Aiko Melendez at Jay Khonghun, Naghiwalay Matapos ang Mahigit Pitong Taon

 Hindi na aabot sa ikawalong taon ang relasyon ng Quezon City Councilor na si Aiko Melendez at ang 1st District Representative ng Zambales na si Cong. Jay Khonghun, matapos nilang kumpirmahing tuluyan na silang naghiwalay.

Ang balitang ito ay ibinahagi ng kilalang entertainment vlogger at talent manager na si Ogie Diaz sa kanyang YouTube program na “Showbiz Update” nitong Oktubre 2, Huwebes ng gabi. Ayon kay Ogie, tumanggap siya ng isang opisyal na pahayag mula mismo kay Aiko, na siya rin niyang alaga bilang manager.

Sa kanyang pahayag, hindi direktang inilahad ni Ogie ang dahilan sa likod ng kanilang paghihiwalay. Ngunit ayon sa binasang statement, dumaan sa maingat at masusing pag-iisip ang naging desisyon ng dalawa.

Binasa ni Ogie ang kabuuan ng pahayag ni Aiko, na nagsimula sa mga katagang:

“After four months of reflection and careful consideration, Congressman Jay Khonghun and I, Councilor Aiko Melendez have mutually decided to part ways and go our separate directions. This decision was not made lightly but comes from a place of respect and understanding of what is best for both of us at this time. We want to make it clear that no third party was involved in this decision."

Idinagdag din sa pahayag na walang third party na sangkot sa kanilang paghihiwalay. Tiniyak ni Aiko na ang desisyon ay bunga ng pagkilala sa kani-kanilang landas, at kung ano ang makabubuti sa kanila ngayon bilang mga lingkod-bayan.

Ayon pa sa kanya:

“We remain grateful for the memories we shared and for the support many of you have shown throughout our journey together."

Sa kabila ng kanilang paghihiwalay, pareho pa rin daw nilang pinipili ang katahimikan at respeto, lalo na sa gitna ng kanilang mga tungkulin sa gobyerno. Aniya:

“Our focus now is to move forward with grace. He in his continued public service, and I in mine, always guided by the values of respect, kindness and dedication to the people we serve.”

Nakiusap rin si Aiko sa publiko na sana'y igalang ang kanilang pribadong buhay habang sila ay dumaraan sa panibagong yugto ng kanilang personal na paglalakbay.

“We ask for your understanding and privacy as we go through this transition. Thank you for your support and prayers.”

Ang tambalang Aiko at Jay ay naging inspirasyon sa maraming netizens at supporters sa loob ng halos walong taon. Bagama’t hindi sila palaging bukas sa lahat ng detalye ng kanilang relasyon, makikita sa kanilang mga social media posts at public appearances ang paggalang at pagmamahalan nila sa isa’t isa.

Ngunit gaya ng maraming relasyon, dumating din ang panahon ng pagpapasya para sa ikabubuti ng bawat isa. At ngayon, pinili nilang magpatuloy sa kani-kanilang buhay nang hiwalay — ngunit may dignidad, kapayapaan, at paggalang.