Nagbigay na ng pahayag si Danica Sotto-Pingris sa gitna ng kontrobersiyang kinasasangkutan ng kanyang asawa na si Marc Pingris.
Naglabas ng short message si Danica Sotto-Pingris para sa lahat matapos maging laman ng mga usap-usapan sa ilang mga social media sites ang umano'y pangangaliwa ng kanyang mister na si Marc Pingris sa pakikipagrelasyon nito sa aktres na si Kim Rodriguez.
Matatandaan na kumakalat ngayon sa ilang mga social media platforms at ilang mga entertainment news sites ang mga larawan kung saan makikitang tila nasa iisang lugar lamang sina Marc Pingris at Kim Rodriguez kung pagbabasehan ang kanilang mga backgrounds at mga nakasamang fans sa picture.
Gayunpaman, nauna nang nagbigay ng pahayag ang malapit na kaibigan ni Danica Sotto na si Pebbles kung saan ipinagtanggol niya si Marc Pingris laban sa mga naglabasang alegasyon na hindi nakuntento ang basketball player sa kanyang asawa at nakipagrelasyon sa isang batang actress.
Ayon kay Pebbles, hindi magagawa ni Marc Pingris ang lokohin ang kanyang asawang si Danica at marami itong priorities sa buhay. Mayroon din umano itong magandang pamilya kasama ang kanyang kaibigan na si Danica.
Kaagad namang nagkomento si Danica Sotto sa pagtatanggol ni Pebbles sa kanyang mister at pinapakalma na niya ito. Pinahayag rin niya ang pagmamahal para rito.
Marami naman sa mga fans nina Danica Sotto at Marc Pingris ang humihiling na sana ay walang katotohanan ang isyu lalo na't may mga anak sila na maaring maapektuhan.
Nanghihinayang rin ang ilang mga netizens sa samahan ng dalawa dahil naniniwala silang ideal couple ang mga ito na may malakas na pananampalataya sa Panginooon.
Samantala, hindi naman nakatulong ang munting pahayag ni Danica Sotto para matahimik na ang isyu. May mga naniniwala pa rin na kapag may usok tiyak ay may apoy. Subalit maari naman umano na inaayos ngayon ng dalawa ang kanilang pagsasama para na rin sa kapakanan ng kanilang mga anak.
Sa kabilang banda, hanggang ngayon ay hindi pa naman nagbibigay ng pahayag sina Marc Pingris at Kim Rodriguez patungkol sa isyu.
Walang komento
Mag-post ng isang Komento
Share your opinion now!