si Daniel Padilla sa Star Magic at ABS-CBN noong February 12, 2024, kabilang sa mga taong pinasalamatan ni Daniel Padilla ang kanyang ex-girlfriend at longtime loveteam na si Kathryn Bernardo.

Inihayag ni Daniel Padilla na labis siyang nagpapasalamat kay Kathryn Bernardo sa pagsasama nila at hinding-hindi umano niya kakalimutan ang mga masasayang pagsasama nilang dalawa.

Sina Kathryn Bernardo at Daniel Padilla ay unang naging magkaibigan ng itambal sila sa ilang teleserye, sa kanilang pagsasama ay nagkahulugan na rin ang kanilang mga loob hanggang sa nauwi sa pag-iibigan ang kanilang pagkakaibigan.

Naging masaya naman ang kanilang relasyon sa loob ng mahigit isang dekada kung saan inakala pa ng lahat na ang kanilang relasyon na ang pinaka-ideal sa lahat.

Subalit, hanggang akala na lamang ito dahil matapos ang pag-amin nina Kathryn Bernardo at Daniel Padilla sa kanilang hiwalayan dahil tila ito ang naging daan upang mabuksan ang totoong nangyayari sa kanila habang sila ay magkarelasyon pa.

Ang inakala ng lahat na perfect relationship ay hanggang sa isip na lamang, maging pagkakaroon ng perfect gentleman sa katauhan ni Daniel Padilla ay tila gawa-gawa lamang rin dahil sa mga nabulgar na baho ni Daniel Padilla.

Tila nasira ang conservative at gentleman image ni Daniel Padilla ng maglabasan ang mga listahan ng mga babaeng naging kalanndian umano nito habang sila pa ni Kathryn Bernardo.

Sa kabila naman nito, marami parin ang sumusuporta sa aktor dahil wala namang lumabas na patunay patungkol sa isyung ito. Hinala ng maraming mga tagahanga ng aktor na gawa-gawa lang rin ito ng mga fans ni Kathryn Bernardo na hindi matanggap ang paghihiwalay ng dalawa.

@jaijaiwus_ "My respect and my love kay tita min forever yan" || Grabe mahal na mahal talaga ni deej si tita min🥰💙 #danielpadilla #foryou #fyp #fypp #foryoupage #xzycba #trending #viral ♬ Wide Awake - ɴɪᴄᴏ¿

Karla Estrada, Nagbigay Ng Advice Sa Mga Babaeng Ine-Entertain Ang Mga Lalaking Taken Na

 Celebrity mom na si Karla Estrada nagbigay ng mensahe para sa mga babaeng pumapatol sa mga lalaking taken na.

Sa kamakailang episode ng Face To Face kung saan si Karla Estrada ang host, naglabas siya ng mensahe para sa isang guest kung saan inilahad niyang huwag na itong makipag-ugnayan pa sa lalaking may karelasyon nang iba.

Ayon sa naging mensahe ni Karla Estrada na kapag ang mga babae ay nilalandi ng lalaki na may mga kinakasama, may nagmamay-ari na lalo na kung may mga anak na ito dapat ang babae na mismo ang umiwas.

Hindi naman ito nagustuhan ng ilang mga netizens dahil sa pinagdaanang isyu ng kanyang anak na si Daniel Padilla na pinaghihinalaan ng marami na nakikipaglandian sa ibang mga babae kahit pa may karelasyon na ito.

Matatandaan na noong November 30, 2023, tuluyan nang inamin nina Daniel Padilla at Kathryn Bernardo ang kanilang paghihiwalay matapos ang mahigit isang dekada nilang pagiging magboyfriend-girlfriend.

Bagama't wala naman silang ibinigay na dahilan ng kanilang paghihiwalay marami ang naniniwala na may kinalaman ito sa cheating kung saan si Daniel ang tinuturong salarin.

Nag-ugat ang usaping ito ng maiulat sa ilang mga entertainment news site ang isyung hindi papayag si Kathryn Bernardo na makasama sa iisang proyekto si Andrea Brillantes, dahil kay Daniel Padilla.

Mula noon ay naglabasan na ang mga isyung palihim umanong nagkikita sina Daniel Padilla at Andrea Brillantes na alam umano ng mga nakarelasyon noon ni Andrea, kagaya na lamang kay Ricci Rivero at Seth Fedelin.

