Ibinunyag na ng Unkabogable Star na si Vice Ganda ang mga Kapuso artists na gusto nilang makasama sa pagsisimula ng It's Showtime sa GMA7.
Magkakaroon ng double celebration ang It's Showtime sa darating na April 6, 2024 kung saan ilalabas nila ang birthday celebration episode ni Vice Ganda. Bukod pa rito, magsisilbi rin ito bilang premiere ng It's Showtime sa main channel ng GMA Network.
Ayon sa pagbabahagi ni Vice Ganda, naitanong na sa kanya kung kailan niya balak magkaroon ng birthday episode kung before holy week ba o pagkatapos na lamang nito
Pinili naman umano ni Vice Ganda na after holy week na lamang gagawin ang kanyang birthday episode para makapagpahinga naman siya mula sa pagbabakasyon at para maging fresh na rin umano ang lahat sa pagbabalik nila para sa kanyang kaarawan sa darating na April 6, 2024.
Sa panahong iyon, ay hindi pa naman umano nila alam na may magaganap na malaking pagbabago sa show. Kaya naman magsisilbi umanong double celebration para sa kanila ang darating na April 6, 2024.
Bukod pa rito, isiniwalat rin ni Vice Ganda ang kanyang wishlist sa mga Kapuso artists na nais niyang makasama sa pagbubukas ng kanilang show sa main channel ng GMA Network.
Ayon kay Vice Ganda marami siyang gustong makasama na mga Kapuso artists na kinabibilangan nina Alden Richards, Marian Rivera, Dingdong Dantes pati na rin umano ang mga nakatsikahan niya na mga Kapuso artists na sina Ruru Madrid at Bianca Umali.
Hiling pa ni Vice Ganda na sana ay available umano ang mga nasabing artists dahil nagsisimula na umano sila sa kanilang inquiry.
Nauna na rito ang pangako ni Vice Ganda na mas lalong magiging kapana-panabik ang It's Showtime ngayong magsisimula na sila ng panibagong journey sa main channel ng Kapuso Network.
Walang komento
Mag-post ng isang Komento
Share your opinion now!