Ibinahagi ni Kapamilya actor Jameson Blake na mas naging malapit sila ngayon ng Kapuso actress na si Barbie Forteza. Sa kabila ng kanilang magkaibang home networks, naging bukas ang aktor sa tunay na estado ng kanilang relasyon — ayon sa kanya, nasa yugto pa rin sila ng “getting-to-know each other.”
Mas naging malalim ang pagkakakilala ni Jameson kay Barbie nang magsama sila sa pelikulang “Kontrabida Academy,” isang Netflix original film. Ayon kay Jameson, kahit natapos na ang proyekto, hindi nawalan ng komunikasyon sa pagitan nila at nanatili ang magandang samahan.
Sa isang interview kasama ang entertainment press sa premiere night ng kanyang bagong pelikula na “Isla Babuyan,” kung saan nakatambal niya si Geraldine Jennings, hindi itinanggi ni Jameson na espesyal ang papel ni Barbie sa kanyang buhay ngayon.
“We all deserve to be happy, masaya ako. Siya nagpapasaya sa akin,” pahayag ng aktor.
Pagdating sa kung gaano na sila kalapit, inamin ni Jameson na “super close” na sila, at mahalaga raw para sa kanya na may taong nagpapasaya at sumusuporta sa kanya.
“We are (sobrang close). Main part when you meet someone is you complement each other. If you make each other happy, laugh, common interests. So far so good,” dagdag pa niya.
Ibinahagi rin ni Jameson ang kanyang paghanga kay Barbie bilang aktres at bilang tao. “Kapag kasama ko off-cam, very nice, very sweet. Pero pag on-cam, ibang tao na siya," ani Jameson.
“I respect her, she is very professional. I look up to her, that is my first impression ko sa kanya. She is very respectful, mabait, and very talented. Nakikita natin,” dagdag niya.
Napag-alaman din na marami pala silang pagkakatulad, kaya mabilis silang nag-click. “Books. She likes to read. Doon nag-start. Then went into running. She likes to run also. I am into fitness, so we started running with each other,” kuwento ng aktor.
Nabanggit din sa panayam ang tungkol sa ex-boyfriend ni Barbie na si Jak Roberto, na kamakailan lang ay nagpahayag ng suporta sa bagong closeness nina Barbie at Jameson. Ayon kay Jak, “bagay naman sila,” na siyang ikinagulat at ikinatuwa rin ng ilang fans.
Bagamat walang direktang kumpirmasyon kung may namumuong espesyal na relasyon sa pagitan nila, kapansin-pansin na may chemistry at mutual admiration sa pagitan ng dalawang artista. Sa ngayon, tila mas pinipili nilang i-enjoy ang bawat sandali at patuloy na kilalanin ang isa’t isa sa mas malalim na antas.
Walang komento
Mag-post ng isang Komento
Share your opinion now!