Makalipas ang ilang linggo, nagsilabasan na rin ang iba pang mga pangalan ng mga babaeng iniuugnay kay Daniel Padilla. Marami ang naniniwala na ang mga babaeng ito ang mga nilalandi ni Daniel Padilla sa tuwing abala si Kathryn Bernardo sa kanyang showbiz career.

Dahil dito, marami sa mga netizens at bashers ni Daniel Padilla ang naniniwala na wala umanong karapatan si Karla Estrada na pangaralan ang ibang mga tao gayung hindi nga niya napapangaralan ang sariling anak na gayundin naman ang ginagawa.

May mga nagsasabi pa na sana ay unang pagsabihan ni Karla Estrada ang mga babaeng nasa listahan na kinakalantari ng kanyang anak habang sila pa ni Kathryn Bernardo.

Vice Ganda Binuking Estado Ng Relasyon Nina Kyle Echarri at Andrea Brillantes Sa It'S Showtime

 Tila iniintriga ngayon ng Unkabogable Star na si Vice Ganda ang lovelife ng teen actor na si Kyle Echarri.

Sa kamakailang episode ng It's Showtime sa segment ng Expecially For You, tinanong ni Vice Ganda si Kyle Echarri kung ano ang gusto nito yong mabilis o mabagal na panliligaw?

Kaagad naman itong sinagot ni Kyle Echarri na nakadepende ito sa kanyang nililinagawang babae. Hindi naman nakuntento sa sagot na ito si Vice Ganda kaya naman kinulit pa niya si Kyle Echarri na kung iya ang papipiliin kung ano ang gusto niya.

Tila hindi naman naging kumportable si Kyle Echarri sa on the spot question and answer portion ni Vice Ganda, tila hindi napaghandaan ni Kyle Echarri na siya naman ang kukulitin ngayon ni Vice Ganda.

Nauutal na sagot ni Kyle Echarri ay gusto niya na sakto lang hindi mabagal hindi rin mabilisan iyong sakto lang. Dagdag pang pahayag ni Kyle Echarri na kapag mahal niya ay mahal na niya.

Hindi pa rito nagtatapos ang pag-uusap nina Vice Ganda at Kyle Echarri, muling hirit ni Vice Ganda na hindi naman lahat ng minamahal ni Kyle Echarri ay magkakagusto rin sa kanya kaagad.

May pagkakataon umano na hindi sapat ang kapogian sa panliligaw nangangailangan rin ito pag-eeffort. Ayon pa kay Vice Ganda, may pagkakataon na aabutin na lamang siya ng siyam-siyam sa paghihintay.

Hindi naman nagpatinag rito si Kyle Echarri at inilahad niyang kapag mahal mo ang isang tao, wala siyang ibang magagawa kundi ang magtiis.

Tila may alam naman si Vice Ganda sa lovelife ngayon ni Kyle Echarri kaya naman inilahad niyang hindi naman nagtiis ang aktor sa kanyang panliligaw. 

Sa kabilang banda, labis naman na naaliw ang mga madlang pipol sa naging usapan nina Vice Ganda at Kyle Echarri.

Marami naman sa mga fans nina Andrea Brillantes at Kyle Echarri ang labis na kinilig dahil hinuha nilang si Andrea Brillantes ang tinutukoy ni Vice Ganda na hindi nagpahirap kay Kyle Echarri sa panliligaw.

Sa kabilang banda hindi naman maiiwasan na mayroon pa ring mga bashers ng aktres ang napapataas ang kilay at sinasabing talagang hindi papahirapan ni Andrea Brillantes si Kyle Echarri dahil ito naman umano ang gusto ng aktres.

@tiktokshop_jms Matagal o mabilis?#fyp #funnyvideos #expeciallyforyoushowtime #itsshowtime #itsshowtimeexpeciallyforyou #itsshowtime #itsshowtime #EXpeciallyforyou #showtimeexpeciallyforyou #expeciallyforyou #jamalmasidar #jamalmasidar2024 ♬ Bring Me Back (Enox Mantano Remix) - Miles Away & Miles Away VIP

Kris Aquino Hinabilin Na Ang Mga Anak Sa Kaibigang Si Boy Abunda! Kris Tinaningan Na Ang Buhay?

 Kasabay ng pagdiriwang ng kaarawan ni Kris Aquino, inilahad niya ang isang napakalungkot na balita patungkol sa totoong kalagayan ng kanyang kalusugan ngayon. 

Bagama't may mga susubukan pang gamot si Kris Aquino para sa kanyang kalagayan, hinahanda na rin niya ang kanyang sarili sa hindi magandang mangyayari sa kanya at para na rin sa maiiwan niyang mga anak.

