Kapatid ni Gela Alonte, bumwelta sa bashers; 'Mam5-tay kayo sa inis'

 Umani ng atensyon mula sa mga netizens ang mga kontrobersyal na post mula sa isang TikTok account na gumagamit ng pangalan ni Gelo, na sinasabing kapatid ng social media influencer na si Gela Alonte.

Si Gela ay kilala sa online world bilang isa sa mga aktibong personalidad sa social media. Bukod sa kanyang impluwensya, siya rin ay anak ng kasalukuyang alkalde ng Biñan City, si Mayor Angelo Alonte. Hindi lamang doon nagtatapos ang kanyang pagiging tampok sa publiko dahil siya rin ang girlfriend ng dating Pinoy Big Brother: Celebrity Collab Edition 4th Big Placer na si River Joseph. Dahil dito, hindi nakapagtataka na maraming mata ang nakatutok sa bawat galaw at isyung inuugnay sa kanya at maging sa kanyang pamilya.

Sa naging pagsilip namin sa TikTok account ni Gelo, malinaw na makikita roon ang sunod-sunod na mga post na tila direktang sagot sa mga basher ng kanilang pamilya. Karamihan sa mga content ay may mga text captions na naglalaman ng mga matitinding pahayag laban sa mga kritiko.

Isa sa mga pinakatampok na video ang may kasamang caption na nagsasabing:

“Pilit mong sisirain ‘yong tao kasi nakikita mo sa kaniya ‘yong buhay na gusto mo, sobrang pait talagang lunukin ng inggit no?”

Mapapansin sa naturang linya ang pagbibigay-diin na ang ugat ng mga batikos na natatanggap nila ay hindi umano dahil sa katotohanan, kundi dala lamang ng inggit at pagkadismaya ng ibang tao.

Hindi pa doon nagtapos ang mga pasaring ni Gelo. Sa isa pang video, may kalakip itong mensaheng tumutukoy sa madalas na paratang ng mga netizen laban sa kanilang pamilya:

“Tapos paulit-ulit ‘yong word na ‘corrupt parents mo’ wala namang kasiguraduhan, mamatay kayo sa inis!!!”

Mula sa mga salitang ito, malinaw na ipinapakita ni Gelo ang kanyang pagkadismaya at inis sa mga paulit-ulit na akusasyon. Para sa kanya, wala umanong sapat na ebidensya ang mga akusasyong ibinabato laban sa kanilang pamilya, kaya’t hindi raw ito dapat paniwalaan.

Dahil sa mga post na ito, muling napunta sa spotlight si Gela at ang kanilang pamilya. Para sa ibang netizens, ang mga pahayag ni Gelo ay indikasyon na ramdam ng pamilya Alonte ang bigat ng mga negatibong komentong nakukuha nila online. May mga sumasang-ayon sa mga sinasabi niya, naniniwalang talagang madalas ay inggit lamang ang ugat ng pambabash sa social media. Ngunit may ilan ding hindi kumbinsido at sinabing normal lang na tanungin at kuwestyunin ang mga taong konektado sa politika, lalo na kung may kapangyarihan o impluwensya ang kanilang pamilya.

Ang mga ganitong palitan ng pahayag sa social media ay patunay lamang kung gaano kalakas ang impluwensya ng mga personalidad na may kaugnayan sa mga kilalang tao sa gobyerno at sa showbiz. Maging ang mga kapamilya nila ay hindi rin nakakaligtas sa mga puna at kritisismo ng publiko.

Sa kabila ng mga batikos, nananatiling aktibo si Gelo sa kanyang TikTok account, at patuloy na ipinapahayag ang kanyang saloobin laban sa mga negatibong komento. Para sa kanya, mas mabuting magsalita at ipagtanggol ang sarili kaysa manahimik at hayaang manaig ang mga maling paniniwala ng iba.