Jake Cuenca Walang Alam Na Pinalitan Na Siya Ni Chie Felomino

 Bagama’t wala pang opisyal na kumpirmasyon mula kina Jake Cuenca at Chie Filomeno, lumulutang na sa social media at ilang entertainment platforms ang mga espekulasyon tungkol sa tunay na dahilan ng umano’y paghihiwalay ng dalawa.

Sa isang episode ng Showbiz Updates na ipinalabas noong Linggo, Setyembre 28, ibinahagi ni Ogie Diaz ang umano'y impormasyon mula sa loob ng showbiz world. Ayon sa kanya, hindi raw totoong simpleng “soul-searching” ang dahilan ng paglayo ni Chie sa aktor. Sa halip, may lumalabas na balitang iniwan ni Chie si Jake para sa isang mas mayamang lalaki na mula sa Cebu.

Ayon kay Ogie, ang tsismis na ito ay una nang binanggit ng kilalang online personality na si Xian Gaza. Ipinunto rin niya na tila hindi raw alam ni Jake ang buong katotohanan sa likod ng pag-alis ni Chie. Ang sabi raw ni Chie sa aktor ay kailangan niyang maglaan ng oras para sa sarili, kaya’t humiling siya ng space mula sa kanilang relasyon.

“True pala ang ibinalita ng ating kumpareng si Xian [Gaza]. Pero wala raw kaalam-alam si Jake Cuenca. Ang paalam daw sa kaniya nitong si Chie ay hahanapin muna niya ang kaniyang sarili,” lahad ni Ogie.

 ““So ibinigay ni Jake Cuenca ‘yong space kay Chie,” kwento ni Ogie. 

Ngunit kalaunan ay lumutang ang balita na may ibang lalaki na umanong kasama si Chie — walang iba kundi si Matthew Lhuillier, diumano’y isang batang negosyante mula sa kilalang Lhuillier clan sa Cebu.

Dagdag pa ni Ogie, nakarating daw kay Jake ang balita tungkol sa pagkikita nina Chie at Matthew, na siyang naging dahilan kung bakit tila “tabla” na ang nararamdaman ng aktor — ibig sabihin, wala na raw lugar si Jake sa puso ng aktres.

Matatandaang naging maugong ang balitang tapos na ang relasyon nina Chie at Jake nang mapansin ng masusugid na tagasubaybay sa social media na hindi na naka-follow sa isa’t isa ang dalawa sa Instagram. Para sa maraming netizen, ito ay malinaw na senyales ng isyu o hidwaan sa kanilang relasyon. Ilang fans pa nga ang nagsabing bigla umano ang naging “cold treatment” ng isa sa kanila sa social media, kaya’t mas lalo pang lumakas ang mga haka-haka.

Sa kabila ng mga lumalabas na ulat at kuro-kuro, nananatiling tahimik sina Jake at Chie sa isyu. Wala pa ni isa sa kanila ang nagbibigay ng opisyal na pahayag upang linawin ang tunay na estado ng kanilang relasyon. Gayunpaman, patuloy ang pagtutok ng publiko at media sa kanila, lalo na’t naging open din sila noon sa kanilang sweetness at pagbabahagi ng moments sa social media.

Kung totoo man ang mga balitang kumakalat, marami ang nadismaya sa sinapit ng relasyon ng dalawa na minsan ding inakalang seryoso at matatag. Subalit gaya ng ibang relasyon sa mundo ng showbiz, hindi lahat ay umaabot sa happy ending — lalo na kapag may ibang salik gaya ng yaman, distansya, at career growth na pumapagitna.

Para sa ngayon, ang tanong ng marami: Kailan magsasalita sina Jake at Chie? At totoo nga bang third party ang dahilan — o may mas malalim pa itong pinagmulan?