Ayon sa pagsisiwalat ni Kris Aquino na kung sakali mang hindi na nsiyang magising ay may dalawa na siyang mga kaibigan na pinakiusapan na mag-aalaga sa kanyang mga anak at sasamahan kaagad ang mga ito roon sa Amerika.

Tila nagpapaalam na ang Queen Of All Media na si Kris Aquino sa lahat ng mga nagmamahal sa kanya kung sakali mang may masamang mangyari sa kanya sa mga susunod na araw.

Isiniwalat ni Kris Aquino sa episode ng Fast Talk with Boy Abunda nitong February 14 sa mismong kaarawan niya na hindi na bumubuti ang kanyang kalagayan. Maari na lamang umano siyang atakehin sa puso anumang oras kahit sa kanyang pagtulog ay maari umanong hindi na siya magising.

Sa kabila naman nito, hindi pa rin umano siya susuko kaya naman pumayag siyang mabigyan ng isang gamot na hindi ibinibigay sa ibang mga pasyente dahil sa dala nitong risk.

Subalit, dahil hindi pa handa si Kris na iwan ang kanyang mga mahal sa buhay pumayag siyang sumailalim sa treament na ito. Sa darating na lunes ay bibigyan na umano siya ng baby dose at kung sakali mang makayanan ng kanyang katawan ay masusundan pa ito ng pangalawang dosage.

Para makumpleto ang treatment, kailangan ni Kris Aquino na makatanggap ng four doses. Napaka risky umano nito dahil sa pagsisimula ng kanyang treatment ay mawawalan na rin siya ng immunity, ibig sabihin ay maari na siyang dapuan ng kung ano-anong sakit.

Dahil dito, naghahanda na sa maaring kahihinatnan si Kris Aquino, bagama't ayaw pa niyang sumuko ay nakasalalay na lamang umano ngayon ang kanyang buhay sa Dios.

Ayon kay Kris Aquino kung sakali man may mangyari sa kanya may dalawa siyang kaibigan na pupunta kaagad sa Amerika para samahan sina Josh at Bimby, isa na sa mga ito ay si Boy Abunda.

Ngayon pa lamang ay pinasalamatan na ni Kris Aquino si Boy Abunda dahil nangako umano ito sa kanya na hindi nito pababayaan ang kanyang mga anak sakali mang mangyari ang hindi inaasahan.

Humingi na rin siya ng pasensya kay Boy Abunda sa magiging aberya nito lalo na sa trabaho. Sa ngayon ay patuloy umanong kinakapalan ni Kris Aquino ang kanyang mukha sa paghingi ng dasal mula sa lahat ng mga nagmamahal sa kanya na malampasan niya ang kanyang mga dinaramdam sa ngayon.

@im_paulchester NEXT 6 MONTHS IS CRUCIAL FOR KRIS TITO BOY: ANONG MANG YAYARI SA SUSUNOD NA ANIM NA BUWAN? KRIS AQUINO: NGAYON AKO HIHINGI TALAGA NG DASAL DAHIL I REALLY NEEDED NOW. SABIHIN MAN NATIN NA DAHIL SA POLITIKA AY NA HATE NG IBA SI ATE KRIS PERO THIS TIME KAILANGAN NYA NG DASAL NATIN..... WE PRAY FOR FAST RECOVERY ATE KRIS, GAGALING KA PO🥺🙏 #fyp #foryou #foryoupage #trend #trending #krisaquino #aquino #fasttalkwithboyabubda #boyabunda #abscbnnews #gmanews #news5 ♬ original sound - PaulChester

Kapuso Writer, Itinangging Tagasalo Si Bea Alonzo Ng Mga Inayawang Proyekto Ni Marian Rivera

 Kapuso writer na si RJ Cuevas, pinabulaanan ang isyung ginawa lamang na tagasalo si Bea Alonzo sa mga project na inayawan ni Marian Rivera.

Matatandaan na isiniwalat noon ng kasamahan ni Ogie Diaz ang patungkol sa nakarating sa kanilang balita patungkol kina Bea Alonzo at Marian Rivera na parehong superstar sa GMA NetworK.

Ayon sa isa sa mga kasamahan ni Ogie Diaz na host sa kanuyang vlog, may nakapagsabi umano sa kanya na tila ginagawang tagasalo lamang si Bea Alonzo sa mga project na inayawan ni Marian Rivera.

