Kung iniisip ng karamihan na sobrang istrikto at protective ng celebrity parents na sina Carmina Villarroel at Zoren Legaspi pagdating sa usapin ng pag-ibig ng kanilang mga anak na sina Mavy at Cassy Legaspi, aba’y panahon na para baguhin ang pananaw na ‘yan.
Sa isang panayam kasama si Boy Abunda, na kilala bilang “King of Talk,” inamin mismo ng celebrity twins na hindi tulad ng iniisip ng maraming tao ang pagpapalaki sa kanila pagdating sa love life. Sa katunayan, kabaligtaran pa nga—maluwag at understanding umano sina Carmina at Zoren pagdating sa mga desisyong may kinalaman sa puso.
Ayon kay Cassy, hindi nakikialam ang kanilang mga magulang sa love life nila, maliban na lang kung sila mismo ang humihingi ng payo o opinyon.
“No, they don’t (nakikialam),” sagot ni Cassy, sabay paliwanag:
“Unless we ask for their advice or anything like that — yeah, that’s where they share a bit. Pero at the end of the day, they always say ‘it’s up to you, it’s your life, it’s your decisions.’ Pero kung kailangan mo ng advice o guidance, they’re just here.”
Sa madaling salita, bagama’t bukas ang pinto para sa suporta at gabay, pinahahalagahan ng kanilang mga magulang ang kalayaan nilang pumili at matutong tumayo sa sariling paa—lalo na sa mga personal na aspeto ng buhay.
Samantala, si Mavy Legaspi naman ay tahasang binasag ang matagal nang misconception tungkol sa pagiging “strict” nina Zoren at Carmina pagdating sa pag-ibig.
“They are relaxed. I think the biggest misconception na strikto sila sa pag-ibig, but no. At the end of the day, they just let us love,” pahayag ni Mavy.
Aminado si Mavy na marami ang akala'y kontrolado ng kanilang mga magulang ang kanilang mga personal na buhay, lalo’t pareho silang galing sa showbiz at kilala sa pagiging hands-on parents. Ngunit, sa katotohanan, malaki raw ang tiwala ng mga ito sa kanila pagdating sa paggawa ng mahahalagang desisyon—kabilang na ang pagpili kung sino ang mamahalin.
Isa rin sa mga naungkat sa panayam ay ang mga kontrobersiyang kinasangkutan ni Mavy, kabilang na ang pinag-usapang hiwalayan nila ni Kyline Alcantara na naging usap-usapan bago matapos ang taong 2023. Bagama’t hindi na nagdetalye ang aktor sa mga specifics ng isyu, malinaw sa mga tagahanga na nag-move on na siya at tinatahak ang mas mature at kalmadong pananaw sa pag-ibig.
Sa kabila ng pagiging kilala bilang isa sa mga “ideal families” sa showbiz, pinatunayan nina Carmina at Zoren na hindi kailangang maging controlling ang mga magulang para mapalaki nang maayos ang kanilang mga anak. Sa halip, sa pamamagitan ng pagbibigay ng espasyo, tiwala, at guidance, mas napapalakas nila ang loob nina Mavy at Cassy na harapin ang tunay na mundo—kasama na rito ang masalimuot na mundo ng pag-ibig.
Walang komento
Mag-post ng isang Komento
Share your opinion now!