Ang Box-Office King na si Daniel Padilla ay 27 taong gulang at sa edad na ito ay masasabing isa na si Daniel sa pinakamatagumpay na aktor sa kanyang henerasyon.
Pero paano kaya yumaman si Daniel Padilla? Ano ang kanyang mga pundasyon at paano niya pinangangasiwaan ang kanyang kita? Iyon ang pag-uusapan natin.
Mula sa pagsisimula at pagpasok ni Daniel Padilla sa showbiz hanggang sa pagtatayo ng mga negosyo at net worth, dito natin i-highlight kung gaano siya kayaman.
Ang 27-year-old actor na si Daniel John Ford Padilla ay nagmula sa isang kilalang pamilya sa showbiz. Siya ay anak ng dating magkarelasyon na sina Rommel Padilla at Karla Estrada.
Naghiwalay ang kanyang mga magulang noong bata pa siya, kaya lumaki si Daniel at pinalaki ng kanyang ina na mag-isa. Inakala daw ng ibang tao na galing siya sa mayamang pamilya dahil kilalang personalidad ang kanyang mga magulang at mga kamag-anak.
Pero sa isang panayam, inamin ni Daniel na bago niya naranasan ang lahat ng tinatamasa niya ngayon, nakaranas na ng hirap ang kanyang pamilya. Bata pa lang daw siya, ilang beses na silang lumipat ng bahay.
Nagtataka raw sila kung bakit wala silang permanenteng tirahan. Ngunit hindi niya matanong ang kanyang ina kung ano ang dahilan.
Noong mga panahong iyon, nag-e-enjoy lang daw siya sa mga ganoong sitwasyon dahil marami siyang nakikilalang mga bagong tao sa paligid niya.
Hindi rin itinanggi ni Daniel na dumating sa puntong halos wala na silang makain at nawalan ng kuryente. Dito naisip ng aktor na kailangan niyang gumawa ng paraan para makatulong sa kanyang pamilya at sa kanyang ina.
Walang komento
Mag-post ng isang Komento
Share your opinion now!