Nagbigay ng ilang pangalan ang Entertainment Columnist na si Jun Lalin patungkol sa mga celebrity na posibleng papalit sa legendary trio na sina Tito Sotto, Vic Sotto, at Joey de Leon sa longest-running noontime show na Eat Bulaga.
Ayon sa pahayag ng kolumnista, maaring palitan nina Paolo Contis, Betong Sumaya, Buboy Villar, Kuya Kim Atienza, at Alexa Miro ang mga host ng Eat Bulaga na nagresign sa Television and Production Exponents (TAPE) Inc. noong Mayo 31, 2023.
Matatandaan na kaagad ring nagbitiw kasuno ng TVJ, ang mga Eat Bulaga hosts na sina Paolo Ballesteros, Jose Manalo, Maine Mendoza, Ryzza Mae Dizon, Wally Bayola, Ryan Agoncillo, and Allan K.
Gayunpaman, marami sa mga manonood ng Eat Bulaga ang hindi nasiyahan at hindi matanggap ang ilang panibagong hosts ng show lalong-lalo na si Paolo Contis na kamakailan lamang ay nahaharap sa samu't-saring isyu.
Kabilang pa sa mga isyu ni Paolo Contis ang pagiging pabaya umano nitong ama na hindi nakakaganda sa image ng show.
Marami rin ang nagsabing sana ay mahiya ang TAPE Inc. huwag nang gamitin ang pangalan Eat Bulaga na matagal nang nakakabit sa mga pangalan nina Tito Sotto, Vic Sotto at Joey De Leon.
Ipinunto pa nang ilan na sa loob ng mahabang taon ay iningatan ng TVJ at iba pang host ang Eat Bulaga, subalit basta basta na lamang pala silang mapapaalis rito.
“Dapat wag nyo nang gamitin yung name na eat bulaga palitan nyo nalang ng ibang name. Makiki ride on lang kayo dun sa legacy ng eat bulaga na pinag trabahuan ng TVJ ng ilang dekada. Ang Eat Bulaga is hindi matatawag na Eat Bulaga kung walang TVJ.”
“TAPE can open a new noontime show as long as they won’t use the EB brand. EB is TVJ!”
“Nagsama pa kayo ng babaero jan n nega n nga ang dating di lalung wala nanood sa inyo. Wag na sayang lang kuryente namin.”
Matatandaan na tila napilitan na lamang na magbitiw ang TVJ at iba pang host ng Eat Bulaga dahil sa pagbabawal sa kanila na mag live airing nitong May 31,2023.
Walang komento
Mag-post ng isang Komento
Share your opinion now!