Bea Borres Sinabing Huwag Magpa-Buntis Kung Walang Pera

 Hindi pinalampas ng social media influencer at soon-to-be mom na si Bea Borres ang isang komento mula sa netizen na nagparatang na kaya raw hindi siya mukhang haggard kahit buntis ay dahil may kaya siya sa buhay.

Nag-ugat ang palitan ng komento sa isang post ni Bea kung saan ikinuwento niya ang mga madalas na sinasabi sa kanya ng mga tao kapag siya ay nakikita — partikular ang mga papuri sa kanyang itsura habang nagdadalang-tao.

Aniya sa kanyang caption:

“‘Ang glowing mo parin kahit buntis’, ‘parang di ka buntis, ang ganda mo parin’.  I didn’t know na requirement pala to look haggard when you’re pregnant!”

Ibinahagi rin ni Bea ang dahilan kung bakit nananatili siyang presentable at positibo sa kabila ng pagbubuntis. Hindi raw niya hinahayaang mapabayaan ang sarili kahit pa siya ay magiging ina na.

Ayon kay Bea:

“Syempre I still don’t forget about myself [heart emoji] Maybe it’s true that I’m glowing kasi girl si baby, but honestly I think it’s because I really take care of myself." 

Dagdag pa niya, ang pag-aalaga sa sarili ay hindi lang para sa kanyang pisikal na anyo, kundi bahagi rin ng kanyang pagmamahal at responsibilidad sa kanyang magiging anak:

"Caring for myself is also caring for my baby & self-love doesn’t stop just because you’re pregnant.”

Gayunman, may isang netizen ang nagbigay ng salungat na opinyon. Ayon sa komento, kaya raw nakakaya ni Bea na magmukhang maayos ay dahil may pera siya at ibang-iba ang sitwasyon ng mga karaniwang buntis na walang sapat na resources o suporta.

Sabi ng netizen:

“Syempre u have money kaya u will definitely look pretty. But for us na walang pera, wlaang yaya, walang work kasi nga buntis tapos wala pang support system. Ma hahagard kami taga ng bongga.”

Hindi na nagpatumpik-tumpik pa si Bea at diretsahang sinagot ang netizen. Sa kanyang prangkang sagot, tila pinaalalahanan niya ang lahat na ang pagbubuntis ay isang responsibilidad na dapat pinag-iisipang mabuti, lalo na kung wala pang sapat na kakayahang pinansyal.

Aniya:

“True that’s why u shouldn’t make pa buntis if u don’t have pera lol.”

Ang naging tugon ni Bea ay umani ng samu’t saring reaksiyon mula sa mga netizens. May mga sumang-ayon sa kanyang pananaw at sinabing tama lang na paalalahanan ang mga tao sa bigat ng responsibilidad ng pagiging magulang. Mayroon namang iba na nainis sa tono ng kanyang sagot at tinawag itong “insensitive” sa sitwasyon ng ibang kababaihang walang kakayahang pinansyal ngunit naituloy ang pagbubuntis.

Sa kabila ng mga batikos at suporta, nanindigan si Bea sa kanyang paniniwala na ang pagbubuntis ay hindi rason para pabayaan ang sarili. Ipinunto rin niya na ang pag-prioritize sa self-care ay hindi lamang para sa sariling kapakanan kundi para rin sa kalusugan ng sanggol na kanyang dinadala.

Bagamat maraming kababaihan ang hindi pare-pareho ng kalagayan, nananatiling usapin sa lipunan kung paano pinapahalagahan ang pisikal at emosyonal na kalusugan ng mga buntis. Sa kasong ito, ginamit ni Bea ang kanyang platform hindi lamang upang ipahayag ang kanyang karanasan, kundi upang ipaalala rin na ang pagbubuntis ay isang seryosong responsibilidad na nangangailangan ng sapat na paghahanda—emosyonal, mental, at pinansyal.