Usap-usapan ngayon sa social media ang aktres at vlogger na si Jessy Mendiola matapos niyang ibahagi sa kanyang Instagram story ang desisyon niyang ibenta ang isa sa kanyang mga mamahaling bag. Bagama’t simple lamang ang kanyang paliwanag, hindi ito pinalampas ng ilang netizens na may kanya-kanyang saloobin at opinyon tungkol sa kanyang desisyon.
Ayon kay Jessy, may personal siyang panuntunan pagdating sa pag-aari ng mga bag, kaya’t kailangang may isa siyang ibinibenta bago bumili ng panibago. Sa kanyang post ay sinabi niya:
“Letting go of this beauty. I have a rule that I cannot have too many bags. So I make sure to let go before getting another one.”
Bagama’t tila normal lamang ang kanyang sinabi, agad itong umani ng iba't ibang reaksyon. May mga netizen na tila hindi natuwa sa “pa-rule” na sinasabi ni Jessy at tinawag itong pabebe o “cringey.” Isa sa mga komentong lumutang ay:
“Cringeeeee may pa ‘rule-rule’ pa si atih!”
Samantala, may isa ring netizen na nagsabi na mas dapat daw sinabi na lang ni Jessy na nagtitipid siya o kulang sa budget para sa bagong bag, kaya napilitan siyang ibenta ang luma. Aniya:
“I don’t want too many bags pero magbebenta para bumili ng bago. Dapat sabihin na lang, wala sa budget ang new bag so selling one to get a new one. Mas realistic, mas relatable.”
Sa kabila ng mga negatibong komento, hindi naman pinabayaan ng kanyang mga tagasuporta si Jessy. Marami rin ang nagtanggol sa kanya at nagsabing karapatan niyang gawin ang gusto niya sa sarili niyang gamit. Ayon sa isang supporter:
“Each and every one of us may sari-sariling choices. Bakit ang daming nega?”
May isa pang fan na nagkomento:
“Ang inggit, pikit. Hayaan niyo siya sa buhay niya.”
Dagdag pa ng isa pang tagapagtanggol ni Jessy:
“What’s wrong with that? As long as di siya nagnanakaw. That’s what you call being practical. You get rid of your old one and buy something new or even pre-loved. Makapag-judge naman kayo sa tao.”
Ipinunto rin ng ilan na hindi naman ito usapin ng pagyayabang, kundi isa lamang itong personal na desisyon na hindi dapat ginagawang isyu. Sa panahon ngayon, normal na sa mga tao, lalo na sa mga babae, ang magbawas ng gamit na hindi na masyadong nagagamit—lalo na kung ito ay mga designer items na may halaga pa rin sa secondhand market.
Para naman sa ilan, si Jessy ay nagpapakita lamang ng pagiging disiplinado pagdating sa kanyang lifestyle. Ayon sa ilang netizen, imbes na ibulsa lamang ang mga mamahaling gamit, mas mainam na ibenta ito sa mga taong mas nangangailangan o mas gustong makakuha ng luxury item sa mas murang halaga.
Hindi na rin bago ang ganitong practice sa mga celebrities. Marami sa kanila ang gumagawa ng consignment o reselling ng kanilang luxury goods—hindi dahil sa wala silang pambili ng bago, kundi dahil ayaw nilang mag-ipon ng sobrang gamit na hindi naman na nila ginagamit.
Sa huli, pinatunayan lang ni Jessy na kahit gaano pa kasimple ang desisyon mo sa buhay, tiyak na may masasabi pa rin ang iba. Ngunit sa dami rin ng mga sumusuporta sa kanya, tila mas nanaig ang mensahe na: "Walang masama sa pagiging praktikal, lalo na kung sarili mong gamit ang pinag-uusapan."
Walang komento
Mag-post ng isang Komento
Share your opinion now!