Naglabas ng panawagan ang Quezon City General Hospital (QCGH) sa mga kamag-anak ng pumanaw na dating Ginebra player na si Terry “Plastic Man” Saldaña nitong February 1, 2023.
Sa kanilang Facebook post nitong Miyerkules ng gabi, umapela ang QCGH-Medical Social Services Department sa pamilya ni Saldaña na makipag-ugnayan sa kanilang tanggapan kaugnay sa pagkamatay ng kanilang kaanak nitong Miyerkules.
Ayon sa QCGH, isinugod sa ospital si Saldaña noong January 25 at na-admit noong January 28. Kabilang sa kanilang ibinahagi ay ang ID ni Terry Saldana upang mas madali umano ito makikilala ng pamilya nito.
“Sa sinumang makakakilala sa pasyente o sa kanyang kapatid (Maria Gina Saldaña), maaari pong makipag-ugnayan sa Quezon City General Hospital-Medical Social Service kay Carlo Teologo, Medical Social Worker o tumawag sa 8863-08-00 local 112/113 o sa numerong 0917 830 8324. Maraming salamat po," inilabas na pahayag ng hospital.
Walang komento
Mag-post ng isang Komento
Share your opinion now!