Ayon sa kanilang source, una umanong ipo-propose kay Marian Rivera ang nasabing project kung sakaling hindi nito tatanggapin ay saka lamang ito ibibigay kay Bea Alonzo.

Samantala, kaagad naman itong pinabulaan ng Kapuso writer na si RJ Nuevas kung saan iginiit niyang walang katotohanan ang isyung ito. Sa katunayan ay siya umano ang nagkaroon ng pagkaakataon na matanong kung ano ang konsepto na nababagay kay Bea Alonzo.

Isiniwalat pa ni RJ Nuevas na ang magandang konepto na naisip, ipinasa at naabrubahan ng mga boss ay ang widow's War.

Iginiit din niya na hindi totoo na isyung ibinbinigay muna kay Marian Rivera ang mga proyekto at kapag inayawan ito ng aktres ay saka na lamang iniooffer kay Bea Alonzo.

Dagdag pa ni RJ Cuevas na wala pang proyekto si Bea Alonzo na sinalo lamang niya kay Marian Rivera dahil lahat umano ng mga naibigay sa kanya ay talagang ginawa para sa kanya.

Sa kabila nito, patuloy namang naninindigan si Ogie Diaz sa kanyang Twitter post na naniniwala siya sa kanyang source patungkol sa katayuan ni Bea Alonzo sa GMA7.

Ayon kay Ogie Diaz, "Basta kami, me nakakausap na source AT sinasabi ko naman na ayon sa source and hindi ko kinukumpirma. Baket, meron nga, totoo na, dinedenay pa eh. But eyes can't lie. So ano? Ipipilit ko ba yung alam ko? Hindi na. Basta they know the truth."

Naku, Nagkagulo Na! Bea Alonzo at Dominic Roque Nakatikim Ng Masasakit Kay Cristy Fermin

 Bea Alonzo at Dominic Roque tinalakan ni Cristy Fermin dahil sa pagpapasaring sa kanya dahil sa pagkumpirma niya sa hiwalayan nilang dalawa.

Inalmahan ng batikang showbiz columnist na si Cristy Fermin ang inilabas ng official statements nina Bea Alonzo at Dominic Roque patungkol sa pag-amin nila sa kanilang hiwalayan.

Ayon kay Cristy Fermin, tila sinisisi pa umano nina Bea Alonzo at Dominic Roque ang mga kolumnista at ang press people sa pagkalat ng balitang nagkahiwalay na sila sa gitna ng pagpaplano na sana sa kanilang magaganap na kasal.

Sa kamakailang episode ng programa ni Cristy Fermin na Cristy Ferminute, ipinahayag ni Cristy Fermin ang kanyang reaksyon patungkol sa pagpapasaring ni Bea Alonzo at Dominic sa kanilang inilabas na joint statements sa mga taong pinangunahan silang isiwalat ang kanilang paghihiwalay.

Tahasan pang sinabi ni Cristy Fermin na alam niya kung sino ang taong tinutukoy nina Dominic Roque at Bea Alonzo sa kanilang joint statement.

Matatandaan na tila napilitan lamang sina Bea Alonzo at Dominic Roque patungkol sa kumpirmasyon ng kanilang paghihiwalay dahil sa mga kumakalat na isyu patungkol sa totoong dahilan nito.

Inilahad din naman nila ito sa kanilang naging pahayag na mahirap at hindi naging madali ang kanilang desisyon na itigil ang kanilang relasyon. Hindi rin umano nakatulong rito ang mga taong hindi rumespeto sa kanilang privacy kung saan kinumpirma na ang kanilang hiwalayan ng walang abiso mula sa kanila.

Iginiit naman ni Cristy Fermin na ang tanging nagkumpirma lamang ng hiwalayan nina Bea Alonzo at Dominic Roque ay sina Boy Abunda at Ogie Diaz. Tanging ang pinapanindigan lamang umano niya ay ang patungkol sa pagkakaroon ng pulitikong sugar daddy ni Dominic Roque.

Ayon pa kay Cristy Fermin na handa niyang panindigan ang patungkol sa pulitikong boss ni Dominic Roque na totoong nagmamay-ari ng tinitirhan condo ni Dominic Roque. Handa pa umano si Cristy Fermin na kumanto ng 'ipaglalaban ko' ang isyung ito.

Nagbigay pa ng mensahe si Cristy Fermin kay Bea Alonzo kung saan inilahad niya na hindi naman maganda na sisisihin ng aktres ang mga taong nagkumpirma ng hiwalayan nila ni Dominic Roque.

