Ibinunyag ng aktor-direktor na si David Chua ang status ng relasyon nila ng aktres na si Devon Seron dahil nakita silang sweet sa isang event kamakailan.
Magkasama sina David at Devon sa weekly show ng Net25 na GoodWill. Sa katatapos na golf tournament na inorganisa ng TV network, nagkakaroon ng sweet moments ang dalawang celebrities na magkasama.
Nang tanungin tungkol dito, sinabi ng aktor na great girl si Devon Seron.
“Hardworking. Down to earth. Mabait. Mapagmahal sa magulang. Maganda pa. What’s not there to like?” pahayag ni David.
Ayon pa kay David, hindi lang girlfriend material si Devon Seron kundi wife material din. Seryoso raw silang dalawa pagdating sa pakikipagrelasyon kaya naman gusto nilang dahan-dahanin ang mga bagay.
“Yes, we are getting to know each other more,” pag-amin pa nito.
Dati, na-link si David sa aktres na si Cristine Reyes. Nakita silang magkasama noong concert ni Lany sa Manila. Gayunpaman, nang tanungin tungkol sa mga tsismis na nagli-link sa kanya kay Cristine, sinabi ni David na ito ay para sa trabaho.
Samantala, ang huling nakilalang relasyon ni Devon Seron ay ang aktor na si Kiko Estrada.
Medyo naging kontrobersyal ang breakup nila dahil third party raw ang aktres na si Heaven Peralejo. Later on, Kiko and Heaven confirmed their relationship pero ilang buwan ang lumipas, nakumpirmang naghiwalay na sila.
Walang komento
Mag-post ng isang Komento
Share your opinion now!