Muling nababalot ng kontrobersiya ang aktres at TV host na si Maine Mendoza, matapos siyang ulanin ng batikos mula sa netizens kaugnay ng diumano’y madalas na bakasyon at pag-alis sa bansa ng kanyang asawang si Quezon City Representative Arjo Atayde.
Bagama’t una nang nagpahayag si Maine na siya ay naninindigan para sa katarungan at hindi kailanman kumukunsinti ng katiwalian, tila hindi pa rin kumbinsido ang publiko sa kanyang panig. Marami ang pumupuna sa tila "marangyang pamumuhay" ng mag-asawa, lalo na’t paulit-ulit umanong nakikitang nasa ibang bansa si Arjo—habang may mga isyung kinakaharap ang kanyang distrito.
Ayon sa mga netizens, napapansin nilang halos buwan-buwan ay wala sa bansa si Rep. Atayde, at tila hindi raw ito umaakto bilang isang lingkod-bayan. Isa sa mga gumagamit ng platform na X (dating Twitter), na may handle na @ultkrsc, ay nagtanong:
“Maine, tanong ko lang, alam mo ba ilang leaves meron ang isang government employee? Bakit kayo ng asawa mo halos buwan-buwan nasa ibang bansa. Sabihin nating nagbabayad kayo ng buwis, pera n’yo ginagamit sa travels pero… ano ‘yan, display sa distrito niya?”
Samantala, may isa ring nagkomento na tila hindi raw binibigyan ng sapat na halaga ni Rep. Atayde ang kanyang obligasyon sa bayan.
“Ang hirap-hirap mag-leave, teh! Tapos ‘yang asawa mo akala mo business niya lang ang pagiging public govt. official kung iwan niya trabaho niya. Serbisyo, hindi kapritso. Hindi ito simpleng private company na anytime pwede kang magbakasyon. May constituents siyang naiwan.”
May ilan ding naglabas ng mas mabigat na saloobin, at tinawag na "out of touch" o hiwalay sa realidad ang lifestyle ng mag-asawa. Anila, sa halip na harapin ang mga isyu sa distrito tulad ng pagbaha at iba pang problema, mas inuuna pa umano ang personal na biyahe sa ibang bansa.
“Maine, buwan-buwan kayong nagbabakasyon. At the very least, you’re stealing time owed to those you serve by not working. Wala akong kilalang empleyado o negosyante na ganyan magtrabaho unless tour guide ka. That alone shows na hindi seryoso sa serbisyo.”
Dagdag pa ng isa pang netizen, dapat daw ay hinay-hinay sa pagpo-post ng mga larawan ng kanilang masaganang pamumuhay:
“Yes! Ilan ba vacation leave ng congressman? Paano pa nakakapagtrabaho ‘yung public servant mong asawa, puro kayo lamyerda. Wag masyado mag-flex ng maluhong lifestyle lalo na congressman asawa mo tapos binabaha ‘yung distrito n’yo. Masyado kayong out of touch sa realidad at nabubuhay lang for power, fame and influence.”
Hanggang sa ngayon, wala pang direktang pahayag ang kampo nina Arjo Atayde at Maine Mendoza ukol sa mga isyung ito. Nanatili silang tahimik sa kabila ng patuloy na panawagan ng ilang netizens na ipaliwanag kung paanong nagagampanan ni Arjo ang kanyang tungkulin sa kabila ng madalas na pag-alis sa bansa.
Gayunpaman, may ilang tagasuporta pa rin ang naniniwala na hindi dapat husgahan agad ang mag-asawa batay lamang sa mga social media posts. Ayon sa kanila, maaaring may mga aktibidad pa rin si Cong. Arjo na ginagawa para sa kanyang distrito na hindi lantad sa publiko.
Sa ngayon, patuloy pa ring mainit na tinatalakay sa online platforms ang isyung ito, at marami ang umaasang magbibigay linaw ang mag-asawa sa lalong madaling panahon.
Walang komento
Mag-post ng isang Komento
Share your opinion now!