Ipinunto pa ni Cristy Fermin na kung ayaw naman pala nilang pangunahan ng ibang tao ay dapat sila na lamang ang naunang maglabas ng pahayag kung ayaw nilang maunahan ng ibang mga tao.

Para kay Cristy Fermin, walang basehan ang inis ni Bea Alonzo at Dominic Roque sa mga nagsasabing hiwalay na sila dahil totoo naman itong nangyari.

Ang Mahalagang Announcement Ni Kris Aquino Na Ipinakiusap Niya Kay Boy Abunda

 Ikinalungkot ng maraming nagmamahal kay Kris Aquino ang kanyang mga isiniwalat sa kamakailang episode ng Fast Talk with Boy Abunda.

Dito ipinahayag ni Kris Aquino sa publiko ang totoong kalagayan niya ngayon at kung ano-ano ang maaring mangyaro sa kanya sa mga darating na buwan habang patuloy niyang nilalabanan ang kanyang mga autoimmune diseases at ang mga complications na kaakibat ng mga ito.

Inamin ng Queen of All Media na si Kris Aquino na hindi na bumubuti ang kanyang kalagayan sa ngayon sa katunayan ay mayroon na lamang siyang isang medication na susubukan para sa kanyang paggaling.

Ang medication na ito ay may kaakibat na matinding risk kung saan maari siyang mawala anumang oras kahit na sa kanyang pagtulog. Ang gamot ding ito ay hindi basta-basta na ibinibigay sa pasyente dahil hindi ito ligtas.

Sa darating na lunes ay susubukan umano siyang bigyan ng baby dose nito, kung sakali mang makayanan ng kanyang katawan ang dose ay bibigyan siya ng pangalawa hanggang sa apat na dose sa loob ng anim na buwan.

Ayon sa naging pahayag ni Kris Aquino sa live ni coverage ni Boy Abunda, anumang oras ay maari siyang ma-cardiac arrest  dahil sa complications ng kanyang mga karamdaman.

Mayroon umanong limang autoimmune diseases si Kris Aquino na lalong nagpapabagsak ngayon sa kanyang katawan, ang panglima sa mga ito ay siyang pinaka-agresibo sa lahat.

Hindi rin umano nakatulong sa kanyang kalagayan ngayon ang pagkakapositibo niya sa COVID-19 ilang buwan na ang nakakalipas dahil dito may problema na rin ang kanyang lungs.

Totoong alarming na ngayon ang kalagayan ni Kris Aquino lalo na sa pagbagsak ng kanyng hemoglobin counts na siyang nagdadala ng oxygen sa iba't-ibang parte ng kanyang katawan.

May problema na rin ang puso ni Kris Aquino dahil sa irregular na pagtaas ng kanyang heart rate, sa katunayan may pagkakataon umano na kahit pupunta lamang siya sa banyo ay aabot na sa  120 hanggang 146 ang kanyang heart rate.

Dagdag pa ni Kris Aquino na posible siyang ma-stroke anumang oras kaya naman triple na ang kanyang ginagawang pag-iingat. Sa ngayon ay muling humihingi ng panalangin si Kris Aquino para isama siya sa mga pagdarasal.

Kakapalan na umano niya ang kanyang mukha dahil ayaw pa niyang iwan ang kanyang mga anak na labis pang nangangailangan sa kanya.

Ipinangako pa ni Kris Aquino na kahit nahihirapan na siya ay hindi pa rin siya susuko sa laban dahil marami pa siyang gustong gawin kasama ang kanyang mga anak.

Kung sakali mang hindi na siya mabibigyan ng pagkakataon ay may nakahanda na rin naman siyang plano para sa kanyang dalawang anak na maiiwan niya.

@im_paulchester NEXT 6 MONTHS IS CRUCIAL FOR KRIS TITO BOY: ANONG MANG YAYARI SA SUSUNOD NA ANIM NA BUWAN? KRIS AQUINO: NGAYON AKO HIHINGI TALAGA NG DASAL DAHIL I REALLY NEEDED NOW. SABIHIN MAN NATIN NA DAHIL SA POLITIKA AY NA HATE NG IBA SI ATE KRIS PERO THIS TIME KAILANGAN NYA NG DASAL NATIN..... WE PRAY FOR FAST RECOVERY ATE KRIS, GAGALING KA PO🥺🙏 #fyp #foryou #foryoupage #trend #trending #krisaquino #aquino #fasttalkwithboyabubda #boyabunda #abscbnnews #gmanews #news5 ♬ original sound - PaulChester