Arnel Pineda, Inisyuhan Ng Arrest Warrant Dahil Sa Aligasyon Ng Pang-Aabuso

 Nahaharap ngayon sa isang warrant of arrest si Arnel Pineda, lead singer ng bandang Journey, dahil sa kasong isinampa laban sa kanya ng kanyang estranged wife sa Quezon City. 

Ang warrant ay inisyu noong Setyembre 10, 2025 ng Judge Mary Ann Punzalan‑Toribio ng Quezon City Regional Trial Court, Branch 99, dahil sa hindi pagsipot ni Arnel sa nakatakdang pagdinig sa kaso na may kinalaman sa paglabag sa Section 5 ng Republic Act 9262, o ang VAWC (Violence Against Women and their Children). 

Tinukoy ng reklamo na may mga kaso daw ng infidelity at psychological abuse si Arnel laban sa kaniyang estranged wife. 

 May bahagi sa reklamo na nagsasabi na madalas siyang gumawa ng verbal abuse, kontroladong pag-uugali, at nakakahiya sa publiko ang mga kilos niya na nagdulot ng emotional at mental na sakit sa nagrereklamo. 

Noong Setyembre 10, nakatakda ang hearing sa QC RTC Branch 99 ngunit hindi dumalo si Arnel. 

 Sa sumunod na araw, Setyembre 11, may hearing ulit ngunit wala pa rin siya. 

 Sinubukang puntahan ang tahanan ni Arnel para iparating ang warrant, pero wala raw siya roon. 

Sa iba pang bahagi ng ulat, binigyang-diin ng nagrereklamo na matagal na raw ang hindi pagkakaayos ng relasyon nila ni Arnel. Ayon sa kanya, nagsimula pa noong 2003 ang mga suliranin habang mag-live-in sila, nang madiskubre niya umano ang pagtataksil ni Arnel. 

Kahit na nagpakasal sila noong 2008, patuloy umano ang mga hindi pagkakaunawaan: infidelity, emosyonal na pang-aabuso, at iba pang kontroladong asal na nagpahirap sa nagrereklamo. 

Sa kanyang panig, pinabulaanan ni Arnel ang mga alegasyon na siya ay nahatulan ng life imprisonment sa Estados Unidos—isang isyu na lumabas na viral sa social media. 

Walang opisyal na pahayag mula sa kampo ni Arnel ukol sa warrant bago ito maresolba, ngunit marami ang nagmamatyag sa pag-usad ng kaso—kung paano ito tatakbo sa korte, at kung paano niya ipagtatanggol ang sarili sa mga paratang ng estranged wife niya.